Oʻzbekiston Respublikasi auditorlik faoliyatining milliy standarti (70-son AFMS) “Moliyaviy hisobot toʻgʻrisidagi auditorlik hisoboti va auditorlik xulosasi”ga oʻzgartirishlar kiritish haqida (2844-1-son)

02.04.2019

Oʻzbekiston Respublikasi moliya vazirining

buyrugʻi

[Oʻzbekiston Respublikasi Adliya vazirligi tomonidan 2019-yil 2-aprelda roʻyxatdan oʻtkazildi, roʻyxat raqami 2844-1]

Oʻzbekiston Respublikasining “Auditorlik faoliyati toʻgʻrisida”gi Qonuni va Oʻzbekiston Respublikasi Prezidentining 2019-yil 5-fevraldagi PQ-4160-son “Jahon banki va Xalqaro moliya korporatsiyasining “Biznes yuritish” yillik hisobotida Oʻzbekiston Respublikasining reytingini yaxshilashga doir qoʻshimcha chora-tadbirlar toʻgʻrisida”gi qaroriga muvofiq buyuraman:

1. Oʻzbekiston Respublikasi moliya vazirining 2016-yil 9-noyabrdagi 85-son buyrugʻi (roʻyxat raqami 2844, 2016-yil 1-dekabr) (Oʻzbekiston Respublikasi qonun hujjatlari toʻplami, 2016-y., 48-son, 554-modda) bilan tasdiqlangan Oʻzbekiston Respublikasi auditorlik faoliyatining milliy standarti (70-son AFMS) “Moliyaviy hisobot toʻgʻrisidagi auditorlik hisoboti va auditorlik xulosasi”ga ilovaga muvofiq oʻzgartirishlar kiritilsin.

2. Mazkur buyruq rasmiy eʼlon qilingan kundan eʼtiboran kuchga kiradi.

Vazir D. KUChKAROV

Toshkent sh.,

2019-yil 27-fevral,

25-son

Oʻzbekiston Respublikasi moliya vazirining 2019-yil 27-fevraldagi 25-son buyrugʻiga ILOVA

Oʻzbekiston Respublikasi Auditorlik faoliyatining milliy standarti (70-son AFMS) “Moliyaviy hisobot toʻgʻrisidagi auditorlik hisoboti va auditorlik xulosasi”ga kiritilayotgan oʻzgartirishlar

1. 8-bandning ikkinchi xatboshisidan “, berilgan litsenziyaga muvofiq auditorlik tekshiruvini oʻtkazish turi” degan soʻzlar chiqarib tashlansin.

2. 17-bandning ikkinchi xatboshisi quyidagi tahrirda bayon etilsin:

“tekshirilgan moliyaviy hisobot asosida hisoblangan moliyaviy koeffitsiyentlar hamda bankrotlik alomatlari boʻlganda majburiyatlarni qaytara olish koeffitsiyent koʻrsatkichlari tahlili;”.