Gimnastika boʻyicha ixtisoslashtirilgan respublika bolalar-oʻsmirlar olimpiya zaxirasi sport maktabiga oʻquvchi-sportchilarni konkurs asosida tanlab olish va qabul qilish tartibi toʻgʻrisidagi nizomni tasdiqlash haqida (3137-son)

18.02.2019

OʻZBEKISTON RESPUBLIKASI JISMONIY TARBIYA VA SPORT VAZIRINING

buyrugʻi

[Oʻzbekiston Respublikasi Adliya vazirligi tomonidan 2019-yil 18-fevralda roʻyxatdan oʻtkazildi, roʻyxat raqami 3137]

Oʻzbekiston Respublikasi Prezidentining 2011-yil 27-avgustdagi PQ-1608-son “Gimnastika boʻyicha bolalar-oʻsmirlar ixtisoslashtirilgan respublika olimpiya zaxirasi sport maktabini tashkil etish toʻgʻrisida”gi, 2016-yil 7-noyabrdagi PQ-2654-son “Oʻzbekiston Respublikasida sportning gimnastika turlarini yanada rivojlantirish chora-tadbirlari toʻgʻrisida”gi hamda 2022-yil 18-fevraldagi PQ-136-son “Sportni rivojlantirish vazirligi faoliyatini tashkil etish toʻgʻrisida”gi qarorlariga muvofiq buyuraman:

1. Gimnastika boʻyicha ixtisoslashtirilgan respublika bolalar-oʻsmirlar olimpiya zaxirasi sport maktabiga oʻquvchi-sportchilarni konkurs asosida tanlab olish va qabul qilish tartibi toʻgʻrisidagi nizom ilovaga muvofiq tasdiqlansin.

2. Mazkur buyruq rasmiy eʼlon qilingan kundan eʼtiboran kuchga kiradi.

Vazir D. NABIYEV

Toshkent sh.,

2019-yil 7-yanvar,

2-mh-son

Oʻzbekiston Respublikasi jismoniy tarbiya va sport vazirining 2019-yil 7-yanvardagi 2-mh-son buyrugʻiga ILOVA

Gimnastika boʻyicha ixtisoslashtirilgan respublika bolalar-oʻsmirlar olimpiya zaxirasi sport maktabiga oʻquvchi-sportchilarni konkurs asosida tanlab olish va qabul qilish tartibi toʻgʻrisidagi

NIZOM

Mazkur Nizom Gimnastika boʻyicha ixtisoslashtirilgan respublika bolalar-oʻsmirlar olimpiya zaxirasi sport maktabiga (bundan buyon matnda gimnastika maktabi deb yuritiladi) oʻquvchi-sportchilarni konkurs asosida tanlab olish hamda qabul qilish tartibini belgilaydi.

1-bob. Umumiy qoidalar

1. Oʻzbekiston Respublikasi Prezidentining 2011-yil 27-avgustdagi PQ-1608-son “Gimnastika boʻyicha bolalar-oʻsmirlar ixtisoslashtirilgan respublika olimpiya zaxirasi sport maktabini tashkil etish toʻgʻrisida”gi qaroriga asosan gimnastika maktabiga 7 yoshdan 18 yoshgacha boʻlgan taʼlim oluvchi oʻquvchi-sportchilarning umumiy kontingenti 132 nafarni tashkil etgan holda, oʻqish muddati 11 yil boʻlib, har yili 12 nafar iqtidorli oʻquvchi-sportchilar qabul qilinadi.

2. Gimnastika maktabiga tanlab olish tanlov asosida oʻquvchi-sportchilarning jismoniy tayyorgarlik darajasini aniqlash boʻyicha sinov shaklida amalga oshiriladi.

3. Gimnastika maktabiga oʻquvchi-sportchilarni qabul qilish badiiy gimnastika, sport gimnastikasi va trampolin sport turlari boʻyicha Oʻzbekiston Gimnastika federatsiyasi bilan kelishilgan holda Gimnastika maktabi direktori tomonidan belgilanadigan kvota doirasida amalga oshiriladi.

2-bob. Gimnastika maktabiga tanlab olish va qabul qilishni tashkil etish

4. Oʻquvchi-sportchilarni gimnastika maktabiga tanlab olishni tashkil etish maqsadida hujjatlarni qabul qilish boshlanishidan kamida ikki oy oldin gimnastika maktabi tomonidan tanlov oʻtkazilishi toʻgʻrisida ommaviy axborot vositalarida eʼlon beriladi. Eʼlonda gimnastika maktabining manzili, telefon raqamlari, nomzodlar tomonidan taqdim etiladigan hujjatlar hamda ularni qabul qilish muddatlari koʻrsatilishi lozim.

5. Tanlovni tashkil etish va oʻtkazish uchun gimnastika maktabida har yili Oʻzbekiston Respublikasi sport vazirining buyrugʻi bilan kamida 7 kishidan iborat (komissiya raisi, kotibi va aʼzolari) tarkibda qabul komissiyasi tuziladi.

6. Qabul komissiyasi tarkibiga Oʻzbekiston Respublikasi Sport vazirligi va Oʻzbekiston Gimnastika federatsiyasi hamda gimnastika maktabi masʼul xodimlari kiritiladi. Gimnastika maktabi direktori qabul komissiyasi raisi hisoblanadi.

7. Ota-onalar yoki ularni oʻrnini bosuvchi shaxs (bundan buyon matnda ota-onalar deb yuritiladi) tomonidan qabul komissiyasiga quyidagi hujjatlar taqdim etiladi:

mazkur Nizomning 1-ilovasiga muvofiq shakldagi ariza;

oʻquvchining tugʻilganlik haqidagi guvohnomasi nusxasi (hujjatlarni topshirish vaqtida hujjatning asl nusxasi koʻrsatiladi);

oʻquvchining baholar (oʻzlashtirish) tabeli nusxasi (umumiy oʻrta taʼlim muassasasining oʻquvchisi boʻlmaganlar bundan mustasno);

oʻquvchining 3,5 x 4,5 sm oʻlchamdagi 6 dona rangli fotosurati;

oʻquvchining sport musobaqalarida erishgan natijalarini tasdiqlovchi hujjatlar, agar mavjud boʻlsa;

oʻquvchining sport pasporti, agar mavjud boʻlsa;

026-U, 063-U va 086-U shakllar boʻyicha tibbiy maʼlumotnomalar.

Qabul komissiyasi tomonidan mazkur bandda koʻrsatilmagan hujjatlarni talab qilish taqiqlanadi.

8. Hujjatlar har yili 1-avgustdan 10-avgustgacha (shu kuni ham) qabul qilinadi.

9. Oʻquvchi-sportchilarning hujjatlarini qabul qilib olish uchun qabul komissiyasi kotibi masʼul hisoblanadi. Qabul komissiyasi raisi tomonidan oʻquvchi sportchilarning hujjatlarini qabul qilib olish uchun komissiya tarkibidagi boshqa shaxslar ham jalb qilinishi mumkin.

10. Hujjatlarni topshirgan ota-onalarga ularning hujjatlari qabul qilib olinganligi haqida tilxat beriladi.

Tilxatda tanlovning oʻtkazilish kuni, vaqti, joyi koʻrsatilishi kerak.

Nomzodlarning hujjatlari saqlanishi uchun qabul komissiyasi raisi va kotibi masʼul hisoblanadi.

3-bob. Tanlovni tashkil etish va oʻtkazish

11. Jismoniy tayyorgarlik darajasini aniqlash boʻyicha sinov har yili 20 — 25-avgust kunlari gimnastika maktabi binosida tashkil etiladi. Bunda, sinovlar badiiy gimnastika, sport gimnastikasi va trampolin sport turi boʻyicha alohida kunlarda oʻtkaziladi.

12. Nomzodlar jismoniy tayyorgarlik mashqlarini bajarishda sport kiyimida boʻlishlari shart.

13. Gimnastika maktabi tomonidan jismoniy tayyorgarlik darajasini aniqlash boʻyicha sinovlar jarayonining ota-onalar tomonidan onlayn tarzda kuzatib borish imkoniyati yaratiladi. Bunda ota-onalar jismoniy tayyorgarlik darajasini aniqlash boʻyicha sinov jarayonini, shuningdek oʻz farzandlarining sinovda ishtirok etishlarini videokuzatuvlar orqali moneliksiz kuzatib borishlari mumkin boʻlgan xonaga joylashtirilishi lozim.

