Oʻzbekiston Respublikasida milliy madaniyatni yanada rivojlantirish konsepsiyasini tasdiqlash toʻgʻrisida (PQ-4038-son)

28.11.2018

Oʻzbekiston Respublikasi Prezidentining

Qarori

Keyingi yillarda mamlakatimizda xalqimizning maʼnaviy-maʼrifiy saviyasini yuksaltirish, madaniyat va sanʼat muassasalarining moddiy-texnik bazasini mustahkamlash, soha vakillarini qoʻllab-quvvatlash boʻyicha kompleks chora-tadbirlar amalga oshirilmoqda.

Xususan, Oʻzbekiston ijodkorlarini qoʻllab-quvvatlash “Ilhom” jamoat fondi, Oʻzbekiston Respublikasi Madaniyat vazirligi huzurida Madaniyat va sanʼatni rivojlantirish jamgʻarmasi, Oʻzbekiston kompozitorlari va bastakorlari uyushmasi, Oʻzbekiston davlat filarmoniyasi, Oʻzbekiston davlat sanʼat va madaniyat institutining Fargʻona mintaqaviy filiali tashkil etildi.

Oʻzbek mumtoz va folklor sanʼatining noyob namunalarini, oʻziga xos ijro maktablari va anʼanalarini asrab-avaylash va rivojlantirish tizimi yaratildi. Oʻzbek milliy maqom sanʼati markazi va muzeyi tashkil etildi. Har ikki yilda bir marta Xalqaro maqom sanʼati anjumani hamda Xalqaro baxshichilik sanʼati festivalining oʻtkazilishi noyob merosimizning nufuzini jahon miqyosida oshirish yoʻlida muhim amaliy qadam boʻldi.

Ayni paytda, milliy madaniyatni yanada rivojlantirishga toʻsqinlik qilayotgan bir qator tizimli kamchiliklar mavjud. Jumladan:

birinchidan, madaniyat sohasidagi munosabatlarni tartibga solish, madaniyat va sanʼat muassasalari, ijodiy uyushma va birlashmalarning huquqiy maqomi, ijodkorlarni ijtimoiy himoya qilishga qaratilgan yagona huquqiy baza yaratilmagan;

ikkinchidan, yosh ijodkorlarga taʼlim-tarbiya berish, yuqori malakali kadrlar tayyorlash va ularning malakasini oshirish borasida puxta tizim yaratilmagani madaniyat sohasida yagona davlat siyosatini samarali olib borish, aholining oʻsib borayotgan madaniy ehtiyojlarini qondirish va madaniy xizmatlar sifatini keskin oshirish imkonini bermayapti;

uchinchidan, aksariyat madaniyat va sanʼat muassasalarining moddiy-texnik bazasi zamon talablari va xalqaro standartlarga mos kelmaydi, bu esa ularning toʻlaqonli faoliyat koʻrsatishi uchun imkon bermayapti;

toʻrtinchidan, zamonaviy media makonda milliy madaniyatimiz munosib oʻrin egallamagani, sohaga axborot-kommunikatsiya texnologiyalari toʻliq joriy etilmagani sohani keng tadqiq va targʻib etish, xalqaro madaniy jarayonlarga talab darajasida integratsiya qilishga yoʻl bermayapti;

beshinchidan, madaniyat va sanʼat sohasidagi nufuzli xalqaro festival va tanlovlarda ijodkorlarimizning ishtirokini izchil taʼminlash va ularning sara asarlarini namoyish etish, milliy ijodiy mahsulotlarni eksport qilishning samarali tizimi yaratilmagani, xorijiy tashkilotlar bilan hamkorlik yetarlicha yoʻlga qoʻyilmagani ham soha rivojiga toʻsqinlik qilmoqda.

Xalqimizning asrlar davomida shakllangan yuksak maʼnaviy qadriyatlari va maʼnaviy merosini asrab-avaylash hamda jahon madaniyati bilan uygʻun holda rivojlantirish, milliy madaniyatni keng targʻib etish, uning xalqaro madaniy makonda tutgan oʻrni va mavqeyini yanada mustahkamlash maqsadida:

1. Quyidagilar:

Oʻzbekiston Respublikasida milliy madaniyatni yanada rivojlantirish konsepsiyasi (keyingi oʻrinlarda Konsepsiya deb yuritiladi) 1-ilovaga;

2019-2020-yillarda Oʻzbekiston Respublikasida milliy madaniyatni yanada rivojlantirish konsepsiyasini amalga oshirish boʻyicha “yoʻl xaritasi” (keyingi oʻrinlarda — “Yoʻl xaritasi”) 2-ilovaga muvofiq;

2019-2020-yillarda Oʻzbekiston Respublikasida milliy madaniyatni yanada rivojlantirish konsepsiyasini Qoraqalpogʻiston Respublikasi, viloyatlar va Toshkent shahrida amalga oshirish boʻyicha chora-tadbirlar dasturlari (keyingi oʻrinlarda — Chora-tadbirlar dasturlari) 2.1 — 2.14-ilovalariga muvofiq tasdiqlansin.

Belgilansinki, 2021-yil va undan keyingi yillar uchun Konsepsiyani amalga oshirish boʻyicha “Yoʻl xaritasi” va Chora-tadbirlar dasturlari Oʻzbekiston Respublikasi Vazirlar Mahkamasi tomonidan tasdiqlanadi.

