Oʻzbekiston Respublikasi fuqarosining xorijga chiqish biometrik pasportini rasmiylashtirish uchun anketa shaklini tasdiqlash haqida (3161-son)
22.05.2019
Oʻzbekiston Respublikasi Ichki ishlar vazirining
buyrugʻi
[Oʻzbekiston Respublikasi Adliya vazirligi tomonidan 2019-yil 22-mayda roʻyxatdan oʻtkazildi, roʻyxat raqami 3161]
Oʻzbekiston Respublikasi Prezidentining 2018-yil 26-dekabrdagi PQ-4079-son “Oʻzbekiston Respublikasi fuqarosining xorijga chiqish biometrik pasportini rasmiylashtirish va berish tizimini yaratish hamda Oʻzbekiston Respublikasi biometrik pasport tizimini modernizatsiya qilishga doir qoʻshimcha chora-tadbirlar toʻgʻrisida”gi qaroriga muvofiq buyuraman:
1. Quyidagilar:
Oʻzbekiston Respublikasi fuqarosining xorijga chiqish biometrik pasportini rasmiylashtirish uchun anketa shakli 1-ilovaga muvofiq;
16 yoshga toʻlmagan Oʻzbekiston Respublikasi fuqarosining xorijga chiqish biometrik pasportini rasmiylashtirish uchun anketa shakli 2-ilovaga muvofiq tasdiqlansin.
2. Mazkur buyruq Oʻzbekiston Respublikasi Tashqi ishlar vazirligi va Davlat xavfsizlik xizmati bilan kelishilgan.
3. Mazkur buyruq rasmiy eʼlon qilingan kundan eʼtiboran kuchga kiradi.
Vazir P. BOBOJONOV
Toshkent sh.,
2019-yil 10-may,
125-son
Kelishilgan:
Tashqi ishlar vaziri A. KAMILOV
2019-yil 10-may
Davlat xavfsizlik xizmati raisi A. AZIZOV
2019-yil 10-may
Oʻzbekiston Respublikasi Ichki ishlar vazirining 2019-yil 10-maydagi 125-son buyrugʻiga 1-ILOVA
Izoh: mazkur anketa, ichki ishlar organlarining migratsiya va fuqarolikni rasmiylashtirish boʻlinmalari (maʼlumotlarni yigʻish punkti)ning masʼul xodimi tomonidan shakllantirilib, anketa bergan shaxsga tanishtiriladi hamda u tomonidan imzolanadi. Anketada koʻrsatilgan maʼlumotlarni tasdiqlovchi hujjatlarni talab qilish taqiqlanadi.
Oʻzbekiston Respublikasi Ichki ishlar vazirligining 2019-yil 10-maydagi 125-son buyrugʻiga 2-ILOVA
Izoh: mazkur anketa, ichki ishlar organlarining migratsiya va fuqarolikni rasmiylashtirish boʻlinmalari (maʼlumotlarni yigʻish punkti)ning masʼul xodimi tomonidan shakllantirilib, anketa bergan shaxsga tanishtiriladi hamda u tomonidan imzolanadi. Anketada koʻrsatilgan maʼlumotlarni tasdiqlovchi hujjatlarni talab qilish taqiqlanadi.