14. Jismoniy tayyorgarlik darajasini aniqlash boʻyicha sinovlar video yozuv orqali yozib olinadi va gimnastika maktabida saqlanadi. Jismoniy tayyorgarlik darajasini aniqlash boʻyicha sinovlar video yozuvlarining saqlanishi uchun gimnastika maktabi direktori masʼul hisoblanadi.

15. Jismoniy tayyorgarlik mashqlarini bajarish boshlanishidan oldin nomzodlarga qabul komissiyasi aʼzolari tomonidan mashqlarni bajarishga qoʻyiladigan talablar, mashqlarni bajarish tartibi hamda baholash mezonlari tushuntiriladi.

16. Nomzodlarning jismoniy tayyorgarlik darajasini aniqlash boʻyicha sinov tegishliligiga koʻra mazkur Nizomning 2-ilovasiga muvofiq Badiiy gimnastika sport turi boʻyicha nomzodlarning jismoniy tayyorgarlik darajasini aniqlash boʻyicha sinovlarni oʻtkazish metodikasi, 3-ilovasiga muvofiq Sport gimnastikasi sport turi boʻyicha nomzodlarning jismoniy tayyorgarlik darajasini aniqlash boʻyicha sinovlarni oʻtkazish metodikasi hamda 4-ilovasiga muvofiq Trampolin sport turi boʻyicha nomzodlarning jismoniy tayyorgarlik darajasini aniqlash boʻyicha sinovlarni oʻtkazish metodikasida nazarda tutilgan mashqlarni bajarishlari orqali amalga oshiriladi.

17. Mazkur Nizomning 2-ilovasiga muvofiq Badiiy gimnastika sport turi boʻyicha nomzodlarning jismoniy tayyorgarlik darajasini aniqlash boʻyicha sinovlarni oʻtkazish metodikasi, 3-ilovasiga muvofiq Sport gimnastikasi sport turi boʻyicha nomzodlarning jismoniy tayyorgarlik darajasini aniqlash boʻyicha sinovlarni oʻtkazish metodikasi hamda 4-ilovasiga muvofiq Trampolin sport turi boʻyicha nomzodlarning jismoniy tayyorgarlik darajasini aniqlash boʻyicha sinovlarni oʻtkazish metodikasida nazarda tutilgan mashqlarini bajargan nomzodlar shu vaqtning oʻzida qabul komissiyasi aʼzolari tomonidan tegishliligi boʻyicha mazkur Nizomning 5-ilovasiga muvofiq Badiiy gimnastika sport turi boʻyicha nomzodlarning jismoniy tayyorgarlik darajasini aniqlash boʻyicha sinovlarni baholash mezonlari, 6-ilovasiga muvofiq Sport gimnastikasi sport turi boʻyicha nomzodlarning jismoniy tayyorgarlik darajasini aniqlash boʻyicha sinovlarni baholash mezonlari va 7-ilovasiga muvofiq Trampolin sport turi boʻyicha nomzodlarning jismoniy tayyorgarlik darajasini aniqlash boʻyicha sinovlarni baholash mezonlariga asosan baholanadi.

18. Nomzodning jismoniy tayyorgarlik darajasini aniqlash boʻyicha sinov natijalari shu kunning oʻzida tegishliligi boʻyicha mazkur Nizomning 8-ilovasiga muvofiq shakllardagi Badiiy gimnastika sport turidan nomzodlar tomonidan bajarilgan mashqlar natijalari va ularga qoʻyilgan ballar boʻyicha qaydnoma, 9-ilovasiga muvofiq shakllardagi Sport gimnastikasi sport turidan nomzodlar tomonidan bajarilgan mashqlar natijalari va ularga qoʻyilgan ballar boʻyicha qaydnoma va 10-ilovasiga muvofiq shakldagi Trampolin sport turidan nomzodlar tomonidan bajarilgan mashqlar natijalari va ularga qoʻyilgan ballar boʻyicha qaydnomaga kiritiladi.

Qaydnomalar qabul komissiyasi aʼzolari tomonidan imzolanadi hamda shu kunning oʻzida qabul komissiyasining kotibiga topshiriladi.

19. Jismoniy tayyorgarlik darajasini aniqlash boʻyicha sinov natijalari sinov oʻtkazilgan vaqtdan boshlab 1 kun ichida gimnastika maktabining barcha shaxslar kirishi va koʻrishi mumkin boʻlgan joylardagi eʼlonlar taxtasiga osib qoʻyish orqali nomzodlar eʼtiboriga yetkaziladi.

20. Jismoniy tayyorgarlik darajasini aniqlash boʻyicha sinov natijalariga koʻra eng yuqori ball toʻplagan nomzodlar gimnastika maktabida mavjud boʻsh oʻrinlarga teng miqdorda oʻqishga qabul qilinadi.

21. Jismoniy tayyorgarlik darajasini aniqlash boʻyicha sinov natijalariga koʻra oʻquvchi-sportchilarning oʻtish ballari teng boʻlib qolgan taqdirda, sport musobaqalarida erishgan natijalari yuqori boʻlgan oʻquvchi-sportchilar gimnastika maktabiga qabul qilinadi.

22. Gimnastika maktabiga qabul qilingan oʻquvchilar qabul komissiyasining bayonnomasi bilan tasdiqlanadi. Qabul komissiyasining bayonnomasi asosida gimnastika maktabi direktori tomonidan 27-avgustga qadar oʻquvchilarni oʻqishga qabul qilish toʻgʻrisida buyruq chiqariladi.

23. Oʻquvchi-sportchi gimnastika maktabiga oʻqishga qabul qilinganda, gimnastika maktabi direktori tomonidan oʻquv yili boshlangunga qadar oʻquvchini gimnastika maktabiga yaqin masofada joylashgan umumiy oʻrta taʼlim muassasasiga oʻtkazish choralari koʻriladi, oʻquvchi gimnastika maktabiga yaqin masofada joylashgan umumiy oʻrta taʼlim muassasasida taʼlim olayotgan hollar bundan mustasno. Oʻquvchini umumiy oʻrta taʼlim muassasasiga oʻtkazish Oʻquvchilarni sinfdan sinfga va bir umumiy oʻrta taʼlim muassasasidan boshqasiga oʻtkazish tartibi toʻgʻrisidagi nizomga (roʻyxat raqami 2684, 2015-yil 17-iyun) asosan amalga oshiriladi.

24. Tanlovda ishtirok etish uchun hujjatlarini topshirgan nomzodlar tanlov natijalariga koʻra gimnastika maktabiga qabul qilinmagan hollarda, ularning sport musobaqalarida erishgan natijalarini tasdiqlovchi hujjatlar hamda sport pasporti oʻquvchi-sportchining ota-onasining arizasiga asosan qaytarib beriladi.

4-bob. Konkurs natijalari yuzasidan berilgan murojaatlarni koʻrib chiqish

25. Jismoniy tayyorgarlik darajasini aniqlash boʻyicha sinov natijalaridan norozi boʻlgan nomzodlar yoki ularning ota-onalari gimnastika maktabi direktorining buyrugʻi bilan tuziladigan apellyatsiya komissiyasiga apellyatsiya berish huquqiga ega.

26. Apellyatsiya komissiyasi tarkibiga qabul komissiya faoliyatida ishtirok etmagan gimnastika maktabi va Oʻzbekiston Gimnastika federatsiyasi xodimlari orasidan komissiya raisi va kamida toʻrt nafar aʼzo kiritiladi.

27. Nomzod jismoniy tayyorgarlik darajasini aniqlash boʻyicha sinov natijasidan norozi boʻlgan taqdirda, Jismoniy tayyorgarlik darajasini aniqlash boʻyicha sinov natijasi eʼlon qilingan vaqtdan boshlab 3 kun davomida apellyatsiya berishi mumkin. Nomzod yoki uning ota-onasi tomonidan berilgan apellyatsiya Apellyatsiya komissiyasi tomonidan 3 kun ichida koʻrib chiqilishi lozim.