2. Konsepsiyaning asosiy vazifalari etib quyidagilar belgilansin:

madaniyat sohasiga oid normativ-huquqiy bazani, ushbu sohadagi institutsional tizimni va madaniyat muassasalari faoliyatini yanada takomillashtirish;

tarixiy va madaniy merosimizni saqlash hamda uni yosh avlod tarbiyasida keng qoʻllash;

milliy va umuminsoniy qadriyatlarni yoshlarimiz ongiga singdirish, etnik madaniy anʼanalarni asrab-avaylash va shu asosda xalq ijodiyotini qoʻllab-quvvatlash;

aholi, jumladan, yoshlarning ijodiy salohiyatini roʻyobga chiqarish uchun zarur shart-sharoitlarni yaratish va kengaytirish;

madaniyat sohasiga zamonaviy axborot-kommunikatsiya texnologiyalarini keng joriy etish, madaniyatni yanada keng tadqiq va targʻib etishda innovatsion gʻoyalar va texnologiyalardan samarali foydalanish;

fuqarolarning, jumladan, nogironligi boʻlgan shaxslarning madaniy hayotda faol ishtirok etishi va madaniy xizmatlardan foydalanishda ijtimoiy tengligini taʼminlash;

madaniy sohada oʻzaro samarali xalqaro munosabatlarni tashkil etish va rivojlantirish, milliy madaniyatga jahon madaniyatining ajralmas qismi sifatida qarash, bu borada teng huquqlilik va inson huquqlarini hurmat qilishga alohida eʼtibor qaratish;

qabul qilinayotgan iqtisodiy, ijtimoiy va madaniyat sohasiga oid qarorlarning ushbu sohadagi yagona davlat siyosatiga mosligini taʼminlash;

madaniyat va sanʼat muassasalarining toʻlaqonli faoliyat koʻrsatishini taʼminlash, ularning moddiy resurs bazasini yanada mustahkamlash, obyektlarni saqlash hamda muhofaza qilishda jamoatchilik nazoratini yoʻlga qoʻyish.

3. Qoraqalpogʻiston Respublikasi Vazirlar Kengashi, viloyatlar va Toshkent shahrida faoliyat koʻrsatayotgan madaniyat va aholi dam olish markazlari negizida madaniyat markazlari tashkil etilsin.

Quyidagilar madaniyat markazlarining asosiy vazifalari etib belgilansin:

aholiga madaniy xizmat koʻrsatish sifatini yaxshilash, ularning madaniy ehtiyojlarini qondirish va boʻsh vaqtlarining mazmunli oʻtishini taʼminlash, ijodiy jamoalarning milliy qadriyat, urf-odat va anʼanalarni oʻzida mujassam etgan namunali dasturlarini shakllantirish;

xalq ijodiyoti va badiiy havaskorlik sanʼatini saqlab qolish va rivojlantirish, badiiy va amaliy ijodiy jamoalar, havaskorlik guruhlarini tashkil etish va ularning faoliyat yuritishi uchun qulay shart-sharoit yaratish hamda ijodiy jarayonni tizimli ravishda boyitib borish;

bolalarni toʻgaraklarga jalb etish, xorijiy tillarni oʻrganish va “nutq madaniyati” boʻyicha kurslarni tashkil etish, xalq ijodiyotining barcha janr va yoʻnalishlari, havaskorlik sanʼati va nomoddiy madaniy merosni keng targʻib qilish hamda ularni asl holicha kelajak avlodga yetkazish;

adabiyot hamda sanʼat arboblari va professional ijodiy guruhlar bilan maʼnaviy-maʼrifiy, madaniy-ommaviy tadbirlar tashkil etib, ular ishtirokida aholi, xususan, yoshlar bilan bevosita badiiy uchrashuvlar va davra suhbatlarini oʻtkazish;

tanlovlar, xalq ijodiyoti va tomosha sanʼatining tuman (shahar) miqyosidagi festivallarini oʻtkazish, iqtidorli yoshlarni aniqlash, ijodkor yoshlarni qoʻllab-quvvatlash;

ommaviy bayram, tomosha va xalq sayillarini tashkillashtirish, ijtimoiy-madaniy sohada yuridik va jismoniy shaxslar bilan tuzilgan shartnomalar boʻyicha ularga pulli xizmatlar koʻrsatish.

4. Quyidagilar:

2019-2020-yillarda madaniyat markazlari faoliyatini yanada rivojlantirish va takomillashtirish boʻyicha chora-tadbirlar dasturi (keyingi oʻrinlarda — Dastur) 3-ilovaga;

2019 — 2022-yillarda yangi quriladigan, rekonstruksiya qilinadigan, kapital taʼmirlanadigan va jihozlanadigan madaniyat markazlarining manzilli roʻyxati 4-ilovaga muvofiq tasdiqlansin.

Oʻzbekiston Respublikasi Madaniyat vazirligiga, zarur hollarda, Investitsiyalar va tashqi savdo vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, manfaatdor vazirliklar va idoralar bilan kelishgan holda 2019 — 2022-yillarda yangi quriladigan, rekonstruksiya qilinadigan, kapital taʼmirlanadigan va jihozlanadigan madaniyat markazlarining manzilli roʻyxatiga oʻzgartirish kiritish huquqi berilsin.

5. Oʻzbekiston Respublikasi Vazirlar Mahkamasi:

bir oy muddatda madaniyat markazlari faoliyatini, jumladan, madaniyat markazlarini yangi qurish, rekonstruksiya qilish, kapital taʼmirlash va jihozlash ishlarini tashkil etish, shuningdek samarasiz faoliyat yuritayotgan madaniyat markazlarini maqbullashtirish toʻgʻrisida Hukumat qarorini qabul qilsin;

2019-yilning 1-fevraliga qadar madaniyat markazlari toʻgʻrisidagi nizomni, shuningdek madaniyat markazlari faoliyati samaradorligini baholash mezonlari hamda badiiy va toʻgarak rahbarlarini ularning mehnat faoliyati natijasi asosida ragʻbatlantirish tartibini tasdiqlasin.

