“2015-2030-yillarda ofatlar xavfini kamaytirish boʻyicha Senday hadli dasturi”ni Oʻzbekiston Respublikasida amalga oshirish chora-tadbirlari toʻgʻrisida (299-son)

12.04.2019

Oʻzbekiston Respublikasi Vazirlar Mahkamasining

qarori

“2015 — 2030-yillarda ofatlar xavfini kamaytirish boʻyicha Senday hadli dasturi”ni Oʻzbekiston Respublikasida amalga oshirish maqsadida Vazirlar Mahkamasi qaror qiladi:

1. Quyidagilar:

“2015 — 2030-yillarda ofatlar xavfini kamaytirish boʻyicha Senday hadli dasturi” maqsadlariga Oʻzbekiston Respublikasida erishish strategiyasi (keyingi oʻrinlarda Strategiya deb ataladi) 1-ilovaga muvofiq;

“2015 — 2030-yillarda ofatlar xavfini kamaytirish boʻyicha Senday hadli dasturi” maqsadlariga Oʻzbekiston Respublikasida erishish strategiyasini 2019 — 2030-yillar davrida amalga oshirish boʻyicha milliy harakatlar rejasi (keyingi oʻrinlarda Harakatlar rejasi deb ataladi) 2-ilovaga muvofiq tasdiqlansin.

2. Quyidagilar Strategiyaning asosiy vazifalari etib belgilansin:

ofatlar xavfini kamaytirish hamda aholini va hududlarni favqulodda vaziyatlardan muhofaza qilish samaradorligini oshirish sohasida normativ-huquqiy va metodik bazani takomillashtirish;

favqulodda vaziyatlarni bartaraf etish uchun ilgʻor texnologiyalar va muhandislik-texnik vositalarni ishlab chiqish hamda joriy etish;

favqulodda vaziyatlar monitoringini olib borish va ularni prognozlashtirish tizimlarini yaratish va rivojlantirish;

boshqaruv, aloqa va xabar berish tizimlarini tashkil etish, rivojlantirish va doimiy shay holatda saqlab turish;

favqulodda vaziyatlardan zarar koʻrgan aholining hayot faoliyatini taʼminlovchi tizimni yaratish va rivojlantirish;

aholini va rahbarlar tarkibiga kiradigan mutaxassislarni favqulodda vaziyatlarda harakatlanishga tayyorlash tizimini takomillashtirish.

3. Davlat boshqaruvi organlari, mahalliy ijro etuvchi hokimiyat organlari rahbarlarining ushbu qaror bilan tasdiqlangan Strategiya va Harakatlar rejasi soʻzsiz va zarur tarzda amalga oshirilishi uchun shaxsan masʼul ekanligi belgilansin.

4. Ushbu qaror bilan tasdiqlangan Strategiya va Harakatlar rejasi amalga oshirilishiga masʼul ijro etuvchi organ etib Oʻzbekiston Respublikasi Favqulodda vaziyatlar vazirligi belgilansin.

5. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari — transport vaziri A.J. Ramatov va Oʻzbekiston Respublikasi Favqulodda vaziyatlar vaziri vazifasini bajaruvchi T.A. Xudaybergenov zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2019-yil 12-aprel,

299-son

Vazirlar Mahkamasining 2019-yil 12-apreldagi 299-son qaroriga 1-ILOVA

“2015 — 2030-yillarda ofatlar xavfini kamaytirish boʻyicha Senday hadli dasturi” maqsadlariga Oʻzbekiston Respublikasida erishish

strategiyasi

1-bob. Umumiy qoidalar.

1. Oʻzbekiston Respublikasi hududining iqlim va geologik-geografik xususiyatlari, shuningdek, iqtisodiyot tarmoqlarining infratuzilmasi koʻp turdagi favqulodda vaziyatlarning yuzaga kelishi xavfini taqozo etadi.

2. Oʻzbekiston Respublikasida quyidagi texnogen, tabiiy va ekologik tusdagi favqulodda vaziyatlar yuzaga kelishi xavfi mavjud:

bino va inshootlarning koʻp qismi yetarli seysmik chidamli emasligi;

ayrim aholi punktlarining qator xoʻjaliklari geologik va gidrometeorologik xavfli hududlarda joylashganligi;

oʻta xavfli infeksiyalar tarqalishi uchun sharoitlar mavjudligi;

suv omborlarining katta qismi seysmik xavfli hududlarda joylashganligi;

xavfli ishlab chiqarish obyektlarining koʻp joylarda faoliyat yuritishi;

transport infratuzilmasi, energetika va kommunal tizimlarning keng tarmoqliligi;

favqulodda ekologik vaziyat, shuningdek, ekologik ofat xududlarining mavjudligi.

3. Ilmiy tadqiqotlar yaqin oʻn yillikda tabiiy va texnogen xususiyatli lokal, mahalliy, respublika va transchegaraviy favqulodda vaziyatlar yuz berishi xavfi tendensiyasi oshishini tasdiqlamoqda.

Tabiiy va texnogen xususiyatli favqulodda vaziyatlarni yuzaga keltiruvchi omillar iqlim oʻzgarishi natijasida vujudga keladigan ekstremal hodisalar, shuningdek, tarmoqlar va hududlarning ekstremal sharoitlarda obyektlarning barqaror ishlashini taʼminlash imkoniyati bilan belgilanadi.

4. Favqulodda vaziyatlar yuzaga kelishi xavfining va aholi zaifligining oshishiga quyidagilar sabab boʻlishi mumkin:

transchegaraviy xususiyatga ega favqulodda vaziyatlar xavfining ortib borishi;

ekologik ifloslanish koʻlamining kengayishi;

aholini favqulodda vaziyatlarda harakat qilishga tayyorlash tizimiga jalb qilish darajasining pastligi;

favqulodda vaziyatlarda aholiga xabar berish va maʼlumot (axborot) yetkazish tizimining sust rivojlanganligi;

sanoat obyektlari texnologik uskunalaridan, muhandislik-kommunikatsiya infratuzilmalaridan uzoq vaqt foydalanilishi va ularning eskirishi;

migratsiya jarayonlarining keskin kuchayishi hamda oʻta xavfli va karantin kasalliklari tarqalishining oshishi;

urbanizatsiyaning jadal rivojlanishi, turar joy majmualari va sanoat obyektlarini qurishda shaharsozlik normalari va qoidalariga rioya qilinmasligi;

suv resurslaridan oqilona foydalanmaslik;

transport tarmoqlari va logistikaning yetarli rivojlanmaganligi.

5. Aholini va hududlarni favqulodda vaziyatlardan muhofaza qilishning milliy tizimi Oʻzbekiston Respublikasi Favqulodda vaziyatlar vazirligi tomonidan muvofiqlashtiriladigan Favqulodda vaziyatlarda ularning oldini olish va harakat qilish davlat tizimining (keyingi oʻrinlarda FVDT deb ataladi) faoliyatiga asoslanadi.

6. Oʻzbekiston Respublikasi Prezidenti va Hukumatining tegishli qarorlari asosida mamlakatda Favqulodda vaziyatlarning oldini olish va bartaraf etish tizimini yanada takomillashtirish boʻyicha kompleks chora-tadbirlar dasturi izchil amalga oshirilmoqda.

7. Mamlakatning mavjud resurslaridan yanada oqilona foydalanish, barqaror rivojlanishini taʼminlash maqsadida favqulodda vaziyatlar xavfi, koʻlami va oqibatlarini kamaytiradigan chora-tadbirlarning darajasini va aniq maqsadlarga yoʻnaltirilganligini oshirish zarur.

Shu munosabat bilan “2015 — 2030-yillarda ofatlar xavfini kamaytirish boʻyicha Senday hadli dasturi” maqsadlariga Oʻzbekiston Respublikasida erishish strategiyasini (keyingi oʻrinlarda Strategiya deb ataladi) amalga oshirish alohida ahamiyatga ega.

2-bob. Strategiyaning maqsadi va asosiy vazifalari

8. 2030-yilgacha ofatlar natijasida halok boʻlganlar va jabrlanganlar sonini, shuningdek, toʻgʻridan toʻgʻri iqtisodiy zararni keskin kamaytirish uchun aholi va hududlarni ofatlardan kompleks himoya qilish sohasida olib borilayotgan islohotlar samaradorligini oshirishga erishish Strategiyaning bosh maqsadidir.

