Noruda foydali qazilmalarni oʻz ichiga olgan yer qaʼri uchastkalaridan foydalanish huquqini berish jarayonini yanada takomillashtirish chora-tadbirlari toʻgʻrisida (546-son)

01.07.2019

Oʻzbekiston Respublikasi Vazirlar Mahkamasining

qarori

Noruda foydali qazilmalarni oʻz ichiga olgan yer qaʼri uchastkalaridan foydalanish huquqiga litsenziyalar berish jarayonida shaffoflikni taʼminlash maqsadida Vazirlar Mahkamasi qaror qiladi:

1. Quyidagilar:

a) Oʻzbekiston Respublikasi Prezidentining “Noruda foydali qazilmalarni oʻz ichiga olgan yer qaʼri uchastkalaridan foydalanish samaradorligini oshirish boʻyicha qoʻshimcha chora-tadbirlar toʻgʻrisida” 2018-yil 26-dekabrdagi PQ-4078-son qaroriga muvofiq:

2019-yil 1-iyuldan Oʻzbekiston Respublikasi Davlat budjeti mablagʻlari hisobidan aniqlangan noruda foydali qazilmalar konlari;

2020-yil 1-yanvardan barcha noruda foydali qazilmalarni oʻz ichiga olgan barcha yer qaʼri uchastkalari boʻyicha foydalanish huquqi uchun litsenziyalar Oʻzbekiston Respublikasi Davlat geologiya va mineral resurslar qoʻmitasi tomonidan “E-IJRO AUKSION” elektron savdo maydonchasidagi elektron auksion yakunlari asosida 20 kundan oshmagan muddatda berilishi;

b) Oʻzbekiston Respublikasi Prezidentining “Suv obyektlarini muhofaza qilish tizimini yanada takomillashtirish chora-tadbirlari toʻgʻrisida” 2017-yil 25-sentabrdagi PQ-3286-son qaroriga muvofiq daryolar oʻzanlarida noruda foydali qazilmalarni qazib olish tasdiqlangan zaxiralar mavjudligi va suv rejimiga salbiy taʼsirga yoʻl qoʻymaslik sharti bilan noruda foydali qazilmalarni oʻz ichiga olgan yer qaʼri uchastkalaridan foydalanish huquqini beradigan litsenziyaga qatʼiy ravishda amalga oshirilishi belgilanganligi maʼlumot uchun qabul qilinsin.

2. Noruda foydali qazilmalarni oʻz ichiga olgan yer qaʼri uchastkalaridan foydalanish huquqini olish uchun “E-IJRO AUKSION” elektron savdo maydonchasida elektron auksionni oʻtkazish hamda ushbu uchastkalardan foydalanish huquqiga litsenziyalar berish tartibi toʻgʻrisidagi Nizom ilovaga muvofiq tasdiqlansin.

3. Oʻzbekiston Respublikasi Vazirlar Mahkamasining “Noruda foydali qazilmalarni oʻz ichiga olgan yer qaʼri uchastkalaridan foydalanish huquqiga litsenziyalar berish tartibini takomillashtirish toʻgʻrisida” 2018-yil 12-iyundagi 443-son qarori 2020-yil 1-yanvardan oʻz kuchini yoʻqotgan deb hisoblansin.

4. Mazkur qarorning bajarilishini nazorat qilish Oʻzbekiston Respublikasi Davlat geologiya va mineral resurslar qoʻmitasi raisi B.F. Islamov zimmasiga hamda Vazirlar Mahkamasining Yoqilgʻi-energetika sohasi va sanoatning bazaviy tarmoqlarini rivojlantirish masalalari kotibiyatiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2019-yil 1-iyul,

546-son

Vazirlar Mahkamasining 2019-yil 1-iyuldagi 546-sonli qaroriga ILOVA

Noruda foydali qazilmalarni oʻz ichiga olgan yer qaʼri uchastkalaridan foydalanish huquqini olish uchun “E-IJRO AUKSION” elektron savdo maydonchasida elektron auksionni oʻtkazish hamda ushbu uchastkalardan foydalanish huquqiga litsenziyalar berish tartibi toʻgʻrisida

NIZOM

1-bob. Umumiy qoidalar

1. Ushbu Nizom noruda foydali qazilmalarni oʻz ichiga olgan yer qaʼri uchastkalaridan foydalanish huquqini olish uchun “E-IJRO AUKSION” elektron savdo maydonchasida elektron auksionni oʻtkazish hamda ushbu uchastkalardan foydalanish huquqiga litsenziyalar berish tartibini belgilaydi.

2. Ushbu Nizomda quyidagi asosiy tushunchalar qoʻllaniladi:

noruda foydali qazilmalar — sanoatda va qurilishda tabiiy ravishda yoki xomashyo sifatida ishlatiladigan metall boʻlmagan foydali qazilmalar;

noruda foydali qazilmalarni oʻz ichiga olgan yer qaʼri uchastkalari — tarkibida noruda foydali qazilmalar mavjud boʻlgan va aniq geometrlangan chegaralarga ega yer qaʼri maydoni;

“E-IJRO AUKSION” yagona elektron savdo maydonchasi (keyingi oʻrinlarda savdo maydonchasi deb ataladi) — elektron onlayn-auksionlarni tashkil etish va oʻtkazish uchun zarur boʻlgan axborotni kiritish, saqlash va qayta ishlash, shuningdek, manfaatdor shaxslarning auksionlar jarayonlaridan operator veb-portali orqali bevosita foydalanish imkoniyatini taʼminlaydigan axborot tizimi;

operator — Oʻzbekiston Respublikasi Davlat aktivlarini boshqarish agentligi tasarrufidagi “Elektron onlayn-auksionlarni tashkil etish markazi” davlat unitar korxonasi;

elektron onlayn-auksion (keyingi oʻrinlarda auksion deb ataladi) — salohiyatli xaridorlarga teng imkoniyat yaratgan holda Internet tarmogʻidagi “E-IJRO AUKSION” yagona elektron savdo maydonchasida noruda foydali qazilmalarni oʻz ichiga olgan yer qaʼri uchastkalari sotiladigan auksion shaklidagi elektron savdo usuli;

elektron buyurtma (keyingi oʻrinlarda buyurtma deb ataladi) — noruda foydali qazilmalarni oʻz ichiga olgan yer qaʼri uchastkalaridan foydalanish huquqiga litsenziyalarni auksionda realizatsiya qilish boʻyicha auksion tashkil qilish haqida Oʻzbekiston Respublikasi Davlat geologiya va mineral resurslar qoʻmitasi (keyingi oʻrinlarda Davlat geologiya qoʻmitasi deb ataladi) tomonidan beriladigan elektron buyurtma;

auksion ishtirokchisi — auksionda ishtirok etish uchun elektron ariza bergan va unda ishtirok etishga qoʻyilgan yuridik shaxs;

auksion raqami — savdoda ishtirok etish uchun elektron ariza mavjud boʻlganda auksionda ishtirok etish uchun ishtirokchiga beriladigan raqam;

auksion obyekti — auksion natijalari asosida realizatsiya qilishga qoʻyiladigan yer qaʼri uchastkalaridan foydalanish huquqi;

kafolatlangan zakalat (keyingi oʻrinlarda zakalat deb yuritiladi) — elektron savdolarda ishtirok etish uchun talabgorlar tomonidan toʻlanadigan, boshlangʻich narxning 5 foizi qiymatidagi pul miqdori;

lot — auksionda realizatsiya qilinadigan, noruda foydali qazilmalarni oʻz ichiga olgan muayyan yer qaʼri uchastkasidan foydalanish huquqi;

“E-IJRO AUKSION” yagona elektron savdo maydonchasidagi texnik uzilish — ishtirokchilardan biriga auksionda ishtirok etishga imkon bermaydigan yoki operator xodimiga auksion oʻtkazilishiga xizmat koʻrsatishning texnik imkoniyatini taʼminlamaydigan elektron savdo maydonchasidagi texnik nosozliklar.

3. Noruda foydali qazilmalarni oʻz ichiga olgan yer qaʼri uchastkalaridan foydalanish huquqi litsenziya asosida:

geologik oʻrganish;

qazib olish;

texnogen mineral hosilalardan foydalanish uchun beriladi.

4. Litsenziyalar mazkur Nizomning 3-bandida belgilangan yer osti boyliklaridan foydalanishning har bir turi uchun alohida-alohida beriladi.

5. Litsenziyalar Davlat geologiya qoʻmitasi tomonidan beriladi.

2-bob. Noruda foydali qazilmalarni oʻz ichiga olgan yer qaʼri uchastkalaridan foydalanish huquqi uchun litsenziyalar

1-§. Geologik oʻrganish uchun yer qaʼri uchastkalaridan foydalanish huquqini beruvchi litsenziyalar

6. Geologik oʻrganish uchun yer qaʼri uchastkalaridan foydalanish huquqini beruvchi litsenziya tadbirkorlik tavakkalchiligi asosida (yer qaʼridan foydalanuvchilarning oʻz mablagʻlari hisobiga) noruda foydali qazilmalar konlarini izlash, baholash va qidirishga oid huquqni tasdiqlaydi.

Mineral-xomashyo bazasini rivojlantirish va qayta toʻldirish davlat dasturlari doirasida Oʻzbekiston Respublikasi Davlat budjeti va tashkilotlarning oʻz mablagʻlari hisobiga geologik oʻrganish uchun yer qaʼri uchastkalaridan foydalanish huquqi yuzaga kelishiga belgilangan tartibda tasdiqlangan yer qaʼrini geologik oʻrganishga doir loyiha-smeta hujjatlari asos hisoblanadi.

Noruda foydali qazilmalarni geologik oʻrganish bosqichida loyiha-smeta hujjatlarida asoslangan hamda noruda foydali qazilmalar zaxiralarini hisoblab chiqish va ularning sifatini baholash uchun yetarli hajmlarda tajriba (sinov) va tajriba-sanoat yoʻsinida qazib olish ishlarini oʻtkazish uchun yer qaʼri uchastkalaridan foydalanish huquqiga oid litsenziya olish talab qilinmaydi.

2-§. Noruda foydali qazilmalarni qazib olish uchun yer qaʼri uchastkalaridan foydalanish huquqiga oid litsenziya

7. Noruda foydali qazilmalarni qazib olish uchun yer qaʼri uchastkalaridan foydalanish huquqiga oid litsenziya, uning egasiga konni qazib olish, qazib olinayotgan mineral-xomashyoni qayta ishlash, shu jumladan agar litsenziya shartlarida boshqa holatlar nazarda tutilmagan boʻlsa, qazib olish jarayonida olingan mineral hosilalardan foydalanish (qayta ishlash) huquqini beradi.

Noruda foydali qazilmalarni qazib olish uchun yer qaʼri uchastkasidan foydalanish huquqiga oid litsenziya noruda foydali qazilmalarning zaxiralari qonun hujjatlarida belgilangan tartibda tasdiqlangan kon boʻyicha ularni qazib olish uchun beriladi.

8. Yer qaʼri uchastkalaridan foydalanish huquqiga oid litsenziyani konning alohida uchastkasidagi noruda foydali qazilmalarni qazib olish uchun berilishiga ruxsat etiladi, agar ushbu holat konni qazib olishning texnik-iqtisodiy koʻrsatkichlarini yomonlashtirmasa va konning qolgan qismlari (uchastkalari)ni oʻzlashtirishga toʻsqinlik qilmasa.

9. Bitta konni bir nechta yer qaʼridan foydalanuvchilar tomonidan qazib olish uchun yer qaʼri uchastkalaridan foydalanish huquqiga oid litsenziyalar berilishiga yoʻl qoʻyiladi. Bunda konni qazib olish Davlat geologiya qoʻmitasi huzuridagi Kon-geologiya faoliyatini nazorat qilish inspeksiyasi va Oʻzbekiston Respublikasi Ekologiya va atrof-muhit muhofaza qilish davlat qoʻmitasi (keyingi oʻrinlarda Davlat ekologiya qoʻmitasi deb ataladi) bilan kelishilgan, yer qaʼridan oqilona foydalanishni va atrof muhitni muhofaza qilinishini taʼminlovchi qazib olish tizimida amalga oshirilishi kerak.

10. Yer qaʼri uchastkalaridan foydalanish huquqi uchun bir necha litsenziyalarning bir vaqtning oʻzida bitta yer qaʼridan foydalanuvchiga berilishiga yoʻl qoʻyiladi, shu jumladan oʻzaro yaqin joylashgan noruda foydali qazilmalar konlarini qazib olish uchun, agar bajarilgan texnik-iqtisodiy hisob-kitoblarga koʻra ularni faqat birgalikda bir yer qaʼridan foydalanuvchi tomonidan qazib olish rentabelli boʻlsa.

