Oʻzbekiston Respublikasi sogʻliqni saqlash tizimini tubdan takomillashtirish boʻyicha kompleks chora-tadbirlar toʻgʻrisida (PF-5590-son)

07.12.2018

Oʻzbekiston Respublikasi Prezidentining

Farmoni

Respublikada sogʻliqni saqlash tizimini isloh qilish chora-tadbirlarini amalga oshirish doirasida aholiga tibbiy yordam koʻrsatishning zamonaviy tizimini shakllantirish borasida muayyan natijalarga erishildi.

Oʻtgan davrda qishloq vrachlik punktlari, shahar va qishloq oilaviy poliklinikalarini tashkil etish orqali birlamchi tibbiy-sanitariya yordamini koʻrsatish tizimi takomillashtirildi hamda aholining ushbu xizmatlardan foydalanish imkoniyatlari kengaytirildi. Shoshilinch tibbiy yordam koʻrsatishning yagona markazlashgan tizimi yaratildi, fuqarolarga, jumladan, joylarda yuqori texnologiyalarga asoslangan tibbiy yordam koʻrsatuvchi respublika ixtisoslashtirilgan ilmiy-amaliy tibbiyot markazlari tarmogʻi takomillashtirilmoqda.

Aholining reproduktiv salomatligini mustahkamlash, onalik va bolalikni muhofaza qilish boʻyicha qator maqsadli milliy dasturlar amalga oshirildi. Bolalarning irsiy va tugʻma kasalliklar bilan tugʻilishining oldini olish maqsadida respublika va hududiy skrining markazlari tashkil etildi.

Natijada 1991 — 2017-yillarda umumiy oʻlim koʻrsatkichi 20 foizga, onalar va chaqaloqlar oʻlimi 3,1 barobar kamaydi. Oʻrtacha umr koʻrish davomiyligi 1995-yilga nisbatan 4,6 yilga oshdi va bugungi kunda 73,7 yilni tashkil etmoqda.

Shu bilan birga, sogʻliqni saqlash sohasi faoliyatini tashkil etishda soʻnggi yillarda toʻplanib qolgan tizimli kamchilik va muammolar fuqarolarning sogʻligʻini muhofaza qilish tizimini yanada takomillashtirishga qaratilgan vazifalarni samarali hal etishga toʻsqinlik qilmoqda. Xususan:

birinchidan, sogʻliqni saqlash tizimini boshqarish va rejalashtirish boʻyicha konsepsiya hamda strategik maqsadlarning mavjud emasligi oqibatida ushbu sohadagi islohotlar toʻliq boʻlmagan shaklda amalga oshirilmoqda, bu esa aholining tibbiy yordam sifatiga doir istak va talablariga javob bermayapti;

ikkinchidan, sogʻliqni saqlash sohasidagi smetali moliyalashtirish tizimi eskirgan, zamonaviy xalqaro amaliyotga mos kelmaydigan mexanizmlarga asoslangan boʻlib, moliya resurslarining samarasiz ishlatilishiga va sohaning surunkali tarzda moliyalashtirilmay qolishiga olib kelmoqda;

uchinchidan, kasalliklarni profilaktika qilish va barvaqt aniqlash, patronaj va sogʻlom turmush tarzini shakllantirish boʻyicha ishlar samaradorligining pastligi fuqarolarning ixtisoslashgan tibbiy yordam soʻrab murojaat qilishining koʻpayishiga sabab boʻlmoqda;

toʻrtinchidan, aholiga tibbiy yordam koʻrsatishning turli darajalari va bosqichlari, shu jumladan, davolash va salomatlikni tiklash jarayonida uzviylik sust rivojlangan;

beshinchidan, amaldagi kadrlar siyosati tibbiy yordam koʻrsatishning barcha darajalarida, ayniqsa, birlamchi boʻgʻinda mutaxassislar bilan taʼminlashning, shuningdek, sogʻliqni saqlash tizimi tashkilotchilari va boshqaruv xodimlarini tayyorlashning istiqbollarini prognozlashtirish imkonini bermayapti;

oltinchidan, tibbiy amaliyotning taʼlim va ilm-fan bilan integratsiyasi sustligi ixtisoslashtirilgan markazlarning innovatsion salohiyati pastligi bilan birgalikda zamonaviy tibbiyot yutuqlarini davolash-tashxis jarayoniga joriy etishga salbiy taʼsir koʻrsatmoqda;

yettinchidan, elektron sogʻliqni saqlash sohasida yagona standartlar mavjud emas, tibbiy xizmatning integratsiyasini va samarali boshqarilishini taʼminlaydigan zamonaviy dasturiy mahsulotlar joriy etilmagan, mavjud axborot tizimlari va texnologiyalari tarqoq tusga ega va tor yoʻnalishlarga moʻljallangan.

Aholiga tibbiy yordam koʻrsatishning sifati, samaradorligi va ommabopligini tubdan oshirishni taʼminlaydigan sogʻliqni saqlash tizimini tashkil etish va moliyalashtirishning konseptual jihatdan yangi modellarini shakllantirish, tibbiyot fani va texnologiyalarining zamonaviy yutuqlarini joriy etish maqsadida, shuningdek, 2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasi vazifalariga muvofiq:

1. Quyidagilar Oʻzbekiston Respublikasi sogʻliqni saqlash tizimini isloh qilishning eng muhim yoʻnalishlari deb hisoblansin:

sogʻliqni saqlash sohasidagi milliy qonunchilikni uni unifikatsiyalash hamda tibbiy xizmat sifatini oshirish va bemorlar huquqlarini himoya qilish, shuningdek, tibbiyot xodimlarining masʼuliyati va himoyalanganligini kuchaytirishga qaratilgan toʻgʻridan-toʻgʻri taʼsir qiluvchi qonunlarni qabul qilish orqali takomillashtirish;

jahon standartlari asosida menejment va tibbiy xizmatlar sifatini boshqarishning eng namunali amaliyotlarini joriy etishni taʼminlaydigan zamonaviy boshqaruv tizimini va hududlarda sogʻliqni saqlashni tashkil etishning “klaster” modelini shakllantirish, tibbiyot va farmatsevtika muassasalarini akkreditatsiya qilish, shifokorlik va farmatsevtik faoliyatni litsenziyalash tizimini joriy etish;

tibbiyot sohasini moliyalashtirish tizimini takomillashtirish, davlat tomonidan kafolatlangan bepul tibbiy yordam hajmini belgilash, tibbiy xizmatlar uchun klinik-xarajat guruhlari boʻyicha “har bir davolangan holat” uchun toʻlash tizimini hamda kishi boshiga moliyalashtirishning yangi mexanizmlarini joriy etish, shuningdek, majburiy tibbiy sugʻurtani bosqichma-bosqich joriy etish;

tibbiy yordamning samaradorligi, sifati va ommabopligini oshirish, shuningdek, tibbiy standartlashtirish tizimini shakllantirish, tashxis qoʻyish va davolashning yuqori texnologik usullarini joriy etish, patronaj xizmati va dispanserizatsiyaning samarali modellarini yaratish orqali sogʻlom turmush tarzini qoʻllab-quvvatlash va kasalliklarni profilaktika qilish;

tibbiy genetikani, ayollar va bolalarga shoshilinch va ixtisoslashgan tibbiy yordamni rivojlantirish asosida, zamonaviy skrining dasturlarini joriy etish, “Ona va bola” hududiy koʻp tarmoqli tibbiyot majmualari va maʼlumotlar tizimlarini shakllantirish asosida onalik va bolalikni muhofaza qilish tizimini takomillashtirish;

xususiy sogʻliqni saqlash tizimi, davlat-xususiy sherikligini va tibbiy turizmni rivojlantirish, sogʻliqni saqlash sohasiga investitsiyalarni keng jalb etish uchun qulay shart-sharoitlar yaratish va raqobat muhitini yaxshilash;

farmatsevtika tarmogʻini yanada rivojlantirish, narx shakllanishi mexanizmlarini takomillashtirish, dori vositalari, tibbiy texnika va buyumlar ishlab chiqarish hajmi va turlarini kengaytirish;

tibbiy kadrlarni tayyorlash, qayta tayyorlash va malakasini oshirishning samarali tizimini shakllantirish, tibbiyot fanini rivojlantirish, shu jumladan, tibbiyot ilmiy va taʼlim muassasalarini xalqaro standartlar boʻyicha sertifikatlashtirish (akkreditatsiyadan oʻtkazish) zamonaviy taʼlim dasturlari, usul va texnologiyalarini joriy etish asosida;

“elektron sogʻliqni saqlash” tizimini keng joriy etish, yagona milliy standartlar asosida integratsiyalashgan axborot tizimlari va maʼlumotlar bazasi majmuasini yaratish.

2. Quyidagilar:

2019 — 2025-yillarda Oʻzbekiston Respublikasi sogʻliqni saqlash tizimini rivojlantirish konsepsiyasi (keyingi oʻrinlarda — Konsepsiya) 1-ilovaga muvofiq;

2019 — 2021-yillarda Oʻzbekiston Respublikasi sogʻliqni saqlash tizimini rivojlantirish konsepsiyasini amalga oshirish chora-tadbirlari dasturi (keyingi oʻrinlarda — Dastur) 2-ilovaga muvofiq tasdiqlansin.

Belgilab qoʻyilsinki, vazirlik va idoralar rahbarlari Dasturda nazarda tutilgan tadbirlarning oʻz vaqtida, toʻliq va sifatli amalga oshirilishi uchun shaxsan javobgar boʻladilar.

3. Oʻzbekiston Respublikasi Sogʻliqni saqlash vazirligi, Moliya vazirligi, Iqtisodiyot vazirligi va Innovatsion sogʻliqni saqlash milliy palatasining quyidagilar toʻgʻrisidagi takliflari qabul qilinsin:

2022-yil 1-yanvardan boshlab respublikaning 3-ilovaga muvofiq ayrim tumanlarida tibbiyot muassasalarini “har bir davolangan holat” uchun klinik-xarajat guruhlari boʻyicha va kishi boshiga moliyalashtirish tizimini (keyingi oʻrinlarda — moliyalashtirishning yangi mexanizmlari) eksperiment tartibida joriy etish;

eksperiment natijalarini tanqidiy tahlil qilish asosida moliyalashtirishning yangi mexanizmlarini 2022-yil 1-yanvardan boshlab respublikaning barcha hududlarida bosqichma-bosqich tatbiq etish;

2019-yil 1-iyuldan boshlab viloyat va tuman (shahar) darajasidagi statsionar sogʻliqni saqlash muassasalarida aralash moliyalashtirish tizimini joriy etish, bunda kafolatlangan bepul tibbiy xizmat hajmiga kirmaydigan davolash turlari pulli asosda amalga oshiriladi;

2019-yil 1-iyuldan boshlab ayrim davolash-profilaktika muassasalarini ishlab chiqilgan investitsiya loyihalari (keyingi oʻrinlarda — investitsiya loyihalari) asosida belgilangan tartibda investorlarga ishonchli boshqaruvga berish;

4. Oʻzbekiston Respublikasi Sogʻliqni saqlash vazirligi (keyingi oʻrinlarda — Vazirlik):

a) Moliya vazirligi, Innovatsion sogʻliqni saqlash milliy palatasi, manfaatdor vazirlik va idoralar bilan birgalikda 2019-yil 1-iyulga qadar quyidagilarni nazarda tutadigan “Majburiy tibbiy sugʻurtalash toʻgʻrisida”gi Oʻzbekiston Respublikasi Qonuni loyihasi ishlab chiqilishi va Oʻzbekiston Respublikasi Vazirlar Mahkamasiga kiritilishini taʼminlasin:

majburiy tibbiy sugʻurtalashning huquqiy asoslari, mexanizmlari va joriy etish bosqichlari;

majburiy tibbiy sugʻurtalash subyektlarini, ushbu sohadagi huquqiy munosabatlarni tartibga solish boʻyicha vakolatli organni, ularning huquq va majburiyatlarini belgilash;

majburiy tibbiy sugʻurtalash dasturlarini moliyalashtirish mablagʻlarini shakllantirish manbalari;

b) Oʻzbekiston Respublikasi Tashqi ishlar vazirligi bilan birgalikda ushbu Farmonni amalga oshirishda texnik koʻmakni taʼminlash, shu jumladan, majburiy tibbiy sugʻurtalashni joriy etish boʻyicha tadbirlarni texnik-iqtisodiy asoslashni amalga oshirish uchun Jahon sogʻliqni saqlash tashkiloti va xalqaro moliya institutlari bilan hamkorlikni tashkil etish choralarini koʻrsin.

5. Sogʻliqni saqlash tizimini tubdan takomillashtirishga qaratilgan chora-tadbirlarni amalga oshirish boʻyicha ishchi komissiya (keyingi oʻrinlarda — Ishchi komissiya) tashkil etilsin va uning tarkibi 4-ilovaga muvofiq tasdiqlansin.

Ishchi komissiyaning asosiy vazifalari etib Konsepsiyani amalga oshirishga qaratilgan normativ-huquqiy hujjatlar loyihalarini belgilangan tartibda sifatli ishlab chiqish va kiritish hamda amaliy choralar koʻrilishini tashkil qilish belgilansin.

Ishchi komissiya (A.A. Abduhakimov):

bir hafta muddatda vazirlik va idoralar, ilmiy-tadqiqot va taʼlim muassasalarining mutaxassislarini, fuqarolik jamiyati institutlari, yetakchi xorijiy konsalting kompaniyalari va xalqaro tashkilotlarning vakillarini jalb etgan holda normativ-huquqiy hujjatlarning loyihalarini tayyorlash boʻyicha ekspert guruhlarini tuzsin, ularning samarali faoliyatini tashkil etsin;

Dasturda nazarda tutilgan normativ-huquqiy hujjatlar loyihalarining qonunchilikni, huquqni qoʻllash amaliyoti va ilgʻor xorijiy tajribani tanqidiy tahlil qilish asosida tayyorlanishini taʼminlasin;

normativ-huquqiy hujjatlarning loyihalari izchil va sifatli tayyorlanishi, oʻz vaqtida belgilangan tartibda koʻrib chiqilishi va kiritilishi, shuningdek, Dasturda nazarda tutilgan boshqa tadbirlarning amalga oshirilishi ustidan doimiy nazoratni amalga oshirsin;

2019-yil 1-aprelga qadar muddatda ayrim davolash-profilaktika muassasalarini belgilangan tartibda investorlarga ishonchli boshqaruvga berish boʻyicha investitsiya loyihalarini tayyorlasin hamda ularning Oʻzbekiston Respublikasi Investitsiyalar boʻyicha davlat qoʻmitasining Investitsiya portalida joylashtirilishini taʼminlasin;

sogʻliqni saqlash sohasidagi eng namunali davlat-xususiy sheriklik amaliyotlarining monitoringini va keng tatbiq etilishini taʼminlasin.

9. Vazirlik ikki oy muddatda Agentlik tuzilmasi va uning nizomini Oʻzbekiston Respublikasi Vazirlar Mahkamasiga tasdiqlash uchun kiritsin.

Belgilansinki, Agentlik faoliyatini tashkil etish davlat sogʻliqni saqlash tizimi organlari va tashkilotlarining shtat sonini optimallashtirish hisobidan “Sogʻliqni saqlash” tarmogʻi uchun ajratiladigan budjet mablagʻlari doirasida amalga oshiriladi.

10. Vazirlik manfaatdor vazirlik va idoralar bilan birgalikda:

a) bir hafta muddatda Oʻzbekiston Respublikasi Prezidentining Vazirlik faoliyatini yanada takomillashtirish boʻyicha tashkiliy chora-tadbirlar toʻgʻrisidagi qarori loyihasini;

b) ikki oy muddatda Oʻzbekiston Respublikasi Prezidentining quyidagilarni nazarda tutadigan tibbiy taʼlim va tibbiyot fani tizimini yanada rivojlantirish boʻyicha qarori loyihasini:

oʻrta va oliy tibbiy taʼlim tizimini isloh qilish, oʻquv rejalari, dasturlari, oʻquv-uslubiy materiallari va nazariy mashgʻulotlarni yanada optimallashtirish va amaliy mashgʻulotlarni koʻpaytirish nuqtai nazaridan qayta koʻrib chiqish, shuningdek, ularni tibbiyot fani va amaliyotining umumjahon yutuqlariga muvofiqlashtirish;

ilgʻor ilmiy ishlanmalar va texnologiyalarni amaliy sogʻliqni saqlashga integratsiya qilishda tibbiy oliy taʼlim muassasalari klinikalarining rolini kuchaytirish;

tor mutaxassisliklar boʻyicha tibbiy kadrlarni tayyorlashni takomillashtirish, magistratura va klinik ordinaturada oʻqitish muddatlarini klinik koʻnikmalarni egallash murakkabligidan kelib chiqqan holda maqbullashtirish;

oliy oʻquv yurtidan keyingi taʼlim tizimini, sogʻliqni saqlash mutaxassislarining malakasini oshirish va ularni qayta tayyorlash tizimini qayta koʻrib chiqish, muammolarga yoʻnaltirilgan modulli oʻquv dasturlarini joriy etish, masofadan oʻqitish mexanizmlarini keng qoʻllash;

boshqaruv va oʻquv jarayoniga yuqori malakali va malakali xorijiy mutaxassislar, olimlar va oʻqituvchilarni keng jalb etish;

v) ikki oy muddatda qonun hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisida takliflarni Oʻzbekiston Respublikasi Vazirlar Mahkamasiga kiritsin.

11. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidenti Administratsiyasi rahbari Z.Sh. Nizomiddinov, Oʻzbekiston Respublikasi Prezidenti maslahatchisi A.A. Abduvaxitov, Oʻzbekiston Respublikasi Prezidenti maslahatchisining birinchi oʻrinbosari B.M. Mavlonov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2018-yil 7-dekabr,

PF-5590-son

Oʻzbekiston Respublikasi Prezidentining 2018-yil 7-dekabrdagi PF-5590-son Farmoniga 1-ILOVA

2019 — 2025-yillarda Oʻzbekiston Respublikasining sogʻliqni saqlash tizimini rivojlantirish

konsepsiyasi

I. Oʻzbekiston Respublikasida sogʻliqni saqlashning bugungi holati

Yurtimizda aholi salomatligini saqlash va yaxshilash imkonini beradigan sifatli sogʻliqni saqlash tizimini tashkil etish, sogʻlom avlod tarbiyasi uchun shart-sharoit yaratish davlat siyosatining ustuvor yoʻnalishi hisoblanadi.

Mamlakatimizda koʻrilayotgan chora-tadbirlar natijasida aholiga tibbiy xizmat koʻrsatishning samaradorligi, sifati va qulayligini oshirish taʼminlandi, BMT Ming yillik rivojlanish maqsadlarining asosiy parametrlariga erishildi.

Mustaqillik yillarida sogʻliqni saqlash sohasida mamlakatimiz erishgan yutuqlarga xalqaro hamjamiyat tomonidan ijobiy baho berildi. Masalan, aholining umr koʻrishi 4,6 yoshga — 1995-yildagi 69,1 yoshdan 2017-yilda 73,7 yoshga oshdi.

Onalar oʻlimi koʻrsatkichi 3,1 baravarga kamayib, 100 ming nafar tirik tugʻilgan chaqaloqqa nisbatan 21 ta holatni tashkil etdi, chaqaloqlar oʻlimi esa 3,1 baravarga kamayib, 1000 nafar tirik tugʻilgan chaqaloqqa nisbatan 11,5 ta holatni tashkil etdi. Bolalarda eng koʻp uchraydigan kasalliklarga qarshi emlash va profilaktika tadbirlari bilan qamrab olish darajasi 96 — 98 foizda qatʼiy saqlanib turibdi.

Yuqumli kasalliklarga qarshi kurashish boʻyicha kompleks profilaktika, epidemiyaga qarshi va sanitariya-gigiyena tadbirlarining joriy etilishi oʻta xavfli yuqumli kasalliklar (oʻlat, vabo), poliomiyelit, difteriya, chaqaloqlar qoqsholi, mahalliy kelib chiqqan bezgak, qizamiq va qizilcha yuzaga kelishidan toʻliq himoya qilish imkonini berdi. Poliomiyelitning yovvoyi shtammi (2002-yil), qizamiq va qizilcha (2017-yil), bezgak (2018-yil) yoʻq qilinganligi toʻgʻrisida Jahon sogʻliqni saqlash tashkilotining sertifikatlari olindi.

Shu bilan birga, sogʻliqni saqlashni tashkil etishda fuqarolar sogʻligʻini saqlash tizimini yanada takomillashtirishga oid vazifalarni samarali hal qilishga toʻsqinlik qilayotgan ayrim muammoli masalalar va salbiy holatlar saqlanib qolmoqda.

Xususan, tarmoqni kompleks huquqiy tartibga solishning mavjud emasligi, oʻlim va nogironlikni keltirib chiqarish ehtimoli katta boʻlgan kasalliklarning oldini olish va ulardan aholini ijtimoiy himoya qilish sohasidagi qonunosti va idoraviy hujjatlarning haddan ortiq koʻpligi sogʻliqni saqlash tizimi barqarorligini taʼminlash imkonini bermayapti. Transplantologiya, koʻmakchi reproduktiv texnologiyalar, teletibbiyot kabi talab yuqori boʻlgan yoʻnalishlarning tartibga solinmaganligi milliy sogʻliqni saqlash tizimi tibbiyot ilm-fani va amaliyotining zamonaviy yutuqlaridan ortda qolib ketishiga sabab boʻlmoqda.

Bugungi kunga qadar majburiy tibbiy sugʻurta tizimini joriy etish uchun shart-sharoitlar yaratilmagan. Natijada hanuzgacha sogʻliqni saqlash sohasini moliyalashtirish asosan budjet mablagʻlari hisobiga amalga oshirilmoqda. Respublikada tibbiyot xizmatlarining klinik tavsiyalari (bayonnomalari) va standartlari bilan uzviy bogʻliq klinik-xarajat guruhlari (DRG tizimi) ishlab chiqilmagan.

Sogʻliqni saqlash birlamchi boʻgʻinining profilaktika, patronaj va oʻz vaqtida davolash-tashxis qoʻyish ishlari, shu jumladan ambulatoriyada davolashni oxirigacha yetkazish samaradorligi qoniqarsizligicha qolmoqda. Buning natijasida aholi sogʻligʻini saqlash tizimida qimmat turadigan statsionar yordam asosiy oʻrinni egallamoqda.

Aholiga, ayniqsa bolalar va fertil yoshidagi ayollarga patronaj xizmati darajasi past ekanligi (72 — 77%) qayd etilmoqda, umumiy amaliyot shifokorlarining bilim va koʻnikmalari darajasi onalar va bolalarga tibbiy yordamni toʻliq hajmda taʼminlash imkonini bermayapti.

Sogʻliqni saqlashning jadal rivojlanayotgan xususiy sektorini davlat tibbiyot tashkilotlari bilan hamkorlikka faol jalb qilishga gʻov boʻlayotgan toʻsiqlar qoʻshimcha moliya resurslaridan sogʻliqni saqlash uchun samarali foydalanish imkonini bermayapti.

Tibbiyot oliy taʼlim muassasalari klinikalari ekstensiv tarzda rivojlanmoqda, u yerda tibbiyot fanlari doktorlarining 70 foizi ishlasada, ularning salohiyatidan yetarlicha foydalanilmayapti. ixtisoslashgan markazlarning innovatsion salohiyati pastligi sharoitida tibbiyot amaliyotining taʼlim berish jarayoni va ilm-fan bilan sust integratsiyalashganligi tibbiyotning ilgʻor yutuqlarini davolash-tashxis jarayoniga joriy etish qoniqarsiz darajada ekanidan darak bermoqda.

Shu bilan birga, tibbiyot kadrlarini tayyorlash va qayta tayyorlashning zamonaviy tizimlarini tatbiq etishdagi sustkashlik va buning oqibatida shifokorlar hamda oʻrta tibbiyot xodimlari kasbiy bilimlari darajasining yetarli emasligi koʻrsatilayotgan tibbiy xizmatlar sifatiga salbiy taʼsir koʻrsatmoqda.

Tibbiyot xodimlarini ijtimoiy-moddiy himoya qilish darajasi pastligi, ular ijtimoiy-huquqiy holatining oʻz zimmasiga yuklanayotgan javobgarlik darajasiga mos kelmasligi malakali kadrlarning tizimdan chiqib ketishi va korrupsiya holatlari yuzaga kelishi uchun sharoit yaratmoqda.

Sogʻliqni saqlash tizimiga axborot-kommunikatsiya texnologiyalarining yetarlicha joriy etilmaganligi, tibbiyot hujjatlarining juda katta hajmi qogʻoz shaklida yuritilishi qabul qilinayotgan qarorlar ijrosini tezkor kuzatib borish va samarali ijrosini taʼminlash imkonini bermayapti, shuningdek, ortiqcha byurokratizm va katta xarajatlarga sabab boʻlmoqda.

Yuqorida sanab oʻtilgan kamchiliklar sogʻliqni saqlashning sifatiga boʻlgan aholining tobora ortib borayotgan talablarini qondirish, joylarda toʻplanib qolgan muammolarga tezkorlik bilan munosabat bildirish va tibbiy xizmat koʻrsatish sohasida ijobiy oʻzgarishlarga erishish imkonini bermayapti.

Shu munosabat bilan quyidagi maqsadlar, vazifalar va asosiy yoʻnalishlarni nazarda tutuvchi 2019 — 2025-yillarda Oʻzbekiston Respublikasida sogʻliqni saqlash tizimini rivojlantirish konsepsiyasini muvaffaqiyatli amalga oshirish orqali sogʻliqni saqlashning konseptual yangi modelini shakllantirish zarurati paydo boʻldi.

II. Oʻzbekiston Respublikasining sogʻliqni saqlash tizimini yanada rivojlantirish maqsadlari va vazifalari

2019 — 2025-yillarda Oʻzbekiston Respublikasida sogʻliqni saqlash tizimini rivojlantirish konsepsiyasi (keyingi oʻrinlarda Konsepsiya deb yuritiladi) sogʻliqni saqlash sohasidagi faoliyatni tartibga soladigan Oʻzbekiston Respublikasining normativ-huquqiy hujjatlariga, shuningdek, Salomatlik-2020 va Barqaror taraqqiyot maqsadlari — 2030 mintaqaviy siyosati doirasida aholi sogʻligʻini saqlash sohasidagi xalqaro shartnomalarga muvofiq ishlab chiqildi.

Konsepsiya Jahon sogʻliqni saqlash tashkilotining tavsiyalariga, shuningdek, sogʻliqni saqlash tizimini isloh qilishda katta muvaffaqiyatlarga erishgan ilgʻor mamlakatlar tajribasiga asoslangan yondashuvlarni oʻz ichiga olgan.

Konsepsiya maqsadlari:

1. Kasalliklarning va koʻpchilik hollarda bevaqt oʻlim va nogironlikka olib keladigan holatlarning oldini olish va ularni davolash natijalarini yaxshilash orqali kutilayotgan umr koʻrish davrini oshirish.

2. Tibbiy yordamdan teng foydalanishni, aholini moliyaviy jihatdan himoya qilishni va resurslarni adolatli taqsimlashni taʼminlash uchun sogʻliqni saqlashni moliyalashtirish va tashkil etish tizimini isloh qilish.

3. Konsepsiya vazifalarini bajarish va respublika aholisiga koʻrsatiladigan tibbiy yordam sifatini yaxshilash uchun sogʻliqni saqlashning boshqaruv organlari salohiyatini kuchaytirish, ularning rahbarlari roli va javobgarligini oshirish.

Konsepsiya vazifalari:

1. Jahon sogʻliqni saqlash tashkilotining xalqaro standartlari va tavsiyalarini implementatsiya qilgan holda tarmoqni kompleks huquqiy tartibga solishni taʼminlash.

2. Fuqarolar sogʻligʻini saqlash sohasida idoralararo samarali hamkorlik va aloqalar mexanizmlarini rivojlantirish, shu jumladan salomatlikning ijtimoiy va iqtisodiy determinantlariga salbiy taʼsir koʻrsatayotgan muammolarni hal qilish, sogʻlom va xavfsiz atrof-muhitni rivojlantirish, suv taʼminoti va sanitariyani, sogʻlom ovqatlanish, shu jumladan chaqaloqlar va bolalarning sogʻlom ovqatlanishini yaxshilash, shuningdek, sogʻlom turmush tarzini shakllantirish.

3. Jamiyat sogʻliqni saqlash tizimini mustahkamlash, shu jumladan sanitariya-epidemiologiya xizmatini rivojlantirish, yuqumli va yuqumli boʻlmagan surunkali kasalliklarni nazorat qilish tizimini takomillashtirish, Xalqaro tibbiy-sanitariya qoidalarini joriy etish va bajarish.

4. Sogʻliqni saqlashning birlamchi va ikkilamchi darajadagi, tez tibbiy yordam tibbiyot muassasalarining samarali integratsiyasini taʼminlash uchun sogʻliqni saqlashning tuman boʻgʻinini isloh qilish, ona va bola sogʻligʻini saqlashni mustahkamlash, ixtisoslashgan va palliativ tibbiy yordamni takomillashtirish hamda rivojlantirish.

5. Sogʻliqni saqlashni moliyalashtirish va tashkil etish tizimini takomillashtirish, bepul tibbiy yordamning davlat tomonidan kafolatlangan hajmini qonunchilik yoʻli bilan mustahkamlab qoʻyish hamda majburiy tibbiy sugʻurtani bosqichma-bosqich joriy etish.

6. Xususiy sogʻliqni saqlash tizimi, davlat-xususiy sheriklik va tibbiyot turizmini rivojlantirish, sogʻliqni saqlash sohasiga investitsiyalarni keng jalb qilish uchun qulay shart-sharoit yaratish va raqobat muhitini yaxshilash.

7. Sogʻliqni saqlash tizimi, Oʻzbekiston Respublikasi Sogʻliqni saqlash vazirligi markaziy apparati va uning hududiy boshqaruv organlari tashkiliy tuzilmasini funksional vazifalar va javobgarlik sohalarini aniq belgilagan holda takomillashtirish.

8. Tibbiyot va farmatsevtika tashkilotlarini akkreditatsiya qilish, shuningdek, shifokorlik va farmatsevtika faoliyatini litsenziyalash tizimini bosqichma-bosqich joriy etish.

9. Farmatsevtika tarmogʻini yanada rivojlantirish, yangi dori vositalari va tibbiyot buyumlari hamda tibbiy texnikani roʻyxatga olish tartib-taomillarini xalqaro standartlar bilan uygʻunlashtirish, narx belgilash mexanizmlarini takomillashtirish, dori vositalari, tibbiyot buyumlari va tibbiy texnikani ishlab chiqarish hajmlari hamda turlarini kengaytirish, ularni markirovkalash va treking tizimlarini joriy etish.

10. Tibbiyot kadrlarini tayyorlash, qayta tayyorlash va ular malakasini oshirishning, tibbiyot ilm-fanini rivojlantirishning samarali tizimini, shu jumladan ilmiy va tibbiyot taʼlim muassasalarini xalqaro standartlar boʻyicha sertifikatlashtirish (akkreditatsiya qilish), zamonaviy taʼlim dasturlari, usullari va texnologiyalarini joriy etish asosida shakllantirish.

11. “Elektron sogʻliqni saqlash” tizimlarini keng joriy etish, yagona milliy standartlar asosida integratsiyalashgan axborot tizimlari va maʼlumotlar bazalari majmuini yaratish.

III. Oʻzbekiston Respublikasi sogʻliqni saqlash tizimini yanada rivojlantirishning asosiy yoʻnalishlari

1. Sogʻliqni saqlash sohasidagi qonun hujjatlarini takomillashtirish

1. Sogʻliqni saqlash sohasidagi milliy qonun hujjatlarini birxillashtirish va toʻgʻridan-toʻgʻri taʼsir koʻrsatadigan qonunlar qabul qilish orqali normativ-huquqiy bazani takomillashtirish.

2. Sogʻliqni saqlash sohasidagi amaldagi qonun hujjatlarini bir-biriga muvofiqligiga erishish va qoʻllash uchun qulayliklar yaratish maqsadida yagona hujjatda kodifikatsiyalash, Oʻzbekiston Respublikasining Sogʻliqni saqlash kodeksini qabul qilish.

3. Bepul tibbiy yordamning davlat tomonidan kafolatlangan hajmini huquqiy mustahkamlab qoʻyish.

4. Majburiy tibbiy sugʻurta sohasidagi normativ-huquqiy hujjatlarni ishlab chiqish va qabul qilish.

5. Onalik va bolalikni muhofaza qilish sohasidagi, shu jumladan onalar va bolalarni emlash, dispanserizatsiya qilish va ularga kafolatlangan bepul tibbiy xizmat koʻrsatish tartibini belgilovchi qonun hujjatlarini takomillashtirish, Koʻkrak suti oʻrnini bosuvchi ozuqa marketingi toʻgʻrisidagi xalqaro kodeks normalarini implementatsiya qilish hamda Chaqaloqlarni va kichik yoshdagi bolalarni ovqatlantirish toʻgʻrisidagi milliy dasturni qabul qilish.

6. Jahon sogʻliqni saqlash tashkiloti va boshqa xalqaro tashkilotlar tavsiyalariga muvofiq oziq-ovqat mahsulotlari va alkogolsiz ichimliklar marketingini tartibga solishning, shuningdek, aholining keng qatlamlarini jismoniy tarbiya bilan shugʻullanishga va sport tadbirlariga jalb qilishga ragʻbatlantirishning huquqiy mexanizmlarini takomillashtirish.

