Oʻzbekiston Respublikasining Xitoy Xalq Respublikasidagi Elchixonasi tashkiliy-shtat tuzilmasini takomillashtirish choralari toʻgʻrisida (PQ-4120-son)
16.01.2019
Oʻzbekiston Respublikasi Prezidentining
Qarori
Shanxay hamkorlik tashkiloti (keyingi oʻrinlarda — SHHT) bilan oʻzaro manfaatli sherikchilikni rivojlantirish boʻyicha tizimli ishlarni tashkil etish, siyosiy, savdo-iqtisodiy, moliya-investitsion va madaniy-gumanitar sohalardagi koʻp tomonlama hamkorlikning ustuvor yoʻnalishlarini yanada izchil rivojlantirish va amalda tatbiq etish, SHHT doirasida oʻtkaziladigan xalqaro tadbirlarda respublikaning samarali ishtirokini taʼminlash, shuningdek, Oʻzbekiston Respublikasining Xitoy Xalq Respublikasidagi Elchixonasining mazkur Tashkilot bilan oʻzaro samarali munosabatlariga koʻmaklashish maqsadida:
1. 2019-yilning 1-fevralidan Oʻzbekiston Respublikasining Xitoy Xalq Respublikasidagi Elchixonasi shtatlar jadvaliga mehnatga haq toʻlash fondini tegishli ravishda oʻzgartirgan holda birinchi kotib qoʻshimcha lavozimi (1 nafar) kiritilsin.
2. Oʻzbekiston Respublikasining Xitoy Xalq Respublikasidagi Elchixonasi shtatlar jadvali ilovaga muvofiq tasdiqlansin.
3. Oʻzbekiston Respublikasi Tashqi ishlar vazirligi xorijiy muassasaning tashkiliy-shtat tuzilmasidagi oʻzgarishlarni hisobga olgan holda Oʻzbekiston Respublikasining Xitoy Xalq Respublikasidagi Elchixonasini 2019-yildagi xarajatlar smetasini tasdiqlasin.
4. Oʻzbekiston Respublikasi Moliya vazirligi Oʻzbekiston Respublikasining Xitoy Xalq Respublikasidagi Elchixonasi xarajatlarini shtat jadvalidagi oʻzgarishlarni inobatga olgan holda 2019-yilga moʻljallangan budjetda xorijdagi muassasalarni moliyalashtirish boʻyicha tasdiqlangan miqdorlar doirasida moliyalashtirsin.
5. Oʻzbekiston Respublikasi Prezidentining “Oʻzbekiston Respublikasining Xitoy Xalq Respublikasidagi Elchixonasining tashkiliy-shtat tuzilmasini takomillashtirish toʻgʻrisida”gi 2018-yil 11-iyuldagi PQ-3844-son qarorining 3-bandi va ilovasi oʻz kuchini yoʻqotgan deb hisoblansin.
6. Mazkur qarorning ijrosini nazorat qilish Oʻzbekiston Respublikasi Prezidenti huzuridagi Xavfsizlik kengashi kotibi V.V. Maxmudov va Oʻzbekiston Respublikasi tashqi ishlar vaziri A.X. Kamilov zimmasiga yuklatilsin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2019-yil 16-yanvar,
PQ-4120-son
Oʻzbekiston Respublikasi Prezidentining 2019-yil 16-yanvardagi PQ-4120-son qaroriga ILOVA
Oʻzbekiston Respublikasining Xitoy Xalq Respublikasidagi Elchixonasi shtatlar jadvali
T/r Lavozim Shtat birliklari soni Elchining maoshiga (3 300) nisbatan xodimning maoshi, foizlarda Oylik maosh Yillik ish haqi fondi Diplomatik tarkib 1. Elchi 1 100% 3 300 39 600 2. Maslahatchi — vakil, Oʻzbekiston Respublikasining SHHT Kotibiyati huzuridagi doimiy vakili 1 90% 2 970 35 640 3. Maslahatchi — harbiy attashe 1 85% 2 805 33 660 4. Maslahatchi 1 85% 2 805 33 660 5. Savdo-iqtisodiy masalalar boʻyicha maslahatchi 1 85% 2 805 33 660 6. Moliyaviy institutlar bilan hamkorlik boʻyicha birinchi kotib 1 75% 2 475 29 700 7. Birinchi kotib 1 75% 2 475 29 700 8. Birinchi kotib 1 75% 2 475 29 700 9. Birinchi kotib — konsul 1 75% 2 475 29 700 10. Ikkinchi kotib 1 70% 2310 27 720 11. Savdo-iqtisodiy masalalar boʻyicha ikkinchi kotib 1 70% 2310 27 720 12. Uchinchi kotib — “Dunyo” AA muxbirlik punkti mudiri 1 65% 2 145 25 740 13. Uchinchi kotib 1 65% 2 145 25 740 14. Attashe 1 60% 1 980 23 760 Jami: 14 35 475 425 700 Maʼmuriy-texnik tarkib 1. Katta buxgalter, kanselyariya mudiri 1 65% 2 145 25 740 2. Xoʻjalik ishlari mudiri, komendant 1 50% 1 650 19 800 3. Haydovchi-mexanik 1 45% 1 485 17 820 4. Mahalliy aholi yoki ishchilarning oila aʼzolari orasidan yollanadigan xodimlar (ish yurituvchi kotib, farrosh, haydovchi va boshqalar) 3 333 40 000 Jami: 3 8 613 103 360 Umumiy: 17 44 088 529 060