Akademik litsey va texnikumlar boshqaruv, texnik, xizmat koʻrsatuvchi va oʻquv-yordamchi xodimlarining namunaviy shtatlarini tasdiqlash toʻgʻrisida (3119-son)

11.01.2019

Oʻzbekiston Respublikasi Oliy va oʻrta maxsus taʼlim vazirligi Oʻzbekiston Respublikasi Oliy va oʻrta maxsus taʼlim vazirligining kasb-hunar taʼlimi markazi Oʻzbekiston Respublikasi bandlik va mehnat munosabatlari vazirligi Oʻzbekiston Respublikasi Moliya vazirligining

Qarori

[Oʻzbekiston Respublikasi Adliya vazirligi tomonidan 2019-yil 11-yanvarda roʻyxatdan oʻtkazildi, roʻyxat raqami 3119]

Oʻzbekiston Respublikasi Prezidentining 2010-yil 24-dekabrdagi PQ-1449-son “Oʻzbekiston Respublikasining 2011-yilgi asosiy makroiqtisodiy koʻrsatkichlari prognozi va davlat budjeti parametrlari toʻgʻrisida”gi qarori, 2017-yil 26-sentabrdagi PQ-3290-son “Oliy taʼlim muassasalariga kirish uchun nomzodlarni maqsadli tayyorlash tizimini yanada takomillashtirish toʻgʻrisida”gi qaroriga muvofiq Oʻzbekiston Respublikasi Oliy va oʻrta maxsus taʼlim vazirligi, Oliy va oʻrta maxsus taʼlim vazirligining Kasb-hunar taʼlimi markazi, Bandlik va mehnat munosabatlari vazirligi hamda Moliya vazirligi qaror qiladi:

1. Akademik litsey va texnikumlar boshqaruv, texnik, xizmat koʻrsatuvchi va oʻquv-yordamchi xodimlarining namunaviy shtatlari ilovaga muvofiq tasdiqlansin.

2. Belgilansinki:

ushbu Namunaviy shtatlar “Temurbeklar maktabi” harbiy-akademik litseylariga, Ichki ishlar vazirligi idoraviy akademik litseylariga, Toshkent davlat yuridik universiteti qoshidagi akademik litseylar, imkoniyati cheklangan shaxslar uchun ixtisoslashtirilgan maxsus texnikumlariga, olimpiya va paralimpiya sport turlariga tayyorlash markazlariga nisbatan tatbiq etilmaydi;

mazkur Namunaviy shtatlar akademik litsey va texnikumlar uchun Oʻzbekiston Respublikasi Davlat budjeti mablagʻlari hamda qonunchilikda taqiqlanmagan boshqa manbalar hisobidan joriy qilinadi;

Namunaviy shtatlar joriy qilinishi munosabati bilan boshqaruv, texnik, xizmat koʻrsatuvchi va oʻquv yordamchi xodimlar sonining qisqarishi qonun hujjatlarida belgilangan tartibda amalga oshiriladi;

ayrim akademik litsey va texnikumlarning shtatlar jadvallarini tuzishda, ular faoliyatining oʻziga xos xususiyatlaridan kelib chiqib, Oʻzbekiston Respublikasi Oliy taʼlim, fan va innovatsiyalar vazirligi, Kambagʻallikni qisqartirish va bandlik vazirligi hamda Iqtisodiyot va moliya vazirligi bilan kelishilgan holda Namunaviy shtatlarda koʻzda tutilmagan lavozimlar va xodimlar soni belgilanishi mumkin.

3. Akademik litsey va texnikumlarning direktorlari shtat jadvallarini tasdiqlangan Namunaviy shtat meʼyorlariga qatʼiy amal qilgan holda moslashtirishini taʼminlasin.

4. Mazkur qaror rasmiy eʼlon qilingan kundan eʼtiboran kuchga kiradi.

Oliy va oʻrta maxsus taʼlim vaziri I. MADJIDOV

Toshkent sh.,

2018-yil 29-dekabr,

78-q/q-son

Kasb-hunar taʼlimi markazi direktori M. XOLMUXAMEDOV

Toshkent sh.,

2018-yil 29-dekabr,

13/qq-son

Bandlik va mehnat munosabatlari vaziri Sh. KUDBIYEV

Toshkent sh.,

2018-yil 29-dekabr,

32-q/q-son

Moliya vaziri D. KUCHKAROV

Toshkent sh.,

2018-yil 29-dekabr,

162-son

Oʻzbekiston Respublikasi Oliy va oʻrta maxsus taʼlim vazirligi, Oliy va oʻrta maxsus taʼlim vazirligining Kasb-hunar taʼlimi markazi, Bandlik va mehnat munosabatlari vazirligi, Moliya vazirligining 2018-yil 29-dekabrdagi 78-q/q, 13/qq, 32-q/q, 162-son qaroriga ILOVA