11. Bir vaqtning oʻzida noruda foydali qazilmalarning turli konlarini, ayrim turdagi qurilish va boshqa materiallar va buyumlarni ishlab chiqarish uchun zarur komponent sifatidagi mineral-xomashyo qazib olishga oid yer qaʼri uchastkalaridan foydalanish huquqi uchun bir necha litsenziyalar bitta yer qaʼridan foydalanuvchiga berilishi mumkin.

12. Noruda foydali qazilmalarni qazib olish uchun yer qaʼri uchastkalaridan foydalanish huquqini beruvchi litsenziya egasi, unga berilgan kon ajratmasi doirasida qoʻshimcha litsenziyasiz yer qaʼrini geologik oʻrganishga doir ishlarni, ularni Davlat geologiya qoʻmitasining Davlat geologiya fondida hisobiga qoʻyish sharti bilan olib borish huquqiga ega.

3-§. Texnogen mineral hosilalardan foydalanish uchun yer qaʼri uchastkalaridan foydalanish huquqiga oid litsenziya

13. Texnogen mineral hosilalardan foydalanish uchun yer qaʼri uchastkalaridan foydalanish huquqiga oid litsenziya, oʻz egasining kon qazib chiqarish va qayta ishlash korxonalarining tarkibida noruda foydali komponentlari mavjud chiqindilarini qayta ishlash ishlarini amalga oshirish huquqini tasdiqlaydi.

Noruda foydali qazilmalarni qazib olish va mineral-xomashyoni qayta ishlash jarayonida olingan texnogen mineral hosilalarga egalik huquqi noruda foydali qazilmalarni qazib olish uchun yer qaʼri uchastkasidan foydalanish huquqiga oid litsenziyaga muvofiq litsenziya egasida yer qaʼri uchastkasidan foydalanish muddati mobaynida saqlab qolinadi. Bunday holda texnogen mineral hosilalardan foydalanish (qayta ishlash)ga litsenziya olish talab qilinmaydi.

14. Texnogen mineral hosilalardan foydalanishga oid yer qaʼri uchastkalaridan foydalanish huquqi uchun litsenziya, yer qaʼridan foydalanuvchi balansida hisobda turmaydigan yoki texnogen mineral hosilalar sotilgan yoki belgilangan tartibda boshqa yer qaʼridan foydalanuvchiga topshirilgan holda, kon qazib chiqarish va qayta ishlash korxonalarining chiqindilarini qayta ishlash uchun beriladi.

3-bob. Noruda foydali qazilmalarni oʻz ichiga olgan yer qaʼri uchastkalaridan foydalanish shartlari

15. Yer qaʼridan foydalanish litsenziyada nazarda tutilgan shartlarga muvofiq amalga oshiriladi.

16. Noruda foydali qazilmalarni oʻz ichiga olgan yer qaʼri uchastkalaridan foydalanishning asosiy shartlariga yer qaʼridan foydalanish turlaridan kelib chiqqan holda Oʻzbekiston Respublikasining “Yer osti boyliklari toʻgʻrisida”gi Qonuni bilan belgilangan shartlar kiradi.

Noruda foydali qazilmalarni oʻz ichiga olgan yer qaʼri uchastkalaridan foydalanishning namunaviy shartlari Davlat geologiya qoʻmitasi va uni hududiy boʻlinmalarining rasmiy veb-saytlarida joylashtiriladi, shuningdek zarurat boʻlganda belgilangan tartibda ommaviy axborot vositalarida ham eʼlon qilinishi mumkin.

17. Noruda foydali qazilmalarni oʻz ichiga olgan yer qaʼri uchastkalaridan foydalanish shartlarida geologik oʻrganish uchun quyidagilar nazarda tutiladi:

yer qaʼrini geologik oʻrganish boʻyicha yiriklashtirilgan texnik-iqtisodiy hisob-kitoblarni ishlab chiqish va Davlat geologiya qoʻmitasiga topshirish muddati;

atrof muhitga taʼsiri toʻgʻrisida ariza loyihasiga Davlat ekologiya ekspertizasi tomonidan beriladigan ijobiy xulosani Davlat geologiya qoʻmitasiga topshirish muddati;

kon inshootlari va quduqlarni aholi hayoti va salomatligi, atrof muhit xavfsizligini taʼminlaydigan holatga keltirish (rekultivatsiya qilish), shuningdek foydalanishga yaroqsiz kon inshootlari va quduqlarni tugatish tartibi;

noruda foydali qazilmalar zaxiralarini tasdiqlash uchun materiallarni Davlat geologiya qoʻmitasi huzuridagi foydali qazilmalar zaxiralari boʻyicha Davlat komissiyasiga topshirish tartibi va muddatlari;

yer qaʼri uchastkalaridan foydalanish huquqining cheklanishi, toʻxtatib qoʻyilishi yoki muddatidan oldin bekor qilinishi mumkin boʻlgan shart-sharoitlar.

18. Yer qaʼri uchastkalaridan noruda foydali qazilmalarni qazib olish shartlarida quyidagilar nazarda tutiladi:

foydali qazilmalarni qazib olish boʻyicha texnik-iqtisodiy asoslarni ishlab chiqish va Davlat geologiya qoʻmitasiga topshirish muddati;

atrof muhitga taʼsiri toʻgʻrisida ariza loyihasiga Davlat ekologiya ekspertizasi tomonidan beriladigan ijobiy xulosani Davlat geologiya qoʻmitasiga topshirish muddati;

texnik loyihalar va kon ishlarini rivojlantirish rejalarini, zaxiralarni qazib olish va kon maydoni (uchastkalar)da qulayliklar yaratish loyihalarini tuzish tartibi va muddatlari;

qazib olingan foydali qazilmaga egalik qilish huquqi;

yer qaʼridan foydalanganlik uchun toʻlovlarni toʻlash shartlari;

zarur malakali mutaxassislarga ega boʻlish;

yer qaʼridan foydalanuvchining ijtimoiy majburiyatlari (mahalliy aholi uchun ish joylarini tashkil qilish, kerakli malakali mutaxassislarni jalb qilish va xodimlarni kasbga tayyorlash);

texnik va texnologik imkoniyatlar, shuningdek, belgilangan tartibda shartnoma asosida jalb qilinadigan texnika va asbob-uskunalar mavjudligi;

bir yil ichida yer qaʼri uchastkasidan foydalanishning boshlanish muddatlari;

yangi ish oʻrinlarini yaratish majburiyatlari;

texnogen mineral hosilalarni saqlash va qayta ishlash shartlari;

yer qaʼridan foydalanuvchining investitsiya majburiyatlari;

yer qaʼri uchastkalaridan foydalanishning cheklanishi, toʻxtatib qoʻyilishi yoki muddatidan oldin bekor qilinishi mumkin boʻlgan shart-sharoitlar.

19. Texnogen mineral hosilalardan foydalanish uchun yer qaʼri uchastkalaridan foydalanish shartlarida quyidagilar nazarda tutiladi:

texnogen mineral hosilalardan foydalanish boʻyicha texnik-iqtisodiy asoslarni ishlab chiqish va Davlat geologiya qoʻmitasiga topshirish muddati;

atrof muhitga taʼsiri toʻgʻrisida ariza loyihasiga Davlat ekologiya ekspertizasi tomonidan beriladigan ijobiy xulosani Davlat geologiya qoʻmitasiga topshirish muddati;

texnik loyihalar va kon ishlarini rivojlantirish rejalarini, texnogen mineral hosilalar (konlar) zaxiralarini qazib olish va kon maydoni (uchastkalar)da qulayliklar yaratish loyihalarini tuzish tartibi va muddatlari;

qazib olingan foydali qazilmaga egalik qilish huquqi;

zarur malakali mutaxassislarga ega boʻlish;

yer qaʼridan foydalanuvchining ijtimoiy majburiyatlari (mahalliy aholi uchun ish joylarini tashkil qilish, xodimlarni kasb boʻyicha tayyorlash va zarur malakali mutaxassislarni jalb qilish);

texnogen mineral hosilalarni saqlash va qayta ishlash shartlari;

yer qaʼri uchastkalaridan foydalanishning cheklanishi, toʻxtatib qoʻyilishi yoki muddatidan oldin bekor qilinishi mumkin boʻlgan shart-sharoitlar.

20. Oʻzbekiston Respublikasi “Yer osti boyliklari toʻgʻrisida”gi Qonunining 29-moddasi bilan belgilangan hollarda Davlat geologiya qoʻmitasi noruda foydali qazilmalarni qazib olish uchun yer qaʼridan foydalanish shartlariga oʻzgartirishlar kiritishi mumkin.

21. Mineral-xomashyo va uni qayta ishlash mahsulotlari konyunkturasining oʻzgarishi, yaʼni noruda foydali qazilmalarni qazib olish iqtisodiy jihatdan maqsadga muvofiq emasligi sababli, shuningdek litsenziya berilgan vaqtdagiga nisbatan keskin farq qiluvchi vaziyat yuzaga kelgan hollarda yer qaʼridan foydalanuvchi soʻroviga muvofiq ham yer qaʼri uchastkalaridan foydalanish shartlari qayta koʻrib chiqilishi mumkin.

Litsenziya egasi noruda foydali qazilmalarni qazib olishni vaqtincha toʻxtatishi, bu haqda oltmish kun oldin Davlat geologiya qoʻmitasiga yozma tarzda maʼlum qilgan holda, belgilangan tartibda kon inshootlarini va yer osti boyliklaridan foydalanish bilan bogʻliq infratuzilma obyektlarini konservatsiya qilishi mumkin. Konservatsiya qilish muddati litsenziyaning umumiy amal qilish muddatiga kiradi.

4-bob. Noruda foydali qazilmalarni oʻz ichiga olgan yer qaʼridan foydalanish muddatlari

22. Geologik oʻrganish, noruda foydali qazilmalarni qazib olish va texnogen mineral hosilalardan foydalanish uchun yer qaʼri uchastkalari quyidagilar uchun belgilangan muddatlarga beriladi:

geologik oʻrganish uchun — besh yilgacha;

foydali qazilmalarni qazib olish va texnogen mineral hosilalardan foydalanish uchun — foydali qazilmalarni yoki texnogen mineral hosilalarni qazib olish boʻyicha texnik-iqtisodiy asoslar bilan belgilangan muddatga.

23. Yer qaʼridan foydalanish muddatlari litsenziyada koʻrsatiladi va u berilgan kundan boshlab hisoblanadi.

24. Yer qaʼridan foydalanish tugagunga qadar kamida olti oy oldin yer qaʼridan foydalanuvchi tomonidan Davlat geologiya qoʻmitasiga yoʻllangan buyurtma boʻyicha yer qaʼridan foydalanuvchi tomonidan litsenziyada belgilangan shartlar bajarilgan taqdirda va yer qaʼrini geologik oʻrganishga doir ishlarni yakunlash, shuningdek foydali qazilma konlarini qazib olish, texnogen mineral hosilalardan foydalanish yoki foydali qazilmalarni qazib olish boʻyicha korxonalarni tugatish yoki konservatsiyalash boʻyicha ishlarni amalga oshirish zarur boʻlgan hollarda yer qaʼridan foydalanish muddatlari uzaytirilishi mumkin.

Yer qaʼridan foydalanish muddatlarini uzaytirish yoki uni rad etish toʻgʻrisidagi qaror Davlat geologiya qoʻmitasi tomonidan buyurtma tushgan kundan boshlab yigirma kun ichida qabul qilinadi.

5-bob. Noruda foydali qazilmalarni oʻz ichiga olgan yer qaʼri uchastkalaridan foydalanish huquqiga litsenziyalar berishning umumiy shartlari

25. Noruda foydali qazilmalarni oʻz ichiga olgan yer qaʼri uchastkalaridan foydalanish huquqiga litsenziyalar “E-IJRO AUKSION” yagona elektron savdo maydonchasida oʻtkaziladigan auksionlar orqali 1-ilovada keltirilgan sxemaga muvofiq beriladi, mazkur Nizomning 26- va 27-bandlarida keltirilgan holatlar bundan mustasno.

26. Davlat geologiya qoʻmitasining investitsiya loyihalari boʻyicha hamda Davlat geologiya qoʻmitasi, “Oʻzsanoatqurilishmateriallari” uyushmasi va mahalliy ijro hokimiyati organlari bilan tuzilgan uch tomonlama kelishuvga muvofiq noruda foydali qazilmalarni oʻz ichiga olgan yer qaʼri uchastkalaridan foydalanish huquqiga litsenziyalar toʻgʻridan toʻgʻri muzokaralar asosida berilishi mumkin.