28. Nomzodning apellyatsiyasini koʻrib chiqishda nomzod va uning ota-onasi ishtirok etish huquqiga ega.

29. Apellyatsiya komissiyasi nomzodning apellyatsiyasini koʻrib chiqib, uning natijasi boʻyicha tegishli qaror qabul qiladi. Qarorda nomzodning gimnastika maktabiga qabul qilinishi yoki qabul qilinmasligi koʻrsatiladi.

30. Apellyatsiya komissiyasi tegishli qarorning qabul komissiyasiga va nomzodga yetkazilishini taʼminlaydi.

5-bob. Yakuniy qoidalar

31. Mazkur Nizomda belgilangan masalalar boʻyicha nizolar qonunchilik hujjatlariga muvofiq hal qilinadi.

32. Ushbu Nizom Oʻzbekiston Respublikasi Xalq taʼlimi vazirligi, Sogʻliqni saqlash vazirligi va Oʻzbekiston Gimnastika federatsiyasi bilan kelishilgan.

Xalq taʼlimi vaziri Sh. SHERMATOV

2019-yil 7-yanvar.

Sogʻliqni saqlash vaziri A. SHADMANOV

2019-yil 7-yanvar.

Oʻzbekiston Gimnastika federatsiyasi Bosh kotibi A. UMARALIYEV

2019-yil 7-yanvar.

Gimnastika boʻyicha ixtisoslashtirilgan respublika bolalar-oʻsmirlar olimpiya zaxirasi sport maktabiga oʻquvchi-sportchilarni konkurs asosida tanlab olish va qabul qilish tartibi toʻgʻrisidagi nizomga 1-ILOVA

Badiiy gimnastika sport turi boʻyicha nomzodlarning jismoniy tayyorgarlik darajasini aniqlash boʻyicha sinovlarni oʻtkazish

METODIKASI

1-bob. Umumiy qoidalar

1. Nomzodlarning jismoniy tayyorgarlik darajasini aniqlash boʻyicha sinovlar nomzodlar tomonidan quyidagi bosqichlardagi mashqlarning bajarilishini baholash orqali amalga oshiriladi:

1-bosqich — boshlangʻich tayyorgarlik mashqlari;

2-bosqich — maxsus mashqlar;

3-bosqich — musobaqa mashqlari.

2. Nomzodlar tomonidan bajariladigan mashqlar badiiy gimnastika gilamida amalga oshirilishi shart.

3. Nomzodlar tomonidan har bir bosqichdagi mashqlar bajarilishi boshlanishidan oldin ularga qabul komissiyasi aʼzolari tomonidan tegishli mashqlarni bajarish tartibi, mashqlarni bajarishga qoʻyiladigan talablar hamda baholash mezonlari tushuntiriladi.

4. Nomzodlar tomonidan mashqlarni bajarishda ularga har bir mashqni bajarish oraligʻida dam olish uchun 10 daqiqa vaqt beriladi.

5. Nomzodga mashqlarni qayta topshirishga ruxsat berilmaydi.

2-bob. Boshlangʻich tayyorgarlik mashqlarini bajarish

6. Quyidagilar nomzodlar tomonidan bajarilishi lozim boʻlgan 1-bosqich mashqlari hisoblanadi:

shpagat;

koʻprik;

muvozanatni saqlash;

qoʻllarni bukmagan holda tananing old va orqa qismiga oʻtkazish.

7. Shpagat mashqi — bir oyoqning tovonini 60 santimetr balandlikdagi tayanchga qoʻygan holda ikkinchi oyoq son qismidan boshlab tovongacha yerga tekkan holda yotqiziladi. Bunda oyoqlarning tizza qismi bukilmagan, qoʻllar ikki yon tomonga choʻzilgan va yelkalar tik holatda boʻlishi kerak.

8. Koʻprik mashqi — dastlabki holatda qoʻllar yuqoriga koʻtariladi va gavda tananing orqa qismiga egilgan holda qoʻllar pastga tushiriladi. Bunda qoʻllar oyoqlarning tovon qismigacha tekkan holatda kamida 2 soniya turishi kerak.

9. Muvozanatni saqlash mashqi — dastlabki holatda oyoqlar juft (bir biriga tekkizgan) holda oyoq uchida turiladi, qoʻllar yuqoriga koʻtariladi hamda koʻzlar yumiladi. Bunda tanani tik holatda tutib, muvozanat saqlagan holda joyidan siljimay kamida 4 soniya turish lozim.

10. Qoʻllarni bukmagan holda tananing old va orqa qismiga oʻtkazish mashqi — dastlabki holatda qoʻllar tananing old tomoniga choʻzilgan holda qoʻl kaftlari bilan arqon mahkam siqiladi, shu holatda qoʻllarni yuqoriga koʻtarib tananing orqa qismiga oʻtkaziladi hamda tananing old qismiga qaytariladi. Bunda ushbu mashq yelkalar bir tekislikda hamda tirsaklar bukilmagan holatda amalga oshiriladi.

3-bob. Maxsus mashqlarni bajarish

11. Quyidagilar nomzodlar tomonidan bajarilishi lozim boʻlgan 2-bosqich mashqlari hisoblanadi:

muvozanatni saqlagan holda oyoqlarni koʻtarish;

gimnastika narvonida oyoqlarni koʻtarish;

argʻamchida sakrash;

shpagat sakrash;

bir oyoqda aylanish.

12. Muvozanatni saqlagan holda oyoqlarni koʻtarish mashqi — dastlabki holatda oyoqlar navbat bilan old tomonga, shuningdek tegishlicha oʻng va chap tomonlarga yuqoriga koʻtariladi. Bunda tana tik holatda turishi, oyoqlarning uchi choʻzilgan boʻlishi hamda tizzalar bukilmagan holda boʻlishi lozim.

13. Gimnastika narvonida oyoqlarni koʻtarish mashqi — gimnastika narvoniga tananing orqa tomoni bilan tik turiladi, qoʻllar yordamida gimnastika narvonining yuqori poyasiga osilinadi hamda oyoqlarni tik tutgan holda gimnastika narvonining yuqori poyasiga koʻtariladi. Bunda oyoqlar yerga tegmasligi hamda mashqni bajarish jarayonida tizzalar bukilmasligi kerak.

14. Argʻamchida sakrash mashqi — dastlabki holatda argʻamchi tananing orqa qismida, uning ikki uchi qoʻl kaftlari orasiga mahkam ushlanadi hamda argʻamchi qoʻllar yordamida old tomonga yuqoridan pastga qarab aylantiriladi. Bunda sakrash tana tik holatda va tizzalar bukilmagan holda 30 soniya davomida uzluksiz amalga oshiriladi. Har bir sakrashda argʻamchi ikki marta aylantirilishi lozim.

15. Shpagat sakrash mashqi — uch xil shpagat sakrash usuli amalga oshiladi. Bunda sakrashlarning biri doira shaklida, bajarilishi lozim. Ushbu mashqni bajarishda tana, qoʻl va oyoqlar erkin harakatda boʻladi.

16. Bir oyoqda aylanish mashqi — istalgan bir oyoqda bajariladi. Bunda bir oyoq yerdan koʻtarilgan holda ikkinchi oyoq yordamida, oyoq yerdan uzilmagan holatda 360 gradusga kamida 2-marta aylaniladi.

4-bob. Musobaqa mashqlarini bajarish

17. Quyidagilar nomzodlar tomonidan bajarilishi lozim boʻlgan 3-bosqich mashqlari hisoblanadi:

badiy gimnastika anjomlari yordamidagi ixtiyoriy mashq;

badiy gimnastika anjomlari yordamidagi buyurilgan mashq.

18. Badiy gimnastika anjomlari yordamidagi ixtiyoriy mashq — badiiy gimnastika anjomi yordamida nomzod tomonidan istalgan mashq bajariladi. Bunda mashqning davomiyligi 1,5 daqiqadan kam boʻlmasligi lozim.