6. Quyidagilar mazkur qarorda nazarda tutilgan chora-tadbirlarni moliyalashtirish manbalari etib belgilansin:

Oʻzbekiston Respublikasining rivojlanish davlat dasturi doirasida markazlashtirilgan manbalar hamda respublika budjeti mablagʻlari;

Oʻzbekiston Respublikasi Madaniyat vazirligi huzuridagi Madaniyat va sanʼatni rivojlantirish jamgʻarmasi mablagʻlari;

imtiyozli xorijiy kreditlar va grantlar;

jismoniy va yuridik shaxslarning homiylik xayriyalari;

qonun hujjatlari bilan taqiqlanmagan boshqa manbalar.

7. Oʻzbekiston Respublikasi Madaniyat vazirligi, Oʻzbekiston Badiiy akademiyasi, “Oʻzbekkino” Milliy agentligi, Oʻzbekiston yozuvchilar uyushmasi, Oʻzbekiston kompozitorlari va bastakorlari uyushmasining “Madaniyat va sanʼat fidokori” koʻkrak nishonini taʼsis etish toʻgʻrisidagi taklifiga rozilik berilsin.

Oʻzbekiston Respublikasi Madaniyat vazirligi manfaatdor vazirlik va idoralar bilan birgalikda ikki oy muddatda “Madaniyat va sanʼat fidokori” koʻkrak nishonini taʼsis etish toʻgʻrisidagi Hukumat qarori loyihasini ishlab chiqsin va tasdiqlash uchun belgilangan tartibda Vazirlar Mahkamasiga kiritsin.

8. Oʻzbekiston Respublikasi Vazirlar Mahkamasi 2019-yilning 1-iyuniga qadar jumladan quyidagilarni nazarda tutuvchi va toʻgʻridan-toʻgʻri amal qiluvchi “Madaniyat toʻgʻrisida”gi Qonun loyihasini ishlab chiqsin va belgilangan tartibda Oʻzbekiston Respublikasi Oliy Majlisi Qonunchilik palatasiga kiritsin:

madaniyat sohasida davlat siyosatining asosiy tamoyillari va yoʻnalishlari, ularni amalga oshirishda ishtirok etuvchi davlat organlari va boshqa tashkilotlarning vakolatlari;

madaniyat sohasida fuqarolar, millat va elatlarning huquq hamda erkinliklari;

madaniy obyektlarni tashkil etish, qayta tashkil etish va tugatish tartiblari, shuningdek ularni moliyalashtirish va boshqarishning oʻziga xos xususiyatlari;

ijodiy uyushma va birlashmalarning huquqiy maqomi, madaniyat sohasidagi xodimlarning ijtimoiy himoyasi;

madaniy almashuv, xalqaro tashkilot va xorijiy davlatlar bilan hamkorlik, madaniyat obyektlari va sanʼat asarlarini ommalashtirish.

9. Oʻzbekiston Respublikasi Madaniyat vazirligining “Xalq cholgʻulari ijrochilari”, Mukarrama Turgʻunboyeva nomidagi “Milliy raqs ijrochilari” va Yunus Rajabiy nomidagi “Yosh maqom ijrochilari” respublika koʻrik-tanlovlarini anʼanaviy ravishda oʻtkazish toʻgʻrisidagi takliflariga rozilik berilsin.

Belgilansinki:

a) ushbu respublika koʻrik-tanlovlari:

“Xalq cholgʻulari ijrochilari” koʻrik-tanlovi ikki yilda bir marta, dastlab 2019-yilning iyun oyida;

Mukarrama Turgʻunboyeva nomidagi “Milliy raqs ijrochilari” koʻrik-tanlovi ikki yilda bir marta, dastlab 2019-yilning oktabr oyida;

Yunus Rajabiy nomidagi “Yosh maqom ijrochilari” koʻrik-tanlovi ikki yilda bir marta, dastlab 2020-yilning aprel oyida oʻtkaziladi;

b) ushbu respublika koʻrik-tanlovlari gʻoliblarining bir nafardan yakka ijrochilari tegishli yoʻnalishi boʻyicha oliy taʼlim muassasasining bakalavriat bosqichiga qabul kvotasiga qoʻshimcha davlat granti asosida qabul qilinadi.

Oʻzbekiston Respublikasi Madaniyat vazirligi ikki oy muddatda ushbu respublika koʻrik-tanlovlarini oʻtkazish tartiblarini ishlab chiqsin va tasdiqlash uchun belgilangan tartibda Vazirlar Mahkamasiga kiritsin.

10. Oʻzbekiston Respublikasi Madaniyat vazirligining har yili 21 — 27-mart kunlari “Teatr tomoshalari haftaligi”ni va uning doirasida madaniy-maʼrifiy tadbirlar, jumladan, teatr rassomlarining koʻrgazmalari, teatr liboslari va dekoratsiyalari namoyishlarini tashkil qilish, tomoshabinlar bilan ijodkorlar oʻrtasida muloqotlar oʻtkazish hamda aholining shu kunlari davlat teatrlariga bepul kirishi toʻgʻrisidagi takliflari maʼqullansin.

