Oʻzbekiston Respublikasi Qishloq xoʻjaligi vazirligi huzuridagi Bogʻdorchilik va issiqxona xoʻjaligini rivojlantirish agentligi faoliyatini tartibga soluvchi normativ-huquqiy hujjatlarni tasdiqlash toʻgʻrisida (481-son)

11.06.2019

Oʻzbekiston Respublikasi Vazirlar Mahkamasining

qarori

Oʻzbekiston Respublikasi Prezidentining “Oʻzbekiston Respublikasida bogʻdorchilik va issiqxona xoʻjaligini yanada rivojlantirish chora-tadbirlari toʻgʻrisida” 2019-yil 20-martdagi PQ-4246-son qaroriga muvofiq Vazirlar Mahkamasi qaror qiladi:

1. Quyidagilar:

Oʻzbekiston Respublikasi Qishloq xoʻjaligi vazirligi huzuridagi Bogʻdorchilik va issiqxona xoʻjaligini rivojlantirish agentligi toʻgʻrisidagi nizom 1-ilovaga muvofiq;

Oʻzbekiston Respublikasi Qishloq xoʻjaligi vazirligi huzuridagi Bogʻdorchilik va issiqxona xoʻjaligini rivojlantirish agentligi qoshidagi Bogʻdorchilik va issiqxona xoʻjaligini rivojlantirish jamgʻarmasi toʻgʻrisidagi nizom 2-ilovaga muvofiq tasdiqlansin.

2. Mazkur qarorning bajarilishini nazorat qilish Oʻzbekiston Respublikasi Bosh vazirining agrar va oziq-ovqat sohalarini rivojlantirish masalalari boʻyicha maslahatchisi A.D. Vaxabov va Oʻzbekiston Respublikasi qishloq xoʻjaligi vaziri J.A. Xodjayev zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2019-yil 11-iyun,

481-son

Vazirlar Mahkamasining 2019-yil 11-iyundagi 481-son qaroriga 1-ILOVA

Oʻzbekiston Respublikasi Qishloq xoʻjaligi vazirligi huzuridagi Bogʻdorchilik va issiqxona xoʻjaligini rivojlantirish agentligi toʻgʻrisida

nizom

1-bob. Umumiy qoidalar

1. Ushbu Nizom Oʻzbekiston Respublikasi Qishloq xoʻjaligi vazirligi huzuridagi Bogʻdorchilik va issiqxona xoʻjaligini rivojlantirish agentligining (keyingi oʻrinlarda Agentlik deb ataladi) maqomi, asosiy vazifalari, funksiyalari, huquqlari va javobgarligi, faoliyatini tashkil etish va hisobot berish tartibini, shuningdek, uning rahbarlarining funksional vazifalarini belgilaydi.

2. Agentlik bogʻdorchilik sohasi va issiqxona xoʻjaligida boshqaruv tizimini takomillashtirishga hamda davlat tomonidan qoʻllab-quvvatlashning samarali mexanizmlarini joriy etishga, shuningdek, zamonaviy resurstejamkor texnologiyalar asosida yuqori sifatli, raqobatbardosh va eksportbop mahsulotlar yetishtirishga masʼul davlat organi hisoblanadi.

3. Agentlik oʻz faoliyati boʻyicha Oʻzbekiston Respublikasi Vazirlar Mahkamasi va Qishloq xoʻjaligi vazirligiga hisobot beradi.

4. Agentlik oʻz faoliyatida Oʻzbekiston Respublikasi Konstitutsiyasi va qonunlariga, Oʻzbekiston Respublikasi Oliy Majlis palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Vazirlar Mahkamasining qarorlari va farmoyishlariga, Oʻzbekiston Respublikasi Qishloq xoʻjaligi vazirining buyruqlariga, ushbu Nizomga, xalqaro moliya institutlari, chet el hukumat tashkilotlari bilan investitsion loyihalarni amalga oshirish maqsadida tuzilgan bitimlarga, shuningdek boshqa qonun hujjatlariga amal qiladi.

5. Agentlik yuridik shaxs hisoblanadi, mustaqil balansga, Oʻzbekiston Respublikasi Moliya vazirligining Gʻaznachiligida shaxsiy gʻazna hisobvaraqlariga, bank hisobraqamlariga, shu jumladan, xorijiy valyutadagi hisobraqamlariga, Oʻzbekiston Respublikasi Davlat gerbi tasviri tushirilgan va oʻz nomi davlat tilida yozilgan muhr va blankalarga egadir.

6. Agentlik oʻz faoliyatini amalga oshirishda Qoraqalpogʻiston Respublikasi Qishloq xoʻjaligi vazirligi, viloyatlar qishloq xoʻjaligi boshqarmalari va tumanlar (Quvasoy shahar) qishloq xoʻjaligi boʻlimlarining bogʻdorchilik va issiqxona xoʻjaligi boʻyicha boʻlimlari (sektorlari) va mutaxassislari faoliyatini muvofiqlashtiradi va ularga uslubiy rahbarlik qiladi.

7. Agentlikning rasmiy nomi:

a) davlat tilida — Oʻzbekiston Respublikasi Qishloq xoʻjaligi vazirligi huzuridagi Bogʻdorchilik va issiqxona xoʻjaligini rivojlantirish agentligi;

b) ingliz tilida — The Agency of Norticulture and Greenhouse Development under the Ministry of Agriculture of the Republic of Uzbekistan;

v) rus tilida — Agentstvo po razvitiyu sadovodstva i teplichnogo xozyaystva pri Ministerstve selskogo xozyaystva Respubliki Uzbekistan.

8. Agentlik joylashgan joy (pochta manzili): 100011, Toshkent shahri, Shayxontohur tumani, Abay koʻchasi, 6-uy.

2-bob. Agentlik tuzilmasi

9. Agentlik tizimi Agentlik markaziy apparatidan iborat.

“Agroservis operator” DUKning faoliyati Agentlik tomonidan muvofiqlashtiriladi.

3-bob. Agentlikning asosiy vazifalari va funksiyalari

10. Quyidagilar Agentlikning asosiy vazifalari hisoblanadi:

bogʻdorchilik va issiqxona xoʻjaliklarini barqaror rivojlantirishni taʼminlashga qaratilgan maqsadli kompleks dasturlarni ishlab chiqish va amalga oshirish;

zamonaviy resurstejamkor texnologiyalarni, shu jumladan tomchilatib va yomgʻirlatib sugʻorish tizimlarini qoʻllagan holda intensiv bogʻdorchilik va issiqxona xoʻjaliklari maydonlarini kengaytirish, shuningdek, bozor konyunkturasi tahlilini hisobga olgan holda, meva mahsulotlari turlarini koʻpaytirish choralarini koʻrish;

hududlarning tuproq-iqlim sharoitlarini hisobga olgan holda, bogʻdorchilik va issiqxona xoʻjaligida ilmiy yutuqlar, ilgʻor ilmiy ishlanmalar va intensiv agrotexnologiyalardan keng foydalanishni tashkil etish;

“Oʻzstandart” agentligi bilan birgalikda bogʻdorchilik va issiqxona xoʻjaliklariga xalqaro sertifikatlash standartlarini joriy etishda koʻmaklashish;

meva mahsulotlarini yetishtirish, tayyorlash, saralash, kalibrlash, qadoqlash va sotishning butun zanjirini oʻz ichiga olgan klaster shaklini tashkil qilish va kooperatsiya tizimini rivojlantirish boʻyicha choralarni amalga oshirish;

bozorlar konyunkturasi boʻyicha chuqur marketing tadqiqotlarini oʻtkazish yoʻli bilan raqobatbardosh mahsulot yetishtirish, uni sotishni tashkil qilish, eksport salohiyatini oshirish maqsadida investitsiyalarni, shu jumladan toʻgʻridan-toʻgʻri xorijiy investitsiyalarni jalb etishga koʻmaklashish;

tashqi bozorlarda talab yuqori boʻlgan meva navlarini joylashtirish va yetishtirish boʻyicha tavsiyalar ishlab chiqish;

bogʻdorchilik va issiqxona xoʻjaliklari sohasida mutaxassislarni oʻqitish, ularning malakasini oshirish, innovatsiyalarni rivojlantirish va joriy etish masalalari boʻyicha mahalliy va xorijiy taʼlim muassasalari, ilmiy-tadqiqot institutlari, sohaga ixtisoslashgan xorijiy tashkilotlar va ishlab chiqaruvchilar bilan hamkorlik qilish;

Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi bilan birgalikda bogʻlar va issiqxona xoʻjaliklari maydonlarining elektron reyestrini yuritish.

