Import boj poshlinalarini qoʻllash tartibi toʻgʻrisida (389-son)

07.10.1995

Oʻzbekiston Respublikasi Vazirlar Mahkamasining

qarori

Oʻzbekiston Respublikasi Prezidentining “Oʻzbekiston Respublikasida tashqi iqtisodiy faoliyatni yanada erkinlashtirish toʻgʻrisida”gi Farmonni bajarish yuzasidan, Oʻzbekiston Respublikasining xalqaro shartnomalariga muvofiq import (chetdan keltirish) boj poshlinalarini qoʻllashni tartibga solish maqsadida Vazirlar Mahkamasi qaror qiladi:

1. Import boj poshlinalari stavkalari joriy etilgan paytdan boshlab 1-ilovaga muvofiq mamlakatlar boj hududidan kelib chiqqan yuridik va jismoniy shaxslar tomonidan Oʻzbekiston Respublikasining boj hududiga keltirilgan tovarlardan boj poshlinalari olinmaydi.

2. Oʻzbekiston Respublikasi savdo-iqtisodiy munosabatlarda eng qulay shart-sharoitlar tartibini oʻrnatadigan mamlakatlar roʻyxati 2-ilovaga muvofiq maʼlumot uchun qabul qilinsin.

3. Oʻzbekiston Respublikasi Tashqi iqtisodiy aloqalar vazirligiga Tashqi ishlar vazirligi, Adliya vazirligi va Davlat soliq qoʻmitasi bilan birgalikda, imzolangan xalqaro shartnomalar asosida, 1 va 2-ilovalarga oʻzgartirish va qoʻshimchalar kiritish huquqi berilsin.

4. Oʻzbekiston Respublikasi Vazirlar Mahkamasining 1995-yil 25-iyuldagi 287-son qarori 3-bandining 3 xatboshi va 4-bandi oʻz kuchini yoʻqotgan deb hisoblansin.

Vazirlar Mahkamasining Raisi I. KARIMOV

Toshkent sh.,

1995-yil 7-oktabr,

389-son

Vazirlar Mahkamasining 1995-yil 7-oktabrdagi 389-son qaroriga 1-ILOVA

Erkin savdo tartibini nazarda tutuvchi bitimlar imzolangan erkin savdo zonasini tashkil etish toʻgʻrisidagi Bitim ishtirokchilari boʻlgan davlatlar

roʻyxati

1. Belarus Respublikasi

2. Gruziya Respublikasi

3. Qozogʻiston Respublikasi

4. Qirgʻiziston Respublikasi

5. Moldova Respublikasi

6. Rossiya Federatsiyasi

7. Turkmaniston*

* Ikki tomonlama bitimlarga muvofiq oʻzaro kelishilgan roʻyxatga kiritilgan tovarlardan import boj poshlinalari olinmaydi.

8. Ukraina

Vazirlar Mahkamasining 1995-yil 7-oktabrdagi 389-son qaroriga 2-ILOVA

Eng qulay savdo-sotiq tartibini yaratgan holda savdo-iqtisodiy hamkorlik toʻgʻrisida Bitimlar imzolangan mamlakatlar

ROʻYXATI

1. Avstriya

2. Belgiya

3. Vengriya

4. Vyetnam

5. Germaniya

6. Gretsiya

7. Daniya

8. Hindiston

9. Buyuk Britaniya

10. Irlandiya

11. Ispaniya

12. Italiya

13. Koreya

14. Xitoy

15. Latviya

16. Litva

17. Lyuksemburg

18. Niderlandiya

19. Portugaliya

20. Pokiston

21. Polsha

22. Ruminiya

23. Slovakiya

24. AQSh

25. Turkiya

26. Finlandiya

27. Fransiya

28. Chexiya

29. Shveysariya

30. Shvetsiya

31. Estoniya

32. Yaponiya