11. Oʻzbekiston Respublikasi Madaniyat vazirligi Vazirlar Mahkamasi huzuridagi YUNESKO ishlari boʻyicha Oʻzbekiston Respublikasi Milliy komissiyasi va Tashqi ishlar vazirligi bilan birgalikda:

davlatlararo qoʻshma loyiha doirasida Buyuk ipak yoʻlining mamlakatimizdan oʻtgan qismini “Ipak yoʻli: Zarafshon daryosi vohasi” va “Ipak yoʻli: Fargʻona — Sirdaryo havzasi” nomi ostida YUNESKOning Umumjahon madaniy merosi roʻyxatiga;

oʻzbek xalqining koʻhna va betakror sanʼati namunasi boʻlgan Xorazm “Lazgi”sini “Xorazm raqsi — Lazgi” nomi ostida YUNESKOning Insoniyat nomoddiy madaniy merosining reprezentativ roʻyxatiga kiritish boʻyicha chora-tadbirlarni amalga oshirsin.

12. Oʻzbekiston Respublikasi Madaniyat vazirligi (B.S. Sayfullayev):

yangi quriladigan, rekonstruksiya qilinadigan, kapital taʼmirlanadigan va jihozlanadigan madaniyat markazlari loyihalarining texnik-iqtisodiy hisob-kitoblarini ekspertizadan oʻtkazish uchun Oʻzbekiston Respublikasi Qurilish vazirligining “Shaharsozlik hujjatlari ekspertizasi” davlat unitar korxonasiga belgilangan tartibda kiritsin;

yangi quriladigan, rekonstruksiya qilinadigan, kapital taʼmirlanadigan va jihozlanadigan madaniyat markazlarining manzilli roʻyxati parametrlarining oʻz vaqtida va sifatli bajarilishi yuzasidan qatʼiy nazoratni taʼminlasin;

mazkur qarorda nazarda tutilgan chora-tadbirlarni amalga oshirishga bagʻishlangan axborot-tahliliy sharhlarni aniq mezon va natijalarni koʻrsatgan holda muntazam ravishda tayyorlash va ommaviy axborot vositalarida eʼlon qilib borilishi choralarini koʻrsin, zarur hollarda, fuqarolik jamiyati institutlari va ilmiy doiralarni milliy madaniyatni yanada rivojlantirish boʻyicha dolzarb masalalarni muhokama qilishga jalb etsin;

Oʻzbekiston Respublikasi Investitsiyalar va tashqi savdo vazirligi, Moliya vazirligi bilan birgalikda tasdiqlangan rivojlantirish davlat dasturiga kiritilgan madaniyat markazlarini rivojlantirish va moddiy-texnik bazasini yaxshilash, shu jumladan, ularni jihozlash uchun imtiyozli shartlar asosidagi xorijiy kreditlar va grantlarni jalb etish choralarini koʻrsin;

“Yoʻl xaritasi”, Chora-tadbirlar dasturi va Dasturning bajarilishi yuzasidan har chorakda Oʻzbekiston Respublikasi Vazirlar Mahkamasiga maʼlumotlarni taqdim etib borsin.

13. Oʻzbekiston Respublikasi Madaniyat vazirligi Tashqi ishlar vazirligi va Turizmni rivojlantirish davlat qoʻmitasi bilan birgalikda:

kirish va ichki turizmni rivojlantirish dasturlari doirasida yurtimizda oʻtkaziladigan madaniyat sohasidagi tadbirlar hamda madaniyat markazlari tomonidan mahalliy va xorijiy sayyohlar uchun tashkil etiladigan madaniy tadbirlar roʻyxatini har yili 15-dekabrga qadar shakllantirsin;

mazkur tadbirlarni Oʻzbekiston Respublikasining xorijiy davlatlardagi diplomatik vakolatxonalari orqali xorijiy ommaviy axborot vositalarida aholi va tadbirkorlik subyektlari oʻrtasida targʻib qilsin.

14. Oʻzbekiston Respublikasining Bosh vaziri A.N. Aripovga — “Yoʻl xaritasi”, Chora-tadbirlar dasturlari va Dasturni amalga oshirish yuzasidan vazirliklar, idoralar va boshqa tashkilotlarning faoliyatini muvofiqlashtirish hamda ularning oʻz vaqtida, toʻliq va sifatli bajarilishi yuzasidan tizimli monitoring oʻrnatilishi;

Oʻzbekiston Respublikasi Prezidenti maslahatchisining oʻrinbosari F.Sh. Mahmudovga — Konsepsiyada nazarda tutilgan vazifalarning bosqichma-bosqich toʻliq amalga oshirilishi, 2021-yil va undan keyingi yillar uchun nazarda tutilgan “Yoʻl xaritasi”ning oʻz vaqtida va sifatli ishlab chiqilishini tashkillashtirish;

Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlariga — “Yoʻl xaritasi”, tegishli Chora-tadbirlar dasturi va Dasturda nazarda tutilgan vazifalarning ijrosini toʻgʻri tashkillashtirilishi hamda chora-tadbirlarning oʻz vaqtida va toʻliq bajarilishi;

Oʻzbekiston Respublikasi tashqi ishlar vaziri A.X. Komilovga — Oʻzbekiston Respublikasining xorijiy davlatlardagi diplomatik vakolatxonalari vakillari orqali yurtimizda oʻtkaziladigan madaniy tadbirlarni xorijiy ommaviy axborot vositalarida keng yoritib borish, chet el mamlakatlari bilan madaniy hamkorlikni yanada jadallashtirish, Turizmni rivojlantirish davlat qoʻmitasi bilan birgalikda xorijiy sayyohlarni madaniy tadbirlarga jalb qilish choralarini koʻrishi yuzasidan shaxsiy javobgarlik yuklansin.

15. Oʻzbekiston Milliy teleradiokompaniyasi, Oʻzbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi, Oʻzbekiston Milliy axborot agentligi va boshqa ommaviy axborot vositalariga mazkur qarorning mazmun-mohiyati hamda unda belgilangan chora-tadbirlarning amalga oshirilishini yoritib borish tavsiya etilsin.

