Alohida turdagi tovarlarni markirovkalashning zamonaviy usullarini joriy etishga doir chora-tadbirlar toʻgʻrisida (PQ-4042-son)
30.11.2018
Oʻzbekiston Respublikasi Prezidentining
Qarori
Hozirgi kunda isteʼmolchilar huquqlarini himoya qilish sohasida, shu jumladan hayot va sogʻlik uchun xavfsiz boʻlgan maqbul sifatli tovarlarni sotib olishda, shuningdek tovarlar va ularning ishlab chiqaruvchilari toʻgʻrisida toʻgʻri maʼlumot olishda kompleks chora-tadbirlar amalga oshirilmoqda.
Shu bilan birga, noqonuniy aylanayotgan, past sifatli, kontrafakt va qalbakilashtirilgan mahsulotlar hajmining oshishi surʼatlari kuzatilmoqda, bu esa fuqarolar hayoti va sogʻligʻiga zarar yetkazmoqda, nosogʻlom raqobatga va Oʻzbekiston Respublikasi Davlat budjeti yoʻqotishlariga olib kelmoqda, shuningdek, korrupsiya va boshqa qonunbuzilishlari yuzaga kelishi uchun sharoit yaratmoqda.
Alohida turdagi tovarlarning respublikaga noqonuniy olib kirilishi, ishlab chiqarilishi va sotilishining oldini olish, ularning samarali hisobini taʼminlash, shuningdek, soliqlar va boshqa majburiy toʻlovlar yigʻiluvchanligini oshirish maqsadida:
1. Oʻzbekiston Respublikasi Prezidenti huzuridagi Loyiha boshqaruvi milliy agentligi, Oʻzbekiston Respublikasi Davlat soliq qoʻmitasi va Davlat bojxona qoʻmitasining 2019-yilning 1-avgustidan boshlab, tovarlar toifasidan kelib chiqib, import qilinadigan va respublikada ishlab chiqariladigan tovarlarni himoyalangan belgi va (yoki) nano-molekulyar texnologiyadan foydalangan holda majburiy markirovkalashni (keyingi oʻrinlarda — markirovkalash) bosqichma-bosqich joriy etish toʻgʻrisidagi taklifiga rozilik berilsin.
2. Markirovkalanishi majburiy boʻlgan tovarlar guruhlari roʻyxati ilovaga muvofiq tasdiqlansin.
Vazirlar Mahkamasiga Oʻzbekiston Respublikasi Prezidenti huzuridagi Loyiha boshqaruvi milliy agentligi bilan kelishgan holda Markirovkalanishi majburiy boʻlgan tovarlar guruhlari roʻyxatini toʻldirib borishga ruxsat berilsin.
3. Belgilab qoʻyilsinki:
majburiy markirovkalash joriy etilgan sanadan boshlab, mazkur qaror ilovasida koʻrsatilgan tovarlarni markirovkasiz Oʻzbekiston Respublikasi hududida sotish taqiqlanadi;
Markirovkalanishi majburiy boʻlgan tovarlar guruhlari roʻyxatiga yangidan qoʻshilgan tovarlarni, ushbu tovarlar roʻyxatga kiritilgan kundan boshlab 180 kun mobaynida markirovkasiz sotilishiga ruxsat etiladi;
mazkur qarorga ilovada koʻrsatilgan, shu jumladan aksizli tovarlarni markirovkalashga doir xizmatlarni bevosita markirovkalash boʻyicha xizmatlar yagona yetkazib beruvchisidan sotib olish xoʻjalik yurituvchi subyektlar tomonidan oʻz mablagʻlari hisobidan amalga oshiriladi.
4. Davlat soliq qoʻmitasi Oʻzbekiston Respublikasi Prezidenti huzuridagi Loyiha boshqaruvi milliy agentligi, Davlat bojxona qoʻmitasi hamda Axborot texnologiyalari va kommunikatsiyalarini rivojlantirish vazirligi bilan birgalikda 2019-yilning 1-yanvariga qadar quyidagilarni nazarda tutgan holda, tovarlarni himoyalangan belgi va nano-molekulyar texnologiyadan foydalangan holda majburiy markirovkalash tartibini ishlab chiqsin va Oʻzbekiston Respublikasi Vazirlar Mahkamasiga tasdiqlash uchun kiritsin:
markirovkalash boʻyicha xizmatlar yetkazib beruvchisi, tadbirkorlik subyektlari va tovarlarni majburiy markirovkalashga doir talablar bajarilishi ustidan nazoratni taʼminlovchi organlarning huquqlari, majburiyatlari va javobgarligini;
markirovkalash tartibi va tartibotlarini, markirovkalash, shu jumladan aksizli markirovkalash xizmatlarining bahosi va sotib olish tartibini;
markirovkalash boʻyicha xizmatlar yetkazib beruvchisi maʼlumotlar bazasidan foydalanadigan davlat organlari roʻyxatini;
markalar, shu jumladan aksiz markalari sotilishi va markirovkalash boʻyicha xizmatlar koʻrsatilishi ustidan monitoring qilish tartibini.