9. Bosh maqsadga erishish uchun quyidagilar Strategiyaning asosiy vazifalari hisoblanadi:

milliy manfaatlar va ofatlar xavfini kamaytirish sohasidagi ustuvor yoʻnalishlarni hisobga olgan holda normativ-huquqiy va metodik bazani takomillashtirish;

favqulodda vaziyatlar monitoringini olib borish va prognozlashtirish, xabar berish va maʼlumot (axborot) yetkazish tizimlarini modernizatsiya qilish;

ofatlar xavfini kamaytirish, fuqarolarning hayoti, salomatligi va mol-mulkiga, hayot faoliyatini taʼminlovchi obyektlar va tizimlarning barqaror ishlashiga tahdid qiluvchi xavflarning barvaqt oldini olish va ogohlantirishning samarali va taʼsirchan mexanizmlarini yaratish;

favqulodda vaziyatlarda harakat qilish salohiyatini oshirish, davlat organlari, fuqarolik jamiyati va xususiy sektorning ushbu sohada boshqarish va hamkorlik qilishining zamonaviy usullari hamda vositalarini joriy etish;

innovatsion gʻoyalar va texnologiyalarni ishlab chiqish va favqulodda vaziyatlarning oldini olish va bartaraf etish tizimi faoliyatiga tatbiq etish;

favqulodda vaziyatlardan zarar koʻrgan aholini reabilitatsiya qilish, shuningdek, ofat yuzaga kelgan hududda hayot faoliyati sharoitlarini tiklash tizimlarini rivojlantirish;

aholining turli toifalarini favqulodda vaziyatlarda harakat qilishga tayyorlash tizimini takomillashtirish.

3-bob. Strategiyaning ustuvor yoʻnalishdari va ularni amalga oshirish mexanizmlari

10. Quyidagilar ofatlar xavfini kamaytirishning ustuvor yoʻnalishlari hisoblanadi:

ofatlar xavfi toʻgʻrisidagi bilimlarni oshirish;

ofatlar xavfini boshqarishning tashkiliy-huquqiy asoslarini takomillashtirish;

ofatlar xavfini kamaytirish tadbirlariga investitsiyalar kiritish;

ofatlar yuz berganda harakat qilishga tayyorgarlikni oshirish.

11. Ofatlar xavfi toʻgʻrisidagi bilimlarni oshirish quyidagilarni nazarda tutadi:

yuzaga kelishi mumkin boʻlgan favqulodda vaziyatlarning tashqi (transchegaraviy) va ichki manbalarini aniqlash va baholash, prognoz materiallarini tayyorlash, zamonaviy geoaxborot texnologiyalari asosida maʼlumotlar bazasini yuritish;

yuzaga kelishi mumkin boʻlgan favqulodda vaziyatlar xavfi va ular yetkazishi mumkin boʻlgan zararni baholashning metodologik asoslarini ishlab chiqish;

davlat boshqaruvi organlari mansabdor shaxslari va aholining ofatlar xavfini kamaytirish masalalari boʻyicha maʼlumotga egaligi va xabardorlik darajasini oshirish, shuningdek, ularga bilim berish va ularni oʻqitish;

yuzaga kelishi mumkin boʻlgan xavflarning oldini olish, ularning ogʻir oqibatlarini kamaytirish va reabilitatsiya qilish masalalari boʻyicha aholini oʻqitish, kadrlarni professional tayyorlash dasturlarini yanada takomillashtirishga koʻmaklashish;

yuz berishi mumkin boʻlgan ofatlarning ogʻir oqibatlarini kamaytirish strategiyasini ishlab chiqish uchun yuz berishi mumkin boʻlgan xavflar, aholining va hududlarning zaifligi toʻgʻrisidagi axborotlardan foydalanish;

jamoat tashkilotlari va nodavlat tashkilotlar orqali favqulodda vaziyatlar toʻgʻrisidagi axborotni tarqatish maqsadida fuqarolar oʻrtasida oʻzaro hamkorlikni yaxshilash.

12. Ofatlar xavfini boshqarishning tashkiliy-huquqiy asoslarini takomillashtirish quyidagilarni nazarda tutadi:

yangi qonunchilik normalarini ishlab chiqish va mavjud normativ-huquqiy hujjatlarga oʻzgartirishlar kiritish;

favqulodda vaziyatlar yuzaga kelishi xavfini kamaytirish yuzasidan rejalar, respublika va mahalliy strategiyalarni ishlab chiqish hamda amalga oshirish;

ofatlar xavfini kamaytirish borasidagi profilaktik tadbirlarni yangi qonunchilik normalari va ushbu sohada harakat qilish salohiyatini mustahkamlashning tegishli strategiyalari doirasida samarali tashkil etish;

texnika xavfsizligi boʻyicha amaldagi reglament va qoidalarga, shu jumladan, yerdan foydalanish va shaharsozlikni rejalashtirishda yuqori darajada rioya etilishini taʼminlash boʻyicha mexanizmlar va ragʻbatlantiruvchi omillarni takomillashtirish;

favqulodda vaziyatlarning oldini olish va ularni bartaraf etish sohasidagi milliy va mahalliy rejalarni amalga oshirishning borishi va natijadorligi toʻgʻrisidagi hisobotlarni eshitish amaliyotini joriy etish;

mahalliy darajada ofatlar xavfiga barham berish masalalarida mahalliy ijro etuvchi hokimiyat organlarining ishtirokini kengaytirish va javobgarligini kuchaytirish;

ofatlar yuzaga kelishi xavfi taʼsiriga uchragan zonalarda qurilish ishlari olib borilishini nazorat qilishga qaratilgan davlat strategiyasini takomillashtirish, amaldagi norma va qoidalarni hisobga olgan holda bunday zonalardan aholini koʻchirish.

13. Ofatlar xavfini kamaytirish tadbirlariga investitsiyalar kiritish quyidagilarni nazarda tutadi:

tarkibiy, notarkibiy va funksional choralar koʻrish orqali ofatlarga qarshilik qilish salohiyatini mustahkamlashga oid tadbirlarga davlat investitsiyalari va xususiy investitsiyalar kiritilishini kengayirish;

avariya-qutqaruv va boshqa maxsus mol-mulkni mahalliylashtirishga doir chora-tadbirlarni amalga oshirishda davlat-xususiy sheriklik mexanizmlarini joriy etish;

ofatlar xavfini sugʻurta qilishga oid tadbirlarni tashkil etish;

tarkibiy va boshqa chora-tadbirlar koʻrish orqali ish joylarida favqulodda vaziyatlarga qarshi kurashish salohiyatini oshirish;

tarixiy, madaniy va diniy ahamiyatga molik obyektlarni ofatlardan muhofaza qilish chora-tadbirlarini tashkil etish va qabul qilish;

yerdan foydalanish va shaharsozlik sohasidagi siyosatni ishlab chiqish va amalga oshirishda ofatlar xavfini baholash hisobga olinishini tashkil etish;

sel, toshqinlar, koʻchkilar va boshqa xavfli tabiiy ofatlar, shuningdek, qurgʻoqchilik bilan bogʻliq favqulodda vaziyatlarning oldini olish boʻyicha manzilli profilaktik tadbirlarni amalga oshirish;

mahalliy sharoitlarda ofatlar xavfini kamaytirishga doir chora-tadbirlar samaradorligini oshirishga qaratilgan shaharsozlik normalari, qoidalarini, aholi punktlarini rejalashtirish va qurishga oid standartlarni takomillashtirish;

ofatlar yuz berganda shoshilinch, malakali va ixtisoslashtirilgan tibbiy yordam koʻrsatish boʻyicha sogʻliqni saqlash tizimi muassasalarining salohiyatini oshirish;

halokatlar tibbiyoti sohasida oʻqitish salohiyatini rivojlantirish va mustahkamlashga koʻmaklashish;

tabiiy ofatlardan jabrlanganlarni ijtimoiy muhofaza qilish strategiyalarini ishlab chiqish va amalga oshirish, shuningdek, mexanizmlarini takomillashtirish;

korxonalarning ishlab chiqarish salohiyatini hamda ishlab chiqarish resurslarini himoya qilish darajasini oshirish;

turizm obyektlarining xavfsizligini taʼminlash tizimini takomillashtirish.

