2019-2020-yillarda Qashqadaryo viloyati Kasbi tumanining sanoat salohiyatini rivojlantirish toʻgʻrisida (466-son)

06.06.2019

Oʻzbekiston Respublikasi Vazirlar Mahkamasining

qarori

Qashqadaryo viloyatining Kasbi tumanida mavjud tabiiy va mehnat resurslaridan toʻliq va samarali foydalanish, tadbirkorlik faoliyatini jadal rivojlantirish, sanoat salohiyatini oshirish hisobiga yangi ish oʻrinlari tashkil etish va bandlikni taʼminlash orqali aholi turmush darajasini yanada oshirish maqsadida Vazirlar Mahkamasi qaror qiladi:

1. 2019-2020-yillarda Qashqadaryo viloyatining Kasbi tumanida sanoatni rivojlantirish sohasidagi loyihalarning manzilli roʻyxati (keyingi oʻrinlarda manzilli roʻyxat deb ataladi) 1-ilovaga muvofiq;

Qashqadaryo viloyati Kasbi tumanidagi boʻsh turgan bino-inshootlardan samarali foydalanish maqsadida tuman hokimligiga oʻtkaziladigan obyektlarning roʻyxati 2-ilovaga muvofiq tasdiqlansin.

2. Qashqadaryo viloyati hokimligi:

Oʻzbekiston Respublikasi Investitsiyalar va tashqi savdo vazirligi, manfaatdor davlat va xoʻjalik boshqaruvi organlari va loyiha tashabbuskorlari bilan birgalikda manzilli roʻyxat parametrlarining soʻzsiz bajarilishini hamda bu borada investitsiya loyihalarining oʻz vaqtida va sifatli amalga oshirilishini, ishlab chiqarishning moʻljallangan hajmlari oʻzlashtirilishini va yangi ish oʻrinlari tashkil etilishini taʼminlasin;

muammoli masalalarni muntazam ravishda koʻrib chiqib, ularni hal etish yuzasidan tezkor va zarur amaliy chora-tadbirlar koʻrgan holda, loyihalar amalga oshirilishi yuzasidan tizimli monitoring olib borsin;

har chorak yakuni bilan sektorlar kesimida sanoatni rivojlantirish boʻyicha manzilli roʻyxatga kiritilgan tadbirlarning oʻz vaqtida va sifatli bajarilishini, loyiha tashabbuskorlari faoliyati natijadorligini baholagan holda, viloyat va tuman faollari yigʻilishlarida muhokama qilsin hamda amalga oshirilgan ishlar toʻgʻrisida Vazirlar Mahkamasiga axborot kiritib borsin.

3. Qashqadaryo viloyati hokimligiga Oʻzbekiston Respublikasi Investitsiyalar va tashqi savdo vazirligi hamda xizmat koʻrsatuvchi banklar bilan kelishgan holda, loyihalar qiymati va ish oʻrinlari sonini saqlab qolish sharti bilan, zaruratga koʻra, manzilli roʻyxatga oʻzgartirishlar kiritish huquqi berilsin.

4. Qashqadaryo viloyati hokimligi Oʻzbekiston Respublikasi Davlat aktivlarini boshqarish agentligi, Yer resurslari, geodeziya, kartografiya va davlat kadastri davlat qoʻmitasi, Qurilish vazirligi bilan birgalikda bir oy muddatda 2-ilovaga kiritilgan obyektlarni Kasbi tumani hokimligiga oʻtkazib berilishini taʼminlasin.

5. Qashqadaryo viloyati hokimligi, Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasining Qashqadaryo viloyati Kasbi tumani “Mugʻlon” MFY hududida joylashgan Paxta seleksiyasi, urugʻchiligi va yetishtirish agrotexnologiyalari ilmiy-tadqiqot instituti Qashqadaryo ilmiy-tajriba stansiyasiga qarashli boʻlgan foydalanilmayotgan 3,0 gektar yer uchastkasidan kelgusida samarali foydalanish maqsadida Kasbi tumani hokimligiga berish toʻgʻrisidagi takliflari maʼqullansin.

6. “Hunarmand” uyushmasi, Oʻzbekiston Respublikasi Bandlik va mehnat munosabatlari vazirligi, Oʻzbekiston yoshlar ittifoqi, Xotin-qizlar qoʻmitasi, Qashqadaryo viloyati hokimligi bilan birgalikda:

Kasbi tumanida 30 nafar ishsiz yoshlarni hunarmandlar va boshqa kasb vakillari boʻlgan ustozlarga “Ustoz-shogird” loyihasi boʻyicha bir kalendar yilga shogird sifatida biriktirish;

kasb-hunarlarni toʻliq egallagan shogirdlarni keyinchalik mazkur bandning ikkinchi xatboshida koʻrsatib oʻtilgan shartlar asosida kamida ikki nafar shogirdni bepul oʻqitish sharti bilan mustaqil ishni davom ettirish uchun zarur boʻlgan asbob-uskunalar bilan taʼminlash choralarini koʻrsinlar.