Akademik litsey va texnikumlar boshqaruv, texnik, xizmat koʻrsatuvchi va oʻquv-yordamchi xodimlarining

NAMUNAVIY SHTATLARI

T/rTarkibiy tuzilmalar va lavozimlar nomlanishiOʻquvchilarning keltirilgan kontingenti150 gacha151 dan 300 gacha301 dan 450 gacha451 dan 600 gacha601 dan 750 gacha751 dan 900 gacha901 dan 1050 gacha1051 dan yuqoriAB12345678I. Akademik litseylarRahbariyat1.Direktor111111112.Direktorning oʻquv ishlari boʻyicha oʻrinbosari111111113.Direktor oʻrinbosari (yoshlar bilan ishlash boʻyicha)111111114.Direktor oʻrinbosari (chet tillari boʻyicha)mazkur Namunaviy shtatlarning ilovasiga muvofiq belgilanadi6.Harbiy chaqiriqgacha tayyorgarlik rahbari*0,511111117.Jismoniy tarbiya rahbari**0,511111118.Yuriskonsultmazkur Namunaviy shtatlarning ilovasiga muvofiq belgilanadi9.Psixologmazkur Namunaviy shtatlarning ilovasiga muvofiq belgilanadi10.Kotib11111111Oʻquv-metodik boʻlim11.Boʻlim boshligʻi1111111112.Uslubchi0,50,5111222Yoshlar bilan ishlash boʻlimi14.Axborot-hisoblash tarmogʻi administratori11111111Axborot-resurs markazi17.Kutubxonachi111111,51,51,518.Elektron kutubxonalar kutubxonachisi0,50,5111111Taʼlim sifati nazorati boʻlimi***19.Bosh mutaxassis11111111Buxgalteriya20.Bosh buxgalter1111111121.Buxgalter0,50,511111122.Buxgalter (oʻquvchilarni ovqat bilan taʼminlashni hisobga olish boʻyicha)mazkur Namunaviy shtatlarning ilovasiga muvofiq belgilanadiXodimlar boʻlimi23.Kadrlar boʻyicha inspektor11111111Devonxona24.Inspektor (topshiriqlarni bajarilishini nazorat qilish boʻyicha)11111111Oʻquvchilar turar joyi25.Tarbiyachimazkur Namunaviy shtatlarning ilovasiga muvofiq belgilanadi26.Yotoqxona navbatchisimazkur Namunaviy shtatlarning ilovasiga muvofiq belgilanadiTexnik-foydalanish va xoʻjalik boʻlimi27.Xoʻjalik mudiri1111111128.Omborchi1111111129.Chilangarmazkur Namunaviy shtatlarning ilovasiga muvofiq belgilanadi30.Elektromontyormazkur Namunaviy shtatlarning ilovasiga muvofiq belgilanadi31.Duradgormazkur Namunaviy shtatlarning ilovasiga muvofiq belgilanadi32.Farroshmazkur Namunaviy shtatlarning ilovasiga muvofiq belgilanadi33.Garderobchi (kiyim saqlovchi)mazkur Namunaviy shtatlarning ilovasiga muvofiq belgilanadi34.Qorovulmazkur Namunaviy shtatlarning ilovasiga muvofiq belgilanadi35.Bogʻbonmazkur Namunaviy shtatlarning ilovasiga muvofiq belgilanadi36.Xovli supuruvchimazkur Namunaviy shtatlarning ilovasiga muvofiq belgilanadi37.Xoʻjalik bekasimazkur Namunaviy shtatlarning ilovasiga muvofiq belgilanadi38.Yengil avtomobil haydovchisimazkur Namunaviy shtatlarning ilovasiga muvofiq belgilanadi39.Avtobus haydovchisimazkur Namunaviy shtatlarning ilovasiga muvofiq belgilanadi40.Suv isitish qozoni oʻt yoquvchisimazkur Namunaviy shtatlarning ilovasiga muvofiq belgilanadiII. TexnikumlarRahbariyat1.Direktor111111112.Direktorning oʻquv ishlari boʻyicha oʻrinbosari111111113.Direktor oʻrinbosari (yoshlar bilan ishlash boʻyicha)111111114.Direktorning ishlab chiqarish taʼlimi boʻyicha oʻrinbosari0,511111115.Harbiy chaqiriqqacha tayyorgarlik rahbari*0,511111116.Jismoniy tarbiya rahbari**0,511111117.Badiiy rahbarmazkur Namunaviy shtatlarning ilovasiga muvofiq belgilanadi8.Psixologmazkur Namunaviy shtatlarning ilovasiga muvofiq belgilanadi9.Kotib11111111Oʻquv-metodik boʻlim10.Boʻlim boshligʻi 1111111111.Uslubchi0,50,511122212.Kechki (smenali) taʼlim uchun oʻquv-metodik ishlar boʻyicha uslubchimazkur Namunaviy shtatlarning ilovasiga muvofiq belgilanadiYoshlar bilan ishlash boʻlimi13.Axborot-hisoblash tarmogʻi administratori11111111Axborot-resurs