19. Badiy gimnastika anjomlari yordamidagi buyurilgan mashq — badiiy gimnastika anjomi yordamida qabul komissiyasi aʼzolari tomonidan nomzodga bajarish uchun berilgan topshiriq bajariladi. Bunda qabul komissiyasi aʼzolaridan biri nomzod tomonidan bajarilishi lozim boʻlgan topshiriqni koʻrsatib beradi va nomzod ushbu topshiriqni mustaqil takrorlashi kerak. Qabul komissiyasi aʼzosi tomonidan nomzodga beriladigan topshiriq badiy gimnastika mashqlarining bir elementidan ortiq boʻlishiga yoʻl qoʻyilmaydi.

Sport gimnastikasi sport turi boʻyicha nomzodlarning jismoniy tayyorgarlik darajasini aniqlash boʻyicha sinovlarni oʻtkazish

METODIKASI

1-bob. Umumiy qoidalar

1. Nomzodlarning jismoniy tayyorgarlik darajasini aniqlash boʻyicha sinovlar nomzodlar tomonidan quyidagi mashqlarning bajarilishini baholash orqali amalga oshiriladi:

20 metrga yugurish;

joyidan turib uzunlikka sakrash;

toʻsinda (turnikda) tortilish;

burchakdan kuch bilan oyoqlarni kerib tik turish va qaytish;

balandlikka sakrash;

gimnastika narvonida oyoqlarni koʻtarish;

koʻllarda tik turish;

chalqancha yotgan holatda gavdani bukish (faqat qiz bolalar uchun);

toʻsinga (turnikka) siltanib chiqish;

egiluvchanlik mashqlari toʻplami;

toʻsinga (turnikka) tayangan holda siltanib qoʻllarda tik turish (faqat qiz bolalar uchun);

tayanch yordamida 45 gradusli burchak (faqat oʻgʻil bolalar uchun);

gimnastika arqoniga halqa yordamida koʻtarilish (faqat oʻgʻil bolalar uchun);

dastakli otda aylanish (faqat oʻgʻil bolalar uchun);

doira shaklidagi tayanchda aylanish (faqat oʻgʻil bolalar uchun).

2. Nomzodlar tomonidan bajariladigan mashqlar sport gimnastikasi anjomlari yordamida amalga oshirilishi shart.

3. Nomzodlar tomonidan mashqlar bajarilishi boshlanishidan oldin ularga qabul komissiyasi aʼzolari tomonidan tegishli mashqlarni bajarish tartibi, mashqlarni bajarishga qoʻyiladigan talablar hamda baholash mezonlari tushuntiriladi.

4. Nomzodlar tomonidan mashqlarni bajarishda ularga har bir mashqni bajarish oraligʻida dam olish uchun 10 daqiqa vaqt beriladi.

5. Nomzodga mashqlarni qayta topshirishga ruxsat berilmaydi.

2-bob. Mashqlarni bajarish

6. 20 metrga yugurish — oldindan uzunlik oʻlchamlari belgilangan yugurish yoʻlakchasida yoki qattiq qoplamali tekis joylarda oʻtkaziladi hamda yuqori startdan amalga oshiriladi. Yugurish yoʻlakchasining start chizigʻida komissiya aʼzosi bayroqcha bilan boshlash ishora bergan vaqtda nomzod harakatni boshlaydi va yoʻlakchaning finish chizigʻida sekundomer yordamida mashqning bajarilishi vaqtini qayd etiladi. Har bir nomzod uchun mashqni qayta topshirish uchun bir marotaba imkoniyat beriladi va komissiya aʼzolari tomonidan eng yaxshi natija qayd etiladi.

7. Joyidan uzunlikka sakrash — mashq oyoqlar yelka kengligida turgan holatda, belgilangan sakrash chizigʻidan qoʻllarni oldinga-yuqoriga siltab, ikki oyoqda oldinga depsinib sakrash orqali bajariladi. Ushbu mashq ikki urinishda bajariladi va eng yaxshi natija hisobga olinadi. Natija depsinish chizigʻidan to oyoq tovoni yerga tekkan joygacha boʻlgan masofani oʻlchash orqali aniqlanadi.

8. Toʻsinda (turnikda) tortilish — mashq toʻsinga ikki qoʻlda toʻgʻri osilib turgan hamda oyoqlar yerga tegmagan holatda, iyak toʻsin poyasidan oʻtgunga qadar qoʻllarni bukish orqali bajariladi. Mashq bajarish jarayonida oyoqlarni kerish yoki bukish, tanani harakatsiz holatda egish, oyoqlar bilan siltanma harakatlar qilish hamda iyak toʻsin poyasidan oʻtmagunga qadar tortilish orqali bajarilmagan harakatlar hisobga olinmaydi.

9. Burchakdan kuch bilan oyoqlarni kerib tik turish va qaytish — sport gimnastikasi gilamida yoki tekis maydonda ikki qoʻlga tayangan holda oyoqlarni kerib tik turiladi va qaytiladi. Bunda oyoqlarni toʻgʻri tutib, yerga tegmasdan va mashqni toʻxtatmasdan bajarilgan holatdagi soniga qarab hisobga olinadi.

10. Balandlikka sakrash — 50 sm balandlikka ega boʻlgan tayanchga sakrab chiqish va undan tushish orqali bajariladi. Bunda oyoqlar bir vaqtda harakatlanishi kerak. Ushbu mashqni bajarish uchun oʻgʻil bolalarga 30 soniya, qiz bolalarga 1 daqiqa vaqt beriladi.

11. Gimnastika narvonida oyoqlarni koʻtarish mashqi — gimnastika narvoniga tananing orqa tomoni bilan tik turiladi, qoʻllar yordamida gimnastika narvonining yuqori poyasiga osilinadi hamda oyoqlarni tik tutgan holda gimnastika narvonining yuqori poyasiga koʻtariladi. Bunda oyoqlar yerga tegmasligi hamda mashqni bajarish jarayonida tizzalar bukilmasligi kerak.

12. Qoʻllarda tik turish — dastlabki holatdan qoʻllarni yerga qoʻygan holda oyoqlarni yuqoriga tik koʻtarish orqali bajariladi.

13. Chalqancha yotgan holatda gavdani bukish — chalqancha yotgan holda qoʻllar belda, tizzalar bukilmagan holda yerga yotiladi hamda gavda va oyoqlar bir vaqtda yuqoriga koʻtarilib, qoʻllar oyoq uchiga tekkandan soʻng, dastlabki holatga qaytiladi. Bunda tizzalarni bukish taqiqlanadi.

14. Toʻsinga (turnikka) siltanib chiqish — toʻsinda orqaga tebrangan holda vertikal holatni oʻtish davomida tos son boʻgʻinidan keskin toʻgʻrilaniladi va qoʻllar boshning orqa tomoniga oʻtkaziladi hamda harakatni toʻxtatmagan holda tos son va yelka boʻgʻinlaridan keskin bukilgan holatda boldir oʻrtasini toʻsinga olib kelinadi. Orqaga tebranish boshlanishi bilan yelka boʻyin bukilishini davom ettiriladi va siltanib chiqish amalga oshiriladi.

15. Egiluvchanlik mashqlari toʻplami — ushbu mashqlar toʻplamini bajarishda shpagat, bukilish va koʻprik mashqi bajariladi.

Shpagat mashqi oʻng, chap va koʻndalang taraflama bajariladi.

Bukilish mashqi dastlabki holatdan qoʻllar oyoqlar boʻylab tekis turgan holatida oyoqlarning pastki qismiga birlashtiriladi.

Koʻprik mashqi — dastlabki holatda qoʻllar yuqoriga koʻtariladi va gavda tananing orqa qismiga egilgan holda qoʻllar pastga tushiriladi.

16. Toʻsinga (turnikka) tayangan holda siltanib qoʻllarda tik turish — toʻsinda (turnikda) osilingan holatdan kuch ishlatish orqali tayanib koʻtarilgan holda qoʻllarda tik turilishi kerak.

17. Tayanch yordamida 45 gradusli burchak — Tayanch yordamida ikki qoʻlga tayanib, oyoqlarni koʻtargan holda 45 gradusli burchak hosil qilinishi kerak. Bunda tizzalar bukilmasligi, oyoqlar tekis choʻzilishi va yerga tegmasligi kerak.