11. Agentlik oʻziga yuklangan vazifalarga muvofiq quyidagi funksiyalarni amalga oshiradi:

a) bogʻdorchilik va issiqxona xoʻjaliklarini barqaror rivojlantirishni taʼminlashga qaratilgan maqsadli kompleks dasturlarni ishlab chiqish va amalga oshirish sohasida:

bogʻdorchilik va issiqxona xoʻjaligi sohasida Oʻzbekiston Respublikasi qishloq xoʻjaligi sohasining rivojlanishini uzoq muddatga moʻljallangan strategiyasini ishlab chiqishda ishtirok etadi;

bogʻdorchilik va issiqxona xoʻjaligini rivojlantirish sohasida ustuvor ahamiyatga ega boʻlgan investitsion loyihalar portfelini shakllantirishda ishtirok etadi;

Qoraqalpogʻiston Respublikasi Vazirlar Kengashi, viloyat va tuman hokimliklari bilan birgalikda investitsion loyihalarni amalga oshirish boʻyicha qisqa va oʻrta muddatli kompleks maqsadli dasturlarni ishlab chiqadi hamda Qishloq xoʻjaligi vazirligi bilan birgalikda Vazirlar Mahkamasiga ushbu dasturlarni amalga oshirish boʻyicha takliflar kiritadi.

b) zamonaviy resurstejamkor texnologiyalarni, shu jumladan tomchilatib va yomgʻirlatib sugʻorish tizimlarini qoʻllagan holda intensiv bogʻdorchilik va issiqxona xoʻjaliklari maydonlarini kengaytirish, shuningdek, bozor konyunkturasi tahlilini hisobga olgan holda, meva mahsulotlari turlarini koʻpaytirish choralarini koʻrish sohasida:

Qoraqalpogʻiston Respublikasi Vazirlar Kengashi, viloyat hokimliklari bilan birgalikda mavjud mevali bogʻlar va issiqxona xoʻjaliklarini xatlovi natijalariga asoslanib, eski bogʻ va issiqxonalarni rekonstruksiya qilish hamda yaroqsiz va iqtisodiy jihatdan samarasiz bogʻ va issiqxonalar oʻrnida yangi intensiv bogʻlar va issiqxonalarni tashkil etish boʻyicha takliflar kiritadi va loyihalarni amalga oshirishda ishtirok etadi;

yangidan tashkil etilgan bogʻlar va issiqxonalarning ahvoli, ulardan samarali foydalanilayotganligi, agrotexnik meʼyor va qoidalarga rioya etilayotgani, agrotexnik tadbirlarni oʻz vaqtida va sifatli bajarilayotganligi boʻyicha monitoring qilib boradi, fermer xoʻjaliklari, qishloq xoʻjaligi korxonalari tomonidan ishlab chiqarilgan va sotilgan meva mahsulotlarining hajmi va qiymatini umumlashtirib tahlil qiladi;

ishlab chiqarish jarayoniga intensiv, resurstejamkor texnologiyalarni tatbiq etilishini inobatga olgan holda bogʻdorchilik va issiqxona xoʻjaliklari faoliyatiga baho beradi;

resurstejamkor texnologiyalarni qoʻllagan holda, tashqi bozorlarda talab yuqori boʻlgan yuqori hosilli meva navlarini yetishtiradigan bogʻ va issiqxonalarni yaratishga mahalliy va xorijiy investorlarni jalb etish ishlarini tashkil etadi.

v) hududlarning tuproq-iqlim sharoitlarini hisobga olgan holda, bogʻdorchilik va issiqxona xoʻjaligida ilmiy yutuqlar, ilgʻor ilmiy ishlanmalar va intensiv agrotexnologiyalardan keng foydalanishni tashkil etish sohasida:

meva mahsulotlari raqobatbardoshligini oshirish maqsadida tashqi bozorlarda yuqori talabga ega boʻlgan, hududlarning tuproq-iqlim sharoitlariga mos keladigan mevalar navlarini joylashtirish boʻyicha Akademik M. Mirzayev nomidagi bogʻdorchilik, uzumchilik va vinochilik ilmiy-tadqiqot instituti bilan birgalikda ilmiy asoslangan tavsiyalar ishlab chiqadi va Oʻzbekiston Respublikasi Qishloq xoʻjaligi vazirligiga kiritadi;

bogʻdorchilik va issiqxona xoʻjaligida resurstejamkor texnologiyalarni hamda mexanizatsiyalash darajasini oshirish choralari haqida takliflarni Oʻzbekiston Respublikasi Qishloq xoʻjaligi vazirligiga va viloyat hokimliklariga kiritadi.

g) “Oʻzstandart” agentligi bilan birgalikda bogʻdorchilik va issiqxona xoʻjaliklariga xalqaro sertifikatlash standartlarini joriy etishda koʻmaklashish sohasida:

tashqi bozorlarda meva mahsulotlariga va koʻchatlariga qoʻyiladigan sifat va texnik talablarni hisobga olgan holda bogʻdorchilik va issiqxona xoʻjaliklariga xalqaro sertifikatlash standartlarini joriy etishda koʻmaklashadi;

ichki va tashqi bozorlarda meva mahsulotlarini raqobatbardoshligini oshirish maqsadida jahon miqyosida tan olingan xalqaro standartlar (organic, Global GAP kabilar) talablariga javob beradigan mahsulot sifatini baholash tizimlarini, sifat menejmenti tizimlarini joriy etishda tadbirkorlik subyektlariga koʻmaklashadi. Ushbu yoʻnalishda xorijiy kompaniyalar va ilmiy-tekshirish, konsalting xizmatlari koʻrsatuvchi institutlar bilan hamkorlik qiladi;

d) meva mahsulotlarini yetishtirish, tayyorlash, saralash, kalibrlash, qadoqlash, saqlash va sotishning butun zanjirini oʻz ichiga olgan klaster shaklini tashkil qilish va kooperatsiya tizimini rivojlantirish boʻyicha choralarni amalga oshirish sohasida:

bogʻdorchilik va issiqxona xoʻjaligi sohasida qishloq xoʻjaligi tashkilotlari va fermer xoʻjaliklari bilan birgalikda yetishtirish, tayyorlash, saralash, kalibrlash, qadoqlash, saqlash va sotishni qamrab oladigan klasterlar va kooperatsiyani tashkil etish jarayonida ishtirok etadi;

bozorlar marketingi va mevalar eksport geografiyasini hisobga olgan holda, meva mahsulotlarini yetishtirish, ularga ishlov berish va qadoqlash, saqlash, qayta ishlash, ularning eksporti va logistikasini samarali tashkil etish boʻyicha zamonaviy uslub va texnologiyalar asosida seminar va treninglarni tashkil etadi;

bogʻdorchilik va issiqxona xoʻjaligini yuritadigan fermer xoʻjaliklarni ragʻbatlantirish, ularning qonuniy manfaatlarini himoya qilish, ularga imtiyozlar berish, rivojlanishi uchun qulay shart-sharoitlar yaratish boʻyicha takliflar ishlab chiqishda ishtirok etadi;

bogʻdorchilik va issiqxona xoʻjaliklarini, shu jumladan ularning moddiy-texnik bazasini mustahkamlash, bogʻdorchilik va issiqxona xoʻjaliklariga xizmat qiluvchi ishlab chiqarish infratuzilmasi obyektlarini rivojlantirish boʻyicha meʼyoriy-huquqiy hujjatlarni, konsepsiyalarni, strategiya va kompleks chora-tadbirlarni ishlab chiqishda ishtirok etadi.

e) bozorlar konyunkturasi boʻyicha chuqur marketing tadqiqotlarini oʻtkazish yoʻli bilan raqobatbardosh mahsulot yetishtirish, uni sotishni tashkil qilish, eksport salohiyatini oshirish maqsadida investitsiyalarni, shu jumladan toʻgʻridan-toʻgʻri xorijiy investitsiyalarni jalb etishga koʻmaklashish sohasida:

bogʻdorchilik va issiqxona xoʻjaligida investitsion loyihalarni oʻz vaqtida va samarali amalga oshirish maqsadida xalqaro moliya institutlari va xalqaro hukumat moliya tashkilotlarning imtiyozli kreditlari va texnik koʻmak mablagʻlari (grantlar)ni jalb etishda ishtirok etadi;

bogʻdorchilik va issiqxona xoʻjaligi sohasida mutaxassislar malakasini oshirish uchun oʻquv kurslariga chet el mutaxassislari va konsultantlarni jalb qiladi;

meva va issiqxona mahsulotlari yetishtiruvchilarning tashqi bozorlardagi oʻrnini munosib taʼminlash hamda yangi salohiyatli bozorlarini topish maqsadida meva mahsulotlari tashqi bozorlarining marketing tahlilini olib boradi;

