Tibbiy faoliyat amalga oshiriladigan tibbiy ixtisosliklar turlari nomenklaturasiga qoʻshimchalar kiritish haqida (2908-1-son)

28.12.2018

Oʻzbekiston Respublikasi sogʻliqni saqlash vazirining

buyrugʻi

[Oʻzbekiston Respublikasi Adliya vazirligi tomonidan 2018-yil 28-dekabrda roʻyxatdan oʻtkazildi, roʻyxat raqami 2908-1]

Oʻzbekiston Respublikasi Prezidentining 2018-yil 12-oktabrdagi PQ-3968-son “Oʻzbekiston Respublikasida xalq tabobati sohasini tartibga solish chora-tadbirlari toʻgʻrisida”gi qaroriga muvofiq buyuraman:

1. Oʻzbekiston Respublikasi sogʻliqni saqlash vazirining 2017-yil 25-iyuldagi 97-son buyrugʻi (roʻyxat raqami 2908, 2017-yil 28-iyul) (Oʻzbekiston Respublikasi qonun hujjatlari toʻplami, 2017-y., 30-son, 765-modda) bilan tasdiqlangan Tibbiy faoliyat amalga oshiriladigan tibbiy ixtisosliklar turlari nomenklaturasiga ilovaga muvofiq qoʻshimchalar kiritilsin.

2. Mazkur buyruq rasmiy eʼlon qilingan kundan eʼtiboran kuchga kiradi.

Vazir A. ShADMANOV

Toshkent sh.,

2018-yil 7-dekabr,

55-son

Oʻzbekiston Respublikasi sogʻliqni saqlash vazirining 2018-yil 7-dekabrdagi 55-son buyrugʻiga ILOVA

Tibbiy faoliyat amalga oshiriladigan tibbiy ixtisosliklar turlari nomenklaturasiga kiritilayotgan qoʻshimchalar

1. Asosiy tibbiy ixtisoslik turlari boʻlimi quyidagi mazmundagi pozitsiyalar bilan toʻldirilsin:

“ Xalq tabobati yoʻnalishi 46. Xalq tabobati ”.

2. Tor ixtisosliklar turlari boʻlimi:

a) Davolash ishi va tibbiy pedagogika ishi yoʻnalishlari bobi quyidagi mazmundagi pozitsiyalar bilan toʻldirilsin:

“ 471. Sud-psixologik ekspertizasi 472. Ijtimoiy tibbiyot ”;

b) Quyidagi mazmundagi pozitsiyalar bilan toʻldirilsin:

“ Xalq tabobati yoʻnalishi 116. Invaziv (teri butunligining buzilishi); 117. Noinvaziv; 118. Biologik invaziv; 119. Parhez va oʻsimlik vositalarini qoʻllash; ”.

3. Mazkur qoʻshimchalar Oʻzbekiston Respublikasi Bandlik va mehnat munosabatlari vazirligi hamda Savdo-sanoat palatasi bilan kelishilgan.

Oʻzbekiston Respublikasi Bandlik va mehnat munosabatlari vaziri Sh. KUDBIYEV

2018-yil 6-dekabr,

Oʻzbekiston Respublikasi Savdo-sanoat palatasi raisi A. IKRAMOV

2018-yil 6-dekabr,