7. Tibbiyot xodimlari oʻz kasbiy majburiyatlariga rioya etishini taʼminlash, manfaatlar toʻqnashuvi va korrupsiya holatlari yuzaga kelishining oldini olish mexanizmlarini takomillashtirish, shu jumladan Tibbiyot xodimlarining axloq kodeksini qabul qilish va ularning kasbiy javobgarligini sugʻurta qilish.

2. Sogʻliqni saqlashni tashkil etish va boshqarish tizimini takomillashtirish

1. Innovatsion gʻoyalar, ishlanmalar va texnologiyalardan keng foydalanishga asoslangan davlat boshqaruvining zamonaviy shakllarini joriy etish orqali Oʻzbekiston Respublikasi Sogʻliqni saqlash vazirligi markaziy apparati va hududiy organlar tuzilmasini takomillashtirish.

2. Tibbiy yordamning zarur bosqichma-bosqichligi va izchilligini taʼminlash uchun bir-birini toʻldiruvchi va kuchaytiruvchi har xil darajadagi va tor ixtisoslikdagi tibbiyot tashkilotlarini boshqaruvning yagona tizimiga integratsiya qilishni nazarda tutuvchi “klaster” yondashuvi asosida hududlarda sogʻliqni saqlashni tashkil etish tizimini takomillashtirish.

3. Tibbiy yordam koʻrsatish darajalari, hajmi va turlari boʻyicha tibbiyot tashkilotlari toifalari klassifikatorini, shuningdek, ularni qurish, moddiy-texnik va aholi jon boshiga hisoblab chiqqan holda, aholi zichligini va transport infratuzilmasi rivojlanganligini hisobga olib, kadrlar bilan taʼminlash normativlarini ishlab chiqish.

4. Tibbiyot va farmatsevtika tashkilotlari hamda faoliyati giyohvand vositalar, psixotrop moddalar va prekursorlar aylanmasi bilan bogʻliq tashkilotlarni akkreditatsiya qilishning, shuningdek, shifokorlik va farmatsevtika faoliyatini litsenziyalashning mexanizmlarini ilgʻor xorijiy tajribani hisobga olgan holda ishlab chiqish va bosqichma-bosqich joriy etish.

5. Xalqaro standartlar asosida menejment va tibbiyot xizmatlari sifatini boshqarishning zamonaviy tizimlarini, shuningdek, aholining sogʻliqni saqlash sifatidan qoniqqanligini baholash mexanizmlarini joriy etish.

6. Tibbiyot xodimlari mehnatiga haq toʻlash va ularni ijtimoiy himoya qilishning ular malakasiga, koʻrsatiladigan tibbiy xizmat hajmi, murakkablik darajasi va sifatiga qarab toifalangan zamonaviy mexanizmlarini joriy etish, shu jumladan qoʻllanilayotgan tarmoq tarif setkasi oʻrniga tibbiyot xodimi faoliyati natijalariga qarab klinik-xarajat guruhlari va jon boshiga moliyalashtirishning tegishli mezonlariga koʻra toʻlanadigan mehnatga haq toʻlash boʻyicha bazaviy lavozim maoshlari va oʻzgaruvchan (mukofotlash) stavkasini joriy etish.

7. Birlamchi tibbiyot-sanitariya yordami muassasalari, ayniqsa qishloq joylardagi muassasalarning tibbiyot xodimlarini moddiy ragʻbatlantirish va ijtimoiy qoʻllab-quvvatlash dasturlarini ishlab chiqish.

8. Davlat sanitariya-epidemiologiya nazorati tizimini takomillashtirish, ularning sanitariya qoidalari, normalari va gigiyena normativlariga rioya etilishini, fuqarolar sogʻligʻi xavfsizligi taʼminlanishini nazorat qilishdagi roli va javobgarligini oshirish, kasallik qoʻzgʻatuvchi omillarga laboratoriyada va ekspress tashxis qoʻyishning yangi texnologiyalarini joriy etish.

9. Tibbiyot tashkilotlarining asbob-uskunalar, sarflash materiallari va ehtiyot qismlarga boʻlgan ehtiyojini aniqlashning yagona mexanizmlari va standartlarini joriy etish, ularni hisobga olishning axborot tizimini yaratish.

10. Davlat-xususiy sheriklik shartlari asosida tibbiyot uskunalariga texnik xizmat koʻrsatadigan va ularni metrologik tekshiradigan hududiy xizmatlarni tashkil etish.

3. Sogʻliqni saqlashni moliyalashtirish tizimini takomillashtirish

1. Quyidagilarni nazarda tutadigan klinik-xarajat guruhlari boʻyicha “har bir davolangan holat” uchun tibbiy xizmatlarga haq toʻlash tizimini va jon boshiga moliyalashtirishning yangi mexanizmlarini bosqichma-bosqich joriy etish:

hududlarning xususiyatlari, muassasalar turi, aholi zichligi va boshqa omillarni hisobga oluvchi toifalangan tuzatish koeffitsiyentlariga ega moliyalashtirishning yagona jon boshiga toʻgʻri keladigan normativini joriy etish hisobiga birlamchi tibbiy-sanitariya yordamining hududiy budjet taʼminlanganligini tenglashtirish boʻyicha tadbirlarni amalga oshirish;

respubika, viloyat va tuman (shahar) davolash-profilaktika muassasalarida ixtisoslashtirilgan tibbiy yordam xizmatlariga klinik-xarajat guruhlari boʻyicha “har bir davolangan holat” uchun haq toʻlashning zamonaviy usullariga oʻtish;

davlat tomonidan kafolatlangan bepul tibbiy yordam dasturlari boʻyicha tibbiy xizmatlar koʻrsatish uchun tibbiy xizmatlarning davlat va xususiy yetkazib beruvchilari bilan kontraktlar tuzish tizimiga oʻtish.

2. Asoslangan strategik qarorlar qabul qilish, shuningdek, majburiy tibbiy sugʻurta dasturlari joriy etilishini qoʻllab-quvvatlash uchun sogʻliqni saqlashga sarflanadigan xarajatlarni hisobga olish va daliliy bazani tashkil etish maqsadida sogʻliqni saqlash hisobvaraqlari milliy tizimini yaratish.

3. Majburiy tibbiy sugʻurta dasturlari boʻyicha moliyaviy mablagʻlarni jamlovchi va taqsimlovchi Majburiy tibbiy sugʻurta jamgʻarmasini tashkil etish.

4. Respublikaning barcha hududlarida tibbiy xizmatlarning kafolatlangan hajmlarini hisoblab chiqish va klinik-xarajat guruhlarini shakllantirish asosida bemorlarning maqsadli kontingentlari va tibbiy yordamning maqsadli turlari uchun majburiy tibbiy sugʻurtaga oid maxsus dasturlarni joriy etish.

5. Fuqarolarni tibbiy resurslardan oqilona foydalanish hamda oʻz sogʻligʻini saqlash va mustahkamlashdan manfaatdor boʻlishga undaydigan dasturlarni joriy etish.

6. Respublika fuqarolarini majburiy tibbiy sugʻurta bilan toʻliq qamrab olishni bosqichma-bosqich taʼminlash.

4. Tibbiy yordam sifati va qulayligini oshirish, sogʻlom turmush tarzini qoʻllab-quvvatlash, yuqumli va yuqumli boʻlmagan kasalliklarning oldini olish hamda ularga qarshi kurashish

1. Yirik koʻp tarmoqli davolash muassasalarini, shu jumladan tor ixtisoslikdagi maxsus tibbiyot tashkilotlarini (ularning filiallarini) birlashtirish hisobiga tashkil etish orqali joylarda yuqori sifatli tibbiyot xizmatlaridan foydalanish imkoniyatini oshirish.

2. Asosiy va eng koʻp uchraydigan kasalliklar va holatlar boʻyicha isbotlovchi tibbiyotga asoslangan hamda xalqaro standartlarga uygʻunlashtirilgan milliy klinik standartlarni ishlab chiqish va joriy etish.

3. Xizmatlar koʻrsatish texnologiyasi, zarur kadr resurslari, dori vositalari va sarflash materiallari tavsiflashni nazarda tutadigan sogʻliqni saqlash sohasidagi tibbiy xizmatlarning yagona reyestrini yaratish.

4. Tibbiy yordam koʻrsatish bosqichlarining maqbul ketma-ketligi va izchilligini taʼminlaydigan bemorlarga yoʻnalish beruvchi sxemalarni ishlab chiqish hamda joriy etish.

5. Oliy tibbiy taʼlim muassasalarining klinikalarini yanada rivojlantirish, ularning moddiy-texnika bazasini, kadrlar salohiyatini mustahkamlash, tashxis qoʻyish va davolashning yuqori texnologik usullarini joriy etish, shu jumladan “taʼlim — amaliyot — fan” aloqasi yagonaligi prinsipi asosida ularni 4-darajagacha modernizatsiya qilish.

6. Sogʻliqni saqlash amaliyotiga xalqaro standartlarga muvofiq kichik invaziv yuqori texnologik jarrohlik aralashuvlarini (radiojarrohlik, mikrojarrohlik, robotlashtirilgan jarrohlik, shuntlash va boshqalar) joriy etish, qisqa muddatli bir kunlik ambulatoriya jarrohlik yordamini (“bir kunlik jarrohlik”ni) rivojlantirish.

7. Tibbiyot tashkilotlarida individual elektron qurilmalar yordamida qayd etilgan xavf ostidagi guruhga kiruvchi ambulatoriya bemorlarining sogʻligʻi koʻrsatkichlari oʻzgarishiga shoshilinch choralar koʻrish tizimini yaratish.

8. Shoshilinch va tez tibbiy yordam xizmatini yanada rivojlantirish, uning moddiy-texnika bazasini mustahkamlash (qiyin yoʻllarda yura oladigan avtomobillar, reanimobillar va aviatsiya texnikasi bilan jihozlash), shoshilinch va favqulodda holatda harakatlanuvchi boshqa xizmatlar bilan yaqin hamkorlik oʻrnatish.

9. Regenerativ, shu jumladan biotibbiy hujayra, additiv va boshqa yangi texnologiyalarga asoslangan tibbiyotni rivojlantirish.

10. Prediktiv tibbiyotni rivojlantirish (nasliy moyillikning oldini olish), sogʻliq holatiga molekulyar-genetik tashxis qoʻyish, skrining va monitoring qilishning zamonaviy usullarini joriy etish.

11. Yuqumli boʻlmagan kasalliklar rivojlanish omillarini, shu jumladan birlamchi tibbiy-sanitariya yordami muassasalarida xavf ostidagi guruhga kiradigan bemorlar orasida dispanserizatsiya va skrining-tadqiqotlarni, patronaj va dispanserizatsiyaning samarali modellarini joriy etish, reabilitatsiya tibbiyotini rivojlantirish, “uyda statsionar” xizmatini kengaytirish orqali erta aniqlash.

12. Katta va keksa yoshdagi fuqarolarga uzoq muddatli tibbiy yordam koʻrsatishning zamonaviy modelini yaratish, uyda ijtimoiy va tibbiy xizmat koʻrsatish va boshqa qator chora-tadbirlarni nazarda tutuvchi gerontologik yordam sifati va qulayligini oshirish.

13. Jamiyat sogʻliqni saqlash tizimini yanada rivojlantirish, sogʻlom turmush tarzi va toʻgʻri ovqatlanishni keng targʻib qilish, fuqarolarda oʻz salomatligi va atrofdagilar sogʻligʻi uchun javobgarlik hissini shakllantirish, shuningdek ularning madaniyati va tibbiy savodxonligini oshirish.

14. Mikrobga qarshi chidamlilik tarqalishining oldini olish, shu jumladan mikrobga qarshi terapiyaning oqilona sxema va reglamentlariga qatʼiy rioya qilish, antibakterial terapiya tayinlashda mikrobiologiya diagnostikasi usullarini rivojlantirish va kengaytirish, antibakterial preparatlarning yangi turlarini ishlab chiqish.

5. Onalar va bolalarga tibbiy yordam koʻrsatish tizimini takomillashtirish

1. Reproduktiv yoshdagi ayollarga va bolalarga koʻrsatiladigan tibbiy yordam sifatini, shu jumladan quyidagilarni tashkil etish orqali kengaytirish va oshirish:

markaziy tuman (shahar) koʻp tarmoqli poliklinikalarida reproduktiv salomatlik va xavfsiz onalik, prenatal diagnostika kabinetlari (onalar skriningi), shuningdek, bolalar boʻlimlari;

bolalar statsionar muassasalarida tez tibbiy yordam pediatriya brigadalari va shoshilinch postlarni kengaytirish hisobiga bolalarga kechayu kunduz shoshilinch tibbiy yordam koʻrsatish;

tuman (shahar) tibbiyot birlashmalarida bolalar qabul boʻlimlari, bolalar reanimatsiyasi va intensiv terapiya boʻlimlari qabulxonalari.

2. Irsiy, genetik, birlamchi immunitet tanqisligi (orfan), tugʻma va orttirilgan kasalliklarga chalingan bolalarga tashxis qoʻyish, ularni davolash va reabilitatsiya qilish tizimini, shu jumladan tugʻma, surunkali kasalliklarga chalingan va nogironligi boʻlgan bolalarni reabilitatsiya qilish markazlarini tashkil etish orqali takomillashtirish.

3. Irsiy kasalliklarga moyil boʻlgan, xavf ostidagi guruhga kiradigan bolalarga erta yordam berish dasturlarini amalga oshirish.

4. Bolalar oʻlimi va nogironligini kamaytirishga qaratilgan milliy loyihalarni, shu jumladan oʻsmirlarning jismoniy va ruhiy-ijtimoiy osoyishtaligiga koʻmaklashuvchi “Bolalikda uchraydigan kasalliklarni integratsiyalashgan holda yuritish”, “Bolalarning jarohat olishi va bolalar bilan shafqatsiz munosabatda boʻlish”, “Chaqaloqlar salomatligi”, “Oʻsmirlar salomatligi”, “Jismoniy tarbiya va sport”, “Sogʻlom maktab muhitini shakllantirish” dasturlarini amalga oshirish.

5. Jahon sogʻliqni saqlash tashkiloti tomonidan qoʻllaniladigan maktab yoshidagi bolalarni oʻrganishning zamonaviy usullari va dasturlaridan keng foydalanish, “Maktab yoshidagi bolalar sogʻligʻiga nisbatan xulqini tekshirish” (HBSC) Yevropa hamkorlik tarmogʻiga hamda Bolalar semirishini epidemiologik nazorat qilish Yevropa tarmogʻiga (COSI) Oʻzbekistonning qoʻshilishi.

6. Onalar va bolalarga ixtisoslashtirilgan yuqori texnologik, shu jumladan mikrojarrohlik va kichik invaziv tibbiy yordam koʻrsatishni yanada takomillashtirish.

7. “Ona va bola” yirik koʻp tarmoqli tibbiyot markazlarini davlat-xususiy sheriklik shartlari asosida bosqichma-bosqich, shu jumladan samarasi past va tor ixtisosdagi davlat tibbiyot tashkilotlarini birlashtirish orqali tashkil etish.

6. Xususiy sogʻliqni saqlash tizimi, davlat-xususiy sheriklik va tibbiyot turizmini rivojlantirish

1. Quyidagilarni nazarda tutuvchi xususiy sogʻliqni saqlash tizimini rivojlantirish strategiyasini ishlab chiqish:

hududlar ehtiyojini hisobga olgan holda nodavlat tibbiyot tashkilotlari uchun ambulatoriya va statsionar tibbiy xizmatlarni rivojlantirishning istiqbolli yoʻnalishlarini belgilash;

aholining ehtiyoji katta boʻlgan tibbiyotning ayrim yoʻnalishlari rivojiga investitsiyalar, shu jumladan xorijiy investitsiyalarni jalb qilish;

sogʻliqni saqlash sohasida davlat-xususiy sheriklik mexanizmlarini keng tatbiq etish;

nodavlat notijorat tashkilotlari va jamoat birlashmalarining sogʻliqni saqlash sohasidagi rolini kuchaytirish, shuningdek, ularning negizida xususiy sogʻliqni saqlash tizimini rivojlantirishning asosiy yoʻnalishlari yuzasidan axborot bilan taʼminlash uchun yagona dispetcher xizmati (Call-markazi) tashkil etish.

