Yoshlarni vatanparvarlik ruhida va jismoniy tarbiyalash hamda chaqiriluvchilarni harbiy-texnik mutaxassisliklar boʻyicha tayyorlash tartibini takomillashtirish boʻyicha qoʻshimcha chora-tadbirlar toʻgʻrisida (PQ-4061-son)

12.12.2018

Oʻzbekiston Respublikasi Prezidentining

Qarori

Keyingi yillarda mamlakatimizda chaqiriluvchilarni harbiy-texnik mutaxassisliklar boʻyicha tayyorlash, maʼnan yetuk va jismonan sogʻlom shaxsni kamol toptirish sohasida muayyan ishlar amalga oshirildi, sport, shu jumladan, uning texnik va amaliy turlari bilan shugʻullanish uchun qulay shart-sharoitlar yaratildi.

Shu bilan birga, Qurolli Kuchlarni jihozlash uchun keltirilayotgan zamonaviy harbiy texnika va qurol-aslahalar darajasi fan-texnika taraqqiyoti yutuqlariga tezkor va munosib ravishda eʼtibor qaratish zarurligini hamda chaqiruvgacha boʻlgan yoshlarni harbiy xizmatga tayyorlash tizimini takomillashtirishni taqozo etmoqda.

Oʻsib kelayotgan yosh avlodni maʼnaviy-axloqiy va harbiy-vatanparvarlik ruhida tarbiyalash, unda mamlakat suvereniteti va mustaqilligini himoya qilish boʻyicha burch tuygʻusini shakllantirish borasidagi tadbirlar lozim darajada olib borilmayapti.

Sportning texnik va amaliy turlarini rivojlantirishga toʻsqinlik qilayotgan qator kamchiliklar mavjud, xususan:

sportning mazkur turlari boʻyicha mutaxassislarni tayyorlash, qayta tayyorlash va ularning malakasini oshirishning puxta tizimi yoʻlga qoʻyilmagan;

sport kadrlarini moddiy ragʻbatlantirish va ijtimoiy qoʻllab-quvvatlashning samarali tizimi joriy etilmagan;

terma jamoalarni tayyorlash va musobaqalar oʻtkazish uchun sport infratuzilmasi va moddiy-texnik bazasi yetarli darajada rivojlanmagan;

aholi, ayniqsa yosh avlod oʻrtasida sportning texnik va amaliy turlarini ommalashtirish boʻyicha taʼsirchan choralar koʻrilmayapti.

Chaqiriluvchilarni harbiy-texnik mutaxassisliklar boʻyicha va fuqarolarni ommaviy texnik kasblarga sifatli tayyorlashni tashkil etish, sportning texnik va amaliy turlarini yanada rivojlantirish, oʻsib kelayotgan yosh avlodni maʼnaviy-axloqiy va harbiy-vatanparvarlik ruhida tarbiyalash boʻyicha faoliyatni takomillashtirish maqsadida:

1. Maʼlumot uchun qabul qilinsinki, Oʻzbekiston Respublikasi mudofaasiga koʻmaklashuvchi “Vatanparvar” tashkiloti Markaziy kengashi tomonidan 1-ilovaga muvofiq taʼlim muassasalari va avtodromlarni ularning asosiy vositalari, oʻquv va moddiy-texnik bazasi bilan birgalikda mulk qilib davlatga begʻaraz berish toʻgʻrisida qaror qabul qilingan.

Oʻzbekiston Respublikasi Mudofaa vazirligi taʼlim muassasalari va avtodromlarni ularning asosiy vositalari, oʻquv va moddiy-texnika bazasi bilan birga operativ boshqarish huquqi asosida qabul qilib olsin.

2. Oʻzbekiston Respublikasi Mudofaa vazirligining Qoraqalpogʻiston Respublikasi, viloyatlar va Toshkent shahar mudofaa ishlari boshqarmalari (keyingi oʻrinlarda — mudofaa ishlari boshqarmalari) huzurida yuridik shaxs maqomiga ega boʻlmagan Chaqiriluvchilarni harbiy-texnik mutaxassisliklar boʻyicha tayyorlash markazlarini (keyingi oʻrinlarda — Markazlar) tashkil etish toʻgʻrisidagi taklifiga rozilik berilsin.

3. Belgilab qoʻyilsinki:

Markazga Oʻzbekiston Respublikasi mudofaa vaziri tomonidan lavozimga tayinlanadigan va lavozimdan ozod qilinadigan direktor rahbarlik qiladi;

Markaz direktori maqomi va mehnatga haq toʻlash (pul taʼminoti) sharoitlariga koʻra mudofaa ishlari boshqarmasi boshligʻining oʻrinbosariga tenglashtiriladi;

Markaz fuqaro xodimlarining ish haqi mudofaa ishlari boshqarmalarining fuqaro xodimlari uchun belgilangan tartib va meʼyorlarda toʻlanadi;

Markazlarning faoliyati Oʻzbekiston Respublikasi Davlat budjetining mablagʻlari va qonun hujjatlari bilan taqiqlanmagan boshqa manbalar hisobidan moliyalashtiriladi;

mudofaa ishlari boshqarmalari Markazlarda tayyorgarlikdan, qayta tayyorgarlikdan oʻtgan va malakasini oshirgan avtomototransport vositalari haydovchilarining, shuningdek, ommaviy texnik kasblarning boshqa mutaxassislarining hisobini yuritadi;

Markazlar faoliyati tashkil etilgunga qadar chaqiriluvchilarni harbiy-texnik mutaxassisliklar boʻyicha tayyorlash amaldagi tartibga muvofiq amalga oshiriladi.

