Oʻzbekiston Respublikasi Favqulodda vaziyatlar vazirligi faoliyatini tashkil etish masalalari toʻgʻrisida (278-son)

28.06.2001

Oʻzbekiston Respublikasi Vazirlar Mahkamasining

qarori

Ilgari qabul qilingan qarorlarni oʻzgartirgan holda hamda huquqni muhofaza qilish va nazorat organlari tizimida rahbar kadrlarni tanlash, joy-joyiga qoʻyish, tayyorlash va qayta tayyorlash borasida yagona, samarali siyosatni shakllantirish va oʻtkazish maqsadida Vazirlar Mahkamasi qaror qiladi:

2. Belgilab qoʻyilsinki, Favqulodda vaziyatlar vazirligining mamlakat aholisi, sanoat, ijtimoiy-madaniy obyektlarini favqulodda vaziyatlardan himoya qilishga doir faoliyatini tashkil etishni, shuningdek vazirlikning moliya-iqtisodiy va moddiy-texnika taʼminotini oʻz vakolatlari doirasida Oʻzbekiston Respublikasi Vazirlar Mahkamasi amalga oshiradi.

3. Oʻzbekiston Respublikasi Prezidentining Huquqni muhofaza qiluvchi va nazorat idoralari faoliyatini muvofiqlashtirish boʻyicha Davlat maslahatchisi (T.A. Xudoybergenov) oʻn kun muddatda Oʻzbekiston Respublikasi Favqulodda vaziyatlar vazirligida tashkiliy-kadrlar ishlarini takomillashtirish yuzasidan takliflar tayyorlasin va kiritsin.

4. Mazkur qarorning bajarilishini nazorat qilish Oʻzbekiston Respublikasining Bosh vaziri Oʻ.T. Sultonov zimmasiga yuklansin.

Vazirlar Mahkamasining Raisi I. KARIMOV

Toshkent sh.,

2001-yil 28-iyun,

278-son