Axborot faoliyati va maʼlumotlar uzatishni takomillashtirish va samaradorligini oshirish boʻyicha idoralararo muvofiqlashtirish komissiyasining yangilangan tarkibini tasdiqlash toʻgʻrisida (304-son)

12.04.2019

Oʻzbekiston Respublikasi Vazirlar Mahkamasining

qarori

Oʻzbekiston Respublikasi Prezidentining “Idoralararo kollegial organlarni tubdan qisqartirish va yanada optimallashtirish chora-tadbirlari toʻgʻrisida” 2018-yil 28-avgustdagi PF-5527-sonli Farmoni ijroni taʼminlash maqsadida Vazirlar Mahkamasi qaror qiladi:

1. Axborot faoliyati va maʼlumotlar uzatishni takomillashtirish va samaradorligini oshirish boʻyicha idoralararo muvofiqlashtirish komissiyasining yangilangan tarkibi ilovaga muvofiq tasdiqlansin.

2. Vazirlar Mahkamasining “Axborot faoliyati va maʼlumotlar uzatishni takomillashtirish va samaradorligini oshirish boʻyicha idoralararo muvofiqlashtirish komissining tarkibini tasdiqlash toʻgʻrisida” 2016-yil 19-maydagi 162-son qarori oʻz kuchini yoʻqotgan deb hisoblansin.

3. Mazkur qarorning bajarilishini nazorat qilish Oʻzbekiston Respublikasi axborot texnologiyalari va kommunikatsiyalarini rivojlantirish vazir Sh.M. Sadikov zimmasiga hamda Oʻzbekiston Respublikasi Vazirlar Mahkamasining Telekommunikatsiyalar, IT-texnologiyalar va innovatsion faoliyatni rivojlantirish, axborot xavfsizligini taʼminlash masalalari kotibiyatiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2019-yil 12-aprel,

304-son

Vazirlar Mahkamasining 2019-yil 12-apreldagi 304-son qaroriga ILOVA

Axborot faoliyati va maʼlumotlar uzatishni takomillashtirish va samaradorligini oshirish boʻyicha idoralararo muvofiqlashtirish komissiyasi

TARKIBI

1. A. Aripov — Oʻzbekiston Respublikasining Bosh vaziri, Komissiya raisi 2. B. Olmatov — Oʻzbekiston Respublikasi axborot texnologiyalari va kommunikatsiyalarini rivojlantirish vazirining oʻrinbosari, Komissiya raisining oʻrinbosari 3. K. Allamjanov — Oʻzbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi direktori v.b. (kelishuv asosida) 4. I. Abdullayev — Oʻzbekiston Respublikasi Oliy Majlisi Qonunchilik palatasining Innovatsion rivojlanish, axborot siyosati va axborot texnologiyalari masalalari qoʻmitasi raisi (kelishuv asosida) 5. B. Nasirov — Oʻzbekiston Respublikasi Prezidenti Administratsiyasi ijro etuvchi apparatining tadbirlarni tayyorlash va yoritish shuʼbasi yetakchi konsultanti (kelishuv asosida) 6. I. Umarov — Oʻzbekiston Respublikasi Prezidenti huzuridagi Xavfsizlik kengashi kotibiyatining yetakchi konsultanti (kelishuv asosida) 7. Lavozimi boʻyicha — Oʻzbekiston Respublikasi Vazirlar Mahkamasining IT-texnologiyalar, telekommunikatsiyalar va innovatsion faoliyatni rivojlantirish masalalari departamenti boshligʻi oʻrinbosari 8. Lavozimi boʻyicha — Oʻzbekiston Respublikasi Axborotlashtirish va telekommunikatsiyalar sohasida nazorat boʻyicha davlat inspeksiyasi boshligʻi 9. A. Xadjayev — Oʻzbekiston milliy teleradiokompaniyasi raisi v.b. 10. J. Xidayxodjayev — Oʻzbekiston Respublikasi tashqi ishlar vazirining maslahatchisi — ijro apparati rahbari 11. Sh. Ikramov — Oʻzbekiston Respublikasi Mudofaa vazirligi Bosh shtabi boshligʻining oʻrinbosari — Bosh shtab bosh boshqarmasi boshligʻi 12. Lavozimi boʻyicha — Oʻzbekiston Respublikasi Davlat xavfsizlik xizmati masʼul xodimi (kelishuv asosida) 13. X. Mamatov — Oʻzbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligining Ommaviy kommunikatsiyalar masalalari boʻyicha markazi boshligʻi (kelishuv asosida) 14. F. Abduxalikov — Oʻzbekiston elektron ommaviy axborot vositalari milliy assotsiatsiyasi raisi 15. U. Rasulev — Komissiya masʼul kotibi, ishchi guruh rahbari

Izoh. Komissiya aʼzolari boshqa ishga oʻtgan taqdirda, Komissiya tarkibiga ushbu lavozimlarga yangidan tayinlangan shaxslar yoxud zimmasiga tegishli funksiyalarni bajarish yuklangan masʼul shaxslar kiritiladi.