4. Quyidagilarga:

a) Markazlarga:

avtomototransport vositalarining haydovchilarini, shuningdek, ommaviy texnik kasblarning boshqa mutaxassislarini tayyorlash, qayta tayyorlash va ularning malakasini oshirish boʻyicha jismoniy va yuridik shaxslarga pullik xizmatlar koʻrsatish;

avtomototransport vositalari haydovchilarini, shuningdek, ommaviy texnik kasblarning boshqa mutaxassislarini tayyorlash uchun Oʻzbekiston Respublikasi Mudofaa vazirligi boʻlinmalarining oʻquv va moddiy-texnik bazasidan begʻaraz foydalanish;

b) Oʻzbekiston Respublikasi Mudofaa vazirligiga Markazlarning pullik xizmatlar koʻrsatishdan tushgan boʻsh mablagʻlarni tijorat banklarining depozitlariga joylashtirish, keyinchalik ular boʻyicha toʻlangan foizlardan:

yoshlarni maʼnaviy-axloqiy va harbiy-vatanparvarlik ruhida tarbiyalash faoliyatini amalga oshirish uchun;

Markazlarning hamda Oʻzbekiston Respublikasi Mudofaa vazirligining moddiy-texnik bazasini qurish, taʼmirlash, mustahkamlash va rivojlantirish uchun foydalanishga ruxsat berilsin.

5. Quyidagilar Oʻzbekiston Respublikasi mudofaasiga koʻmaklashuvchi “Vatanparvar” tashkiloti (keyingi oʻrinlarda — “Vatanparvar” MKT) faoliyatining asosiy yoʻnalishlari etib belgilansin:

yoshlar va fuqarolarni maʼnaviy-axloqiy va harbiy-vatanparvarlik ruhida tarbiyalash, ularning ongiga vatanparvarlik, Vatanga muhabbat, mehnatga masʼuliyatli munosabat, harbiy xizmatga hurmat tuygʻularini singdirish;

sportning texnik va amaliy turlarini rivojlantirilishi va ommalashtirilishini taʼminlash, sport tashkilotlari va jamoalari faoliyatiga koʻmaklashish;

bolalar, oʻsmirlar va chaqiruvgacha boʻlgan yoshlar oʻrtasida ommaviy sport ishlarini tashkil etish va oʻtkazish;

yoshlar va fuqarolarni mudofaa sohasidagi boshlangʻich bilimlarga oʻqitishda va ularni harbiy xizmatga tayyorlashda davlat hokimiyati organlariga koʻmaklashish;

avtomototransport vositalari haydovchilarini, shuningdek, ommaviy texnik kasblar mutaxassislarini tayyorlash, qayta tayyorlash va ularning malakasini oshirish;

shunday yoʻnalishlar boʻyicha faoliyat yuritayotgan xalqaro tashkilotlar bilan faol hamkorlik qilish.

6. Oʻzbekiston Respublikasi Prezidentining 2018-yil 4-avgustdagi “Oʻzbekiston Respublikasi Qurolli Kuchlari harbiy xizmatchilarining maʼnaviy-maʼrifiy saviyasini oshirish tizimini tubdan takomillashtirish toʻgʻrisida” PQ-3898-son qarori bilan tuzilgan Oʻzbekiston Respublikasi Qurolli Kuchlari tizimida maʼnaviy-maʼrifiy ishlar samaradorligini oshirish konsepsiyasini amalga oshirish boʻyicha respublika idoralararo komissiyasi va uning hududiy komissiyalari zimmasiga:

“Vatanparvar” MKTga yuklangan vazifalarni amalga oshirishda unga yaqindan koʻmaklashish;

yoshlarni harbiy-vatanparvarlik ruhida tarbiyalashni tashkil etish, sportning texnik va amaliy turlarini rivojlantirish boʻyicha oʻtkazilayotgan tadbirlar samaradorligini oʻrganish, mavjud muammolarni hal etish boʻyicha takliflar ishlab chiqish majburiyati yuklansin.

7. Yoshlarni harbiy-vatanparvarlik ruhida tarbiyalash sohasidagi faoliyatni takomillashtirish boʻyicha “Yoʻl xaritasi” (keyingi oʻrinlarda — “Yoʻl xaritasi”) 2-ilovaga muvofiq tasdiqlansin.

8. Oʻzbekiston Respublikasi Mudofaa vazirligi “Vatanparvar” MKT bilan birgalikda:

yoshlar orasida ularda vatanparvarlik, Vatanga muhabbat, mehnatga masʼuliyatli munosabat, harbiy xizmatga hurmat tuygʻularini tarbiyalash, mamlakat suvereniteti va mustaqilligini himoya qilish boʻyicha yuksak burch tuygʻusini shakllantirish borasidagi ishlarni kuchaytirsin;

yoshlarni harbiy-vatanparvarlik ruhida tarbiyalashga yoʻnaltirilgan turli sport va boshqa tadbirlarni, festivallar va tanlovlarni tashkil etish va oʻtkazishni kengaytirsin;

zamon talablarini hisobga olgan holda sogʻlom turmush tarzini targʻib etish hamda yoshlar va fuqarolarda yuksak maʼnaviy-axloqiy fazilatlarni tarbiyalash boʻyicha maʼnaviy-maʼrifiy ishlarni amalga oshirsin.