5. Oʻzbekiston Respublikasi Prezidenti huzuridagi Loyiha boshqaruvi milliy agentligi 2019-yilning 1-fevraliga qadar eng yaxshi takliflarini saralab olish asosida koʻrsatiladigan xizmatlar ishonchliligi va sifatini, yuqori himoyalangan darajasini taʼminlay oladigan, amaliy tajribaga ega boʻlgan markirovkalash boʻyicha xizmatlar yetkazib beruvchisini tanlab olishni, markirovkalanishi majburiy boʻlgan tovarlar qiymatining sezilarli oshirilmasligini hisobga olgan holda tanlab olingan yetkazib beruvchi bilan muzokaralar oʻtkazilishini, shuningdek, u bilan tuzilayotgan shartnoma butun muddati davomida koʻrsatiladigan xizmatlar bahosini qatʼiy belgilagan holda 5 yildan 10 yilgacha boʻlgan muddatga shartnoma tuzilishini taʼminlasin.
6. Vazirlar Mahkamasi Oʻzbekiston Respublikasi Prezidenti huzuridagi Loyiha boshqaruvi milliy agentligi va Bosh prokuratura bilan birgalikda ikki oy muddatda Oʻzbekiston Respublikasi Oliy Majlisi Qonunchilik palatasiga jarima sanksiyalari miqdorlarining oshirilishini kiritgan holda tovarlarni markirovkasiz sotganlik uchun javobgarlik belgilanishini nazarda tutuvchi qonun loyihasini kiritsin.
7. Oʻzbekiston Milliy teleradiokompaniyasi “Oʻzsharobsanoat” AJ, “Oʻzbekoziqovqatxolding” XK, “Oʻzbekneftgaz” AJ, “Oʻzkimyosanoat” AJ, Oʻzbekiston Respublikasi Sogʻliqni saqlash vazirligi va Savdo-sanoat palatasi bilan birgalikda mazkur qarorning mazmun-mohiyati ommaviy axborot vositalarida keng yoritilishini taʼminlasin.
8. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidenti Administratsiyasi rahbari Z.Sh. Nizomiddinov va Oʻzbekiston Respublikasi Prezidenti maslahatchisining birinchi oʻrinbosari B.M. Mavlonov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 30-noyabr,
PQ-4042-son
Oʻzbekiston Respublikasi Prezidentining 2018-yil 30-noyabrdagi PQ-4042-son qaroriga ILOVA
Majburiy tartibda markirovkalanadigan tovarlar guruhlari
ROʻYXATI
t/r Tovar nomi TIF TN kodi 2017-yil Majburiy tartibda markirovkalashni boshlash sanasi 1. Suvlar, shu jumladan, maʼdanli va gazlangan, tarkibiga shakar yoki boshqa chuchuklashtiruvchi yoxud taʼm-iforli moddalar qoʻshilgan suvlar; tarkibida alkogol boʻlmagan boshqa ichimliklar, 2009 tovar pozitsiyasidagi meva yoki sabzavot sharbatlari bundan mustasno 2202 2019-yil 1-avgust 2. Undirilgan dondan tayyorlangan pivo 2203 00 2019-yil 1-avgust 3. Uzumdan tayyorlangan tabiiy vinolar, shu jumladan, kuchaytirilgan vinolar; uzum sharbati, 2009 tovar pozitsiyasida koʻrsatilgan turlardan tashqari 2204 2019-yil 1-avgust 4. Vermutlar; oʻsimlik yoki iforli moddalar qoʻshilgan, uzumdan tayyorlangan boshqa turdagi tabiiy vinolar 2205 2019-yil 1-avgust 5. Boshqa achqitilgan ichimliklar (masalan, sidr, perri yoki nok sidri, asaldan tayyorlangan ichimlik, sake); boshqa joyda nomlanmagan va kiritilmagan achqitilgan ichimliklar aralashmalari hamda achqitilgan ichimliklar va tarkibida alkogol boʻlmagan ichimliklar aralashmalari 2206 00 2019-yil 1-avgust 6. Spirt konsentratsiyasi 80% yoki undan ortiq boʻlgan, tabiiysizlantirilmagan etil spirti; har qanday darajada konsentratsiyalangan, tabiiysizlantirilgan etil spirti va boshqa spirtli damlamalar 2207 2019-yil 1-avgust 7. Spirt konsentratsiyasi 80%dan kam