16. Oʻzbekiston Respublikasi Madaniyat vazirligi manfaatdor vazirlik va idoralar bilan birgalikda ikki oy muddatda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga taklif kiritsin.

17. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidenti Administratsiyasi rahbari Z.Sh. Nizomiddinov, Oʻzbekiston Respublikasi Prezidenti maslahatchisining birinchi oʻrinbosari B.M. Mavlonov va Oʻzbekiston Respublikasi Prezidenti maslahatchisining oʻrinbosari F.Sh. Mahmudov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2018-yil 28-noyabr,

PQ-4038-son

Oʻzbekiston Respublikasi Prezidentining 2018-yil 28-noyabrdagi PQ-4038-son qaroriga 1-ILOVA

Oʻzbekiston Respublikasida milliy madaniyatni yanada rivojlantirish konsepsiyasi

1-bob. Umumiy qoidalar

1. Milliy madaniyatni rivojlantirish konsepsiyasi (keyingi oʻrinlarda Konsepsiya deb yuritiladi) mamlakatimizda milliy madaniyat va sanʼatni yanada rivojlantirishning maqsadi, vazifalari, tamoyillari, shuningdek ustuvor yoʻnalishlarini belgilaydi. Sohaga oid normativ-huquqiy hujjatlar loyihalarini ishlab chiqishda mazkur Konsepsiya gʻoyalariga eʼtibor qaratiladi.

2. Mazkur Konsepsiyada milliy madaniyat va sanʼatni yanada rivojlantirishga mamlakatni ijtimoiy-iqtisodiy rivojlantirishning uzviy va ajralmas qismi sifatida qaraladi, 2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasi talablari asosida hamda milliy va jahondagi ilgʻor tajribalar, mamlakatimizdagi ijtimoiy-siyosiy oʻzgarishlar bilan uygʻun ravishda amalga oshiriladi.

3. Mamlakatning tarixiy rivojlanish jarayonida madaniyat va sanʼat xalqimizning maʼnaviy boyligini saqlab, toʻplab avlodlarga yetkazib kelgani, xalqimizda birdamlik, vatanparvarlik va milliy gʻurur hissini tarbiyalaganini eʼtirof etgan holda, madaniyatning ustuvorligiga urgʻu berish, jamiyat hayoti sifatining yanada yuqori darajasini taʼminlash, unda fuqarolarning hamjihat boʻlishiga erishish, maʼnaviyatli, masʼuliyatli, mustaqil fikrlovchi ijodkor shaxsni shakllantirish Konsepsiyaning asosiy mazmunini tashkil etadi.

2-bob. Milliy madaniyatni yanada rivojlantirishning asosiy maqsadi va tamoyillari

4. Madaniy va ijtimoiy sohani takomillashtirish orqali barkamol shaxsni shakllantirish va jamiyatning hamjihatligini mustahkamlash milliy madaniyatni yanada rivojlantirishning asosiy maqsadi hisoblanadi.

5. Quyidagilar milliy madaniyatni yanada rivojlantirishning asosiy tamoyillari hisoblanadi:

ijod erkinligi, madaniyatlararo munosabatlarda teng huquqlilik, inson huquqlari, milliy va umumbashariy qadriyatlarni hurmat qilish va madaniyatlar xilma-xilligini saqlash;

madaniyat va sanʼat sohasida taʼlim-tarbiyaning tizimliligi, ilmiyligi va davomiyligini taʼminlash;

madaniyat va sanʼat sohasini yanada rivojlantirish boʻyicha amalga oshiriladigan ishlarning ommaviyligi va ochiqligiga erishish;

shaxs ruhiyati va kamolotiga salbiy taʼsir koʻrsatuvchi gʻoyalarga murosasiz boʻlish kayfiyatini shakllantirish.

3-bob. Milliy madaniyatni yanada rivojlantirishning asosiy yoʻnalishlari

6. Quyidagilar milliy madaniyatni yanada rivojlantirishning asosiy yoʻnalishlari hisoblanadi:

a) moddiy va nomoddiy madaniy meros hamda muzeylar sohasida:

ajdodlar tomonidan toʻplangan tarixiy va madaniy tajriba jamiyat aʼzolarining individual va umumiy rivojlanishi uchun zaruriy shart ekanligini jamoatchilik ongiga singdirish, bu borada jamoatchilik tashabbuslarini qoʻllab-quvvatlash;

tarixiy, ilmiy, badiiy yoki oʻzgacha madaniy qimmatga ega boʻlgan koʻchmas mulk obyektlarini aniqlash va davlat muhofazasiga olish, bu borada davlat va jamoat nazorati tizimini takomillashtirish;

asrashga doir ishlarga va arxeologiya tadqiqotlariga ruxsatnoma berish, obyektlarni identifikatsiyalash, arxeologiya ashyolarini hisobga olishga zamonaviy axborot-kommunikatsiya texnologiyalarini joriy etish, obyektlar haqidagi barcha maʼlumotlarni yagona elektron axborot bazaga birlashtirish;

chuqur ilmiy-tarixiy yondashuv asosida obyektlarning tarixiy-madaniy qimmati va noyobligiga putur yetkazmagan holda asrashga doir ishlarni bajarilishini yoʻlga qoʻyish, obyektlarga tabiiy va texnogen taʼsirlarning salbiy oqibatlarining oldini olish;

nomoddiy madaniy meros elementlarini toʻplash, hujjatlashtirish va muhofaza qilish, ularning saqlovchilarini qoʻllab-quvvatlash tizimini takomillashtirish, Oʻzbekiston tarixi va madaniyatiga oid xorijiy davlatlardagi nomoddiy madaniy meros elementlarini yozib olish va saqlashga koʻmaklashish;

