Respublika hududlarida tikuv-trikotaj mahsulotlari ishlab chiqarishni tashkil etish va aholi bandligini taʼminlash chora-tadbirlari toʻgʻrisida (PQ-4341-son)

28.05.2019

Oʻzbekiston Respublikasi Prezidentining

Qarori

Keyingi yillarda respublikada toʻqimachilik va tikuv-trikotaj majmualarini tashkil etish, yuqori qoʻshilgan qiymatli tayyor mahsulotlarni ishlab chiqarish, ichki va tashqi bozorlarda talab yuqori boʻlgan mahsulotlar hajmi va turlarini kengaytirish boʻyicha salmoqli ishlar amalga oshirilmoqda.

Jumladan, toʻqimachilik va tikuv-trikotaj sanoati korxonalari oʻrtasida bozor munosabatlarini shakllantirish, paxta-toʻqimachilik ishlab chiqarishini tashkil etishning zamonaviy klaster shakllarini joriy qilish, yuqori qoʻshilgan qiymatli raqobatbardosh mahsulotlar ishlab chiqarishni yoʻlga qoʻyish va aholi bandligini oshirish boʻyicha izchil choralar koʻrilmoqda.

Shu bilan birga, qishloq joylarda, mahallalarda va respublikamizning olis hududlarida ishga muhtoj aholi, ayniqsa ayollar bandligini taʼminlash, ularning turmush sharoitlari va daromadlarini oshirishga qaratilgan tizimli chora-tadbirlarni amalga oshirish zarur.

Oʻzbekiston Respublikasi Prezidenti tomonidan ilgari surilgan 5 ta tashabbus doirasida tayyor tikuv-trikotaj mahsulotlari ishlab chiqarish quvvatlarini yaratish orqali qoʻshimcha yangi ish oʻrinlarini tashkil etish, “Oʻzpaxtasanoat” aksiyadorlik jamiyati (keyingi oʻrinlarda — “Oʻzpaxtasanoat” AJ deb yuritiladi) faoliyatini diversifikatsiya qilish maqsadida:

1. Oʻzbekiston Respublikasi Iqtisodiyot va sanoat vazirligi, Moliya vazirligi, Bandlik va mehnat munosabatlari vazirligi, “Oʻzpaxtasanoat” AJ va “Oʻztoʻqimachiliksanoat” uyushmasining:

respublika hududlarida “Oʻzpaxtasanoat” AJ va uning tizimiga kiruvchi korxonalar ishtirokida yengil konstruksiyali qurilish materiallaridan quriladigan yoki boʻsh turgan bino va inshootlar negizida tashkil etiladigan tikuv-trikotaj mahsulotlari ishlab chiqarishga moʻljallangan majmualarni (keyingi oʻrinlarda — majmua) yaratish;

majmualar foydalanishga qabul qilingandan soʻng ularni “Oʻzpaxtasanoat” AJni tugatish Loyiha ofisi tomonidan “Oʻztoʻqimachiliksanoat” uyushmasiga aʼzo boʻlgan korxonalarga yoki tikuv-trikotaj mahsulotlarini ishlab chiqarishga ixtisoslashtirilgan boshqa tadbirkorlik subyektlariga 10 yil muddatga, 2 foizdan ortiq boʻlmagan stavka lizing asosida yoki sotib olish sharti bilan ijaraga berish haqidagi takliflari maʼqullansin.

Belgilab qoʻyilsinki, majmualar qonunchilikda belgilangan tartibda elektron onlayn-auksion orqali loyihalarning asosiy koʻrsatkichlarini taʼminlash sharti bilan hamda mazkur qarorda belgilangan shartlarda taqdim etiladi.

2. 2019 — 2021-yillarda respublika hududlarida yengil konstruksiyali qurilish materiallaridan quriladigan yoki boʻsh turgan bino va inshootlar negizida tashkil etiladigan tikuv-trikotaj mahsulotlari ishlab chiqarishga moʻljallangan majmualarda amalga oshiriladigan loyihalarning (keyingi oʻrinlarda — loyihalar) asosiy koʻrsatkichlari 1-ilovaga muvofiq tasdiqlansin.