2. Sogʻliqni saqlash sohasiga quyidagi shakllarda davlat-xususiy sheriklikni joriy etish:

xususiy tibbiyot tashkilotlari binolarini qurish uchun doimiy foydalanishga berilgan yer uchastkalarini bepul asosda ijaraga berish;

mavjud davlat tibbiyot tashkilotlarini rekonstruksiya qilish va jihozlash sharti bilan xususiy tibbiyot tashkilotlari obyektlari qurish uchun bepul asosda yer uchastkalari taqdim etish;

kam foydalaniladigan yoki rekonstruksiya qilish yoxud kapital taʼmirlashni (qayta jihozlashni) talab qiladigan mavjud davlat tibbiyot tashkilotlarini ijaraga berish;

bino qurish yoki rekonstruksiya qilish, konsessiya asosida jihozlash uchun yer uchastkasi ajratish;

boʻsh turgan davlat mulki obyektlarini, shu jumladan ishlamayotgan davlat tibbiyot tashkilotlari binolarini “nol” xarid qiymati boʻyicha qonun hujjatlarida belgilangan tartibda realizatsiya qilish;

davlat tibbiyot tashkilotlarining ayrim funksiyalari yoki xizmatlarini tadbirkorlik subyektlariga autsorsing asosida oʻtkazish;

Oʻzbekiston Respublikasi Hukumati tomonidan belgilab beriladigan boshqa shakllarda.

3. Mamlakatimiz tibbiyot tashkilotlarining turistik salohiyatini tubdan oshirishga qaratilgan Oʻzbekiston Respublikasida kirish tibbiyot turizmini rivojlantirish strategiyasini va uni amalga oshirish boʻyicha “yoʻl xaritasi”ni ishlab chiqish.

4. Yirik davlat tibbiyot tashkilotlarida tibbiy xizmatlarni ham mamlakat ichida, ham xorijda ilgari surish uchun masʼul boʻlgan marketing va tibbiyot turizmini rivojlantirish, chet el fuqarolarini, shuningdek, ularga hamroh boʻlgan shaxslarni qabul qilish va xizmat koʻrsatishni tashkil etish boʻyicha maxsus tarkibiy tuzilmalar yaratish.

5. Kirish tibbiyot turizmini rivojlantirish boʻyicha hududiy dasturlar ishlab chiqish, madaniy-maʼrifiy tadbirlar bilan kompleks bogʻliq holda chet el fuqarolariga tibbiy xizmat koʻrsatishni tashkil etish, chet el investitsiyalari, shuningdek, tibbiyot tashkilotlarining turistik infratuzilmasini rivojlantirishga xalqaro moliya institutlari va boshqa tashkilotlar kreditlari va grantlarini jalb qilish.

6. Yetakchi ilmiy-amaliy tibbiyot markazlarining salohiyatini va ular koʻrsatadigan xizmatlarni, shu jumladan estetika jarrohligi, kardiojarrohlik, neyrojarrohlik, urologiya imkoniyatlarini ommaviy axborot vositalarida PR-kompaniyalar, konferensiyalar, seminarlar va davra suhbatlari tashkil etish orqali keng targʻib qilish.

7. Farmatsevtika tarmogʻini yanada rivojlantirish

1. Quyidagilarni imkonini beruvchi Dori vositalari va tibbiyot buyumlarini markirovkalash hamda ular harakatlanishining monitoringini olib borish axborot tizimini joriy etish:

dori vositalari va tibbiyot buyumlari har bir qadogʻining ishlab chiqarilgan yoki import qilingan vaqtdan boshlab isteʼmolchiga yetib borgan vaqtgacha harakatlanishini kuzatish;

sifatsiz va kontrafakt dori vositalari hamda tibbiyot buyumlarining butun respublika boʻylab profilaktikasi va muomaladan darhol olib qoʻyilishi;

ijtimoiy ahamiyatga ega dori vositalari va tibbiyot buyumlari narxini belgilash ustidan monitoring olib borish;

barcha darajalarda dori vositalari va tibbiyot buyumlari zaxiralari va rezervlarini tezkor rejalashtirish va boshqarish;

isteʼmolchilar tomonidan mobil ilova yordamida xarid qilinadigan (olinadigan) dori vositalari va tibbiyot buyumlari qonuniyligini tekshirish.

2. Qimmat turadigan dori terapiyasini talab qiladigan bemorlar registrlarini shakllantirish.

3. Jahon sogʻliqni saqlash tashkiloti tomonidan qayta malakalangan immunobiologik preparatlarni jadal roʻyxatdan oʻtkazish tartib-taomilini joriy etish.

4. Dori vositalarini, tibbiyot buyumlarini va tibbiy texnikani roʻyxatdan oʻtkazish sohasidagi qonun hujjatlarini takomillashtirish, ularni xalqaro talablarga uygʻunlashtirish.

5. Rivojlangan davlatlarning ijobiy tajribasi asosida dori vositalari, tibbiyot buyumlari va tibbiy texnika uchun referent narx belgilashni bosqichma-bosqich joriy etish.

6. Farmatsevtika tashkilotlarini sifat menejmenti tizimlarini va tegishli ishlab chiqarish amaliyotini (GMP va boshqalar) joriy etishga ragʻbatlantirish.

7. Ambulatoriya va statsionar davolashda fuqarolarni taʼminlash uchun budjet mablagʻlari hisobidan qoplanadigan dori vositalari roʻyxatini shakllantirish uslubiyotini ishlab chiqish va takomillashtirish.

8. Respublika hududida oʻsadigan dorivor oʻsimliklar plantatsiyalarini tashkil etgan holda ularni yetishtirish texnologiyalarini ishlab chiqish, shuningdek, oʻsimlik xom ashyosi asosida dori vositalari ishlab chiqaruvchi mamlakatimiz korxonalarini keng qoʻllab-quvvatlash.

9. Ixtisoslashgan farmatsevtika erkin iqtisodiy zonalari hududida tayyor dori vositalari va substansiyalar ishlab chiqaruvchi yangi farmatsevtika korxonalari tashkil etishga doir yirik investitsiya loyihalarini amalga oshirish.

8. Tibbiyot kadrlarini tayyorlash, qayta tayyorlash va ularning malakasini oshirish, shuningdek, tibbiyot ilm-fanini rivojlantirishning samarali tizimini shakllantirish

1. Oʻqitishning kredit-modul tizimini bosqichma-bosqich joriy etish va ularning amaliy jihatlarini oshirish orqali oliy taʼlim va oliy oʻquv yurtidan keyingi taʼlimning taʼlim standartlari va oʻquv dasturlarini takomillashtirish.

2. Klinik ixtisoslikni egallash murakkabligidan kelib chiqib, magistratura va klinik ordinaturada (rezidenturada) yuqori malakali kadrlar tayyorlash muddatlarini xalqaro standartlarga muvofiq 1 yildan 5 yilgacha etib optimallashtirish.

3. Xorijiy tibbiyot taʼlim muassasalari bilan keng hamkorlik qilish, shu jumladan ularning filiallari va fakultetlarini ochish, shuningdek, ikkita diplom berish tizimini joriy etish.

4. Taʼlim dasturlarini amalga oshirishda tarmoq hamkorligi va ochiq kurslardan foydalanish orqali xorijiy universitetlar resurslaridan foydalanish hisobiga taʼlim imkoniyatlarini kengaytirish, shuningdek tibbiy taʼlimning elektron milliy platformalarini ishlab chiqish va elektron taʼlim muhitini shakllantirish.

5. Ilgʻor ilmiy ishlanmalar va texnologiyalarni sogʻliqni saqlash amaliyotiga integratsiya qilishda tibbiyot oliy taʼlim muassasalari klinikalari va oʻquv bazalarining rolini kuchaytirish.

6. Yuqori malakali kadrlar tayyorlashda, ularni davolash-tashxis qoʻyish jarayonida ishtirok etganligi uchun moddiy ragʻbatlantirish yoʻli bilan yangi ilmiy ishlanmalar va texnologiyalarni joriy etishda tibbiyot oliy taʼlim muassasalari va ilmiy muassasalar professor-oʻqituvchilari rolini oshirish.

7. Quyidagilarni joriy etish orqali taʼlim uzluksizligini taʼminlovchi tibbiyot xodimlarini qayta tayyorlash va ular malakasini oshirish tizimini takomillashtirish:

oʻqitishning ball (jamgʻarib borish) tizimi;

muammoga yoʻnaltirilgan modul oʻquv dasturlari;

masofaviy oʻqitish dasturlari;

uzluksiz tibbiy taʼlimni tashkil etishda koʻmaklashish uchun interaktiv portal.

8. Tibbiyot ilmiy va taʼlim muassasalarini xalqaro standartlar, shu jumladan GCP (Good clinical practice) standarti boʻyicha sertifikatlashtirish (akkreditatsiya qilish) asosida tibbiyot kadrlarini tayyorlash, qayta tayyorlash va ular malakasini oshirish, tibbiyot ilm-fanini rivojlantirish tizimi samaradorligini oshirish.

9. Tibbiyot taʼlim muassasalarida oʻqitish toʻldirilgan va virtual reallik sharoitida, tibbiy trenajyor va manekenlarda olib boriladigan simulyatsion markazlarni tashkil etish.

10. Tibbiyot ilmiy va taʼlim muassasalarining bazaviy hamda dasturiy-maqsadli moliyalashtirilishini, innovatsion ishlanmalar va texnologiyalar transferini amalga oshirish uchun tibbiyot va ilmiy jamoalarni davlat tomonidan manzilli qoʻllab-quvvatlashni taʼminlash, ularni sogʻliqni saqlash amaliyotiga joriy etish.

11. Oliy tibbiyot oʻquv muassasalari tibbiy-profilaktik yoʻnalishi kafedralarining taʼlim dasturlari tan olingan xalqaro tashkilotlar, shu jumladan Yevropa mintaqasida jamoat sogʻligʻini saqlash maktabi uyushmasi (ASPHER — The Association of Schools of Public Health in the European Region) tomonidan akkreditatsiya qilinishini taʼminlash.

9. Axborot-kommunikatsiya texnologiyalari va “elektron sogʻliqni saqlash”ni keng joriy etish

1. Quyidagi imkoniyatlarni nazarda tutuvchi “Elektron sogʻliqni saqlash” tizimini joriy etish, yagona milliy standartlar asosida integratsiyalashgan axborot tizimlari va maʼlumotlar bazalari majmuini tashkil etish:

a) aholi uchun:

tibbiyot tashkilotlari va koʻrsatiladigan tibbiy xizmatlar toʻgʻrisida axborot olish;

shifokorlar malakasi, ish staji, qabul vaqti haqida axborot olish, shuningdek, “elektron navbat”, shu jumladan masofadan navbatni band qilib qoʻyish imkoniyatini tashkil etish;

koʻrsatiladigan xizmatlar sifatini, shu jumladan tibbiyot xodimlari faoliyatini baholash;

mobil ilovalar orqali tizimdan foydalanish;

b) tibbiyot tashkilotlari va sogʻliqni saqlashni boshqarish organlari:

muassasani rivojlanishning innovatsion ijtimoiy yoʻnaltirilgan tipiga aylantirish;

sogʻliqni saqlash sohasida standartlashtirish tizimini amalga oshirish;

elektron hujjat bilan ishlashni joriy etish orqali ish jarayonini optimallashtirish (tibbiyot kartalari va kasalliklar tarixlarini toʻldirish, “elektron retseptlar” berish);

tibbiyot xodimlari, dori vositalari, tibbiyot buyumlari va tibbiy texnika, sarflash materiallari hisobini va monitoringini yuritish;

davlat tomonidan kafolatlangan bepul tibbiy yordam dasturlari boʻyicha moliyaviy operatsiyalar amalga oshirish va monitoringini yuritish, tibbiyot tashkilotlarining boʻlajak xarajatlarini baholash, shuningdek ehtimoli boʻlgan xatarlarni tahlil qilish;

tibbiy statistika, hisob va hisobot yuritish, shuningdek, sogʻliqni saqlash milliy hisobvaraqlari tizimini qoʻllab-quvvatlash;

boshqa tibbiyot tashkilotlari axborot tizimlari bilan integratsiyalash va axborot almashish;

2. Tibbiyot tashkilotlari ish koʻrsatkichlari va tarmoqning rivojlanish holatini monitoring qilishning asosiy mexanizmi sifatida axborot-kommunikatsiya texnologiyalaridan foydalanish.

3. Tibbiyot tashkilotlari oʻrtasida axborot almashish hamda masofaviy tibbiy va taʼlim xizmatlarini (maslahatlashuvlar, konsiliumlar, operatsiyalar, master-klasslar va hokazolar) oʻtkazish uchun teletibbiyotni rivojlantirish.

IV. Konsepsiyani amalga oshirishdan kutilayotgan natijalar

Konsepsiyani amalga oshirish natijasida quyidagilar kutilmoqda:

barqaror taraqqiyot sohasida milliy maqsadlar va vazifalarga erishish;

Jahon sogʻliqni saqlash tashkiloti, boshqa nufuzli xalqaro tashkilotlar standartlari va tavsiyalarini milliy qonun hujjatlariga implementatsiya qilish, Xalqaro tibbiy-sanitariya qoidalarini amalga oshirish;

sogʻliqni saqlash xizmatlari bilan toʻliq qamrab olishni taʼminlash, malakali, ixtisoslashtirilgan va yuqori texnologik tibbiy yordamdan foydalanish imkoniyatini oshirish, onalik va bolalikni muhofaza qilish tizimini rivojlantirish;

davlat tomonidan kafolatlangan bepul tibbiy yordam hajmlarini qonunchilik yoʻli bilan belgilab qoʻyish;

respublika fuqarolarini majburiy tibbiy sugʻurta dasturlari bilan bosqichma-bosqich qamrab olish;

sogʻliqni saqlashni moliyalashtirishni oshirish, tibbiy xizmatlar koʻrsatishda budjetdan ajratiladigan mablagʻlardan samarali foydalanish, tibbiyot va farmatsevtika xodimlari mehnatiga munosib haq toʻlanishini taʼminlash;

respublika hududlarini tibbiyot va farmatsevtika kadrlari bilan toʻliq hamda teng hajmda taʼminlashga erishish;

jamiyat sogʻliqni saqlash tizimi va fuqarolar sogʻligʻini saqlash masalalari boʻyicha idoralararo hamkorlikni rivojlantirish;

umr koʻrishni 75 yoshgacha oshirish;

onalar oʻlimi koʻrsatkichini 15 foizga kamaytirish;

chaqaloqlar va besh yoshgacha boʻlgan bolalar oʻlimini 30 foizga kamaytirish;

aholi orasida yurak-tomir, onkologiya kasalliklari, qandli diabet va surunkali nafas yoʻllari kasalliklaridan bevaqt oʻlishni 15 foizga kamaytirish;

aholining sil, OIV, gepatit va boshqa yuqumli kasalliklarga chalinish darajasini kamaytirish.

Natijalarga erishish darajasi va ularning samaradorligi Konsepsiyada nazarda tutilgan, indikatorlari ilovada keltirilgan chora-tadbirlar amalga oshirilishi ustidan muntazam monitoring olib borish asosida baholanadi.