insoniyat taraqqiyoti va jahon madaniyatiga munosib hissa qoʻshgan yurtimizning madaniy merosini YUNESKOning tegishli roʻyxatlariga kiritish choralarini kuchaytirish;

milliy muzey fondidagi muzey ashyolari va kolleksiyalarini ishonchli saqlash, fondni boyitib borish, ilmiy oʻrganish, keng targʻib etish va samarali foydalanish;

muzeylarni boshqarishda samarali menejment va marketing usullaridan foydalanish, muzeylarning moddiy-texnik bazasini zamon talablari asosida yanada mustahkamlash, ularga zamonaviy axborot texnologiyalarini joriy etish;

b) teatr, kino va sirk sohasida:

zamonaviy pyesalar, milliy mumtoz, jahon klassik asarlari asosida teatrlarning uzoq muddatli repertuarini shakllantirish, teatrlarning mahalliy va xorijiy davlatlardagi gastrol faoliyatini tizimli amalga oshirish;

tarixiy shaxslar, zamonamiz qahramonlari obrazlarini yaratish, teatr va kino asarlarining gʻoyaviy-badiiy darajasini koʻtarish, xalqaro maydondagi raqobatbardoshligini oshirish, teatr va kino tanqidchiligini kuchaytirish;

xalqimiz, ayniqsa, yoshlar qalbida milliy istiqlol gʻoyalariga sadoqat, milliy va umumbashariy qadriyatlarga hurmat, ona Vatanga muhabbat, buzgʻunchi gʻoyalarga qarshi immunitetni yanada kuchaytirishda teatr va kino sanʼatining rolini oshirish;

milliy kino mahsulotlarini keng targʻib qilish va ularning xalqaro kinofestivallarda munosib oʻrin egallashiga erishish;

tarixiy haqiqat va real voqelikni yorqin aks ettiruvchi hujjatli va ilmiy-ommabop filmlar yaratish tizimini takomillashtirish;

sirk dasturlarining badiiy saviyasini oshirish va tomoshabinlar qamrovini kengaytirish, xalqaro maydonda milliy sirk sanʼati nufuzini yanada yuksaltirish;

aholining sirk tomoshalariga qiziqishini inobatga olib, koʻchma sirklar faoliyatining samaradorligini oshirish, sirklarda xavfsizlik choralarini kuchaytirish;

teatr, kino va sirk muassasalarining moddiy-texnik bazasini zamon talablari asosida mustahkamlash va jihozlash;

v) milliy musiqa sanʼati sohasida:

avloddan-avlodga oʻtib kelayotgan milliy musiqa merosimizni asrab-avaylash, yangi sharoitlarda rivojlantirish va ulardan xalqimizni bahramand qilish uchun keng imkoniyatlar yaratish;

kompozitor, bastakor va sozandalar faoliyatini qoʻllab-quvvatlash, havaskorlar orasidan isteʼdodli ijrochilarni aniqlash maqsadida turli darajadagi koʻrik-tanlovlarni oʻtkazish, anʼanaviy musiqa janrlarini yangi shart-sharoitlarda rivojlantirish maqsadida “ustoz-shogird” anʼanasini yanada rivojlantirish;

milliy va jahon kompozitorlari ijodiyotini insoniyat intellektual xazinasi sifatida xalq orasida keng targʻib qilish, zamonaviy ruhda yuksak badiiy asarlar yaratish, katta musiqiy asarlar, jumladan opera, simfoniya, konsert va oratoriya kabi mumtoz janrlarni rivojlantirish;

yosh kompozitorlar, bastakorlar, musiqashunoslar va ijrochilarning ijod bilan samarali shugʻullanishlari uchun barcha imkoniyat va sharoitlarni kengaytirish;

Oʻzbekiston davlat filarmoniyasi tarkibidagi badiiy jamoalar ijrosidagi musiqiy asarlarning badiiy va tarbiyaviy ahamiyatini yuksaltirish hamda xalqning, ayniqsa, yoshlar orasida keng targʻib etish;

g) milliy estrada sanʼati sohasida:

milliy qadriyatlar asosida estrada qoʻshiqchilik sanʼatini yanada rivojlantirish va targʻibotini kuchaytirish;

isteʼdodli estrada xonandalarini aniqlash va ularning ijodiy faoliyatini qoʻllab-quvvatlash tizimini takomillashtirish;

aholining madaniy ehtiyojlarini qanoatlantirishga, yoshlarni yuqori saviyadagi milliy estrada qoʻshiqlari namunalari asosida tarbiyalashga yoʻnaltirilgan ommaviy-madaniy tadbirlar, konsertlar va gastrollarni tizimli tashkil etish;

“Oʻzbekkonsert” davlat muassasasi huzuridagi “Oʻzbekiston xalq artistlari klubi” faoliyatini yanada rivojlantirish, musiqa maktablarida tahsil olayotganlar uchun “mahorat darslari”ni oʻtkazish va isteʼdodli yoshlarni aniqlashga alohida eʼtibor qaratish;

musiqa va sanʼat maktablarida “ustoz-shogird” anʼanalarini rivojlantirish hamda taniqli sanʼatkorlar ishtirokida ijodiy uchrashuvlar tashkil etish;

ijodiy birlashmalar, jamoalar va yakkaxon ijrochilarning faoliyati, repertuarlari va ssenariylarining gʻoyaviy va badiiy saviyasini oshirish;

d) milliy raqs sanʼati sohasida:

milliy raqs sanʼatining rivojlanish bosqichlarini ilmiy jihatdan chuqur oʻrganish, jahon madaniyatida tutgan oʻrnini mustahkamlash va uning yangi namunalarini yaratish;

