Qishloq xoʻjaligi va meliorativ texnikani, shuningdek mashina traktor parklari, ustaxona va servis punktlarining asbob uskunalarini texnik koʻrikdan oʻtkazish toʻgʻrisida (409-son)

28.01.2019

sirdaryo viloyati Oqoltin tumani hokimi

Qaror

Oʻzbekiston Respublikasi Vazirlar Mahkamasining 2012-yil 6-dekabrdagi 345-sonli qarori bilan tasdiqlangan “Oʻzbekiston Respublikasi Qishloq va suv xoʻjaligi vazirligining Mashina va asbob uskunalarning texnik holatini nazorat qilish davlat bosh inspeksiyasi toʻgʻrisida”gi Nizom (Oʻzbekiston Respublikasi Qonun hujjatlari toʻplami, 2012-y 50-son, 559-modda), Oʻzbekiston Respublikasi Qishloq va suv xoʻjaligi vazirining 2013-yil 2-apreldagi 58-sonli buyrugʻi bilan tasdiqlangan “Qishloq xoʻjaligi va meliorativ texnikani, shuningdek mashina — traktor parklari, ustaxona va servis punktlarining asbob- uskunalarini texnik koʻrikdan oʻtkazish tartibi toʻgʻrisida”gi Nizomga asosan (roʻyxat raqami 2452, 25.04.2013-y Oʻzbekiston Respublikasi Qonun hujjatlari toʻplami 2013-y, 17- son 229-modda) tumanda 2019-yilda qishloq xoʻjaligi va meliorativ texnika, mashina-traktor parklari, ustaxona va servis punktlarining, asbob-uskunalarini har yillik texnik koʻrikdan oʻtkazish maqsadida, Oʻzbekiston Respublikasi “Mahalliy davlat hokimiyati toʻgʻrisida”gi qonunning 6,25-moddalariga asosan qaror qilaman:

1 .Tumanda mulkchilik shaklidan qatʼiy nazar korxona, tashkilot, mashina traktor parki, ochiq aksiyadorlik jamiyati, muqobil mashina traktor parklari va meliorativ texnikani, fermer xoʻjaliklar va fuqarolarda mavjud boʻlgan qishloq xoʻjaligi va meliorativ texnikani, shuningdek mashina traktor parklari, ustaxonalar va servis punktlarining asbob- uskunalarini hisobga olish va ularni texnik holatini yillik koʻrikdan oʻtkazish jadvali 1-ilovaga, texnik koʻrikdan oʻtkazish boʻyicha komissiya tarkibi 2-ilovaga muvofiq tasdiqlansin.

2. Tuman hokimining qishloq va suv xoʻjaligi masalalari boʻyicha oʻrinbosari (Y. Abduraximov) hamda tuman ichki ishlar boʻlimi boshligi (J. Sherqulov):

mulkchilik shaklidan qatʼiy nazar barcha rusumli qishloq xoʻjalik va meliorativ yoʻl-qurilish texnika vositalari yillik texnik koʻrikdan oʻtkazish maydonchalariga yigʻilishini taʼminlash topshirilsin.

3. Agrosanoat majmui va oziq-ovqat xavfsizligi taʼminlanishi ustidan nazorat qilish Inspeksiyasining Oqoltin tumani boʻlimi boshligʻi (A.A. Shukurov):

Mulkchilik shaklidan qatʼiy nazar barcha rusumdagi qishloq xoʻjaligi va meliorativ yoʻl qurilish texnika vositalari, mashina asbob-uskunalari yillik texnik koʻrikdan oʻtkazish toʻgʻrisidagi jadvalni yuridik va jismoniy shaxslarga yetkazish;

texnik koʻrikdan oʻtgan texnikalarni dalolatnomalar hamda sertifikatlar asosida ishlashga ruxsat berishini tashkil qilish vazifasi topshirilsin.

4. Barcha korxona, tashkilot, mashina traktor parki ochiq aksiyadorlik jamiyatlari, muqobil mashina traktor parklari, fermer xoʻjaliklari rahbarlariga:

Hisobida mavjud boʻlgan qishloq xoʻjaligi va meliorativ, yoʻl-qurilish texnikalarini, mashina va asbob-uskunalarni texnik koʻrikdan oʻtkazish uchun tayyorlab, belgilangan maydonchalarga yigʻish va texnik koʻrikka taalluqli toʻlovlarni toʻlanishini taʼminlash topshirilsin.

5. Tuman hokimining iqtisodiyot va tadbirkorlik masalalari boʻyicha birinchi oʻrinbosari (O. Abdullayev) Oqoltin tumanidagi korxona, tashkilot, mashina traktor parki ochiq aksiyadorlik jamiyatlari, muqobil mashina traktor parklari, fermer xoʻjaliklari va fuqarolarda mavjud boʻlgan qishloq xoʻjaligi va meliorativ yoʻl-qurilish texnikalarini, mashina va asbob-uskunalarni hisobga olish va ularni texnik holatini yillik texnik koʻrikdan oʻtkazish bilan bogʻliq boʻlgan yigʻimlarni toʻlashga amaldagi tartiblarga asosan amaliy yordam berish vazifasi topshirilsin.

6. Mazkur qaror qabul qilinishi munosabati bilan tuman hokimining 02.02.2018-yildagi № 183-sonli “Qishloq xoʻjaligi va meliorativ texnikani, shuningdek mashina traktor parklari, ustaxona va servis punktlarining asbob-uskunalarini texnik koʻrikdan oʻtkazish toʻgʻrisida”gi qarori oʻz kuchini yoʻqotgan deb hisoblansin.

7. Tuman hokimining tegishli soha bosh mutaxassislari devonxonasi (M. Azamov) mazkur normativ huquqiy hujjat “Oqoltin ovozi” roʻznomasida chop etilishini va tuman hokimligining rasmiy veb-saytiga joylashtirilishini, elektron shaklda bir kunlik muddatda ijrochilar, oʻzini-oʻzi boshqarish organlariga hamda tegishli tashkilotlarga oʻz vaqtida yetkazilishini tashkillashtirsin.

8. Ushbu qaror rasmiy eʼlon qilingandan kundan eʼtiboran kuchga kiradi.

9. Mazkur qarorning bajarilishini nazorat qilish tuman hokimining qishloq va suv hoʻjaligi masalalari boʻyicha oʻrinbosari E. Abduraximov zimmasiga yuklatilsin.

Hokim D. FAZILOV

Sardoba sh.,

2019-yil 28-yanvar,

409-son