Oʻzbekiston Respublikasi Iqtisodiyot va moliya vazirligi huzuridagi Bojxona qoʻmitasining Milliy kinologiya markazi faoliyatini yanada takomillashtirish chora-tadbirlari toʻgʻrisida (1029-son)

18.12.2018

Oʻzbekiston Respublikasi Vazirlar Mahkamasining

qarori

[Koʻchirma]

Oʻzbekiston Respublikasi Prezidentining “Oʻzbekiston Respublikasi Davlat bojxona xizmati organlari faoliyatini tubdan takomillashtirish chora-tadbirlari toʻgʻrisida” 2018-yil 12-apreldagi PF-5414-son Farmoni ijrosini taʼminlash, shuningdek, Oʻzbekiston Respublikasi Iqtisodiyot va moliya vazirligi huzuridagi Bojxona qoʻmitasining Milliy kinologiya markazi faoliyatini yanada takomillashtirish maqsadida Vazirlar Mahkamasi qaror qiladi:

1. Quyidagilar:

Oʻzbekiston Respublikasi Iqtisodiyot va moliya vazirligi huzuridagi Bojxona qoʻmitasi Milliy kinologiya markazining (keyingi oʻrinlarda Milliy kinologiya markazi deb ataladi) umumiy cheklangan shtatlar soni 65 nafar kishidan iborat yangilangan tashkiliy tuzilmasi 1-ilovaga muvofiq;

Oʻzbekiston Respublikasi Iqtisodiyot va moliya vazirligi huzuridagi Bojxona qoʻmitasining Milliy kinologiya markazi, hududiy boshqarmalari va “Toshkent-AERO” ixtisoslashtirilgan bojxona kompleksi xizmat itlarini kunlik ovqatlantirish ratsion normalari 2-ilovaga muvofiq;

Oʻzbekiston Respublikasi Iqtisodiyot va moliya vazirligi huzuridagi Bojxona qoʻmitasining Milliy kinologiya markazi, hududiy boshqarmalari va “Toshkent-AERO” ixtisoslashtirilgan bojxona kompleksi xizmat itlarini umumiy ovqatlantirish ratsioniga qoʻshimcha kunlik normalar 3-ilovaga muvofiq;

bojxona postlari xizmat itlarini kunlik ovqatlantirish uchun kompensatsiya toʻlovlarining stavkalari 4-ilovaga muvofiq tasdiqlansin.

2. Quyidagilar:

Milliy kinologiya markazi davlat muassasi shaklidagi yuridik shaxs hisoblanishi;

Milliy kinologiya markazi Jahon bojxona tashkilotining mintaqaviy kinologiya markazi maqomiga ega boʻlib, shartnoma asosida kinologlarni tayyorlash, qayta tayyorlash va malakasini oshirish, shuningdek, Oʻzbekiston Respublikasi va xorijiy davlatlar kinologiya xizmatlari uchun xizmat itlarini tanlash, sotib olish, koʻpaytirish va parvarishlash, oʻrgatish huquqiga ega ekanligi;

Oʻzbekiston Respublikasi Prezidentining “Oʻzbekiston Respublikasi Davlat bojxona xizmati organlarining faoliyatini tashkil etish toʻgʻrisida” 2018-yil 12-apreldagi PQ-3665-son qaroriga muvofiq Oʻzbekiston Respublikasi Iqtisodiyot va moliya vazirligi huzuridagi Bojxona qoʻmitasining (keyingi oʻrinlarda Bojxona qoʻmitasi) raisi zarur hollarda, Milliy kinologiya markazining tashkiliy-shtat tuzilmasiga belgilangan umumiy shtat birliklari va mehnatga haq toʻlash fondi doirasida oʻzgartirishlar kiritish huquqiga ega ekanligi maʼlumot uchun qabul qilinsin.

