Mahalliy davlat hokimiyati organlari faoliyatiga doir qonun hujjatlarini yanada takomillashtirish chora-tadbirlari toʻgʻrisida (2349-III-son)

14.02.2019

Oʻzbekiston Respublikasi Oliy Majlisi Qonunchilik palatasi kengashining va Oʻzbekiston Respublikasi Oliy Majlisi Senati kengashining

qoʻshma qarori

2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasini “Faol investitsiyalar va ijtimoiy rivojlanish yili”da amalga oshirishga oid Davlat dasturi 28-bandining sifatli va oʻz vaqtida ijro etilishini taʼminlash maqsadida Oʻzbekiston Respublikasi Oliy Majlisi Qonunchilik palatasining Kengashi va Oʻzbekiston Respublikasi Oliy Majlisi Senatining Kengashi qaror qiladilar:

1. Viloyat, tuman, shahar hokimlarining xalq deputatlari Kengashi raisi sifatidagi maqomini bekor qilish masalasini oʻrganish yuzasidan ishchi guruh ilovadagi tarkibga muvofiq tuzilsin.

2. Ishchi guruh 2019-yilning 25-fevraliga qadar viloyat, tuman, shahar hokimlarining xalq deputatlari Kengashi raisi sifatidagi maqomini bekor qilish boʻyicha chora-tadbirlar dasturini ishlab chiqsin va Oʻzbekiston Respublikasi Oliy Majlisi Qonunchilik palatasining va Senatining Kengashlari muhokamasiga kiritsin.

3. Mazkur Qarorning ijrosini nazorat qilish Oʻzbekiston Respublikasi Oliy Majlisi Qonunchilik palatasi Spikeri oʻrinbosari S. Otamuratov va Oʻzbekiston Respublikasi Oliy Majlisi Senati Raisining oʻrinbosari S. Artikova zimmasiga yuklansin.

4. Ushbu Qoʻshma qaror qabul qilingan kundan eʼtiboran kuchga kiradi.

Oʻzbekiston Respublikasi Oliy Majlisi Qonunchilik palatasining Spikeri N. ISMOILOV

Toshkent sh.,

2019-yil 14-fevral,

2349-III-son

Oʻzbekiston Respublikasi Oliy Majlisi Senatining Raisi N. YOʻLDOShEV

Toshkent sh.,

2019-yil 14-fevral,

QQ-506-III-son

Oʻzbekiston Respublikasi Oliy Majlisi Qonunchilik palatasi Kengashining va Oʻzbekiston Respublikasi Oliy Majlisi Senati Kengashining 2019-yil 14-fevraldagi 2349-III/KQ-506-III-sonli Qoʻshma qaroriga ILOVA

Viloyat, tuman, shahar hokimlarining xalq deputatlari Kengashi raisi sifatidagi maqomini bekor qilish masalasini oʻrganish yuzasidan tuzilgan ishchi guruh

TARKIBI

1. Artikova Svetlana Baymirzayevna — Oʻzbekiston Respublikasi Oliy Majlisi Senati Raisining oʻrinbosari, ishchi guruh rahbari 2. Saidov Akmal Xolmatovich — Oʻzbekiston Respublikasi Oliy Majlisi Qonunchilik palatasining Demokratik institutlar, nodavlat tashkilotlar va fuqarolarning oʻzini oʻzi boshqarish organlari qoʻmitasi raisi, ishchi guruh rahbari oʻrinbosari 3. Madumarov Tolibjon Abdumalikovich — Oʻzbekiston Respublikasi Oliy Majlisi Senatining Mahalliy hokimiyat vakillik organlari faoliyatini kuchaytirishga koʻmaklashuvchi komissiyasi raisi, ishchi guruh rahbari oʻrinbosari 4. Xakimov Raxim Rasuljonovich — Oʻzbekiston Respublikasi Oliy Majlisi huzuridagi Qonunchilik muammolari va parlament tadqiqotlari instituti direktori, Oliy Majlis Qonunchilik palatasining Mudofaa va xavfsizlik masalalari qoʻmitasi raisi 5. Shirinov Djaxongir Djabborovich — Oʻzbekiston Respublikasi Oliy Majlisi Qonunchilik palatasining Demokratik institutlar, nodavlat tashkilotlar va fuqarolarning oʻzini oʻzi boshqarish organlari qoʻmitasi raisi oʻrinbosari 6. Choʻlliyev Shuxrat Askarovich — Oʻzbekiston Respublikasi Oliy Majlisi Senatining Qonunchilik va sud-huquq masalalari qoʻmitasida doimiy asosda ishlovchi senator 7. Xamrokulov Abdullajon Kadirovich — Oʻzbekiston Respublikasi Oliy Majlisi Qonunchilik palatasining Demokratik institutlar, nodavlat tashkilotlar va fuqarolarning oʻzini oʻzi boshqarish organlari qoʻmitasi aʼzosi 8. Shoxnazarov Tohir Toʻxtamurodovich — Oʻzbekiston Respublikasi Oliy Majlisi Qonunchilik palatasining Yuridik boʻlimi mudiri 9. Jumaniyazov Mansur Bazorboyevich — Oʻzbekiston Respublikasi Vazirlar Mahkamasining Hududlarni kompleks rivojlantirish, kommunikatsiyalar va mudofaa sanoati masalalari kotibiyati mudiri 10. Qalandarov Davron Narimovich — Oʻzbekiston Respublikasi Vazirlar Mahkamasining Yuridik taʼminlash boshqarmasi boshligʻi 11. Haydarov Abdulaziz Abdulaxatovich — Oʻzbekiston Respublikasi Moliya vazirligi Boshqaruv organlarini moliyalashtirish boshqarmasi boshligʻi 12. Karimov Alisher Nishanovich — Oʻzbekiston Respublikasi Adliya vazirligi Qonunchilik bosh boshqarmasi boshligʻi 13. Muxitdinov Erkin Madorbekovich — Oʻzbekiston Respublikasi Bandlik va mehnat munosabatlari vazirining birinchi oʻrinbosari 14. Yoʻldoshev Aziz Ergashevich — Oʻzbekiston Respublikasi Prezidenti huzuridagi Davlat boshqaruvi akademiyasi kafedrasi dotsenti 15. Kanyazov Esemurat Sultamuratovich — Toshkent davlat yuridik universiteti rektori 16. Elshov Mixail Leonidovich — Fuqarolik jamiyati shakllanishini monitoring qilish mustaqil institutining shuʼba rahbari 17. Xodjaniyazov Atanazar Djumanazarovich — Oʻzbekiston Respublikasi Oliy Majlisi Senatining Yuridik boʻlimi mudiri, ishchi guruh kotibi