Beruniy tumanida budjet daromadlari bazasini oshirish, yangi ish oʻrinlarini yaratish, investitsiya loyihalarini amalga oshirish borasidagi ishlar samaradorligi hamda 2019-yilga belgilangan mahalliy budjetning asosiy parametrlari toʻgʻrisida (152/35-son)

29.12.2018

xalq deputatlari Beruniy tuman kengashi

Qarori

Oʻzbekiston Respublikasi Budjet Kodeksi (“Oʻzbekiston Respublikasi qonun hujjatlari toʻplami”, 2013-yil 31-dekabr, 52-(I)-son)ning 28-moddasi, Qoraqalpogʻiston Respublikasi Joʻqorgʻi Kengesining 2018-yil 26-dekabrdagi 219/XXIV-sonli sessiya qarorining bajarilishini taʼminlash maqsadida, Beruniy tumanida budjet daromadlari bazasini oshirish, yangi ish oʻrinlarini yaratish, investitsiya loyihalarini amalga oshirish borasidagi ishlar samaradorligi hamda 2019-yilga belgilangan mahalliy budjetning asosiy parametrlarini muhokama qilib chiqib, Xalq deputatlari Beruniy tumani Kengashi qaror qiladi:

1. Beruniy tumanida budjet daromadlari bazasini oshirish, yangi ish oʻrinlarini yaratish, investitsiya loyihalarini amalga oshirish borasidagi ishlar samaradorligi hamda 2019-yilga belgilangan mahalliy budjetning asosiy parametrlari toʻgʻrisida Investitsiyalar, innovatsiyalar, xususiylashtirilgan korxonalarga koʻmaklashish va kichik sanoat zonalari hamda turizmni rivojlantirish masalalari boʻyicha hokim oʻrinbosari B. Madaminov, davlat soliq inspeksiyasi boshligʻi v.v.b. A. Kenjayev va moliya boʻlimi mudiri F. Primovlarning hisobotlari maʼlumot uchun qabul qilinsin.

2. Beruniy tuman mahalliy budjetining 2019-yil uchun daromadlar qismi boʻyicha asosiy parametrlari 1-ilovaga muvofiq, tuman mahalliy budjetining 2019-yil uchun xarajatlar qismi boʻyicha asosiy parametrlari 2-ilovaga muvofiq tasdiqlansin.

3. Tuman moliya boʻlimi (F. Primov)ga belgilangan tartibda mahalliy budjetga xarajatlar hamda budjet ssudalari (daromad va xarajatlar orasidagi vaqtinchalik kassa mablagʻlari farqlarida qoplash uchun) ajratishda ularning miqdorlarini tuman boʻyicha barcha soliqlar hamda boshqa majburiy toʻlovlarning toʻliq tushishini, shuningdek ish haqi (yagona ijtimoiy toʻlov bilan), nafaqalar va ularga tenglashtirilgan toʻlovlar boʻyicha budjet xarajatlari birinchi navbatda soʻzsiz moliyalashtirilish zaruriyatidan kelib chiqib, aniqlashtirish huquqi berilsin.

4. Tuman hokimi oʻrinbosari (B. Madaminov), tegishli tashkilot rahbarlari bilan birgalikda:

budjet daromadlarining tasdiqlangan koʻrsatkichlari bajarilishini taʼminlash;

hududlarda soliqqa tortish bazasini kengaytirish hamda moliyaviy ahvolni yaxshilash boʻyicha tegishli choralar koʻrish;

budjet xarajatlarini maqsadli foydalanish uchun qatʼiy nazorat oʻrnatish;

tuman hokimligining tegishli budjet daromadlari hamda xarajatlari balansligiga taʼsir koʻrsatuvchi normativ huquqiy hujjatlarni moliyaviy hamda iqtisodiy ekpertizadan oʻtkazish maqsadida Qoraqalpogʻiston Respublikasi Moliya vazirligiga taklif berish ishlarini amalga oshirsin.

5. Tuman davlat soliq inspeksiyasi (A. Kenjayev) tuman mahalliy budjetining daromadlar belgilangan soliq turlari boʻyicha undirib borilishini taʼminlasin.