9. Quyidagilarni nazarda tutuvchi 2019 — 2021-yillarda Oʻzbekiston Respublikasida sportning texnik va amaliy turlarini yanada rivojlantirish va ommalashtirish boʻyicha chora-tadbirlar dasturi (keyingi oʻrinlarda — Chora-tadbirlar dasturi) 3-ilovaga muvofiq tasdiqlansin:

sportning texnik va amaliy turlarini rivojlantirishning tashkiliy-huquqiy bazasini takomillashtirish;

sportning texnik va amaliy turlari murabbiylari va mutaxassislarini tayyorlash, qayta tayyorlash va ularning malakasini oshirish tizimini joriy etish;

milliy va xalqaro musobaqalarning gʻolib va sovrindorlarini ragʻbatlantirish, shuningdek, sportning texnik va amaliy turlari murabbiylari va mutaxassislarini ijtimoiy va moddiy qoʻllab-quvvatlashni kuchaytirish;

sportning texnik va amaliy turlarining zamonaviy moddiy-texnik va oʻquv-mashq bazasini yaratish, shuningdek, sport anjomlari va uskunalarini mamlakatimizda ishlab chiqarishni tashkil etish;

sportning texnik va amaliy turlarini ommalashtirish, yoshlarni seksiyalar va toʻgaraklarga faol jalb etish, ularning ommabopligini taʼminlash;

sportning texnik va amaliy turlarini rivojlantirishga innovatsion texnologiyalarni, shuningdek, sportchilarni tayyorlashning oʻquv-mashq jarayoniga ilgʻor uslublarni joriy etish.

10. Belgilansinki, “Vatanparvar” MKT huzuridagi Respublika texnik va amaliy sport turlari markazi sportning texnik va amaliy turlari boʻyicha yuqori malakali sportchilarni tayyorlaydigan muassasa hisoblanib, quyidagi vazifalarni bajaradi:

sportning texnik va amaliy turlari bilan shugʻullanish uchun zarur sport koʻnikmalariga ega iqtidorli va istiqbolli bolalarni sinchkovlik bilan tanlab olish, ularda tanlangan sport turi boʻyicha qobiliyatni, sport salohiyatini, kasbiy koʻnikma va mahoratni rivojlantirish;

respublikaning terma jamoalari uchun sport zaxirasi va yuqori toifali sportchilarni tayyorlash boʻyicha eng yangi ilmiy-metodik tavsiyalar hamda yutuqlar asosida oʻquv-mashq jarayonini samarali tashkil etish va amalga oshirish;

sport zaxirasi va yuqori toifali sportchilarni tayyorlash boʻyicha oʻquv-mashq jarayonini tashkil etish uchun zamonaviy infratuzilmani tashkil etish hamda malakali murabbiylar tarkibini shakllantirish;

sportchilar va murabbiylarning kasbiy mahoratini oshirish sohasida muntazam asosda tajriba almashishni tashkil etish orqali xorijiy sport muassasalari bilan hamkorlikni rivojlantirish.

11. Qoraqalpogʻiston Respublikasi Vazirlar Kengashi, Navoiy, Samarqand, Surxondaryo va Sirdaryo viloyatlari hokimliklari ikki oy muddatda “Vatanparvar” MKTning texnik va amaliy sport turlari hududiy markazlari faoliyatini tashkil etish uchun boʻsh yotgan binolarning tekin foydalanish huquqi asosida ajratilishini taʼminlasin.

12. Shunday tartib oʻrnatilsinki, unga muvofiq 2019/2020 oʻquv yilidan boshlab:

Oʻzbekiston Respublikasi Sport vazirligi, Iqtisodiyot va moliya vazirligi hamda Oliy taʼlim, fan va innovatsiyalar vazirligi tomonidan Oʻzbekiston davlat jismoniy tarbiya va sport universitetiga umumiy qabul kvotalari doirasida sportning texnik va amaliy turlari boʻyicha mutaxassislar tayyorlash uchun kvotalar koʻzda tutiladi;

avtomobil va mototsikl sporti, sportning aviamodel va raketamodel turlari hamda olimpiya oʻyinlari dasturiga kiritilgan sportning texnik va amaliy turlari boʻyicha respublika musobaqalarida birinchi, xalqaro musobaqalarda (Olimpiya oʻyinlari, Osiyo oʻyinlari, jahon chempionati va Osiyo chempionatida) birinchi, ikkinchi, uchinchi oʻrinlarni egallagan akademik litseylar, kasb-hunar kollejlari va umumtaʼlim maktablarining bitiruvchilariga tegishli oliy taʼlim muassasalariga taʼlimning ushbu sohadagi yoʻnalishlarga umumiy qabul kvotalari doirasida test sinovlarisiz va qoʻshimcha imtihonlarsiz qabul qilinadi.

13. Sport vazirligi huzuridagi Jismoniy tarbiya va sport boʻyicha mutaxassislarni qayta tayyorlash va malakasini oshirish institutida shartnoma asosida sportning texnik va amaliy turlari boʻyicha sport tashkilotlarining seksiya va toʻgaraklari mutaxassislari va oʻqituvchilarini qayta tayyorlash va ularning malakasini oshirish kurslari tashkil etilsin.

14. Oʻzbekiston Respublikasi Mudofaa vazirligi, “Vatanparvar” MKT va Oʻzbekiston Parashut sporti federatsiyasining parashut sporti boʻyicha sport seksiyalarini tashkil etish toʻgʻrisidagi taklifiga rozilik berilsin.