18. Gimnastika arqoniga halqa yordamida koʻtarilish — gimnastika arqoniga mahkamlangan halqa qoʻllar yordamida mahkam ushlanadi va tana bel qismigacha koʻtarilishi kerak. Bunda oyoqlar bir vaqtda koʻtarilishi, tana tik holatda boʻlishi lozim. Ushbu mashqni bajarishda oyoqlarni bukish va kerish, tanani harakatsiz holatda egish hamda oyoqlar bilan siltanma harakatlar qilish taqiqlanadi.

19. Dastakli otda aylanish — dastakli otning dastaklari qoʻl bilan mahkam ushlangan holda oyoqlar dastakli otning ustida boʻlgan holatda turli aylanma harakatlar amalga oshiriladi. Bunda oyoq uchlari choʻzilgan boʻlishi va tizzalar bukilmasligi lozim.

20. Doira shaklidagi tayanchda aylanish — doira shaklidagi tayanchning yuzasiga qoʻl bilan tayangan holda oyoqlar uning ustida boʻlgan holatda turli aylanma harakatlar amalga oshiriladi.

Trampolin sport turi boʻyicha nomzodlarning jismoniy tayyorgarlik darajasini aniqlash boʻyicha sinovlarni oʻtkazish

METODIKASI

1-bob. Umumiy qoidalar

1. Nomzodlarning jismoniy tayyorgarlik darajasini aniqlash boʻyicha sinovlar nomzodlar tomonidan quyidagi mashqlarning bajarilishini baholash orqali amalga oshiriladi:

20 metrga yugurish;

chalqancha yotgan holatda gavdani bukish;

gimnastika skameykasida qoʻllarni bukib yozish;

toʻsinda (turnikda) tortilish;

balandlikka sakrash;

joyidan turib uzunlikka sakrash;

gimnastika narvonida oyoqlarni koʻtarish;

bir oyoqda oʻtirish;

tayanch yordamida 45 gradusli burchak;

egiluvchanlik mashqlari toʻplami;

batutda tebranish;

sakragan holda aylanish;

salto va aylanish;

umbaloq oshish.

2. Nomzodlar tomonidan bajariladigan mashqlar trampolin anjomlari yordamida amalga oshirilishi shart.

4. Nomzodlar tomonidan mashqlarni bajarishda ularga har bir mashqni bajarish oraligʻida dam olish uchun 10 daqiqa vaqt beriladi.

5. Nomzodga mashqlarni qayta topshirishga ruxsat berilmaydi.

2-bob. Mashqlarni bajarish

7. Chalqancha yotgan holatda gavdani bukish — chalqancha yotgan holda qoʻllar belda, tizzalar bukilmagan holda yerga yotiladi hamda gavda va oyoqlar bir vaqtda yuqoriga koʻtarilib, qoʻllar oyoq uchiga tekkandan soʻng, dastlabki holatga qaytiladi. Bunda tizzalarni bukish taqiqlanadi.

8. Gimnastika skameykasida qoʻllarni bukib yozish — gimnastika skameykasiga tayanib yotiladi va qoʻllar yelka kengligida, tizzalar bukilmagan holatda qoʻllar bukilib yoziladi. Bunda bel hamda yelka qismlari birgalikda va tekis tushib chiqishi kerak.

9. Toʻsinda (turnikda) tortilish — mashq toʻsinga ikki qoʻlda toʻgʻri osilib turgan hamda oyoqlar yerga tegmagan holatda, iyak toʻsin poyasidan oʻtgunga qadar qoʻllarni bukish orqali bajariladi. Mashq bajarish jarayonida oyoqlarni kerish yoki bukish, tanani harakatsiz holatda egish, oyoqlar bilan siltanma harakatlar qilish hamda iyak toʻsin poyasidan oʻtmagunga qadar tortilish orqali bajarilmagan harakatlar hisobga olinmaydi.

10. Balandlikka sakrash — 50 sm balandlikka ega boʻlgan tayanchga sakrab chiqish va undan tushish orqali bajariladi. Bunda oyoqlar bir vaqtda harakatlanishi kerak.

11. Joyidan uzunlikka sakrash — mashq oyoqlar yelka kengligida turgan holatda, belgilangan sakrash chizigʻidan qoʻllarni oldinga-yuqoriga siltab, ikki oyoqda oldinga depsinib sakrash orqali bajariladi. Ushbu mashq ikki urinishda bajariladi va eng yaxshi natija hisobga olinadi. Natija depsinish chizigʻidan to oyoq tovoni yerga tekkan joygacha boʻlgan masofani oʻlchash orqali aniqlanadi.

12. Bir oyoqda oʻtirish — dastlabki holatda bir oyoqda oʻtirish va turish, shuningdek navbat bilan oyoqlarni almashtirish orqali amalga oshiriladi. Bunda bir oyoqda oʻtirilganda ikkinchi oyoq tananing old tomoniga choʻziladi. Choʻzilgan oyoqning tizzasi bukilmasligi lozim.

13. Tayanch yordamida 45 gradusli burchak — Tayanch yordamida ikki qoʻlga tayanib, oyoqlarni koʻtargan holda 45 gradusli burchak hosil qilinishi kerak. Bunda tizzalar bukilmasligi, oyoqlar tekis choʻzilishi va yerga tegmasligi kerak.

14. Gimnastika narvonida oyoqlarni koʻtarish mashqi — gimnastika narvoniga tananing orqa tomoni bilan tik turiladi, qoʻllar yordamida gimnastika narvonining yuqori poyasiga osilinadi hamda oyoqlarni tik tutgan holda gimnastika narvonining yuqori poyasiga koʻtariladi. Bunda oyoqlar yerga tegmasligi hamda mashqni bajarish jarayonida tizzalar bukilmasligi kerak.

15. Egiluvchanlik mashqlari toʻplami — ushbu mashqlar toʻplamini bajarishda shpagat, bukilish va koʻprik mashqi bajariladi.

Shpagat mashqi oʻng, chap va koʻndalang taraflama bajariladi.

Bukilish mashqi dastlabki holatdan qoʻllar oyoqlar boʻylab tekis turgan holatida oyoqlarning pastki qismiga birlashtiriladi.

Koʻprik mashqi — dastlabki holatda qoʻllar yuqoriga koʻtariladi va gavda tananing orqa qismiga egilgan holda qoʻllar pastga tushiriladi.

16. Batutda tebranish — dastlabki holatda batut ustida yuqoriga bir necha marotaba sakrash uchun 10 soniya vaqt beriladi. Bunda nomzod tanasini tik holatda tutishi lozim. Qoʻllarni erkin holatda tutishga ruxsat beriladi.

17. Sakragan holda aylanish — dastlabki holatda yuqoriga sakragan holda tana muvozanatini saqlab havoda 180 yoki 360 gradusga aylanish kerak. Bunda 7 — 9 yoshdagi bolalar uchun 180 gradusga, 10 — 12 yoshdagi bolalar uchun 360 gradusga aylanish talab etiladi. Ushbu mashqda uzluksiz uch marta sakrash amalga oshiriladi. Mashqni bajarish uchun nomzodga besh marotaba imkoniyat beriladi.

18. Salto va aylanish — bir marta salto qilgan holatda yuqoriga sakrab tana muvozanatini saqlagan holda havoda 180 yoki 360 gradusga aylanish kerak. Bunda 7 — 9 yoshdagi bolalar uchun 180 gradusga, 10 — 12 yoshdagi bolalar uchun 360 gradusga aylanish talab etiladi.

19. Umbaloq oshish — gimnastika gilamida qoʻllar yordamida boshni tananing old tomoniga va orqa tomoniga harakatlantirib gʻujanak holatda yerga aylanish.