Oʻzbekiston Respublikasining meva-sabzavot yetishtirish salohiyatini namoyon etish, meva mahsulotlarini import qilish salohiyatiga ega xorijiy hamkorlar bilan sheriklik aloqalarni oʻrnatish maqsadida ixtisoslashgan milliy va xalqaro yarmarka va koʻrgazmalarni tashkil qilish hamda oʻtkazishda ishtirok etish;

meva mahsulotlarini yetishtirish va sotishning ilgʻor texnologiyalarini joriy etish maqsadida meva mahsulotlarini yetishtirish va sotishda yetakchi boʻlgan mamlakatlar tajribasini oʻrganadi va natijasi boʻyicha tavsiyalar ishlab chiqadi.

yo) tashqi bozorlarda talab yuqori boʻlgan meva navlarini joylashtirish va yetishtirish boʻyicha tavsiyalar ishlab chiqish sohasida:

tegishli vazirlik va idoralar bilan hamkorlikda tashqi bozorlarda mevalarga boʻlgan talablarini oʻrganadi va tahlil qiladi;

bogʻdorchilik va issiqxona xoʻjaligi sohasida qishloq xoʻjaligi tashkilotlari va fermer xoʻjaliklariga talab yuqori boʻlgan mevalarning tur va navlarini hududlarning tuproq-iqlim sharoitlarini hisobga olib joylashtirish toʻgʻrisida tavsiya beradi;

eksportbop meva turlarini resurstejamkor texnologiyalar asosida yetishtirish boʻyicha ilmiy asoslangan tavsiyalar ishlab chiqadi va joylarga yetkazilishini taʼminlaydi;

j) bogʻdorchilik va issiqxona xoʻjaliklari sohasida mutaxassislarni oʻqitish, ularning malakasini oshirish, innovatsiyalarni rivojlantirish va joriy etish masalalari boʻyicha mahalliy va xorijiy taʼlim muassasalari, ilmiy-tadqiqot institutlari, sohaga ixtisoslashgan xorijiy tashkilotlar va ishlab chiqaruvchilar bilan hamkorlik qilish sohasida:

Agentlikka yuklatilgan vazifalar doirasida hamkorlik qilish masalalari boʻyicha mutaxassislarni tayyorlash, qayta tayyorlash, ularning malakasini oshirish, bogʻdorchilik va issiqxona xoʻjaligida innovatsiyalarni rivojlantirish va joriy etish masalalari boʻyicha mahalliy va xorijiy taʼlim muassasalari, ilmiy-tadqiqot institutlari, sohaga ixtisoslashgan ishlab chiqaruvchi xorijiy tashkilotlar va kompaniyalar bilan hamkorlik qiladi;

z) Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi bilan birgalikda bogʻlar va issiqxona xoʻjaliklari maydonlarining elektron reyestrini yuritish sohasida:

bogʻ plantatsiyalari va issiqxona xoʻjaliklarini identifikatsiyalash yagona elektron reyestrini shakllantiradi va doimiy ravishda yangilab boradi.

Agentlik qonun hujjatlariga muvofiq boshqa vazifa va funksiyalarni ham amalga oshirishi mumkin.

4-bob. Agentlikning huquqlari va javobgarligi

12. Agentlik oʻziga yuklatilgan vazifalar va funksiyalarni amalga oshirish uchun quyidagi huquqlarga egadir:

Agentlik vakolatiga kiradigan masalalarni hal etish uchun zarur boʻlgan maʼlumotlar va axborotlarni davlat va xoʻjalik boshqaruvi organlaridan, mahalliy ijro etuvchi hokimiyat organlaridan soʻrash va olish;

davlat statistika organlaridan Agentlik vakolatiga kiradigan masalalar boʻyicha zarur statistik maʼlumotlarni bepul asosda olish;

bogʻdorchilik va issiqxona xoʻjaligi sohasida yuklatilgan vazifalarni samarali amalga oshirish bilan bogʻliq masalalarni hal qilish maqsadida manfaatdor vazirlik va idoralar, Qoraqalpogʻiston Respublikasi Vazirlar Kengashi, viloyatlar va tuman hokimliklarini jalb etish;

xorijiy davlatlarning sohaga oid tashkilotlari bilan Agentlik vakolatiga kiradigan masalalar boʻyicha hamkorlik qilish va shartnomalar tuzish;

xalqaro moliya institutlari va xalqaro hukumat moliya tashkilotlarning imtiyozli kreditlari va texnik koʻmak (grantlar) xorijiy kompaniyalar mablagʻlarini va qonun hujjatlarida taqiqlanmagan boshqa manbalar mablagʻlarini Agentlik faoliyatini moliyalashtirish;

ilmiy, konsalting va audit tashkilotlarni, olim va mutaxassislarni, shu jumladan, chet el olimlari va mutaxassislarini Agentlik vakolatiga kiradigan masalalarni hal qilishga shartnoma asosida jalb qilish;

Agentlikka yuklatilgan vazifa va funksiyalarni bajarish bilan bogʻliq boʻlgan masalalar boʻyicha xorijiy investorlar, kompaniyalar, taʼlim muassasalari va ilmiy-tadqiqot institutlari, xalqaro moliya institutlari va xalqaro hukumat moliya tashkilotlar bilan uchrashuvlar oʻtkazish, muzokaralar olib borish va yozishmalar yuritish;

bitim va kelishuvlar asosida jismoniy va yuridik shaxslar bilan bogʻdorchilik va issiqxona xoʻjaligi sohasida hamkorlikda loyihalarni amalga oshirish;

malakali, shu jumladan chet ellik, mutaxassislarni jalb etgan holda Akademik M. Mirzayev nomidagi bogʻdorchilik, uzumchilik va vinochilik ilmiy-tadqiqot instituti, uning boʻlinmalari, ilmiy va tajriba stansiyalari bazasida bogʻdorchilik va issiqxona xoʻjaligi boʻyicha qoʻshma loyihalarni amalga oshirish va oʻquv kurslarini tashkil qilish;

fermer xoʻjaliklari, qishloq xoʻjaligi korxonalari hamda tadbirkorlar uchun Oʻzbekiston Respublikasida va xorijda treninglar, seminarlar va boshqa taʼlim dasturlarini tashkil etish;

bogʻdorchilik va issiqxona xoʻjaligi sohasida joriy va strategik vazifalar, olib borilayotgan ishlar va erishilgan natijalarni yoritish, uslubiy qoʻllanmalar va bukletlarni nashr qilish uchun belgilangan tartibda noshirlik faoliyatini amalga oshirish;

bogʻdorchilik va issiqxona xoʻjaligi sohasida amalga oshirilayotgan hamda rejalashtirilayotgan loyihalar boʻyicha taqdimot va konferensiyalar tashkil etish;

Agentlikning shuʼba korxonalarini ochish hamda hamkorlikda faoliyat olib borish va tovar sotishdan komissiya shaklida daromad olish;

binolarga xizmat koʻrsatish, asbob-uskunalar va xoʻjalik jihozlari, avtotransport, aloqa vositalari, hisoblash, kompyuter va tashkiliy texnikani xarid qilish, saqlash va ekspluatatsiya qilish, turli jihozlar, dasturiy taʼminot hamda Agentlik faoliyatini amalga oshirish uchun zarur boʻlgan boshqa tovarlarni xarid qilish uchun belgilangan tartibda shartnomalar tuzish.

13. Agentlik:

yuklangan vazifalar va funksiyalarning samarali amalga oshirilishi;

normativ-huquqiy hujjatlar talablari, shuningdek, Oʻzbekiston Respublikasi Prezidenti, Oʻzbekiston Respublikasi Prezidenti Administratsiyasi, Oʻzbekiston Respublikasi Vazirlar Mahkamasi va Oʻzbekiston Respublikasi Qishloq xoʻjaligi vazirligining topshiriqlarini oʻz vaqtida bajarilishi uchun javob beradi.

5-bob. Agentlik faoliyatini tashkil qilish

14. Agentlikka Oʻzbekiston Respublikasi qishloq xoʻjaligi vazirining taqdimnomasiga binoan Oʻzbekiston Respublikasi Vazirlar Mahkamasi tomonidan lavozimga tayinlanadigan va lavozimidan ozod etiladigan direktor boshchilik qiladi.

15. Agentlik direktori maqomi, mehnatga haq toʻlash, tibbiy va transport xizmati koʻrsatish shartlari boʻyicha vazir oʻrinbosariga tenglashtiriladi.

16. Agentlik direktorining taqdimnomasiga binoan Oʻzbekiston Respublikasi Qishloq xoʻjaligi vaziri tomonidan lavozimga tayinlanadigan va lavozimidan ozod etiladigan direktor oʻrinbosariga ega.

