Fond birjasida aksiyalarni birlamchi va ikkilamchi ommaviy taklifini oʻtkazishni tashkil etish toʻgʻrisida (358-son)

26.04.2019

Oʻzbekiston Respublikasi Vazirlar Mahkamasining

qarori

Oʻzbekiston Respublikasi Prezidentining 2018-yil 1-avgustdagi “Oʻzbekiston Respublikasida investitsiya muhitini tubdan yaxshilash chora-tadbirlari toʻgʻrisida”gi PF-5495-son Farmonini ijro etish hamda davlat ulushini kamaytirish va aholining keng qatlamlarini fond bozoriga jalb etish maqsadida Vazirlar Mahkamasi qaror qiladi:

1. Oʻzbekiston Respublikasi Davlat aktivlarini boshqarish agentligi, Oʻzbekiston Respublikasi Iqtisodiyot va sanoat vazirligi, Oʻzbekiston Respublikasi Moliya vazirligi, “Jizzax plastmassa” AJ, “Oʻzbekiston respublika tovar-xom ashyo birjasi” AJ boshqaruv organlarining 1-ilovaga koʻra roʻyxat boʻyicha aksiyadorlik jamiyatlarining aksiyalarini aholi va tadbirkorlik subyektlariga, shu jumladan, xorijiy investorlarga birlamchi (IPO) va ikkilamchi (SPO) ommaviy takliflarini oʻtkazish toʻgʻrisidagi taklifiga rozilik bildirilsin.

2. Oʻzbekiston Respublikasi Davlat aktivlarini boshqarish agentligi, manfaatdor vazirliklar va idoralar ushbu qarorning 1-ilovasida koʻrsatilgan aksiyadorlik jamiyatlarining aksiyalarini birlamchi (IPO) va ikkilamchi (SPO) ommaviy takliflarini oʻtkazish toʻgʻrisidagi masalani davlat ulushiga ega boʻlgan aksiyadorlik jamiyatlari boshqaruv organlari hamda xoʻjalik boshqaruvi organlarining yigʻilishlarida koʻrib chiqishni boshlash taʼminlasin.

3. Belgilansiki:

Vazirlar Mahkamasining 2014-yil 6-oktabrdagi “Davlat mulki obyektlarini xususiylashtirish tartibi toʻgʻrisidagi nizomlarni tasdiqlash haqida”gi 279-son qarorining amal qilishi mazkur qarorning 1-ilovasida koʻrsatilgan aksiyadorlik jamiyatlarining davlat aksiya paketlarining sotilishiga, shu jumladan, ularni ikkilamchi ommaviy taklif qilish yoʻli bilan sotilishiga qoʻllanilmaydi;

ushbu qarorning 1-ilovasida koʻrsatilgan aksiyadorlik jamiyatlarining ushbu qaror doirasida sotiladigan aksiyalarini bitta shaxs (aksiyalarni ommaviy taklifi tashkilotchisidan tashqari) tomonidan sotib olinishi, agar aksiyalarni ommaviy taklifi tashkilotchisi bilan kelishuv boʻyicha boshqacha tartib belgilanmagan boʻlsa, sotiladigan aksiyalar umumiy sonining 0,1 foizidan koʻpini tashkil etmasligi kerak;

Aksiyalarning birlamchi (IPO) va ikkilamchi (SPO) ommaviy takliflarini oʻtkazish yoʻli bilan taklif narxi aksiyalarni ommaviy taklifi tashkilotchisi tomonidan fond birjasi qoidalari bilan nazarda tutilgan usullardan kelib chiqib tashabbuskor bilan kelishilgan holda belgilanadi.

4. Vazirlar Mahkamasining 2017-yil 10-maydagi “Fond birjasida aksiyalarni ommaviy taklifini oʻtkazishni tashkil etish toʻgʻrisida”gi 268-son qaroriga (Oʻzbekiston Respublikasi SQ (SP), 2017-yil, 5-son, 65-modda) 2-ilovaga muvofiq oʻzgartirish kiritilsin.

5. Oʻzbekiston Milliy teleradiokompaniyasi Oʻzbekiston Milliy axborot agentligi Oʻzbekiston Respublikasi Davlat aktivlarini boshqarish agentligi bilan birgalikda ommaviy axborot vositalarida mazkur qarorning mohiyati va mazmunining keng yoritilishi va tushuntirilishini taʼminlasin.

6. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari E.M. Ganiyev zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2019-yil 26-aprel,

358-son

Vazirlar Mahkamasining 2019-yil 26-apreldagi 358-son qaroriga 1-ILOVA

Aksiyalari birlamchi va ikkilamchi ommaviy taklifi yoʻli bilan sotiladigan aksiyadorlik jamiyatlari

ROʻYXATI

Eslatma: Bozor konyuktarisidan kelib chiqib, aksiyalarni ommaviy taklifi bosqichma-bosqich amalga oshirilishi mumkin.

* Ustav kapitalining 10 foizi.

** Ustav kapitalining 25 foizi.

*** Ustav kapitalining 12 foizi.

Vazirlar Mahkamasining 2019-yil 26-apreldagi 358-son qaroriga 2-ILOVA

Oʻzbekiston Respublikasi Vazirlar Mahkamasining 2017-yil 10-maydagi “Aksiyalarni fond birjasida ommaviy taklifini tashkil etish toʻgʻrisida”gi 268-son qaroriga kiritiladigan oʻzgartirishlar

1. 3-bandning toʻrtinchi xatboshi quyidagi tahrirda bayon etilsin:

“Aksiyalarning birlamchi (IPO) va ikkilamchi (SPO) ommaviy takliflarini oʻtkazish yoʻli bilan taklif narxi aksiyalarni ommaviy taklifi tashkilotchisi tomonidan fond birjasi qoidalari bilan nazarda tutilgan usullardan kelib chiqib tashabbuskor bilan kelishilgan holda belgilanadi”.

2. Aksiyalari birlamchi (IPO) va ikkilamchi (SPO) ommaviy taklifi yoʻli bilan sotiladigan aksiyadorlik jamiyatlari Roʻyxatidan 2-band chiqarib tashlansin.

3. Fond birjasida aksiyalarning birlamchi (IPO) va ikkilamchi (SPO) ommaviy takliflarini oʻtkazish tartibi toʻgʻrisidagi Nizomda:

a) 4-banddan “aksiyadorlik jamiyati aksiyalarining kafolatlangan joylashtirilishini taʼminlash” degan soʻzlar chiqarib tashlansin.

b) 15-band quyidagi tahrirda bayon etilsin:

“Aktsiyalarni IPO va SPO orqali taklif qilish narxi tashkilotchi tomonidan birja qoidalarida nazarda tutilgan usullar asosida tashabbuskor bilan kelishilgan holda belgilanadi.