Badiiy gimnastika sport turi boʻyicha nomzodlarning jismoniy tayyorgarlik darajasini aniqlash boʻyicha sinovlarni

BAHOLASH MEZONLARI

T/r Mashqlar Ball 0 ball 6 ball 8 ball 10 ball 1-bosqich 1. shpagat yerga yotqizilgan oyoqning son qismi va yer orasidagi masofa 10 santimetrdan koʻp boʻlganda 6 — 10 santimetr boʻlganda 5 — 3 santimetr boʻlganda 2 santimetr va undan kam boʻlganda 2. koʻprik qoʻllar va oyoq tovonining orasidagi masofa 15 santimetrdan koʻp boʻlganda 11 — 15 santimetr boʻlganda 6 — 10 santimetr boʻlganda 5 santimetr va undan kam boʻlganda 3. muvozanatni saqlash tana muvozanatini saqlash vaqti 3 soniya va undan kam boʻlganda 4 — 6 soniya boʻlganda 7 — 9 soniya boʻlganda 10 soniya va undan ortiq boʻlganda 4. qoʻllarni bukmagan holda tananing old va orqa qismiga oʻtkazish qoʻl kaftlari oraligʻidagi masofa 15 santimetrdan koʻp boʻlganda 11 — 15 santimetr boʻlganda 6 — 10 santimetr boʻlganda 5 santimetr va undan kam boʻlganda 2-bosqich 1. muvozanatni saqlagan holda oyoqlarni koʻtarish oyoqning tanaga nisbatan burchak gradusi 120 gradusdan kam boʻlganda 120 — 149 gradus boʻlganda 150 — 169 gradus boʻlganda 170 gradus va undan koʻp boʻlganda 2. gimnastika narvonida oyoqlarni koʻtarish gimnastika narvonidagi oyoqlarni koʻtarishlar soni 4 ta va undan kam boʻlganda 5-6 ta boʻlganda 7-8 ta boʻlganda 9 ta va undan koʻp boʻlganda 3. argʻamchida sakrash argʻamchida sakrashlar soni 45 ta va undan kam boʻlganda 46 — 50 ta boʻlganda 51 — 55 ta boʻlganda 56 va undan koʻp boʻlganda 4. shpagat sakrash shpagat sakrash usuli soni shpagat sakrash usullari bajarilmaganda 1 ta shpagat sakrash usuli bajarilganda 2 ta shpagat sakrash usuli bajarilganda 3 ta shpagat sakrash usuli bajarilganda 5. bir oyoqda aylanish aylanishlar soni aylanish bajarilmaganda Aylanish toʻliq bajarilmaganda 1 ta aylanish bajarilganda 2 ta aylanish bajarilganda 3-bosqich 4. badiy gimnastika anjomlari yordamidagi ixtiyoriy mashq mashqning bajarilganlik darajasi mashq bajarilmadi deb topilganda mashq toʻliq bajarilmadi deb topilganda mashq xatoliklar bilan toʻliq bajarildi deb topilganda mashq xatoliklarsiz toʻliq bajarildi deb topilganda 5. badiy gimnastika anjomlari yordamidagi buyurilgan mashq mashqning bajarilganlik darajasi mashq bajarilmadi deb topilganda mashq toʻliq bajarilmadi deb topilganda mashq xatoliklar bilan toʻliq bajarildi deb topilganda mashq xatoliklarsiz toʻliq bajarildi deb topilganda

Sport gimnastikasi sport turi boʻyicha nomzodlarning jismoniy tayyorgarlik darajasini aniqlash boʻyicha sinovlarni

BAHOLASH MEZONLARI

T/r Mashqlar 1 ball 2 ball 3 ball 4 ball 5 ball 6 ball 7 ball 8 ball 9 ball 10 ball 7-8 yoshdagi oʻgʻil bolalar uchun 1. 20 metrga yugurish masofani bosib oʻtish vaqti (soniyada) 5,1 5 4,9 4,8 4,7 4,6 4,5 4,4 4,3 4,2 2. joyidan turib uzunlikka sakrash sakrash uzunligi (santimetrda) 115 120 125 130 135 140 145 150 155 160 3. toʻsinda (turnikda) tortilish tortilishlar soni (marta) 1 2 3 4 5 6 7 8 9 10 4. burchakdan kuch bilan oyoqlarni kerib tik turish va qaytish tik turish va qaytishlar soni (marta) - 1 - 2 - 3 - 4 - 5 5. qoʻllarda tik turish qoʻllarda tik turish vaqti (soniyada) - - 1-2 3-4 5-6 7-8 9-10 11-12 13-14 15-16 6. gimnastika narvonida oyoqlarni koʻtarish oyoqlarni koʻtarish soni (marta) 6 7 8 9 10 11 12 13 14 15 7. tayanch yordamida 45 gradusli burchak burchak holatida turish vaqti (soniyada) 1 2 3 4 5 6 7 8 9 10 8. doira shaklidagi tayanchda aylanish aylanishlar soni (marta) 6 7 8 9 10 11 12 13 14 15 9. balandlikka sakrash sakrashlar soni (marta) 16 17 18 19 20 21 22 23 24 25 10. egiluvchanlik mashqlari toʻplami bajarilgan egiluvchanlik mashqlari soni - - 1 - - 2 - - - 3 9-10 yoshdagi oʻgʻil bolalar uchun 1. 20 metrga yugurish masofani bosib oʻtish vaqti (soniyada) 4,9 4,8 4,7 4,6 4,5 4,4 4,3 4,2 4,1 4 2. joyidan turib uzunlikka sakrash sakrash uzunligi (santimetrda) 125 130 135 140 145 150 155 160 165 170 3. gimnastika arqoniga halqa yordamida koʻtarilish koʻtarilishlar soni (marta) - 1 - 2 - 3 - 4 - 5 4. burchakdan kuch bilan oyoqlarni kerib tik turish va qaytish tik turish va qaytishlar soni (marta) - 1 - 2 - 3 - 4 - 5 5. qoʻllarda tik turish qoʻllarda tik turish vaqti (soniyada) 2-3 4-5 6-7 8-9 10-11 12-13 14-15 16-17 18-19 20-21 6. gimnastika narvonida oyoqlarni koʻtarish oyoqlarni koʻtarish soni (marta) 11 12 13 14 15 16 17 18 19 20 7. tayanch yordamida 45 gradusli burchak burchak holatida turish vaqti (soniyada) 6 7 8 9 10 11 12 13 14 15 8. dastakli otda aylanish aylanishlar soni (marta) 1 2 3 4 5 6 7 8 9 10 9. balandlikka sakrash sakrashlar soni (marta) 21 22 23 24 25 26 27 28 29 30 10. egiluvchanlik mashqlari toʻplami bajarilgan egiluvchanlik mashqlari soni - - 1 - - 2 - - - 3 11-12 yoshdagi oʻgʻil bolalar uchun 1. 20 metrga yugurish masofani bosib oʻtish vaqti (soniyada) 4,7 4,6 4,5 4,4 4,3 4,2 4,1 4 3,9 3,8 2. joyidan turib uzunlikka sakrash sakrash uzunligi (santimetrda) 135 140 145 150 155 160 165 170 175 180 3. gimnastika arqoniga halqa yordamida koʻtarilish koʻtarilishlar soni (marta) - 1-2 - 3-4 - 5-6 - 7-8 - 9-10 4. burchakdan kuch bilan oyoqlarni kerib tik turish va qaytish tik turish va qaytishlar soni (marta) 1 2 3 4 5 6 7 8 9 10 5. qoʻllarda tik turish qoʻllarda tik turish vaqti (soniyada) 12-13 14-15 16-17 18-19 20-21 22-23 24-25 26-27 28-29 30-31 6. gimnastika narvonida oyoqlarni koʻtarish oyoqlarni koʻtarish soni (marta) 16 17 18 19 20 21 22 23 24 25 7. tayanch yordamida 45 gradusli burchak burchak holatida turish vaqti (soniyada) 11 12 13 14 15 16 17 18 19 20 8. dastakli otda aylanish aylanishlar soni (marta) 12-13 14-15 16-17 18-19 20-21 22-23 24-25 26-27 28-29 30-31 9. balandlikka sakrash sakrashlar soni (marta) 26 27 28 29 30 31 32 33 34 35 10. egiluvchanlik mashqlari toʻplami bajarilgan egiluvchanlik mashqlari soni - - 1 - - 2 - - - 3 7 — 9 yoshdagi qiz bolalar uchun 1. 20 metrga yugurish masofani bosib oʻtish vaqti (soniyada) 5,1 5 4,9 4,8 4,7 4,6 4,5 4,4 4,3 4,2 2. joyidan turib uzunlikka sakrash sakrash uzunligi (santimetrda) 105 110 115 120 125 130 135 140 145 150 3. toʻsinda (turnikda) tortilish tortilishlar soni (marta) - 1 - 2 - 3 - 4 - 5 4. burchakdan kuch bilan oyoqlarni kerib tik turish va qaytish tik turish va qaytishlar soni (marta) - 1 - 2 - 3 - 4 - 5 5. qoʻllarda tik turish qoʻllarda tik turish vaqti (soniyada) - - 1-2 3-4 5-6 7-8 9-10 11-12 13-14 15-16 6. gimnastika narvonida oyoqlarni koʻtarish oyoqlarni koʻtarish soni (marta) 1 2 3 4 5 6 7 8 9 10 7. chalqancha yotgan holatda gavdani bukish gavdani bukish soni (marta) 2 4 6 8 10 12 14 16 18 20 8. toʻsinga (turnikka) tayangan holda siltanib qoʻllarda tik turish qoʻllarda tik turishlar soni (marta) - 1 - 2 - 3 - 4 - 5 9. balandlikka sakrash sakrashlar soni (marta) 16 17 18 19 20 21 22 23 24 25 10. egiluvchanlik mashqlari toʻplami bajarilgan egiluvchanlik mashqlari soni - - 1 - - 2 - - - 3 10 — 12 yoshdagi qiz bolalar uchun 1. 20 metrga yugurish masofani bosib oʻtish vaqti (soniyada) 4,7 4,6 4,5 4,4 4,3 4,2 4,1 4 3,9 3,8 2. joyidan turib uzunlikka sakrash sakrash uzunligi (santimetrda) 135 140 145 150 155 160 165 170 175 180 3. toʻsinda (turnikda) tortilish tortilishlar soni (marta) 6 7 8 9 10 11 12 13 14 15 4. burchakdan kuch bilan oyoqlarni kerib tik turish va qaytish tik turish va qaytishlar soni (marta) 1 2 3 4 5 6 7 8 9 10 5. qoʻllarda tik turish qoʻllarda tik turish vaqti (soniyada) 12 14 16 18 20 22 24 26 28 30 6. gimnastika narvonida oyoqlarni koʻtarish oyoqlarni koʻtarish soni (marta) 6 7 8 9 10 11 12 13 14 15 7. chalqancha yotgan holatda gavdani bukish gavdani bukish soni (marta) 6 8 10 12 14 16 18 20 22 24 8. toʻsinga (turnikka) tayangan holda siltanib qoʻllarda tik turish qoʻllarda tik turishlar soni (marta) 1 2 3 4 5 6 7 8 9 10 9. balandlikka sakrash sakrashlar soni (marta) 42 44 46 48 50 52 54 56 58 60 10. egiluvchanlik mashqlari toʻplami bajarilgan egiluvchanlik mashqlari soni - - 1 - - 2 - - - 3