Direktor vaqtincha boʻlmagan vaqtlarda uning vazifalarini direktor oʻrinbosari bajaradi.

17. Agentlik Oʻzbekiston Respublikasi qonun hujjatlariga, shuningdek xalqaro moliya institutlari va xalqaro hukumat moliya tashkilotlarning qoidalari va protseduralariga muvofiq hisob yuritadi va hisobot beradi.

6-bob. Agentlik rahbariyatining asosiy funksional vazifalari

18. Quyidagilar Agentlik direktorining asosiy funksional vazifalari hisoblanadi:

Agentlik faoliyatiga umumiy rahbarlik qilish, Agentlikka qonun hujjatlari bilan yuklangan vazifalar va funksiyalar bajarilishini tashkil qilish;

Oʻzbekiston Respublikasi Prezidentining farmonlari va qarorlari, Vazirlar Mahkamasining qarorlari, farmoyishlari, boshqa qonun hujjatlari bilan belgilangan hamda xalqaro moliya institutlari va xalqaro hukumat moliya tashkilotlari bilan tuzilgan bitimlarda Agentlikka yuklangan vazifalar va funksiyalarni amalga oshirishni tashkil etish;

oʻzining oʻrinbosari va Agentlikning boshqa mansabdor shaxslari vakolatlari va shaxsiy javobgarligi darajasini belgilash;

keyinchalik Oʻzbekiston Respublikasi Prezidenti Administratsiyasi va Vazirlar Mahkamasiga qonun hujjatlarida nazarda tutilgan tartibda kiritish uchun normativ-huquqiy hujjat loyihalarini sifatli ishlab chiqish va Oʻzbekiston Respublikasi Qishloq xoʻjaligi vazirligiga oʻz vaqtida kiritishni tashkil qilish;

Agentlikka taqdim qilingan takliflar va normativ-huquqiy hujjatlar toʻliq va har tomonlama koʻrib chiqilishini taʼminlash, ularni qonun hujjatlarida nazarda tutilgan muddatlarda kelishish (viza qoʻyish);

xizmat safarlarini Oʻzbekiston Respublikasi Prezidentining “Mansabdor shaxslarning xorijiy mamlakatlarga chiqish tartibini takomillashtirish choralari toʻgʻrisida” 2014-yil 5-martdagi PQ-2142-son va “Xorijiy xizmat safarlarida samarali boʻlish va Oʻzbekiston Respublikasiga xorijiy delegatsiyalar tashrifini tashkil etishda mansabdor shaxslarning shaxsiy javobgarligini yanada oshirish chora-tadbirlari toʻgʻrisida” 2017-yil 3-avgustdagi PQ-3170-son qarorlari talablariga muvofiq xizmat safarlarini amalga oshirish va tashkil qilish, xizmat safarlari asoslanganligi, samaradorligi va natijadorligini taʼminlash hamda safar xarajatlariga ajratiladigan mablagʻlarning maqsadli va oqilona foydalanilishini taʼminlash;

oʻz oʻrinbosari va tarkibiy boʻlinmalar rahbarlari faoliyatining samaradorligi va natijadorligining tanqidiy tahlilini muntazam ravishda oʻtkazish, ularning shaxsiy hisobotlarini Agentlik majlislarida eshitish, yakunlar boʻyicha zarur choralar koʻrish;

oʻz oʻrinbosari va Agentlik xodimlarini intizomiy javobgarlikka tortish masalalarini belgilangan tartibda hal qilish, ularning egallab turgan lavozimlarida kelgusida boʻlishi maqsadga muvofiqligi masalalarini koʻrib chiqish, ularning shaxsiy javobgarligini oshirishning tizimli choralarini amalga oshirish;

Agentlik va idoraviy mansub tashkilotlar xodimlarining Odob-axloq qoidalarini tasdiqlash;

“Korrupsiyaga qarshi kurashish toʻgʻrisida”gi Oʻzbekiston Respublikasi Qonuni talablariga muvofiq Agentlik tizimida korrupsiya va boshqa qonunbuzarliklarning oldini olish choralarini qabul qilish, shuningdek, huquqni qoʻllash amaliyoti va qonun hujjatlarini takomillashtirish choralarini ishlab chiqish va amalga oshirish yoʻli bilan ularning yuzaga kelishiga yordam beruvchi sabablar va shart-sharoitlarni aniqlash, tahlil qilish, bartaraf qilish;

“Elektron hukumat toʻgʻrisida”gi Oʻzbekiston Respublikasi Qonunini amalga oshirish doirasida zamonaviy axborot-kommunikatsiya texnologiyalaridan foydalanish, shu jumladan, Agentlikning axborot tizimi samaradorligi va sifatini oshirish;

“Jismoniy va yuridik shaxslarning murojaatlari toʻgʻrisida”gi Oʻzbekiston Respublikasi Qonuni, Oʻzbekiston Respublikasi Vazirlar Mahkamasining 2018-yil 7-maydagi 341-son qarori bilan tasdiqlangan “Davlat organlarida, davlat muassasalarida va davlat ishtirokidagi tashkilotlarda jismoniy va yuridik shaxslarning murojaatlari bilan ishlash tartibi toʻgʻrisida”gi namunaviy nizomda belgilangan muddatlar va tartibda jismoniy va yuridik shaxslarning murojaatlarini koʻrib chiqish boʻyicha samarali ishini tashkil qilish, aholi bilan toʻgʻridan-toʻgʻri va ochiq muloqotni yoʻlga qoʻyish, shaxsan qabul qilishni tizimli ravishda oʻtkazish, shu jumladan, jismoniy shaxslar va yuridik shaxslarning vakillarini joyning oʻziga chiqib qabul qilish;

Oʻzbekiston Respublikasi Prezidentining Xalq qabulxonalari bilan samarali ishlash, Oʻzbekiston Respublikasi Prezidentining “Jismoniy va yuridik shaxslarning murojaatlari bilan ishlash tizimini tubdan takomillashtirishga doir chora-tadbirlar toʻgʻrisida” 2016-yil 28-dekabrdagi PF-4904-son Farmoniga muvofiq ularning faoliyatida faol ishtirok etish, jismoniy va yuridik shaxslarning Oʻzbekiston Respublikasi Prezidentining Virtual qabulxonasidan tushayotgan barcha murojaatlarni oʻz vaqtida va toʻlaqonli koʻrib chiqilishini taʼminlash;

davlat siri va maxfiy maʼlumotlar sirasiga kiradigan maʼlumotlar bilan ishlashda qonun hujjatlari talablariga rioya qilish;

Oʻzbekiston Respublikasi Qishloq xoʻjaligi vazirligi huzuridagi Bogʻdorchilik va issiqxona xoʻjaligini rivojlantirish agentligining Bogʻdorchilik va issiqxona xoʻjaligini rivojlantirish jamgʻarmasi (keyingi oʻrinlarda Jamgʻarma deb ataladi) mablagʻlarini Jamgʻarma daromadlari va xarajatlari smetasiga muvofiq tushishi va ishlatilishini nazorat qilish;

qonun hujjatlarida belgilangan tartibda Jamgʻarma mablagʻlaridan moliyalashtiriladigan shartnomalar va bitimlar tuzish;

Jamgʻarmaning oldin berilgan mablagʻlari boʻyicha, shu jumladan, shartnoma shartlarini qayta tuzish va uzaytirish boʻyicha qarorlar qabul qilish;

markaziy apparatning tarkibiy boʻlinmalari toʻgʻrisidagi nizomlarni, idoraviy mansub tashkilotlarning ustavlari, nizomlari, lavozim yoʻriqnomalari va Agentlikning boshqa lokal hujjatlarini belgilangan tartibda tasdiqlash;

qonun hujjatlarida belgilangan tartibda mehnat shartnomalarini tuzish, oʻzgartirish va bekor qilish, Agentlik markaziy apparati;

Jamgʻarmaning budjetdan tashqari mablagʻlari hisobiga bogʻdorchilik va issiqxona sohasida xorijiy mutaxassislar va maslahatchilarni shartnoma asosida jalb qilish;

Agentlik, idoraviy mansub tashkilotlarning mansabdor shaxslari tomonidan bajarilishi majburiy boʻlgan buyruqlar chiqarish va koʻrsatmalar berish, shuningdek, belgilangan tartibda ularning bajarilishini nazorat qilish;

Agentlik markaziy apparati, idoraviy mansub tashkilotlarning tasdiqlangan tuzilma va shtat jadvallariga oʻzgartish kiritish yuzasidan belgilangan xodimlar soni va mehnatga haq toʻlash jamgʻarmasi doirasida Oʻzbekiston Respublikasi Qishloq xoʻjaligi vazirligiga takliflar kiritish.