3. Quyidagilar Milliy kinologiya markazi faoliyatining asosiy vazifalari va yoʻnalishlari etib belgilansin:

turli yoʻnalishlar boʻyicha xizmatga yaroqli zotdor xizmat itlarini tanlash, sotib olish va parvarishlashning samarali tizimini yaratish;

malakali kinologlar tayyorlash va xizmat itlarini giyohvandlik vositalari, qurol-yarogʻ, oʻqdori, portlovchi moddalar, valyuta qimmatliklarini qidirib topish, shuningdek, qidiruv-qutqaruv, himoya-qorovul, iz qidiruv xizmati, terrorchilikka qarshi va boshqa operatsiyalarda ishtirok etish yoʻnalishlari boʻyicha tayyorlash;

Oʻzbekiston Respublikasi va xorijiy davlatlarning ushbu yoʻnalishdagi jamoat tashkilotlari hamda kinologiya xizmatlari bilan oʻzaro hamkorlik dasturlari doirasida zotdor xizmat itlarini koʻpaytirish, sotib olish, sotish va almashish;

bojxona organlari kinologlarining faoliyati va xizmat itlaridan foydalanish natijadorligini ularning oldiga qoʻyilgan vazifalarni bajarishida yuzaga kelishi mumkin boʻlgan kamchiliklarni aniqlash, kelgusida bartaraf etish boʻyicha taklif va tavsiyalar ishlab chiqish maqsadida doimiy va har tomonlama monitoring qilib borish;

jismoniy va yuridik shaxslarga veterinariya davolash-profilaktika va laboratoriya-diagnostika ishlari boʻyicha pulli xizmat koʻrsatish;

kinologiya xizmati sohasida xalqaro va milliy koʻrgazmalar, musobaqalar va boshqa tadbirlarni oʻtkazish hamda ularda ishtirok etish.

4. Oʻzbekiston Respublikasi Bojxona qoʻmitasiga:

bojxona organlari xizmat itlari uchun quruq ozuqa va ishchanlik xususiyatlari yuqori boʻlgan itlarni xorijdan sotib olish shartnomalarini belgilangan tartibda tuzish;

xorijiy davlatlar kinologiya xizmatlarining buyurtmanomalariga asosan xizmat itlarini tegishli ravishda tayyorlash va sotish;

Oʻzbekiston Respublikasining rezidentlari va norezidentlariga xizmatga yaroqsiz itlarni belgilangan tartibda sotish;

yuridik va jismoniy shaxslarning itlarini umumiy mashq kursi va himoya-qorovul xizmati talablari boʻyicha shartnoma asosida tayyorlash xizmatlarini koʻrsatish;

belgilangan xizmat muddatini oʻtab boʻlgan xizmat itlarini kinologlarga begʻaraz asosda berish;

jismoniy va yuridik shaxslarga veterinariya davolash-profilaktika va laboratoriya-diagnostika ishlari boʻyicha pulli xizmat koʻrsatish;

Oʻzbekiston Respublikasi Mudofaa vazirligi, Milliy gvardiyasi, Favqulodda vaziyatlar vazirligi, Davlat xavfsizligi xizmati Chegara qoʻshinlari, shuningdek, boshqa vazirlik va idoralarning buyurtmanomalari boʻyicha kinologlarni tayyorlash, qayta tayyorlash va malakasini oshirish, xizmat itlarini tanlash, sotib olish, koʻpaytirish, parvarishlash va oʻrgatish tadbirlarini shartnoma asosida amalga oshirishga ruxsat berilsin.

5. “Oʻzavtosanoat” aksiyadorlik jamiyati Oʻzbekiston Respublikasi Bojxona qoʻmitasining buyurtmanomasiga asosan ishlab chiqariladigan avtotransport vositasi tegishli darajada jihozlanishini nazarda tutgan holda, xizmat itlarini tashish uchun moʻljallangan 32 dona maxsus avtotransport vositasi sotilishini taʼminlasin.