14. Ofatlar yuz berganda harakat qilishga tayyorgarlikni oshirish quyidagilarni nazarda tutadi:

favqulodda vaziyatlar monitoringini olib borish, prognozlashtirish, ularning oldini olish tizimini takomillashtirish;

zamonaviy axborot-kommunikatsiya texnologiyalari asosida aloqa, favqulodda vaziyatlar xavfi yoki sodir boʻlganligi haqida xabar berish va maʼlumot (axborot) yetkazishning avtomatlashtirilgan tizimlarini modernizatsiya qilish va doimiy shay holatda saqlash;

FVDT kuch va vositalarining, uning hududiy va funksional quyi tizimlarining shayligini taʼminlash boʻyicha kompleks chora-tadbirlarni amalga oshirish;

favqulodda vaziyatlarning oldini olish, FVDT kuchlari va aholining favqulodda vaziyatlarda harakat qilishga shayligini, rahbarlari tarkibining koʻnikmalarini oshirish sohasida FVDT hududiy quyi tizimi rahbarlar tarkibining vazirliklar, idoralar va tashkilotlar bilan oʻzaro hamkorligini takomillashtirish;

favqulodda vaziyatlardan keyingi tiklash va reabilitatsiya qilish tadbirlariga ofatlar xavfini boshqarish prinsiplarini joriy etish;

ofatlar taʼsiriga uchragan hududlardan aholining koʻchirilishini tashkil etish va amalga oshirish borasida mahalliy ijro etuvchi hokimiyat organlarining salohiyatini mustahkamlash;

favqulodda vaziyatlarda jabrlanganlarga tibbiy yordam koʻrsatish mexanizmlarini takomillashtirish;

ofatlar xavfini kamaytirish sohasida xalqaro hamkorlikni amalga oshirish.

4-bob. Strategiyani amalga oshirish mexanizmlari va bosqichlari

15. Strategiyaning asosiy vazifalari va ustuvor yoʻnalishlari davlat strategiyalari, rivojlantirish dasturlari, ularni amalga oshirish rejalariga, shuningdek, favqulodda vaziyatlarning oldini olish va bartaraf etish tizimini hamda boshqa sohalarni takomillashtirishga doir dasturiy hujjatlarga integratsiyalashtiriladi.

16. Strategiyani amalga oshirish uchun barcha manfaatdor tomonlar, shu jumladan, davlat va xoʻjalik boshqaruvi organlari, mahalliy ijro etuvchi hokimiyat organlari, fuqarolarning oʻzini oʻzi boshqarish organlari va fuqarolik jamiyatining boshqa institutlari, xalqaro tashkilotlar, xususiy sektor, shuningdek, aholi jalb qilinadi.

17. Strategiya Milliy harakatlar rejasiga muvofiq 2019 — 2030-yillar davrida amalga oshiriladi.

18. Barqaror rivojlanishni taʼminlash boʻyicha mamlakatda olib borilayotgan islohotlarga moslashishni hisobga olgan holda yuksak samaradorlikka erishish maqsadida Strategiyani amalga oshirish davri quyidagi uch bosqichga boʻlinadi:

1-bosqich: 2019 — 2022-yillar;

2-bosqich: 2023 — 2026-yillar;

3-bosqich: 2027 — 2030-yillar.

19. Har bir bosqich boʻyicha Strategiyaning vazifalari va ustuvor yoʻnalishlarini hal qilishga qaratilgan aniq tadbirlarni taʼriflovchi tegishli rejalar ishlab chiqiladi.

Tegishli bosqichlarga moʻljallangan tadbirlar rejalari boshqa strategik va dasturiy hujjatlarning favqulodda vaziyatlardan muhofaza qilish sohasining turli yoʻnalishlari va ofatlar xavfini kamaytirish xususiyatlariga oid vazifalar va tadbirlarini birlashtiradi va inobatga oladi.

20. Keyingi bosqichga moʻljallangan tadbirlar rejasini ishlab chiqishda avvalgilarini amalga oshirishda erishilgan yutuqlar va muammolar inobatga olinishi kerak.

21. Milliy harakatlar rejasini amalga oshirishga doir tadbirlar tegishli vazirliklar, idoralar, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, tadbirlar ijrosi uchun masʼul boʻlgan boshqa tashkilotlar mablagʻlari, xalqaro moliya institutlari va xorijiy tashkilotlarning grantlari va kreditlari, jismoniy va yuridik shaxslarning xayriya ehsonlari, shuningdek, qonunchilikda taqiqlanmagan boshqa manbalar hisobiga moliyalashtiriladi.

5-bob. Strategiyani amalga oshirishdan kutilayotgan natijalar

22. Ushbu Strategiyani amalga oshirish natijasida 2030-yilga kelib:

yangi tabiiy ofat xavflari paydo boʻlishining oldi olinishi va maʼlum xavflarning tahdidi kamayishi;

favqulodda vaziyatlardan jabrlanganlar soni, shuningdek, ulardan oʻlim darajasi imkon qadar kamayishi;

favqulodda vaziyatlardan koʻrilgan ijtimoiy, iqtisodiy va ekologik zararlar miqdorlari kamayishi;

FVDT faoliyati samaradorligining oshishi, jalb qilinuvchi ixtisoslashtirilgan xizmatlar tomonidan hududlar toʻliq qamrab olinishi taʼminlanishi;

favqulodda vaziyatlar monitoringini olib borish, prognozlashtirish, axborot almashish, aholiga xabar berish va maʼlumot (axborot) yetkazishning milliy tizimlari takomillashtirilishi;

aholini favqulodda vaziyatlardan ogohlantirish tizimi bilan maksimal qamrab olish taʼminlanishi;

favqulodda vaziyatlardan jabrlangan aholining hayot faoliyatini taʼminlash tizimlari yaratilishi va rivojlantirilishi;

rahbarlar tarkibiga kiradigan mutaxassislar va aholini favqulodda vaziyatlarda harakat qilishga tayyorlash tizimi takomillashtirilishi kutilmoqda.

Vazirlar Mahkamasining 2019-yil 12-apreldagi 299-son qaroriga 2-ILOVA

“2015 — 2030-yillarda ofatlar xavfini kamaytirish boʻyicha Senday hadli dasturi” maqsadlariga Oʻzbekiston Respublikasida erishish strategiyasini 2019 — 2030-yillar davrida amalga oshirish boʻyicha