Uch tomonlama kelishuvlar:

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklarining investitsiyalar jalb qilinishi maqsadida loyihaning hudud uchun yuqori darajada ahamiyatliligi;

“Oʻzsanoatqurilishmateriallari” uyushmasining ishlab chiqarish loyihasi doirasida moʻljallanayotgan quvvatlar, texnologik parametrlar va chuqur qayta ishlash darajasi;

Davlat geologiya qoʻmitasining loyihani Oʻzbekiston Respublikasi Prezidentining hududlarga tashriflari vaqtidagi topshiriqlari, Oʻzbekiston Respublikasi Prezidenti Administratsiyasining topshiriqlari, xorijiy davlatlar bilan kelishuvlar doirasida tasdiqlangan “yoʻl xaritalari”, Hukumat qarorlari va bayonnomalarini hisobga olgan holda amalga oshirish maqsadga muvofiqligi boʻyicha xulosalarini inobatga olgan holda tuziladi.

Uch tomonlama kelishuvlar loyihalarini tayyorlash, kelishish va jamlash Davlat geologiya qoʻmitasiga yuklatiladi.

Alohida hollarda, auksionga qoʻyilgan noruda foydali qazilmalarni oʻz ichiga olgan yer qaʼri uchastkasi boʻyicha toʻgʻridan toʻgʻri muzokaralar tashabbus qilinganda, u Davlat geologiya qoʻmitasining qaroriga asosan auksiondan chiqarilishi mumkin.

27. Yer qaʼrini geologik oʻrganishga oid ishlarni moliyalashtirgan yer qaʼridan foydalanuvchilar aniqlangan kon boʻyicha foydali qazilmalar zaxiralari belgilangan tartibda tasdiqlangan sanadan boshlab bir yil mobaynida ular tomonidan aniqlangan konda noruda foydali qazilmalarni qazib olish huquqiga litsenziyalar olish uchun mutlaq huquqqa ega boʻladilar.

Noruda foydali qazilmalarni qazib olish uchun yer qaʼri uchastkalaridan foydalanish huquqiga litsenziya toʻgʻridan toʻgʻri muzokaralar asosida, auksion oʻtkazilmasdan yer qaʼrini geologik oʻrganishga doir (toʻliq yoki qisman, noruda foydali qazilmalar zaxiralarini hisoblash va tasdiqlash bilan bogʻliq) ishlarni moliyalashtirgan shaxsning buyurtmasi boʻyicha beriladi, buyurtmaga moliyalashtirish manbai koʻrsatilgan holda konni qidirish boʻyicha ishlarning moliyalashtirilganligini tasdiqlovchi hujjatlar ilova qilinishi lozim.

Yer qaʼrini geologik oʻrganish ishlarini oʻz mablagʻlari hisobidan olib borgan shaxs u tomonidan qidirilgan konda noruda foydali qazilmalarni qazib olish huquqidan voz kechilgan holda kon mazkur Nizomda nazarda tutilgan tartibda savdo maydonchasida oʻtkaziladigan auksionlar orqali boshqa shaxsga berilishi mumkin, bunda voz kechgan shaxsga u tomonidan sarflangan xarajatlar, shu jumladan yer qaʼri toʻgʻrisidagi geologik va boshqa maʼlumotlar qiymati qoplanadi.

28. Yer qaʼrini geologik oʻrganishga doir ishlarni moliyalashtirgan yer qaʼridan foydalanuvchida ushbu Nizomning 27-bandida nazarda tutilgan mutlaq huquq muddati tugagandan soʻng, u auksionda qatnashganda oʻzi tomonidan aniqlangan konda foydali qazilmalarni qazib olish uchun litsenziya olishda ushbu Nizomning 66-bandida nazarda tutilgan imtiyozli huquqi saqlab qolinadi.

6-bob. Noruda foydali qazilmalarni oʻz ichiga olgan yer qaʼri uchastkalaridan foydalanish huquqiga litsenziyalar berish uchun “E-IJRO AUKSION” elektron savdo maydonchasida auksionni oʻtkazish tartibi

29. Elektron savdo maydonchasida auksion orqali realizatsiya qilinadigan noruda foydali qazilmalarni oʻz ichiga olgan yer qaʼri uchastkalari roʻyxati Davlat geologiya qoʻmitasi tomonidan Qoraqalpogʻiston Respublikasi Vazirlar Kengashi va viloyatlar hokimliklari bilan kelishilgan holda shakllantiriladi va har yili 1-fevralgacha tasdiqlanadi.

30. Davlat geologiya qoʻmitasi noruda foydali qazilmalarni oʻz ichiga olgan yer qaʼri uchastkalari roʻyxatini tasdiqlaganidan soʻng besh kun mobaynida auksionda realizatsiya qilish uchun har bir yer qaʼri uchastkasi boʻyicha tegishli maʼlumotlar tayyorlanishini taʼminlaydi va bir kun mobaynida yer qaʼri uchastkasidan foydalanish huquqini auksionga qoʻyish toʻgʻrisida qaror qabul qiladi.

Tasdiqlangan roʻyxatga kirmagan noruda foydali qazilmalarni oʻz ichiga olgan yer qaʼri uchastkalari boʻyicha litsenziya berishga ariza kelib tushgan hollarda Davlat geologiya qoʻmitasi Qoraqalpogʻiston Respublikasi Vazirlar Kengashi va tegishli viloyatlar hokimliklari bilan birgalikda oʻrganib chiqadi va oʻn besh kun mobaynida auksion savdolari orqali realizatsiya qilinadigan yer qaʼri uchastkalari roʻyxatiga kiritish yoki rad etish toʻgʻrisida qaror qabul qiladi.

31. Noruda foydali qazilmalarni oʻz ichiga olgan yer qaʼri uchastkasidan foydalanish huquqini auksionga qoʻyish toʻgʻrisidagi qarorda quyidagilar koʻrsatiladi:

noruda foydali qazilmalarni oʻz ichiga olgan yer qaʼri uchastkasining nomi (yoki raqami) va joylashgan joyi (geografik koordinatali nuqtalari, “Google xarita” dasturida geolokatsiyasi bilan);

noruda foydali qazilmalarni oʻz ichiga olgan yer qaʼri uchastkasidan foydalanish maqsadi;

noruda foydali qazilmalarni oʻz ichiga olgan yer qaʼri uchastkasi joylashgan joyning fotosurati (15x20 sm);

noruda foydali qazilmalarni oʻz ichiga olgan yer qaʼri uchastkasining maydoni (gektarda);

savdoga qoʻyilayotgan noruda foydali qazilmalarni oʻz ichiga olgan yer qaʼri uchastkalaridan foydalanish huquqining boshlangʻich narxi;

yer qaʼri uchastkasidan foydalanish namunaviy shartlari.

32. Davlat geologiya qoʻmitasi 31-bandda keltirilgan tegishli maʼlumotlar tayyorlangandan soʻng ikki kun mobaynida operatorga ushbu Nizomning 2-ilovasida keltirilgan shaklga muvofiq yer qaʼri uchastkalaridan foydalanish huquqini realizatsiya qilish boʻyicha auksion tashkil qilish haqidagi elektron buyurtmani taqdim qiladi.

33. Ushbu Nizomning 31-bandida koʻrsatilgan hujjatlar toʻplami Davlat geologiya qoʻmitasi tomonidan yetarli darajada rasmiylashtirilmagan yoki toʻliq boʻlmagan holda taqdim etilgan holda operator tomonidan yer qaʼri uchastkalaridan foydalanish huquqini realizatsiya qilish boʻyicha auksion tashkil qilish haqidagi elektron buyurtmani qabul qilish rad etiladi.

Mazkur holatda operator buyurtmani olingandan keyingi kundan kechiktirmasdan buyurtmani mavjud kamchiliklarni koʻrsatilgan holda ularni bartaraf etish uchun Davlat geologiya qoʻmitasiga qaytaradi.

Davlat geologiya qoʻmitasi uch kun mobaynida operator tomonidan koʻrsatilgan kamchiliklarni bartaraf etadi va ushbu Nizomning 31-bandi talablariga muvofiq buyurtmani takroran operatorga yuboradi.

34. Operator ilova qilingan hujjatlar bilan takroran taqdim etilgan buyurtmani olgandan keyingi ish kunidan kechiktirmay auksionni oʻtkazish haqidagi xabarnomani oʻzining veb-portaliga joylashtiradi.

35. Davlat geologiya qoʻmitasi talabgorlarni auksionda ishtirok etishga keng jalb qilishga doir choralarni koʻradi, shu jumladan, olingan hujjatlar va axborotni auksionda ishtirok etish uchun buyurtma joylashtiriladigan veb-portal manzilini koʻrsatgan holda oʻz rasmiy veb-saytida joylashtiradi.

7-bob. Auksionni tashkil qilish va oʻtkazish

1-§. Auksionni tashkil qilish va oʻtkazishning umumiy shartlari

36. Noruda foydali qazilmalarni oʻz ichiga olgan yer uchastkalaridan foydalanish huquqi Davlat geologiya qoʻmitasi tomonidan berilgan buyurtmalar boʻyicha operator tomonidan auksionga qoʻyiladi.

Ushbu Nizomga muvofiq, noruda foydali qazilmalarni oʻz ichiga olgan yer uchastkalaridan foydalanish huquqini auksionga qoʻyish har bir yer qaʼri uchastkasi boʻyicha alohida amalga oshiriladi.

Operator tomonidan operator va Davlat geologiya qoʻmitasi oʻrtasida tuzilgan shartnomaga muvofiq auksionni tashkil etish boʻyicha xizmatlar koʻrsatiladi.

37. Noruda foydali qazilmalarni oʻz ichiga olgan yer qaʼridan foydalanish huquqini realizatsiya qilish boʻyicha auksion savdolari faqat savdo maydonchasida elektron shaklida oʻtkaziladi.

Auksion arizalarni qabul qilish va ishtirok etishni tashkil etish, shuningdek gʻoliblarni aniqlash jarayonlariga Internet tarmogʻi orqali aralashish imkoniyatini cheklovchi maxsus dasturiy mahsulotdan foydalangan holda oʻtkaziladi.

38. Auksionni oʻtkazish toʻgʻrisidagi xabarnomani va lot haqidagi axborot auksion boshlanishidan avval oʻn ish kunidan kechiktirmasdan operatorning veb-portalida joylashtiriladi.

39. Auksionlarda elektron raqamli imzo bilan tasdiqlangan elektron arizalarni taqdim etish va zakalat pulini kiritish orqali ishtirok etiladi.

40. Auksion narxlarni oshirib borish prinsipi boʻyicha oʻtkaziladi.

41. Noruda foydali qazilmalarni oʻz ichiga olgan yer qaʼri uchastkalaridan foydalanish huquqi auksionga buyurtmada koʻrsatilgan boshlangʻich narx boʻyicha qoʻyiladi.

Belgilangan tartibda auksion oʻtkazilmagan deb eʼtirof etilgan taqdirda, yer qaʼridan foydalanish huquqi auksionga takroran boshlangʻich narxda qoʻyiladi.

42. Auksionni tashkil etish boʻyicha xizmatlar uchun operator auksion gʻolibidan shartnomada belgilangan miqdorda haq oladi, bunda olinadigan summa auksion obyekti boshlangʻich qiymati summasining bir foizidan oshmasligi lozim.

Auksion savdolari oʻtkazilmagan deb topilgan taqdirda, auksionni tashkil etish boʻyicha xizmatlarga haq olinmaydi.

2-§. Auksionni oʻtkazish toʻgʻrisidagi xabarnomani joylashtirish

43. Operator Davlat geologiya qoʻmitasi buyurtmalari asosida oʻz veb-portalida auksion oʻtkazilishi toʻgʻrisidagi xabarnomani joylashtiradi.

44. Xabarnoma quyidagi maʼlumotlarni oʻz ichiga olishi zarur:

a) auksion oʻtkaziladigan sana, shu jumladan boshlanish va tugashining aniq vaqti;

b) lot raqami va nomi;

v) auksionda ishtirok etish uchun arizalar qabul qilishning oxirgi sanasi va vaqti;

g) noruda foydali qazilmalarni oʻz ichiga olgan yer qaʼri uchastkasidan foydalanish huquqini amalga oshirish joyi va muddati;

d) yer qaʼri uchastkalaridan noruda foydali qazilmalarni qazib olishning minimal shartlari;

e) noruda foydali qazilmalarni oʻz ichiga olgan yer qaʼri uchastkasidan foydalanish huquqini berishdan belgilangan maqsad;

yo) noruda foydali qazilmalarni oʻz ichiga olgan yer qaʼri uchastkasi joylashgan joyning fotosurati (15x20 sm).

j) auksion obyektining boshlangʻich narxi;

z) noruda foydali qazilmalarni oʻz ichiga olgan yer qaʼri uchastkasining joylashgan joyi (geografik koordinatali nuqtalari, “Google xarita” dasturida geolokatsiyasi);

i) zakalat pulining boshlangʻich narxdan foiz koʻrinishida va qatʼiy summada ifodalangan miqdori, zakalat puli oʻtkazilishi lozim boʻlgan operatorning bank rekvizitlari;

k) Davlat geologiya qoʻmitasining manzili va telefon raqami.