Agentlik direktori qonun hujjatlarida nazarda tutilgan boshqa funksional vazifalarni ham amalga oshiradi.

19. Quyidagilar Agentlik direktori oʻrinbosarining asosiy funksional vazifalari hisoblanadi:

Agentlikning mutasaddilik qilinadigan tarkibiy boʻlinmalari faoliyatini muvofiqlashtirish, nazorat qilish va bevosita rahbarlik qilish, ular tomonidan normativ-huquqiy hujjatlar loyihalari sifatli ishlab chiqilishini tashkil qilish;

direktorning buyruqlari hamda topshiriqlarini oʻz vaqtida va sifatli bajarilishini taʼminlash;

Agentlik faoliyatida ijro intizomini mustahkamlash boʻyicha amaliy kompleks chora-tadbirlarni amalga oshirish, markaziy apparat va tarkibiy boʻlinmalar rahbarlarining qonun hujjatlari talablariga muvofiq topshiriqlarni oʻz vaqtida va sifatli bajarish uchun shaxsiy javobgarligini oshirish choralarini koʻrish;

kadrlar zaxirasini shakllantirish, kadrlarni tanlash va joyiga qoʻyish boʻyicha direktorga takliflarni taqdim qilish, ularning kasbiy mahorati, amaliy tajribasi, maʼnaviy-maʼrifiy sifatlarining oshirishi va samarali faoliyat yuritishi uchun zarur shart-sharoitlar yaratish;

Agentlik xodimlari tomonidan Odob-axloq qoidalariga rioya qilinishini taʼminlash;

xodimlar, jumladan mutasaddilik qilinadigan tarkibiy boʻlinmalarning rahbarlari faoliyati samaradorligi va natijadorligini muntazam ravishda tahlil qilish, Agentlik majlislarida ularning shaxsiy hisobotlarini eshitish, yakunlari boʻyicha zarur choralar koʻrish;

Agentlikning bogʻdorchilik va issiqxonachilik sohasidagi faoliyatini takomillashtirish boʻyicha amaliy chora-tadbirlar koʻrish, ushbu sohada qonun hujjatlarini takomillashtirish boʻyicha takliflarni ishlab chiqish va ularni direktorga kiritish;

mutasaddilik qilinadigan tarkibiy boʻlinmalar rahbarlari va xodimlarini ragʻbatlantirish va intizomiy javobgarlikka tortish boʻyicha direktorga taklif kiritish, shu jumladan, ularning egallab turgan lavozimlarida kelgusida boʻlishi maqsadga muvofiqligi masalalarini koʻrib chiqish, ularga yuklangan vazifalar va funksional vazifalar bajarilishi uchun shaxsiy javobgarligini oshirishning tizimli choralarini amalga oshirish;

jismoniy va yuridik shaxslarning Oʻzbekiston Respublikasi Prezidentining Virtual qabulxonasiga tushayotgan murojaatlarini oʻz vaqtida va toʻlaqonli koʻrib chiqishni taʼminlash maqsadida Oʻzbekiston Respublikasi Prezidentining Xalq qabulxonalari bilan samarali ishlashni tashkil qilish, ularning faoliyatida Agentlik xodimlari va rahbarlarining faol ishtirokini taʼminlash.

Direktor oʻrinbosari qonun hujjatlarida nazarda tutilgan boshqa funksional vazifalarni ham amalga oshiradi.

7-bob. Agentlik rahbarlarining javobgarligi

20. Agentlik direktori:

Agentlikka yuklangan vazifalar va funksiyalar bajarilishi;

Jamgʻarma mablagʻlari maqsadli sarflanishi;

ushbu Nizomning 11-bandida koʻrsatilgan Agentlikning funksional vazifalari toʻliq bajarilishi uchun;

ushbu Nizomning 18-bandida koʻrsatilgan oʻzining funksional vazifalari sifatli bajarilishi uchun javob beradi.

21. Agentlik direktori oʻrinbosari:

mutasaddilik qilinadigan tarkibiy boʻlinmalarda Agentlikka yuklangan vazifalar va funksiyalar bajarilishi;

ushbu Nizomning 11-bandida koʻrsatilgan Agentlikning funksional vazifalari toʻliq bajarilishi uchun;

ushbu Nizomning 19-bandida nazarda tutilgan oʻzining funksional vazifalari sifatli bajarilishi uchun javob beradi.

8-bob. Agentlik faoliyati samaradorligi va natijadorligini baholash mezonlari va ishchi indikatorlar

22. Agentlik faoliyatining samaradorligi va natijadorligi jihatdan muntazam ravishda baholanadi.

23. Agentlik faoliyati samaradorligi va natijadorligini baholash Agentlik faoliyati samaradorligi va natijadorligini baholash mezonlari va ishchi indikatorlarga asoslanadi.

24. Agentlik faoliyati samaradorligi va natijadorligini baholash yakunlari boʻyicha quyidagi choralar koʻriladi:

Agentlik rahbarlari va xodimlarini ragʻbatlantirish (mukofotlash) yoki intizomiy javobgarlik choralari;

Agentlik faoliyatida aniqlangan kamchiliklarni bartaraf qilish va uning faoliyatini yanada takomillashtirish.

9-bob. Agentlikni moliyalashtirish va moddiy-texnik taʼminlash, uning xodimlari mehnatiga haq toʻlash va moddiy ragʻbatlantirish

25. Agentlik faoliyatini moliyalashtirish manbalariga quyidagilar kiradi:

Oʻzbekiston Respublikasi Davlat budjeti mablagʻlari;

xalqaro moliya institutlari, xorijiy hukumat tashkilotlarining kreditlari (qarz mablagʻlari) va grantlari;

Oʻzbekiston Respublikasi rezident va norezidentlari — jismoniy va yuridik shaxslar tomonidan qilingan xayriya mablagʻlari;

vaqtinchalik boʻsh mablagʻlarni bank depozitiga qoʻyish hisobiga olinadigan foiz koʻrinishidagi tushumlar;

shartnoma asosida xizmat koʻrsatishdan olingan daromadlar;

Agentlik qoshidagi Bogʻdorchilik va issiqxona xoʻjaligini rivojlantirish jamgʻarmasi mablagʻlari;

qonun hujjatlari bilan taqiqlanmagan boshqa mablagʻlar.

26. Agentlik milliy valyutada maxsus talab qilinguniga qadar depozit hisob raqamlari ochadi, unga faoliyatning ixtisosligi boʻyicha tovarlarni (ishlarni, xizmatlarni) realizatsiya qilishdan olingan daromadlar, Agentlik mol-mulklarini oʻrnatilgan tartibda sotishdan, tuzilgan shartnomalar doirasida jarima sanksiyalaridan, sugʻurta toʻlovlaridan tushgan tushumlar, boʻsh mablagʻlarni vaqtincha depozitlarga joylashtirishdan olingan daromadlar, xayriya mablagʻlari va qonunchilikda taqiqlanmagan boshqa manbalardan tushiriladi.

Mazkur hisobraqamidagi mablagʻlar Agentlik tomonidan belgilangan tartibda moddiy-texnik bazasini mustahkamlash va xodimlarni moddiy ragʻbatlantirishga, vakillik xarajatlariga, xalqaro moliya institutlari va xalqaro hukumat moliya tashkilotlar vakillarini, chet el delegatsiyalarini qabul qilish xarajatlariga va ushbu Nizomda nazarda tutilgan boshqa maqsadlarga yoʻnaltiriladi.

Ushbu mablagʻlardan maqsadli va samarali foydalanilishi yuzasidan javobgarlik direktor zimmasiga yuklanadi.

27. Oʻzbekiston Respublikasi norezidentlari boʻlgan Agentlikning jalb etilgan xodimlari, ekspertlari va maslahatchilari xizmatlariga tuzilgan kontraktlar shartlariga muvofiq qonun hujjatlarida belgilangan tartibda haq toʻlanadi.

28. Agentlik xodimlariga Oʻzbekiston Respublikasi Qishloq xoʻjaligi vazirligi markaziy apparati xodimlari uchun belgilangan mehnatga haq toʻlash, moddiy ragʻbatlantirish va ijtimoiy himoya shartlari tatbiq etiladi.

29. Agentlik xodimlariga lavozim maoshining 200 foizi miqdorigacha ustamalar belgilanishi mumkin.

30. Ragʻbatlantiruvchi ustama va qoʻshimcha toʻlovlar Agentlik direktori tomonidan imzolanadigan jamoa kelishuvi va mehnat shartnomalarga muvofiq toʻlanadi.

