“Toshkent metropolitenining Sergeli yoʻnalishini qurish” loyihasining texnik-iqtisodiy hisobini tasdiqlash toʻgʻrisida (125-son)

13.02.2019

Oʻzbekiston Respublikasi Vazirlar Mahkamasining

qarori

Oʻzbekiston Respublikasi Prezidentining “Toshkent metropolitenining Sergeli yoʻnalishini qurish” loyihasini amalga oshirish chora-tadbirlari toʻgʻrisida” 2016-yil 29-noyabrdagi PQ-2664-son qaroriga muvofiq Vazirlar Mahkamasi qaror qiladi:

1. Quyidagilar:

“Toshkent metropolitenining Sergeli yoʻnalishini qurish” loyihasining texnik-iqtisodiy hisobi asosiy texnik-iqtisodiy parametrlar bilan 1-ilovaga* muvofiq;

Oʻzbekiston Respublikasi Tiklanish va taraqqiyot jamgʻarmasining kreditini qaytarishning prognoz jadvali 2-ilovaga* muvofiq tasdiqlansin.

* 1-2 ilovalar rus tili matnda berilgan.

2. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari — Oʻzbekiston Respublikasi Transport vaziri A.J. Ramatov zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2019-yil 13-fevral,

125-son