3. Oʻzbekiston Respublikasi Prezidentining 2019-yil 5-martdagi PQ-4227-son “2019-yilda aholi bandligini taʼminlash va yangi ish oʻrinlarini tashkil etish boʻyicha davlat buyurtmasi toʻgʻrisida”gi qaroriga muvofiq 2019-yilda ijtimoiy ehtiyojmand aholi qatlamlariga mansub shaxslarni kvotalangan eng kam sondan ortiq miqdorda ishga qabul qilgan tashkilotlarga — har bir xodim uchun 12 oy davomida har oyda bazaviy hisoblash miqdorining 2 baravari miqdorida haq toʻlash maqsadida Bandlikka koʻmaklashish davlat jamgʻarmasi mablagʻlari hisobidan 5 590,5 million soʻm subsidiya ajratilishi nazarda tutilganligi maʼlumot uchun qabul qilinsin.

4. “Oʻzpaxtasanoat” AJ “Oʻzsanoatqurilishmateriallari” uyushmasi, “Oʻztoʻqimachiliksanoat” uyushmasi bilan birgalikda loyiha tashkilotlarini jalb qilgan holda bir oy muddatda ilgʻor xorijiy davlatlar tajribasidan kelib chiqib, innovatsion texnologiyalarga asosan, arzon va mamlakatimizda ishlab chiqariladigan qurilish materiallaridan foydalangan holda majmualarni tashkil etish boʻyicha yakka tartibdagi namunaviy loyihalarni ishlab chiqsin va belgilangan tartibda tasdiqlanishini taʼminlasin.

Oʻzbekiston Respublikasi Qurilish vazirligi ishlab chiqilgan loyiha-smeta hujjatlarining vakolatli organlarda ekspertizadan oʻtkazilishini hamda qurilish-montaj ishlarining bajarilishida shaharsozlik normalari va qoidalariga soʻzsiz rioya etilishi yuzasidan nazoratni taʼminlasin.

5. “Oʻzpaxtasanoat” AJ tarkibiga kiruvchi tikuv-trikotaj korxonalariga loyihalarni amalga oshirish doirasida istisno tariqasida:

loyihalash va qurilish-montaj ishlarini hamda import qilinadigan texnologik asbob-uskunalarni xarid qilish uchun toʻgʻridan-toʻgʻri shartnomalar tuzishga;

tashkil etiladigan tikuv-trikotaj majmualarini qisqa muddatlarda ishga tushirilishini taʼminlash maqsadida, loyiha va pudratchi tashkilotlarni tender (konkurs) savdolarini oʻtkazmasdan, eng yaxshi takliflarni tanlash va moliyalashtirishni loyihalash bilan parallel ravishda amalga oshirishga ruxsat berilsin.

6. Quyidagilar loyihalarni moliyalashtirish manbalari etib belgilansin:

Oʻzbekiston Respublikasi Prezidentining 2019-yil 7-martdagi PQ-4231-son “Hududlarda aholini tadbirkorlikka keng jalb qilish va oilaviy tadbirkorlikni rivojlantirishga doir qoʻshimcha chora-tadbirlar toʻgʻrisida”gi qaroriga muvofiq Oʻzbekiston Respublikasi Tiklanish va taraqqiyot jamgʻarmasining tijorat banklariga ochgan kredit liniyalari mablagʻlari hisobidan 366 milliard soʻm;

Oʻzbekiston Respublikasi Bandlik va mehnat munosabatlari vazirligi huzuridagi Bandlikka koʻmaklashish davlat jamgʻarmasi hisobidan 5 yil muddatga, 2 yillik imtiyozli davr bilan 6 foiz miqdordagi foiz stavkasi, shu jumladan tijorat bankining 2 foiz miqdordagi marjasi bilan tijorat banklarida kredit liniyasini ochish orqali ajratiladigan 50 milliard soʻm;

“Oʻzpaxtasanoat” AJ va uning tizimidagi korxonalarning taqsimlanmagan sof foydasi hamda oʻz mablagʻlari.