10-bob. Yakunlovchi qoida

31. Agentlik qonun hujjatlarida belgilangan tartibda qayta tashkil etiladi va tugatiladi.

Vazirlar Mahkamasining 2019-yil 11-iyundagi 481-son qaroriga 2-ILOVA

nizom

1-bob. Umumiy qoidalar

1. Ushbu Nizom Oʻzbekiston Respublikasi Qishloq xoʻjaligi vazirligi huzuridagi Bogʻdorchilik va issiqxona xoʻjaligini rivojlantirish agentligining Bogʻdorchilik va issiqxona xoʻjaligini rivojlantirish jamgʻarmasini (keyingi oʻrinlarda Jamgʻarma deb ataladi) boshqarish tartibini, shuningdek, uning mablagʻlarini shakllantirish va ulardan foydalanish tartibini belgilaydi.

2. Jamgʻarma Oʻzbekiston Respublikasi Qishloq xoʻjaligi vazirligi huzuridagi Bogʻdorchilik va issiqxona xoʻjaligini rivojlantirish agentligi (keyingi oʻrinlarda Agentlik deb ataladi) tomonidan yuridik shaxs tashkil etmagan holda tuziladi hamda uning mablagʻlari Agentlikning shaxsiy gʻazna hisobvaragʻida va xorijiy valyutadagi bank hisob raqamida jamlanadi.

Jamgʻarma quyidagi maqsadlarda tashkil etilgan:

bogʻdorchilik va issiqxona xoʻjaligini rivojlantirish boʻyicha loyihalarni moliyalashtirish, shuningdek ularning moliyaviy faolligini qoʻllab-quvvatlash;

Agentlikning markaziy apparati taʼminoti va unga idoraviy mansub tashkilotlarning moddiy-texnik bazasini mustahkamlash, shuningdek, Agentlik faoliyati bilan bogʻliq boʻlgan xarajatlarni moliyalashtirish;

Agentlik markaziy apparatining xodimlarini moddiy ragʻbatlantirish va ijtimoiy himoya qilish.

3. Jamgʻarma faoliyati ushbu Nizomga 1-ilovaga muvofiq tasdiqlanadigan Oʻzbekiston Respublikasi Qishloq xoʻjaligi vazirligi huzuridagi Bogʻdorchilik va issiqxona xoʻjaligini rivojlantirish agentligi qoshidagi Bogʻdorchilik va issiqxona xoʻjaligini rivojlantirish jamgʻarmasi kengashi (keyingi oʻrinlarda Kengash deb ataladi) tomonidan boshqariladi va nazorat qilinadi.

2-bob. Jamgʻarma mablagʻlarini shakllantirish

4. Jamgʻarma mablagʻlari quyidagi manbalardan shakllantiriladi:

Oʻzbekiston Respublikasi Davlat budjetidan ajratiladigan Oʻzbekiston Respublikasining TIF TN kodi 07 va 08 boʻlgan tovar guruhlari boʻyicha qishloq xoʻjaligi mahsulotlarini import qilishdan tushgan bojxona toʻlovlari (bojxona rasmiylashtiruvi uchun yigʻimlar bundan mustasno) summasining 10 foiziga teng miqdordagi ajratmalar;

Oʻzbekiston Respublikasining respublika budjetidan har yili ajratiladigan subsidiyalar;

Oʻzbekiston Respublikasi Davlat aktivlarini boshqarish agentligi qoshidagi “Elektron onlayn-auksionlarni tashkil qilish markazi” davlat unitar korxonasining ochiq savdolarida sotilgan yer uchastkalariga boʻlgan huquqlarning boshlangʻich bahosidan oshgan summaning 50 foizi;

xalqaro moliya institutlari, xorijiy hukumat tashkilotlarining kreditlari (qarz mablagʻlari) va grantlari;

qonun hujjatlari bilan taqiqlanmagan boshqa mablagʻlar.

Jamgʻarmaga majburiy ajratmalarni oʻz vaqtida yuborish uchun shaxsiy masʼuliyat Jamgʻarmaga ajratmalarni amalga oshiruvchi tashkilot rahbarlari zimmasiga yuklanadi.

3-bob. Jamgʻarma mablagʻlaridan foydalanish

6. Jamgʻarma mablagʻlari quyidagi maqsadlar uchun sarflanadi:

a) bogʻdorchilik va issiqxona xoʻjaliklarini barqaror rivojlantirishni taʼminlashga qaratilgan maqsadli kompleks dasturlarni shuningdek, sarimsoqpiyoz yetishtirish loyihalarini amalga oshirish shu jumladan, yangi limonzorlarni barpo etish va limon koʻchatlarining xarid qilishga;

b) quyidagi maqsadlar uchun subsidiyalar berish:

2019-yil va undan keyingi yillarda tashkil etilgan yangi intensiv bogʻ va tokzorlarda suvni tejaydigan texnologiyalarni joriy qilgan loyihalar uchun;

maydoni 10 gektardan ziyod bogʻlarda va xoʻraki, kishmishbop uzum plantatsiyalarida suvdan maxsus foydalanish yoki suvni maxsus isteʼmol qilish boʻyicha vakolatli organlar tomonidan beriladigan tegishli ruxsatnomaga asosan suv chiqarish uchun burgʻilangan quduqni, shuningdek, daryolar, kanallar va boshqa suv havzalaridan suvni tortish uchun nasos stansiyasini qurishga har 35 gektar uchun har bir metri uchun 600 ming soʻmdan, ammo 120 million soʻmdan oshmaydigan miqdorda;

2021-yil va undan keyingi yillarda qishloq xoʻjaligi tashkilotlari tomonidan issiqxonalarda yangi limonzorlarni barpo etish va limon koʻchatlarini xarid qilish bilan bogʻliq xarajatlarning har bir sotixi uchun 300 ming soʻm miqdorida, shuningdek, qishloq xoʻjaligi tashkilotlari tomonidan limon yetishtirish maqsadida issiqxonani muqobil energiya (tabiiy gazga nisbatan) bilan isitish maqsadida xarid qilingan qurilmalar qiymatining 30 foizi miqdorida;

qishloq xoʻjaligi birlashmalari aʼzolari va meva-sabzavot klasterlari ishtirokchilariga mahalliy sharoitda har bir intensiv (pakana va yarim pakana) koʻchat uchun 8 000 soʻm hamda payvandtagning har bir donasi uchun 2 500 soʻm miqdorida;

yangi bogʻ va xoʻraki, kishmishbop uzum plantatsiyalarida tomchilatib sugʻorish texnologiyalarini joriy qilish, burgʻilangan quduq, shuningdek, daryolar, kanallar hamda boshqa suv havzalaridan suvni tortishga nasos stansiyasini qurish ishlarini loyihalashtirish xarajatlarining bir qismini qoplash maqsadida har bir loyihaga 10 million soʻmgacha;

aholi yashash punktlaridan uzoq hududlarda joylashgan 10 gektardan kam boʻlmagan lalmi va foydalanishdan chiqqan yerlarda mevali bogʻlar va xoʻraki, kishmishbop uzum plantatsiyalarini tashkil etish uchun qayta tiklanuvchi, muqobil elektr energiyasi (quyosh, suv, shamol) bilan taʼminlash uskunalarini sotib olish xarajatlarning 50 foizigacha, biroq 100 million soʻmdan ortiq boʻlmagan miqdorda;

mahalliy sharoitda “in-vitro” usulida yetishtirilgan har bir dona xoʻraki, kishmishbop tok koʻchati va payvandtagli tok koʻchati uchun 5 ming soʻm miqdorida;

xoʻraki va kishmishbop tok koʻchatlarini shpalerga (yogʻoch va boshqa sinuvchan ustunlardan tashqari) koʻtarish xarajatlarining bir qismini qoplash maqsadida bir dona shpalerga 15 (oʻn besh) ming soʻmdan ortiq boʻlmagan miqdorda;

mayiz quritish va qadoqlash liniyalarini xarid qilish xarajatlarining 20 foizi, lekin 300 million soʻmdan ortiq boʻlmagan miqdorda.