MILLIY HARAKATLAR REJASI

T/r Tadbirlar nomi Amalga oshirish mexanizmi Ijro muddatlari Masʼul ijrochilar Ofatlar xavfi toʻgʻrisidagi bilimlarni oshirish 1. Yuzaga kelishi mumkin boʻlgan favqulodda vaziyatlarning tashqi (transchegaraviy) va ichki manbalarini aniqlash va baholash, prognoz materiallarini tayyorlash, zamonaviy geoaxborot texnologiyalari asosida maʼlumotlar bazasini yuritish. 1. Yuzaga kelishi mumkin boʻlgan favqulodda vaziyatlar monitoringi, prognozi va tahlilini tashkil etish. 2. Zarur qarorlar qabul qilish uchun yuzaga kelishi mumkin boʻlgan favqulodda vaziyatlar toʻgʻrisidagi prognoz materiallarini tayyorlash va Oʻzbekiston Respublikasi Favqulodda vaziyatlarda ularning oldini olish va harakat qilish davlat tizimining (keyingi oʻrinlarda FVDT deb ataladi) tegishli rahbar organlariga taqdim etish. 3. Yuzaga kelishi mumkin boʻlgan favqulodda vaziyatlar toʻgʻrisidagi axborotni ommaviy axborot vositalari orqali tarqatish, koinotdan va joyning oʻzida olingan maʼlumotlardan, shu jumladan, geoaxborot tizimlari maʼlumotlaridan foydalanish hamda eng yangi axborot-kommunikatsiya texnologiyalarini qoʻllash. 4. Quyidagi toifalar boʻyicha ochiq axborotdan foydalanishni taʼminlash: xavf-xatarning haqiqiyligi, zaiflik, xatar, ofatlar xususiyati va yuzaga kelishi mumkin boʻlgan yoʻqotishlar. reja-jadvalga muvofiq 2019 — 2030-yillar mobaynida har chorakda reja-jadvalga muvofiq doimo Favqulodda vaziyatlar vazirligi, Davlat geologiya qoʻmitasi, Suv xoʻjaligi vazirligi, Qishloq xoʻjaligi vazirligi, Sogʻliqni saqlash vazirligi, Fanlar akademiyasi, Davlat ekologiya qoʻmitasi, Oʻzbekiston MTRK, Ichki ishlar vazirligi 2. Yuzaga kelishi mumkin boʻlgan favqulodda vaziyatlar xavfi va ular yetkazishi mumkin boʻlgan zararni baholashning metodologik asoslarini ishlab chiqish. 1. Soʻnggi 3 — 5 yilda sodir boʻlgan favqulodda vaziyatlarni tahlil qilish, koʻrilgan zararni baholash, ular yuzaga kelgan vaziyatni hisobga olgan holda iqtisodiy, ijtimoiy, tibbiy-sanitariya, taʼlim, ekologik va madaniy oqibatlarini, shuningdek, ular yuzaga kelishi ehtimolini (xavfini) tahlil qilish. 2. Favqulodda vaziyatlar yuzaga kelishi xavfini va ulardan koʻriladigan zararni baholash metodikalarini ishlab chiqish va tasdiqlash. 2019-yil may 2020-yil yanvar Favqulodda vaziyatlar vazirligi, Ichki ishlar vazirligi, Sogʻliqni saqlash vazirligi, Suv xoʻjaligi vazirligi, Qishloq xoʻjaligi vazirligi, Madaniyat vazirligi, Fanlar akademiyasi, Davlat geologiya qoʻmitasi, Davlat ekologiya qoʻmitasi 3. Davlat boshqaruvi organlari mansabdor shaxslari va aholining ofatlar xavfini kamaytirish masalalari boʻyicha maʼlumotga egaligi va xabardorlik darajasini oshirish, shuningdek, ularga bilim berish va ularni oʻqitish. 1. Davlat boshqaruvi organlarining mansabdor shaxslariga tegishli qarorlar qabul qilish uchun yuzaga kelishi mumkin boʻlgan favqulodda vaziyatlar toʻgʻrisida tahliliy maʼlumot taqdim etish. 2. Vazirliklar va idoralar rahbarlar tarkibi Oʻzbekiston Respublikasi Favqulodda vaziyatlar vazirligining (keyingi oʻrinlarda FVV deb ataladi) Fuqaro muhofazasi institutida, FVDT hududiy quyi tizimi rahbar organlari — hududiy favqulodda vaziyatlar boshqarmalarining aholini va rahbarlar tarkibini tayyorlash markazlarida oʻqitilishini tashkil etish. 3. Oʻtkaziladigan qoʻmondonlik-shtab va taktik-maxsus mashgʻulotlarga mahalliy aholining keng jalb qilinishi va ishtirokini taʼminlash. 4. Tabiiy ofatlarda harakat qilishga tayyorlash tizimiga innovatsion gʻoyalar va texnologiyalarni joriy etish. 2020 — 2030-yillar yanvar yillik rejalarga muvofiq yillik rejalarga muvofiq 2019-yil sentyabr FVV, Ichki ishlar vazirligi, Oʻzbekiston MTRK, Sogʻliqni saqlash vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar, tumanlar (shaharlar) hokimliklari, Davlat geologiya qoʻmitasi, Suv xoʻjaligi vazirligi, Qishloq xoʻjaligi vazirligi, Davlat ekologiya qoʻmitasi, Oliy va oʻrta maxsus taʼlim vazirligi, Xalq taʼlimi vazirligi, Fanlar akademiyasi 4. Yuzaga kelishi mumkin boʻlgan xavflarning oldini olish, ularning ogʻir oqibatlarini kamaytirish va reabilitatsiya qilish masalalari boʻyicha aholini oʻqitish, kadrlarni professional tayyorlash dasturlarini yanada takomillashtirishga koʻmaklashish. 1. Favqulodda vaziyatlarda harakat qilishga oʻqitishning zamonaviy dasturlari va metodikalarini ishlab chiqish. 2. Oliy, oʻrta maxsus va oʻrta taʼlim muassasalarida tayyorlash tizimini takomillashtirish, taʼlim jarayoniga “Hayot faoliyati xavfsizligi asoslari” fanini, oʻqitishning yangi usullarini joriy etish. reja-jadvalga muvofiq FVV, Ichki ishlar vazirligi, Oliy va oʻrta maxsus taʼlim vazirligi, Xalq taʼlimi vazirligi, Sogʻliqni saqlash vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Suv xoʻjaligi vazirligi, Qishloq xoʻjaligi vazirligi 5. Yuz berishi mumkin boʻlgan ofatlarning ogʻir oqibatlarini kamaytirish strategiyasini ishlab chiqish uchun yuz berishi mumkin boʻlgan xavflar, aholining va hududlarning zaifligi toʻgʻrisidagi axborotlardan foydalanish. 1. Tegishli vazirliklar va idoralar mutaxassislaridan iborat ishchi guruhlar tarkibida xavfli tabiiy hodisalar va texnogen avariyalar xavfi yuqori boʻlgan hududlar va obyektlarni oʻrganish. 2. Mamlakat Hukumatiga, obyektlar va hududlar rahbarlariga yuz berishi mumkin boʻlgan xavfli tabiiy hodisalar va texnogen avariyalar toʻgʻrisida axborot taqdim etish. 2020 — 2030-yillar yanvar — noyabr 2020 — 2030-yillar fevral FVV, Davlat geologiya qoʻmitasi, Suv xoʻjaligi vazirligi, Qishloq xoʻjaligi vazirligi, Sogʻliqni saqlash vazirligi, Fanlar akademiyasi, Davlat ekologiya qoʻmitasi 6. Jamoat tashkilotlari va nodavlat tashkilotlar orqali favqulodda vaziyatlar toʻgʻrisidagi axborotni tarqatish maqsadida fuqarolar oʻrtasida oʻzaro hamkorlikni yaxshilash. 1. Avtomatlashtirilgan xabar berish va maʼlumot (axborot) yetkazish tizimini modernizatsiya qilish, favqulodda vaziyatlardan xabardor qilishning lokal tizimlarini oʻrnatish. 2. Favqulodda vaziyatlar toʻgʻrisidagi axborotni tarqatish ishlarini bajarish uchun nodavlat tashkilotlarni jalb qilish. 2019 — 2022-yillar reja-jadvalga muvofiq FVV, Axborot texnologiyalari va kommunikatsiyalarini rivojlantirish vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, “Mahalla” fondi, vazirliklar va idoralar Ofatlar xavfini boshqarishning tashkiliy-huquqiy asoslarini takomillashtirish 7. Yangi qonun hujjatlari normalarini ishlab chiqish va mavjud normativ-huquqiy hujjatlarga oʻzgartirishlar kiritish. 1. Ofatlar xavfini boshqarish, favqulodda vaziyatlarning oldini olish va ularni bartaraf etish sohasidagi tadbirlarning masʼul organlar tomonidan samarali amalga oshirilishi uchun normativ-huquqiy, tashkiliy va institutsional asoslarning dolzarbligi hamda yetarliligining doimiy monitoringini olib borish. 2. Moliyaviy imkoniyatlarni hisobga olgan holda, yangi qonunlar, normalarni ishlab chiqish orqali ofatlar xavfini kamaytirishga doir chora-tadbirlarni qoʻllab-quvvatlash yuzasidan FVDT rahbar organlariga tavsiyalar berish. 