6. Tuman moliya boʻlimi (F. Primov)ga budjetdan mablagʻ oluvchilarning budjetdan mablagʻ bilan taʼminlashda asosliligini tahlil qilib borish;

zarur hollarda budjet mablagʻlaridan saqlanish asossiz deb topilgan hamda budjet mablagʻlarining maqsadsiz ishlatilgan hollarda paydo boʻlgan budjet tashkilotlarini qisqartirish masalalari boʻyicha tuman hokimligiga hamda tegishli boshqarmalarga taklif kiritish;

Xalq deputatlari tuman Kengashiga mahalliy budjetning bajarilishi boʻyicha har chorakda hisobot kiritish;

tuman gʻaznachilik boʻlinmasi bilan birgalikda budjet mablagʻlarini maqsadli foydalanish hamda ularning maqsadsiz foydalanilishining oldini olish boʻyicha gʻaznachilikni bajaruvchi roʻyxat orqali qatʼiy nazoratga olish topshirilsin.

7. Xalq deputatlari tuman Kengashining “Mahalliy budjet, iqtisodiy islohotlarni amalga oshirish va tadbirkorlikni rivojlantirish masalalari boʻyicha” doimiy komissiyasi (Atadjanov) raisligida budjetga qoʻshimcha daromadlar manbalarini aniqlash, soliq bazasini kengaytirish, budjet mablagʻlaridan maqsadli va natijali foydalanish, boʻsh turgan binolardan samarali foydalanish hamda tadbirkorlarning loyihalari amalga oshirilishiga koʻmaklashish boʻyicha jamoatchilik nazoratini amalga oshiruvchi ishchi guruh tarkibi 3-ilovaga muvofiq tasdiqlansin.

Ushbu ishchi guruh har chorak yakunida jamoatchilik nazorati yuzasidan amalga oshirilgan ishlar toʻgʻrisida Xalq deputatlari tuman Kengashi sessiyalarida axborot berib borsin.

8. Ushbu qarorning ijrosini nazorat qilish Xalq deputatlari tuman Kengashining “Mahalliy budjet, iqtisodiy islohotlarni amalga oshirish va tadbirkorlikni rivojlantirish masalalari boʻyicha” doimiy komissiyasi (K. Atadjanov)ga topshirilsin.

9. Ushbu qaror tuman “Xalq minbari” gazetasida nashr qilinsin va rasmiy veb-saytga joylashtirilsin.

10. Ushbu qaror qabul qilingan kundan kuchga kiradi.

Xalq deputatlari Beruniy tuman Kengash raisi A.X. SAPARBAYEV

Beruniy t.,

2018-yil 29-dekabr,

152/35-son

Xalq deputatlari Beruniy tuman Kengashining 2018-yil 29-dekabrdagi 152/35-son qaroriga 1-ILOVA

Beruniy tuman maxalliy budjetining 2019-yil uchun daromadlar qismi boʻyicha asosiy parametrlari

Yagona soliq toʻlovidan Davlat budjetiga ajratmalar, shu jumladan kichik korxona va mikrofirmalar boʻyicha 3 mlrd 069 mln 000 ming soʻm Jismoniy shaxslardan olinadigan daromad soligʻi 21 mlrd 068 mln 010 ming soʻm Tadbirkorlik faoliyati bilan shugʻullanuvchi yuridik va jismoniy shaxslardan olinadigan qatʼiy belgilangan daromad soligʻi 2 mlrd 350 mln 000 ming soʻm Yuridik shaxslarning mol-mulkiga solinadigan soliq 381 mln 030 ming soʻm Jismoniy shaxslarning mol-mulkiga solinadigan soliq 2 mlrd 987 mln 025 ming soʻm Jismoniy shaxslardan olinadigan yer soligʻi 5 mlrd 929 mln 000 ming soʻm Yuridik shaxslar yer soligʻi 1 mlrd 240 mln 000 ming soʻm Yagona yer soligʻi 896 mln 000 ming soʻm Yer qaʼridan foydalanganlik uchun soliq 1 mlrd 400 mln 000 ming soʻm Suv resurslaridan foydalanganlik uchun soliq 11 mln 000 ming soʻm Bozorlar daromadidan tushum 744 mln 000 ming soʻm Mahalliy yigʻimlar 1 mlrd 017 mln 867 ming soʻm Jami mahalliy daromad miqdori 41 mlrd 092 mln 932 ming soʻm Yuqori budjetdan ajratiladigan budjet transfertlari; 135 mlrd 446 mln 127 ming soʻm Shundan; — maktabgacha taʼlim muassasalarining ish haqi va yagona ijtimoiy toʻlovi uchun budjet transfertlari 13 mlrd 998 mln 506 ming soʻm — xalq taʼlimi muassasalarining ish haqi va yagona ijtimoiy toʻlovi uchun budjet transfertlari 88 mlrd 040 mln 506 ming soʻm — Sogʻliqni saqlash muassasalarining ish haqi va yagona ijtimoiy toʻlovi uchun budjet transferti 33 mlrd 407 mln 474 ming soʻm Jami daromadlar qismi: 176 mlrd 539 mln 059 ming soʻm

