“Baholash faoliyati toʻgʻrisidagi maʼlumotlar shakli va ularni toʻldirish boʻyicha qoidalarni tasdiqlash haqida”gi qaroriga oʻzgartirishlar kiritish toʻgʻrisida (1860-3-son)

11.03.2019

Davlat aktivlarini boshqarish agentligi direktorining

buyrugʻi

[Oʻzbekiston Respublikasi Adliya vazirligi tomonidan 2019-yil 11-martda roʻyxatdan oʻtkazildi, roʻyxat raqami 1860-3]

Oʻzbekiston Respublikasi Prezidentining 2019-yil 14-yanvardagi PF-5630-son “Davlat aktivlarini boshqarish, monopoliyaga qarshi kurashishni tartibga solish tizimini va kapital bozorini tubdan takomillashtirish chora-tadbirlari toʻgʻrisida”gi Farmoni hamda 2019-yil 5-fevraldagi PQ-4160-son “Jahon banki va Xalqaro moliya korporatsiyasining “Biznes yuritish” yillik hisobotida Oʻzbekiston Respublikasining reytingini yaxshilashga doir qoʻshimcha chora-tadbirlar toʻgʻrisida”gi qaroriga muvofiq buyuraman:

1. Oʻzbekiston Respublikasi Davlat mulkini boshqarish davlat qoʻmitasining 2008-yil 15-avgustdagi 01/19-18/12-son “Baholash faoliyati toʻgʻrisidagi maʼlumotlar shakli va ularni toʻldirish boʻyicha qoidalarni tasdiqlash haqida”gi qaroriga (roʻyxat raqami 1860, 2008-yil 24-sentabr) (Oʻzbekiston Respublikasi qonun hujjatlari toʻplami, 2008-y., 39-son, 401-modda) ilovaga muvofiq oʻzgartirishlar kiritilsin.

2. Mazkur buyruq rasmiy eʼlon qilingan kundan eʼtiboran kuchga kiradi.

Direktor N. JOʻRAYEV

Toshkent sh.,

2019-yil 27-fevral,

01/10-10/45-son

Oʻzbekiston Respublikasi Davlat aktivlarini boshqarish agentligi direktorining 2019-yil 27-fevraldagi 01/10-10/45-son buyrugʻiga ILOVA

“Baholash faoliyati toʻgʻrisidagi maʼlumotlar shakli va ularni toʻldirish boʻyicha qoidalarni tasdiqlash haqida”gi qaroriga kiritilayotgan oʻzgartirishlar

1. 1-ilovadan “M.Oʻ.” degan qisqartma chiqarib tashlansin.

2. 2-ilovaning 6-bandi quyidagi tahrirda bayon etilsin:

“6. Maʼlumotlar baholovchi tashkilot rahbari tomonidan imzolanadi.”.