45. Operatorning veb-portalida yuridik shaxslarga xabarnomaning batafsil tarkibi va lot boʻyicha maʼlumotlar, shuningdek ushbu Nizomning 31-bandida koʻrsatilgan hujjatlar bilan erkin tanishish imkoniyati taʼminlanishi lozim.

Operatorning veb-portalida auksionni oʻtkazish qoidalari bilan tanishish imkoniyati yaratiladi.

Operator ommaviy axborot vositalaridan foydalanish orqali va boshqa usullarda tadbirkorlik subyektlarini auksionlarda ishtirok etish tartibi haqida muntazam tanishtirib boradi.

3-§. Auksionda ishtirok etish shartlari

46. Auksionda ishtirok etish uchun arizalar xabarnoma joylashtirilgan kundan boshlab operatorning veb-portalida avtomatik tarzda qabul qilinadi.

47. Talabgorlar xabarnoma joylashtirilgan kundan boshlab sakkiz kun mobaynida auksionda ishtirok etish uchun elektron shaklda arizalarni topshiradi hamda elektron arizada qayd etilgan lot raqami va nomi boʻyicha elektron savdolar ochilgan kuni bir kun mobaynida auksionda qatnashadi.

Arizani qabul qilish auksionni oʻtkazish kunidan ikki kun oldin soat 13-00 da yakunlanadi.

Arizalarni qabul qilish uchun belgilangan muddat oʻtgandan keyin tushgan arizalar qabul qilinmaydi.

48. Auksion ishtirokchilarning arizalarini qabul qilish quyidagi tartibda amalga oshiriladi:

arizalar ushbu Nizomning 3-ilovasida keltirilgan shaklga muvofiq elektron koʻrinishda kiritiladi;

ariza beruvchi veb-portaldan ishtirokchi sifatida roʻyxatdan oʻtadi hamda avtomatik tarzda unga shaxsiy kabinet va shaxsiy hisob varagʻi ochiladi;

ishtirokchi oʻzi tomonidan tanlangan lotning zakalat pulidan kam boʻlmagan miqdorda shaxsiy hisob varagʻini toʻldiradi va ariza yuboradi. Zakalat puli ishtirokchining shaxsiy hisob varagʻidan avtomatik tarzda yechib olinadi.

Agar ishtirokchining shaxsiy hisob varagʻidagi pul mablagʻi yetarli boʻlmasa, uning arizasi qabul qilinmaydi.

Auksion ishtirokchisi arizasini chaqirib olish imkoniyatiga ega.

49. Yer qaʼri uchastkasidan foydalanish huquqi uchun auksionda ishtirok etish uchun zakalat puli auksion obyekti boshlangʻich narxining 5 foizi miqdorida belgilanadi va operatorning bank hisob raqamiga oʻtkaziladi.

50. Auksionda ishtirok etish uchun ariza chaqirib olingan hollarda operator toʻlangan zakalat pulini ariza chaqirib olingan zahoti avtomatik tarzda auksion ishtirokchisining hisob varagʻiga qaytaradi.

Auksion ishtirokchisiga zakalat puli qaytarilganda bank hisob raqami notoʻgʻri koʻrsatilganligi yoki boshqa sabablarga koʻra toʻlov operatorning bank hisob raqamiga qaytib tushgan holatda operator auksion ishtirokchisini bu haqda ogohlantiradi va aniq bank maʼlumotlari berishni soʻraydi. Bu holatda, zakalat puli auksion ishtirokchisi tomonidan aniq bank maʼlumotlari berilgan kundan keyingi ish kunidan kechiktirmasdan qaytariladi.

51. Ishtirokchilar arizalari avtomatik tarzda tekshiriladi.

Auksion ishtirokchilariga ular auksionda ishtirok etishda foydalanish uchun shaxsiy tartib raqamlari beriladi.

52. Ariza va unga ilova qilingan hujjatlar belgilangan talablarga muvofiq toʻldirilgan va yuborilgan, shuningdek zakalat puli shaxsiy hisob raqamidan toʻliq tushgandan keyin avtomatik tarzda qabul qilinadi.

53. Ariza va unga ilova qilingan hujjat belgilangan talablarga muvofiq toʻldirilmagan va joʻnatilmagan, zakalat puli operatorning bank hisob raqamiga toʻlanmagan yoki toʻliq toʻlanmagan hollarda ariza avtomatik tarzda rad qilinadi va bu haqda ishtirokchining elektron pochtasiga bildirishnoma yuboriladi.

54. Auksion ishtirokchisi xabarnomada koʻrsatilgan vaqt yakunlanguniga qadar auksionda ishtirok etishga arizani undagi kamchiliklarni bartaraf qilgan holda takroran yuborishga haqli.

55. Operator arizalar va unga ilova qilingan hujjatlarning saqlanishini, shuningdek ularning sir tutilishini taʼminlaydi.

Arizalarni qabul qilish davrida, shuningdek auksionni oʻtkazish davrida operatorning veb-portalida auksion ishtirokchilari haqidagi maʼlumotlarning aks ettirilishiga yoʻl qoʻyilmaydi.

4-§. Auksionda ishtirok etish tartibi

56. Auksion operatorning veb-portalidagi xabarnomada koʻrsatilgan kunda va vaqtda boshlanadi.

57. Auksion ikki va undan ortiq ishtirokchi qatnashganda oʻtkaziladi.

58. Tegishli lot boʻyicha auksion boshlangach, veb-portalda auksion boshlangani haqidagi maʼlumot avtomatik tarzda yangilanadi.

59. Auksion ish kuni mobaynida 9-00 dan 18-00 gacha oʻtkaziladi.

60. Noruda foydali qazilmalarni oʻz ichiga olgan yer qaʼri uchastkalaridan foydalanish huquqini savdoga qoʻyishning boshlangʻich narxi Oʻzbekiston Respublikasi hududida belgilangan bazaviy hisoblash miqdorining 36 barobari miqdorida belgilanadi.

61. Auksion bosqichi auksion obyekti boshlangʻich narxining 5 foizdan kam boʻlmagan miqdorida belgilanadi.

62. Auksion uning ishtirokchilaridan lotni boshlangʻich narxdan bitta bosqichga oshirilgan narxda sotib olish boʻyicha taklifni tasdiqlashni soʻrashdan boshlanadi.

63. Agar taklif berilgandan keyin 10 daqiqa davomida auksion ishtirokchilaridan biri belgilangan bosqichga oshirilgan lot narxini tasdiqlasa, keyingi taklifni tasdiqlash uchun vaqt yana 10 daqiqaga uzaytiriladi.

64. Agar tasdiqlangan oxirgi taklifdan soʻng 10 daqiqa davomida keyingi oshirilgan lot narxi boʻyicha taklif auksion ishtirokchilarining birontasi tomonidan tasdiqlanmasa, auksion uning natijalari haqidagi bayonnomani avtomatik tarzda shakllantirgan holda yakunlanadi. Lot narxi boʻyicha taklifni oxirgi tasdiqlagan ishtirokchi auksion gʻolibiga aylanadi.

65. Agar lot narxini oshirish boʻyicha taklifni oxirgi tasdiqlagan auksion ishtirokchisi taklifini auksion oʻtkazish vaqti yakunlanishiga 10 daqiqadan kam qolganda amalga oshirgan boʻlsa, auksionni oʻtkazish vaqti oxirgi taklif tasdiqlangan paytdan boshlab keyingi 10 daqiqaga uzaytiriladi. Keyingi har bir taklif auksion oʻtkazish vaqtini 10 daqiqadan uzaytirib boradi. Biroq, bunda auksion oʻtkazish vaqti 3 soatdan ortiq boʻlmagan muddatga uzaytirilishi mumkin va auksion soat 21-00 ga qadar yakunlanishi lozim. Lot narxi boʻyicha oxirgi taklifni soat 21-00 ga qadar bildirgan ishtirokchi auksion gʻolibi deb topiladi.

66. Yer qaʼrini geologik oʻrganishga doir ishlarni moliyalashtirgan auksion ishtirokchisiga u tomonidan qidirilgan kondan foydali qazilmalarni qazib olishga litsenziya olish uchun berilgan mutlaq huquq muddati tugagandan soʻng, kon auksionga qoʻyiladi va ushbu kondan foydalanish huquqi realizatsiya qilinayotgan auksion jarayonida ushbu auksion ishtirokchisining litsenziya olishga imtiyozli huquqi saqlab qolinadi.

Bunda, auksion ishtirokchisi tomonidan yer qaʼrini geologik oʻrganishga doir ishlarni moliyalashtirish manbalari koʻrsatilgan holda moliyalashtirish asoslarini tasdiqlovchi hujjatlar taqdim etilishi lozim. Auksion jarayonida u tomonidan taklif etilgan narxga yer qaʼrini geologik jihatdan oʻrganishga doir ishlarni moliyalashtirish uchun sarflangan xarajatlar qoʻshib hisoblanadi va auksion gʻolibini aniqlashda eʼtiborga olinadi.

67. Savdo maydonchasida auksionni oʻtkazishga toʻsqinlik qiladigan texnik uzilish sodir boʻlgan hollarda auksion oʻtkazish sanasi va vaqti haqida auksion ishtirokchilariga xabar berilgan holda auksion texnik uzilish bartaraf qilingan kundan keyingi kunda davom ettiriladi.

68. Auksion yakunlangandan keyin veb-portalda auksion yakunlangani va uning natijalari haqidagi maʼlumot avtomatik tarzda yangilanadi.

Auksion yakunlanganda operatorning veb-portalida quyidagi maʼlumotlar aks ettiriladi:

lotning boshlangʻich narxi;

oxirgi va oxirgidan oldin tasdiqlangan takliflar (oxirgi va oxirgidan oldingi bosqichlarni hisobga olgan holda auksion ishtirokchilari tomonidan tasdiqlangan takliflar boʻyicha shakllangan narxlar);

auksion gʻolibi va oxirgidan oldingi taklifni tasdiqlagan auksion ishtirokchisi haqidagi tegishli maʼlumotlar.

69. Auksion quyidagi hollarda oʻtkazilmagan deb hisoblanadi:

auksionda ishtirok etish uchun birorta ham ariza tushmagan boʻlsa;

auksionda ishtirok etish uchun birorta ham ishtirokchi qatnashmagan boʻlsa;

auksion ishtirokchilari tomonidan birorta ham taklif tasdiqlanmasa;

auksionda ishtirok etish uchun faqat bir nafar ishtirokchi qoʻyilgan boʻlsa;

ushbu Nizomda belgilangan tartibda aniqlangan auksion gʻolibi va oxirgidan oldingi taklifni tasdiqlagan ishtirokchi tomonidan auksion obyekti qiymatining 100 foizi belgilangan muddatda toʻliq toʻlanmasa.

70. Auksion oʻtkazilmagan deb hisoblanganda:

operatorning veb-portalida avtomatik tarzda bu haqda uning sabablari, shuningdek lotning boshlangʻich narxi haqida maʼlumot aks ettiriladi;

yer uchastkasidan foydalanish huquqi ushbu Nizomning 43 — 70-bandlarida nazarda tutilgan tartibda oʻtkaziladigan auksionga avtomatik tarzda qayta qoʻyiladi.

71. Noruda foydali qazilmalarni oʻz ichiga olgan yer uchastkasidan foydalanish huquqi ushbu Nizomning 69-bandida nazarda tutilgan asoslarga koʻra realizatsiya qilinmasa, auksion obyekti boshlangʻich narxda takroriy auksionlarga qoʻyiladi. Takroriy auksionlar auksion obyekti realizatsiya qilingunga qadar joriy yil davomida oʻtkaziladi.

Auksion takroran oʻtkazilmagan deb topilgan taqdirda, operator Davlat geologiya qoʻmitasini bu haqda elektron xat bilan xabardor qiladi hamda auksion obyektini savdodan oladi.

5-§. Auksion natijalari boʻyicha hisob-kitob qilish va auksion natijalari toʻgʻrisidagi bayonnomani rasmiylashtirish tartibi

72. Auksion gʻolibi auksion yakunlangan kundan boshlab besh kundan kechiktirmay auksionda sotilgan yer qaʼri uchastkasining qiymatini operatorning hisob raqamiga toʻliq toʻlab berishi lozim.

Auksion gʻolibi noruda foydali qazilmalarni oʻz ichiga olgan yer qaʼri uchastkasining qiymatini shaxsiy hisob varagʻidan toʻlashni tasdiqlaydi.

Bunda ushbu auksion obyekti boʻyicha avval toʻlangan zakalat puli auksion obyektining 100 foiz qiymatiga qoʻshib hisoblanadi.

Gʻolib tomonidan auksion obyektining 100 foiz qiymati toʻliq toʻlangandan soʻng operator bir kun davomida:

auksionni tashkil etish boʻyicha xizmatlar haqini ushlab qolgan holda auksion obyektini realizatsiya qilishdan tushgan mablagʻlarni Davlat geologiya qoʻmitasining buyurtmasida koʻrsatilgan tegishli gʻazna hisobvaragʻiga oʻtkazadi;

maxsus blankada auksion natijalari haqidagi bayonnomani rasmiylashtiradi va uni muhr bilan tasdiqlaydi.

