24-modda. Oʻzbekiston Respublikasi tomonidan xalqaro shartnomaning yoki uning qismining vaqtincha qoʻllanilishi
Oʻzbekiston Respublikasining xalqaro shartnomalari toʻgʻrisida (O‘RQ-518-son) · Sana: 06.02.2019 · Amalda
Agar xalqaro shartnomada xalqaro shartnoma yoki xalqaro shartnomaning bir qismi u kuchga kirguniga qadar Oʻzbekiston Respublikasi tomonidan vaqtincha qoʻllanilishi mumkinligi nazarda tutilgan boʻlsa yoki ahdlashuvchi tomonlar oʻrtasida bu haqda kelishuvga erishilgan boʻlsa, ushbu xalqaro shartnoma yoki uning bir qismi Oʻzbekiston Respublikasi tomonidan vaqtincha qoʻllanilishi mumkin.
Oʻzbekiston Respublikasi tomonidan xalqaro shartnomani yoki uning bir qismini vaqtincha qoʻllash toʻgʻrisidagi yoxud vaqtincha qoʻllashni tugatish haqidagi qaror xalqaro shartnomani imzolash haqida qaror qabul qilgan organ (mansabdor shaxs) tomonidan qabul qilinadi.