Trampolin sport turi boʻyicha nomzodlarning jismoniy tayyorgarlik darajasini aniqlash boʻyicha sinovlarni

BAHOLASH MEZONLARI

T/r Mashqlar 3 ball 4 ball 5 ball 3 ball 4 ball 5 ball 7 — 9 yoshdagi oʻgʻil bolalar uchun 7 — 9 yoshdagi qiz bolalar uchun 1. 20 metrga yugurish masofani bosib oʻtish vaqti (soniyada) 4,5 4,4 4,2 4,8 4,6 4,4 2. chalqancha yotgan holatda gavdani bukish gavdani bukishlar soni (marta) 10 14 18 10 14 18 3. gimnastika skameykasida qoʻllarni bukib yozish qoʻllarni bukish soni (marta) 14 16 18 14 16 18 4. toʻsinda (turnikda) tortilish tortilishlar soni (marta) 5-6 7-8 9 va undan koʻp bajarilganda 4-5 6-7 8 va undan koʻp bajarilganda 5. balandlikka sakrash sakrashlar soni (marta) 25 30 35 25 30 35 6. joyidan turib uzunlikka sakrash sakrash uzunligi (santimetrda) 150 — 159 160 — 169 170 — 180 140 — 149 150 — 159 160 — 170 7. gimnastika narvonida oyoqlarni koʻtarish koʻtarilishlar soni (marta) 3 — 5 6 — 8 9 va undan koʻp 1 — 3 4 — 6 7 va undan koʻp 8. bir oyoqda oʻtirish oʻtirishlar soni (marta) 4 — 6 7 — 9 10 va undan koʻp bajarilganda 4-5 4 — 7 8 va undan koʻp bajarilganda 9. tayanch yordamida 45 gradusli burchak burchak holatida turish vaqti (soniyada) 1 — 5 6 — 10 11 — 15 1 — 5 6 — 10 11 — 15 10. egiluvchanlik mashqlari toʻplami bajarilgan egiluvchanlik mashqlari soni 1 2 3 1 2 3 11. batutda tebranish tebranishlar soni (marta) 4 — 6 7 — 9 10 va undan koʻp bajarilganda 2 — 4 5 — 7 8 va undan koʻp bajarilganda 12. sakragan holda aylanish aylanishlar soni (marta) muvozanat saqlanmagan holda 2 ta muvozanat saqlangan holda 2 ta muvozanat saqlangan holda 3 ta muvozanat saqlanmagan holda 2 ta muvozanat saqlangan holda 2 ta muvozanat saqlangan holda 3 ta 13. salto va aylanish aylanishlar sifati xatoliklar soni 2 ta va undan koʻp boʻlganda xatoliklar soni 1 ta xatoliklarsiz bajarilganda xatoliklar soni 2 ta va undan koʻp boʻlganda xatoliklar soni 1 ta xatoliklarsiz bajarilganda 14. umbaloq oshish umbaloq oshish sifati xatoliklar soni 2 ta va undan koʻp boʻlganda xatoliklar soni 1 ta xatoliklarsiz bajarilganda xatoliklar soni 2 ta va undan koʻp boʻlganda xatoliklar soni 1 ta xatoliklarsiz bajarilganda 10 — 12 yoshdagi oʻgʻil bolalar uchun 10 — 12 yoshdagi qiz bolalar uchun 1. 20 metrga yugurish masofani bosib oʻtish vaqti (soniyada) 4,2 4 3,8 4,4 4,2 4 2. chalqancha yotgan holatda gavdani bukish gavdani bukishlar soni (marta) 14 18 22 14 18 22 3. gimnastika skameykasida qoʻllarni bukib yozish qoʻllarni bukish soni (marta) 21 22 23 21 22 23 4. toʻsinda (turnikda) tortilish tortilishlar soni (marta) 5-6 7-8 9 va undan koʻp bajarilganda 4-5 6-7 8 va undan koʻp bajarilganda 5. balandlikka sakrash sakrashlar soni (marta) 28 30 35 28 30 35 6. joyidan turib uzunlikka sakrash sakrash uzunligi (santimetrda) 150 — 159 160 — 169 170 — 180 140 — 149 150 — 159 160 — 170 7. gimnastika narvonida oyoqlarni koʻtarish koʻtarilishlar soni (marta) 3 — 5 6 — 8 9 va undan koʻp 1 — 3 4 — 6 7 va undan koʻp 8. bir oyoqda oʻtirish oʻtirishlar soni (marta) 4 — 6 7 — 9 10 va undan koʻp bajarilganda 4-5 4 — 7 8 va undan koʻp bajarilganda 9. tayanch yordamida 45 gradusli burchak burchak holatida turish vaqti (soniyada) 4 — 6 7-8 9 va undan koʻp 4 — 6 7-8 9 va undan koʻp 10. egiluvchanlik mashqlari toʻplami bajarilgan egiluvchanlik mashqlari soni 1 2 3 1 2 3 11. batutda tebranish tebranishlar soni (marta) 5 — 7 8 — 10 11 va undan koʻp bajarilganda 3 — 5 6 — 8 9 va undan koʻp bajarilganda 12. sakragan holda aylanish aylanishlar soni (marta) muvozanat saqlanmagan holda 2 ta muvozanat saqlangan holda 2 ta muvozanat saqlangan holda 3 ta muvozanat saqlanmagan holda 2 ta muvozanat saqlangan holda 2 ta muvozanat saqlangan holda 3 ta 13. salto va aylanish aylanishlar sifati xatoliklar soni 2 ta va undan koʻp boʻlganda xatoliklar soni 1 ta xatoliklarsiz bajarilganda xatoliklar soni 2 ta va undan koʻp boʻlganda xatoliklar soni 1 ta xatoliklarsiz bajarilganda 14. umbaloq oshish umbaloq oshish sifati xatoliklar soni 2 ta va undan koʻp boʻlganda xatoliklar soni 1 ta xatoliklarsiz bajarilganda xatoliklar soni 2 ta va undan koʻp boʻlganda xatoliklar soni 1 ta xatoliklarsiz bajarilganda

