Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida (Oʻzbekiston Respublikasi Prezidentining “Ishlab chiqarish quvvatlarini modernizatsiya qilish, sanoat tarmoqlarini texnik va texnologik jihatdan qayta jihozlash jarayonini jadallashtirish chora-tadbirlari toʻgʻrisida” 2018-yil 12-dekabrdagi PQ-4077-son hamda “Elektrotexnika sanoatining eksport salohiyatini yanada oshirish chora-tadbirlari toʻgʻrisida” 2019-yil 4-yanvardagi PQ-4090-son qarorlari) (367-son)
29.04.2019
Oʻzbekiston Respublikasi Vazirlar Mahkamasining
qarori
Oʻzbekiston Respublikasi Prezidentining “Ishlab chiqarish quvvatlarini modernizatsiya qilish, sanoat tarmoqlarini texnik va texnologik jihatdan qayta jihozlash jarayonini jadallashtirish chora-tadbirlari toʻgʻrisida” 2018-yil 12-dekabrdagi PQ-4077-son hamda “Elektrotexnika sanoatining eksport salohiyatini yanada oshirish chora-tadbirlari toʻgʻrisida” 2019-yil 4-yanvardagi PQ-4090-son qarorlariga muvofiq Vazirlar Mahkamasi qaror qiladi:
1. Oʻzbekiston Respublikasi Hukumatining 1-ilovaga muvofiq ayrim qarorlariga oʻzgartirish va qoʻshimchalar kiritilsin.
2. Oʻzbekiston Respublikasi Hukumatining 2-ilovaga muvofiq ayrim qarorlari oʻz kuchini yoʻqotgan deb hisoblansin.
3. Vazirliklar va idoralar oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsinlar.
4. Mazkur qarorning bajarilishini nazorat qilish Oʻzbekiston Respublikasi Iqtisodiyot va sanoat vaziri B.A. Xoʻjayev zimmasiga va Oʻzbekiston Respublikasi Vazirlar Mahkamasining Yoqilgʻi-energetika sohasi va sanoatning bazaviy tarmoqlarini rivojlantirish masalalari kotibiyatiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2019-yil 29-aprel,
367-son
Vazirlar Mahkamasining 2019-yil 29-apreldagi 367-son qaroriga 1-ILOVA
Oʻzbekiston Respublikasi Hukumatining ayrim hujjatlariga kiritilayotgan
oʻzgartirish va qoʻshimchalar
2. Vazirlar Mahkamasining 2009-yil 15-iyuldagi 200-son qarori (Oʻzbekiston Respublikasi QHT, 2009, 29-son, 355-modda) bilan tasdiqlangan Davlat daromadiga oʻtkaziladigan mol-mulkni olib qoʻyish, sotish yoki yoʻq qilib tashlash tartibi toʻgʻrisidagi nizomning 32-bandi quyidagi tahrirda bayon qilinsin:
“32. Tarkibida rangli va qora metallar mavjud boʻlgan asbob-uskunalar, foydalanib boʻlmaydigan fizik ishdan chiqqan va maʼnaviy eskirgan qora va rangli metallardan yasalgan buyumlar, shuningdek, ushbu metallarning parchalari va chiqindilari belgilangan tartibda “Oʻzmetkombinat” AJ va “Oʻzikkilamchiranglimetall” AJga toʻgʻridan toʻgʻri shartnomalar asosida shartnomaviy narxlarda sotiladi”.
3. Vazirlar Mahkamasining “Simobli lampalarning ishlatilib boʻlgan resurslarini toʻplash va ularni utilizatsiya qilishni tashkil etish toʻgʻrisidagi Nizomni tasdiqlash haqida” 2011-yil 21-sentabrdagi 266-son qarorida (Oʻzbekiston Respublikasi QT, 2012-y., 9-son, 79-modda):
a) 4, 6 va 7-bandlardagi “AK” qisqartmasi “uyushmasi” soʻzi bilan almashtirilsin;
b) 9-banddagi “AK” qisqartmasi “uyushmasi” soʻzi bilan almashtirilsin.