Agar shartnomada suv tejovchi sugʻorish texnologiyalarini joriy etishga, shuningdek, yangi limonzorlarni barpo etish va intensiv koʻchatlarni (pakana va yarim pakana) hamda payvandtaglarni xarid qilish bilan bogʻliq sarflangan xarajat mazkur kichik bandda belgilangan summadan kam boʻlgan taqdirda subsidiya shartnomada nazarda tutilgan summaga ajratiladi;

suvdan foydalanish maqsadida tutash hududlarda joylashgan har birining umumiy maydoni 35 gektardan oshmaydigan bir necha fermer xoʻjaligi va qishloq xoʻjaligi korxonalarining oʻzaro kelishuvi asosida suvdan maxsus foydalanish yoki suvni maxsus isteʼmol qilish boʻyicha vakolatli organlar tomonidan beriladigan tegishli ruxsatnomaga asosan suv chiqarish uchun burgʻilangan quduqni, shuningdek daryolar, kanallar hamda boshqa suv havzalaridan suvni tortishga nasos stansiyasini qurish uchun suvdan maxsus foydalanish yoki suvni maxsus isteʼmol qilish boʻyicha vakolatli organlar tomonidan beriladigan tegishli ruxsatnomaga asosan har 35 gektar maydonga 120 million soʻmdan oshmaydigan mikdorda;

yaratilayotgan har 10 gektar yer maydonidagi dorivor oʻsimliklarning madaniy plantatsiyalariga suv chiqarish uchun burgʻilangan quduq qazish, shuningdek, daryolar, kanallar hamda boshqa suv havzalaridan suvni tortish maqsadida nasos stansiyasini qurishga suvni tejovchi texnologiyalarni qoʻllash sharti bilan Davlat geologiya va mineral resurslar qoʻmitasining tegishli dalolatnomasiga asosan har bir metri uchun 600 ming soʻmdan, ammo 120 million soʻmdan oshmaydigan miqdorda.

v) Agentlik va uning idoraviy mansub tashkilotlarining moddiy-texnik bazasini mustahkamlash, xodimlarning xizmat safarlari boʻyicha xarajatlarni moliyalashtirish, shu jumladan, Agentlik xodimlarini moddiy ragʻbatlantirish, qoʻshimcha haq, ustamalar, mukofotlar va qonunchilikda taʼqiqlanmagan boshqa toʻlovlarni amalga oshirish;

g) bogʻdorchilik va issiqxonachilik sohasiga xorijiy mutaxassislar va konsultantlarni jalb etish, shuningdek, Agentlik xodimlari, bogʻdorchilik va issiqxona xoʻjaliklari egalarini kasbiy tayyorlash, qayta tayyorlash va malakasini oshirish;

d) mamlakatimizda ishlab chiqarilgan meva va issiqxonalarda yetishtirilgan mahsulotlar, shu jumladan, ushbu mahsulotlarini tanishtirish boʻyicha konferensiyalar, seminarlar, treninglar, mahorat darslari, festivallar, koʻrgazmalar va yarmarkalarda ishtirok etish va tashkil qilish bilan bogʻliq xarajatlarni moliyalashtirish, ushbu tadbirlarda, shu jumladan, chet elda oʻtkaziladigan bogʻdorchilik va issiqxonachilik sohasi korxonalari ishtirok etishida koʻmaklashish, madaniy-ommaviy tadbirlarni oʻtkazish bilan bogʻliq boʻlgan xarajatlarni qoplash;

e) mahalliy tashkilotlar va xalqaro tashkilotlarda aʼzolik badallarini va boshqa badallarni toʻlash;

j) ilmiy-texnik va ilmiy-metodik adabiyotlar (shu jumladan, davriy nashrlar, eʼlonlar, risolalar, bukletlar, kitoblar, toʻplamlar va boshqa axborot-maʼrifiy materiallar)ni tayyorlash va nashr qilish, shuningdek, bogʻdorchilik va issiqxona xoʻjaliklari sohasida videoroliklar va taqdimot materiallarini yaratishga sarflangan xarajatlarni moliyalashtirish;

z) ilmiy-tadqiqot ishlarini, shuningdek, ilmiy va ilmiy-tadqiqot tashkilotlari tomonidan bogʻdorchilik va issiqxonachilik sohasida normalar, reglamentlar va qoidalar ishlab chiqilishini moliyalashtirish;

i) malakali trener-konsultantlarni tayyorlash boʻyicha dastur va ularni tanlab olishga doir talablarni ishlab chiqish, dehqon xoʻjaliklari uchun qisqa muddatli intensiv oʻquv kurslarini tashkil etish dasturini ishlab chiqish, oʻquv kurslarini tashkil etish, dehqon xoʻjaliklariga yaqindan, shu jumladan, Internet jahon axborot tarmogʻi orqali doimiy tarzda maslahat berib borish;

k) bogʻdorchilik va sabzavotchilik rivojlangan davlatlardan malakali mutaxassislar jalb qilish;

Jamgʻarma mablagʻlari Agentlikning faoliyati bilan bogʻliq boʻlgan qonun bilan taqiqlanmagan boshqa tadbirlarni oʻtkazish uchun ham sarflanishi mumkin.

7. Subsidiyalarni ajratish suv tejovchi sugʻorish texnologiyalarini joriy etish, yaratilayotgan bogʻ va issiqxonalarda suv chiqarish uchun burgʻilangan quduq va suvni tortish uchun nasos stansiyasini qurish holati boʻyicha amalga oshiriladi.

8. Jamgʻarma mablagʻlarini boshqarish va taqsimlash Kengash tomonidan tasdiqlanadigan daromadlar va xarajatlar smetasiga muvofiq amalga oshiriladi.

9. Jamgʻarma daromadlari va xarajatlari smetasi kelgusi yilda kutilayotgan moliyaviy mablagʻlar tushumi prognozi (2019-yil uchun — joriy yilda kutilayotgan moliyaviy mablagʻlar tushumi prognozi) va tadbirlarni oʻtkazish rejasidan kelib chiqib tuziladi.

11. Buyurtmanomalarni qabul qilish va umumlashtirish, Jamgʻarma kengashining qaroriga asosan daromadlar va xarajatlar smetasi loyihasini tuzish va Jamgʻarma mablagʻlaridan maqsadli foydalanilishi yuzasidan doimiy monitoring olib borish Agentlikning bosh hisobchisi va uning oʻrinbosari tomonidan olib boriladi.

12. Kengash:

ushbu Nizom 6-bandining “b” kichik bandida nazarda tutilgan maqsadlar uchun mablagʻlar ajratilishi yuzasidan kelib tushgan buyurtmanomalarni koʻrib chiqadi va umumlashtiradi;

qabul qilingan buyurtmanomalar orasidan eng ustuvorlari va asoslanganlarini tanlab oladi hamda mablagʻ ajratish toʻgʻrisidagi qaror qabul qiladi;

ushbu Nizom 6-bandining “b” kichik bandiga muvofiq belgilangan yoʻnalishlar doirasida mablagʻlardan foydalanish uchun eng ustuvorlarini tanlaydi;

buyurtmanomalar asosida ajratilgan mablagʻlardan boshqa maqsadlarda foydalanish holatlari aniqlangan taqdirda moliyalashtirishni toʻxtatadi va ajratilgan mablagʻlarni undirish choralarini koʻradi;

Jamgʻarma faoliyatiga oid boshqa masalalar yuzasidan qarorlar qabul qiladi.

13. Kengashning subsidiyalarni taqdim etish toʻgʻrisidagi ijobiy qarori Jamgʻarma mablagʻlarini ajratish uchun asos hisoblanadi.

Kengash majlislari bir oyda kamida bir marotaba oʻtkaziladi.

Agentlik Kengashning ishchi organi hisoblanadi, uning vazifalari va funksiyalari Kengash tomonidan belgilanadi.

14. Agentlik direktori:

Jamgʻarma mablagʻlarini ushbu Nizomga hamda Jamgʻarmaning prognozi va xarajatlari smetasiga muvofiq tasarruf etadi va uning mablagʻlaridan belgilangan maqsadlarda foydalanilishi uchun javob beradi;

qonun hujjatlarida belgilangan tartibda Jamgʻarma mablagʻlaridan moliyalashtiriladigan tovarlarni (ishlar va xizmatlar) xarid qilish uchun shartnomalarni tuzadi;

Jamgʻarma tomonidan moliyalashtirilgan mablagʻlar boʻyicha, shu jumladan, shartnoma shartlariga qoʻshimcha kiritish, toʻldirish, amal qilish muddatini oʻzgartirish (uzaytirish) boʻyicha qarorlarni qabul qiladi;

Jamgʻarma daromadlari va xarajatlari hisobi yuritilishini, Jamgʻarma mablagʻlaridan ushbu mablagʻlarni oluvchilar tomonidan belgilangan maqsadlarda foydalanish monitoringini taʼminlaydi;

Jamgʻarma kengashiga Jamgʻarma daromadlari va xarajatlari smetasini bajarish boʻyicha choraklik va yillik hisobotlarni taqdim qiladi;

oʻz vakolati doirasida boshqa masalalar yuzasidan qarorlar qabul qiladi.