7. Belgilansinki, “Ustoz-shogird” loyihasi boʻyicha ustozlar va shogirdlarga toʻlovlar Oʻzbekiston Respublikasi Bandlik va mehnat munosabatlari vazirligi huzuridagi Jamoat ishlari jamgʻarmasi, Bandlikka koʻmaklashish davlat jamgʻarmasi mablagʻlari va qonun hujjatlarida taʼqiqlanmagan boshqa manbalar hisobidan amalga oshiriladi.

8. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari — transport vaziri A.J. Ramatov hamda Qashqadaryo viloyati hokimi Z.Sh. Roʻziyev zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2019-yil 6-iyun,

466-son

Vazirlar Mahkamasining 2019-yil 6-iyundagi 466-son qaroriga 1-ILOVA

2019-2020-yillarda Qashqadaryo viloyatining Kasbi tumanida sanoatni rivojlantirish sohasidagi loyihalarining

MANZILLI ROʻYXATI

T/r Loyiha tashabbuskori Loyihaning nomi Loyiha qiymati, (mln.soʻm) shundan: Xizmat koʻrsatuvchi bank Ishga tushirish muddati Yangi ish oʻrni oʻz mablagʻi bank krediti xorijiy kredit liniyasi (ming dollar) Jami — 41 ta loyiha 375 110 17 150 5 140 42 250 811 1. “Mugʻlon” XK non va non mahsulotlari ishlab chiqarishni tashkil etish 150 150 01.07.2019 4 2. “Mirziyo plyus Sarvarbek” FX makaron mahsulotlari ishlab chiqarishni tashkil etish 300 150 150 “Agrobank” ATB 01.07.2019 2 3. YTT Shodmonov Ozod Choriyevich shlakablok ishlab chiqarishni tashkil etish 185 150 35 AT Xalq banki 01.07.2019 2 4. “Quruvchi ulgurji chakana savdo” MChJ gʻisht ishlab chiqarishni kengaytirish 1 000 700 300 “Asaka” bank ATB 01.07.2019 8 5. “Oʻzpaxtasanoat” AJ (1-loyiha) tikuvchilik va trikotaj mahsulotlari ishlab chiqarishni tashkil etish 1 500 1500 01.10.2019 150 6. “Big region” MChJ trikotaj mahsulotlari ishlab chiqarishni tashkil etish 45 040 1 880 5200 01.10.2019 50 7. “Obodon” KX qurilish materiallari ishlab chiqarish (yengil konstruksiyali panellar) 3 500 3 000 500 AT “Aloqabank” 01.10.2019 12 8. “Panjiyev Javohir Baxodir oʻgʻli” OK eshik va rom ishlab chiqarishni tashkil etish 400 400 08.10.2019 10 9. “Qilichov Javohir” YTT mebel ishlab chiqarishni yoʻlga qoʻyishni tashkil etish 400 300 100 AT Xalq banki 11.10.2019 4 10. “Beknazarov Zafar” OK sport anjomlari ishlab chiqarishni tashkil etish 500 500 11.10.2019 15 11. “Shaxribonu Jamshidovna” MChJ polietilen mahsulotlari ishlab chiqarishni tashkil etish 500 500 12.10.2019 10 12. “Qatagʻan tekstil” MChJ toʻquvchilik mahsulotlari ishlab chiqarishni tashkil etish 300 200 100 “Agrobank” ATB 15.10.2019 27 13. “Davronov Dilshod Atxam oʻgʻli” OK gigena qogʻozini ishlab chiqarishni tashkil etish 250 100 150 AT Xalq banki 15.10.2019 30 14. “Indorama-agro” MChJ XK (2-bosqich) toʻqimachilik mahsulotlari ishlab chiqarishni tashkil etish 292 225 35000 01.12.2019 70 15. “Ekspress Kasbi” XK omuxta yem ishlab chiqarish 200 100 100 AT Xalq banki 15.12.2019 4 16. “Ogʻabek” MChJ qurilish materiallari ishlab chiqarishni tashkil etish 800 800 AT “Aloqabank” 31.12.2019 6 17. “Mamatov Nodir Jumanazarovich” OK shlakablok ishlab chiqarishni tashkil etish 100 50 50 AT Xalq banki 31.12.2019 4 18. “Oqqamish bunyodkori” MChJ shlakablok ishlab chiqarishni tashkil etish 80 80 31.12.2019 2 19. “Rivoj kapital” MChJ shlakablok ishlab chiqarishni tashkil etish 150 150 31.12.2019 2 20. “Qurbonov Joʻrabek Boʻritosh oʻgʻli” OK mebel ishlab chiqarishni tashkil etish 200 50 150 AT Xalq banki 31.12.2019 3 21. “Axmedov Maʼmur Toʻra oʻgʻli” OK eshik va rom ishlab chiqarishni tashkil etish 210 150 60 AT Xalq banki 31.12.2019 3 22. “Abduraximov Tulkinjon Toirovich” OK polietilen qop ishlab chiqarishni tashkil etish 400 100 300 AT Xalq banki 31.12.2019 15 23. “Qahromonov Suxrob Sunnatillo oʻgʻli” OK sovun va kukun ishlab chiqarishni tashkil etish 400 100 300 AT Xalq banki 31.12.2019 10 24. “Turdiboyeva Gulhayo Akmal qizi” OK milliy shirinliklar ishlab chiqarishni tashkil etish 130 80 50 AT Xalq banki 31.12.2019 9 25. “Nafasov Tolib” OK non va non mahsulotlari ishlab chiqarishni tashkil etish 100 100 31.12.2019 2 26. “Sherqulov Ramiz” OK non va non mahsulotlari ishlab chiqarish 100 100 AT Xalq banki 31.12.2019 2 27. “Amirqulova Dilorom Sobirqul qizi” OK non va non mahsulotlari ishlab chiqarishni tashkil etish 155 125 30 AT Xalq banki 31.12.2019 4 28. “Yurt rizqi” MChJ sutni qayta ishlashni modernizatsiya qilish 1 200 600 600 31.12.2019 10 29. “Amonov Muhammad Baxriddin oʻgʻli” OK paypoq ishlab chiqarishni tashkil etishni tashkil etish 370 250 120 AT Xalq banki 31.12.2019 4 30. “Boboyev Abror Alisher oʻgʻli” OK tikuvchilik mahsulotlari ishlab chiqarishni tashkil etish 125 70 55 AT Xalq banki 31.12.2019 2 31. “Quvvatova Dinara Qorjabovna” OK tikuvchilik mahsulotlari ishlab chiqarishni tashkil etish 400 100 300 AT Xalq banki 31.12.2019 10 32. “Xonqulov Botirjon Murodaliyevich” OK tikuvchilik mahsulotlari ishlab chiqarishni tashkil etish 150 120 30 AT Xalq banki 31.12.2019 5 33. “Tangriyev Boxodir Choriboy oʻgʻli” OK tikuvchilik mahsulotlari ishlab chiqarishni tashkil etish 140 110 30 AT Xalq banki 31.12.2019 2 34. “Rahmatullayev Sanjarbek Obidjon oʻgʻli” OK tikuvchilik mahsulotlari ishlab chiqarishni tashkil etish 1 000 500 500 AT Xalq banki 31.12.2019 30 35. “Qosimova Fayoza Sobir qizi” OK tikuvchilik mahsulotlari ishlab chiqarishni tashkil etish 180 150 30 AT Xalq banki 31.12.2019 5 36. “Oʻzpaxtasanoat” AJ (2-loyiha) tikuvchilik va trikotaj mahsulotlari ishlab chiqarishni tashkil etish 1 500 1500 01.09.2020 150 37. “Koinot kamolot” MChJ mevani qayta ishlash va sovutgichli sigʻimni tashkil etish 1 100 500 600 AT Xalq banki 10.10.2020 10 38. “MT Amir tex” MChJ QK paxtani qayta ishlash va tayyor mahsulotlar ishlab chiqarishni tashkil etish 17 500 500 2000 “Agrobank” ATB 31.10.2020 100 39. “Moybuloq tekstil” MChJ goʻshtni qayta ishlash sexini tashkil etish 800 600 200 31.12.2020 8 40. “Oqbuloq” MChJ sutni qayta ishlash sexini tashkil etish 870 435 50 31.12.2020 10 41. “Denov nasl chorva” MChJ sutni qayta ishlash sexini tashkil etish 500 200 300 31.12.2020 5