4. Vazirlar Mahkamasining 2017-yil 15-maydagi 285-son qarori (Oʻzbekiston Respublikasi QHT, 2017-y., 20-son, 365-modda) bilan tasdiqlangan Huzurida tarmoq ilmiy-texnik kengashlari faoliyat koʻrsatuvchi investitsiya loyihalari tashabbuskorlari boʻlgan davlat va xoʻjalik boshqaruvi organlari, mahalliy ijro etuvchi organlar, tashkilotlar roʻyxati rus tilidagi matnining 20-bandidagi “AK” qisqartmasi “uyushmasi” soʻzi bilan almashtirilsin.
5. Vazirlar Mahkamasining 2017-yil 22-dekabrdagi 1013-son qarori (Oʻzbekiston Respublikasi QT, 2017-y., 12-son, 299-modda) bilan tasdiqlangan Normativ-huquqiy hujjatlar matnlari hamda zarur boʻlgan taqdirda tegishli axborot-tahliliy materiallar elektron shaklda yuboriladigan davlat organlari va boshqa tashkilotlar roʻyxatining “8. Xoʻjalik boshqaruvi organlari” boʻlimida:
a) 2-band oʻz kuchini yoʻqotgan deb hisoblansin;
b) quyidagi tahrirdagi 22-band qoʻshilsin:
“22. “Oʻzeltexsanoat” uyushmasi”.
6. Vazirlar Mahkamasining “Rangli va qora metallar parchalari, chiqindilari bilan ishlash tartibini takomillashtirish chora-tadbirlari toʻgʻrisida” 2018-yil 6-iyundagi 425-son qaroriga quyidagi mazmundagi 41-band qoʻshilsin:
“41. 2019-yil 1-iyundan boshlab elektrotexnika sanoati tashkilotlariga:
mahsulot tannarxini kamaytirish maqsadida ishlab chiqarish faoliyati natijasida hosil boʻlgan rangli metall parchalari va chiqindilarini oʻz ishlab chiqarish quvvatlarida yoki tegishli rangli metallar ishlab chiqaruvchi ixtisoslashtirilgan tashkilotlarda mahsulotni qaytarish asosida qayta ishlagan holda ishlab chiqarishda foydalanishga ruxsat berilsin;
rangli metall parchalari va chiqindilarini topshirish prognoz koʻrsatkichlari belgilanmaydi”.
7. Vazirlar Mahkamasining 2018-yil 6-iyundagi 425-son qarori (Oʻzbekiston Respublikasi QT, 2018-y., 6-son, 139-son) bilan tasdiqlangan Rangli va qora metallar parchalari, chiqindilari bilan ishlash tartibi toʻgʻrisidagi nizomda:
a) 4-bandning birinchi xatboshi quyidagi tahrirda bayon qilinsin:
“4. Kelgusi yil uchun respublika ichida metall parchalarining hosil boʻlishi va ulardan foydalanish parametrlari Oʻzbekiston Respublikasi Iqtisodiyot va sanoat vazirligi tomonidan “Oʻzmetkombinat” AJ va “Oʻzikkilamchiranglimetall” AJ bilan birgalikda davlat va xoʻjalik boshqaruvi organlari, mahalliy ijro etuvchi hokimiyat organlarining takliflarini inobatga olgan holda ishlab chiqiladi”;
b) 6-band oʻz kuchini yoʻqotgan deb hisoblansin;
v) 7-band quyidagi tahrirda bayon qilinsin:
“7. Qora va rangli metallarning parchalari va chiqindilari hosil boʻlishi va ulardan foydalanish prognozi har yili Oʻzbekiston Respublikasi Iqtisodiyot va sanoat vazirligi hayʼati tomonidan belgilangan tartibda tasdiqlanadi”;
g) 36-band quyidagi tahrirda bayon qilinsin:
“36. Qora metallar parchalari va chiqindilari hosil boʻlishi va ulardan foydalanish prognozining ijrosini nazorat qilish Oʻzbekiston Respublikasi Iqtisodiyot va sanoat vazirligi tomonidan amalga oshiriladi”;
d) 37-bandning ikkinchi xat boshi quyidagi tahrirda bayon qilinsin:
“Oʻzbekiston Respublikasi Davlat statistika qoʻmitasi olingan maʼlumotlar asosida har chorakda resurslar bazasini tahlil qiladi va metall parchalari aylanishining oraliq monitoringini amalga oshiradi, soʻngra tahliliy maʼlumotlarni respublika ichida metall parchalari hosil boʻlishi va ulardan foydalanish koʻrsatkichlarini shakllantirishda foydalanish uchun Oʻzbekiston Respublikasi Iqtisodiyot va sanoat vazirligiga taqdim etadi”;
e) ilovaning matni quyidagi tahrirda bayon qilinsin:
“Rangli va qora metallar parchalari, chiqindilari bilan ishlash tartibi toʻgʻrisidagi nizomga ILOVA
Rangli va qora metallar parchalari, chiqindilari bilan ishlash
SXEMASI
Bosqichlar Tadbirlar Subyektlar Bajarish muddatlari 1-bosqich Respublika boʻyicha qora va rangli metallar parchalari va chiqindilarining hosil boʻlishi va ulardan foydalanish prognozini shakllantirish Iqtisodiyot va sanoat vazirligi, Davlat statistika qoʻmitasi, “Oʻzmetkombinat” AJ, “Oʻzikkilamchiranglimetall” AJ har yili 15-noyabrgacha 2-bosqich Metall parchalari va chiqindilarining hosil boʻlishi va ulardan foydalanish prognozini ishlab chiqish Iqtisodiyot va sanoat vazirligi, “Oʻzmetkombinat” AJ, “Oʻzikkilamchiranglimetall” AJ, davlat va xoʻjalik boshqaruvi organlari, mahalliy ijro etuvchi hokimiyat organlari har yili 1-dekabrgacha 3-bosqich Metall parchalari hosil boʻlishi va ulardan foydalanish prognozini va har oylik jadvallarni tasdiqlash Iqtisodiyot va sanoat vazirligi (hayʼatning qarori) har yili 15-dekabrgacha 4-bosqich Qora va rangli metallar parchalari va chiqindilarini erkin (shartnomaviy) narxlarda topshirish boʻyicha shartnomalar tuzish “Oʻzmetkombinat” AJ, “Oʻzikkilamchiranglimetall” AJ, davlat va xoʻjalik boshqaruvi organlari, mahalliy ijro etuvchi hokimiyat �rganlari yil mobaynida 5-bosqich Oʻzining metall parchalarini ishlatish (qayta ishlash) Oʻzining quyish va metall prokatini ishlab chiqarishlariga ega boʻlgan tashkilotlar yil mobaynida 6-bosqich Metall parchalarini qabul qilish “Oʻzmetkombinat” AJ, “Oʻzikkilamchiranglimetall” AJ yil mobaynida 7-bosqich Metall parchalari uchun hisob-kitob qilish “Oʻzmetkombinat” AJ, “Oʻzikkilamchiranglimetall” AJ tuzilgan shartnoma shartlari boʻyicha 8-bosqich Metallar parchalari hosil boʻlishi, shu jumladan, fizik ishdan chiqqan va maʼnaviy eskirgan asbob-uskunalarni hisobdan chiqarishning rejalashtirilishi monitoringi olib borilishini tashkil etish Iqtisodiyot va sanoat vazirligi, Davlat statistika qoʻmitasi, “Oʻzmetkombinat” AJ, “Oʻzikkilamchiranglimetall” AJ yil mobaynida 9-bosqich Metall parchalari hosil boʻlishi va ulardan foydalanish parametrlari ijrosi ustidan nazorat qilish Iqtisodiyot va sanoat vazirligi, Davlat statistika qoʻmitasi har oyda ”.
Vazirlar Mahkamasining 2019-yil 29-apreldagi 367-son qaroriga 2-ILOVA
Oʻzbekiston Respublikasi Hukumatining oʻz kuchini yoʻqotgan deb eʼtirof etilayotgan ayrim hujjatlari
roʻyxati
2. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar va qoʻshimcha kiritish toʻgʻrisida (Oʻzbekiston Respublikasi Prezidentining “2017 — 2021-yillarda elektrotexnika sanoatini boshqarishni yanada takomillashtirish, jadal rivojlantirish va diversifikatsiya qilish chora-tadbirlari toʻgʻrisida” 2017-yil 13-fevraldagi PQ-2772-son qarori)” 2017-yil 28-apreldagi 248-son qaroriga (Oʻzbekiston Respublikasi QHT, 2017-y., 18-son, 322-modda) ilovaning 2-bandi.