73. Auksion natijalari haqidagi bayonnomada quyidagi maʼlumotlar koʻrsatiladi:

a) auksion oʻtkazilgan sana;

b) Davlat geologiya qoʻmitasining noruda foydali qazilmalarni oʻz ichiga olgan yer uchastkalaridan foydalanish huquqini auksionga qoʻyish uchun bergan buyurtmasi;

v) lot raqami;

g) auksion obyektining boshlangʻich narxi;

d) auksion obyektining sotilgan narxi;

e) auksion gʻolibining nomi va rekvizitlari;

yo) auksion obyekti, shu jumladan:

noruda foydali qazilmalarni oʻz ichiga olgan yer qaʼri uchastkasining nomi (raqami), u joylashgan joyi;

noruda foydali qazilmalarni oʻz ichiga olgan yer qaʼri uchastkasidan foydalanishni amalga oshirishning belgilangan maqsadi.

74. Operator bir kun mobaynida oʻtkazilgan auksion natijalari haqidagi bayonnomani auksion gʻolibining shaxsiy kabinetiga va Davlat geologiya qoʻmitasiga taqdim etadi hamda axborotni oʻz veb-portalida joylashtiradi.

Operator tomonidan Davlat geologiya qoʻmitasiga auksion gʻolibi toʻgʻrisida qoʻshimcha maʼlumotlar (yuridik shaxsning davlat roʻyxatidan oʻtkazilgan hujjat boʻyicha toʻliq nomi va STIR raqami, korxona rahbarining pasporti nusxasi), yillik qazib olinadigan noruda foydali qazilmalar miqdori taqdim etiladi.

Davlat geologiya qoʻmitasi “E-XAT” elektron pochtasi orqali bayonnoma nusxasini noruda foydali qazilmalarni oʻz ichiga olgan yer qaʼri uchastkasi joylashgan tuman (shahar) hokimligiga joʻnatadi.

75. Agar auksion natijalariga koʻra auksion gʻolibi uch kun ichida noruda foydali qazilmalarni oʻz ichiga olgan yer qaʼri uchastkasidan foydalanish huquqini sotib olishdan bosh tortsa, operator keyingi ish kunidan kechiktirmay oxirgidan oldingi taklifni bildirgan auksion ishtirokchisiga u auksion davomida taklif etgan narxda noruda foydali qazilmalarni oʻz ichiga olgan yer qaʼri uchastkasidan foydalanish huquqini sotib olishini taklif qiladi.

Agar oxirgidan oldingi taklifni bildirgan auksion ishtirokchisi uch kun ichida noruda foydali qazilmalarni oʻz ichiga olgan yer qaʼri uchastkasidan foydalanish huquqini sotib olishga rozilik bildirsa, u ushbu Nizomning 72- va 73-bandlarida belgilangan tartibda auksion natijalari haqidagi bayonnoma rasmiylashtirilishi bilan auksion gʻolibi deb eʼtirof etiladi.

76. Auksion natijalari haqidagi bayonnoma quyidagilar uchun asos hisoblanadi:

auksion gʻolibiga tegishli yer qaʼri uchastkasi boʻyicha geologik va boshqa maʼlumotlar toʻplamini berish;

Davlat geologiya qoʻmitasiga — auksion gʻolibiga tegishli litsenziya rasmiylashtirish;

tegishli tuman (shahar) hokimligiga — auksion gʻolibiga yer uchastkasini ajratish haqidagi qarorni qabul qilish.

77. Auksion gʻolibi uch kunlik muddatda noruda foydali qazilmalarni oʻz ichiga olgan yer qaʼri uchastkasidan foydalanish shartlarini imzolaydi.

Agar, auksion gʻolibi oʻttiz kun ichida yer qaʼri uchastkasidan foydalanish shartlarini imzolamasa, auksion gʻolibi maqomi bekor qilinadi va yer qaʼri uchastkasi mazkur Nizomda belgilangan tartibda qaytadan auksionga qoʻyiladi.

78. Litsenziya, auksion gʻolibi tomonidan yer qaʼri uchastkasidan foydalanish shartlarini imzolagandan boshlab ikki kun muddatda rasmiylashtiriladi va beriladi.

79. Auksion gʻolibi — yer qaʼri uchastkasidan foydalanish huquqiga onlayn-auksion natijalari boʻyicha litsenziya rasmiylashtirilgan yer qaʼridan foydalanuvchi tomonidan 4 oy ichida tegishli yer qaʼri uchastkasi boʻyicha quyidagi hujjatlar toʻplami Davlat geologiya qoʻmitasiga taqdim etiladi:

yiriklashtirilgan texnik-iqtisodiy hisob-kitoblar — litsenziya yer qaʼri uchastkasini geologik oʻrganish uchun berilganda;

texnik-iqtisodiy asoslar — litsenziya noruda foydali qazilmalarni qazib olish va texnogen mineral hosilalardan foydalanish uchun berilganda;

davlat ekologiya ekspertizasining vakolatli organi tomonidan atrof-muhitga taʼsir toʻgʻrisidagi ariza loyihasiga berilgan ijobiy xulosa.

80. Yiriklashtirilgan texnik-iqtisodiy hisob-kitoblar hamda texnik-iqtisodiy asoslar loyihalari Davlat geologiya qoʻmitasi va “Oʻzsanoatqurilishmateriallari” uyushmasi bilan birgalikda tasdiqlangan uslubiy qoʻllanmaga muvofiq tayyorlanadi.

81. Davlat geologiya qoʻmitasi oʻn kunlik muddatda taqdim etilgan hujjatlar toʻplamini oʻrganib chiqadi hamda oʻrganish natijasi boʻyicha yer qaʼridan foydalanuvchiga yozma tarzda maʼlum qiladi.

Taqdim etilgan hujjatlar boʻyicha kamchiliklar aniqlangan xollarda tegishli yer qaʼridan foydalanuvchilar oʻn ish kunida kamchiliklarni bartaraf etishlari va Davlat geologiya qoʻmitasiga taqdim etishlari lozim.

Kamchiliklarni koʻrsatilgan muddatda bartaraf etmaslik va Davlat geologiya qoʻmitasiga taqdim etmaslik rasmiylashtirilgan litsenziya va yer qaʼri uchastkasini ajratish haqidagi qaror bekor qilinishiga asos boʻlishi mumkin.

82. Litsenziya rasmiylashtirilgan yer qaʼridan foydalanuvchi tomonidan 4 oy ichida ushbu Nizomning 79-bandida koʻrsatilgan hujjatlar toʻplami Davlat geologiya qoʻmitasiga topshirilmagan holda, rasmiylashtirilgan litsenziya va yer uchastkasini ajratish haqidagi qaror bekor qilinadi.

6-§. Zakalat pulini qaytarish tartibi va shartlari

83. Ushbu Nizomning 84 va 85-bandlarida koʻrsatilgan holatlardan tashqari, qoidaga koʻra, auksion yakunlanganidan yoki oʻtkazilmagan deb eʼtirof etilganidan soʻng zakalat puli quyidagilarga qaytariladi:

oxirgidan oldingi taklifni bildirgan auksion ishtirokchisiga — auksion yakunlangan kundan boshlab oʻn ikki ish kuni mobaynida;

auksionda ishtirok etishga qoʻyilgan yagona ishtirokchiga — xabarnomada koʻrsatilgan auksion oʻtkazish kunidan boshlab olti ish kuni mobaynida;

boshqa ishtirokchilarga — auksion yakunlangan yoki oʻtkazilmagan deb eʼtirof etilganidan kundan boshlab uch ish kuni mobaynida.

Bunda zakalat puli auksion ishtirokchisining arizasiga asosan aynan shu lot boʻyicha takroriy auksionda qatnashish uchun operatorning bank hisob raqamida qoldirilishi mumkin.

84. Auksion gʻolibiga zakalat puli qaytarilmaydi va u auksion obyektining sotilgan qiymati tarkibida hisoblanadi.

85. Auksion obyektining qiymatini mazkur Nizomning 72 va 75-bandlarida belgilangan tartibda toʻliq toʻlamagan auksion ishtiroklariga zakalat puli qaytarilmaydi va operatorning tasarrufida qoladi.

8-bob. Yer qaʼri uchastkasidan foydalanish huquqini realizatsiya qilishdan tushadigan mablagʻlarni yoʻnaltirish

86. Operator tomonidan noruda foydali qazilmalarni oʻz ichiga olgan yer qaʼri uchastkasidan foydalanish huquqini “E-IJRO AUKSION” elektron savdo maydonchasida realizatsiya qilishdan olingan pul mablagʻlari va ushlab qolingan zakalat summasi auksionni tashkil qilish xizmatlari uchun toʻlov summalari chegirilgan holda Davlat geologiya qoʻmitasining tegishli gʻazna hisobvaragʻiga oʻtkaziladi.

Bunda, Davlat geologiya qoʻmitasining tegishli gʻazna hisobvaragʻiga tushgan mablagʻlar Davlat geologiya qoʻmitasining budjetdan tashqari jamgʻarmasi hamda noruda foydali qazilmalarni oʻz ichiga olgan yer qaʼri uchastkasi joylashgan tegishli tuman (shahar)lar mahalliy budjetlari oʻrtasida avtomatik tarzda teng ulushlarda taqsimlanadi.

9-bob. Toʻgʻridan-toʻgʻri muzokaralar asosida noruda foydali qazilmalarni oʻz ichiga olgan yer qaʼri uchastkalaridan foydalanish huquqi uchun litsenziya berish tartibi

87. Noruda foydali qazilmalarni oʻz ichiga olgan yer qaʼri uchastkalaridan foydalanish huquqiga toʻgʻridan toʻgʻri muzokaralar asosida litsenziya olish uchun ariza beruvchilarlarga soʻralayotgan yer qaʼri uchastkasi boʻyicha geologik va boshqa maʼlumotlar toʻplami Davlat geologiya qoʻmitasi tomonidan taqdim qilinadi.

Geologik va boshqa maʼlumotlar toʻplami soʻralayotgan yer qaʼri uchastkasining ariza beruvchi bilan kelishilgan chegaralarini, u boʻyicha yiriklashtirilgan texnik-iqtisodiy hisob-kitoblarni yoki texnik-iqtisodiy asoslarni ishlab chiqish uchun yetarli boʻladigan hajmdagi kon-texnik, texnologik va boshqa maʼlumotlarni oʻz ichiga olgan boʻlishi zarur.

88. Noruda foydali qazilmalarni oʻz ichiga olgan yer qaʼri uchastkalaridan foydalanish huquqiga litsenziya olish uchun ariza beruvchilar buyurtmani ushbu Nizomning 89-bandiga muvofiq zarur hujjatlarni ilova qilgan holda noruda foydali qazilmalarni oʻz ichiga olgan yer qaʼri uchastkalaridan foydalanish uchun litsenziya olishga buyurtmalar topshirish elektron tizimida yoki Davlat geologiya qoʻmitasining hududiy boʻlinmalariga yozma tarzda topshiradilar.

Davlat geologiya qoʻmitasining hududiy boʻlinmalari toʻgʻrisidagi maʼlumotlar Davlat geologiya qoʻmitasining rasmiy veb-saytida joylashtiriladi, zarur hollarda belgilangan tartibda ommaviy axborot vositalarida chop etiladi.

Ariza beruvchilar noruda foydali qazilmalarni oʻz ichiga olgan yer qaʼri uchastkalaridan foydalanish huquqiga litsenziya olish uchun bevosita Davlat geologiya qoʻmitasiga buyurtma topshirish huquqiga egalar.

Noruda foydali qazilmalarni oʻz ichiga olgan yer qaʼri uchastkalaridan foydalanish huquqi uchun litsenziyalarni toʻgʻridan toʻgʻri muzokaralar asosida berish mazkur Nizomning 4-ilovasida keltirilgan sxemaga muvofiq amalga oshiriladi.