6. Oʻzbekiston Respublikasi Bojxona qoʻmitasi manfaatdor vazirlik va idoralar bilan birgalikda Milliy kinologiya markazi bazasida xalqaro standartlar va talablarni inobatga olgan holda kinologlarni tayyorlash, qayta tayyorlash va malakasini oshirish, xizmat itlarini tayyorlash uchun zarur sharoitlar yaratish tadbirlari oʻtkazilishini taʼminlasin va bunda:

xizmat itlarini real sharoitlarda tayyorlash maqsadida bojxona organlari obyektlarining rejim xususiyatlari va sharoitlariga imkon qadar yaqinlashtirilgan aviatsiya, temir yoʻl va avtomobil bloklarining imitatsiya maydonchalari, shu jumladan turli obyektlarda turli tabiiy tovushlarni aks ettiradigan shovqin effektlari xonalarini rekonstruksiya qilish hamda qurish;

tegishli vazirlik va idoralarning iz qidiruv hamda qutqaruv itlarini tayyorlash samaradorligini oshirish maqsadida fuqaro infratuzilmasining buzilgan obyektlarida imitatsiya binolari hamda maydonchalarini tashkil etish nazarda tutilsin.

7. “Oʻzbekiston temir yoʻllari” va “Toshshahartransxizmat” aksiyadorlik jamiyatlari asosiy vositalarni hisobdan chiqarishda Milliy kinologiya markazining buyurtmanomasi boʻyicha oʻquv jarayoni doirasida temir yoʻl yuk vagonlari va avtotransport vositalarini ulardan maket sifatida foydalanish uchun belgilangan tartibda begʻaraz berilishini nazarda tutsin.

8. Oʻzbekiston Respublikasi Mudofaa vazirligi va Davlat xavfsizlik xizmati Bojxona qoʻmitasining buyurtmanomasiga asosan xizmat itlarini oʻrgatish va mashq qildirish jarayonida giyohvandlik vositalari hamda portlovchi moddalarni foydalanish uchun belgilangan tartibda taqdim etsin.

9. Oʻzbekiston Respublikasi Bojxona qoʻmitasi:

Oʻzbekiston Respublikasi Mudofaa vazirligi va Davlat xavfsizlik xizmati bilan birgalikda xizmat itlarini oʻrgatish va mashq qildirish jarayonida giyohvandlik vositalari hamda portlovchi moddalarni foydalanish uchun berish tartibini uch oy muddatda ishlab chiqsin va tasdiqlasin;

bir oy muddatda — Oʻzbekiston Respublikasi Bojxona qoʻmitasining Milliy kinologiya markazi toʻgʻrisidagi Ustavni ishlab chiqsin va tasdiqlasin;

bir oy muddatda — Oʻzbekiston Respublikasi bojxona organlari kinologlarining faoliyati natijadorligini baholash mezonlarini ishlab chiqsin va tasdiqlasin.

10. Belgilab qoʻyilsinki;

Milliy kinologiya markazi xodimlarini Oʻzbekiston Respublikasi tashqarisiga xizmat safariga yuborilganda xizmat safari xarajatlarini qoplash hamda Markazda tashkil etiladigan xalqaro va milliy koʻrgazmalar, musobaqalar va boshqa tadbirlarni oʻtkazish, shuningdek, xorijiy mamlakatlar hamda xalqaro tashkilotlarning delegatsiyalarini kutib olish bilan bogʻliq xarajatlar Markazning rivojlantirish jamgʻarmasi mablagʻlari hisobidan amalga oshirilishi mumkin.

Bojxona qoʻmitasining koʻrsatmasiga asosan Markazning rivojlantirish jamgʻarmasi mablagʻlari Bojxona qoʻmitasining rivojlantirish jamgʻarmasiga oʻtkaziladi va Bojxona qoʻmitasi tomonidan qonunchilikda belgilangan tartibda sarflanadi.

xizmatlar koʻrsatish va xizmat itlarini sotishdan tushadigan pul mablagʻlari toʻliq hajmda Milliy kinologiya markazini rivojlantirish jamgʻarmasiga yoʻnaltiriladi va uning moddiy-texnika bazasini mustahkamlash hamda xodimlarni moddiy ragʻbatlantirish uchun belgilangan tartibda foydalaniladi;

Oʻzbekiston Respublikasining respublika budjeti mablagʻlari, Bojxona qoʻmitasining budjetdan tashqari mablagʻlari, xalqaro moliya va boshqa institutlar, xorijiy tashkilotlarning grantlari, shuningdek, qonun hujjatlarida taqiqlanmagan boshqa manbalar Milliy kinologiya markazi faoliyatini moliyalashtirish manbalari hisoblanadi.