7. Oʻzbekiston banklari assotsiatsiyasi tijorat banklari bilan hamkorlikda majmualarda tikuv-trikotaj mahsulotlari ishlab chiqarishni aylanma mablagʻlar bilan taʼminlash uchun qisqa muddatli kreditlarni taqdim qilish amaliyotini kengaytirsin.

8. Belgilansinki, 2019 — 2021-yillarda loyihalarni amalga oshirishda va faoliyati davomida tijorat banklari tomonidan ajratiladigan kreditlar boʻyicha foizlar Oʻzbekiston Respublikasi Vazirlar Mahkamasi huzuridagi Tadbirkorlik faoliyatini rivojlantirishni qoʻllab-quvvatlash davlat jamgʻarmasi mablagʻlari hisobidan quyidagi tartibda qoplanadi:

tijorat banki tomonidan aylanma mablagʻlarni toʻldirish uchun berilgan kreditlar boʻyicha belgilangan foiz stavkasining 25 foizi miqdorida, lekin 5 foizli punktdan yuqori boʻlmagan holda;

asbob-uskunalarni sotib olish maqsadida tijorat banklari tomonidan ajratilgan kreditlar boʻyicha belgilangan foiz stavkasining 50 foizi miqdorida.

9. Belgilab qoʻyilsinki, 2022-yil 1-yanvargacha “Oʻzpaxtasanoat” AJ va uning tizimidagi korxonalar ishtirokida loyihalarni amalga oshirish doirasida:

mavjud tayyor tikuv-trikotaj majmualarini lizing asosida yoki sotib olish sharti bilan ijaraga boshqa tadbirkorlik subyektlariga berilgan kunga qadar foyda va mol-mulk soligʻidan;

respublikada ishlab chiqarilmaydigan texnologik asbob-uskunalar, butlovchi buyumlar, qurilish materiallarini belgilangan tartibda shakllantiriladigan roʻyxatlar boʻyicha olib kirishda bojxona toʻlovlaridan (bojxona rasmiylashtiruvi uchun yigʻimlardan tashqari) ozod etilsin.

Ishlab chiqarilgan xom ashyo (paxta tolasidan tashqari) va yarim tayyor mahsulotni tizim ichida sotish soliq solish obyekti hisoblanmaydi.

Majmualarni lizing asosida sotishda qoʻshilgan qiymat soligʻi ularning balans qiymati va sotish narxi oʻrtasidagi ijobiy farqdan hisoblanadi.

10. Ushbu qaror asosida tashkil etiladigan majmualarga Oʻzbekiston Respublikasi Prezidentining 2017-yil 14-dekabrdagi PF-5285-son “Toʻqimachilik va tikuv-trikotaj sanoatini jadal rivojlantirish chora-tadbirlari toʻgʻrisida”gi Farmoni 9-bandining ikkinchi xatboshisida nazarda tutilgan bojxona imtiyozlari tatbiq etilsin.

11. “Oʻzpaxtasanoat” AJ tarkibiga kiruvchi tikuv-trikotaj korxonalariga, istisno tariqasida, birja savdolari orqali paxta tolasini, keyinchalik uni toʻqimachilik korxonalarida yarim tayyor mahsulotlar shaklida qaytarish asosida qayta ishlash sharti bilan, sotib olish huquqi berilsin.