Oʻzbekiston Respublikasi sogʻliqni saqlash tizimini 2019 — 2025-yillarda rivojlantirish Konsepsiyasiga ILOVA

2019 — 2025-yillarda Oʻzbekiston Respublikasi sogʻliqni saqlash tizimini rivojlantirish Konsepsiyasini amalga oshirish samaradorligini aniqlash

indikatorlari

T/r Koʻrsatkichlar 2018-yil 2025-yil I. Kutilayotgan umr koʻrish davomiyligini oshirish 1. Tugʻilishdan kutilayotgan umr koʻrish davomiyligi (ikkala jinsda) (yillarda) 73,7 (2017-y.) 75,0 2. Erkaklarda tugʻilishdan kutilayotgan umr koʻrish davomiyligi (yillarda) 71,3 (2017-y.) 72,1 3. Ayollarda tugʻilishdan kutilayotgan umr koʻrish davomiyligi (yillarda) 76,1 (2017-y.) 77,8 II. Sogʻliqni saqlash tizimini tashkil qilish va boshqarishni takomillashtirish 1. Jamoat sektorini boshqarish, ishbilarmonlik maʼmuriyatchiligi, sogʻliqni saqlash iqtisodiyoti, davlat siyosati, sogʻliqni saqlash tizimini rivojlantirish sohasidagi Oʻzbekiston Respublikasi Sogʻliqni saqlash vazirligi va uning hududiy organlari oliy maʼlumotli xodimlarining ulushi (%) 0 20,0 2. Xalqaro standartlarga muvofiq aniqlanadigan mavjud xalqaro salomatlik koʻrsatkichlari foizi 75,0 3. Xalqaro standartlarga muvofiq oʻlim haqidagi guvohnomalarni oʻlim sababi bilan birga elektron shaklda qayd etish foizi 75,0 4. Statsionarlarda va kutilmagan holatlarda yuqumli kasallikka chalinish holatlarini minimumga tushirish maqsadida 10 tadan kam boʻlmagan “bemorlar uchun xavfsizlik paketlari” tatbiq etilgan shifoxonalar foizi 0 50,0 5. Tibbiyot xodimlarining oʻz faoliyatidan qoniqish foizi Maʼlumot mavjud emas 50,0 6. Natijalari bemorlarning kasallik guruhiga yoki holatiga qarab nazorat qilish va ularni sifatini yaxshilash imkonini beradigan klinik axborot tizimlariga ega boʻlgan ambulatoriya muassasalari foizi 0 50,0 7. Menejment boʻyicha tayyorlashdan, qayta tayyorlashdan va malaka oshirishdan oʻtgan sogʻliqni saqlash tizimining barcha boʻgʻinlaridagi maʼmuriy-boshqaruv xodimlari (%) 70,0 100 8. Bolalik yoshidan kasalliklarni integratsiyaviy olib borishni taʼminlaydigan yetkazib beruvchi/birlamchi tibbiy-sanitariya yordami poliklinikalari, tuman (shahar) tibbiyot birlashmalarining bolalar boʻlimlari ulushi (%) Mavjud emas 100 9. MLU-TB davolash muvaffaqiyati koʻrsatkichi (%) 57,0 65,0 10. Tez tibbiy yordamga javob berish vaqti, shaharlarda chaqiriqqa javob berish ≤ 10 minutdan kam boʻlgan foizi Maʼlumot mavjud emas 50,0 11. Tez tibbiy yordamga javob berish vaqti, qishloq joylarda chaqiriqqa javob berish ≤ 30 minutdan kam boʻlgan foizi Maʼlumot mavjud emas 50,0 12. Shoshilinch vaziyatlarda operatsiyadan keyingi oʻlim holati, foizda 0,2 0,1 13. Barcha tibbiyot muassasalarida aholiga ixtisoslashtirilgan tibbiy yordam koʻrsatishda diagnostika va davolashning yuqori texnologiyalarini joriy etish (%) 20,6 50,0 III. Sogʻliqni saqlashni moliyalashtirish tizimini takomillashtirish 1. Umumiy davlat xarajatlariga nisbatan sogʻliqni saqlash boʻyicha davlat xarajatlari foizda 15,4 15,4 2. YAIMga nisbatan sogʻliqni saqlashga davlat xarajatlari foizda 2,9 5,0 3. Umumiy sogʻliqni saqlash xarajatlarida dori vositalari va tibbiyot buyumlari sotib olish uchun xarajatlar ulushi (%) 9,6 12,0 4. Hududlardagi birlamchi tibbiy-sanitariya yordami muassasalarida (ambulator-poliklinika boʻgʻini) aholi jonboshiga moliyalashtirish (%) 0 100 5. Davolanganlik holati boʻyicha statsionar muassasalarni moliyalashtirish (%) 4,5 100 6. Majburiy tibbiy sugʻurta dasturi boʻyicha respublika fuqarolarini qamrab olish (%) 0 90,0 7. Majburiy tibbiy sugʻurta dasturi boʻyicha tibbiy yordam koʻrsatishda xususiy tibbiyot tashkilotlarining ishtiroki (%) 0 30,0 8. Aholining toʻgʻridan-toʻgʻri toʻlovlari darajasini kamaytirish (%) 45,3 30,0 IV. Tibbiy yordam sifatini va imkoniyatini oshirish, sogʻlom turmush tarzini qoʻllab-quvvatlash, yuqumli va yuqumli boʻlmagan kasalliklarni profilaktikasi va ular bilan kurashish 1. Ichak infeksiyalari bilan kasallanish (100 ming aholiga) 137,7 (2017-y.) 80,0 2. Oʻtkir virusli gepatit A bilan kasallanish (100 ming aholiga) 98,1 (2017-y.) 60,0 3. Anemiya bilan kasallanish (100 ming aholiga) 5439 4587,8 4. Yod yetishmasligi bilan bogʻliq kasallanish (100 ming aholiga) 184,3 156,6 5. Boʻyi oʻsishi kechikishi mavjud besh yoshgacha boʻlgan bolalar ulushi (%) 8,7 (2017-y.) 7 6. Vazn ogʻirligi yetishmasligi mavjud besh yoshgacha boʻlgan bolalar ulushi (%) 2,6 (2017-y.) 2,0 7. Ortiqcha vazn mavjud besh yoshgacha boʻlgan bolalar ulushi (%) 4,6 (2017-y.) 8. Narkologik kasalliklar bilan kasallanish (100 ming aholiga) 23,6 20,3 9. Yoʻl-transportda jarohatlanish natijasida oʻlim holatlari (100 ming aholiga) 7,6 (2017-y.) 7,0 10. NXD boʻyicha 3 yoki undan ortiq xavf omillari mavjud (har kuni chekuvchilar, meva va sabzavotlarni 5 foizdan kam isteʼmol qilish, jismoniy faollikning yetarli emasligi, BMI ≥ 25, yuqori qon bosimi) 45 — 64 yoshdagi aholining ulushi (%) 44,6 (2016-y.) 40,0 11. OIV infeksiyasining yangidan yuqishi 100 ming aholiga, jami, jinsi, yoshi boʻyicha 12,4 (2017-y.) 10,0 12. 100 ming aholiga sil kasalligi bilan kasallanish 44,7 (2017-y.) 37,0 13. 100 ming kishiga V gepatiti bilan kasallanish 0,8 (2017-y.) 0,2 14. Davlat tomonidan toʻlanadigan, immunizatsiya milliy dasturidagi vaksinalar ulushi (%) 95,0 (2017-y.) 100 15. 9 — 12 yoshdagi oʻsmir qizlarni HPVga qarshi vaksina bilan qamrab olinishi (%) 0 100 16. 30 — 69 yoshdagi aholi orasida yurak-qon tomir kasalligi tufayli oʻlim koʻrsatkichi (%) 40,9 34,5 17. 30 — 69 yoshdagi aholi orasida saraton kasalligi tufayli oʻlim koʻrsatkichi (%) 72,5 67,6 18. 30 — 69 yoshdagi aholi orasida qandli diabet tufayli oʻlim koʻrsatkichi (%) 73,2 58,5 19. 30 — 69 yoshdagi aholi orasida surunkali respirator kasalliklar tufayli oʻlim koʻrsatkichi (%) 45,4 20,2 20. Yurak-qon tomir kasalliklari mavjud 40 — 64 yoshdagi aholi ≥ 30% ulushi (%) 20,0 (2014-y.) 12,0 21. bugungi kunda davolanmayotgan yuqori qon bosimiga ega (Map ≥ 140 va / yoki DBP ≥ 90) aholining ulushi (%) 22,0 (2014-y.) 15,0 V. Onalar va bolalarga tibbiy yordam koʻrsatish tizimini takomillashtirish 1. Reproduktiv yoshdagi (15 — 49 yosh) ayollarni zamonaviy kontratsepsiya vositalari bilan qamrab olish (%) 47,4 (2017-y.) 55,0 2. Oʻsmir qizlar (15 — 19 yosh) orasida tugʻish koʻrsatkichi, ushbu yosh guruhidagi 1000 nafar ayolga 19,2 (2017-y.) 7,0 3. 100 ming nafar tirik tugʻilganlarga nisbatan onalar oʻlimi koeffitsenti 21,0 (2017-y.) 15 4. 1000 nafar tirik tugʻilganlarga nisbatan neonatal oʻlim koeffitsenti 7,8 (2017-y.) 5,0 5. 1000 nafar tirik tugʻilganlarga nisbatan chaqaloqlar oʻlimi koeffitsenti 11,5 (2017-y.) 7,5 6. 1000 nafar tirik tugʻilganlarga nisbatan 5 yoshgacha bolalar oʻlimi koeffitsenti 15,4 (2017-y.) 9,8 7. Milliy dasturlarga kiritilgan barcha vaksinalar immunizatsiyasi bilan qamrab olingan bolalar ulushi (%) >99,0 (2017-y.) 100 VI. Davlat-xususiy sherikligi va tibbiy turizmni rivojlantirish 1. Davlat-xususiy sheriklik asosida faoliyat yuritayotgan xususiy sektor vakillarining soni (%) 0 35,0 2. Davlatning kafolatlangan aholiga bepul tibbiy yordam koʻrsatish boʻyicha dasturini amalga oshirishda xususiy tibbiyot tashkilotlarining ulushi (%) 0 20,0 3. Tibbiy turizmdan olinadigan yillik daromad ($ XQ) Maʼlumot mavjud emas 0,6 mln 4. Respublika klinikalarida tibbiy xizmat olgan xorijiy bemorlar soni >15000 100000 VII. Farmatsevtika tarmogʻini yanada rivojlantirish 1. Mahalliy ishlab chiqaruvchilar tomonidan ishlab chiqarilgan dori vositalari va tibbiyot buyumlarini isteʼmol qilish ulushi (%) 24,0 35,0 2. Jahon sogʻliqni saqlash tashkilotining “Yaxshi ishlab chiqarish amaliyoti” standartiga muvofiq sertifikatlangan mahalliy dori vositalari va tibbiyot buyumlarini ishlab chiqaruvchilar ulushi (%) 6,0 40,0 3. Mahalliy dori vositalari va tibbiyot buyumlari eksporti ulushi (%) - 10,0 VIII. Axborot-kommunikatsiya texnologiyalari va “elektron sogʻliqni saqlash”ni keng joriy etish 1. Tibbiyot, tibbiy-ijtimoiy va farmatsevtika tashkilotlarini kompyuter va ofis uskunalari bilan taʼminlash 20,0 100 2. Lokal tarmoq, Internet tarmogʻining mavjudligi 15,0 100 3. Tibbiyot va farmatsevtika xodimlarining kompyuter savodxonligi 38,0 100 4. Elektron hujjat aylanishini amalga oshiruvchi tibbiyot va farmatsevtika tashkilotlari soni (%) 10,0 100 5. Bemorlarni roʻyxatga olishning elektron tizimi toʻliq joriy etilgan davlat tibbiyot muassasalarining foizi 10,0 100 IX. Tibbiyot va farmatsevtika kadrlarini tayyorlash, qayta tayyorlash va malakasini oshirish, shuningdek tibbiyot fanini rivojlantirish 1. Xalqaro standartlarga muvofiq akkreditlangan taʼlim dasturlarining foizi 0 50,0 2. Xalqaro standartlar inobatga olingan holda isloh qilingan Oliy tibbiy taʼlimning diplomoldi dasturlari foizi 50,0 90,0 3. Xalqaro standartlar inobatga olingan holda isloh qilingan ixtisoslashtirilgan tibbiy taʼlimning diplomdan keyingi dasturlari foizi 50,0 90,0 4. Tibbiyot hamshiralari uchun xalqaro standartlarga muvofiq yangilangan (isloh qilingan) oʻquv tibbiyot taʼlim muassasalari foizi 50,0 90,0 5. Farmatsevtlar uchun xalqaro standartlarga muvofiq yangilangan (isloh qilingan) tibbiyot dasturlari foizi 40,0 80,0 6. Meditsina va farmatsevtika fani yutuqlarini amaliy sogʻliqni saqlashga joriy etish foizi 45,0 70,0 7. Ilmiy-tadqiqotlar sohasida xalqaro hamkorlikni rivojlantirish (qoʻshma grantlar soni) 4,0 15,0 8. Tibbiyot tashkilotlari xodimlarining ilmiy salohiyati foizi 35,0 50 9. Meditsina va farmatsevtika sohasida ilmiy tadqiqotlar olib borishda ishtirok etuvchi klinika va laboratoriyalarga ega Oliy tibbiyot taʼlim muassasalari 72,0 100

Oʻzbekiston Respublikasi Prezidentining 2018-yil 7-dekabrdagi PF-5590-son Farmoniga 2-ILOVA

2019 — 2021-yillarda Oʻzbekiston Respublikasi sogʻliqni saqlash tizimini rivojlantirish konsepsiyasini amalga oshirish chora-tadbirlari