15. Oʻzbekiston Respublikasi Mudofaa vazirligi Oʻzbekiston Parashut sporti federatsiyasi va “Vatanparvar” MKT bilan birgalikda:

mamlakatda parashut sportini rivojlantirish, qoʻllab-quvvatlash va ommalashtirish, fuqarolarning mazkur sport turiga qiziqishini shakllantirish choralarini koʻrsin;

parashut sporti boʻyicha sport seksiyalarining aviatsiya va havo-desant komplekslari, parashut tizimlari, anjomlar va trenajerlar bilan, shuningdek, oʻquv-metodik va koʻrgazmali qurollar bilan jihozlanishini taʼminlasin;

“Vatanparvar” MKT markazlari va taʼlim muassasalari negizida fuqaro yoshlarni “parashutchi” mutaxassisligi boʻyicha tayyorlashni tashkil etsin.

16. Oʻzbekiston Milliy axborot agentligi, Milliy teleradiokompaniyasi, Oʻzbekiston Respublikasi Jismoniy tarbiya va sport vazirligi “Vatanparvar” MKT bilan birgalikda bir oy muddatda sportning texnik va amaliy turlarini ommalashtirishning media-rejasini tasdiqlasin, unda quyidagilar nazarda tutilsin:

mashhur sportchilar, murabbiylar va mutaxassislar ishtirokida telekoʻrsatuvlar tayyorlash va namoyish etish, shuningdek, sportning texnik va amaliy turlarini rivojlantiruvchi sport federatsiyalari (uyushmalari) va tashkilotlarining faoliyatini yoritish;

sotsiologik soʻrovlar va tadqiqotlar, reklama kampaniyalari va ijtimoiy roliklar namoyishini oʻtkazish;

teleradiokanallarda, jumladan, mavzu boʻyicha studiyadagi va sayyor turkum telekoʻrsatuv va radioeshittirishlar, tok-shou koʻrsatuvlari orqali sportning texnik va amaliy turlari bilan shugʻullanish masalalari boʻyicha keng tushuntirish ishlarini tashkil etish;

ommaviy axborot vositalarida, shu jumladan, Internet tarmogʻida axborot materiallarini joylashtirish;

sportning texnik va amaliy turlari bilan faol shugʻullanishga aholini jalb etish uchun parklar, ommaviy dam olish joylari, soʻqmoqlar, trassa va yoʻlaklar imkoniyatlaridan foydalanish.

17. Quyidagilar:

Oʻzbekiston Respublikasi yoshlar siyosati va sport vaziri A.I. Ikramovga:

yuklangan vazifalarning lozim darajada bajarilishi boʻyicha vazirlik va idoralarni muvofiqlashtirish, shuningdek, ushbu qarorning bajarilishini muntazam koʻrib chiqish;

sportchilarning xalqaro sport musobaqalarida va ommaviy jismoniy tarbiya tadbirlarida ishtirok etishini taʼminlash, sport uskunalari va anjomlarini ishlab chiqarishni tashkil etishga koʻmaklashish yuzasidan;

Oʻzbekiston Respublikasi mudofaa vaziri B.N. Kurbanovga — chaqiriluvchilarni harbiy-texnik mutaxassisliklarga tayyorlash markazlari faoliyatini lozim darajada tashkil etish va mamlakatda parashut sportini rivojlantirish yuzasidan;

vazirliklar, idoralar va boshqa tashkilotlarning rahbarlariga — ushbu “Yoʻl xaritasi” va Chora-tadbirlar dasturida nazarda tutilgan tadbirlarning oʻz vaqtida va sifatli amalga oshirilishi yuzasidan;

Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlariga — sportning texnik va amaliy turlari boʻyicha inshootlarning uzluksiz ishlashini taʼminlash, ulardan samarali foydalanish, moddiy-texnik bazasini mustahkamlash va lozim darajada jihozlash yuzasidan shaxsan javobgar ekanliklari koʻrsatib oʻtilsin.

18. Oʻzbekiston Respublikasi Moliya vazirligi 2019-yildan boshlab Oʻzbekiston Respublikasi Davlat budjetining parametrlarida ushbu qarorda nazarda tutilgan tadbirlarni amalga oshirish uchun, shu jumladan:

Markazlarning oʻquv muassasalari, avtodromlari, oʻquv va moddiy-texnik bazasini taʼminlash va rivojlantirishga;

“Vatanparvar” MKT huzuridagi Respublika texnik va amaliy sport turlari markazining alohida shtat birliklarini taʼminlash boʻyicha xarajatlarni, shuningdek, bu bilan bogʻliq boshqa xarajatlarni moliyalashtirishga zarur mablagʻlarni nazarda tutsin.