“ustoz va shogird” anʼanasi asosida milliy raqs sohasidagi yetuk raqs ustalari, isteʼdodli va yuqori malakali ijrochilarning raqs maktablarini yaratish, ularning uslublarini tiklash va rivojlantirish;

milliy raqs sanʼatining noyob merosini, shu jumladan milliy qadriyatlarni aks ettiruvchi sahna liboslarini saqlab qolish, tiklash va yangilarini yaratish;

milliy va umuminsoniy qadriyatlar bilan uygʻunlikda milliy raqs va xoreografiya sanʼatini badiiy jihatdan rivojlantirish;

avloddan avlodga noyob meros sifatida oʻtib kelayotgan jozibali raqs namunalarini toʻplash, boyitish, xalqimiz, ayniqsa, yosh avlod ongiga bu bebaho boyliklarga chuqur hurmat va havas tuygʻularini singdirish;

mamlakatimizning barcha hududlaridagi raqs yoʻnalishlarini asrash, avaylash, xalqimizga estetik zavq bagʻishlovchi zamonaviy oʻzbek raqs maktabini yaratish;

e) tasviriy va amaliy sanʼat sohasida:

tasviriy va amaliy sanʼat, dizayn va xalq hunarmandchiligi sohalarida isteʼdodli ijodkorlarni barvaqt aniqlash, ularni qoʻllab-quvvatlash, ijodkorlarning badiiy salohiyatini oshirish tizimini takomillashtirish;

xalq ustalarining oʻziga xos uslubi va maktabini davom ettirish, atoqli madaniyat va sanʼat arboblari bilan tajriba almashishda “ustoz-shogird” anʼanasidan samarali foydalanish, shuningdek ijodiy ustaxonalar faoliyatini kuchaytirish;

xalq amaliy sanʼati anʼanalarini saqlash va rivojlantirish uchun shart-sharoitlar yaratish, xalq hunarmandchiligini qoʻllab-quvvatlash;

yurtimiz va xorijda keng koʻlamdagi koʻrgazmalar tashkil etish orqali milliy sanʼatimiz yutuqlarini dunyo jamoatchiligiga tanitish;

buyuk rassomlar, xalq ustalari va rassomlari, sanʼat arboblari va isteʼdodli yosh ijodkorlarning sara asarlarini ommalashtirish;

yo) madaniyat va istirohat bogʻlari hamda madaniyat markazlari sohasida:

madaniyat va istirohat bogʻlari hamda madaniyat markazlarining moddiy-texnik bazasini, shu jumladan davlat-xususiy sheriklik asosida mustahkamlash va ularning faoliyatini yanada takomillashtirish;

istirohat bogʻlarining qiyofasini tubdan qayta koʻrib chiqish, ularda xalq sayillarini doimiy oʻtkazish tizimini yaratish, attraksion va oʻyin qurilmalarining texnik xavfsizligini taʼminlash.

madaniyat markazlarida xalq badiiy havaskorlik va ijrochilik sanʼatini rivojlantirish, ularning shakl va usullarini takomillashtirishga koʻmaklashish;

joylarda madaniy-maʼrifiy faoliyatning samarali usullarini har tomonlama qoʻllab-quvvatlash, ilgʻor tajribalarni umumlashtirish va targʻib qilishga koʻmaklashish;

j) ilm-fan, taʼlim, kadrlar tayyorlash va malakasini oshirish sohasida:

sohada professional malakali kadrlarni tayyorlash, qayta tayyorlash va ularning malakasini oshirish, shu jumladan pedagog kadrlarning salohiyatini oshirish tizimini takomillashtirish;

maktabgacha taʼlim tashkilotlarida boshlangʻich musiqa tushunchalarini shakllantiruvchi (folklor musiqa, akademik mumtoz musiqa, estrada musiqasi) maxsus adabiyotlar yaratish va bolalar ijro repertuarini shakllantirish;

sohadagi boshlangʻich, oʻrta maxsus va oliy taʼlim muassasalarida taʼlimning uzviyligi va davomiyligini taʼminlash, taʼlim sifatini oshirish, uning pirovardida isteʼdodli ijodkorlarni yetishtirish;

sohada ilmiy tadqiqot ishlarini qoʻllab-quvvatlash, ilmiy natijalarni amaliyotga joriy etish hamda sanʼat ahlining mehnat va ijod sharoitini yaxshilash;

jahonning mashhur madaniyat va sanʼat muassasalari bilan tajriba almashish va malaka oshirish tizimini kengaytirish;

xorijiy va milliy anʼanaviy taʼlim tizimining eng yaxshi yutuqlaridan, shuningdek sohada taʼlimni rivojlantirishga asoslangan texnologiyalardan keng foydalanish;

z) madaniyat turizmi sohasida:

madaniyat va sanʼat muassasalari tomonidan koʻrsatiladigan xizmatlar sifatini zamon talablari va xalqaro standartlarga muvofiqlashtirish va ularga mos yangi koʻngilochar markazlar, madaniyat va istirohat bogʻlarini barpo etish;

mahalliy madaniyat va sanʼat muassasalarini jahon madaniy makoniga puxta integratsiya qilish, mamlakatimizning ijobiy qiyofasini shakllantirishda boy tarixiy-madaniy merosdan hamda madaniyat va sanʼatning zamonaviy yoʻnalishlaridan samarali va toʻliq foydalanish;

yurtimizda va jahonda madaniy merosimizga boʻlgan qiziqishni yanada kuchaytirish, ularni ommalashtirish va madaniyatning turli yoʻnalishlari boʻyicha turizmning imkoniyatlarini kengaytirish;

mamlakatning noyob madaniyat obyektlari, xususan tarixiy-madaniy majmualarini yorqin namoyon etgan holda sayyohlarni ommaviy jalb etadigan jozibali koʻrinishini yaratish;

respublikamiz hududlarining oʻziga xos jihatlarini inobatga olib, turizmni rivojlantirish borasidagi loyihalar doirasida muhim oʻrin tutadigan yangi madaniy sayyohlik yoʻnalishlarini yaratish va rivojlantirish;

madaniyat va sanʼat sohasida milliy brendlarni yaratish va ularning xalqaro turizm bozorlariga kirib borishiga kompleks yondashish, madaniyat sohasida xalqaro tanlov va festivallar oʻtkazishni qoʻllab-quvvatlash.