markazi14.Kutubxonachi111111,51,51,515.Elektron kutubxonalar kutubxonachisi0,50,5111111Amaliyot va ish beruvchilar bilan hamkorlik boʻlimi16.Katta ustamazkur Namunaviy shtatlarning ilovasiga muvofiq belgilanadi17.Xalqaro hamkorlik boʻyicha mutaxassismazkur Namunaviy shtatlarning ilovasiga muvofiq belgilanadi18.Ishlab chiqarish taʼlimi ustasimazkur Namunaviy shtatlarning ilovasiga muvofiq belgilanadi19.Avtotransport vositalarini boshqarish boʻyicha ishlab chiqarish taʼlimi ustasimazkur Namunaviy shtatlarning ilovasiga muvofiq belgilanadi20.Texnikani boshqarish boʻyicha ishlab chiqarish taʼlimi ustasimazkur Namunaviy shtatlarning ilovasiga muvofiq belgilanadi21.Mexanikmazkur Namunaviy shtatlarning ilovasiga muvofiq belgilanadi22.Taʼmirlovchi-chilangarmazkur Namunaviy shtatlarning ilovasiga muvofiq belgilanadiTaʼlim sifati nazorati boʻlimi23.Bosh mutaxassis11111111Sirtqi boʻlim24.Boʻlim boshligʻi mazkur Namunaviy shtatlarning ilovasiga muvofiq belgilanadi25.Uslubchimazkur Namunaviy shtatlarning ilovasiga muvofiq belgilanadiMasofaviy taʼlimni tashkil etish boʻlimi26.Boʻlim boshligʻi mazkur Namunaviy shtatlarning ilovasiga muvofiq belgilanadi27.Uslubchimazkur Namunaviy shtatlarning ilovasiga muvofiq belgilanadiBuxgalteriya28.Bosh buxgalter1111111129.Buxgalter0,50,511111130.Buxgalter (toʻlov-kontrakt asosida oʻqitishdan tushgan mablagʻlarni hisobga olish boʻyicha)0,50,5111111Xodimlar boʻlimi31.Kadrlar boʻyicha inspektor11111111Devonxona32.Inspektor (topshiriqlarni bajarilishini nazorat qilish boʻyicha)11111111Oʻquvchilar turar joyi33.Tarbiyachimazkur Namunaviy shtatlarning ilovasiga muvofiq belgilanadi34.Yotoqxona navbatchisimazkur Namunaviy shtatlarning ilovasiga muvofiq belgilanadiTexnik-foydalanish va xoʻjalik boʻlimi35.Xoʻjalik mudiri1111111136.Omborchi1111111137.Chilangarmazkur Namunaviy shtatlarning ilovasiga muvofiq belgilanadi38.Elektromontyormazkur Namunaviy shtatlarning ilovasiga muvofiq belgilanadi39.Duradgormazkur Namunaviy shtatlarning ilovasiga muvofiq belgilanadi40.Farroshmazkur Namunaviy shtatlarning ilovasiga muvofiq belgilanadi41.Garderobchi (kiyim saqlovchi)mazkur Namunaviy shtatlarning ilovasiga muvofiq belgilanadi42.Qorovulmazkur Namunaviy shtatlarning ilovasiga muvofiq belgilanadi43.Bogʻbonmazkur Namunaviy shtatlarning ilovasiga muvofiq belgilanadi44.Hovli supuruvchimazkur Namunaviy shtatlarning ilovasiga muvofiq belgilanadi45.Xoʻjalik bekasimazkur Namunaviy shtatlarning ilovasiga muvofiq belgilanadi46.Yengil avtomobil haydovchisimazkur Namunaviy shtatlarning ilovasiga muvofiq belgilanadi47.Avtobus haydovchisimazkur Namunaviy shtatlarning ilovasiga muvofiq belgilanadi48.Suv isitish qozoni oʻt yoquvchisimazkur Namunaviy shtatlarning ilovasiga muvofiq belgilanadi49.Musiqa cholgʻulari sozlovchisimazkur Namunaviy shtatlarning ilovasiga muvofiq belgilanadi50.Musiqa cholgʻularini taʼmirlovchi ustamazkur Namunaviy shtatlarning ilovasiga muvofiq belgilanadi51.Ovoz operatorimazkur Namunaviy shtatlarning ilovasiga muvofiq belgilanadi52.Liboschimazkur Namunaviy shtatlarning ilovasiga muvofiq belgilanadi53.Yoritish uskunalari ustasi (laborant)mazkur Namunaviy shtatlarning ilovasiga muvofiq belgilanadiIII. Xalqaro taʼlim dasturlari joriy qilinadigan texnikumlarining Xalqaro taʼlim dasturlarini muvofiqlashtirish boʻlimi****1.Boʻlim boshligʻi111111112.Oʻquv-uslubiy va metodik taʼminlash boʻyicha bosh mutaxassis122222223.Sifat va nazorat boʻyicha bosh mutaxassis122222224.Registrator ofisi mutaxassisi111111115.Marketing boʻyicha menejer11111111

