Tumanda 2019-yilda transport vositalarini majburiy texnik koʻrikdan oʻtkazish toʻgʻrisida (X-1606/02-son)

15.02.2019

QAShQADARYo VILOYATI MIRIShKOR TUMANI HOKIMINING

Qarori

Oʻzbekiston Respublikasi Vazirlar Mahkamasining 2003-yil 31-yanvardagi 54-sonli qarori (Oʻzbekiston Respublikasi qonun hujjatlari toʻplami, 2003-y., 1-2-son, 17-modda) bilan tasdiqlangan “Transport vositalarini majburiy texnik koʻrikdan oʻtkazish tartibi toʻgʻrisida”gi nizomni ijrosini taʼminlash maqsadida “Mahalliy davlat hokimiyati toʻgʻrisida”gi (Oʻzbekiston Respublikasi Oliy Kengashining Axborotnomasi, 1993-y, 9-son, 320-modda) qonunining 6-moddasiga asosan qaror qilaman:

1. Tuman hududida joylashgan barcha yuridik va jismoniy shaxslarga tegishli boʻlgan transport vositalari majburiy texnik koʻrikdan oʻtkazilsin.

2. Majburiy texnik koʻrikdan oʻtkazish boʻyicha tuman komissiyasining tarkibi 1-ilovaga, texnik koʻrikdan oʻtkazish jadvali 2-ilovaga muvofiq tasdiqlansin.

3. Transport vositalari qoʻyidagi davriylikka muvofiq texnik koʻrikdan oʻtkazilsin:

tijorat asosida yoʻlovchilar tashish uchun foydalaniladigan yengil avtomobillar, avtobuslar va oʻtiriladigan joylar soni 8 ta va undan ortiq boʻlgan, odamlarni muntazam tashish uchun jihozlangan yuk avtomobillari, yirik gabaritli, ogʻir vaznli va xavfli yuklarni tashish uchun maxsus transport vositalari va ularga tirkamalar — bir yilda ikki marta;

ishlab chiqarilganligiga besh yildan koʻp boʻlmagan transport vositalari (mazkur bandning ikkinchi xatboshida koʻrsatilgan transport vositalaridan tashqari) — ikki yilda bir marta;

ishlab chiqarilgan yilini hisobga olgan holda ishlab chiqarilganligiga besh yildan ortiq boʻlgan transport vositalari, shuningdek ishlab chiqarilgan vaqti aniqlanmagan transport vositalari (mazkur bandning ikkinchi xatboshida koʻrsatilgan transport vositalaridan tashqari) — bir yilda bir marta;

tirkamalar koʻrikka transport vositasi- shatakchi uchun belgilangan muddatlarda.

4. Qarorning 3-bandi ikkinchi xatboshida koʻrsatilgan transport vositalarining texnik koʻrigi:

birinchi marta — 1-mart — 30-iyunda;

ikkinchi marta — 1-sentabr — 31-oktabrda oʻtkaziladi;

yuridik shaxslarga tegishli boʻlgan transport vositalarining texnik koʻrigi 1-mart — 30-iyunda oʻtkaziladi;

jismoniy shaxslarga tegishli boʻlgan transport vositalarining texnik koʻrigi 1-yanvar — 31-avgustda oʻtkazilsin.

5. Transport vositalarini majburiy texnik koʻrikdan oʻtkazish tuman komissiyasi rahbariga:

transport vositalarining texnik holati, ulardan foydalanish normalari va qoidalariga rioya etilishi ustidan samarali nazoratni tashkil etish;

transport vositalarining texnik holati va uskunalari yoʻl harakati xavfsizligi standartlari, qoidalari, normalariga muvofiqligini baholash yuklatilsin.

6. Tumandagi barcha transport vositalari egalari boʻlgan yuridik va jismoniy shaxslarga transport vositalarini texnik pasporti bilan birgalikda texnik koʻrikdan oʻtkazilishini, ularning texnik jihatdan sozligini va oʻz vaqtida reja jadval asosida koʻrikdan oʻtkazish majburiyati yuklatilsin.

7. Vazirlar Mahkamasining 2003-yil 31-yanvardagi 54-son “Transport vositalarini majburiy texnik koʻrikdan oʻtkazish tartibi toʻgʻrisida nizomni tasdiqlash haqida”gi qarori 3-bandiga koʻra Oʻzbekiston Respublikasi Mudofaa vazirligi, Ichki ishlar vazirligining ichki va soqchilik qoʻshinlari, Milliy xavfsizlik xizmatining harbiy boʻlinmalari transport vositalari koʻrsatib oʻtilgan idoralar tomonidan belgilangan tartibda majburiy texnik koʻrikdan oʻtkazilishi inobatga olinsin.

8. Transport vositalari texnik koʻrikdan oʻtkazilganligi uchun Vazirlar Mahkamasining 2003-yil 31-yanvardagi 54-son qarori bilan tasdiqlangan “Transport vositalarini majburiy texnik koʻrikdan oʻtkazish tartibi toʻgʻrisida”gi nizomga muvofiq yigʻim undirilsin.