89. Noruda foydali qazilmalarni oʻz ichiga olgan yer qaʼri uchastkalaridan foydalanish huquqiga litsenziya olish uchun buyurtma topshiradi va unga quyidagilar ilova qilinadi:

davlat roʻyxatidan oʻtganligi toʻgʻrisidagi guvohnomaga muvofiq ariza beruvchining toʻliq nomi;

ariza beruvchining rahbarlari va mulk egalarining aloqa va pochta maʼlumotlari;

soʻralayotgan yer qaʼri uchastkasining nomi va yer qaʼridan foydalanishning nazarda tutilgan turi;

texnik va texnologik imkoniyatlar, shuningdek, belgilangan tartibda shartnoma asosida jalb qilinadigan texnika va asbob-uskunalar mavjudligi;

noruda foydali qazilmalarni oʻz ichiga olgan yer qaʼri uchastkalaridan foydalanish huquqiga litsenziyani toʻgʻridan toʻgʻri muzokaralar asosida olish uchun asos boʻladigan hujjatning nusxasi;

yiriklashtirilgan texnik-iqtisodiy hisob-kitoblar — yer qaʼri geologik oʻrganish uchun berilganda;

texnik-iqtisodiy asoslar — yer qaʼri noruda foydali qazilmalarni qazib olish va texnogen mineral hosilalardan foydalanish uchun berilganda;

davlat ekologiya ekspertizasi vakolatli organlari tomonidan atrof-muhitga taʼsiri toʻgʻrisida ariza loyihasiga berilgan ijobiy xulosa;

yer qaʼridan foydalanishning nazarda tutilgan turini amalga oshirish uchun tegishli yer uchastkasi ajratilganligi toʻgʻrisidagi hujjat;

ariza beruvchining yer qaʼri uchastkasidan foydalanish huquqiga litsenziya olishga oid buyurtmasini koʻrib chiqish uchun Oʻzbekiston Respublikasi hududida belgilangan bazaviy hisoblash miqdorining toʻrt barobar miqdoridagi toʻlovning Davlat geologiya qoʻmitasi hisobiga oʻtkazilganligini tasdiqlovchi hujjat.

Buyurtmani koʻrib chiqish uchun toʻlangan yigʻim summasi qaytarib berilmaydi.

90. Mazkur Nizomning 89-bandida keltirilgan hujjatlar toʻplami ariza beruvchi tomonidan toʻliq taqdim etilmagan holda noruda foydali qazilmalarni oʻz ichiga olgan yer qaʼri uchastkasidan foydalanish uchun buyurtmalarni qabul qilish rad etilishi mumkin.

Buyurtmani boshqa sabablar boʻyicha rad etilishiga yoʻl qoʻyilmaydi.

91. Davlat geologiya qoʻmitasining hududiy boʻlinmalari oʻn kunlik muddatda:

joylardagi mahalliy ijro hokimiyati organlari bilan birgalikda soʻralayotgan yer qaʼri uchastkasini, undan foydalanish imkoniyatlarini aniqlash uchun tekshirib chiqadilar;

global pozitsion tizim asboblarini qoʻllab burchak koordinatlarini aniqlagan holda yer qaʼri uchastkasining joylashish oʻrnini aniqlashtiradilar;

noruda foydali qazilmalar ruxsatsiz qazib olinganlik izlarining mavjud boʻlishi mumkinligini aniqlashtiradilar;

ariza beruvchining taqdim etilgan hujjatlaridagi texnik va texnologik imkoniyatlarini muvofiqligini hamda zarur malakali mutaxassislarga ega boʻlishini oʻrganadilar.

Olib borilgan ishlar natijalari boʻyicha Davlat geologiya qoʻmitasining hududiy boʻlinmalari tegishli maʼlumotlarni tayyorlaydi va buyurtma bilan birga Davlat geologiya qoʻmitasiga yuboradilar.

92. Noruda foydali qazilmalarni ruxsatsiz qazib olish hollari aniqlanganda, Davlat geologiya qoʻmitasining hududiy boʻlinmalari ularni oldini olish va aybdor shaxslarni Oʻzbekiston Respublikasi qonunlariga muvofiq javobgarlikka tortish boʻyicha tegishli choralarni koʻradilar.

93. Davlat geologiya qoʻmitasi besh kunlik muddatda buyurtmani va Davlat geologiya qoʻmitasi hududiy boʻlinmalarining tegishli maʼlumotlarini oʻrganib chiqadi hamda noruda foydali qazilmalarni oʻz ichiga olgan yer qaʼri uchastkasidan foydalanish huquqiga litsenziya berish yoki uni rad etish toʻgʻrisida qaror qabul qiladi.

94. Davlat geologiya qoʻmitasi noruda foydali qazilmalarni oʻz ichiga olgan yer qaʼri uchastkasidan foydalanish huquqiga litsenziya berish toʻgʻrisida qaror qabul qilinganidan soʻng bir kunlik muddatda, yer qaʼri uchastkasidan foydalanish shartlari imzolangan muddatni koʻrsatgan holda ariza beruvchiga yozma tarzda maʼlum qiladi.

95. Ariza beruvchi uch kunlik muddatda yer qaʼri uchastkasidan foydalanish shartlarini imzolaydi.

Agar, ariza beruvchi oʻttiz kun ichida yer qaʼri uchastkasidan foydalanish shartlarini imzolamasa, Davlat geologiya qoʻmitasi noruda foydali qazilmalarni oʻz ichiga olgan yer qaʼri uchastkasidan foydalanish huquqiga litsenziya berishni rad qilish toʻgʻrisida qaror qabul qilish huquqiga ega.

96. Litsenziya, ariza beruvchi tomonidan yer qaʼri uchastkasidan foydalanish shartlarini imzolagan kundan boshlab bir kun muddatda rasmiylashtiriladi va beriladi.

Yiriklashtirilgan texnik-iqtisodiy hisobotlar va (yoki) texnik-iqtisodiy asoslar tegishli yer qaʼri uchastkalaridan foydalanish shartlariga kiritilishi shart.

97. Noruda foydali qazilmalarni oʻz ichiga olgan yer qaʼri uchastkasidan foydalanish huquqiga litsenziyalarni berish quyidagi hollarda rad qilinishi mumkin, agar:

ariza beruvchi oʻz haqida yolgʻon yoki notoʻgʻri maʼlumotlar bersa;

ariza beruvchi ishlarni samarali bajarish uchun malakali mutaxassislar, zarur moliya va texnik vositalarning mavjudligini tasdiqlovchi maʼlumotlarni taqdim etmasa;

geologik va boshqa maʼlumotlarni olmasdan turib texnik hujjatlar ishlab chiqilgan boʻlsa;

soʻralayotgan yer qaʼri uchastkasining chegaralari geologik va boshqa maʼlumotlar toʻplamida koʻrsatilgan chegaralarga mos kelmasa;

yer qaʼri uchastkalaridan foydalanishga doir ish olib borish uslubiyoti geologiya-qidiruv ishlarini olib borish yoki yer qaʼri uchastkalarini oqilona oʻzlashtirishning belgilangan talablariga mos kelmasa;

qazib olinayotgan xomashyo tannarxi notoʻgʻri hisoblangan boʻlsa.

Boshqa sabablar boʻyicha noruda foydali qazilmalarni oʻz ichiga olgan yer qaʼri uchastkasidan foydalanish huquqiga litsenziyalar berishning rad qilinishiga yoʻl qoʻyilmaydi.

Noruda foydali qazilmalarni oʻz ichiga olgan yer qaʼri uchastkalaridan foydalanish huquqiga litsenziyalar berishning rad qilinishiga rozi boʻlmaslik holatida, ariza beruvchilar rad etilishi yuzasidan qonun bilan belgilangan tartibda shikoyat qilish huquqiga egalar.

98. Noruda foydali qazilmalarni oʻz ichiga olgan yer qaʼri uchastkalaridan foydalanish huquqiga litsenziyalar berishning rad qilinishi haqida qaror qabul qilinganda, Davlat geologiya qoʻmitasi bir kunlik muddatda ariza beruvchiga va buyurtmani qabul qilgan Davlat geologiya qoʻmitasining hududiy boʻlinmasiga axborot tizimi orqali yozma va elektron shaklda rad etilish sabablari hamda ariza beruvchi tomonidan koʻrsatib oʻtilgan sabablarni bartaraf etish va qayta koʻrib chiqish uchun hujjatlarni topshirishi mumkin boʻlgan muddatlar koʻrsatilgan xabarnomani yoʻllaydi.

99. Ariza beruvchi tomonidan noruda foydali qazilmalarni oʻz ichiga olgan yer qaʼri uchastkalaridan foydalanish huquqi uchun litsenziyalar berishning rad qilinish sabablari belgilangan muddatlarda bartaraf etilganda, rad qilinish sabablari bartaraf etilganligi toʻgʻrisidagi maʼlumot olingan kundan boshlab oʻn ish kunidan oshmagan muddatda hujjatlarni qayta koʻrib chiqish ishlari amalga oshiriladi.

Hujjatlarni qayta koʻrib chiqish uchun toʻlov undirilmaydi.

10-bob. Yer qaʼri uchastkalaridan foydalanish huquqi uchun litsenziyalar berish, davlat roʻyxatidan oʻtish va davlat hisobiga olish va rasmiylashtirish tartibi

100. Noruda foydali qazilmalarni oʻz ichiga olgan yer qaʼri uchastkalaridan foydalanish huquqiga litsenziya Davlat geologiya qoʻmitasi raisi tomonidan imzolanadi.

101. Litsenziya Davlat geologiya qoʻmitasi buyurtmasi boʻyicha ushbu Nizomning 5-ilovasida keltirilgan shaklda “Davlat belgisi” DIChB tomonidan bosmaxona usulida tayyorlangan maxsus blankalarda rasmiylashtiriladi.

Litsenziya blankalari hisobga olish seriyasi, tartib raqami, himoya qilish darajasiga ega qatʼiy hisobot beriladigan hujjat hisoblanadi va qonun hujjatlarida belgilangan tartibda Davlat geologiya qoʻmitasida saqlanadi. Litsenziyaning ajralmas qismi boʻlgan quyidagi matnli, grafik shakldagi va boshqa qoʻshimchalar ilova qilinadi:

foydalanishga berilgan yer qaʼri uchastkasi maydonining dastlabki parametrlari;

foydalanishga berilgan yer qaʼri uchastkasini tavsiflovchi grafik materiallar;

yer qaʼri uchastkasidan foydalanish shartlari.

102. Noruda foydali qazilmalarni oʻz ichiga olgan yer qaʼri uchastkasidan geologik oʻrganish uchun foydalanish huquqiga oid litsenziya yer qaʼridan foydalanuvchiga kerakli yer uchastkasi ajratilishi uchun asos hisoblanadi.

Noruda foydali qazilmalarni oʻz ichiga olgan yer qaʼri uchastkalaridan foydalanish huquqiga oid litsenziyalarga muvofiq Davlat geologiya qoʻmitasi huzuridagi Kon-geologiya faoliyati nazorat qilish inspeksiyasi tomonidan berilgan kon ajratish dalolatnomalari noruda foydali qazilmalarni qazib olish va texnogen hosilalardan foydalanish uchun yer qaʼridan foydalanuvchiga zarur yer uchastkasini ajratilishiga asos hisoblanadi.

Mahalliy ijro hokimiyati organlari tomonidan tegishli yer uchastkalari yer qaʼridan foydalanuvchining murojaatiga koʻra oʻn ish kundan oshmagan muddatda belgilangan tartibda ochiq savdolarsiz, toʻgʻridan toʻgʻri, noruda foydali qazilmalarni oʻz ichiga olgan yer qaʼri uchastkalaridan foydalanish huquqiga litsenziyaning amal qilish muddati va yer qaʼri uchastkasining chegaralariga muvofiq ajratib beriladi.

Noruda foydali qazilmalari yer uchastkalarining chegaralarini joyida belgilash ishlari Yer resurslari, geodeziya, kartografiya va davlat kadastri davlat qoʻmitasi hamda Davlat geologiya qoʻmitasi huzuridagi Kon-geologiya faoliyatini nazorat qilish inspeksiyasining hududlardagi boʻlinmalari tomonidan bir vaqtning oʻzida yer qaʼridan foydalanuvchi ishtirokida amalga oshiriladi.

103. Noruda foydali qazilmalarni oʻz ichiga olgan yer qaʼri uchastkasidan foydalanish huquqini amalga oshirish uni davlat roʻyxatidan oʻtkazilgandan soʻng amalga oshiriladi. Yer qaʼri uchastkasidan foydalanish huquqini davlat roʻyxatiga olish Davlat geologiya qoʻmitasi tomonidan amalga oshiriladi.

104. Noruda foydali qazilmalarni oʻz ichiga olgan yer qaʼri uchastkasidan foydalanish huquqini davlat roʻyxatiga olish reyestrga tegishli qaydlarni kiritish yoʻli bilan amalga oshiriladi.

105. Har bir reyestrda quyidagilar koʻrsatilgan boʻlishi kerak:

yer qaʼridan foydalanuvchi toʻgʻrisidagi asosiy maʼlumotlar (nomi, tashkiliy-huquqiy shakli, soliq toʻlovchining identifikatsiya raqami, pochta manzili, telefon va faks raqamlari);

foydalanishga berilgan yer qaʼri uchastkasi nomi;

yer qaʼri uchastkasidan foydalanish turi va maqsadi;

yer qaʼridan foydalanish va litsenziyaning amal qilish muddati;

litsenziyaning qayta rasmiylashtirishga asos va uning sanasi;

yer qaʼri uchastkasidan foydalanish huquqini cheklash, toʻxtatish yoki tugatish asosi va sanasi.