Izoh:

* akademik litseylar va texnikumlarda boshlangʻich kasbiy taʼlim dasturlari asosida oʻqitiladigan oʻquvchilar sonidan kelib chiqib, ushbu lavozim joriy qilinganda, uning lavozim vazifalari tarkibiga yillik 530 soatgacha (0,5 shtat birligida 265 soatgacha) chaqiruvga qadar boshlangʻich tayyorgarlik fani boʻyicha oʻquv mashgʻulotlarini oʻtkazish kiritiladi.

** akademik litseylar va texnikumlarda boshlangʻich kasbiy taʼlim dasturlari asosida oʻqitiladigan oʻquvchilar sonidan kelib chiqib ushbu lavozim joriy qilinganda, uning lavozim vazifalari tarkibiga yillik 400 soatgacha (0,5 shtat birligida 200 soatgacha) jismoniy tarbiya fani boʻyicha oʻquv mashgʻulotlarini oʻtkazish kiritiladi.

*** Taʼlim sifati nazorati boʻlimi bosh mutaxassisi shtat birligini saqlash xarajatlari taʼlim tashkilotining budjetdan tashqari mablagʻlari hisobidan amalga oshiriladi.

**** Xalqaro taʼlim dasturlari joriy qilinadigan texnikumlarning tuzilmasida Xalqaro taʼlim dasturlarini muvofiqlashtirish boʻlimi tashkil etiladi. 2025/2026 oʻquv yilidan boshlab xalqaro taʼlim dasturlari joriy qilinadigan texnikumlar roʻyxatiga Oliy taʼlim, fan va innovatsiyalar vazirligi tomonidan tegishli oʻzgartirish va qoʻshimchalar kiritilishi mumkin.

***** Faoliyati tugatilayotgan taʼlim tashkilotlari uchun (taʼlim olayotgan oʻquvchilar oʻqishini tamomlagunga qadar) shtatlar jadvalini tuzishda mazkur Namunaviy shtatlarning II-bobi tatbiq etiladi.

Akademik litsey va texnikumlar boshqaruv, texnik, xizmat koʻrsatuvchi va oʻquv-yordamchi xodimlarining namunaviy shtatlariga ILOVA

Akademik litsey va texnikumlar boshqaruv, texnik, xizmat koʻrsatuvchi va oʻquv-yordamchi xodimlari uchun alohida lavozimlarni kiritish

MEʼYORLARI

Akademik litsey va texnikumlar boshqaruv, texnik, xizmat koʻrsatuvchi va oʻquv-yordamchi xodimlarining namunaviy shtatlarida nazarda tutilmagan akademik litsey va texnikumlar (bundan buyon matnda taʼlim tashkilotlari deb yuritiladi) boshqaruv, texnik, xizmat koʻrsatuvchi va oʻquv-yordamchi xodimlarining alohida lavozimlari mazkur Meʼyorlarga muvofiq kiritiladi.

1-bob. Taʼlim tashkilotlarida alohida lavozimlarni kiritish meʼyorlari

1. Shtat jadvalini tuzishda taʼlim tashkilotlari xodimlarining soni moliya yilining birinchi sanasi holatidagi kunduzgi, kechki, sirtqi, masofaviy va dual taʼlim shakllarida, shuningdek xalqaro va qoʻshma taʼlim dasturlarida taʼlim olayotgan oʻquvchilar kontingentidan kelib chiqib, sirtqi taʼlim oʻquvchilari uchun — 0,4 koeffitsiyentni qoʻllagan holda, akademik litsey va texnikumlar boshqaruv, texnik, xizmat koʻrsatuvchi va oʻquv-yordamchi xodimlarining namunaviy shtatlariga muvofiq aniqlanadi va shtatlar jadvali oʻquvchilar soni oʻzgarishi bilan yilning 1-sentabr holatiga qayta koʻrib chiqilishi mumkin.