11. Oʻzbekiston Respublikasi Bojxona qoʻmitasi Tashqi ishlar vazirligi, Investitsiyalar va tashqi savdo vazirligi bilan birgalikda loyihalarni amalga oshirish va Milliy kinologiya markazining faoliyatini yanada takomillashtirish uchun xalqaro grantlarni jalb etish choralarini koʻrsin.

13. Vazirlar Mahkamasining “Milliy kinologiya markazini tashkil etish toʻgʻrisida” 1996-yil 24-oktabrdagi 364-son qarori oʻz kuchini yoʻqotgan deb hisoblansin.

14. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari N.S. Otajonov va Oʻzbekiston Respublikasi Bojxona qoʻmitasi raisi M.B. Azimov zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2018-yil 18-dekabr,

1029-son

Vazirlar Mahkamasining 2018-yil 18-dekabrdagi 1029-son qaroriga 1-ILOVA

Oʻzbekiston Respublikasi Iqtisodiyot va moliya vazirligi huzuridagi Bojxona qoʻmitasi Milliy kinologiya markazining tashkiliy

TUZILMASI

Xodimlarning cheklangan soni 65 nafar (mehnat shartnomasi boʻyicha ishga qabul qilinadigan xodimlar hisobga olinmagan holda).

Vazirlar Mahkamasining 2018-yil 18-dekabrdagi 1029-son qaroriga 2-ILOVA

Oʻzbekiston Respublikasi Iqtisodiyot va moliya vazirligi huzuridagi Bojxona qoʻmitasining Milliy kinologiya markazi, hududiy boshqarmalari va “Toshkent-AERO” ixtisoslashtirilgan bojxona kompleksi xizmat itlarini kunlik ovqatlantirish ratsion normalari

t/r Mahsulotlar nomi Oʻlchov birligi 5 oygacha boʻlgan kuchuklar 5 oylikdan katta kuchuklar 2-3 haftalik 3-4 haftalik 1-2 oylik 2-3 oylik 3-4 oylik Oʻrta zotli itlar Yirik zotli itlar 1. Yorma yoki makaron mahsulotlar (turli xil) gr. - 100 200 300 300 300 600 2. 2-toifadagi goʻsht (mol, ot, qoʻy) yoki gr. - 100 200 250 300 320 400 2-toifadagi submahsulotlar (kalla-pochcha va boshqalar) gr. - - - - - 800 1000 3. Sabzavotlar (piyoz, kartoshka va boshqalar) gr. - 50 100 100 100 200 300 4. Hayvon yogʻlari gr. - - 5 10 10 10 13 5. Tuz gr. - 3 5 10 10 10 15 6. Sut ml. 150 250 300 500 500 - - 7. Tvorog gr. 20 50 100 150 250 - - 8. Tovuq tuxumi dona 0,5 0,5 1 1 1 - - 9. Suyak uni gr. - 5 10 10 13 13 14

Izoh:

1. Itlarni ovqatlantirish uchun foydalaniladigan asosiy yormalarga guruch va guruch yormasi (yanchilgan) suli yormasi, bugʻdoy yormasi (yanchilgan), arpa yormasi (yanchilgan), tariq, makkajoʻxori yormasi (yanchilgan), manniy, grechka yormasi (maydasi) va veterinar mutaxassislar tavsiya etadigan boshqa mahsulotlar kiradi.

2. Kunlik normar boʻyicha donli mahsulotlardan har kuni guruch (yoki guruch maydasi) beriladi, qolgan donli mahsulot turlari navbatma-navbat yoki aralashtirilib belgilangan normalar doirasida beriladi. Yormalarni bugʻdoyning qattiq navidan tayyorlangan va belgilangan normaga teng makaron mahsulotlari bilan almashtirish mumkin. Veterinar mutaxassislar tavsiyasiga koʻra, yormalar bilan kunlik ovqatlantirish normasi belgilangan normadan 50 foizdan ortiq boʻmagan miqdorda oʻzgartirilishi mumkin.