Badiiy gimnastika sport turidan nomzodlar tomonidan bajarilgan mashqlar natijalari va ularga qoʻyilgan ballar boʻyicha

QAYDNOMA

Sport gimnastikasi sport turidan nomzodlar tomonidan bajarilgan mashqlar natijalari va ularga qoʻyilgan ballar boʻyicha

QAYDNOMA

1-shakl T/r Nomzodlarning F.I.O. 7-8 yoshli oʻgʻil bolalar tomonidan bajariladigan mashqlar 20 metrga yugurish joyidan turib uzunlikka sakrash toʻsinda (turnikda) tortilish burchakdan kuch bilan oyoqlarni kerib tik turish va qaytish qoʻllarda tik turish gimnastika narvonida oyoqlarni koʻtarish tayanch yordamida 45 gradusli burchak doira shaklidagi tayanchda aylanish balandlikka sakrash egiluvchanlik mashqlari toʻplami Umumiy ball natija ball natija ball natija ball natija ball natija ball natija ball natija ball natija ball natija ball natija ball 1. 2. 3. ... Qabul komissiyasi aʼzolari: ___________________________________________________ _________________ (F.I.O.) (imzo) ___________________________________________________ _________________ (F.I.O.) (imzo) ____________________________________________________ _________________ (F.I.O.) (imzo) ____________________________________________________ _________________ Qabul komissiyasi kotibi: (F.I.O.) (imzo)

2-shakl T/r Nomzodlarning F.I.O. 9-10 yoshli oʻgʻil bolalar tomonidan bajariladigan mashqlar 20 metrga yugurish joyidan turib uzunlikka sakrash gimnastika arqoniga halqa yordamida koʻtarilish burchakdan kuch bilan oyoqlarni kerib tik turish va qaytish qoʻllarda tik turish gimnastika narvonida oyoqlarni koʻtarish tayanch yordamida 45 gradusli burchak dastakli otda aylanish balandlikka sakrash egiluvchanlik mashqlari toʻplami Umumiy ball natija ball natija ball natija ball natija ball natija ball natija ball natija ball natija ball natija ball natija ball 1. 2. 3. ... Qabul komissiyasi aʼzolari: __________________________________________________ __________________ (F.I.O.) (imzo) __________________________________________________ __________________ (F.I.O.) (imzo) __________________________________________________ __________________ (F.I.O.) (imzo) __________________________________________________ _________________ Qabul komissiyasi kotibi: (F.I.O.) (imzo)

3-shakl T/r Nomzodlarning F.I.O. 11-12 yoshli oʻgʻil bolalar tomonidan bajariladigan mashqlar 20 metrga yugurish joyidan turib uzunlikka sakrash gimnastika arqoniga halqa yordamida koʻtarilish burchakdan kuch bilan oyoqlarni kerib tik turish va qaytish qoʻllarda tik turish gimnastika narvonida oyoqlarni koʻtarish tayanch yordamida 45 gradusli burchak dastakli otda aylanish balandlikka sakrash egiluvchanlik mashqlari toʻplami Umumiy ball natija ball natija ball natija ball natija ball natija ball natija ball natija ball natija ball natija ball natija ball 1. 2. 3. ... Qabul komissiyasi aʼzolari: ________________________________________________________ ____________________ (F.I.O.) (imzo) ________________________________________________________ ____________________ (F.I.O.) (imzo) ________________________________________________________ ____________________ (F.I.O.) (imzo) Qabul komissiyasi kotibi: ________________________________________________________ _____________________ (F.I.O.) (imzo)

4-shakl T/r Nomzodlarning F.I.O. 7 — 9 yoshli qiz bolalar tomonidan bajariladigan mashqlar 20 metrga yugurish joyidan turib uzunlikka sakrash toʻsinda (turnikda) tortilish burchakdan kuch bilan oyoqlarni kerib tik turish va qaytish qoʻllarda tik turish gimnastika narvonida oyoqlarni koʻtarish chalqancha yotgan holatda gavdani bukish toʻsinga (turnikka) tayangan holda siltanib qoʻllarda tik turish balandlikka sakrash egiluvchanlik mashqlari toʻplami Umumiy ball natija ball natija ball natija ball natija ball natija ball natija ball natija ball natija ball natija ball natija ball 1. 2. 3. ... Qabul komissiyasi aʼzolari: __________________________________________________________ ____________________ (F.I.O.) (imzo) __________________________________________________________ ____________________ (F.I.O.) (imzo) __________________________________________________________ ____________________ (F.I.O.) (imzo) Qabul komissiyasi kotibi: __________________________________________________________ ____________________ (F.I.O.) (imzo)

5-shakl T/r Nomzodlarning F.I.O. 10 — 12 yoshli qiz bolalar tomonidan bajariladigan mashqlar 20 metrga yugurish joyidan turib uzunlikka sakrash toʻsinda (turnikda) tortilish burchakdan kuch bilan oyoqlarni kerib tik turish va qaytish qoʻllarda tik turish gimnastika narvonida oyoqlarni koʻtarish chalqancha yotgan holatda gavdani bukish toʻsinga (turnikka) tayangan holda siltanib qoʻllarda tik turish balandlikka sakrash egiluvchanlik mashqlari toʻplami Umumiy ball natija ball natija ball natija ball natija ball natija ball natija ball natija ball natija ball natija ball natija ball 1. 2. 3. ... Qabul komissiyasi aʼzolari: __________________________________________________ ___________________ (F.I.O.) (imzo) __________________________________________________ ___________________ (F.I.O.) (imzo) __________________________________________________ ___________________ (F.I.O.) (imzo) Qabul komissiyasi kotibi: __________________________________________________ ___________________ (F.I.O.) (imzo)

Trampolin sport turidan nomzodlar tomonidan bajarilgan mashqlar natijalari va ularga qoʻyilgan ballar boʻyicha

QAYDNOMA

T/r Nomzodning F.I.O. Nomzodlar tomonidan bajariladigan mashqlar 20 metrga yugurish chalqancha yotgan holatda gavdani bukish gimnastika skameykasida qoʻllarni bukib yozish toʻsinda (turnikda) tortilish balandlikka sakrash joyidan turib uzunlikka sakrash gimnastika narvonida oyoqlarni koʻtarish natija ball natija ball natija ball natija ball natija ball natija ball natija ball 1 2 3 4 5 6 7 8 9 10 11 12 13 14 15 1. 2. 3. ...

davomi bir oyoqda oʻtirish tayanch yordamida 45 gradusli burchak egiluvchanlik mashqlari toʻplami batutda tebranish sakragan holda aylanish salto va aylanish umbaloq oshish Umumiy ball natija ball natija ball natija ball natija ball natija ball natija ball natija ball 16 17 18 19 20 21 22 23 24 25 26 27 28 29 30 Qabul komissiyasi aʼzolari: _________________________________________________ ____________________ (F.I.O.) (imzo) __________________________________________________ ____________________ (F.I.O.) (imzo) __________________________________________________ ____________________ (F.I.O.) (imzo) Qabul komissiyasi kotibi: __________________________________________________ ____________________ (F.I.O.) (imzo)