4-bob. Loyihalarni subsidiyalar hisobiga moliyalashtirish tartibi

6-bob. Jamgʻarma mablagʻlaridan foydalanishni hisobga olish, hisobot berish, nazorat qilish va javobgarlik

25. Agentlik har bir yoʻnalish boʻyicha Jamgʻarma mablagʻlari tushishi va harakatining alohida hisobini yuritadi.

26. Agentlik direktori va bosh hisobchisi Jamgʻarmaga kelib tushgan mablagʻlar va ularning sarflanishiga oid buxgalterlik hisobini yuritish, hisobotlarni tayyorlash va taqdim etishni toʻgʻri olib borishga javobgardir.

27. Jamgʻarmaning Oʻzbekiston Respublikasining respublika budjetidan olingan mablagʻlar boʻyicha daromadlar va xarajatlar toʻgʻrisidagi hisobotlari Oʻzbekiston Respublikasi Moliya vazirligiga hisobot davridan keyingi oyning 25 sanasigacha har chorakda, yillik hisobot esa keyingi yilning 30-yanvaridan kech boʻlmagan muddatda taqdim qilinadi.

28. Jamgʻarmaning Oʻzbekiston Respublikasining respublika budjetidan olingan va loyiha tashabbuskorlariga oʻtkazilmagan mablagʻlari keyingi yilga oʻtadi va olib qoʻyilmaydi.

29. Jamgʻarma mablagʻlaridan belgilangan maqsadlarda foydalanishni nazorat qilish vakolatli organlar tomonidan qonun hujjatlariga muvofiq amalga oshiriladi.

7-bob. Yakunlovchi qoidalar

30. Ushbu Nizom talablari buzilishida aybdor boʻlgan shaxslar qonun hujjatlariga muvofiq javob beradilar.

31. Ushbu Nizomni amalga oshirishda yuzaga keladigan nizolar qonun hujjatlarida belgilangan tartibda hal qilinadi.

TARKIBI

Xodjayev J. — Oʻzbekiston Respublikasi Qishloq xoʻjaligi vaziri, Kengash raisi Najimov N. — Oʻzbekiston Respublikasi Qishloq xoʻjaligi vazirligi huzuridagi Bogʻdorchilik va issiqxona xoʻjaligini rivojlantirish agentligi direktori, Kengash raisining oʻrinbosari Kirgizboyev F. — Oʻzbekiston Respublikasi Qishloq xoʻjaligi vazirligining boshqarmasi boshligʻi Safarov M. — “Ipak yoʻli bank” ATB boshqaruvi raisi oʻrinbosari Poʻlatov J. — Oʻzbekiston fermer, dehqon xoʻjaliklari va tomorqa yer egalari kengashi raisining birinchi oʻrinbosari Abdullayev T. — Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi raisining birinchi oʻrinbosari lavozimi boʻyicha — Oʻzbekiston Respublikasi Qishloq xoʻjaligi vazirligi huzuridagi Bogʻdorchilik va issiqxona xoʻjaligini rivojlantirish agentligi direktorining oʻrinbosari, Kengash kotibi

Izoh. Kengash aʼzolari boshqa ishga oʻtgan taqdirda uning tarkibiga ushbu lavozimlarga yangidan tayinlangan yoxud zimmasiga tegishli vazifalarni bajarish yuklangan shaxslar kiritiladi.

Oʻzbekiston Respublikasi Qishloq xoʻjaligi vazirligi huzuridagi Bogʻdorchilik va issiqxona xoʻjaligini rivojlantirish agentligi qoshidagi Bogʻdorchilik va issiqxona xoʻjaligini rivojlantirish jamgʻarmasi subsidiyalari hisobiga loyihalarni moliyalashtirish

SXEMASI

Bosqichlar Subyektlar Chora-tadbirlar Muddatlar I bosqich Loyiha tashabbuskori 1. Subsidiyalarni olish imkonini koʻrib chiqish uchun barcha zarur hujjatlarni tayyorlaydi. 2. Oʻzbekiston Respublikasi Qishloq xoʻjaligi vazirligi huzuridagi Bogʻdorchilik va issiqxona xoʻjaligini rivojlantirish agentligiga (keyingi oʻrinlarda Agentlik deb ataladi) hujjatlarni taqdim qiladi. Tashabbus koʻrsatish tartibida II bosqich Agentlik Tashabbuskorning murojaat va hujjatlarini koʻrib chiqadi va ularni Oʻzbekiston Respublikasi Qishloq xoʻjaligi vazirligi huzuridagi Bogʻdorchilik va issiqxona xoʻjaligini rivojlantirish agentligining Bogʻdorchilik va issiqxona xoʻjaligini rivojlantirish jamgʻarmasi mablagʻlari hisobiga subsidiyalar berish boʻyicha Kengash (keyingi oʻrinlarda Kengash deb ataladi) tomonidan koʻrib chiqish uchun kiritadi. 3 ish kuni mobaynida III bosqich Kengash Agentlik tomonidan taqdim qilingan hujjatlarni koʻrib chiqadi. 1 oy mobaynida IV bosqich Agentlik Tashabbuskorni Kengash tomonidan subsidiya berish yoki berishni rad etish toʻgʻrisida qabul qilingan qaror toʻgʻrisida xabardor qiladi. Qaror qabul qilingandan keyin 1 ish kuni mobaynida V bosqich Agentlik, loyiha tashabbuskori Loyihani amalga oshirish uchun subsidiya ajratish toʻgʻrisidagi shartnomani tuzadi. Kengashning ijobiy qarori qabul qilingandan soʻng 3 ish kuni mobaynida VI bosqich Agentlik Subsidiya ajratish toʻgʻrisidagi shartnoma shartlari bajarilgandan soʻng mablagʻlar loyiha tashabbuskorining tijorat bankida ochilgan hisobvaragʻiga oʻtkaziladi. Shartnoma shartlariga muvofiq VII bosqich Loyiha tashabbuskori 1. Mablagʻlardan qatʼiy ravishda intensiv bogʻ va/yoki issiqxonalarni yaratish, tomchilab (yomgʻirlatib) sugʻorish texnologiyasini joriy qilish va/yoki burgʻilash quduqlarini qurish uchun belgilangan maqsadda foydalanadi. 2. Loyihani oʻz vaqtida va sifatli amalga oshirish uchun barcha kuchlarni safarbar qiladi. Shartnoma shartlariga muvofiq

Yangi intensiv bogʻ va issiqxona yaratish loyihasi toʻgʻrisida

MAʼLUMOT

1. Loyiha tashabbuskori: ___________________________ 2. Yaratiladigan intensiv bogʻ va issiqxonalarning umumiy maydoni: __________ ga. 3. Loyiha amalga oshirilayotgan joyning manzili: __________________________. 4. Mevali daraxt (yoki issiqxonada parvarishlanadigan mahsulot) turi va navini oʻtqazish rejasi: _____________________ga (masalan, olma — 50 ga, gilos — 10 ga, behi — 10 ga). 5. Loyihani amalga oshirish muddati: _________ (masalan, 2019-yil kuzi). 6. Yaratiladigan ish oʻrni: ___ kishi. 7. Loyihaning umumiy qiymati — ___________ mln. soʻm yoki _________ AQSH dollari, undan: T/r Amalga oshiriladigan ishlar Loyihaning umumiy qiymati, mln soʻm, shundan: Moliyalashtirish manbalari, mln soʻm Loyiha tashabbuskorlarining mablagʻlari Bogʻdorchilik va issiqxona xoʻjaligini rivojlantirish jamgʻarmasi subsidiyalari Tijorat banklari kreditlari, jumladan, Jamgʻarma resurslari hisobiga 1. Agrotexnik tadbirlar (jumladan, yer haydash, chizellash, yerni tekislash va hokazo ishlarni amalga oshirish) 2. Tuproqqa mineral oʻgʻitlar va boshqa kimyoviy moddalar bilan ishlov berish 3. Mevali daraxt (yoki koʻchat) nihollarini xarid qilish va ularni oʻtqazishni tashkil qilish 4. Suv chiqarish uchun burgʻilash quduqlari qurish 5. Tomchilab sugʻorish tizimini joriy qilish 6. Boshqa xarajatlar JAMI: Keltirilgan maʼlumotlar ishonchli boʻlib biz yangi intensiv bogʻ (va/yoki issiqxonani) yaratish boʻyicha loyiha toʻliq hajmda oʻz vaqtida va sifatli amalga oshirilishiga kafolat beramiz. Tashkilot rahbari _________________________ ___________ (F.I.O.) (imzo) M.Oʻ.

Izoh. Loyihalashtirishning aniq manbalari koʻrsatilmagan loyihalar koʻrib chiqilmaydi.