3. Yangi tahdidlar yuzaga kelishi ehtimoli va ofatlar xavfini kamaytirish sohasidagi xalqaro tajribani hisobga olgan holda favqulodda vaziyatlarning oldini olish va bartaraf etish sohasidagi normativ-huquqiy va metodik bazani takomillashtirish. 2019 — 2030-yillar oktyabr-noyabr tavsiyalar tayyorlanishiga qarab tegishli dasturiy hujjatlar doirasida FVV, Ichki ishlar vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Davlat geologiya qoʻmitasi, Suv xoʻjaligi vazirligi, Sogʻliqni saqlash vazirligi, Fanlar akademiyasi, Davlat ekologiya qoʻmitasi 8. Favqulodda vaziyatlar yuzaga kelishi xavfini kamaytirish yuzasidan rejalar, respublika va mahalliy strategiyalarni ishlab chiqish hamda amalga oshirish. 1. Tabiiy ofatlar xavfini kamaytirish sohasidagi ishlar holatini oʻrganish, aniqlangan xatarlarni yengib oʻtishning texnik, moliyaviy va maʼmuriy xususiyatlarini baholash, strategiyalar va rejalarni ishlab chiqish uchun dastlabki va boshqa maʼlumotlarni toʻplash. 2. Vazifalar, koʻrsatkichlar va muddatlarni koʻrsatgan holda favqulodda vaziyatlarni??g oldini olish, mavjud xavflarni kamaytirish hamda iqtisodiy, ijtimoiy, sanitariya-gigiyena va ekologik jihatdan ofatlarga qarshi kurashish salohiyatini mustahkamlash yuzasidan turli muddatlarga moʻljallangan respublika strategiyalari va mahalliy strategiyalarni va rejalarni ishlab chiqish va qabul qilish. 2019-yil dekabr 2020 — 2030-yillar yanvar-fevral FVV, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, vazirliklar va idoralar 9. Ofatlar xavfini kamaytirish borasidagi profilaktik tadbirlarni yangi qonunchilik normalari va ushbu sohada harakat qilish salohiyatini mustahkamlashning tegishli strategiyalari doirasida samarali tashkil etish. 1. Davlat sektorlari va xususiy sektorlar saʼy-harakatlarini davlat mulki boʻlgan hamda davlat tomonidan boshqariladigan yoki tartibga solinadigan xizmatlar va infratuzilma obyektlariga daxl qiluvchi ofatlar xavflarini bartaraf etishga qaratish. 2. Ofatlar xavfidan xabardorlikni oshirish maqsadida moliyaviy yordam, aholi xabardorligini va tayyorgarligini oshirish sohasidagi tashabbuslarni oʻz ichiga olishi mumkin boʻlgan mexanizmlar va tashabbuslarni takomillashtirish. tegishli dasturiy hujjatlar doirasida tegishli davrga tadbirlar rejalariga muvofiq FVV, Davlat geologiya qoʻmitasi, Qurilish vazirligi, Suv xoʻjaligi vazirligi, Qishloq xoʻjaligi vazirligi, Sogʻliqni saqlash vazirligi, Oʻzbekiston MTRK, Davlat ekologiya qoʻmitasi, Fanlar akademiyasi 10. Texnika xavfsizligi boʻyicha amaldagi reglament va qoidalarga, shu jumladan, yerdan foydalanish va shaharsozlikni rejalashtirishda yuqori darajada rioya etilishini taʼminlash boʻyicha mexanizmlar va ragʻbatlantiruvchi omillarni takomillashtirish. 1. Xalqaro tajribani hisobga olgan holda xavfsizlik texnikasiga oʻqitish va ular boʻyicha ishlarni tashkil etishning zamonaviy usullarini ishlab chiqish. 2. Texnika xavfsizligi boʻyicha amaldagi reglament va qoidalarga, shu jumladan, yerdan foydalanish va shaharsozlikni rejalashtirishga doir amaldagi qoidalar va reglamentlarga, qurilish normalariga, atrof muhit va resurslardan foydalanish, shuningdek, sanitariya-gigiyena normalari va xavfsizlik standartlariga yuqori darajada rioya etilishini taʼminlash uchun zarur mexanizmlar va ragʻbatlantiruvchi omillar yaratilishini ragʻbatlantirish. 2020-yil fevral tegishli dasturiy hujjatlar doirasida FVV, Ichki ishlar vazirligi, Mehnat vazirligi, Qurilish vazirligi, Suv xoʻjaligi vazirligi, Qishloq xoʻjaligi vazirligi, Sogʻliqni saqlash vazirligi, Davyergeodezkadastr, Davlat geologiya qoʻmitasi, Davlat ekologiya qoʻmitasi, Fanlar akademiyasi 11. Favqulodda vaziyatlarning oldini olish va ularni bartaraf etish sohasidagi tarmoq va mahalliy rejalarni amalga oshirishning borishi va natijadorligi toʻgʻrisidagi hisobotlarni eshitish amaliyotini joriy etish. 1. Favqulodda vaziyatlarning oldini olish va bartaraf etish sohasida qabul qilingan tarmoq va mahalliy rejalarni amalga oshirish jarayonini tizimli oʻrganish, ularning �atijadorligini baholash. 2. Jamoatchilik nazoratini ragʻbatlantirish, ofatlar xavfini kamaytirishga doir harakatlar rejalarining ijrosi toʻgʻrisidagi maʼruzalarni rasmiy muhokama qilish, shu jumladan, parlament aʼzolari va boshqa tegishli mansabdor shaxslar bilan muhokama qilish. yillik rejalarga muvofiq tegishli dasturiy hujjatlar doirasida, reja-jadvalga muvofiq FVV, vazirliklar va idoralar, FVV, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, “Mahalla” fondi 12. Mahalliy darajada ofatlar xavfiga barham berish masalalarida mahalliy ijro etuvchi hokimiyat organlarining ishtirokini kengaytirish va javobgarligini kuchaytirish. 1. Ofatlar xavfini kamaytirish sohasida mahalliy ijro etuvchi hokimiyat organlarining vakolatlarini kengaytirish, shuningdek, FVDT hududiy quyi tizimi kuchlari va vositalarini jalb qilib va moliyaviy imkoniyatlarni hisobga olib mahalliy darajada tegishli choralarni koʻrish. 2. Mahalliy darajadagi ofatlar xavfini bartaraf etish masalalarida FVDT hududiy quyi tizimi rahbar organlari javobgarligini oshirish. tegishli dasturiy hujjatlar doirasida FVV, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Ichki ishlar vazirligi, Moliya vazirligi, Suv xoʻjaligi vazirligi, Qishloq xoʻjaligi vazirligi, Sogʻliqni saqlash vazirligi, Davlat geologiya qoʻmitasi, Davlat ekologiya qoʻmit?si 13. Ofatlar yuzaga kelishi xavfi taʼsiriga uchragan zonalarda qurilish ishlari olib borilishini nazorat qilishga qaratilgan davlat strategiyasini takomillashtirish, amaldagi norma va qoidalarni hisobga olgan holda bunday zonalardan aholini koʻchirish. 1. Ofatlar xavf solayotgan zonalarda turar joy binolari va inshootlar qurilishini vaqti-vaqti bilan oʻrganish, bunda togʻoldi va togʻli hududlarga, sel va toshqin xavf solayotgan zonalarga alohida eʼtibor qaratish. 2. Xavfli tabiiy hodisalar yuz berishi mumkin boʻlgan zonalardan aholini koʻchirish ishlarini tashkil etish. 3. Xavfli zonalardan koʻchirilayotgan aholiga amaldagi normalar va qoidalarni inobatga olgan holda yer uchastkalari va uy-joylar berish. tegishli davrga tadbirlar rejalariga muvofiq tegishli davrga tadbirlar rejalariga muvofiq FVV, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Ichki ishlar vazirligi, Qurilish vazirligi, Moliya vazirligi, Davlat geologiya qoʻmitasi, Suv xoʻjaligi vazirligi, Sogʻliqni saqlash vazirligi, Fanlar akademiyasi, Davlat ekologiya qoʻmitasi Ofatlar xavfini kamaytirish tadbirlariga investitsiyalar kiritish 14. Tarkibiy, notarkibiy va funksional choralar koʻrish orqali ofatlarga qarshilik qilish salohiyatini mustahkamlashga oid tadbirlarga davlat investitsiyalari va xususiy investitsiyalar kiritilishining kengayirish. 1. Iqtisodiyot tarmoqlari va maʼmuriy hududlarni rivojlantirishga doir davlat strategiyalariga, dasturiy hujjatlarga ofatlar xavfiga qarshi kurashishga doir chora-tadbirlar kiritilishini tashkil etish. 2. Ofatlar xavfini kamaytirish bilan bogʻliq tadbirlarni amalga oshirish uchun zarur moliyaviy r�surslarni hisoblash va ajratilishini taʼminlash. 