19. Oʻzbekiston Respublikasi Mudofaa vazirligi, Jismoniy tarbiya va sport vazirligi boshqa manfaatdor vazirlik va idoralar bilan birgalikda bir oy muddatda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

20. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidenti Administratsiyasi rahbari Z.Sh. Nizomiddinov, Oʻzbekiston Respublikasi Prezidenti maslahatchisi A.A. Abduvaxitov va Oʻzbekiston Respublikasi Prezidenti huzuridagi Xavfsizlik kengashi kotibi V.V. Maxmudov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2018-yil 12-dekabr,

PQ-4061-son

Oʻzbekiston Respublikasi Prezidentining 2018-yil 12-dekabrdagi PQ-4061-son qaroriga 1-ILOVA

Oʻzbekiston Respublikasi mudofaasiga koʻmaklashuvchi “Vatanparvar” tashkilotining barcha asosiy vositalari, oʻquv va moddiy-texnik bazasi bilan birgalikda davlatga begʻaraz berilayotgan taʼlim muassasalari va avtodromlari

roʻyxati

Oʻzbekiston Respublikasi Prezidentining 2018-yil 12-dekabrdagi PQ-4061-son qaroriga 2-ILOVA

Yoshlarni harbiy-vatanparvarlik ruhida tarbiyalash sohasidagi faoliyatni takomillashtirish boʻyicha

“Yoʻl xaritasi”

Oʻzbekiston Respublikasi Prezidentining 2018-yil 12-dekabrdagi PQ-4061-son qaroriga 3-ILOVA

2019 — 2021-yillarda Oʻzbekiston Respublikasida sportning texnik va amaliy turlarini yanada rivojlantirish va ommalashtirish boʻyicha