dasturi

T/r Tadbir nomi Amalga oshirish mexanizmi Ijro muddati Masʼul ijrochilar I. Cogʻliqni saqlash sohasidagi qonunchilikni takomillashtirish 1. “Fuqarolarning reproduktiv salomatligini muhofaza qilish toʻgʻrisida”gi Oʻzbekiston Respublikasi qonuni loyihasini ishlab chiqish va Oʻzbekiston Respublikasi Oliy Majlisi Qonunchilik palatasiga kiritish, bunda quyidagilarni nazarda tutish: fuqarolarning reproduktiv salomatligini muhofaza qilish sohasida davlat kafolati, ularning asosiy tushuncha va tamoyillari; fuqarolarning reproduktiv salomatligini muhofaza qilish sohasi mutaxassislari va tibbiyot tashkilotlarining faoliyatida, davlat organlari vakolatlari; yordamchi reproduktiv texnologiyalarni qoʻllash tartibi; fuqarolarning reproduktiv salomatligini muhofaza qilish boʻyicha profilaktik chora-tadbirlar. Oʻzbekiston Respublikasi qonuni loyihasi 2019-yil 1-mart Sogʻliqni saqlash vazirligi (A. Shadmanov), Adliya vazirligi (R. Davletov), Moliya vazirligi (A. Xaydarov), Iqtisodiyot vazirligi (B. Xodjayev), Milliy palata (R. Izamov), manfaatdor vazirlik va idoralar 2. “Erta yoshdagi bolalar va goʻdaklarni ovqatlantirish toʻgʻrisida”gi Oʻzbekiston Respublikasi qonuni loyihasini ishlab chiqish va Oʻzbekiston Respublikasi Vazirlar Mahkamasiga kiritish, bunda quyidagilarni nazarda tutish: ona suti bilan oziqlantirishni targʻib qilish yoʻli bilan erta yoshdagi bolalarni va goʻdaklarni himoya qilish, xavfsiz va sifatli ovqatlantirishni taʼminlashning huquqiy asoslari; koʻkrak suti oʻrnini bosuvchilar marketingi Kodeksi talablariga muvofiq koʻkrak suti oʻrnini bosuvchilar marketingini boshqarish; koʻkrak suti bilan oziqlantirishning afzalligi toʻgʻrisidagi maʼlumotlarni, mahsulotni qadoqlash etiketkasida boʻlishi shartligi; erta yoshidagi bolalar uchun oziq-ovqat mahsulotlarini yoshiga muvofiqligi va bexatarligi asoslari. Oʻzbekiston Respublikasi qonuni loyihasi 2019-yil 1-mart Sogʻliqni saqlash vazirligi (A. Shadmanov), Adliya vazirligi (R. Davletov), Milliy palata (R. Izamov), YUNISEFning Oʻzbekistondagi vakolatxonasi (kelishuv asosida), Loyiha boshqaruvi milliy agentligi (D. Li) 3. “Oʻzbekiston Respublikasi Davlat budjeti mablagʻlari hisobidan qoplanadigan, kafolatlangan bepul tibbiy xizmat hajmi toʻgʻrisida”gi hukumat qaror loyihasini ishlab chiqish va Oʻzbekiston Respublikasi Vazirlar Mahkamasiga kiritish, shu jumladan quyidagilarni Oʻzbekiston Respublikasi Davlat budjeti mablagʻlari hisobidan qoplanadigan tibbiy xizmat hajmlarini aniqlash usullari va mexanizmi, budjet mablagʻlari amaliyotini boshqarish va rejalashtirish strukturasini belgilashni nazarda tutish. Oʻzbekiston Respublikasi Vazirlar Mahkamasi qarori loyihasi 2019-yil 1-iyun Sogʻliqni saqlash vazirligi (A. Shadmanov), Moliya vazirligi (A. Xaydarov), Iqtisodiyot vazirligi (B. Xodjayev), Milliy palata (R. Izamov) Adliya vazirligi (R. Davletov), manfaatdor vazirlik va idoralar 4. “Majburiy tibbiy sugʻurta toʻgʻrisida”gi Oʻzbekiston Respublikasi qonuni loyihasini ishlab chiqish va Oʻzbekiston Respublikasi Vazirlar Mahkamasiga kiritish, shu jumladan quyidagi majburiy tibbiy sugʻurtani tatbiq etishning mexanizmlari va bosqichlarini huquqiy asoslarni nazarda tutish: majburiy tibbiy sugʻurta bubyektlarini, ularning huquq va majburiyatlarini va sohada huquqiy munosabatlarni tartibga soluvchi vakolatli organni belgilash; majburiy tibbiy sugʻurta dasturlarini moliyalashtirish manbalari shakllantirish. Oʻzbekiston Respublikasi qonuni loyihasi 2019-yil 1-iyul Sogʻliqni saqlash vazirligi (A. Shadmanov), Moliya vazirligi (A. Xaydarov), Iqtisodiyot vazirligi (B. Xodjayev), LBMA (D. Li), Milliy palata (R. Izamov), Adliya vazirligi (R. Davletov), manfaatdor vazirlik va idoralar 5. Tibbiy xodim va bemor, tibbiy xodim va bemorning qarindoshlari oʻrtasidagi munosabatlarni chegaralovchi Tibbiy xodimlarning odob-axloq kodeksi loyihasini ishlab chiqish. Idoraviy hujjat 2019-yil 1-avgust Sogʻliqni saqlash vazirligi (A. Shadmanov), Milliy palata (R. Izamov), Xususiy amaliyot shifokorlari uyushmasi (A. Voisov) 6 “Tibbiy faoliyat va tibbiyot xodimlarining kasbiy javobgarligini majburiy sugʻurtalash toʻgʻrisida”gi Oʻzbekiston Respublikasi qonuni loyihasini ishlab chiqish va Oʻzbekiston Respublikasi Vazirlar Mahkamasiga kiritish, bunda quyidagilarni nazarda tutish: Tibbiy xodimlarning kasbiy faoliyatni amalga oshirishda javobgarligi va majburiyati, shuningdek ular tomonidan fuqarolarga xizmat koʻrsatilganligi; Tibbiy xodimlarning fuqarolar sogʻligʻiga zarar yetkazgani uchun kasbiy javobgarligini majburiy sugʻurta qilish hamda xizmat vazifalarini bajarish vaqtida ularning hayoti va sogʻligʻiga yetkazilgan zararni qoplash. Oʻzbekiston Respublikasi qonuni loyihasi 2019-yil 1-sentabr Sogʻliqni saqlash vazirligi (A. Shadmanov), Milliy palata (R. Izamov), Adliya vazirligi (R. Davletov), Moliya vazirligi (R. Xaydarov), LBMA (D. Li) 7. Quyidagilarni nazarda tutuvchi Oʻzbekiston Respublikasi Sogʻliqni saqlash kodeksi loyihasini ishlab chiqish: Sogʻliqni saqlash sohasida amaldagi qonun normalarini birlashtirish; sogʻliqni saqlash sohasini aniqlovchi asosiy atamalar; sogʻliqni saqlash tizimi va tibbiy yordamni tashkil etish; tibbiy va farmatsevtik faoliyatni belgilash, koʻrsatiladigan xizmat hajmi va turlarini aniqlash; sogʻliqni saqlash sohasini davlat tomonidan tartibga solish, boshqarish va nazorati, shuningdek, idoralararo hamkorlik qilish; sogʻliqni saqlash tizimini moliyalashtirish; sanitariya-epidemiologik nazoratni tashkil qilish; sogʻliqni saqlash sohasida taʼlim va ilmiy faoliyatni normasini belgilash; sogʻliqni saqlash sohasidagi huquqiy munosabatlarda tomonlarning huquq va majburiyatlari; tibbiy va farmatsevtik faoliyatlarning ayrim turlarini huquqiy tartibga solish va boshqalar. Oʻzbekiston Respublikasi qonuni loyihasi 2020-yil 1-iyul Vazirlar Mahkamasi (A. Abduxakimov), Oliy Majlis huzuridagi Qonunchilik muammolari va parlament tadqiqotlari instituti (R. Hakimov kelishuv asosida) Sogʻliqni saqlash vazirligi (A. Shadmanov), Milliy palata (R. Izamov), Adliya vazirligi (R. Davletov), Moliya vazirligi (A. Xaydarov), Iqtisodiyot vazirligi (B. Xodjayev) 8. Oʻzbekiston Respublikasi Prezidentining “Oʻzbekiston Respublikasi sanitariya-epidemiologiya xizmatini takomillashtirish toʻgʻrisida”gi qarori loyihasini ishlab chiqish va kiritish. Oʻzbekiston Respublikasi Prezidenti qarori loyihasi 2019-yil 15-fevral Sogʻliqni saqlash vazirligi (A. Shadmanov), LBMA (D. Li), Iqtisodiyot vazirligi (B. Xodjayev), manfaatdor vazirlik va idoralar II. Sogʻliqni saqlashni tashkil qilish va boshqarishni takomillashtirish 9. Oʻzbekiston Respublikasi sogʻliqni saqlash vazirligi xodimlarining strategik rejalashtirish va boshqarish imkoniyatlarini quyidagi yoʻllar bilan oshirish: sogʻliqni saqlash tizimi boshqaruv kadrlari uchun zamonaviy menejment va korporativ boshqaruv, strategik rejalashtirish, moliyaviy boshqaruv, servisga yoʻnaltirilgan yondashuv, davlat buyurtmalarini bajarish va tibbiy xizmatlar sifatini boshqarishga asoslangan oʻquv dasturlarini ishlab chiqish; boshqaruv kadrlari zaxirasini shakllantirish va ularning maʼlumotlar bazasini hududlar va boʻlinmalar boʻyicha joriy qilish. Qoʻshma buyruq 2019-yil 1-fevral Sogʻliqni saqlash vazirligi (A. Shadmanov), LBMA (D. Li) 10. Tibbiy tashkilotlar darajasi va tibbiy yordam koʻrsatish turlariga koʻra nomenklaturasi hamda ularni jihozlash tabeli va kadrlar taʼminoti, tibbiy obyektlar infratuzilmasi normativini, uning zichligi va transport infratuzilmasi hamda aholi jon boshini inobatga olgan holda ishlab chiqish. Shahar oilaviy poliklinikalarida koʻrsatilayotgan tibbiy xizmatlar hajmini, mavjud talablardan kelib chiqqan holda tor mutaxassislar faoliyatini tashkillashtirish orqali oshirish. Normativ hujjatlar loyihalari 2019-yil davomida Sogʻliqni saqlash vazirligi (A. Shadmanov), Milliy palata (R. Izamov) 11. Quyidagilarni nazarda tutib, kompleks chora-tadbirlarni tasdiqlovchi Vazirlar Mahkamasining qarori loyihasini ishlab chiqish: tibbiyot muassasalarining asbob-uskunalar, sarflov vositalari va ehtiyot qismlarga boʻlgan ehtiyojni aniqlovchi yagona mexanizm va standartlarni tatbiq etish; tibbiy asbob-uskuna va jihozlar hisobini yurituvchi axborot tizimini joriy qilish; davlat-xususiy sheriklik shartlarida tibbiy asbob-uskuna va texnikalarni metrologik tekshirish va ularga texnik xizmat koʻrsatuvchi hududiy xizmatlarni tashkil etish; tibbiy asbob-uskunalarning texnik holatini yaxshilash. Oʻzbekiston Respublikasi Vazirlar Mahkamasi qarori loyihasi 2019-yil 1-avgust Sogʻliqni saqlash vazirligi (A. Shadmanov), “Oʻzstandart” Agentligi (D. Sattarov), Moliya vazirligi (A. Xaydarov), LBMA (D. Li) 12. Sogʻliqni saqlashning birlamchi tizim muassasalari faoliyatini kasalliklar profilaktikasi va ularni erta aniqlashga qayta yoʻnaltirish orqali optimallashtirish, mobil patronaj brigadalari bilan maxsus jihozlangan “uy statsionarlari” tizimini tatbiq etish. Hududlarning sogʻliqni saqlash tizimini oʻzaro bir-birini toʻldiruvchi va bir-birini kuchaytiruvchi har xil darajadagi tibbiy tashkilotlarni bir guruhga birlashtirishni nazarda tutuvchi “klaster” yondashuvi asosida tashkil etish. Tashkiliy-amaliy choralar, zarur hollarda normativ-huquqiy hujjat loyihasi 2019 — 2021-yillar davomida Sogʻliqni saqlash vazirligi (A. Shadmanov), Milliy palata (R. Izamov), Moliya vazirligi (A. Xaydarov), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari 13. Sogʻliqni saqlash tizimida obyektlar qurishda yagona talablar hamda qurilish, qayta qurish, bino va inshootlardan foydalanish nizomini tasdiqlovchi Oʻzbekiston Respublikasi Vazirlar Mahkamasining qarori loyihasini ishlab chiqish. Oʻzbekiston Respublikasi Vazirlar Mahkamasi qarori loyih�si 2019-yil 1-iyun Qurilish vazirligi (A. Tuxtayev), Sogʻliqni saqlash vazirligi (A. Shadmanov) Moliya vazirligi (A. Xaydarov), Iqtisodiyot vazirligi (B. Xodjayev), vazirlik va idoralar 14. Faoliyati giyohvand vositalar, psixotrop moddalar va prekursorlar oboroti bilan bogʻliq hamda shifokor va provizorlar faoliyatini yakka tartibda litsenziyalash bilan bogʻliq tibbiyot va farmatsevtika tashkilotlarini akkreditatsiya qilish mexanizmlarini chet elning ilgʻor tajribalarini inobatga olgan holda tatbiq etish. Normativ-huquqiy hujjatlar loyihalari 2019-yil 1-noyabr Sogʻliqni saqlash vazirligi (A. Shadmanov), Milliy palata (R. Izamov), LBMA (D. Li), Adliya vazirligi (R. Davletov) III. Sogʻliqni saqlashni moliyalashtirish tizimini takomillashtirish 15. Oʻzbekiston Respublikasi Prezidentining Oʻzbekiston Respublikasida majburiy tibbiy sugʻurtalash mexanizmlarini joriy qilish toʻgʻrisidagi qarori loyihasini ishlab chiqish, unda quyidagilar nazarda tutiladi: majburiy tibbiy sugʻurtalashni bosqichma-bosqich amalga oshirish uchun normativ-huquqiy bazani shakllantirish; mablagʻ toʻplash va bepul tibbiy yordam dasturlarini moliyalashtirish uchun davlat organini jamgʻarmasini (fondini) tashkil etish; moliyalashtirishning yagona aholi jon boshiga mos standartlarini kiritish va “davolangan holat” uchun klinik xarajatlar guruhlari boʻyicha toʻlovlarni amalga oshirish orqali mintaqaviy budjet taqsimlanishini baravarlashtirish chora-tadbirlar; 2021-yildan boshlab maqsadli bemor va maqsadli tibbiy yordam uchun cheklangan majburiy tibbiy sugʻurta dasturlarini joriy etish; majburiy tibbiy sugʻurta dasturi boʻyicha tibbiy yordam koʻrsatishda xususiy tibbiyot tashkilotlarining ishtiroki; aholini majburiy tibbiy sugʻurtalashga bosqichma-bosqich oʻtish. Oʻzbekiston Respublikasi Prezidenti qarori loyihasi 2019-yil 1-iyul Sogʻliqni saqlash vazirligi (A. Shadmanov), Milliy palata (R. Izamov), Moliya vazirligi (A. Xaydarov), Iqtisodiyot vazirligi (B. Xodjayev), Davlat raqobat qoʻmitasi (N. Sharipov) 16. Birlamchi tibbiy-sanitariya muassasalari va ixtisoslashtirilgan tibbiy yordam muassasalari bilan shartnomalar (kontraktlar) tuzish mexanizmlari va tartibini joriy etish, shu jumladan: mintaqaviy jihatlar, aholi zichligi, tashkilot turini hisobga olgan xolda, jon boshiga oʻrtacha moliyalashtirishga asoslangan tizimning metodologiyasi; klinik va xarajatli guruhlar boʻyicha “davolangan holat” uchun tibbiy xizmatlarga haq toʻlash mexanizmlari; har xil turdagi ixtisoslashtirilgan tibbiy yordamning klinik-xarajatli guruhlarni aniqlash metodologiyasi; namunaviy shartnomalar (bitimlar)ni ishlab chiqish; zamonaviy boshqaruv tamoyillari asosida sifatni oshirish va nazorat qilish mexanizmlari. Normativ-xuquqiy hujjat loyihasi 2020-yil 1-yanvar Sogʻliqni saqlash vazirligi (A. Shadmanov), Moliya vazirligi (A. Xaydarov), Iqtisodiyot vazirligi (B. Xodjayev), LBMA (D. Li) 17. Birlamchi tibbiy-sanitariya yordami va ixtisoslashtirilgan tibbiy yordam muassasalari uchun tibbiy xizmatlarni sotib olish tartibini joriy etish, quyidagilarni nazarda tutish: respublikaning bir viloyatdagi muassasalarida tibbiy xizmatlarni sotib olish; butun mamlakat boʻylab tibbiy xizmatlarni sotib olish mexanizmlarini joriy etish. Tashkiliy-amaliy chora-tadbirlar 2020-yil 1-yanvar 2021-yil 1-yanvar LBMA (D. Li), Sogʻliqni saqlash vazirligi (A. Shadmanov), Moliya vazirligi (A. Xaydarov), Iqtisodiyot vazirligi (B. Xodjayev) IV. Tibbiy yordam sifatini va undan foydalanish imkoniyatini oshirish, sogʻlom turmush tarzini qoʻllab-quvvatlash, yuqumli hamda yuqumli boʻlmagan kasalliklar profilaktikasi va ularga qarshi kurash 18. Oʻzbekiston Respublikasi Prezidentining “Yuqumli kasalliklar profilaktikasi, sogʻlom turmush tarzini qoʻllab quvvatlash va aholi jismoniy faolligining darajasini oshirish boʻyicha chora-tadbirlar toʻgʻrisida”gi qarori loyihasini ishlab chiqish: 2019 — 2022-yillarda yuqumli boʻlmagan kasalliklar profilaktikasi, sogʻlom turmush tarzi va aholining jismoniy faolligini oshirish konsepsiyasini tasdiqlash, uni amalga oshirish chora-tadbirlari dasturini tasdiqlash; Oʻzbekiston Respublikasi Sogʻliqni saqlash huzurida sogʻlom turmush tarzini qoʻllab–quvvatlash chora-tadbirlarini amalga oshirish uchun javobgar boʻlgan davlat muassasasini tashkil etish. Oʻzbekiston Respublikasi Prezidenti qarori loyihasi 2019-yil 1-fevral Sogʻliqni saqlash vazirligi (A. Shadmanov), Jismoniy tarbiya va sport vazirligi (D. Nabiyev), Maktabgacha taʼlim vazirligi (A. Shin), Xalq taʼlimi vazirligi (Sh. Shermatov), Oliy va oʻrta maxsus taʼlim vazirligi (I. Majidov), Milliy palata (R. Izamov), manfaatdor vazirlik va idoralar 19. Sogʻliqni saqlash sohasida tibbiy xizmatlarning yagona reyestrini yaratish, unda xizmat koʻrsatish texnologiyasi zarur kadrlar resurslari, dori-darmon va sarf materiallarini tavsiflashni nazarda tutiladi. Oʻzbekiston Respublikasi Sogʻliqni saqlash vaziri buyrugʻining loyihasi 2019-yil 1-may Sogʻliqni saqlash vazirligi (A. Shadmanov), Milliy palata (R. Izamov) 20. Oʻzbekiston Respublikasi Prezidentining “Yuqumli va parazitar kasalliklarning diagnostikasi, ularni davolash va profilaktikasini takomillashtirish davlat dasturini tasdiqlash toʻgʻrisida”gi Qarori loyihasini ishlab chiqish, unda quyidagilar nazarda tutiladi; Yuqumli kasalliklar xizmatning tibbiy muassasalarini samarali muvofiqlashtirish va hamkorligini taʼminlash, ular bilan aloqa tizimini yaratish; istiqbolli sohalarni aniqlash, yuqumli kasalliklar, epidemiologiya, virusologiya, mikrobiologiyaning muhim masalalari boʻyicha fundamental va amaliy tadqiqotlarni muvofiqlashtirish, yuqumli kasalliklar muassasalarining faoliyatiga innovatsion texnologiyalarni joriy etish; yuqumli kasalliklar muammolari bilan shugʻullanuvchi yuqumli kasalliklar boʻlimlari va statsionarlari, yuqumli kasalliklar xonasi, ilmiy-tadqiqot institutlarining moddiy-texnik taʼminoti. Oʻzbekiston Respublikasi Prezidenti qarori loyihasi 2019-yil 1-aprel Sogʻliqni saqlash vazirligi (A. Shadmanov), Moliya vazirligi (A. Xaydarov), Iqtisodiyot vazirligi (B. Xodjayev), Innovatsion rivojlanish vazirligi (I. Abduraxmonov), manfaatdor vazirlik va idoralar 21. Qariyalar va keksa yoshdagi fuqarolar uchun uzoq muddatli tibbiy yordamning zamonaviy modelini yaratish, gerontologik parvarishning sifati va undan foydalanishni yaxshilash, geriatriyani rivojlantirish; Oʻzbekiston Respublikasi Sogʻliqni saqlash vazirining buyrugʻi loyihasi 2019-yil 1-oktabr Sogʻliqni saqlash vazirligi (A. Shadmanov), Milliy palata (R. Izamov) 22. Dalillarga asoslangan tibbiyot va xalqaro standartlar asosida, asosiy va keng tarqalgan kasalliklarning sharoitga mos milliy klinik standartlarini (bayonnomalar, qoʻllanmalar, tavsiyalar) ishlab chiqish va amaliyotga tatbiq etish. Normativ hujjatlar loyihasi 2019 — 2021-yillar davomida Sogʻliqni saqlash vazirligi (A. Shadmanov), Milliy palata (R. Izamov) 23. Katta koʻp tarmoqli tibbiyot muassasalarini tashkil etish va tibbiyot oliy oʻquv yurtlarining klinik bazasini kengaytirish, shu bilan birga samarasiz faoliyat yuritayotgan davlat tibbiyot tashkilotlarini optimallashtirish yoʻli bilan yuqori sifatli malakali tibbiy xizmatlardan foydalanishni taʼminlash. Tashkiliy-amaliy choralar 2019 — 2021-yillar davomida Sogʻliqni saqlash vazirligi (A. Shadmanov), Davlat investitsiya qoʻmitasi (S. Bekenov), Moliya vazirligi (A. Xaydarov) 24. Xalqaro standartlarga muvofiq kam invaziv yuqori texnologiyali jarrohlik usullarini amaliyotga tatbiq qilish (radiojarrohlik, robot-jarrohlik, shuntlash, fotodinamik terapiya va boshqalar). Tashkiliy-amaliy choralar 2019 — 2021-yillar davomida Sogʻliqni saqlash vazirligi (A. Shadmanov), Milliy palata (R. Izamov) Davlat investitsiya qoʻmitasi (S. Bekenov), manfaatdor vazirlik va idoralar V. Onalar va bolalarga tibbiy yordam koʻrsatish tizimini takomillashtirish 25. Reproduktiv yoshdagi ayollar va bolalarga tibbiy yordam sifatini oshirish va yaxshilash, shu bilan birga tashkillashtirish yoʻli bilan: respublika ixtisoslashtirilgan bolalar jarrohlik ilmiy-amaliy tibbiyot markazini Toshkent shahar 2-son bolalar shifoxonasi negizida Sogʻliqni saqlash vazirligining tashkiliy-shtat tuzilmasida tegishli funksiyalar va boʻlimlarni optimallashtirish yoʻli bilan; markaziy tuman(shahar) koʻp tarmoqli poliklinikalarida perinatal diagnostikasi (onalar skriningi) bilan ayollar konsultatsiyasi boʻlimi; tegishli tibbiyot muassasalarida bolalar uchun tunu-kun kechiktirib boʻlmaydigan shoshilinch tibbiy yordam; tuman (shahar) tibbiyot birlashmalarida bolalar anesteziologiyasi, jonlantirish va intensiv terapiya boʻlimlari; ustuvor yoʻnalishlar boʻyicha yoki olis tumanlarda, tuman va tumanlararo bolalar boʻlimlari. Normativ-huquqiy hujjat loyihasi 2019-yil 1-mart Sogʻliqni saqlash vazirligi (A. Shadmanov), Moliya vazirligi (A. Xaydarov) 26. Irsiy, genetik va birlamchi immunitet tanqisligi (kam uchrovchi) kasalliklari boʻlgan bolalarni tashxislash, davolash va reabilitatsiya qilish dasturlarini amalga oshirish, shuningdek, jismoniy va ruhiy-ijtimoiy rivojlanishdan orqadan qolish xavfi boʻlgan, orqada qolgan bolalarga erta yordam berish. Oʻzbekiston Respublikasi Prezidenti qarori loyihasi 2019-yil 1-iyul Sogʻliqni saqlash vazirligi (A. Shadmanov), Moliya vazirligi (A. Xaydarov) 27. Onalar, yangi tugʻilgan chaqaloqlar va bolalarni hududlarda samarali perinatal, neonatal va pediatrik xizmatlarni olish imkoniyatlarini yaratish: mintaqaviy perinatal markazlarni takomillashtirish va 2-3 