3. Ofatlarga qarshi kurashish salohiyatini oshirishga doir tadbirlarga xususiy investitsiyalarni keng jalb qilish. tegishli davrga tadbirlar rejalariga muvofiq FVV, Iqtisodiyot va sanoat vazirligi, Moliya vazirligi, vazirliklar va idoralar, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari 15. Avariya-qutqaruv va boshqa maxsus mol-mulkni mahalliylashtirishga doir chora-tadbirlarni amalga oshirishda davlat-xususiy sheriklik mexanizmlarini joriy etish. 1. Tayyor mahsulotlar, butlovchi buyumlar va materiallar yoʻnalishlari va roʻyxatlari boʻyicha avariya-qutqaruv texnikasi, maxsus mol-mulk va jihozlarni mahalliylashtirishga doir takliflarni oʻrganish va tayyorlash. 2. Mahsulot, butlovchi buyumlar va materiallarni ishlab chiqarishni mahalliylashtirish jarayoniga investitsiyalarni keng jalb qilish uchun davlat-xususiy sheriklikni rivojlantirish. tegishli davrga tadbirlar rejalariga muvofiq Iqtisodiyot va sanoat vazirligi, Mudofaa vazirligi huzuridagi Mudofaa sanoati agentligi, FVV, aloqador vazirliklar, idoralar va tashkilotlar 16. Ofatlar xavfini sugʻurta qilishga oid tadbirlarni tashkil etish. 1. Sugʻurta kompaniyalari, FVV, “Mahalla” xayriya jamoat fondi va boshqa aloqador tashkilotlar mutaxassislaridan iborat ishchi guruhlar tarkibida ofatlar xavf solayotgan xavfli uchastkalarni oʻrganish. 2. Xavfli uchastkalarda yashovchi aholi orasida tabiiy ofatlar xavfidan sugʻurta qilish toʻgʻrisida tushuntirish ishlarini olib borish, ularning hayoti va mol-mulkini sugʻurta qilishni tashkil etish. 3. Shaharlar va qishloq tumanlarida ofatlarning davlat hamda jamiyat uchun iqtisodiy oqibatlarini kamaytirish maqsadida ofatlar xavfini sugʻurta qilish, xavfni taqsimlash va toʻxtatish, ham davlat investitsiyalari, ham xususiy investitsiyalar hisobiga moliyaviy himoya qilish mexanizmlarini mustahkamlash. tegishli davrga tadbirlar rejalariga muvofiq Sugʻurta kompaniyalari, FVV, Moliya vazirligi, “Mahalla” fondi, vazirliklar �a idoralar 17. Tarkibiy va boshqa chora-tadbirlar koʻrish orqali ish joylarida favqulodda vaziyatlarga qarshi kurashish salohiyatini oshirish. 1. Favqulodda vaziyatlarning oldini olish va ularni bartaraf etish masalalari boʻyicha asosiy tadbirlar rejasini, shuningdek, obyektlar barqaror ishlashini oshirish rejasini ishlab chiqish va amalga oshirish. 2. Tashkilotlarda doimiy shtatlar asosida yoki shtatdan tashqari asosda qutqaruv tuzilmalari tuzilishini tashkil etish. 3. Qutqaruv tuzilmalarini zarur qutqaruv vositalari va asbob-uskunalari bilan jihozlash, xavfsizlik texnikasi boʻyicha har kuni yoʻriqnoma mashgʻulotlarini oʻtkazish. har yili 2020-yil yanvar tegishli jihozlash rejalariga muvofiq Vazirliklar va idoralar 18. Tarixiy, madaniy va diniy ahamiyatga molik obyektlarni ofatlardan muhofaza qilish chora-tadbirlarini tashkil etish va qabul qilish. 1. Loyiha institutlari va boshqa aloqador tashkilotlar mutaxassislarini jalb qilgan holda tarixiy, madaniy va diniy ahamiyatga molik obyektlar holatini oʻrganish. 2. Masʼul tashkilotlar va mahalliy ijro etuvchi hokimiyat organlariga tarixiy, madaniy va diniy ahamiyatga molik obyektlarning holati toʻgʻrisidagi axborotni ushbu obyektlarda avariyalar va yemirilishlarning oldini olish boʻyicha zarur choralar koʻrish uchun taqdim etish. 3. Tarixiy, madaniy va diniy ahamiyatga molik obyektlar holatining monitoringini tashkil etish, ularni doimiy ravishda joriy taʼmirlash va saqlab turish boʻyicha boshqa tadbirlarni doimiy oʻtkazish. 2019-2020-yillar axborot tayyor boʻlishiga qarab har yili reja-jadvalga muvofiq Madaniyat vazirligi, Qurilish vazirligi, FVV, Moliya vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari 19. Yerdan foydalanish va shaharsozlik sohasidagi siyosatni ishlab chiqish va amalga oshirishda ofatlar xavfini baholash hisobga olinishini tashkil etish. 1. Turar joy mavzelari, ijtimoiy ahamiyatga molik obyektlar va sanoat obyektlarining bosh rejalarini ishlab chiqishda, loyihalashtirishda va qurishda ofatlar xavfini baholash mexanizmlarini takomillashtirish. 2. Yerdan foydalanish va shaharsozlik sohasidagi siyosatni amalga oshirishda ofatlar xavfini baholash, yerlarning tanazzuli darajasini baholash hisobga olinishini, prognoz qilinadigan demografik va ekologik oʻzgarishlarni hisobga olgan holda ishlab chiqiladigan kelgusi faoliyatning amal qiluvchi prinsiplari va usullaridan foydalanishni tashkil etish. tegishli dasturiy hujjatlar doirasida tegishli davrga tadbirlar rejalariga muvofiq Davyergeodezkadastr, Qurilish vazirligi, Davlat ekologiya qoʻmitasi, Davlat geologiya qoʻmitasi, Suv xoʻjaligi vazirligi, Qishloq xoʻjaligi vazirligi, Sogʻliqni saqlash vazirligi, Fanlar akademiyasi, FVV, Moliya vazirligi 20. Sel, toshqinlar, koʻchkilar va boshqa xavfli tabiiy ofatlar, shuningdek, qurgʻoqchilik bilan bogʻliq favqulodda vaziyatlarning oldini olish boʻyicha manzilli profilaktik tadbirlar�i amalga oshirish. 1. Xavfli gidrometeorologik va geologik hodisalar faollashishi mumkin boʻlgan zonalarni oʻrganish, ushbu zonalarda joylashgan aholi punktlarini aniqlash, vaqtincha evakuatsiya qilinishi yoki xavfsiz joylarga doimiy koʻchirilishi lozim boʻlgan xoʻjaliklar, shuningdek, sel, toshqin va koʻchki xavfi mavjud boʻlgan uchastkalar roʻyxatini tuzish. 2. Oʻrganish yakunlari boʻyicha ofatlar xavfini kamaytirishni taʼminlovchi tashkiliy, muhandislik-texnik va boshqa tadbirlar oʻtkazish boʻyicha manzilli takliflarni ishlab chiqish, shuningdek, Toshqinga qarshi Hukumat komissiyasi majlisida ularning koʻrib chiqilishini tashkil etish. 3. Tegishli manzilli dasturlarni ishlab chiqish, ularni Toshqinga qarshi Hukumat komissiyasining bayonnoma qarori bilan tasdiqlash, tadbirkorlik subyektlarini yuz berishi mumkin boʻlgan tabiiy ofatlarning oldini olishga doir ishlarga davlat-xususiy sheriklik asosida jalb qilish. har yili yanvar-fevral har yili mart oyida har yili fevral — may, reja-jadvalga muvofiq FVV, Suv xoʻjaligi vazirligi, Davlat ekologiya qoʻmitasi, Davlat geologiya qoʻmitasi, Davyergeodezkadastr, Fanlar akademiyasi, Qurilish vazirligi, Qishloq xoʻjaligi vazirligi, Sogʻliqni saqlash vazirligi, Moliya vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari 21. Mahalliy sharoitlarda ofatlar xavfini kamaytirishga doir chora-tadbirlar samaradorligini oshirishga qaratilgan shaharsozlik normalari, qoidalarini, aholi punktlarini rejalashtirish va qurishga oid standartlarni takomillashtirish. 1. Shaharsozlik sohasidagi normativ-huquqiy bazani xatlovdan oʻtkazish. 2. Hududlarni rejalashtirish va kompleks qurish boʻyicha mavjud shaharsozlik normalari, qoidalari, standartlarini qayta koʻrib chiqish yoki zarur hollarda yangilarini ishlab chiqish yuzasidan, ularning mahalliy sharoitlarda samaradorligini oshirishga qarat�lgan takliflarni tayyorlash va taqdim etish. 