Asosiy vositalar qiymatini balansdan chiqarish tartibi toʻgʻrisidagi nizomga oʻzgartirishlar kiritish haqida (1401-4-son)

06.03.2019

Oʻzbekiston Respublikasi moliya vazirining

buyrugʻi

[Oʻzbekiston Respublikasi Adliya vazirligi tomonidan 2019-yil 6-martda roʻyxatdan oʻtkazildi, roʻyxat raqami 1401-4]

Oʻzbekiston Respublikasining “Buxgalteriya hisobi toʻgʻrisida”gi Qonuni va Oʻzbekiston Respublikasi Prezidentining 2019-yil 5-fevraldagi PQ-4160-son “Jahon banki va Xalqaro moliya korporatsiyasining “Biznes yuritish” yillik hisobotida Oʻzbekiston Respublikasining reytingini yaxshilashga doir qoʻshimcha chora-tadbirlar toʻgʻrisida”gi qaroriga muvofiq buyuraman:

1. Oʻzbekiston Respublikasi moliya vazirining 2004-yil 16-avgustdagi 101-son buyrugʻi (roʻyxat raqami 1401, 2004-y., 29-avgust) (Oʻzbekiston Respublikasi qonuni hujjatlari toʻplami, 2004-yil, 34-35-son, 398-modda) bilan tasdiqlangan Asosiy vositalar qiymatini balansdan chiqarish tartibi toʻgʻrisidagi nizomga ilovaga muvofiq oʻzgartirishlar kiritilsin.

2. Mazkur buyruq rasmiy eʼlon qilingan kundan eʼtiboran kuchga kiradi.

Vazir D. KUCHKAROV

Toshkent sh.,

2019-yil 27-fevral,

21-son

Oʻzbekiston Respublikasi moliya vazirining 2019-yil 27-fevraldagi 21-son buyrugʻiga ILOVA

Asosiy vositalar qiymatini balansdan chiqarish tartibi toʻgʻrisidagi nizomga kiritilayotgan oʻzgartirishlar

1. 1 va 2-ilovalardan “M.Oʻ. (muhr mavjud boʻlgan taqdirda)” degan soʻzlar chiqarib tashlansin.

2. 3-ilovada:

“Bosh buxgalter (buxgalter)” degan soʻzlar “Buxgalteriya hisobi hamda moliyaviy boshqarish vazifalarini amalga oshiruvchi shaxs (buxgalter)” degan soʻzlar bilan almashtirilsin;

“M.Oʻ. (muhr mavjud boʻlgan taqdirda)” degan soʻzlar chiqarib tashlansin.