darajali akusherlik muassasalarini jihozlash tabellariga muvofiq qilib toʻliq jihozlash; perinatal yordamni hududiylashtirish maqsadida respublika, viloyat va tumanlararo jonlantirish-maslahat, akusher-ginekologik, neonatal va pediatrik shoshilinch tibbiy yordam guruhlarini tashkil qilish. Tashkiliy-amaliy choralar 2019-2020-yillar davomida Sogʻliqni saqlash vazirligi (A. Shadmanov), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, LBMA (D. Li) 28. Oʻzbekiston Respublikasining “Maktab yoshidagi bolalarning sogʻligʻiga nisbatan munosabatini oʻrganish” (HBSC) Yevropa tarmogʻiga va bolalardagi semizlikning epidemiologik nazorati (COSI) Yevropa tarmogʻiga qoʻshilishi. Jahon Sogʻliqni saqlash tashkilotining “Sogʻliqni saqlashga koʻmaklashuvi maktablar” dasturini amalga oshirish. Tashkiliy-amaliy choralar 2019-yil 1-may Sogʻliqni saqlash vazirligi (A. Shadmanov), Xalq taʼlimi vazirligi (Sh. Shermatov) Adliya vazirligi (R. Davletov), JSSTning Oʻzbekistondagi vakolatxonasi (kelishuv boʻyicha) 29. Onalar va bolalar oʻrtasida mikronutriyent yetishmasligi profilaktikasi dasturlarini amalga oshirishni davom ettirish, erta yoshdagi bolalar uchun oziq-ovqat mahsulotlarini uy sharoitida fortifikatsiyalash dasturini ishga tushirish. Tashkiliy-amaliy choralar 2019 — 2021-yillar davomida Sogʻliqni saqlash vazirligi (A. Shadmanov), Moliya vazirligi (A. Xaydarov), YUNISEFning Oʻzbekistondagi vakolatxonasi (kelishuv boʻyicha) 30. Respublika hududlarida bolalar uchun ixtisoslashtirilgan yuqori texnologiyali tibbiy yordam tizimini kengaytirish: barcha viloyat bolalar koʻp tarmoqli tibbiyot markazlarida bolalar neyroxirurgik boʻlimlari (oʻrinlar) ochilishi; yirik shahar bolalar shifoxonalarini va koʻp tarmoqli shahar bolalar shifoxonalarini qayta tashkil etish. Tashkiliy-amaliy choralar 2019 — 2021-yillar davomida Sogʻliqni saqlash vazirligi (A. Shadmanov), Moliya vazirligi (A. Xaydarov), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari 31. Barcha hududlardagi perinatal markazlarida ixtisoslashgan kam invazivli endovizual (laporoskopik) ginekologiya boʻlimlarini tashkil qilish, shu jumladan quyidagilar orqali: mazkur boʻlimlarni jihozlash uchun tegishli tibbiyot asbob-uskunalarni xarid qilish; tibbiy va texnik xodimlarining malakasini oshirish; endoskopik asbob-uskunalardan foydalanishda majburiy klinik protokollarni ishlab chiqish va tatbiq etish. Oʻzbekiston Respublikasi Sogʻliqni saqlash vazirining buyrugʻi loyihasi 2019-yil 1-avgust Sogʻliqni saqlash vazirligi (A. Shadmanov), Moliya vazirligi (A. Xaydarov) 32. Respublika Ixtisoslashtirilgan pediatriya ilmiy-amaliy tibbiyot markazida raqamli, tarmoq va informatsion texnologiyalardan foydalanilgan holda, Milliy referens-laboratoriyani tashkil etish orqali bolalar uchun ixtisoslashgan tibbiy yordam tizimidagi laboratoriya xizmatlari sifatini oshirish. Tashkiliy-amaliy choralar 2019-yil 1-sentabr LBMA (D. Li), Sogʻliqni saqlash vazirligi (A. Shadmanov), Moliya vazirligi (A. Xaydarov), Axborot texnologiyalari va kommunikatsiyalarini rivojlantirish vazirligi (Sh. Sadikov), Davlat investitsiya qoʻmitasi (S. Bekenov) 33. Surunkali kasalliklar va nogironligi mavjud bolalar uchun hududiy bolalar reabilitatsiya markazlarini tashkil etish orqali bolalarni sogʻlomlashtirish va reabilitatsiya qilishni kengaytirish. Tashkiliy-amaliy choralar 2019 — 2021-yillar davomida Sogʻliqni saqlash vazirligi (A. Shadmanov), Moliya vazirligi (A. Xaydarov), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari 34. Zamonaviy, xalqaro miqyosda eʼtirof etilgan parvarishlash usullari, standartlari, tashxis qoʻyish va davolashning klinik protokollarini joriy etish orqali kam vaznli tugʻilgan chaqaloqlarga tibbiy yordam sifatini yaxshilash. Tashkiliy-amaliy choralar 2019 — 2021-yillar davomida Sogʻliqni saqlash vazirligi (A. Shadmanov), Milliy palata (R. Izamov) 35. Oʻzbekiston Respublikasining barcha tugʻruq muassasalarida Jahon Sogʻliqni saqlash tashkilotining “Onalar oʻlimini maxfiy tahlil qilish” va “Kritik holatlarini tahlil qilish” tavsiyalarini tatbiq etish hamda perinatal auditni oʻtkazish, tashkilotchilar, akusher-ginekolog hamda anesteziologlarni oʻqitish. Har bir ona oʻlimi boʻyicha audit oʻtkazish, uning natijalariga asoslanib onalar oʻlimini kamaytirish hamda tibbiy yordam sifatini oshirishni nazarda tutgan yillik tadbirlar rejasini ishlab chiqish. Tashkiliy-amaliy choralar Muntazam Sogʻliqni saqlash vazirligi (A. Shadmanov), Milliy palata (R. Izamov) VI. Davlat-xususiy sheriklikni va tibbiy turizmni rivojlantirish 36. Yirik davlat tibbiyot muassasalarida tibbiy turizm xizmatlarini koʻrsatish boʻyicha, shu jumladan xorij davlatlaridan kelayotgan fuqarolarni va ularning kuzatuvchilarini qabul qilish va davolash boʻyicha maxsus tuzilmalarni tashkil qilish. Oʻzbekiston Respublikasi Sogʻliqni saqlash vazirining buyrugʻi loyihasi 2019-yil 15-fevral Sogʻliqni saqlash vazirligi (A. Shadmanov) 37. Quyidagilarni nazarda tutgan Oʻzbekiston Respublikasi Prezidenti qarori loyihasini ishlab chiqish: sogʻliqni saqlash sohasida davlat-xususiy sherikchilikning shakllari; davlat-xususiy sherikchilik toʻgʻrisidagi bitimlar (shartnomalar)ning turlari; davlat-xususiy sherikchilik hamda davlat-xususiy sheriklik asosida davlat tibbiy muassasalarining xizmat turlarini tadbirkorlik subyektlariga oʻtkazish tartibi toʻgʻrisida nizomni tasdiqlash. Oʻzbekiston Respublikasi Prezidenti qarori loyihasi 2019-yil 1-mart Sogʻliqni saqlash vazirligi (A. Shadmanov), Moliya vazirligi (A. Xaydarov), Iqtisodiyot vazirligi (B. Xodjayev), Davlat raqobat qoʻmitasi (N. Sharipov), manfaatdor vazirlik va idoralar 38. Profilaktika, davolash-diagnostika, laboratoriya va servis xizmat koʻrsatishning ayrim turlarini taqdim etishda davlat-xususiy sherikchilik va autsorsingni tatbiq etish yuzasidan amaliy chora-tadbirlarni joriy etish. Davlat tibbiy muassasalarining qoʻshimcha va yordamchi funksiyalarini (taom tayyorlash, kir yuvish, tozalash, texnik xizmat koʻrsatish, axborot-komunikatsiya taʼminoti va h.k.z.) xususiy sektorga oʻtkazish. Tashkiliy-amaliy choralar 2019 — 2021-yillar davomida Sogʻliqni saqlash vazirligi (A. Shadmanov), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari 39. JCI (Joint Comission International) va boshqa nufuzli xalqaro tashkilotlarda (TAS, ACHSI, CCHSA va boshqalar) akkreditatsiya uchun davlat tibbiyot tashkilotlari roʻyxatini belgilash, shuningdek uni amalga oshirish uchun tashkiliy-amaliy chora-tadbirlar majmuini tasdiqlash. Oʻzbekiston Respublikasi Sogʻliqni saqlash vazirining buyrugʻi loyihasi 2019-yil 1-fevral Sogʻliqni saqlash vazirligi (A. Shadmanov), Tashqi ishlar vazirligi (A. Komilov) 40. “Oʻzbekiston Respublikasida tibbiy turizmni rivojlantirish boʻyicha chora-tadbirlar dasturini tasdiqlash toʻgʻrisida”gi Hukumat qarori loyihasini ishlab chiqish va Oʻzbekiston Respublikasi Vazirlar Mahkamasiga kiritish. Oʻzbekiston Respublikasi Vazirlar Mahkamasi qarori loyihasi 2019-yil 1-aprel Sogʻliqni saqlash vazirligi (A. Shadmanov), Turizmni rivojlantirish davlat qoʻmitasi (A. Akkulov), Davlat investitsiya qoʻmitasi (S. Bekenov) 41. Tibbiy turizmni rivojlantirish sohasida yirik xalqaro tadbirlarda Oʻzbekiston tibbiyot muassasalarining ishtirokini taʼminlash. Tashkiliy-amaliy choralar 2019 — 2021-yillar davomida Sogʻliqni saqlash vazirligi (A. Shadmanov), Turizmni rivojlantirish davlat qoʻmitasi (A. Akkulov). 42. Mahalliy tibbiyot muassasalari salohiyatini namoyish etish hamda ular tomonidan sayyohlik xizmatlari bilan uygʻunlashgan holda tibbiy xizmatlar koʻrsatilishini ochib berish maqsadida keng doirada PR-kompaniyalar oʻtkazish. Tashkiliy-amaliy choralar Muntazam Sogʻliqni saqlash vazirligi (A. Shadmanov), Milliy palata (R. Izamov) Turizmni rivojlantirish davlat qoʻmitasi (A. Akkulov), Tashqi ishlar vazirligi (A. Komilov) 43. Maxsus tibbiy tur paketlar ishlab chiqarish, shu jumladan sayyohlar kelishi, davolanishi va qaytib ketishi vaqtlarida ularni kuzatish, shu jumladan: viza va roʻyxatga olish hujjatlarini olishda koʻmaklashish; kutib olish va mehmonxonalarda joylashtirish; tibbiyot va sogʻlomlashtirish-sanator muassasalarida diagnostika va davolash ishlarini tashkil etish; madaniy-maʼrifiy tadbirlarda ishtirok etish; oʻzi yashaydigan mamlakatga kirib kelishga koʻmaklashish. Qoʻshma “yoʻl xaritasi”ni tasdiqlash va namunaviy turistik paketlarni ishlab chiqish 2019-yil 1-may Sogʻliqni saqlash vazirligi (A. Shadmanov), Turizmni rivojlantirish davlat qoʻmitasi (A. Akkulov), Respublika Ixtisoslashtirilgan ilmiy-amaliy tibbiyot markazlari, Ichki ishlar vazirligi (P. Bobojonov), Tashqi ishlar vazirligi (A. Komilov), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari VII. Farmatsevtika tarmogʻini yanada rivojlantirish. 44. Qimmat dori vositalari bilan davolashni talab etadigan bemorlarning registrlarini shakllantirish. Tashkiliy-amaliy choralar 2019-yil 1-mart Sogʻliqni saqlash vazirligi (A. Shadmanov), Farmatsevtika sohasini rivojlantirish agentligi (A. Abdullayev) 45. Dori va farmakologik vositalarning klinik tadqiqotlar oʻtkazishning baholash yagona hisoblash usulini ishlab chiqish va tasdiqlash. Qoʻshma buyruq loyihasi 2019-yil 1-may Sogʻliqni saqlash vazirligi (A. Shadmanov), Moliya vazirligi (A. Xaydarov). 46. Shifokor retsepti asosida beriladigan dori vositalarini noqonuniy sotilishini oldini olish boʻyicha chora-tadbirlarni takomillashtirish, shu jumladan: ushbu dori-vositalarini dorixonaning peshtaxtasi va boshqa koʻrinadigan joylarida saqlanishini taqiqlash; dori vositalari va tibbiy buyumlar chakana savdosini litsenziyalash ishchi organiga dori vositalari va tibbiy buyumlar chakana savdosi tartibiga rioya etilishini nazorat qilish funksiyasini yuklatish. Normativ-huquqiy hujjat loyihasi 2019-yil 1-aprel Farmatsevtika sohasini rivojlantirish agentligi (A. Abdullayev), Bosh prokuratura huzuridagi Departament (D. Raximov), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari 47. Xitoy Xalq Respublikasi tajribasini oʻrganish hamda Oʻzbekistonda XXRning quyidagi tajribasini joriy etish muvofiqligi yuzasidan Oʻzbekiston Respublikasi Vazirlar Mahkamasiga taklif kiritish: dori-vositalari, tibbiy uskunalar va tibbiy buyumlarni toʻgʻridan-toʻgʻri ishlab chiqaruvchilardan sotib olish tartibini belgilash; davlat tibbiyot-profilaktika muassasalarida davlat dorixonalarini ochish; shifokor retseptisiz dori-vositalarini sotish uchun javobgarlikni belgilash. Tahliliy maʼlumot 2019-yil 1-mart Sogʻliqni saqlash vazirligi (A. Shadmanov), Milliy palata (R. Izamov), Farmatsevtika sohasini rivojlantirish agentligi (A. Abdullayev), Bosh prokuratura huzuridagi Departament (D. Raximov) VIII. Tibbiyot va farmatsevtika mutaxassislarini oʻqitish, qayta tayyorlash va malakasini oshirish, tibbiyot fanlarini rivojlantirishning samarali tizimini shakllantirish 48. Tibbiy taʼlim tizimi va tibbiyot fanini rivojlantirish toʻgʻrisida Oʻzbekiston Respublikasi Prezidentining qarori loyihasini ishlab chiqish va kiritish, shu jumladan taʼlim muassasalari tarkibi va yoʻnalishlarini optimallashtirish, “taʼlim-ilm-amaliyot” integratsiyasi va uzluksizligini joriy etish, oliy va oʻrta tibbiyot taʼlimning yangi yoʻnalishlarini belgilash, anatomik morg va oʻquv-biologik laboratoriyalarini tashkil etish, yetakchi xorijiy oliy oʻquv yurtlari xalqaro fakultetlari va filiallari ochilishini nazarda tutish. Oʻzbekiston Respublikasi Prezidenti qarori loyihasi 2019-yil 1-fevral Sogʻliqni saqlash vazirligi (A. Shadmanov), Milliy palata (R. Izamov), Moliya vazirligi (A. Xaydarov), Iqtisodiyot vazirligi (B. Xodjayev), Adliya vazirligi (R. Davletov) 49. Taʼlim standartlari hamda oliy taʼlim va oliy taʼlimdan keyingi taʼlimning oʻquv dasturlarini, shu jumladan kredit-modulli taʼlim tizimini joriy etish va ularda amaliy komponentni oshirish orqali takomillashtirish. Normativ-huquqiy hujjat loyihasi 2019-yil 1-mart Sogʻliqni saqlash vazirligi (A. Shadmanov), Oliy va oʻrta maxsus taʼlim vazirligi (I. Madjidov), LBMA (D. Li), Innovatsion rivojlanish vazirligi (I. Abduraxmonov), Milliy palata (R. Izamov) 50. Xorijiy tibbiyot taʼlim muassasalari bilan keng hamkorlik, ularning fakultetlari va filiallarining ochilishi hamda ikki tomonlama diplom berilishi tizimini joriy etish. Xususan: xorijiy tibbiyot oliy oʻquv yurtlari filiallarini ochish boʻyicha muzokaralar olib borish, shu jumladan joylarga tashriflar uyushtirish; Oʻzbekiston Respublikasi Prezidenti Administratsiyasiga tahliliy maʼlumotnoma kiritish, unda amalga oshirilgan kelishuvlar boʻyicha aniq takliflarni taqdim qilish. Tashkiliy-amaliy choralar Tahliliy maʼlumotnoma 2019-yil yanvar — mart 2019-yil 1-aprel Sogʻliqni saqlash vazirligi (A. Shadmanov), Oliy va oʻrta maxsus taʼlim vazirligi (I. Madjidov), Tashqi ishlar vazirligi (A. Komilov), LBMA (D. Li), Innovatsion rivojlanish vazirligi (I. Abduraxmonov), Milliy palata (R. Izamov) 51. Tibbiyot va farmatsevtika xodimlarini qayta tayyorlash va malakasini oshirish tizimini takomillashtirish, unda quyidagilar orqali taʼlimning uzluksizligini taʼminlash: balli (jamgʻarib boriladigan) taʼlim tizimi; muammoga yoʻnaltirilgan modulli oʻquv dasturlari; masofaviy taʼlim dasturlari; tibbiy va farmatsevtika taʼlimini tashkil etish boʻyicha uzluksiz interaktiv portal. Normativ-huquqiy hujjat loyihasi 2019-yil 1-mart Sogʻliqni saqlash vazirligi (A. Shadmanov), Oliy va oʻrta maxsus taʼlim vazirligi (I. Madjidov), Innovatsion rivojlanish vazirligi (I. Abduraxmonov), Milliy palata (R. Izamov), Fanlar akademiyasi (B. Yuldashev) 52. Tibbiy kadrlarni tayyorlash, qayta tayyorlash va malakasini oshirish tizimi samaradorligini oshirish, tibbiyot sohasini, ilmiy, taʼlim hamda tibbiyot muassasalarini xalqaro standartlar asosida, shu jumladan GCP (Good clinikal practice) standarti asosida, sertifikatsiya (akkreditatsiya) qilish asosida rivojlantirish. Tashkiliy-amaliy choralar 2019 — 2021-yillar davomida Sogʻliqni saqlash vazirligi (A. Shadmanov), Oliy va oʻrta maxsus taʼlim vazirligi (I. Madjidov), Innovatsion rivojlanish vazirligi (I. Abduraxmonov), Fanlar akademiyasi (B. Yuldashev) 53. Xalqaro talablar asosida taʼlim, fan va amaliyotning integratsiyalashuviga qaratilgan klinikalar, oʻquv va oʻquv-ishlab chiqarish bazalari, oʻquv-ishlab chiqarish va markaziy ilmiy-tadqiqot laboratoriyalarini rivojlantirish orqali tibbiy mutaxassislar tayyorlovining sifatini oshirish; tibbiyot va farmatsevtika yoʻnalishi taʼlim muassasalarining klinikalari, oʻquv va oʻquv-ishlab chiqarish bazalari toʻgʻrisida nizom ishlab chiqish va tasdiqlash. Tashkiliy-amaliy choralar 2019 — 2021-yillar davomida Sogʻliqni saqlash vazirligi (A. Shadmanov), Oliy va oʻrta maxsus taʼlim vazirligi (I. Madjidov), Innovatsion rivojlanish vazirligi (I. Abduraxmonov), Milliy palata (R. Izamov), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari 54. Toshkent Davlat stomatologiya instituti faoliyatini takomillashtirish, shu jumladan “Davolash ishi” bakalavriat yoʻnalishini ochish orqali. Oʻzbekiston Respublikasi Prezidenti qarori loyihasi 2019-yil 1-aprel Sogʻliqni saqlash vazirligi (A. Shadmanov), Oliy va oʻrta maxsus taʼlim vazirligi (I. Madjidov), Iqtisodiyot vazirligi (B. Xodjayev) 55. Tibbiy xodimlarni tayyorlash, qayta tayyorlash va malakasini oshirishda amaliy koʻnikmalarini rivojlantirish maqsadida koʻp funksional oʻquv-metodik markazi va simulyatsiya markazlar tarmogʻini yaratish, shu jumladan davlat-xususiy sherikligi shartlarida xususiy investorlarni jalb qilish orqali shifokorlarga tibbiy trenajerlar va manekenlarda qoʻshimchalar va virtual olam muhitida taʼlim olishlari uchun imkoniyat yaratib berish. Tashkiliy-amaliy choralar 2019-yil 1-avgust Sogʻliqni saqlash vazirligi (A. Shadmanov), Milliy palata (R. Izamov), Davlat investitsiya qoʻmitasi (S. Bekenov) IX. Axborot-kommunikatsiya texnologiyalari va “Elektron sogʻliqni saqlash”ni keng tatbiq etish 56. Oʻzbekiston Respublikasida yagona tibbiy maʼlumotlar bazasi, “elektron sogʻliqni saqlash” hamda integratsiyalashgan axborot tizimlari kompleksini yaratish boʻyicha Oʻzbekiston Respublikasi Prezidenti qarori loyihasini tayyorlash va uni Oʻzbekiston Respublikasi Vazirlar Mahkamasiga taqdim etish, bunda quyidagilarni nazarda tutish: a) aholi uchun: tibbiy xizmat koʻrsatish va tibbiy muassasalar toʻgʻrisida maʼlumotlar olish; shifokorlarning malakasi va ish tajribasi, qabul vaqti, “elektron navbat” toʻgʻrisida maʼlumot olish, shu jumladan uzoq masofadan turib navbat olish; koʻrsatilayotgan xizmatlar sifatini, shu jumladan tibbiy personal faoliyatini baholash; mobil ilova orqali tizimga kirish; b) sogʻliqni saqlash boshqarmalari va tibbiyot muassasalari uchun: muassasaning innovatsion ijtimoiy-yoʻnaltirilgan turiga oʻtkazish; sogʻliqni saqlash tizimida standartlashtirishni joriy qilish; elektron hujjat aylanuvini joriy qilish orqali ish jarayonini maqbullashtirish (tibbiy karta va kasallik tarixini toʻldirish, “elektron retseptlar” berish); tibbiy xodimlar, dori vositalari, tibbiy asbob-uskunalar va tibbiy buyumlar, sarflov materiallarni hisobga olish va monitoring qilish; davlatning kafolatlangan bepul tibbiy yordami dasturlari asosida moliyaviy harakatlarni amalga oshirish va monitoring qilish, shuningdek, tibbiyot muassasalarining kelajakdagi xarajatlarini baholash hamda kelajakda boʻlishi mumkin boʻlgan tavakkalchilikni tahlil qilish; tibbiy statistika, buxgalteriya hisobi va hisobotlarni yuritish, shuningdek, milliy sogʻliqni saqlash hisob-kitoblarini qoʻllab-quvvatlash; boshqa tibbiyot muassasalarining axborot tizimlari bilan integratsiyalashuvi va axborot almashinuvi. Oʻzbekiston Respublikasi Prezidenti qarori loyihasi 2019-yil 1-may Sogʻliqni saqlash vazirligi (A. Shadmanov), Axborot texnologiyalari va kommunikatsiyalarini rivojlantirish vazirligi (Sh. Sadikov), Innovatsion rivojlanish vazirligi (I. Abduraxmonov), Moliya vazirligi (A. Xaydarov), Iqtisodiyot vazirligi (B. Xodjayev) 57. Davlat tibbiyot muassasalari va tashkilotlarini keng qamrovli (tomonlar kelishuviga muvofiq tezligi yillik oʻsishi kamida 10-Mb/d inobatga olingan holda) internet tarmoqlariga ulanishini taʼminlash; viloyat va respublika miqyosida — 2019-yil 1-martga qadar; tuman darajasida — 2019-yil yakuniga qadar; barcha davlat tibbiyot muassasalari — 2021-yilning oxirigacha. Tashkiliy choralar kompleksi 2019 — 2021-yillar davomida Axborot texnologiyalari va kommunikatsiyalarini rivojlantirish vazirligi (Sh. Sadikov), Davlat investitsiya qoʻmitasi (S. Bekenov), Moliya vazirligi (A. Xaydarov), Sogʻliqni saqlash vazirligi (A. Shadmanov) 58. Tibbiyot muassasalari oʻrtasida axborot almashinuvi hamda masofaviy tibbiy va taʼlim xizmatlarini koʻrsatish (konsultatsiya, konsilium, amaliyotlar, mahorat darslari va boshqalar) maqsadida telemeditsinani rivojlantirish. Oʻzbekiston Respublikasi Sogʻliqni saqlash vazirligi markaziy apparati hamda hududiy tibbiyot boshqaruvi organlari bilan tezkor bogʻlanish maqsadida yagona videokonferensaloqa tizimini yaratish. Tashkiliy-amaliy choralar 2019-yil davomida Sogʻliqni saqlash vazirligi (A. Shadmanov), Axborot texnologiyalari va kommunikatsiyalarini rivojlantirish vazirligi (Sh. Sadikov), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari

Izohlar:

normativ-huquqiy hujjatlar tegishli huquqiy munosabatlarni tartibga solish sohalari va predmetiga qarab qayta koʻrib chiqilishi yoki bitta hujjat koʻrinishida taqdim etilishi mumkin.

normativ-huquqiy hujjatning turi tartibga solish sohalariga qarab oʻzgartirilishi mumkin.

Oʻzbekiston Respublikasi Prezidentining 2018-yil 7-dekabrdagi PF-5590-son Farmoniga 3-ILOVA

2019-yil 1-apreldan boshlab “har bir davolangan holat” uchun klinik-xarajat guruhlari boʻyicha va kishi boshiga moliyalashtirish tizimi joriy etiladigan respublikaning ayrim tumanlari

roʻyxati

T/r Hududning nomi Tumanning nomi 1. Qoraqalpogʻiston Respublikasi Beruniy tumani 2. Andijon viloyati Oltinkoʻl tumani 3. Buxoro viloyati Vobkent tumani 4. Jizzax viloyati Paxtakor tumani 5. Qashqadaryo viloyati Kitob tumani 6. Navoiy viloyati Qiziltepa tumani 7. Namangan viloyati Yangiqoʻrgʻon tumani 8. Samarqand viloyati Ishtixon tumani 9. Surxondaryo viloyati Jarqoʻrgʻon tumani 10. Sirdaryo viloyati Oqoltin tumani 11. Toshkent viloyati Qibray tumani 12. Fargʻona viloyati Beshariq tumani Oltiariq tumani Qoʻshtepa tumani 13. Xorazm viloyati Yangiariq tumani 14. Toshkent shahri Mirobod tumani

Oʻzbekiston Respublikasi Prezidentining 2018-yil 7-dekabrdagi PF-5590-son Farmoniga 4-ILOVA

Sogʻliqni saqlash tizimini tubdan takomillashtirishga qaratilgan chora-tadbirlarni amalga oshirish boʻyicha ishchi komissiya

tarkibi

1. A.A. Abduxakimov — Oʻzbekiston Respublikasi Bosh vazirining oʻrinbosari, Ishchi komissiyasi raisi 2. A.Q. Shadmanov — Oʻzbekiston Respublikasi sogʻliqni saqlash vaziri, Ishchi komissiyasi raisining oʻrinbosari 3. S.I. Ismoilov — Oʻzbekiston Respublikasi Prezidenti Administratsiyasi masʼul xodimi 4. B.R. Saidbekov — Oʻzbekiston Respublikasi Prezidenti Administratsiyasi masʼul xodimi 5. B.Q. Yusupaliyev — Oʻzbekiston Respublikasi sogʻliqni saqlash vazirining birinchi oʻrinbosari 6. A.Ya. Xaydarov — Oʻzbekiston Respublikasi moliya vazirining birinchi oʻrinbosari 7. M.M. Mirzayev — Oʻzbekiston Respublikasi iqtisodiyot vazirining birinchi oʻrinbosari 8. O.M. Umarov — Oʻzbekiston Respublikasi axborot texnologiyalari va kommunikatsiyalarini rivojlantirish vazirining birinchi oʻrinbosari 9. I.S. Xajiyev — Oʻzbekiston Respublikasi Oliy Majlisi Qonunchilik palatasining qoʻmita raisi 10. R.R. Xakimov — Oʻzbekiston Respublikasi Oliy Majlisi Qonunchilik palatasining qoʻmita raisi 11. A.E. Burxanov — Oʻzbekiston Respublikasi Oliy Majlisi Qonunchilik palatasi deputati 12. N.I. Muxtorov — Oʻzbekiston Respublikasi Oliy Majlisi Qonunchilik palatasi deputati 13. S.X. Bekenov — Oʻzbekiston Respublikasi Davlat investitsiya qoʻmitasi raisining birinchi oʻrinbosari 14. Yu.N. Mansurov — Oʻzbekiston Respublikasi innovatsion rivojlanish vaziri oʻrinbosari 15. A.U. Akkulov — Oʻzbekiston Respublikasi turizmni rivojlantirish Davlat qoʻmitasi raisi vazifasini vaqtincha bajaruvchi 16. R.Sh. Izamov — Oʻzbekiston Respublikasi Innovatsion sogʻliqni saqlash milliy palatasi raisi 17. K.S. Rizayev — Oʻzbekiston Respublikasi Vazirlar Mahkamasining Taʼlim, sogʻliqni saqlash, jismoniy tarbiya, sport va turizm masalalari axborot-tahlil departamenti mudiri 18. U.M. Madrahimov — Oʻzbekiston Respublikasi Bosh prokuraturasining boshqarma boshligʻi 19. T.A. Daminov — Oʻzbekiston Respublikasi Fanlar akademiyasining akademigi, Toshkent tibbiyot akademiyasi professori 20. B.D. Durmanov — Toshkent vrachlar malakasini oshirish institutining boʻlim boshligʻi 21. K.K. Mirzaliyeva — “AKFA MEDLINE” MCHJ direktori (kelishilgan holda) 22. F.A. Rahimqulov — Oʻzbekiston Respublikasi Sogʻliqni saqlash vazirligining Nodavlat tashkilotlarning tibbiy faoliyatini litsenziyalash boshqarmasi boshligʻi, Ishchi komissiya kotibi

Izoh: Ishchi komissiya aʼzolari boshqa ishga oʻtganda uning tarkibiga mazkur lavozimlarga yangidan tayinlangan yoki tegishli vazifalarni bajarish yuklatilgan shaxslar kiritiladi.