boʻlgan, tabiiysizlantirilmagan etil spirti; spirtli damlamalar, likyorlar va boshqa spirtli ichimliklar 2208 2019-yil 1-avgust 8. Tarkibida tamaki boʻlgan sigaralar, uchlari kesilgan sigaralar va sigarillalar 2402 10 000 0 2019-yil 1-avgust 9. Tarkibida chinnigul boʻlgan sigaretalar 2402 20 100 0 2019-yil 1-avgust 10. Tarkibida tamaki boʻlgan boshqa sigaretalar 2402 20 900 0 2019-yil 1-avgust 11. AI-95-K3 markali etillanmagan benzin 2710124500 2019-yil 1-avgust 12. AI-95-K4 markali etillanmagan benzin 2710124500 2019-yil 1-avgust 13. AI-95-K5 markali etillanmagan benzin 2710124500 2019-yil 1-avgust 14. AI-92-K3 markali etillanmagan benzin 2710124130 2019-yil 1-avgust 15. AI-92-K4 markali etillanmagan benzin 2710124130 2019-yil 1-avgust 16. AI-92-K5 markali etillanmagan benzin 2710124130 2019-yil 1-avgust 17. AI-80-K3 markali etillanmagan benzin, Normal-80 (AI-80-K2) markali etillanmagan, eksportga tayyorlangan benzin 2710124120 2019-yil 1-avgust 18. AI-80-K4 markali etillanmagan benzin 2710124120 2019-yil 1-avgust 19. AI-80-K5 markali etillanmagan benzin 2710124120 2019-yil 1-avgust 20. Normal-80 (AI-80-K2) markali etillanmagan, eksportga tayyorlangan benzin 2710124120 2019-yil 1-avgust 21. Yozgi, toʻgʻridan toʻgʻri haydaladigan motor benzini 2710121100 2019-yil 1-avgust 22. Qishki, toʻgʻridan toʻgʻri haydaladigan motor benzini 2710121100 2019-yil 1-avgust 23. A markali, toʻgʻridan toʻgʻri haydaladigan, eksportga tayyorlangan texnologik benzin (toʻgʻridan toʻgʻri haydaladigan benzin) 2710121100 2019-yil 1-avgust 24. P markali, toʻgʻridan toʻgʻri haydaladigan, eksportga tayyorlangan texnologik benzin (toʻgʻridan toʻgʻri haydaladigan benzin) 2710121100 2019-yil 1-avgust 25. Tarkibida benzol boʻlgan fraksiya 2710121100 2019-yil 1-avgust 26. Gazli barqaror benzin 2710121100 2019-yil 1-avgust 27. Dizel yoqilgʻisi (shartnomaviy maxsus oltingugurt massa ulushi 0,1% gachani tashkil etgan) 2710194250 — 2710194600 2019-yil 1-avgust 28. Eksportga tayyorlangan dizel yoqilgʻisi 2710194210 — 2710194800 2019-yil 1-avgust 29. Dizel yoqilgʻisi 2710194210 — 2710194800 2019-yil 1-avgust 30. Dizel yoqilgʻisi (shartnomaviy maxsus oltingugurt massa ulushi 0,8% gachani tashkil etgan) 2710194250, 2710194600, 2710194800 2019-yil 1-avgust 31. S navli, II tur EVRO dizel yoqilgʻisi 2710194210 2019-yil 1-avgust 32. S navli, K5 (DT-L-K5) ekologik tasnifdagi EVRO dizel yoqilgʻisi 2710194210 2019-yil 1-avgust 33. S navli, III tur EVRO dizel yoqilgʻisi 2710194210 2019-yil 1-avgust 34. Yozgi, S navli, ekologik tasnifi K3 (DT-L-K3) boʻlgan EVRO dizel yoqilgʻisi 2710194210 2019-yil 1-avgust 35. Yozgi, S navli, ekologik tasnifi K4 (DT-L-K4) boʻlgan EVRO dizel yoqilgʻisi 2710194210 2019-yil 1-avgust 36. Yozgi, S navli, ekologik tasnifi K5 (DT-L-K5) boʻlgan EVRO dizel yoqilgʻisi 2710194210 2019-yil 1-avgust 37. Z-0,035 minus 35 (DT-Z-K3) markali dizel yoqilgʻisi 2710194220 2710192900 2019-yil 1-avgust 38. Qishki, DT-Z-K4 minus 35 markali dizel yoqilgʻisi 2710194220 2710192900 2019-yil 1-avgust 39. Qishki, DT-Z-K5 minus 35 markali dizel yoqilgʻisi 2710192900, 2710194220 2019-yil 1-avgust 40. Ikki yoki undan ortiq komponentlar aralashmasidan tarkib topgan, davolash yoki profilaktika maqsadlarida