2019-yil dekabr FVV, Qurilish vazirligi, Davlat geologiya qoʻmitasi, Suv xoʻjaligi vazirligi, Sogʻliqni saqlash vazirligi, Fanlar akademiyasi, Davlat ekologiya qoʻmitasi, Moliya vazirligi 22. Ofatlar yuz berganda shoshilinch, malakali va ixtisoslashtirilgan tibbiy yordam koʻrsatish boʻyicha sogʻliqni saqlash tizimi muassasalarining salohiyati�i oshirish. 1. Favqulodda vaziyatlarda shoshilinch tibbiy yordam koʻrsatish tizimi samaradorligini tahlil qilish. 2. Jabrlanganlarga shoshilinch, malakali va ixtisoslashtirilgan tibbiy yordam koʻrsatishni yaxshilash boʻyicha takliflar tayyorlash. 3. Favqulodda vaziyatlar yuz berishi xavfini boshqarishga doir chora-tadbirlarni sogʻliqni saqlash tizimiga integratsiyalash. 4. Favqulodda vaziyatlar yuz berishi xavfini tushunish, sogʻliqni saqlash tizimi faoliyatida favqulodda vaziyatlar yuz berishi xavfini kamaytirishga qaratilgan yondashuvlarni qoʻllash va amalga oshirish nuqtai nazaridan sogʻliqni saqlash tizimi xodimlari salohiyatini oshirish. 2019-yil sentyabr 2019-yil dekabr tegishli dasturiy hujjatlar doirasida, reja-jadvalga muvofiq Sogʻliqni saqlash vazirligi, FVV 23. Halokatlar tibbiyoti sohasida oʻqitish salohiyatini rivojlantirish va mustahkamlashga koʻmaklashish. 1. Halokatlar tibbiyoti boʻyicha ilgʻor xalqaro tajribani oʻrganish va taʼlim muassasalarining oʻqitish tizimiga joriy etish. 2. Shoshilinch tibbiy xizmatlar xodimlarining jabrlanganlarga tibbiy yordam koʻrsatish va ularni shifoxonaga yotqizishni tashkil etish, qutqaruv ishlarini tibbiy taʼminlash boʻyicha oʻqitilishini tashkil etish. 3. Qutqaruv tuzilmalarini halokatlar tibbiyoti sohasida tayyorlash metodikasini takomillashtirish. tegishli davrga tadbirlar rejalariga muvofiq Sogʻliqni saqlash vazirligi, FVV 24. Tabiiy ofatlardan jabrlanganlarni ijtimoiy muhofaza qilish strategiyalarini ishlab chiqish va amalga oshirish, shuningdek, mexanizmlarini takomillashtirish. 1. Favqulodda vaziyatlarda jabrlanganlarni, shu jumladan, mahalliy aholi ishtirokida ijtimoiy muhofaza qilish strategiyalarini ishlab chiqish va amalga oshirish, shuningdek, mexanizmlarini takomillashtirish. 2. Strategiyalar va rejalarni ishlab chiqishda hayot uchun xavfli boʻlgan va surunkali kasalliklarga chalingan, favqulodda vaziyatlar yuz berishidan oldin, yuz bergan vaqtda va yuz berganidan keyin bunday kasalliklarga duchor boʻladigan shaxslarning oʻziga xos ehtiyojlarini eʼtiborga olish, shu jumladan, yashash uchun muhim xizmat�ardan foydalanishni taʼminlash. 3. Sogʻliqni saqlash sohasidagi bazaviy xizmatlardan foydalanishni kengaytirish, shu jumladan, onalar, chaqaloqlar va bolalarning sogʻligʻini, reporoduktiv salomatlikni asrash, oziq-ovqat xavfsizligi va ovqatlanish, uy-joy bilan taʼminlash, tabiiy ofatlardan jiddiy zarar koʻrgan odamlarga yordam koʻrsatish boʻyicha uzoq muddatli qarorlar qabul qilish sohalarida koʻmaklashish. tegishli davrga tadbirlar rejalariga muvofiq Sogʻliqni saqlash vazirligi, FVV, Qishloq xoʻjaligi vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari 25. Korxonalarning ishlab chiqarish salohiyatini hamda ishlab chiqarish resurslarini himoya qilish darajasini oshirish. 1. Favqulodda vaziyatlar sharoitida obyektlar ishi barqarorligini oshirish boʻyicha tadbirlarni rejalashtirish, ishlab chiqish va amalga oshirish. 2. Favqulodda vaziyatlar sharoitida obyektlarning oʻz mahsulotini belgilangan normalar va hajmlarda ishlab chiqarish qobiliyatini oshirish tadbirlarini tashkil etish. 3. Hayotiy muhim infratuzilma obyektlarining, shu jumladan, suv taʼminoti, transport va telekommunikatsiyalar infratuzilmasini, ijtimoiy ahamiyatli muassasalarning favqulodda vaziyatlar oqibatlariga bardoshligini oshirish. 4. Tabiiy ofatlar xavfidan zarar koʻrgan aholiga uzluksiz xizmat koʻrsatilishini taʼminlash maqsadida korxonalarning qarshilik koʻrsatish salohiyatini hamda ishlab chiqarish resurslarining himoya qilinishi darajasini oshirish. 5. Hayot kechirish vositalari va ishlab chiqarish aktivlarini, shu jumladan, qishloq xoʻjaligi hayvonlari, qoramol va urugʻliklarning himoya qilinishini mustahkamlash. tegishli davrga tadbirlar rejalariga muvofiq FVV, vazirliklar va idoralar, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari 26. Turizm obyektlarining xavfsizligini taʼminlash tizimini takomillashtirish. 1. Turizm obyektlarining ofatlar xavfi taʼsiriga tushganligini oʻrganish, bunda gidrometeorologik va geologik xavfli hodisalar yuz berishi mumkin boʻlgan uchastkalarda joylashgan obyektlarga alohida eʼtibor qaratish. 2.Turizm obyektlari bazasida obyekt (doimiy shtat asosida yoki shtatsiz asosda) qutqaruv tuzilmalarini tashkil etish. 3. Turizm industriyasiga, dam oluvchilarning xavfsizligini taʼminlash darajasiga bogʻliqlikni inobatga olgan holda favqulodda vaziyatlarning yuzaga kelishi xavfini boshqarishga qaratilgan yondashuvlarni joriy etish. 2019-yil iyun — dekabr 2020-yil yanvar tegishli dasturiy hujjatlar doirasida Turizmni rivojlantirish davlat qoʻmitasi, FVV Ofatlar yuz berganda harakat qilishga tayyorgarlikni oshirish 27. Favqulodda vaziyatlar monitoringini olib borish, prognozlashtirish, ularning oldini olish tizimini takomillashtirish. 1. Yuz berishi mumkin boʻlgan favqulodda vaziyatlarning tashqi (transchegaraviy) va ichki manbalarini aniqlash va baholash ishlarini tashkil etish, zamonaviy geoaxborot texnologiyalari asosida maʼlumotlar bazasini yuritish. 2. Tabiiy, texnogen va ekologik xususiyatli favqulodda vaziyatlar monitoringi, axborot almashish va prognozlashtirishning yagona tizimi faoliyati samaradorligini oshirishga doir tashkiliy-amaliy chora-tadbirlarni amalga oshirish. 3. Tabiiy, ekologik hodisalar�i va texnogen jarayonlarni prognozlashtirishning ilmiy asoslangan usullarini ishlab chiqish hamda favqulodda vaziyatlar monitoringini olib borish va ularni prognozlashtirish tizimiga joriy etish. reja-jadvalga muvofiq 2019-2020-yillar tegishli davrga tadbirlar rejalariga muvofiq FVV, Axborot texnologiyalari va kommunikatsiyalarini rivojlantirish vazirligi, Suv xoʻjaligi vazirligi, Sogʻliqni saqlash vazirligi, Fanlar akademiyasi, Davlat ekologiya qoʻmitasi, Davlat geologiya qoʻmitasi, Moliya vazirligi 28. Zamonaviy axborot-kommunikatsiya texnologiyalari asosida aloqa, favqulodda vaziyatlar xavfi yoki sodir boʻlganligi haqida xabar berish va maʼlumot (axborot) yetkazishning avtomatlashtirilgan tizimlarini modernizatsiya qilish va doimiy shay holatda saqlash. 1. Potensial xavfli obyektlarda va ularga tutash hududlarda lokal xabar berish tizimlarini tashkil etish. 2. Respublika, mahalliy, lokal va obyekt darajasidagi xabar berish tizimlarini, shuningdek, avtomatlashtirilgan xabar berish va maʼlumot (axborot) yetkazish tizimini modernizatsiyalash va doim shay holda saqlash. 3. Axborotni boshqarish va uza�ish uchun davlat va idora aloqa kanallarini (ularning rahbarlari bilan kelishgan holda radio, televideniye) va boshqa telekommunikatsiya tizimlaridan markazlashtirilgan tartibda foydalanishni taʼminlash. reja-jadvalga muvofiq 2019 — 2022-yillar FVV, Axborot texnologiyalari va kommunikatsiyalarini rivojlantirish vazirligi, MTRK, vazirliklar va idoralar, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari 29. FVDT kuch va vositalarining, uning hududiy va funksional quyi tizimlarining shayligini taʼminlash boʻyicha kompleks chora-tadbirlarni amalga oshirish. 