Akademik litsey va texnikumlarda oʻquvchilar kontingenti 1 051 nafardan ziyod boʻlganda xodimlar soni tasarrufida taʼlim tashkilotlari boʻlgan vazirlik yoki idora tomonidan Oʻzbekiston Respublikasi Oliy taʼlim, fan va innovatsiyalar vazirligi (boshqa vazirlik va idoralar tizimidagi taʼlim tashkilotlari uchun), Kambagʻallikni qisqartirish va bandlik vazirligi hamda Iqtisodiyot va moliya vazirligi bilan kelishilgan holda belgilanadi.

2. Taʼlim tashkilotlarida, ulardagi oʻquvchilar sonidan kelib chiqib, psixolog lavozim birligi quyidagicha belgilanadi:

jami oʻquvchilar soni 250 nafargacha — 1,0 birlik;

jami oʻquvchilar soni 250 nafardan 800 nafargacha — 1,5 birlik;

jami oʻquvchilar soni 800 nafardan 1600 nafargacha — 2,0 birlik;

jami oʻquvchilar soni 1 600 nafardan 3000 nafargacha — 2,5 birlik;

jami oʻquvchilar soni 3 000 nafar va undan ortiq boʻlsa — 3,0 birlik.

4. Yuriskonsult lavozimi Oʻzbekiston Respublikasi Vazirlar Mahkamasining 2017-yil 1-maydagi 250-son “Oʻzbekiston Respublikasi Prezidentining “Yuridik xizmat faoliyatini tubdan takomillashtirish chora-tadbirlari toʻgʻrisida” 2017-yil 19-yanvardagi PQ-2733-son qarorini amalga oshirish chora-tadbirlari haqida”gi qaroriga muvofiq belgilanadi.

5. Taʼlim tashkilotining garderob xonasidagi mavjud 250 ta va undan ortiq jihozlangan kiyim saqlash joylari uchun — 1,0 birlik garderobchi (kiyim saqlovchi) lavozimi mavsumiy 5 oyga kiritiladi.

6. Hovli supuruvchi lavozimi taʼlim tashkilotining qoplama toʻshalgan har 2 500 kv. metr maydoni uchun 1,0 birlik hisobidan kelib chiqqan holda (0,5 birlikdan kam boʻlmagan holda) kiritiladi.

7. Taʼlim tashkilotining mevali bogʻ, gulzor va koʻkalamzorlashtirilgan 0,5 ga dan 2,0 ga gacha maydoni uchun — 1,0 birlik, keyingi har 2,0 ga maydon uchun — 1,0 birlik bogʻbon lavozimi kiritiladi (taʼlim tashkilotining ijaraga bergan maydoni bundan mustasno).

8. Taʼlim tashkilotini kecha-kunduz qoʻriqlash uchun dam olish va bayram kunlari hamda taʼtil davrida har bir oʻrin almashish ish vaqti hisobga olingan holda har bir kirish darvozasi postiga 4,5 birlik qorovul lavozimi kiritiladi. Bunda, taʼlim tashkiloti hududidan tashqarida joylashgan binolarning ham har bir darvoza posti uchun alohida 4,5 birlik qorovul lavozimi kiritiladi.

9. Bino, inshootlar va jihozlarni joriy taʼmirlovchi va xizmat koʻrsatuvchi:

elektromontyor lavozimi 700 tagacha yoritish nuqtalari (taʼlim tashkiloti balansida boʻlgan koʻcha yoritish nuqtalari ham hisoblanadi) uchun — 0,5 birlik, yoritish nuqtalari 700 dan ortiq boʻlsa, 1,0 birlik;

chilangar lavozimi — suv quvurlari, oqova suvlarni chiqarib yuborish tarmogʻi va issiqlik quvvati bilan jihozlangan har 2 800 kv.m maydon uchun — 1,0 birlik (biroq, 2,0 birlikdan ortiq boʻlmagan holda);

duradgor lavozimi — taʼlim tashkiloti binosining foydalaniladigan 3 500 kv.m va undan ortiq maydoni uchun — 1,0 birlik (biroq, 1,0 birlikdan ortiq boʻlmagan holda) kiritiladi.

Taʼlim tashkiloti balansidagi binolarning ekspluatatsiya ishlari ixtisoslashtirilgan tashkilot tomonidan shartnoma asosida amalga oshirilganda, inshootlar va jihozlarni joriy taʼmirlovchi va xizmat koʻrsatuvchi ishchilar lavozimlari kiritilmaydi.

10. Binolarning ichki qismi, shu jumladan xizmat xonalari, yoʻlaklar, zinapoyalar, faollar zali va sport zali hamda oʻquv-auditoriya (yotoqxonaning oʻquvchilar yotadigan xonalari bundan mustasno) maydonini tozalovchi farrosh lavozimi har 700 kv. m tozalash maydoni uchun — 1,0 birlik hisobidan kelib chiqqan holda kiritiladi.

11. Uy-joy kommunal xoʻjalik tizimiga oʻtkazilmagan taʼlim tashkilotlarida isitish mavsumida (5 oy) oʻt yoquvchi lavozimi:

lokal isitish tizimida koʻmir, torf, mazut va hokazolar bilan isitiladigan har bir qozonxonaga har bir oʻrin almashish ish vaqti uchun — 2,0 birlikdan, tabiiy gaz yoqilgʻisi bilan ishlaydigan har bir qozonxonalarda (qozonxona hajmidan qatʼi nazar) har bir oʻrin almashish ish vaqti uchun — 1,0 birlikdan;

alohida kichik qozonlari bilan isitiladigan har bir alohida manzilda joylashgan binolar majmuasiga har bir oʻrin almashish ish vaqti uchun qozonlar soni 6 tagacha boʻlsa — 1,0 birlikdan, 6 va undan ortiq boʻlsa — 2,0 birlikdan;

alohida kichik qozonlar bilan isitiladigan har bir alohida manzilda joylashgan binolar majmuasiga har bir oʻrin almashish ish vaqti uchun qozonlar soni 6 tagacha boʻlsa — 1,0 birlikdan, 6 va undan ortiq boʻlsa — 2,0 birlikdan (bunda har bir oʻrin almashish ish vaqti uchun — 1,0 birligi yil davomida saqlanadi);

isitish pechlari orqali isitiladigan tashkilotlarda har 10 dona pech uchun — 1,0 birlikdan va keyingi har 5 — 9 dona pech uchun qoʻshimcha 0,5 birlikdan (biroq, 0,5 birlikdan kam boʻlmagan holda) kiritiladi.

13. Tarbiyachi lavozimi dam olish va bayram kunlarida har bir oʻrin almashish ish vaqti hisobga olingan holda, taʼlim tashkiloti yotoqxonasida yashovchi oʻquvchilar 75 nafargacha boʻlganda — 1,0 birlik, keyingi har 100 nafar oʻquvchi uchun qoʻshimcha 1,0 birlik hisobidan kiritiladi.

14. Xoʻjalik bekasi lavozimi taʼlim tashkiloti yotoqxonasida yashovchi oʻquvchilar soni 100 nafar va undan ortiq boʻlganda, 1,0 birlik kiritiladi.

15. Liftchi lavozimi bir binoda joylashgan va foydalanilayotgan liftlar uchun 1,0 birlik kiritiladi.

16. Taʼlim tashkilotining har bir alohida joylashgan yotoqxonasida yashovchi oʻquvchilar soni 50 nafar va undan ortiq boʻlsa, ularning har bir oʻrin almashish ish vaqti uchun — 1,0 birlik (biroq 4,0 oʻrin almashish ish vaqtidan ortiq boʻlmagan holda) yotoqxona navbatchisi lavozimi kiritiladi.

17. Taʼlim tashkiloti balansida mavjud, oʻquv mashqiga moʻljallanmagan soz holatdagi har bir avtotransport vositasi uchun — 1,0 birlik haydovchi lavozimi kiritiladi. Bunda, budjetdan tashqari mablagʻlar hisobidan sotib olingan avtotransport vositasi uchun haydovchi lavozimi mos ravishda budjetdan tashqari mablagʻlar hisobidan saqlanadi.

18. Taʼlim tashkiloti oʻquvchilarining turli xil tadbirlarda xavfsiz qatnashishini taʼminlash uchun moʻljallangan maxsus avtotransport (avtobus, mikroavtobus) vositasi mavjud boʻlsa, 1,0 birlik avtobus haydovchisi lavozimi kiritiladi.

19. Chet tili chuqurlashtirilib oʻqitiladigan akademik litseylarda 1,0 birlik chet tillari boʻyicha direktor oʻrinbosari lavozimi kiritiladi.

20. Yangi tashkil etilayotgan (mukammal taʼmirlash, rekonstruksiya ishlari amalga oshirilayotgan) taʼlim tashkilotlarida direktor — 1,0 birlik, direktorning oʻquv ishlari boʻyicha oʻrinbosari — 0,5 birlik, xoʻjalik mudiri — 0,5 birlik, bosh buxgalter — 0,5 birlik, kadrlar boʻyicha inspektor — 0,5 birlik, katta usta — 0,5 birlik, qorovul va farrosh lavozimlari oʻquv yili boshlangunga qadar (biroq, 6 oydan oshmagan holda) kiritilishi mumkin.

Oʻquvchilari mavjud boʻlmagan taʼlim tashkilotlarida, direktor lavozimi — 1,0 birlik, bosh buxgalter lavozimi — 0,5 birlik va qorovul lavozimi taʼlim tashkiloti faoliyatini boshlagunga qadar kiritiladi.

22. Taʼlim tashkilotining amaliyot oʻtaydigan har bir guruhi uchun — 1,0 birlik ishlab chiqarish taʼlimi ustasi lavozimi kiritiladi.

23. Taʼlim tashkilotida amaliyot oʻtaydigan oʻquvchilar soni 200 nafardan oshganda, 1,0 birlik katta usta lavozimi kiritiladi.

25. Oʻzbekiston Respublikasi Vazirlar Mahkamasining 2018-yil 31-maydagi 408-son qarori bilan tasdiqlangan Avtomototransport vositalari va shahar elektr transporti vositalari haydovchilarini tayyorlash hamda qayta tayyorlash boʻyicha nodavlat taʼlim xizmatlari koʻrsatish faoliyatini litsenziyalash tartibi toʻgʻrisidagi nizomda belgilangan tartibda hisobga olingan taʼlim tashkilotlarining oʻquv mashqi uchun moʻljallangan har bir soz holatdagi avtotransport vositasi, shu jumladan ushbu maqsadda ijaraga olingan transport vositalari uchun yillik yuklamasi 1 500 soat hisobidan kelib chiqqan holda — 1,0 birlikdan avtotransport vositalarini boshqarish boʻyicha ishlab chiqarish taʼlimi ustasi (avtotransport vositasini boshqarishni oʻrgatuvchi) lavozimi kiritiladi.

26. Oʻzbekiston Respublikasi Vazirlar Mahkamasining 2023-yil 29-apreldagi 170-son qarori bilan tasdiqlangan Traktorchi-mashinistlarni tayyorlash va qayta tayyorlash yoʻnalishidagi taʼlim tashkilotlarini hisobga olish hamda traktorchi-mashinist guvohnomasini berish boʻyicha davlat xizmatlarini koʻrsatishning maʼmuriy reglamentida belgilangan tartibda hisobga olingan taʼlim tashkilotining oʻquv mashqi uchun moʻljallangan har bir soz holatdagi traktor (buldozer, kombayn va boshqa oʻziyurar qishloq xoʻjaligi texnikasi), shu jumladan ushbu maqsadda ijaraga olingan mashq texnikasi uchun yillik yuklamasi 1 500 soat hisobidan kelib chiqqan holda — 1,0 birlikdan texnikani boshqarish boʻyicha ishlab chiqarish taʼlimi ustasi lavozimi (mashq texnikasini boshqarishni oʻrgatuvchi) kiritiladi.

27. Taʼlim tashkilotida oʻquvchilarning amaliy va oʻquv mashgʻulotlari uchun moʻljallangan taʼlim jarayonida foydalaniladigan soz holatdagi transport vositalari va texnikalari (avtotransport vositalari, traktorlar, buldozer, kombaynlar) 10 ta va undan ortiq boʻlsa, 1,0 birlik mexanik lavozimi kiritiladi. Qishloq xoʻjaligi sohasi boʻyicha mutaxassislar tayyorlaydigan taʼlim tashkilotlarida mexanik lavozimi bir vaqtning oʻzida garaj mudiri boʻlib hisoblanadi.

28. Xalqaro hamkorlik boʻyicha mutaxassis lavozimi texnikumlarda xorijiy davlatlarning taʼlim tashkilotlari bilan hamkorlikda qoʻshma taʼlim dasturlari amalga oshirilgan va hamkorlikda qoʻshma boʻlimlar (fakultetlar) belgilangan tartibda tashkil etilgan boʻlsa, 1,0 birlik hisobida kiritiladi.

29. Taʼlim tashkilotida oʻquvchilarning amaliy va oʻquv mashgʻulotlari uchun moʻljallangan taʼlim jarayonida foydalaniladigan soz holatdagi jihozlar (stanoklar, mashinalar, tikuv mashinalari, tibbiyot texnikalari) mavjud boʻlganda 30 ta jihozga 1,0 birlik taʼmirlovchi-chilangar lavozimi kiritiladi.

30. Taʼlim tashkiloti yotoqxonasida kutubxona shaxobchasi tashkil etilgan boʻlsa 0,5 birlik kutubxonachi lavozimi qoʻshimcha kiritiladi.

31. Buxgalter (oʻquvchilarni ovqatlantirishni hisobga olish boʻyicha) lavozimi oʻquvchilar uchun ovqatlanish tashkil etilgan akademik litseyda 1,0 birlikdan kiritiladi.

32. Kechki (smenali) taʼlim uchun oʻquv-metodik ishlar boʻyicha uslubchi lavozimi kechki (smenali) taʼlim tashkil etilgan taʼlim tashkilotlarida 1,0 birlik hisobida kiritiladi.

33. Taʼlim tashkiloti hududida joylashgan tashqi hojatxonalarni tozalovchi farrosh lavozimi har biri alohida turuvchi 8 va undan koʻp oʻrinli hojatxona uchun 1,0 birlik hisobida kiritiladi.

34. Sirtqi boʻlim boshligʻi lavozimi taʼlim tashkilotlarida sirtqi taʼlim mavjud boʻlgan hollarda quyidagicha kiritiladi:

Sirtqi boʻlim oʻquvchilari soni 300 nafargacha boʻlganida — 0,5 birlik;

Sirtqi boʻlim oʻquvchilari soni 301 nafar va undan ortiq boʻlganda — 1,0 birlik.

35. Sirtqi boʻlim uslubchisi lavozimi taʼlim tashkilotlarida sirtqi taʼlim mavjud boʻlgan hollarda quyidagicha kiritiladi:

Sirtqi boʻlim oʻquvchilari soni 300 nafargacha boʻlganida — 0,5 birlik;

Sirtqi boʻlim oʻquvchilari soni 301 nafardan 750 nafargacha boʻlganida — 1,0 birlik;

Sirtqi boʻlim oʻquvchilari soni 751 nafar va undan ortiq boʻlganda — 2,0 birlik.

36. Kechki (smenali) taʼlimda masofadan turib oʻqitish uchun Masofaviy taʼlimni tashkil etish boʻlimi joriy etilishi mumkin.

Bunda boʻlim boshligʻi va uslubchi lavozimlari:

kechki (smenali) taʼlimda oʻquvchilari soni 300 nafargacha boʻlganida — 0,5 birlik;

kechki (smenali) taʼlimda oʻquvchilari soni 301 nafar va undan ortiq boʻlganda — 1,0 birlik hisobida kiritiladi.

361. Madaniyat, musiqa va sanʼat yoʻnalishidagi taʼlim tashkilotlarida amaliy-ijodiy ishlar (konsert dasturlari, badiiy tadbirlar, sahna asarlari, spektakl va boshqalar)ni tashkil etish va muvofiqlashtirish uchun — 1,0 birlik badiiy rahbar lavozimi kiritiladi.

362. Madaniyat, musiqa va sanʼat yoʻnalishidagi taʼlim tashkilotlarida ovoz yozish studiyasi yoki estrada yoʻnalishlari mavjud boʻlganda, 1,0 birlik ovoz operatori lavozimi kiritiladi.

363. Taʼlim tashkilotlarida ijrochilik yoʻnalishlari mavjud boʻlib, alohida liboslar uchun xona ajratilgan boʻlsa, 1,0 birlik liboschi (kiyim saqlovchi, kostumer) lavozimi kiritiladi.

364. Madaniyat, musiqa va sanʼat taʼlim tashkilotlari balansida mavjud musiqa cholgʻularini taʼmirlovchi usta lavozimi:

har 16 ta klavishli cholgʻular uchun — 1,0 birlik;

har 30 ta torli cholgʻular uchun — 1,0 birlik;

har 30 ta damli cholgʻular uchun — 1,0 birlik;

har 16 ta elektron musiqa cholgʻulari uchun — 1,0 birlik;

har 30 ta xalq cholgʻulari uchun — 1,0 birlik;

har 50 ta urma zarbli cholgʻular uchun — 1,0 birlik kiritiladi.

365. Taʼlim tashkiloti balansida mavjud 16 ta soz holatdagi klavishli musiqa cholgʻulari (royal, fortepiano (pianino) va boshqalar) uchun — 1,0 birlik hisobidan musiqa cholgʻularini sozlovchi lavozimi kiritiladi.

366. Madaniyat, musiqa va sanʼat yoʻnalishidagi taʼlim tashkilotlarida yoritish uskunalari bilan jihozlangan xonalar mavjud boʻlsa, 1,0 birlik yoritish uskunalari ustasi (laborant) lavozimi kiritiladi.

2-bob. Yakuniy qoidalar

37. Ushbu Meʼyorlar asosida tuziladigan shtatlar jadvalini roʻyxatdan oʻtkazish uchun taqdim qilishda, unga taʼlim tashkilotlarining asosiy ishlab chiqarish koʻrsatkichlari toʻgʻrisidagi maʼlumotlar (oʻquvchilar kontingenti, binolar soni, maydonlar hajmi, filiallar (agar mavjud boʻlsa) toʻgʻrisidagi maʼlumotlar) taʼlim tashkiloti direktori va bosh buxgalter tomonidan imzolangan holda ilova qilinadi.

38. Taʼlim tashkiloti shtat jadvalining Akademik litsey va texnikumlar boshqaruv, texnik, xizmat koʻrsatuvchi va oʻquv-yordamchi xodimlarining namunaviy shtatlari va mazkur Meʼyorlarga muvofiq tuzilishi yuzasidan javobgarlik shaxsan taʼlim tashkiloti direktori va bosh buxgalteri zimmasiga yuklatiladi.