qoʻllaniladigan, lekin dozasi belgilangan dori shakllari koʻrinishida qadoqlanmagan, shuningdek, chakana savdo uchun shakllarga yoxud idishlarga qadoqlanmagan dori vositalari (3002, 3005 yoki 3006 tovar pozitsiyalaridagi tovarlardan tashqari) 3003 2020-yil 1-iyul 41. Aralash yoki aralashtirilmagan mahsulotlardan tarkib topgan, davolash yoki profilaktika maqsadlarida qoʻllaniladigan, dozasi belgilangan dori shakllari koʻrinishida qadoqlangan, shuningdek, chakana savdo uchun shakllarga yoxud idishlarga qadoqlangan dori vositalari (shu jumladan, transdermal tizimlar shaklidagi dori vositalari) (3002, 3005 yoki 3006 tovar pozitsiyalaridagi tovarlardan tashqari) 3004 2020-yil 1-iyul 42. Ozuqani mutanosiblashtirish uchun qoʻshiladigan vitaminlar va maʼdanli moddalar aralashmalari hamda boshqa ozuqaviy qoʻshimchalar 2106 90 980 3 2106 90 980 9 2020-yil 1-iyul 43. Hayvonlar (oʻsimliklar)dan olingan, aralash yoki aralashtirilmagan, kimyoviy ishlov berilgan yoki ishlov berilmagan oʻgʻitlar 3101000000 2020-yil 1-iyul 44. Maʼdanli yoki kimyoviy, azotli oʻgʻitlar 3102 2019-yil 1-noyabr 45. Maʼdanli yoki kimyoviy, fosforli oʻgʻitlar 3103 2019-yil 1-noyabr 46. Maʼdanli yoki kimyoviy, kaliyli oʻgʻitlar 3104 2019-yil 1-noyabr 47. Ikki yoki uch ozuqaviy unsurlar: azot, fosfor va kaliydan tarkib topgan maʼdanli yoki kimyoviy oʻgʻitlar; boshqa oʻgʻitlar; ushbu guruh tarkibiga kirgan, brutto ogʻirligi 10 kg dan oshmaydigan, tabletka yoxud shunga oʻxshash shakllar yoki qadoqlardagi tovarlar 3105 2019-yil 1-noyabr 48. Atir va ifor taratuvchi suvlar 3303 00 2019-yil 1-noyabr 49. Kosmetika vositalari yoki makiyaj va terini parvarishlash uchun ishlatiladigan vositalar (dorivorlaridan tashqari), shu jumladan, oftobdan qoraymaslik yoki qorayish uchun vositalar, manikyur yoki pedikyur uchun ishlatiladigan vositalar 3304 2019-yil 1-noyabr 50. Soch uchun moʻljallangan vositalar 3305 2019-yil 1-noyabr 51. Chakana savdo uchun yakka tartibda qadoqlangan, ogʻiz boʻshligʻi va tishlar gigiyenasini saqlash vositalari, shu jumladan, tish protezlari uchun ishlatiladigan kukun va pastalar; tish oraliqlarini tozalash uchun iplar (tish shoyisi) 3306 2019-yil 1-noyabr 52. Soqol olishdan oldin, olish paytida yoki olingandan keyin ishlatiladigan vositalar, ifor qoʻshilgan va qoʻshilmagan, dezinfeksiyalash xususiyatiga ega yoki ega boʻlmagan, xonada ishlatish uchun moʻljallangan dezodorantlar 3307 10 — 3307 49 2019-yil 1-noyabr 53. Sovun; chorqirra shaklidagi, boʻlaklangan yoki shakl berilgan buyumlar koʻrinishidagi, tarkibida sovun boʻlgan yoki boʻlmagan, sovun sifatida sirtga ishlatiladigan faol organik moddalar va vositalar; chakana savdo uchun qadoqlangan, tarkibida sovun boʻlgan yoki boʻlmagan, suyuqlik yoki krem koʻrinishidagi terini yuvish uchun sirtga ishlatiladigan faol organik moddalar va vositalar, usti sovun yoki yuvish vositalari bilan qoplangan yoki ularga boʻktirilgan qogʻoz, paxta, kigiz yoki fetr, notoʻqima matolar 3401 2019-yil 1-noyabr 54. Chakana savdo uchun qadoqlangan yoki qadoqlanmagan, sirtga ishlatiladigan faol organik moddalar; chakana savdo uchun qadoqlangan, sirtga ishlatiladigan faol vositalar, yuvish va tozalash vositalari 3402 11 — 3402 20 2019-yil 1-noyabr