chora-tadbirlar dasturi

T/r Tadbirlar Amalga oshirish mexanizmi Bajarish muddati Moliyalashtirish manbalari Masʼul ijrochilar I. Sportning texnik va amaliy turlarini rivojlantirishning normativ-huquqiy bazasini takomillashtirish 1. Manfaatdor vazirliklar, idoralar va sport federatsiyalari (assotsiatsiyalari) oʻrtasida sportning texnik va amaliy turlarini rivojlantirish va ommalashtirish boʻyicha memorandumlar tuzish. Memorandumlar 2019-yil 1-mayga qadar — Jismoniy tarbiyava sport vazirligi (D. Nabiyev), Xalq taʼlimi vazirligi (Sh. Shermatov), Oliy va oʻrta maxsus taʼlim vazirligi (I. Madjidov), “Vatanparvar” MKT(R. Niyazov), Oʻzbekiston milliy teleradiokompaniyasi (A. Xodjayev), Oʻzbekiston Milliy axborot agentligi (A. Koʻchimov) 2. Qonunchilikka avtomobil va mototsikl sporti, sportning aviamodel va raketamodel turlari hamda olimpiya oʻyinlari dasturiga kiritilgan sportning texnik va amaliy turlari boʻyicha respublika musobaqalarida birinchi, xalqaro musobaqalarda (Olimpiya oʻyinlari, Osiyo oʻyinlari, jahon chempionati va Osiyo chempionatida) birinchi, ikkinchi, uchinchi oʻrinlarni egallagan akademik litseylar, kasb-hunar kollejlari va umumtaʼlim maktablarining bitiruvchilariga tegishli oliy taʼlim muassasalariga taʼlimning ushbu sohadagi yoʻnalishlariga umumiy qabul kvotalari doirasida test sinovlarisiz va qoʻshimcha imtihonlarsiz qabul qilish huquqini berishga yoʻnaltirilgan oʻzgarishlar kiritish. Vazirlar Mahkamasining qarori 2019-yil 1-fevralga qadar — Jismoniy tarbiya va sport vazirligi (D. Nabiyev), Oliy va oʻrta maxsus taʼlim vazirligi (I. Madjidov), “Vatanparvar” MKT (R. Niyazov) 3. Sportning texnik va amaliy turlari boʻyicha musobaqalarni tashkil qilish va oʻtkazish uchun meʼyoriy hujjatlarni hamda sport texnikasi va inshootlariga boʻlgan talablarni ishlab chiqish. Meʼyoriy hujjatlar 2019-yil 1-sentabrga qadar Ijrochilar va buyurtmachilarning oʻz mablagʻlari Jismoniy tarbiya va sport vazirligi (D. Nabiyev), “Vatanparvar” MKT (R. Niyazov), manfaatdor vazirliklar va idoralar 4. Respublikaning har bir hududida mavjud sport salohiyati, sport rezervlari, murabbiylar tarkibi va moddiy-texnik jihozlanganlikdan kelib chiqqan holda sportning texnik va amaliy turlarini rivojlantirish strategiyalarini ishlab chiqish va tasdiqlash. Meʼyoriy hujjat Ishlab chiqish va tasdiqlash — 2019-yil 1-iyunga qadar Amalga oshirish– 2019 — 2021-yillar — Jismoniy tarbiya va sport vazirligi (D. Nabiyev), “Vatanparvar” MKT (R. Niyazov), sport federatsiyalari (assotsiatsiyalari), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari 5. Sportning texnik va amaliy turlarini rivojlantiruvchi tashkilotlar, murabbiylar va sportchilar faoliyatining samaradorligini baholash koʻrsatkichlari tizimini ishlab chiqish va joriy qilish. Meʼyoriy hujjat 2019-yil 1-mayga qadar — Jismoniy tarbiya va sport vazirligi (D. Nabiyev), “Vatanparvar” MKT (R. Niyazov) II. Sportning texnik va amaliy turlari boʻyicha murabbiylar va mutaxassislarni tayyorlash, qayta tayyorlash va malakasini oshirish tizimini joriy etish 6. Sportning texnik va amaliy turlari boʻyicha mutaxassislar uchun tajriba almashish va malaka oshirish boʻyicha yetakchi xorijiy mutaxassislarni jalb qilgan holda seminarlar, kurslar hamda mahorat darslarini tashkil qilish. Tashkiliy tadbirlar 2019 — 2021-yillar Ijrochilar va buyurtmachilarning oʻz mablagʻlari — Jismoniy tarbiya va sport vazirligi (D. Nabiyev), Tashqi ishlar vazirligi (A. Kamilov), “Vatanparvar” MKT (R. Niyazov), Milliy olimpiya qoʻmitasi (U.Axmadjonov) 7. Oʻzbekiston Respublikasi Mudofaasiga koʻmaklashuvchi “Vatanparvar” tashkiloti sportning texnik va amaliy turlari hududiy markazlari (keyingi oʻrinlarda-markazlar) negizida seksiyalar va toʻgaraklar rahbarlari uchun oʻquv-uslubiy seminarlar va mashgʻulotlar tashkil etish. Tashkiliy tadbirlar 2019 — 2021-yillar Ijrochilar va buyurtmachilarning oʻz mablagʻlari “Vatanparvar” MKT (R. Niyazov) 8. Oʻzbekiston Respublikasi Jismoniy tarbiya va sport boʻyicha mutaxassislarni qayta tayyorlash va malakasini oshirish institutida shartnoma asosida sportning texnik va amaliy turlari boʻyicha sport tashkilotlarining seksiya va toʻgaraklari mutaxassislari va oʻqituvchilarini qayta tayyorlash va ularning malakasini oshirish kurslarini tashkil etish. Tashkiliy tadbirlar Doimiy Ijrochilar va buyurtmachilarning oʻz mablagʻlari Yoshlar siyosati va sport vazirligi (A. Ikramov), “Vatanparvar” MKT (R. Niyazov) 9. Sportning texnik va amaliy turlari boʻyicha oʻquv-metodik qoʻllanmalar tayyorlash va nashr qilish. Oʻquv-metodik qoʻllanma 2019 — 2021-yillar Ijrochilar va buyurtmachilarning oʻz mablagʻlari Jismoniy tarbiya va sport vazirligi (D. Nabiyev), “Vatanparvar” MKT (R. Niyazov) III. Sportning texnik va amaliy t�rlari boʻyicha milliy va xalqaro musobaqalar gʻoliblari va sovrindorlarini ragʻbatlantirish hamda murabbiylar va mutaxassislarni ijtimoiy va moddiy qoʻllab-quvvatlash 10. Sportning texnik va amaliy turlari boʻyicha quyidagilarni koʻzda tutuvchi toʻrt bosqichli sport musobaqalari tizimini joriy qilish: I bosqich — sport seksiyalarining sportchilari oʻrtasidagi sport musobaqalari (chempionat, birinchilik, kuboklar); II