1. Professional qutqaruv tuzilmalari, obyektlarda shtatsiz asosda tashkil etilgan qutqaruv tuzilmalari va FVDTning boshqa kuchlarining moddiy-texnik bazasini zamonaviy qutqaruv texnikasi, asbob-uskunalar, himoya vositalari va boshqa mol-mulk bilan mustahkamlash choralarini koʻrish. 2. Mutaxassislarning qutqaruv va boshqa kechiktirib boʻlmaydigan tadbirlarni amalga oshirishga doir koʻnikmalari va kasbiy mahoratini takomillashtirish boʻyicha nazariy va amaliy mashgʻulotlar oʻtkazish. 3. Favqulodda vaziyatlar yuz berganda zarur vositalarni shoshilinch jalb qilish maqsadida favqulodda vaziyatlarning oldi�i olish va bartaraf etish uchun moddiy-texnik va moliya resurslari zaxiralarini oldindan yaratish. tegishli davrga tadbirlar rejalariga muvofiq Oʻzbekiston Respublikasi FVDT tarkibiga kiruvchi vazirliklar va idoralar, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari 30. Favqulodda vaziyatlarning oldini olish, FVDT kuchlari va aholining favqulodda vaziyatlarda harakat qilishga shayligini, rahbarlar tarkibining koʻnikmalarini oshirish sohasida FVDT hududiy quyi tizimi rahbarlari tarkibining vazirliklar, idoralar va tashkilotlar bilan oʻzaro hamkorligini takomillashtirish. 1. Favqulodda vaziyatlar?�ng oldini olish va ularda harakat qilishga doir tadbirlarni ofatlarning mahalliy xavflarini hisobga olgan holda rejalashtirishni tashkil etish. 2. Iqlim oʻzgarishi ssenariysini va ularning favqulodda vaziyatlar yuz berishi xavfi omillariga taʼsirini hisobga olgan holda ofatlar xavfini kamaytirishga qaratilgan tadbirlarni tashkil etish va oʻtkazish boʻyicha qoʻmondonlik-shtab, taktik-maxsus va kompleks mashgʻulotlarni rejalashtirish va oʻtkazish. har yili reja-jadvalga muvofiq Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, FVV, FVDT tarkibiga kiruvchi vazirliklar va idoralar 31. Favqulodda vaziyatlardan keyingi tiklash va reabilitatsiya qilish tadbirlariga ofatlar xavfini boshqarish prinsiplarini joriy etish. 1. Favqulodda vaziyatlardan keyin tiklash va reabilitatsiya qilish jarayonlariga ofatlar xavfini boshqarish chora-tadbirlarining kiritilishiga koʻmaklashish. 2. Tiklash bosqichida qisqa, oʻrta va uzoq muddatli istiqbolda, shu jumladan, yerdan foydalanishni rejalashtirish, qurilish normalarini kuchaytirish va favqulodda vaziyatlardan keyin tajriba, bilim almashish kabi sohalarda chora-tadbirlar ishlab chiqish orqali ofatlar xavfini kamaytirish imkonini beradigan salohiyat yaratish uchun imkoniyatdan foydalanish. 3. Ofatlar yuz berganidan keyingi davrda rekonstruksiya qilish tadbirlarini zarar koʻrgan hududlarni ijtimoiy-iqtisodiy barqaror rivojlantirish faoliyatiga integratsiyalash. 4. Favqulodda vaziyatlar yuz berganda rekonstruksiya qilish tadbirlariga tayyorgarlikni taʼminlash boʻyicha qoʻllanma ishlab chiqish, qurilish normalarini kuchaytirish, shu jumladan, tiklash va rekonstruksiya qilish dasturlarini amalga oshirish tajribasi asosida kuchaytirish. tegishli davrga tadbirlar rejalariga muvofiq FVV, Qurilish vazirligi, Davlat geologiya qoʻmitasi, Suv xoʻjaligi vazirligi, Qishloq xoʻjaligi vazirligi, Sogʻliqni saqlash vazirligi, Fanlar akademiyasi, Davlat ekologiya qoʻmitasi, Moliya vazirligi, IIV, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari 32. Ofatlar taʼsiriga uchragan hududlardan aholining koʻchirilishini tashkil etish va amalga oshirish borasida mahalliy ijro etuvchi hokimiyat organlarining salohiyatini mustahkamlash. 1. “Oʻzgidromet” va Xavfli geologik jarayonlarni kuzatish davlat xizmatining koʻrsatmalariga muvofiq aholini xavfli hududlardan xavfsiz joylarga koʻchirishga doir tegishli choralar koʻrish. 2. Zarar koʻrgan aholini koʻchirish uchun xavfsiz joylarni aniqlash. 3. Doimiy yashash uchun koʻchirishda yakka tartibdagi turar joylar qurish uchun yer uchastkalari ajratish va pul kompensatsiyalari toʻlash tartibini takomillashtirish. har yili mart-aprel tegishli dasturiy hujjatlar doirasida Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, FVV 33. Favqulodda vaziyatlarda jabrlanganlarga tibbiy yordam koʻrsatish mexanizmlarini takomillashtirish. 1. Favqulodda vaziyatlarda jabrlanganlarni saralash va roʻyxatga olish tartibini takomillashtirish, ofatlar natijasida oʻlim holatlari toʻgʻrisidagi maʼlumotlar bazasini yaratish. 2. Favqulodda vaziyatlarda jabrlanganlar orasida kasallik va oʻlimning oldini olish chora-tadbirlarining samaradorligini oshirish. 3. Tiklash sohasida rejalarni amalga oshirish, ularda barcha muhtoj shaxslarga psixologik va ijtimoiy yordam xizmatlari koʻrsatilishini nazarda tutish. tegishli davrga tadbirlar rejalariga muvofiq Sogʻliqni saqlash vazirligi, FVV 34. Ofatlar xavfini kamaytirish sohasida xalqaro hamkorlikni amalga oshirish. 1. Favqulodda vaziyatlarning oldini olish sohasida Birlashgan Millatlar Tashkilotining Ofatlar xavfini kamaytirish byurosi bilan hamkorlikni mustahkamlash, ushbu tashkilot tomonidan oʻtkaziladigan xalqaro tadbirlarda ishtirok etish. 2. Qoʻshni davlatlar bilan hamkorlikni takomillashtirish, transchegaraviy xususiyatga ega boʻlgan yuzaga kelishi mumkin boʻlgan tabiiy ofatlar toʻgʻrisida axborot almashish. 3. Chegaraoldi hududlarda yuzaga kelishi mumkin boʻlgan favqulodda vaziyatlarning oldini olish va bartaraf etish masalalari boʻyicha hamkorlikdagi mashqlar, hayʼatlar oʻtkazish. 4. Ofatlar xavfini kamaytirish sohasida memorandumlar va boshqa xalqaro bitimlarni imzolash. 5. Favqulodda vaziyatlar yuz berganda xalqaro yordamni va birinchi navbatdagi qutqaruv ishlarini amalga oshirishda beriladigan yordamni tartibga solishga doir xalqaro hamkorlik masalalari boʻyicha amaldagi qonun hujjatlari va tartib-taomillardan toʻliq foydalanish. tegishli davrga tadbirlar rejalariga muvofiq tegishli davrga tadbirlar rejalariga muvofiq FVV, Tashqi ishlar vazirligi FVV, Tashqi ishlar vazirligi 35. Ushbu Milliy harakatlar rejasini bosqichma-bosqich amalga oshirish. 1. Ushbu Milliy harakatlar rejasini amalga oshirish boʻyicha idoralararo ishchi guruhni shakllantirish va uning tarkibini tasdiqlash. 2. 2019 — 2030-yillar davrida “2015 — 2030-yillarda ofatlar xavfini kamaytirish boʻyicha Senday hadli dasturi” maqsadlariga Oʻzbekiston Respublikasida erishish strategiyasini tegishli davrda (bosqichda) amalga oshirishga doir Tadbirlar rejasini ishlab chiqish, tasdiqlash va uning bajarilishini taʼminlash. 3. Tegishli davrga (bosqichga) moʻljallangan Tadbirlar rejasini amalga oshirish yakunlari toʻgʻrisidagi batafsil axborotni belgilangan maqsadlarga erishish darajasini koʻrsatgan holda tayyorlash va Oʻzbekiston Respublikasi Vazirlar Mahkamasiga taqdim etish. 2019-yil aprel 2019-yil may 2023-yil fevral 2027-yil fevral 2023-yil yanvar 2027-yil yanvar 2031yil yanvar FVV, vazirliklar va idoralar, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari,