Ishlab chiqarish quvvatlarini modernizatsiya qilish, sanoat tarmoqlarini texnik va texnologik jihatdan qayta jihozlash jarayonini jadallashtirish chora-tadbirlari toʻgʻrisida (PQ-4077-son)

25.12.2018

Oʻzbekiston Respublikasi Prezidentining

Qarori

[Koʻchirma]

Ishlab chiqarish quvvatlarini modernizatsiya qilish, sanoatning bazaviy tarmoqlarini texnik va texnologik jihozlash, ularning eksport salohiyatini yanada yuksaltirish, ishlab chiqarilayotgan mahsulotlarning raqobatbardoshligini taʼminlash uchun qulay shart-sharoitlar yaratish, shuningdek, korxonalarning investitsiyaviy jozibadorligini oshirish maqsadida:

1. Shunday tartib oʻrnatilsinki, unga muvofiq davlatga yoki xoʻjalik boshqaruvi organlariga tegishli aksiyalar paketlarini (ulushni) investitsiya aktivlarini ishonchli boshqaruvchilarga belgilangan tartibda berish tanlov asosida 5 yilgacha boʻlgan muddatga quyidagi shartlar bajarilgan taqdirda amalga oshiriladi:

Oʻzbekiston Respublikasida qimmatli qogʻozlar bozorida professional faoliyatni amalga oshirish uchun tegishli litsenziyaning mavjudligi;

ishonchli boshqaruvchi tomonidan tegishli komissiyaga korxona faoliyatining samaradorligini yanada oshirish boʻyicha biznes-rejani taqdim etish;

korxonalarning kuzatuv kengashi tarkibiga ishonchli boshqaruvga beriladigan ulush boʻyicha tayinlanadigan aʼzolarning kamida 40 foizi miqdorida davlat vakillarini kiritish;

ishonchli boshqaruvchining xizmatlariga uning maʼmuriy xarajatlarini qoplash uchun har oy toʻlanadigan mukofot puli va moliyaviy yil yakunlariga koʻra biznes-reja parametrlarining bajarilishiga qarab hisoblanadigan bonus koʻrinishida haq toʻlash.

Bunda, ishonchli boshqaruvchi tasdiqlangan biznes-rejani amalga oshirish uchun pul mablagʻlari, uskunalar, dasturiy mahsulotlar shaklida oʻz mablagʻlarini jalb etgan hollarda ushbu mablagʻlar asoslantirilgan hisob-kitoblar va mustaqil auditor xulosasiga koʻra hamda ishonchli boshqaruvchi va korxona oʻrtasida kelishilgan alohida grafikka muvofiq belgilangan tartibda qoplab berilishi lozim.

2. Belgilab qoʻyilsinki, ustav kapitalidagi davlat yoki xoʻjalik boshqaruvi organlariga tegishli aksiyalar paketlari (ulushlari) investitsiya aktivlarini ishonchli boshqaruvchilarga belgilangan tartibda ishonchli boshqaruvga berilgan korxonalarga nisbatan:

a) qonun hujjatlarining quyidagi talablari tatbiq etilmaydi:

tovarlar (ishlar, xizmatlar) xarid qilishga boʻlgan texnik topshiriqlarni Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi huzuridagi Loyihalar va import kontraktlarini kompleks ekspertiza qilish markazida majburiy ekspertizadan oʻtkazish toʻgʻrisida, Oʻzbekiston Respublikasi Tiklanish va taraqqiyot jamgʻarmasi mablagʻlari hisobidan moliyalashtiriladigan (birgalikda moliyalashtiriladigan) holatlar bundan mustasno;

Oʻzbekiston Respublikasi Prezidentining 2017-yil 3-noyabrdagi “Maxsus turdagi tovarlar eksporti va importini litsenziyalash, shuningdek, eksport kontraktlarini roʻyxatga olish va import kontraktlarini ekspertizadan oʻtkazishni tartibga solish chora-tadbirlari toʻgʻrisida”gi PF-5215-son Farmonining 2-ilovasiga kiritilgan tovarlar (ishlar, xizmatlar)ni eksport qilish boʻyicha kontraktlarni Oʻzbekiston Respublikasi Tashqi savdo vazirligida roʻyxatdan oʻtkazish toʻgʻrisida;

ishonchli boshqaruvchi tomonidan kuzatuv kengashi aʼzosi sifatida ilgari surilgan shaxslar korporativ boshqaruvchining malaka guvohnomasiga ega boʻlishi toʻgʻrisida;

b) summasidan qatʼi nazar, idoraviy (ichki) tanlov komissiyalari baholaydigan eng yaxshi takliflarni tanlab olish yoʻli orqali tovarlar (ishlar va xizmatlar)ni xarid qilish kontraktlarini, shu jumladan import kontraktlarini mustaqil ravishda tuzish huquqi beriladi;

v) 2019-yil 1-fevraldan boshlab olib kiriladigan (olib chiqiladigan) tovarlar (ishlar, xizmatlar)ning bojxona rasmiylashtiruvida vakolatli iqtisodiy operatorlar maqomi qoʻllaniladi;

g) korxonalar tomonidan ushbu qarorga muvofiq tuziladigan shartnomalar (kontraktlar) toʻgʻrisidagi axborotni ular tuzilgan sanadan boshlab uch kundan kechiktirmay davlat xaridlari boʻyicha maxsus axborot portaliga joylashtirish tartibi joriy etiladi.

3. Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi huzuridagi Davlat aktivlarini boshqarish markazi aksiyalar (ulushlar) davlat paketini ishonchli boshqarish boʻyicha oʻzi tuzgan shartnomalarning lozim darajada bajarilishi ustidan samarali monitoring olib borsin.

4. Belgilansinki:

investitsiya va infratuzilma loyihalarining loyihaoldi va loyiha hujjatlarini, tovarlar (ishlar, xizmatlar)ning davlat xaridi uchun tender hujjatlari va texnik shartlarini hamda kontraktlarni kompleks ekspertizadan oʻtkazish yakunlari boʻyicha xulosalar Oʻzbekiston Respublikasi Iqtisodiyot va sanoat vazirligi huzuridagi Loyihalarni va import kontraktlarini kompleks ekspertiza qilish markazi tomonidan beriladi;

korporativ boshqaruvchining malaka guvohnomasiga ega boʻlish toʻgʻrisidagi talab kuzatuv kengashining davlat ulushi boʻyicha mustaqil aʼzosi sifatida ilgari surilgan, tegishli tarmoqda ish tajribasiga ega boʻlgan, shu jumladan xorijlik shaxslarga nisbatan qoʻllanilmaydi;

davlat va xoʻjalik boshqaruvi organlari ulushi ustun boʻlgan, ishonchli boshqaruvchilarga ishonchli boshqaruvga berilgan korxonalar tomonidan investitsiya loyihalari kuzatuv kengashining ijobiy qarori mavjud boʻlgan taqdirda amalga oshiriladi.

5. “Oʻzstandart” agentligi, Ekologiya va atrof-muhitni muhofaza qilish davlat qoʻmitasi va Qurilish vazirligi 2019-yil 1-martga qadar metallurgiya mahsulotlarini ishlab chiqarish va ulardan foydalanish sohasidagi qonun hujjatlari talablari, davlat standartlari, texnik meʼyorlar, qoidalar va reglamentlarni takomillashtirish boʻyicha takliflarni Oʻzbekiston Respublikasi Vazirlar Mahkamasiga kiritsin, unda qurilishda qoʻllaniladigan materiallarning sifati va xavfsizligiga doir ekologik standartlarni, talablarni kuchaytirish, shuningdek, xorijdagi amaliyotni inobatga olgan holda quyish sexlarida maʼnan eskirgan uskunalar va texnikadan foydalanishni taqiqlash nazarda tutilsin.

6. “Oʻzmetkombinat” AJ va “Oʻzikkilamchiranglimetall” AJ Oʻzbekiston Respublikasi Prezidentining 2018-yil 22-yanvardagi PQ-3487-son qarori bilan tasdiqlangan Tovarlarni (ishlar, xizmatlarni) xarid qilishning alohida tartibi belgilanadigan, strategik ahamiyatga ega xoʻjalik jamiyatlari va korxonalarining roʻyxatiga kiritilsin va mazkur korxonalarga nisbatan qabul qilinayotgan qarorning 2-bandida nazarda tutilgan shartlar tatbiq etilsin.

7. “Olmaliq KMK” AJ, “Oʻzmetkombinat” AJ va “Oʻzikkilamchiranglimetall” AJ faoliyatini yanada takomillashtirishga oid “Yoʻl xaritasi” 1-ilovaga muvofiq tasdiqlansin.

Oʻzbekiston Respublikasi iqtisodiyot vaziri B.A. Xodjayev zimmasiga vazirliklar, idoralar va boshqa tashkilotlarning “Yoʻl xaritasi”da belgilangan chora-tadbirlarni oʻz vaqtida va sifatli amalga oshirish boʻyicha oʻzaro yaqin hamkorligini taʼminlash va faoliyatini muvofiqlashtirish yuzasidan shaxsiy javobgarlik yuklansin.

8. Oʻzbekiston Respublikasi Iqtisodiyot vazirligi, “Oʻzbekiston temir yoʻllari” AJ “Olmaliq KMK” AJ, “Oʻzmetkombinat” AJ va “Oʻzikkilamchiranglimetall” AJ bilan birgalikda:

harakat tarkibi parkini, jumladan xususiy operator kompaniyalarini tashkil etish orqali kengaytirish choralarini koʻrsin;

ushbu korxonalar ehtiyojlari uchun boʻsh vagonlar berishning choraklik grafiklarini tasdiqlab, ularning soʻzsiz bajarilishini taʼminlagan holda import va eksport qilinadigan yuklar logistikasi boʻyicha tizimli ishlarni tashkil etsin.

9. Oʻzbekiston Respublikasi Iqtisodiyot vazirligi “Olmaliq KMK” AJ, “Oʻzmetkombinat” AJ va “Oʻzikkilamchiranglimetall” AJ bilan birgalikda 2019-yil 10-yanvarga qadar “Olmaliq KMK” AJ, “Oʻzmetkombinat” AJ va “Oʻzikkilamchiranglimetall” AJning import kontraktlari boʻyicha olib kiriladigan tovarlarni ishlab chiqarishni mahalliylashtirish dasturini tasdiqlash uchun Vazirlar Mahkamasiga kiritsin, unda quyidagilar nazarda tutilsin:

tovarlar ishlab chiqarishni mahalliylashtirishni amalga oshirish boʻyicha har oy bajariladigan tadbirlar grafigi;

aniq davrda ishlab chiqarilishi mahalliylashtirilishi lozim boʻlgan tovarlar turlarining roʻyxati, shuningdek, ularni mahalliylashtirish darajasi;

tovarlar ishlab chiqarishni mahalliylashtirish boʻyicha ishlarni moliyalashtirish manbalari va hajmlari.

10. “Oʻzmetkombinat” AJga, istisno tariqasida, 2020-yil 1-yanvarga qadar Oʻzbekiston Respublikasi Prezidentining 2018-yil 9-yanvardagi “Oʻzmetkombinat” AJning 2018 — 2020-yillarga moʻljallangan rivojlanish Dasturi toʻgʻrisida”gi PQ-3468-son qaroriga muvofiq “Quyish-prokatlash kompleksini qurish” investitsiya loyihasini (keyingi oʻrinlarda — Loyiha) amalga oshirish doirasidagi qurilish-montaj ishlarini belgilangan shaharsozlik norma va qoidalariga rioya qilgan holda parallel loyihalash hamda oʻz mablagʻlari va qarz mablagʻlar hisobidan moliyalashtirish shartlari asosida bajarishga ruxsat berilsin va Loyiha 2026-yil fevral oyi yakuniga qadar foydalanishga topshirilsin.

Quyidagilar Loyihani amalga oshirish doirasida 2026-yil 1-iyulga qadar:

a) “Oʻzmetkombinat” AJ, pudratchi va subpudratchilar:

Oʻzbekiston Respublikasi norezidentlari tomonidan bajariladigan (koʻrsatiladigan) ishlar (xizmatlar) boʻyicha qoʻshilgan qiymat soligʻidan;

Oʻzbekiston Respublikasida ishlab chiqarilmaydigan, belgilangan tartibda shakllantiriladigan roʻyxatlar boʻyicha, shu jumladan “vaqtincha olib kirish” bojxona rejimida olib kiriladigan (shu jumladan, Loyihani amalga oshirish doirasida 2025-yilda va undan oldin olib kirilgan) materiallar, uskunalar, maxsus va transport texnikasi, ularning ehtiyot qismlari, asbob va anjomlar uchun bojxona toʻlovlarini (bojxona rasmiylashtiruvi uchun yigʻimlardan tashqari) toʻlashdan;

b) yuridik shaxslar — Oʻzbekiston Respublikasi norezidentlari ham doimiy muassasa, ham Oʻzbekiston Respublikasidagi toʻlov manbasi orqali olinadigan daromadlar boʻyicha foyda soligʻini toʻlashdan;

v) jismoniy shaxslar — xorijiy mutaxassislar uchun jismoniy shaxslardan olinadigan daromad soligʻi toʻlashdan ozod etilsin.

g) investitsiya loyihasi doirasida jalb qilingan pudratchilar tomonidan xorijiy mutaxassislar uchun toʻlangan jismoniy shaxslardan olinadigan daromad soligʻi boʻyicha 2022-yil 1-iyuldan 2026-yil 1-yanvarga qadar amalga oshirilgan toʻlovlarni “Oʻzmetkombinat” AJ tomonidan 2026-yil davomida toʻlanadigan foyda soligʻi summasini kamaytirish hisobiga pudratchilar hisobvaraqlariga qaytarib berilsin.

11. Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi Adliya vazirligi va boshqa manfaatdor idoralar bilan birgalikda ikki oy muddatda ushbu qaror talablarini hisobga olgan holda, jumladan quyidagilarni nazarda tutuvchi Davlatga tegishli aksiyalar paketlarini (ulushlarni) ishonchli boshqaruvga berish tartibi toʻgʻrisida yangilangan nizomni Vazirlar Mahkamasiga kiritsin:

tanlov shartlariga ishonchli boshqaruvdan kutilayotgan natijalar boʻyicha davlat talablarini kiritish;

talab darajasidan past boʻlmagan koʻrsatkichlarga erishish boʻyicha chora-tadbirlarni oʻz ichiga olgan biznes-reja taqdim etgan talabgorlarning tanlov savdolarida ishtirok etishiga ruxsat berish;

aksiyalar (ulushlar) davlat paketi ishonchli boshqaruvga berilgan jamiyatlarning yillik biznes-rejalarini ularning kuzatuv kengashi tomonidan tasdiqlash;

jamiyat tomonidan biznes-rejaning bajarilishi, qilingan xarajatlarning, eksport va import kontraktlari boʻyicha narxlarning asoslanganligini har yili mustaqil auditorlik tashkiloti tomonidan, shu jumladan davlatning vakolatli organi tomonidan jalb etilgan tashkilot tomonidan tasdiqlash;

ishonchli boshqaruvchi tomonidan tasdiqlangan yillik biznes-rejalar toʻliq bajarilgan va ijobiy auditorlik xulosasi mavjud boʻlgan taqdirda ishonchli boshqaruv shartnomasini tanlov savdolarini oʻtkazmasdan uzaytirish.

14. Oʻzbekiston Respublikasi Prezidentining ayrim qarorlariga 2-ilovaga muvofiq oʻzgartirish va qoʻshimchalar kiritilsin.

15. Oʻzbekiston Respublikasi Iqtisodiyot vazirligi Adliya vazirligi, “Olmaliq KMK” AJ, “Oʻzmetkombinat” AJ, “Oʻzikkilamchiranglimetall” AJ va boshqa manfaatdor idoralar bilan birgalikda bir oy muddatda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

16. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidenti Administratsiyasi rahbari Z.Sh. Nizomiddinov va Oʻzbekiston Respublikasi Prezidenti maslahatchisining birinchi oʻrinbosari B.M. Mavlonov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2018-yil 25-dekabr,

PQ-4077-son

Oʻzbekiston Respublikasi Prezidentining 2018-yil 25-dekabrdagi PQ-4077-son qaroriga 1-ILOVA

“Olmaliq KMK” AJ, “Oʻzmetkombinat” AJ va “Oʻzikkilamchiranglimetall” AJ faoliyatini yanada takomillashtirishga oid

“Yoʻl xaritasi”

T/r Tadbirlar nomi Amalga oshirish mexanizmlari Ijro muddatlari Masʼul ijrochilar 1. Qora metallar parchalari va chiqindilarini tayyorlash balansini tuzish va bajarish tartibini qayta koʻrib chiqish, shu jumladan ularni tayyorlash boʻyicha bir oylik grafiklarni tasdiqlash hamda balansni bajarish boʻyicha vazirliklar, idoralar va hokimliklar tomonidan oylik hisobotlar taqdim etish. Normativ-huquqiy hujjat 2019-yil 1-fevralga qadar Iqtisodiyot vazirligi (B. Xodjayev), “Oʻzmetkombinat” AJ (T. Azamatov) 2. Qora metallar prokati sotib oluvchilarni birjada roʻyxatdan oʻtkazish tartibini soddalashtirish boʻyicha takliflar kiritish. Tashkiliy chora-tadbirlar 2019-yil 1-fevralga qadar Iqtisodiyot vazirligi (B. Xodjayev), Davlat raqobat qoʻmitasi (N. Sharipov) 3. Tovarlarning soni, hajmi, narxi va ularni sotib olish shartlari toʻgʻrisidagi maʼlumotlarni avvaldan (bir sutka oldin) taqdim etish yoʻli orqali birja savdolarida sotilayotgan tovarlar haqida xaridorlarni xabardor etish mexanizmlarini takomillashtirish. Tashkiliy chora-tadbirlar 2019-yil 1-fevralga qadar Iqtisodiyot vazirligi (B. Xodjayev), Davlat raqobat qoʻmitasi (N. Sharipov), OʻzRTXB (F. Ibragimov) 4. Oʻzbekiston Respublikasi Vazirlar Mahkamasining 2018-yil 8-avgustdagi 634-son “Toshkent viloyatida kichik sanoat zonalarini kengaytirish chora-tadbirlari toʻgʻrisida”gi qaroriga “Olmaliq KMK” AJ Nodir metallar va qattiq qotishmalarni ishlab chiqarish boʻyicha ilmiy-ishlab chiqarish birlashmasi mulkining ishlatilmaydigan davlat mulki obyektlarini Toshkent viloyati hokimligiga topshiriladiganlar tarkibidan chiqarib tashlanishini nazarda tutadigan oʻzgartirish va qoʻshimchalar kiritish. Vazirlar Mahkamasining qarori 2019-yil 1-fevralga qadar Davlat raqobat qoʻmitasi (N. Sharipov), Toshkent viloyati hokimligi (Gʻ. Ibragimov) 5. Qonun hujjatlariga quyidagilarni nazarda tutadigan oʻzgartirishlar va qoʻshimchalar kiritish: ijro ishi yuritish doirasida xatlangan metall parchalari, qora va rangli metallar chiqindilari, tarkibida rangli va qora metallar boʻlgan tabiiy va maʼnaviy eskirgan asbob-uskunalarni “Oʻzmetkombinat” AJ va “Oʻzikkilamchiranglimetall” AJga toʻgʻridan-toʻgʻri shartnomalar boʻyicha va erkin (kelishilgan) narxda sotish; korxonalar va tashkilotlar tomonidan rejalashtirilayotgan tarkibida rangli va qora metallar boʻlgan tabiiy va maʼnaviy eskirgan asbob-uskunalarni hisobdan chiqarish (utilizatsi� qilinishi) toʻgʻrisidagi maʼlumotlarni “Oʻzmetkombinat” AJ va “Oʻzikkilamchiranglimetall” AJga taqdim etish, shuningdek mazkur majburiyatlarning bajarilishini nazorat qilish mexanizmlarini joriy etish. Normativ-huquqiy hujjatlar loyihalari 2019-yil 1-aprelga qadar Iqtisodiyot vazirligi (B. Xodjayev), “Oʻzmetkombinat” AJ (T. Azamatov), “Oʻzikkilamchiranglimetall” AJ (K. Akulov), Bosh prokuratura (S. Saidkarimov), manfaatdor vazirlik va idoralar 6. Mis-molibden rudalarini boyitish boʻyicha texnologik koʻrsatkichlarni oshirish va zamonaviy texnologik yechimlarni foydalanishga topshirishni nazarda tutuvchi “TOMS ilmiy-tadqiqot va loyiha instituti” MCHJ (Rossiya) loyihasi asosida “Olmaliq KMK” AJ mis boyitish fabrikalarini (MOF va MOF-2) 2019 — 2021-yillarda rekonstruksiya qilish. Tashkiliy chora-tadbirlar kompleksi 2019 — 2021-yillar “Olmaliq KMK” AJ (A. Xursanov), Iqtisodiyot vazirligi (B. Xodjayev) 7. “TOMS ilmiy-tadqiqot va loyiha instituti” MCHJ (Rossiya) tomonidan: foydali qazilmalar va tovar mahsulotlari (mis, molibden va oltin) ishlab chiqarishni oshirish sxemasini oqilona amalga oshirishni nazarda tutuvchi “Olmaliq KMK” AJ yangi mis boyitish fabrikasining (MOF-3) loyihasini; tovar mahsulotlari (mis va oltin) ishlab chiqarishni oshirishni nazarda tutgan holda oksidlangan ruda, shlaklar va eski saqlagichlarda saqlanayotgan qoldiqlarni qayta ishlash loyihalarini ishlab chiqish. Investitsiya loyihalari 2021-yil 1-dekabrga qadar “Olmaliq KMK” AJ (A. Xursanov), Investitsiyalar boʻyicha davlat qoʻmitasi (S. Bekenov), Iqtisodiyot vazirligi (B. Xodjayev) 8. Homiylik (xayriya) yordami koʻrsatish taomillarini tartibga solish, investitsiya aktivlari ishonchli boshqaruvchisi orqali oʻxshash boʻlmagan obyektlarni tashkil etish va moliyalashtirish boʻyicha takliflar kiritish. Tahliliy maʼlumot, zarur hollarda, normativ-huquqiy hujjat 2019-yil 1-mayga qadar Vazirlar Mahkamasi (A. Sultanov), Davlat raqobat qoʻmitasi (N. Sharipov), Adliya vazirligi (R. Davletov), “Olmaliq KMK” AJ (A. Xursanov), “Oʻzmetkombinat” AJ (T. Azamatov), “Oʻzikkilamchiranglimetall”AJ (K. Akulov) 9. Toʻgʻridan-toʻgʻri investitsiyalarni jalb qilgan holda, shu jumladan davlat-xususiy sheriklik shartlarida kon-metallurgiya sohasi korxonalari tomonidan shaxsiy ehtiyojlar va mahsulotlarni ishlab chiqarishda foydalanish uchun olib kiriladigan xom ashyolar va materiallarni sinov va ekspertizadan oʻtkazish boʻyicha mustaqil laboratoriyalarni oʻrnatilgan tartibda yaratish va akkreditatsiyadan oʻtkazish. Tashkiliy-amaliy chora-tadbirlar 2019-yil davomida “Oʻzstandart” agentligi (D. Sattarov), Loyiha boshqaruvi milliy agentligi (D. Li), Iqtisodiyot vazirligi (B. Xodjayev), Moliya vazirligi (A. Xaydarov), Investitsiyalar boʻyicha davlat qoʻmitasi (Sh. Vafayev) 10. Ammoniy sulfati, kaliy sulfati, NPK, oltingugurt asosida suyuq va suvda eruvchan oʻgʻitlarni ishlab chiqarishni tashkil etishni nazarda tutuvchi “Mineral oʻgʻitlarni ishlab chiqarishda oltingugurt kislotasidan samarali foydalanish” investitsiyaviy loyihasining pasportini ishlab chiqish. Investitsiyaviy loyiha pasporti 2019-yil 1-martga qadar Investitsiyalar boʻyicha davlat qoʻmitasi (S. Bekenov), “Oʻzkimyosanoat” AJ (D. Pak), Iqtisodiyot vazirligi (B. Xodjayev), Toshkent viloyat hokimligi (Gʻ.Ibragimov) 11. Quyma-prokat kompleksining lozim darajada ishlashi uchun “Oʻzmetkombinat” AJni 260 MVtdan kam boʻlmagan quvvatli tashqi elektr bilan taʼminlash. Tashkiliy chora-tadbirlar 2021-yil 1-yanvarga qadar “Oʻzbekenergo” AJ (U. Mustafoyev), Iqtisodiyot vazirligi (B. Xodjayev), “Oʻzmetkombinat” AJ (T. Azamatov) 12. Olmaliq shahrida “Olmaliq KMK” AJ mablagʻi hisobiga qurilayotgan koʻp kvartirali uylarni sotish davrida “Oʻzshahar qurilish invest” MCHJni qoʻshilgan qiymat soligʻidan ozod etish boʻyicha takliflarni kiritish. Normativ-huquqiy hujjat 2019-yil 15-yanvarga qadar Moliya vazirligi (A. Xaydarov), Iqtisodiyot vazirligi (B. Xodjayev), Qurilish vazirligi (A. Toʻxtayev), Investitsiyalar boʻyicha davlat qoʻmitasi(S. Bekenov), Tiklanish va taraqqiyot jamgʻarmasi (Sh. Vafayev) 13. Rangli metallar, ularning parchalari va chiqindilari, shuningdek, qora metallar parchalari va chiqindilarini noqonuniy tayyorlash, sotib olish, ulardan foydalanish va sotishni bartaraf etish boʻyicha huquqni muhofaza qiluvchi va nazorat qiluvchi organlarning oʻzaro hamkorligini kuchaytirish. 2019-yil uchun qoʻshma harakatlar rejasi 2019-yil 10-yanvarga qadar Bosh prokuratura (E. Tadjiyev), IIV (P. Bobojonov), Davlat bojxona qoʻmitasi (M. Azimov), DXX, “Oʻzikkilamchiranglimetall” AJ (K. Akulov) 14. Ekologiya va atrof-muhitni muhofaza qilish davlat qoʻmitasining Ekologiya, atrof-muhitni muhofaza qilish va chiqindilar bilan bogʻliq ishlarni amalga oshirish jamgʻarmasining mablagʻlari hisobidan “Oʻzikkilamchiranglimetall” AJning ishlab chiqarish sexlari va kanalizatsiyalari tizimini modernizatsiya qilish boʻyicha chora-tadbirlarni moliyalashtirish masalasini oʻrganish. Tahliliy maʼlumot 2019-yil 10-yanvarga qadar Davlat ekologiya qoʻmitasi (B. Qoʻchqorov), Investitsiyalar boʻyicha davlat qoʻmitasi (L. Kudratov), “Oʻzikkilamchiranglimetall” AJ (K. Akulov) 15. Federal davlat avtonom oliy taʼlim muassasasi Milliy texnologik tadqiqotlar universiteti “MISiS”ning Olmaliq shahridagi filiali huzurida: “Rangli va nodir metallar metallurgiyasi”, “Qora metallar metallurgiyasi”, “Quyish ishi”, “Metallarni bosim bilan qayta ishlash”, “Ochiq togʻ-kon ishlari”, “Yer osti togʻ-kon ishlari”, “Foydali qazilmalarni boyitish”, “Marksheyderlik ishi”, “Texnologik jarayonlar va ishlab chiqarishni avtomatlashtirish hamda boshqarish”, “Togʻ elektromexanikasi” va boshqa ixtisosliklar boʻyicha mutaxassislarni tayyorlash professional kollejini; matematika, fizika, kimyo, axborot texnologiyalari, lingvistika va iqtisodiyot fanlari chuqurlashtirilgan holda oʻrgatiladigan ixtisoslashtirilgan umumiy oʻrta taʼlim muassasasini ochish. Tashkiliy chora-tadbirlar 2020-yil 1-avgustga qadar Oliy va oʻrta maxsus taʼlim vazirligi (I. Majidov), Xalq taʼlimi vazirligi (Sh. Shermatov), “Olmaliq KMK” AJ (A. Xursanov), Toshkent viloyat hokimligi (Gʻ. Ibragimov)

Oʻzbekiston Respublikasi Prezidentining 2018-yil 25-dekabrdagi PQ-4077-son qaroriga 2-ILOVA

Oʻzbekiston Respublikasi Prezidentining ayrim qarorlariga kiritilayotgan oʻzgartirish va qoʻshimchalar

1. Oʻzbekiston Respublikasi Prezidentining 2017-yil 1-martdagi “Yoshlik I” koni negizida “Olmaliq KMK” AJning ishlab chiqarish quvvatlarini kengaytirish chora-tadbirlari toʻgʻrisida”gi PQ-2807-son qarori rus tilidagi matnining 6-bandidagi “1-dekabrya 2018 goda” soʻzlari “1-marta 2020 goda” soʻzlari bilan almashtirilsin.

2. Oʻzbekiston Respublikasi Prezidentining 2017-yil 13-martdagi “Simli blok oʻrnatgan holda 2-son sortoprokat sexi “300” stanida katankani ishlab chiqarishni tashkil etish” investitsion loyihasini amalga oshirish chora-tadbirlari toʻgʻrisida”gi PQ-2825-son qarori rus tilidagi matnida:

5-banddagi “1-yanvarya 2019 goda” soʻzlari “1-marta 2019 goda” soʻzlari bilan almashtirilsin;

3-ilovaning nomlanishidagi “1-yanvarya 2019 goda” soʻzlari “1-marta 2019 goda” soʻzlari bilan almashtirilsin.

3. Oʻzbekiston Respublikasi Prezidentining 2017-yil 24-iyuldagi “Foydali qazilmalar konlarini sanoat yoʻli bilan oʻzlashtirish sohasidagi loyiha-qidiruv va ilmiy-tadqiqot ishlari boshqaruvini takomillashtirish chora-tadbirlari toʻgʻrisida”gi PQ-3145-son qarori rus tilidagi matnining 3-bandida:

a) uchinchi xatboshi chiqarib tashlansin;

b) toʻrtinchi va beshinchi xatboshilar tegishincha uchinchi va toʻrtinchi xatboshilar deb hisoblansin.

4. Oʻzbekiston Respublikasi Prezidentining 2017-yil 15-avgustdagi “Olmaliq KMK” AJni yanada rivojlantirishga doir qoʻshimcha chora-tadbirlar toʻgʻrisida”gi PQ-3211-son qarori 1 — 8 va 13 — 24-bandlari oʻz kuchini yoʻqotgan deb hisoblansin.

5. Oʻzbekiston Respublikasi Prezidentining 2017-yil 29-dekabrdagi “Uch-Quloch” konini ochiq usulda oʻzlashtirish” investitsiya loyihasini amalga oshirish chora-tadbirlari toʻgʻrisida”gi PQ-3452-son qarori 1 — 7 va 10 — 15-bandlari oʻz kuchini yoʻqotgan deb hisoblansin.

6. Oʻzbekiston Respublikasi Prezidentining 2017-yil 29-dekabrdagi “Oʻzbekiston Respublikasining 2018-yilgi asosiy makroiqtisodiy koʻrsatkichlari prognozi va Davlat budjeti parametrlari toʻgʻrisida”gi PQ-3454-son qarori rus tilidagi matnining 311-bandi quyidagi tahrirda bayon etilsin:

“311. Oborot po realizatsii produksii iz medi po gruppe 74 kodov TN VED na eksport za inostrannuyu valyutu oblagayetsya nalogom na dobavlennuyu stoimost po ustanovlennoy stavke (za isklyucheniyem produksii sobstvennogo proizvodstva AO “Almalikskiy GMK”, AO “Uzmetkombinat” i AO “Uzvtorsvetmet”)”.

7. Oʻzbekiston Respublikasi Prezidentining 2018-yil 22-yanvardagi PQ-3487-son qarori bilan tasdiqlangan Tovarlarni (ishlar, xizmatlarni) xarid qilishning alohida tartibi belgilanadigan, strategik ahamiyatga ega xoʻjalik jamiyatlari va korxonalarining roʻyxatining rus tilidagi matni quyidagi mazmundagi 20 va 21-bandlar bilan toʻldirilsin:

“20. AO “Uzmetkombinat”

21. AO “Uzvtorsvetmet””.

8. Oʻzbekiston Respublikasi Prezidentining 2018-yil 30-sentabrdagi “Olmaliq kon-metallurgiya kombinati” AJning ishlab chiqish quvvatlarini rekonstruksiya qilish va mustahkamlash boʻyicha chora-tadbirlar toʻgʻrisida”gi PQ-3954-son qarori rus tilidagi matnida:

a) 7-bandning ikkinchi xatboshisidagi “do 1-marta 2019 goda” soʻzlari “do 1-oktabrya 2019 goda” soʻzlari bilan almashtirilsin;

b) 1-ilovada:

“ VSEGO: 457,4 181,0 213,1 40,6 22,7 ”;

satri quyidagi tahrirda bayon etilsin:

“ VSEGO: 4 279,9 929,05 973,73 1 160,77 1 142,87 ”;

quyidagi mazmundagi satrlar bilan toʻldirilsin:

“ 4 Zakup mednogo i sinkovogo sirya*** 3 822,5 748,05 760,63 1120,17 1120,17 Mednoye sirye (kod TN VED 2603, 7401, 7407) 2 624,02 466,8**** 479,38 838,92 838,92 sobstvennie sredstva i krediti kommercheskix bankov Sinkovoye sirye (kod TN VED 2608, 2817, 7902) 1 125 281,25 281,25 281,25 281,25 ”;

quyidagi mazmundagi izohlar bilan toʻldirilsin:

“***) podlejit utochneniyu v svyazi s izmeneniyem obyemov metallurgicheskogo sirya isxodya iz soderjaniya metalla v sirye, a takje seni na birjevix torgax

****) chast iz nix vklyuchayetsya v obyemi postavok v 2018 godu”.