13. “Oʻzpaxtasanoat” AJ:

“Oʻztoʻqimachiliksanoat” uyushmasi, Oʻzbekiston Respublikasi Davlat aktivlarini boshqarish agentligi, Bandlik va mehnat munosabatlari vazirligi, Qoraqalpogʻiston Respublikasi Vazirlar Kengashi, viloyatlar hokimliklari bilan birgalikda bir oy muddatda hududlarda loyihalarni joylashtirishning aniq manzilli roʻyxatini shakllantirsin va Ishchi guruhga tasdiqlash uchun kiritsin;

tashkil etiladigan tikuv-trikotaj majmualarini xom ashyo bilan uzluksiz taʼminlash hamda toʻqimachilik mahsulotlarini ishlab chiqarishda mahalliylashtirish darajasini oshirish maqsadida olti oy muddatda Toshkent viloyati Yangiyoʻl tumanida joylashgan sobiq paxta tozalash korxonasi hamda Namangan shahrida joylashgan mintaqaviy paxta terminali negizida paxta tolasini qayta ishlash va keyinchalik undan yuqori sifatli matolar ishlab chiqarishni tashkil etsin.

14. Qoraqalpogʻiston Respublikasi Vazirlar Kengashi, viloyatlar hokimliklari, Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi majmualarni tashkil etish uchun muhandislik-kommunikatsiya tarmoqlari mavjud, birinchi navbatda, “Obod qishloq” dasturiga kiritilgan aholi punktlarida yer maydonlari ajratilishini taʼminlasin.

15. Oʻzbekiston Respublikasi Davlat aktivlarini boshqarish agentligi, Qoraqalpogʻiston Respublikasi Vazirlar Kengashi, viloyatlar hokimliklari “Oʻzpaxtasanoat” AJ tomonidan tikuv-trikotaj mahsulotlari ishlab chiqarish korxonalarini tashkil etish uchun, foydalanilmayotgan va boʻsh turgan davlat mulki obyektlari belgilangan tartibda realizatsiya qilinishini taʼminlasin.

16. Oʻzbekiston Respublikasi Oliy va oʻrta maxsus taʼlim vazirligi Qoraqalpogʻiston Respublikasi Vazirlar Kengashi, viloyatlar hokimliklari, “Oʻzpaxtasanoat” AJ va “Oʻztoʻqimachiliksanoat” uyushmasi bilan birgalikda bir oy muddatda toʻqimachilik va tikuv-trikotaj sohasini malakali mutaxassislar bilan taʼminlash, jumladan yengil sanoatga ixtisoslashgan kasb-hunar kollejlarida toʻqimachilik va tikuv-trikotaj sohasi boʻyicha kadrlar tayyorlaydigan oʻquv kurslarini tashkil etishni nazarda tutuvchi chora-tadbirlar rejasini ishlab chiqsin va Vazirlar Mahkamasiga tasdiqlash uchun kiritsin.

17. “Oʻzpaxtasanoat” AJ manfaatdor vazirliklar va idoralar bilan birgalikda ikki oy muddatda qonun hujjatlariga ushbu qarordan kelib chiqadigan oʻzgartish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin.

18. Mazkur qarorning ijrosini nazorat qilish Oʻzbekiston Respublikasi Bosh vazirining birinchi oʻrinbosari A.J. Ramatov va Oʻzbekiston Respublikasi Prezidenti maslahatchisining oʻrinbosari G.K. Saidova zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2019-yil 28-may,

PQ-4341-son

Oʻzbekiston Respublikasi Prezidentining 2019-yil 28-maydagi PQ-4341-son qaroriga 1-ILOVA

2019 — 2021-yillarda respublika hududlarida yengil konstruksiyali qurilish materiallaridan quriladigan yoki boʻsh turgan bino va inshootlar negizida tashkil etiladigan tikuv-trikotaj mahsulotlari ishlab chiqarishga moʻljallangan majmualarda amalga oshiriladigan loyihalarning