106. Noruda foydali qazilmalarni oʻz ichiga olgan yer qaʼri uchastkasidan foydalanish huquqiga litsenziya reyestriga kiritilgan maʼlumotlar, qonun hujjatlarida belgilangan tartibda yuridik va jismoniy shaxslarga tanishib chiqish uchun berilishi mumkin.

107. Noruda foydali qazilmalarni oʻz ichiga olgan yer qaʼri uchastkasidan foydalanish huquqi uchun litsenziya reyestridagi maʼlumotlari berilganligi uchun yer qaʼridan foydalanadigan bir foydalanuvchiga nisbatan Oʻzbekiston Respublikasi hududida belgilangan bazaviy hisoblash miqdorining ellik foizi miqdoridagi toʻlov undiriladi.

Noruda foydali qazilmalarni oʻz ichiga olgan yer qaʼri uchastkalaridan foydalanish huquqiga litsenziya reyestridagi maʼlumotlar mahalliy ijro hokimiyati organlari va davlat boshqaruv organlariga bepul beriladi.

108. Reyestrdan maʼlumotlarni taqdim etilishi uchun toʻlov miqdori Davlat geologiya qoʻmitasining gʻazna hisobvaragʻiga oʻtkaziladi.

109. Foydalanishga berilgan tegishli yer qaʼri uchastkasidan foydalanish huquqi davlat hisobiga olinishi shart.

110. Foydalanishga berilgan noruda foydali qazilmalarni oʻz ichiga olgan yer qaʼri uchastkalarini davlat hisobiga olish Davlat geologiya qoʻmitasining Davlat geologiya fondi tomonidan, noruda foydali qazilmalarni oʻz ichiga olgan yer qaʼri uchastkalaridan foydalanish huquqini davlat roʻyxatdan oʻtkazilishiga oid materiallar olingan kundan boshlab oʻn kun muddatda amalga oshiriladi.

11-bob. Noruda foydali qazilmalarni oʻz ichiga olgan yer qaʼri uchastkalaridan foydalanish huquqini cheklash, toʻxtatib turish va tugatish

111. Noruda foydali qazilmalarni oʻz ichiga olgan yer qaʼri uchastkalaridan foydalanish huquqi Oʻzbekiston Respublikasi “Yer osti boyliklari toʻgʻrisida”gi Qonunining 34-moddasida nazarda tutilgan hollarda cheklanishi, toʻxtatib qoʻyilishi yoki muddatidan oldin bekor qilinishi mumkin.

112. Noruda foydali qazilmalarni oʻz ichiga olgan yer qaʼri uchastkalaridan foydalanish huquqini cheklash, toʻxtatib qoʻyilishi yer qaʼrini geologik oʻrganish, undan foydalanish va muhofaza qilish yuzasidan davlat nazorat organlari tomonidan qonun hujjatlarida belgilangan tartibda amalga oshiriladi.

Noruda foydali qazilmalarni oʻz ichiga olgan yer qaʼri uchastkalaridan foydalanish huquqini muddatidan oldin bekor qilish Davlat geologiya qoʻmitasi tomonidan, shu jumladan boshqa davlat nazorati organlarining taqdimnomalari asosida amalga oshiriladi.

113. Noruda foydali qazilmalarni oʻz ichiga olgan yer qaʼri uchastkalaridan foydalanish huquqining cheklanishi yuzaga kelgan xavf-xatarlarni oldini olish yoki yer qaʼridan foydalanishda yoʻl qoʻyilgan talablar va shartlar, ishlarni olib borish meʼyorlari va qoidalari bartaraf etilguncha butun uchastkada yoki uning bir qismida ishlarning maʼlum turlarini 3 oydan oshmagan muddatga cheklanishiga olib keladi.

114. Noruda foydali qazilmalarni oʻz ichiga olgan yer qaʼri uchastkalaridan foydalanish huquqini toʻxtatilishi yer qaʼri uchastkalaridan foydalanish bilan bogʻliq boʻlgan barcha turdagi ishlarni toʻxtatib qoʻyilish sabablari bartaraf etilgunga qadar olti oydan oshmaydigan muddatga amalga oshirish taqiqlanishiga olib keladi, bunda togʻ-kon inshootlari xavfsizligini taʼminlash, qurilishlarni, inshootlar va uskunalarni odamlar va atrof-muhit uchun xavfsiz saqlab turishga oid ishlar bundan mustasno.

115. Noruda foydali qazilmalarni oʻz ichiga olgan yer qaʼri uchastkalaridan foydalanish huquqi quyidagi holatlarda muddatidan oldin bekor qilinishi mumkin:

yer qaʼridan foydalanuvchi bir yil ichida yer qaʼri uchastkasidan foydalanishni boshlamagan;

yer qaʼri foydalanuvchi tomonidan yer qaʼri uchastkasidan foydalanishning asosiy shartlarini buzilishi, ekologiya talablariga rioya qilish, rejalashtirilgan ishlab chiqarish hajmini taʼminlash, investitsiya va ijtimoiy majburiyatlarni bajarish);

yer qaʼri uchastkalaridan foydalanish bilan bogʻliq ishlarning taʼsir zonasida aholi hayoti va sogʻligʻiga, atrof-muhitga xavf-xatarning mavjudligi;

yer qaʼridan foydalanish uchun toʻlovlarni muntazam toʻlamaslik;

Oʻzbekiston Respublikasi “Yer osti boyliklari toʻgʻrisida”gi Qonunining 33, 36, 37, 40 va 401-moddalarida nazarda tutilgan qoidalariga rioya qilmaslik;

agar, yoʻl qoʻyilgan qoidabuzarliklar tizimli tavsifga ega boʻlsa yoki ushbu yer qaʼri uchastkasidan foydalanish huquqiga ilgari cheklov va (yoki) toʻxtatilish qoʻllangan boʻlsa.

Yer qaʼridan foydalanuvchilarga berilgan litsenziyalarning amal qilish muddati tugaganda yoki muddatidan oldin bekor qilinganda Davlat geologiya qoʻmitasi bu haqda uch kun muddatda Davlat soliq qoʻmitasi, Davlat ekologiya qoʻmitasi hamda tegishli mahalliy ijro hokimiyati organlarini yozma xabardor qiladi.

Noruda foydali qazilmalarni oʻz ichiga olgan yer qaʼri uchastkalaridan foydalanish huquqi uchun litsenziyaning amal qilish muddati tugaganda yoki muddatidan oldin bekor qilinganda tegishli yer maydonlari tegishli mahalliy hokimiyati organlari tomonidan zaxiraga qaytariladi.

Noruda foydali qazilmalarni qazib olish hajmlari yer qaʼridan foydalanuvchilar tomonidan uzluksiz ikki yil davomida bajarilmagan taqdirda (fors-major holatlaridan tashqari) haqiqatda qazib olingan hajmdan kelib chiqib, noruda foydali qazilmalar zaxiralarining oʻzlashtirilmay qoladigan qismi davlat balansiga va ular joylashgan yer uchastkalari mahalliy ijro hokimiyati organlari zaxirasiga qaytariladi. Bunda, ilgari berilgan litsenziya qayta rasmiylashtirilmasdan yer qaʼri uchastkalaridan foydalanish shartlariga tegishli oʻzgartirishlar kiritiladi.

Yer qaʼri uchastkasidan foydalanish huquqini muddatdan oldin bekor qilish toʻgʻrisidagi qaror Davlat geologiya qoʻmitasi tomonidan davlat nazorati organlaridan yozma xabar olingan kundan bir hafta muddatda qabul qilinadi.

Yer qaʼri uchastkasidan foydalanish huquqi tugaganda foydalanuvchi, yer qaʼridan foydalanish chogʻida buzilgan yer uchastkalarni va boshqa tabiiy obyektlarni keyinchalik ulardan foydalanishga yaroqli holga keltirish, shuningdek ushbu yer qaʼri uchastkasidan foydalanish bilan bogʻliq boʻlgan togʻ inshootlari va infratuzilma obyektlarini konservatsiya qilish yoki tugatish ishlarini bajarishga kirishishi shart.

116. Yer qaʼridan foydalanuvchi faoliyatining tugatilishi yoki bekor qilinishi munosabati bilan noruda foydali qazilmalarni oʻz ichiga olgan yer qaʼri uchastkalaridan foydalanish huquqi bekor qilinganda Davlat geologiya qoʻmitasi tomonidan Davlat ekologiya qoʻmitasi va boshqa manfaatdor organlar vakillari ishtirokida tashkil etilgan maxsus komissiya tomonidan togʻ inshootlari va infratuzilma obyektlarini konservatsiya qilish yoki tugatish tartibi va muddatlari toʻgʻrisida qaror qabul qilinishi shart. Bunday holatlarda yer qaʼri uchastkalari Davlat geologiya qoʻmitasi balansiga oʻtkaziladi.

12-bob. Noruda foydali qazilmalarni oʻz ichiga olgan yer qaʼri uchastkasidan foydalanish huquqini boshqaga berish

117. Noruda foydali qazilmalarni qazib olish, texnogen mineral hosilalardan foydalanish uchun litsenziya egasi Davlat geologiya qoʻmitasi bilan kelishgan holda noruda foydali qazilmalarni oʻz ichiga olgan yer qaʼri uchastkasidan foydalanish huquqini (toʻliq yoki qisman) boshqa yuridik shaxsga berishi mumkin, agar ushbu yuridik shaxs litsenziya bilan belgilangan shartlarni bajarishga doir majburiyatlarni oʻz zimmasiga olsa.

Shu bilan birga, noruda foydali qazilmalarni oʻz ichiga olgan yer qaʼri uchastkasidan foydalanish huquqini olgan yuridik shaxs, litsenziyaning oldingi egasiga nisbatan qoʻyilgan talablarga mos kelishi zarur.

118. Noruda foydali qazilmalarni oʻz ichiga olgan yer qaʼri uchastkasidan foydalanish huquqini (toʻliq yoki qisman) boshqa yuridik shaxsga berishni kelishish litsenziya egasining Davlat geologiya qoʻmitasiga beriladigan buyurtmasi orqali amalga oshiriladi. Buyurtmada noruda foydali qazilmalarni oʻz ichiga olgan yer qaʼri uchastkasidan foydalanish huquqini boshqaga berilish sabablari, yer qaʼridan foydalanish huquqi qisman berilganda talabgor tomonidan foydali qazilmalarni yoki texnogen mineral hosilalarni qazib olish, qayta ishlash bilan bogʻliq nazarda tutilgan faoliyat turi keltiriladi. Buyurtmaga yer qaʼri uchastkasidan foydalanish huquqi oʻtayotgan yuridik shaxsning litsenziya egasiga nisbatan qoʻyilgan talablarga mos kelishini tasdiqlovchi hujjatlar ilova qilinadi.

119. Davlat geologiya qoʻmitasi oʻn besh kun ichida taqdim etilgan hujjatlarni koʻrib chiqadi va noruda foydali qazilmalarni oʻz ichiga olgan yer qaʼri uchastkasidan foydalanish huquqini boshqa yuridik shaxsga (toʻliq yoki qisman) berilishining maqsadga muvofiqligi toʻgʻrisida tegishli qaror qabul qiladi.

Qaror buyurtmachiga qaror qabul qilingan kundan boshlab uch kun mobaynida yozma shaklda joʻnatiladi. Kelishib olishning rad etilishi asoslangan boʻlishi kerak.

Noruda foydali qazilmalarni oʻz ichiga olgan yer qaʼri uchastkasidan foydalanish huquqini boshqa yuridik shaxsga berishning Davlat geologiya qoʻmitasi bilan kelishib olinganligi tomonlarning huquqini boshqa yuridik shaxsga berish toʻgʻrisidagi tegishli shartnomani tuzish va noruda foydali qazilmalarni oʻz ichiga olgan yer qaʼri uchastkasidan foydalanish huquqi (toʻliq yoki qisman) berilayotgan yuridik shaxsga Davlat geologiya qoʻmitasi tomonidan litsenziya berilishi uchun asos hisoblanadi.

13-bob. Noruda foydali qazilmalarni qazib olish uchun yer qaʼri uchastkasidan foydalanish huquqiga oid litsenziyani qayta rasmiylashtirish

120. Noruda foydali qazilmalarni qazib olish uchun yer qaʼri uchastkasidan foydalanish huquqiga oid litsenziyani qayta rasmiylashtirish quyidagi hollarda amalga oshiriladi:

yuridik shaxs qayta tashkil qilinganda va nomi oʻzgarganda;

yer qaʼri uchastkalaridan foydalanish shartlari oʻzgarganda;

yer qaʼri uchastkalaridan foydalanish muddati uzaytirilganda.

121. Noruda foydali qazilmalarni qazib olish uchun yer qaʼri uchastkasidan foydalanish huquqiga oid litsenziyani qayta rasmiylashtirish Davlat geologiya qoʻmitasi tomonidan litsenziya egasining buyurtmasi asosida amalga oshiriladi.