3. Veterinar mutaxassislar tavsiyasiga koʻra va qoʻllash yoʻriqnomalari hisobga olingan holda, itlarga suyak uni oʻrniga yoki qoʻshimcha ravishda vitaminlar — itlar uchun foydalaniladigan mineral qoʻshimcha ozuqalar/preparatlar qoʻllanilishi mumkin.

4. Xizmat itlarini tayyor quruq ozuqalar bilan qisman yoki toʻliq boqishda foydalaniladigan ozuqa yoʻriqnomasi va bitta it hisobga olingan holda kunlik norma beriladi: oʻrta zotli itlarga 1500 — 2000 k/kall, yirik zotli itlarga 2500 — 3000 k/kall. Tayyor ozuqalar bilan boqish normasi veterinar xulosasiga asosan kunlik normaning 20 foizidan ortiq boʻlmagan holda oʻzgartirilishi mumkin.

5. Kuchukchalar ratsioniga tayyor ozuqalar tayyorlovchi va veterinar mutaxassislar tavsiyalariga koʻra kiritiladi.

Vazirlar Mahkamasining 2018-yil 18-dekabrdagi 1029-son qaroriga 3-ILOVA

Oʻzbekiston Respublikasi Iqtisodiyot va moliya vazirligi huzuridagi Bojxona qoʻmitasining Milliy kinologiya markazi, hududiy boshqarmalari va “Toshkent-AERO” ixtisoslashtirilgan bojxona kompleksi xizmat itlarini umumiy ovqatlantirish ratsioniga qoʻshimcha kunlik normalar

t/r Mahsulot nomi Oʻlchov birligi Zotdor it Boʻgʻoz it Emizikli it Milliy kinologiya markazi veterinariya xizmatining xulosasi boʻyicha 1. Yorma yoki makaron mahsulotlar (turli xil) gr. - - - - 2. 2-toifadagi goʻsht (mol, ot, qoʻy) yoki gr. 50 100 100 - 2-toifadagi submahsulotlar (kalla-pochcha va boshqalar) gr. 125 250 250 - 3. Sabzavotlar (piyoz, kartoshka va boshqalar) gr. - - - 4. Hayvon yogʻlari gr. - - - - 5. Tuz gr. - - - - 6. Sut ml. - - 500 500 7. Tvorog gr. - 100 200 100 8. Tovuq tuxumi dona - 1 1 1 9. Suyak uni gr. - - - -

Vazirlar Mahkamasining 2018-yil 18-dekabrdagi 1029-son qaroriga 4-ILOVA

Bojxona postlari xizmat itlarini kunlik ovqatlantirish uchun kompensatsiya toʻlovlari stavkalari

t/r Itning zoti Bazaviy hisoblash miqdoriga nisbatan stavka miqdori Oʻrta zotli itlar 1. Rus spaniyeli 5% 2. Ingliz kokker spaniyeli 3. Amerika kokker spaniyeli 4. Velsh-teryer 5. Yagdteryer 6. Bigl 7. Foks-teryer Yirik zotli itlar 1. Nemis ovcharkasi 7% 2. Belgiya ovcharkasi 3. Sharqiy Yevropa ovcharkasi 4. Oʻrta Osiyo ovcharkasi 5. Kavkaz ovcharkasi 6. Labrador 7. Rotveyler 8. Kursxaar 9. Doberman 10. Rizenshnautser

Izoh: Zarurat boʻlganda, Bojxona qoʻmitasi bojxona postlari xizmat itlarini kunlik ovqatlantirish uchun ushbu kompensatsiya toʻlovlari stavkalariga Moliya vazirligi bilan kelishgan holda oʻzgartirish va qoʻshimchalar kiritishi mumkin.

Bojxona postlaridagi xizmat itlari hududiy bojxona boshqarmalari tomonidan markazlashgan tartibda tayyor quruq ozuqa bilan taʼminlanishi mumkin. Bunda xizmat itlariga kunlik oziqlantirish uchun kompensatsiya toʻlovlari toʻlanmaydi.