Vazirlar Mahkamasining 2019-yil 6-iyundagi 466-son qaroriga 2-ILOVA

Qashqadaryo viloyati Kasbi tumanidagi boʻsh turgan bino-inshootlardan samarali foydalanish maqsadida tuman hokimligiga oʻtkaziladigan obyektlarning

ROʻYXATI

T/r Obyekt nomi Manzili Balansda saqlovchi Idoraviy mansubligi 1. Urugʻlik don saqlash omborxonasi binosi Kasbi tumani Mugʻlon qishlogʻi “Dunyo-M” aksiyadorlik jamiyati “Oʻzdonmahsulot” AK * 2. Qurilishi tugallanmagan parrandachilik majmuasi Kasbi tumani “Mugʻlon” MFY, A.Navoiy massivi 121-kontur “Shoʻrtanneftgaz” MChJ “Oʻzbekneftgaz” AJ * 3. 28-umumtaʼlim maktabning 1972-yilda qurilgan eski binosi Kasbi tumani Qatagʻon qishlogʻi Kasbi tumani 28-umumtaʼlim maktabi Xalq taʼlimi vazirligi

* Belgilangan tartibda aksiyadorlik jamiyatidagi davlat ulushini kamaytirish yoki soliqlar va boshqa majburiy toʻlovlar summasi hisobidan oʻtkaziladi.