bosqich — sport seksiyalari oʻrtasidagi musobaqalarda gʻolib boʻlgan sportchilar oʻrtasidagi tuman (shahar) sport musobaqalari (chempionat, birinchilik, kuboklar); III bosqich — tuman (shahar) sport musobaqalarida gʻolib boʻlgan sportchilar oʻrtasidagi hududiy sport musobaqalari (chempionat, birinchilik, kuboklar); IV bosqich — hududiy sport musobaqalarida gʻolib boʻlgan sportchilar oʻrtasidagi respublika sport musobaqalari (chempionat, birinchilik, kuboklar). Tashkiliy chora-tadbirlar Kalendar rejaga muvofiq doimiy Ijrochilar va buyurtmachilarning oʻz mablagʻlari, kalendar reja doirasidagi budjet mablagʻlari, homiylar mablagʻlari Yoshlar siyosati va sport vazirligi (A. Ikramov), “Vatanparvar” MKT (R. Niyazov), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, sport federatsiyalari (assotsiatsiyalari) 11. Sportning texnik va amaliy turlari boʻyicha terma jamoalar tarkibiga kiritish uchun mamlakat hududlaridan tanlab olingan yosh iqtidorli sportchilar — milliy va xalqaro musobaqalar gʻoliblari va sovrindorlarini ragʻbatlantirish mexanizmlarini joriy qilish. Chora-tadbirlar kompleksi 2019-yil 1-mayga qadar Ijrochilar va buyurtmachilarning oʻz mablagʻlari “Vatanparvar” MKT (R. Niyazov), sport federatsiyalari (assotsiatsiyalari) 12. Sportning texnik va amaliy turlari boʻyicha yuqori sport natijalariga erishganOʻzbekiston Respublikasi milliy sport terma jamoalari va ularning zaxira sportchilari va murabbiylariga energetik sarflar oʻrnini toʻldirish va jismoniy resurslarini tiklash uchun kompensatsiya toʻlovlari toʻlashni taʼminlash. Tashkiliy tadbirlar 2019 — 2021-yillar Davlat budjeti mablagʻlari Moliya vazirligi (A. Xaydarov), Jismoniy tarbiya va sport vazirligi (D. Nabiyev) “Vatanparvar” MKT (R. Niyazov), sport federatsiyalari (assotsiatsiyalari) 13. Eng yaxshi trener, sportchi, sport hakami va boshqa mutaxassislar, shu jumladan sportning texnik va amaliy turlarini rivojlantiruvchi tashkilot rahbarlari va homiylar unvonini olish uchun Respublika tanlovini tashkil qilish. Tashkiliy tadbirlar Har yili Ijrochilar va buyurtmachilarning oʻz mablagʻlari “Vatanparvar” MKT (R. Niyazov), sport federatsiyalari (assotsiatsiyalari) 14. Sportning texnik va amaliy turlari boʻyicha murabbiylar va mutaxassislarning ijtimoiy-maishiy va moddiy sharoitlarini yanada yaxshilash boʻyicha takliflarni ishlab chiqish va kiritish. Tahliliy maʼlumotnoma 2019-yil 1-iyulga qadar — Jismoniy tarbiya va sport vazirligi (D. Nabiyev), “Vatanparvar” MKT (R. Niyazov), sport federatsiyalari (assotsiatsiyalari) IV. Sportning texnik va amaliy turlari uchun zamonaviy moddiy-texnik va oʻquv-mashq bazasini yaratish hamda sport anjomlari va uskunalari ishlab chiqarishni tashkil etish 15. Markazlarni joylashtirish uchun Nukus, Guliston, Navoiy, Samarqand va Termiz, shaharlarida boʻsh turgan binolarni bepul foydalanish huquqi asosida ajratish. Chora-tadbirlar kompleksi 2019-yil 1-fevralga qadar — Qoraqalpogʻiston Respublikasi Vazirlar Kengashi, viloyatlar hokimliklari, Davlat raqobat qoʻmitasi (N. Sharipov) 16. Markazlarni joylashtirish uchun Nukus, Guliston, Navoiy, Samarqand va Termizshaharlarida ajratilgan binolarni kapital taʼmirlash, rekonstruksiya qilish va jihozlash boʻyicha ishlarni tashkil qilish. Tashkiliy tadbirlar 2019–2020-yillar Ijrochilar va buyurtmachilarning oʻz mablagʻlari “Vatanparvar” MKT (R. Niyazov) 17. 2019-2020-yillar uchun sportning texnik va amaliy turlarini rivojlantiruvchi tashkilotlarning moddiy-texnik va oʻquv-mashq bazasini rivojlantirishning Kompleks dasturni tasdiqlash, unda sport tashkilotlariga sport texnikasi va anjomlarini sotib olishni hamda ularni ishlab chiqarishni tashkil qilishni koʻzda tutish. Vazirlar Mahkamasining qarori 2019-yil 1-sentabrga qadar Mahalliy budjet mablagʻlari, ijrochilar va buyurtmachilarning oʻz mablagʻlari Jismoniy tarbiya va sport vazirligi(D. Nabiyev), “Vatanparvar” MKT (R. Niyazov), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, sport federatsiyalari (assotsiatsiyalari) 18. Sportning texnik va amaliy turlari boʻyicha barcha mavjud sport inshootlarini pasportlashtirish ishlarini tashkil qilish. Tashkiliy tadbirlar 2019-yil 1-iyunga qadar — Jismoniy tarbiya va sport vazirligi (D. Nabiyev), “Vatanparvar” MKT (R. Niyazov), sport federatsiyalari (assotsiatsiyalari) 19. Sportning texnik va amaliy turlari uchun sport anjomlari va uskunalarini ishlab chiqarish boʻyicha yetakchi xorijiy mamlakatlarning ilgʻor tajribalarini oʻrganish. Oʻrganish natijalari boʻyicha sportning texnik va amaliy turlarini rivojlantirish uchun zarur sport anjomlari va uskunalari roʻyxatini shakllantirish va ularni Oʻzbekiston Respublikasi hududida ishlab chiqarishni tashkil qilish boʻyicha Oʻzbekiston Respublikasi Vazirlar Mahkamasiga takliflar kiritish. Tahliliy maʼlumotnoma 2019-yil 1-mayga qadar — Jismoniy tarbiya va sport vazirligi (D. Nabiyev), Tashqi ishlar vazirligi (A. Kamilov), Iqtisodiyot vazirligi (B. Xodjayev), “Vatanparvar” MKT (R. Niyazov), sport federatsiyalari (assotsiatsiyalari) V. Sportning texnik va amaliy turlarini ommalashtirish, yoshlarni seksiyalar va toʻgaraklarga faol jalb qilish, ularning ommabopligini taʼminlash 