Xalq deputatlari Beruniy tuman Kengashining 2018-yil 29-dekabrdagi 152/35-son qaroriga 2-ILOVA

Beruniy tuman maxalliy budjetining 2019-yil uchun xarajatlar qismi boʻyicha asosiy parametrlari

1. Ijtimoiy soha va aholini ijtimoiy qoʻllab-quvvatlashga xarajatlar — jami 159 mlrd 550 mln 142 ming soʻm 1.1 Maorif 119 mlrd 287 mln 549 ming soʻm 1.2 Sogʻliqni saqlash 38 mlrd 086 mln 819 ming soʻm 1.3 Madaniyat va sport, ommaviy axborot vositalari 2 mlrd 104 mln 327 ming soʻm — madaniyat va ommaviy axborot vositalari 738 mln 209 ming soʻm — sport 1 mlrd 366 mln 118 ming soʻm 1.4 Ijtimoiy koʻnikma markazlari 71 mln 447 ming soʻm 2. Iqtisodiyotga xarajatlar 8 mlrd 420 mln 430 ming soʻm 2.1 Qishloq xoʻjaligi vazirligi tashkilotlari 493 mln 206 ming soʻm 2.2 Suv xoʻjaligi vazirligi tashkilotlari 2 mlrd 499 mln 181 ming soʻm 2.3 Davlat Veterinariya qoʻmitasining hududiy boʻlimlarini saqlash xarajatlari 694 mln 516 ming soʻm 2.4 Obodonlashtirish 4 mlrd 363 mln 248 ming soʻm 2.5 Drenaj 370 mln 279 ming soʻm 3. Davlat hokimiyati va boshqaruv organlarini saqlash 3 mlrd 570 mln 261 ming soʻm 3.1 Davlat boshqaruv idoralari 3 mlrd 570 mln 261 ming soʻm 4. Fuqarolarning oʻzini oʻzi boshqarish organlarini saqlash 3 mlrd 250 mln 315 ming soʻm 5. Hokimliklar zaxira jamgʻarmasi 1 mlrd 747 mln 911 ming soʻm Jami xarajatlar qismi: 176 mlrd 539 mln 059 ming soʻm

Xalq deputatlari Beruniy tuman Kengashining 2018-yil 29-dekabrdagi 152/35-son qaroriga 3-ILOVA

Budjetga qoʻshimcha daromadlar manbalarini aniqlash, soliq bazasini kengaytirish, budjet mablagʻlaridan maqsadli va natijali foydalanish, boʻsh turgan binolardan samarali foydalanish hamda tadbirkorlarning loyihalari amalga oshirilishiga koʻmaklashish boʻyicha jamoatchilik nazoratini amalga oshiruvchi

IShChI GURUH TARKIBI

T/r F.I.Sh LAVOZIMI Ishchi guruh raisi 1. Atajanov Kenjabek Matupayevich — Xalq deputatlari Beruniy tuman Kengashining mahalliy budjetni shakllantirish va uni ijro etish, iqtisodiy islohotlarni amalga oshirish hamda tadbirkorlikni rivojlantirish masalalari boʻyicha doimiy komissiyasi raisi Ishchi guruh raisi oʻrinbosari 2. Madaminov Begzod Baxodirovich — Beruniy tumani hokimining investitsiyalar, innovatsiyalar, xususiylashtirilgan korxonalarga koʻmaklashish va kichik sanoat zonalari hamda turizmni rivojlantirish masalalari boʻyicha oʻrinbosari Ishchi guruh aʼzolari 3. Masharipov Aybek Abdullayevich — Xalq deputatlari Beruniy tuman Kengashi deputati 4. Bazarbayev Ergash Ismailovich — Xalq deputatlari Beruniy tuman Kengashi deputati 5. Primov Furqat Saparbayevich — Beruniy tumani moliya boʻlimi mudiri 6. Kenjayev Anvar Bazarbayevich — Beruniy tumani davlat soliq inspeksiyasi boshligʻi vazifasini vaqtincha bajaruvchi 7. Allakov Umar Ergashevich — Beruniy tumani tadbirkorlikga koʻmaklashish markazi direktori