““Gazlineftgazqazibchiqarish” MChJning “Uchqir” oltingugurtdan tozalash qurilmasida propan-butan aralashmasini olish qurilmasini qurish” investitsiya loyihasining texnik-iqtisodiy asoslanishini tasdiqlash toʻgʻrisida (209-son)

11.03.2019

Oʻzbekiston Respublikasi Vazirlar Mahkamasining

qarori

Oʻzbekiston Respublikasi Prezidentining “Oʻzbekiston Respublikasining 2019-yilga moʻljallangan Investitsiya dasturini amalga oshirish chora-tadbirlari toʻgʻrisida” 2018-yil 19-dekabrdagi PQ-4067-son qarorini ijro etish yuzasidan va suyultirilgan gaz ishlab chiqarishni koʻpaytirishni taʼminlaydigan yangi zamonaviy quvvatlarni oʻz vaqtida ishga tushirish maqsadida Vazirlar Mahkamasi qaror qiladi:

1. Oʻzbekiston Respublikasi Prezidentining “2018-2019-yillarda investitsiyaviy va infratuzilmaviy loyixalarni amalga oshirishni jadallashtirishga oid qoʻshimcha chora-tadbirlar toʻgʻrisida” 2018-yil 19-iyuldagi PQ-3874-son qaroriga muvofiq “Oʻzbekneftgaz” AJ tomonidan 2019-yil dekabrda ishga tushirilishi nazarda tutilgan, umumiy qiymati 49,4 mln AQSh dollariga teng boʻlgan ““Gazlineftgazqazibchiqarish” MChJning “Uchqir” oltingugurtdan tozalash qurilmasida propan-butan aralashmasini olish qurilmasini qurish” investitsiya loyihasining texnik-iqtisodiy asoslanishi ishlab chiqilganligi maʼlumot uchun qabul qilinsin.

2. ““Gazlineftgazqazibchiqarish” MChJning “Uchqir” oltingugurtdan tozalash qurilmasida propan-butan aralashmasini olish qurilmasini qurish” investitsiya loyihasi texnik-iqtisodiy asoslanishining asosiy texnik-iqtisodiy parametrlari ilovaga* muvofiq tasdiqlansin.

*Ilova rus tilidagi matnda berilgan.

3. Mazkur qarorning bajarilishini nazorat qilish Oʻzbekiston Respublikasi energetika vaziri A.S. Sultanov va “Oʻzbekneftgaz” AJ boshqaruvi raisi B.B. Sidiqov zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2019-yil 11-mart,

209-son