ASOSIY KOʻRSATKICHLARI

T/r Hududlar nomi Soni 2019-yil 2020-yil 2021-yil Yaratiladigan ish oʻrinlari tikuvchilik korxonalari jami shundan tikuvchilik korxonalari tikuvchilik korxonalari sochiq ishlab chiqarish korxonalari 1. Qoraqalpogʻiston Respublikasi 30 5 9 8 1 16 9 100 tumanlar: 1. Amudaryo 2 2 600 2. Beruniy 2 1 1 1 600 3. Qoraoʻzak 2 1 1 1 600 4. Kegeyli 2 1 1 1 600 5. Qoʻngʻirot 2 1 1 1 600 6. Qonlikoʻl 2 1 1 600 7. Moʻynoq 2 2 600 8. Nukus 2 1 1 1 700 9. Taxiatosh 2 1 1 1 600 10. Taxtakoʻpir 2 1 1 1 600 11. Toʻrtkoʻl 2 2 600 12. Xoʻjayli 2 2 600 13. Chimboy 2 1 1 1 600 14. Shumanay 2 1 1 1 600 15. Ellikqalʼa 2 2 600 2. Andijon viloyati 14 6 8 8 4 200 tumanlar: 1. Oltinkoʻl 1 1 1 300 2. Andijon 1 1 300 3. Baliqchi 1 1 1 300 4. Boʻz 1 1 300 5. Buloqboshi 1 1 1 300 6. Jalaquduq 1 1 1 300 7. Izboskan 1 1 300 8. Ulugʻnor 1 1 300 9. Qoʻrgʻontepa 1 1 300 10. Asaka 1 1 1 300 11. Marhamat 1 1 1 300 12. Shahrixon 1 1 1 300 13. Paxtaobod 1 1 300 14. Xoʻjaobod 1 1 1 300 3. Jizzax viloyati 24 12 12 11 1 7 300 tumanlar: 1. Arnasoy 2 1 1 1 600 2. Baxmal 2 1 1 1 600 3. Gʻallaorol 2 1 1 1 700 4. Sh. Rashidov 2 1 1 1 600 5. Doʻstlik 2 1 1 1 600 6. Zomin 2 1 1 1 600 7. Zarbdor 2 1 1 1 600 8. Mirzachoʻl 2 1 1 1 600 9. Zafarobod 2 1 1 1 600 10. Paxtakor 2 1 1 1 600 11. Forish 2 1 1 1 600 12. Yangiobod 2 1 1 1 600 4. Qashqadaryo viloyati 26 2 12 11 1 12 7 900 tumanlar: 1. Gʻuzor 2 1 1 1 600 2. Dehqonobod 2 1 1 1 600 3. Qamashi 2 1 1 1 600 4. Qarshi 2 2 600 5. Koson 2 1 1 1 600 6. Kitob 2 1 1 1 600 7. Mirishkor 2 1 1 1 600 8. Muborak 2 1 1 1 600 9. Nishon 2 1 1 1 600 10. Kasbi 2 1 1 1 600 11. Chiroqchi 2 1 1 1 600 12. Shahrisabz 2 1 1 1 700 13. Yakkabogʻ 2 1 1 1 600 5. Navoiy viloyati 14 4 6 6 4 4 200 tumanlar: 1. Konimex 2 1 1 1 600 2. Qiziltepa 1 1 300 3. Navbahor 2 1 1 1 600 4. Karmana 1 1 300 5. Nurota 2 1 1 1 600 6. Tomdi 2 1 1 1 600 7. Uchquduq 2 1 1 1 600 8. Xatirchi 2 1 1 1 600 6. Namangan viloyati 12 7 5 4 1 3 700 tumanlar: 1. Namangan 1 1 300 2. Mingbuloq 1 1 1 300 3. Kosonsoy 1 1 300 4. Norin 1 1 1 300 5. Pop 1 1 1 300 6. Toʻraqoʻrgʻon 1 1 300 7. Uychi 1 1 300 8. Uchqoʻrgʻon 1 1 300 9. Choptoq 1 1 300 10. Chust 1 1 1 300 11. Yangiqoʻrgʻon 2 1 1 1 700 7. Samarqand