Oʻzbekiston Respublikasi Auditning milliy standarti (16-sonli AMS) “Ekspert ishidan foydalanish”ning 19.3-bandiga oʻzgartirish kiritish haqida (816-1-son)

25.03.2019

Oʻzbekiston Respublikasi Moliya vazirining

buyrugʻi

[Oʻzbekiston Respublikasi Adliya vazirligi tomonidan 2019-yil 25-martda roʻyxatdan oʻtkazildi, roʻyxat raqami 816-1]

Oʻzbekiston Respublikasining “Auditorlik faoliyati toʻgʻrisida”gi Qonuni va Oʻzbekiston Respublikasi Prezidentining 2019-yil 5-fevraldagi PQ-4160-son “Jahon banki va Xalqaro moliya korporatsiyasining “Biznes yuritish” yillik hisobotida Oʻzbekiston Respublikasining reytingini yaxshilashga doir qoʻshimcha chora-tadbirlar toʻgʻrisida”gi qaroriga muvofiq buyuraman:

1. Oʻzbekiston Respublikasi Moliya vazirligi tomonidan 1999-yil 27-iyulda 60-son bilan tasdiqlangan Oʻzbekiston Respublikasi Audit milliy standarti (16-son AMS) “Ekspert ishidan foydalanish”ning (roʻyxat raqami 816, 1999-yil 3-sentabr) (Oʻzbekiston Respublikasi vazirliklari, davlat qoʻmitalari va idoralarining meʼyoriy hujjatlari axborotnomasi, 1999-y., 11-son) 19.3-bandi ikkinchi xatboshisi chiqarib tashlansin.

2. Mazkur buyruq rasmiy eʼlon qilingan kundan eʼtiboran kuchga kiradi.

Vazir D. KUChKAROV

Toshkent sh.,

2019-yil 27-fevral,

24-son