9. Tuman hokimining 2018-yil 12-fevraldagi X-154/02-sonli qarori oʻz kuchini yoʻqotgan deb hisoblansin.

10 Ushbu qaror ijrosini nazorat qilishni tuman hokimining oʻrinbosari T. Oʻrunov zimmasiga yuklatilsin.

11. Mazkur qaror rasman eʼlon qilingan kundan eʼtiboran kuchga kiradi.

Hokim R. KOMILOV

Mirishkor t.,

2019-yil 15-fevral,

X-1606/02-son

Mirishkor tuman hokimining 2019-yil 15-fevraldagi X-1606/02-sonli qaroriga 1-ILOVA

Mirishkor tumani hududlarida 2019-yil transport vositalarini texnik koʻrikdan oʻtkazish komissiyasi

TARKIBI

Mirishkor tuman hokimining 2019-yil 15-fevraldagi X-1606/02-sonli qaroriga 2-ILOVA

Mirishkor tumanida mavjud boʻlgan tashkilot, korxona va avtoxoʻjaliklarga tegishli transport vositalarining 2019-yilgi majburiy texnik koʻrikdan oʻtkazish

JADVALI

T/r Avtoxoʻjalik va tashkilotlar nomi Joylashgan manzili Koʻrikdan oʻtadigan vaqti Vaqti Koʻrikdan oʻtadigan joyi Transport vositasi soni 1. Hokimlik Yangi Mirishkor shaharchasi 10.04.2019 9-00 Hokimlik garajida 6 2. Tibbiyot birlashmasi Yangi Mirishkor shaharchasi 17.04.2019 9-00 Tibbiyot birlashmasi garajida 8 3. DSENB Yangi Mirishkor shaharchasi 17.04.2019 9-00 “Mirishkor Avtokorxonasi” MChJ 2 4. Tuman elektr tarmoqlari Yangi Mirishkor shaharchasi 19.04.2019 9-00 Tuman elektr tarmoqlari garajida 1 5. MKT Vatanparvar tashkiloti Yangi Mirishkor shaharchasi 19.04.2019 9-00 MKT Vatanparvar tashkiloti garajida 8 6. Mirishkor tuman YXPTFD korxonasi Yangi Mirishkor shaharchasi 20.04.2019 9-00 Mirishkor tuman YXPTFDK garajida 5 7. Gʻ. Gʻulom KNShX Avazchoʻl qishlogʻi 28.04.2019 9-00 Gʻ.Gʻulom KNShX garajida 6 8. Olloberdi-madadi MMTP Jeynov qishlogʻi 31.04.2019 9-00 Olloberdi-madadi MMTP garajida 2 9. “OST-AVTO” MChJ Yangi Mirishkor shaharchasi 26.04.2019 9-00 “Mirishkor Avtokorxonasi” MChJ 2 10. Mirishkor avtokorxonasi MChJ Yangi Mirishkor shaharchasi 26.04.2019 9-00 “Mirishkor Avtokorxonasi” MChJ 16 11. Turon-Mirishkor MMTP Yangi Mirishkor shaharchasi 07.05.2019 9-00 Turon-Mirishkor MMTP garajida 3 12. Mirishkor Ixtisoslashtirilgan KTK Yangi Mirishkor shaharchasi 07.05.2019 9-00 Turon-Mirishkor MMTP garajida 7 13. Mirishkor tuman ITB Mirishkor qishlogʻi 10.05.2019 9-00 Mirishkor ITB garajida 12 14. Mirishkor tuman “Saxovat” IChK Yangi Mirishkor shaharchasi 10.05.2019 9-00 “Mirishkor Avtokorxonasi” MChJ 8 15. Mirishkor tuman “Qishxoʻjalikkimyo” OXJ Jeynov qishlogʻi 25.05.2019 9-00 Olloberdi-madadi MMTP garajida 7 16. “Mirishkor mashʼali” gazetasi Yangi Mirishkor shaharchasi 10.06.2019 9-00 “Mirishkor Avtokorxonasi” MChJ 2 17. Yorqinbek Bunyodkor Ixtisoslashtirilgan KTK Jeynov qishlogʻi 12.06.2019 9-00 Olloberdi-madadi MMTP garajida 3 18. Bunyodkor ishlab chiqarish MChJ Jeynov qishlogʻi 12.06.2019 9-00 Olloberdi-madadi MMTP garajida 3 19. Obodonlashtirish boshqarmasi Yangi Mirishkor shaharchasi 15.06.2019 9-00 Turon-Mirishkor MMTP garajida 4 20. “Toza hudud” DUK Yangi Mirishkor shaharchasi 15.06.2019 9-00 Turon-Mirishkor MMTP garajida 8 21. Mirishkor tuman Moliya boʻlimi Yangi Mirishkor shaharchasi 20.06.2019 9-00 Turon-Mirishkor MMTP garajida 1 22. Mirishkor tuman Xalq taʼlimi boʻlimi Yangi Mirishkor shaharchasi 20.06.2019 9-00 Turon-Mirishkor MMTP garajida 1 23. Mirishkor tuman Maktabgacha taʼlim boʻlimi Yangi Mirishkor shaharchasi 20.06.2019 9-00 Turon-Mirishkor MMTP garajida 1 24. Mirishkor tuman Veterinariya laboratoriyasi Yangi Mirishkor shaharchasi 20.06.2019 9-00 Turon-Mirishkor MMTP garajida 1 25. Boshqa xususiy korxona va firmalar 01.03.2019-yildan 30.06.2019-yilgacha 9-00 Xar qaysisini oʻz massivlari garajida 78 26. Tuman fermer xoʻjaliklari 01.03.2019-yildan 30.06.2019-yilgacha 9-00 Xar qaysisini oʻz massivlari garajida 61

Eslatma: Tumanda barcha shaxsiy avtotransport vositalari xar kuni soat 8-00 dan 17-00 ga qadar haftaning yakshanba kunidan tashqari Mirishkor tuman IIB YXX guruhi maydonchasida koʻrikdan oʻtkaziladi.