viloyati 28 2 13 13 13 8 400 tumanlar: 1. Oqdaryo 2 1 1 1 600 2. Bulungʻur 2 1 1 1 600 3. Jomboy 2 1 1 1 600 4. Ishtixon 2 1 1 1 600 5. Kattaqoʻrgʻon 2 1 1 1 600 6. Qoʻshrabot 2 1 1 1 600 7. Narpay 2 1 1 600 8. Payariq 2 1 1 1 600 9. Pastdargʻom 2 1 1 1 600 10. Paxtachi 2 1 1 1 600 11. Samarqand 2 1 1 1 600 12. Nurobod 2 1 1 1 600 13. Urgut 2 1 1 1 600 14. Tayloq 2 1 1 1 600 8. Surxondaryo viloyati 26 14 3 2 1 9 7 900 tumanlar: 1. Oltinsoy 2 1 1 600 2. Angor 2 1 1 600 3. Boysun 2 1 1 600 4. Muzrabod 2 1 1 600 5. Denov 2 1 1 1 600 6. Jarqoʻrgʻon 2 1 1 600 7. Qumqoʻrgʻon 2 1 1 1 700 8. Qiziriq 2 1 1 600 9. Sariosiyo 2 2 600 10. Termiz 2 1 1 600 11. Uzun 2 1 1 1 600 12. Sherobod 2 1 1 600 13. Shoʻrchi 2 1 1 600 9. Sirdaryo viloyati 32 8 8 8 16 8 480 tumanlar: 1. Oqoltin 4 1 1 1 2 1 060 2. Boyovut 4 1 1 1 2 1 060 3. Sayxunobod 4 1 1 1 2 1 060 4. Guliston 4 1 1 1 2 1 060 5. Sardoba 4 1 1 1 2 1 060 6. Mirzaobod 4 1 1 1 2 1 060 7. Sirdaryo 4 1 1 1 2 1 060 8. Xovos 4 1 1 1 2 1 060 10. Toshkent viloyati 30 6 15 15 9 9 000 tumanlar: 1. Oqqoʻrgʻon 2 1 1 1 600 2. Ohangapon 2 1 1 1 600 3. Bekobod 2 1 1 1 600 4. Boʻstonliq 2 1 1 1 600 5. Boʻka 4 4 1 200 6. Quyichirchiq 2 1 1 1 600 7. Zangiota 1 1 1 300 8. Yuqorichirchiq 2 1 1 1 600 9. Qibray 1 1 1 300 10. Parkent 2 2 2 600 11. Piskent 2 2 2 600 12. Oʻrtachirchiq 2 1 1 1 600 13. Chinoz 2 2 600 14. Yangiyoʻl 2 1 1 1 600 15. Toshkent 2 1 1 1 600 11. Fargʻona viloyati 15 7 8 7 1 4 600 tumanlar: 1. Oltiariq 1 1 300 2. Qoʻshtepa 1 1 1 300 3. Bogʻdod 1 1 1 300 4. Buvayda 1 1 300 5. Beshariq 1 1 1 300 6. Quva 1 1 1 300 7. Uchkoʻprik 1 1 1 400 8. Rishton 1 1 300 9. Soʻx 1 1 1 300 10. Toshloq 1 1 300 11. Oʻzbekiston 1 1 300 12. Fargʻona 1 1 300 13. Dangʻara 1 1 1 300 14. Furqat 1 1 300 15. Yozyovon 1 1 1 300 12. Xorazm viloyati 20 2 8 7 1 10 6 100 tumanlar: 1. Bogʻot 2 1 1 1 600 2. Gurlan 2 1 1 1 600 3. Qoʻshkoʻpir 2 1 1 1 700 4. Urganch 2 1 1 1 600 5. Hazorasp 2 1 1 1 600 6. Xonqa 2 1 1 1 600 7. Xiva 2 1 1 600 8. Shovot 2 1 1 600 9. Yangiariq 2 1 1 1 600 10. Yangibozor 2 1 1 1 600 Jami 271 75 107 100 7 89 80 880

* Bozor konyunkturasi hamda aholi talabidan kelib chiqqan xolda, korxonalar faoliyat turi va joylashuvi oʻzgarishi mumkin.