20. Sportning texnik va amaliy turlari boʻyicha faol mashgʻulotlar uchun parklar, shahar tashqarisidagi maydonlar, ommaviy dam olish joylari, shu jumladan soʻqmoqlar, trassalar va yoʻlaklar imkoniyatlaridan foydalanish boʻyicha chora-tadbirlarni ishlab chiqish va amalga oshirish. Chora-tadbirlar dasturi 2019 — 2021-yillar — Madaniyat vazirligi (B. Sayfullayev), Jismoniy tarbiya va sport vazirligi (D. Nabiyev), “Vatanparvar” MKT (R. Niyazov) 21. Sportning texnik va amaliy turlarini rivojlantiruvchi tashkilotlarning xalqaro sport tashkilotlari bilan aloqalarini mustahkamlash boʻyicha chora-tadbirlar tizimini ishlab chiqish va amalga oshirish. Chora-tadbirlar dasturi 2019 — 2021-yillar — Jismoniy tarbiya va sport vazirligi (D. Nabiyev), Tashqi ishlar vazirligi (A Kamilov), “Vatanparvar” MKT (R. Niyazov) 22. Mamlakatda sportning texnik va amaliy turlari rivojlanishi, sportning ushbu turlariga aholi turli toifalari, eng avvalo, yoshlar oʻrtasida talab va takliflar nisbati monitoringini oʻtkazish. Tahliliy maʼlumotnoma 2019-yil 1-avgustga qadar — Jismoniy tarbiya va sport vazirligi (D. Nabiyev), “Vatanparvar” MKT (R. Niyazov) 23. Sportning texnik va amaliy turlarini ommalashtirish va targʻib qilish media-rejasini ishlab chiqish, tasdiqlash va amalga oshirish. Media-reja 2019-yil 1-dekabrga qadar Ijrochilar va buyurtmachilarning oʻz mablagʻlari “Vatanparvar” MKT (R. Niyazov), Oʻzbekiston Milliy axborot agentligi (A. Koʻchimov), Oʻzbekiston Milliy teleradiokompaniyasi (A. Xodjayev) 24. Ommaviy axborot vositalarida sportning texnik va amaliy turlarini rivojlantiruvchi tashkilotlar faoliyatini keng yoritish, bosma nashrlarda va internet-resurslarda maqolalar eʼlon qilish hamda telekoʻrsatuvlar tayyorlash va videoroliklarni joylashtirish. Tashkiliy tadbirlar Doimiy Ijrochilar va buyurtmachilarning oʻz mablagʻlari Oʻzbekiston Milliy teleradiokompaniyasi (A. Xodjayev), Oʻzbekiston Milliy axborot agentligi (A. Koʻchimov), “Vatanparvar” MKT (R. Niyazov), Yoshlar siyosati va sport vazirligi (A. Ikramov) 25. Qoʻshimcha seksiyalar va toʻgaraklar ochish yoʻli bilan bolalarni va yoshlarni, mehribonlik uylari va maktab-internatlar tarbiyalanuvchilarini hamda voyaga yetmaganlarni sportning texnik va amaliy turlari bilan shugʻullanishga jalb qilish uchun aniq maqsadga yoʻnaltirilgan ishlarni tashkil qilish. Chora-tadbirlar kompleksi Doimiy — Maktabgacha va maktab taʼlimi vazirligi (X. Umarova), Yoshlar siyosati va sport vazirligi (A. Ikramov), “Vatanparvar” MKT (R. Niyazov), sport federatsiyalari (assotsiatsiyalari) 26. Sportning texnik va amaliy turlari boʻyicha sifatli sport zaxirasini saralash va shakllantirishni amalga oshirish maqsadida bolalar-oʻsmirlar musobaqalarini va turnirlarini tashkil qilish va oʻtkazish. Kalendar reja 2019 — 2021-yillar Ijrochilar va buyurtmachilarning oʻz mablagʻlari Jismoniy tarbiya va sport vazirligi (D. Nabiyev), Xalq taʼlimi vazirligi (Sh. Shermatov), Oliy va oʻrta maxsus taʼlim vazirligi (I. Madjidov), “Vatanparvar” MKT (R. Niyazov), sport federatsiyalari (assotsiatsiyalari) VI. Sportning texnik va amaliy turlarini rivojlantirishga innovatsion texnologiyalarni hamda sportchilarni tayyorlashning oʻquv-mashq jarayoniga ilgʻor usullarni joriy etish 27. Oliy natijalar sportini rivojlantirish va oʻquv-mashq jarayoni texnologiyalarini takomillashtirish hamda ilgʻor xorijiy tajribalar asosida sportning texnik va amaliy turlari boʻyicha terma jamoalarni tayyorlash masalalari boʻyicha ilmiy-metodik adabiyotlarni ishlab chiqish va nashr etilgan adabiyotlarni sport tashkilotlari, federatsiyalari (assotsiatsiyalari) oʻrtasida taqsimlash. Tashkiliy tadbirlar 2019 — 2021-yillar Ijrochilar va buyurtmachilarning oʻz mablagʻlari Jismoniy tarbiya va sport vazirligi (D. Nabiyev), “Vatanparvar” MKT (R. Niyazov), sport federatsiyalari (assotsiatsiyalari) 28. Yangi oʻq otish tirlarni tashkil etish va mavjudlarini modernizatsiyalash, ularni zamonaviy uskunalar, kompyuter trenajyorlari va sport qurollari bilan jihozlash. Chora-tadbirlar rejasi 2019–2020-yillar Ijrochilar va buyurtmachilarning oʻz mablagʻlari “Vatanparvar” MKT (R. Niyazov), sport federatsiyalari (assotsiatsiyalari) 29. Sportning texnik va amaliy turlari boʻyicha mamlakat terma jamoalarini tayyorlashning ilmiy-metodik taʼminotini amalga oshirish va oʻquv-mashq jarayonini takomillashtirish boʻyicha tavsiyanomalar ishlab chiqish uchun yetakchi sport mutaxassislaridan kompleks ishchi guruhlar tuzish va ishchi guruhlarni zarur zamonaviy asbob-uskunalar bilan taʼminlash. Chora-tadbirlar kompleksi 2019-yil 15-martga qadar — Jismoniy tarbiya va sport vazirligi (D. Nabiyev), “Vatanparvar” MKT (R. Niyazov), sport federatsiyalari (assotsiatsiyalari) 30. Sportning texnik va amaliy turlari sohasida ilmiy-tadqiqot ishlarini oʻtkazishni faollashtirish boʻyicha chora-tadbirlar kompleksini ishlab chiqish. Chora-tadbirlar kompleksi 2019-yil 1-sentabrga qadar Ijrochilar va homiylarning mablagʻlari Jismoniy tarbiya va sport vazirligi (D. Nabiyev), Fanlar akademiyasi (B.Yuldashev), Innovatsion rivojlanish vazirligi (I.Abduraxmonov), “Vatanparvar” MKT (R. Niyazov), sport federatsiyalari (assotsiatsiyalari)