Yuridik shaxsni qayta tashkil qilish yoki qayta tuzilishida buyurtma litsenziya egasi tomonidan qayta roʻyxatdan oʻtkazilgandan soʻng yetti kun muddatda berilishi lozim.

Noruda foydali qazilmalarni qazib olish uchun yer qaʼri uchastkasidan foydalanish huquqiga oid litsenziyani qayta rasmiylashtirish toʻgʻrisidagi buyurtmaga tegishli tasdiqlovchi hujjatlar ilova qilinadi.

122. Litsenziyani qayta rasmiylashtirishda tegishli reyestrga oʻzgartirishlar kiritiladi, litsenziya yangi blankada rasmiylashtiriladi, bunda oldin berilgan litsenziya Davlat geologiya qoʻmitasida saqlanadi va unda “Bekor qilingan” degan muhr bosiladi.

123. Litsenziyani qayta rasmiylashtirish quyidagi muddatlarda amalga oshiriladi:

buyurtma kelib tushgan kundan boshlab besh ish kunidan koʻp boʻlmagan muddatda — yuridik shaxs qayta tashkil qilinganda va nomi oʻzgarganda, yer qaʼri uchastkalaridan foydalanish shartlari oʻzgarganda;

buyurtma kelib tushgan kundan boshlab yigirma ish kunidan koʻp boʻlmagan muddatda — yer qaʼri uchastkalarini foydalanish muddatini uzaytirishda.

Yer qaʼri uchastkalaridan foydalanish muddatini uzaytirilishi holatida litsenziyani qayta rasmiylashtirishda yer qaʼri uchastkasidan foydalanish shartlarini bajarilishi toʻgʻrisida taqdim etilgan maʼlumot Davlat geologiya qoʻmitasi va Davlat ekologiya qoʻmitasi tomonidan koʻrib chiqiladi.

124. Noruda foydali qazilmalarni qazib olish uchun yer qaʼri uchastkasidan foydalanish huquqiga oid litsenziyani qayta rasmiylashtirishda, lizenziya olishga doir buyurtmani koʻrib chiqish uchun toʻlangan summaning ellik foizi miqdorda yigʻim undiriladi.

Litsenziyani qayta rasmiylashtirish uchun undiriladigan yigʻim Davlat geologiya qoʻmitasi hisobiga oʻtkaziladi.

14-bob. Yer qaʼri uchastkasidan foydalanish shartlari yuzasidan nazorat

125. Yer qaʼrini geologik oʻrganish, yer osti boyliklaridan foydalanish va muhofaza qilish yuzasidan davlat nazorati mahalliy ijro hokimiyati organlari, shuningdek Davlat geologiya qoʻmitasi va Davlat ekologiya qoʻmitasi tomonidan qonunchilikda belgilangan tartibda amalga oshiriladi.

15-bob. Yakuniy qoidalar

126. Ariza beruvchilar, noruda foydali qazilmalarni oʻz ichiga olgan yer qaʼri uchastkasidan foydalanish huquqiga oid litsenziya olish uchun ular tomonidan tayyorlagan, Davlat geologiya qoʻmitasiga taqdim etilgan hujjatlarining ishonchliligi va qonunchilikka mosligi uchun javobgardirlar.

127. Mazkur Nizom talablarini buzgan shaxslar qonun hujjatlariga muvofiq javobgardirlar.

Noruda foydali qazilmalarni oʻz ichiga olgan yer qaʼri uchastkalaridan foydalanish huquqini olish uchun “E-IJRO AUKSION” elektron savdo maydonchasida elektron auksionni oʻtkazish hamda ushbu uchastkalardan foydalanish huquqiga litsenziyalar berish tartibi toʻgʻrisida Nizomga 1-ILOVA

Noruda foydali qazilmalarni oʻz ichiga olgan yer qaʼri uchastkalaridan foydalanish huquqini elektron onlayn-auksion orqali berish

SXEMASI

Bosqichlar Subyektlar Tadbirlar Muddatlar 1-bosqich (tayyorgarlik bosqichi) Davlat geologiya qoʻmitasi Noruda foydali qazilmalarni oʻz ichiga olgan yer qaʼri uchastkalari roʻyxatini tasdiqlaydi. Har yili 1-fevralgacha Davlat geologiya qoʻmitasi Yer qaʼridan foydalanish huquqini auksionda realizatsiya qilish uchun buyurtmanomalarni Oʻzbekiston Respublikasi Davlat aktivlarini boshqarish agentligi qoshidagi “Elektron onlayn-auksionlarni tashkil etish markazi” davlat unitar korxonasiga (operatorga) taqdim etadi. 2 kun Operator Auksion oʻtkazilishi toʻgʻrisidagi xabarnomani oʻz veb-portalida joylashtiradi. 1 kun 2-bosqich (auksion oʻtkazish) Talabgorlar Auksionda ishtirok etish uchun elektron shaklda ariza topshiradi, unda lot raqami va yer qaʼri uchastkasi nomini koʻrsatadi. 8 kun Operator Lot boʻyicha elektron auksi�n savdolari oʻtkazadi. 1 kun Auksion gʻolibi Auksionda gʻolib deb topilgan summaning 100 foizini toʻlaydi. 5 kun Operator Oʻtkazilgan auksion natijalari haqidagi bayonnomani rasmiylashtiradi va auksion gʻolibiga hamda Davlat geologiya qoʻmitasiga taqdim etadi. 1 kun 3-bosqich (litsenziya berish) Auksion gʻolibi Noruda foydali qazilmalarni oʻz ichiga olgan yer qaʼri uchastkasidan foydalanish shartlarini imzolaydi. 3 kun Davlat geologiya qoʻmitasi Auksion gʻolibiga tegishli litsenziya rasmiylashtiriladi. 2 kun

Noruda foydali qazilmalarni oʻz ichiga olgan yer qaʼri uchastkalaridan foydalanish huquqini olish uchun “E-IJRO AUKSION” elektron savdo maydonchasida elektron auksionni oʻtkazish hamda ushbu uchastkalardan foydalanish huquqiga litsenziyalar berish tartibi toʻgʻrisida Nizomga 2-ILOVA

Noruda foydali qazilmalarni oʻz ichiga olgan yer qaʼri uchastkalaridan foydalanish huquqini olish uchun “E-IJRO AUKSION” elektron savdo maydonchasida elektron auksionni oʻtkazish hamda ushbu uchastkalardan foydalanish huquqiga litsenziyalar berish tartibi toʻgʻrisida Nizomga 3-ILOVA

Noruda foydali qazilmalarni oʻz ichiga olgan yer qaʼri uchastkalaridan foydalanish huquqini olish uchun “E-IJRO AUKSION” elektron savdo maydonchasida elektron auksionni oʻtkazish va ushbu uchastkalardan foydalanish huquqiga litsenziyalar berish tartibi toʻgʻrisida Nizomga 4-ILOVA

Noruda foydali qazilmalarni oʻz ichiga olgan yer qaʼri uchastkalaridan foydalanish huquqiga litsenziyalarni toʻgʻridan toʻgʻri muzokaralar asosida berish

SXEMASI

Bosqichlar Subyektlar Tadbirlar Bajarish muddatlari 1-bosqich (litsenziya olgunga qadar) Ariza beruvchi 1. Davlat geologiya qoʻmitasiga noruda foydali qazilma konlarida qazish ishlarini olib borish uchun buyurtma beradi (yer qaʼrini geologik oʻrganishga oid ishlarni moliyalashtirgan yer qaʼridan foydalanuvchi). Zarur boʻlganda 2. Davlat geologiya qoʻmitasining investitsiya loyihalari doirasida tuzilgan shartnomalar asosida yer qaʼri uchastkalaridan foydalanish huquqiga Davlat geologiya qoʻmitasiga buyurtma beradi. Investitsiya loyihalariga asosan 3. Yer qaʼri uchastkalaridan foydalanish huquqini olish uchun Davlat geologiya qoʻmitasiga uch tomonlama kelishuvni tayyorlash uchun buyurtma beradi. Kelishuvga asosan Davlat geologiya qoʻmitasi Buyurtmalarni koʻrib chiqadi va Oʻzbekiston Respublikasi Prezidentining hududlarga tashriflari vaqtidagi topshiriqlari, Oʻzbekiston Respublikasi Prezidenti Administratsiyasining topshiriqlari, xorijiy davlatlar bilan kelishuvlar doirasida tasdiqlangan “yoʻl xaritalari”, Hukumat qarorlari va bayonnomalarini hisobga olgan holda amalga oshirish maqsadga muvofiqligi boʻyicha xulosa tayyorlaydi (Tadbirning 3-qismiga binoan). 10 kun “Oʻzsanoatqurilishmateriallari” uyushmasi Buyurtmalarni koʻrib chiqadi va ishlab chiqarish loyihasi doirasida moʻljallanayotgan quvvatlar, texnologik parametrlar va chuqur qayta ishlash darajasi boʻyicha xulosa tayyorlaydi (Tadbirning 3-qismiga binoan). 10 kun Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari Buyurtmalarni koʻrib chiqadi va investitsiyalar jalb qilinishi maqsadida loyihaning hudud uchun yuqori darajada ahamiyatliligi boʻyicha xulosa tayyorlaydi (Tadbirning 3-qismiga binoan). 10 kun Davlat geologiya qoʻmitasi Buyurtmalarni koʻrib chiqish va uch tomonlama kelishuvni tasdiqlash natijalari boʻyicha tegishli xulosalarni mavjudligi hisobga olgan holda, noruda foydali qazilmalarni oʻz ichiga olgan yer qaʼri uchastkalaridan foydalanish huquqiga toʻgʻridan toʻgʻri muzokaralar asosida litsenziya olish uchun buyurtma beruvchilarga soʻralayotgan yer qaʼri uchastkasi boʻyicha geologik yoki boshqa maʼlumotlar toʻplamini taqdim etadi. 20 kun 2-bosqich (litsenziya olishga buyurtma topshirish va uni koʻrib chiqish) Ariza beruvchi Ilova qilinayotgan hujjatlar roʻyxati bilan Davlat geologiya qoʻmitasining hududiy boʻlinmalariga buyurtma beradi. Zarur boʻlganda Davlat geologiya qoʻmitasining hududiy boʻlinmalari* Mahalliy ijro hokimiyati organlari bilan birgalikda foydalanish imkoniyatini aniqlash uchun soʻralayotgan yer qaʼri uchastkasini tekshiradilar; Global pozitsion tizim asboblaridan foydalangan holda burchak nuqtalarini tushirish yoʻli bilan yer qaʼri uchastkasining joylashish oʻrnini aniqlashtiradilar; Foydali qazilmalar ruxsatsiz qazib olingan boʻlishi mumkinligi izlarini aniqlashtiradilar; taqdim etgan hujjatlari boʻyicha buyurtma beruvchining texnik va texnologik imkoniyatlarini oʻrganadilar; texnik-iqtisodiy asoslarda keltirilgan, xomashyoni qazib olish tannarxi toʻgʻri hisoblanganligini tekshiradilar; olib borilgan ishlar natijalari boʻyicha tegishli axborotni tayyorlaydilar va buyurtma bilan birga Davlat geologiya qoʻmitasiga yoʻllaydilar. 10 kun 3-bosqich (litsenziya berish) Davlat geologiya qoʻm�tasi Buyurtmani va hududiy boʻlinmalarning tegishli axborotlarini oʻrganib chiqadi hamda noruda foydali qazilmalarni oʻz ichiga olgan yer qaʼri uchastkalaridan foydalanish huquqiga litsenziya berish yoki uni rad qilish toʻgʻrisida qaror qabul qiladi. 5 kun Davlat geologiya qoʻmitasi Ariza beruvchi: litsenziya berish va yer qaʼri uchastkasidan foydalanish shartlarini imzolash zarurligi; litsenziya berilishini rad etish toʻgʻrisida qabul qilingan qaror boʻyicha xabardor etish. 1 kun Ariza beruvchi Yer qaʼri uchastkasidan foydalanish shartlarini imzolaydi. 3 kun Davlat geologiya qoʻmitasi Yer qaʼri uchastkasidan foydalanish huquqi uchun litsenziyani rasmiylashtiradi va topshiradi. 1 kun

* Davlat geologiya qoʻmitasining hududiy boʻlinmalari haqidagi maʼlumot Davlat geologiya qoʻmitasining rasmiy veb-saytida joylashtirilgan.

Noruda foydali qazilmalarni oʻz ichiga olgan yer qaʼri uchastkalaridan foydalanish huquqini olish uchun “E-IJRO AUKSION” elektron savdo maydonchasida elektron auksionni oʻtkazish hamda ushbu uchastkalardan foydalanish huquqiga litsenziyalar berish toʻgʻrisida Nizomga 5-ILOVA

(Qonun hujjatlari maʼlumotlari milliy bazasi, 05.07.2019-y., 09/19/546/3380-son)