4-bob. Konsepsiyani amalga oshirishdan kutilayotgan natijalar

7. Konsepsiyani amalga oshirish orqali quyidagi natijalarga erishiladi:

madaniyat sohasiga oid normativ-huquqiy baza, ushbu sohadagi institutsional tizim va madaniyat muassasalari faoliyati takomillashtiriladi;

yosh avlod ongida anʼanaviy va umuminsoniy qadriyatlarga hurmat hissi shakllanadi, etnik madaniy anʼanalarni asrash va ularga asoslangan xalq ijodiyoti rivojlanadi;

aholi, jumladan yoshlarning ijodiy salohiyatini roʻyobga chiqarish uchun zarur shart-sharoitlar yaratiladi;

madaniyat sohasiga zamonaviy axborot-kommunikatsiya texnologiyalari joriy etiladi, madaniyat va sanʼatni yanada keng tadqiq va targʻib etish jarayonida innovatsion gʻoyalar va texnologiyalardan samarali foydalaniladi;

madaniyat va sanʼat muassasalari faoliyatining samaradorligi ortadi, moddiy madaniy meros obyektlarini ishonchli saqlash va ulardan samarali foydalanish yoʻlga qoʻyiladi;

uzviy taʼlim tizimi yaratiladi hamda madaniyat sohasida fan va tadqiqot ishlari yanada yuqori pogʻonaga koʻtariladi;

sohada mahoratli ijrochi va ijodkorlar, professional kadrlarni tayyorlash tizimi takomillashtiriladi;

mamlakatimizning tarixini oʻrganish, uni targʻib qilish va sayyohlik salohiyatini oshirishda muzeylarning roli ortadi;

sohada xizmat koʻrsatishning sifati oshiriladi va yaratilayotgan asarlarning badiiy saviyasi yuksaladi;

madaniyat va sanʼat sohasida faoliyat yuritayotgan kengashlarning oʻrni yanada ortadi;

yetakchi xalqaro tashkilotlar va xorijiy davlatlar bilan hamkorlik kengayadi va mustahkamlanadi;

milliy sanʼat anʼanalarini saqlab qolish va rivojlantirish hamda ularning jahon sahnasida eʼtirof etilishi uchun sharoitlar yaratiladi.

5-bob. Yakunlovchi qoidalar

8. Mazkur Konsepsiya davlat va jamiyat faoliyatining barcha sohalarini modernizatsiya qilish, madaniyat sohasida islohotlar oʻtkazish, mamlakatning innovatsion rivojlanish yoʻliga oʻtishi, jamiyatni rivojlantirishning maqsad va ahamiyatini anglashga xizmat qiluvchi madaniy muhitda intellektual va madaniy rivojlangan kadrlarni tayyorlash uchun uslubiy asos boʻlib xizmat qiladi.

9. Konsepsiyaning amalga oshirilishi madaniyatning ustuvorligiga urgʻu berish orqali jamiyat hayoti sifatining yanada yuqori darajasiga erishish, xalqimizda vatanparvarlik va milliy gʻurur hissini tarbiyalash, fuqarolarni ahil, maʼnaviyatli, masʼuliyatli, mustaqil fikrlovchi, ijodkor shaxs sifatida shakllantirish, madaniyat sohasidagi xizmatlar bozorini kengaytirish imkonini beradi.

Oʻzbekiston Respublikasi Prezidentining 2018-yil 28-noyabrdagi PQ-4038-son qaroriga 2-ILOVA

2019-2020-yillarda Oʻzbekiston Respublikasida milliy madaniyatni yanada rivojlantirish konsepsiyasini amalga oshirish boʻyicha

“yoʻl xaritasi”

T/r Amalga oshiriladigan chora-tadbir Muddat Ijrochilar I. Madaniyat va sanʼat sohasida qonunchilik bazasini yanada takomillashtirish 1. Quyidagilarni nazarda tutuvchi “Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida”gi Oʻzbekiston Respublikasining Qonuni loyihasini ishlab chiqish va belgilangan tartibda Vazirlar Mahkamasiga kiritish: moddiy madaniy meros sohasida vakolatli organ tomonidan moddiy madaniy merosning koʻchmas mulk obyektlarini muhofaza qilish va ulardan oqilona foydalanishni koʻzlab sudlarga davlat boji toʻlamasdan arizalar va daʼvolar bilan murojaat qilish; alohida muhofaza qilinadigan tarixiy-madaniy hududlarda va (yoki) tarixiy-madaniy qiymatiga koʻra Umumjahon merosi roʻyxatiga kiritilgan hududlarda va ularning qoʻriqlanadigan hududlarida moddiy madaniy meros obyekti hisoblanmagan bino, inshoot va boshqa obyektlarni ruxsatnoma olmasdan qurish yoki buzish boʻyicha javobgarlikni kuchaytirish. 2019-yil 1-mart Madaniyat vazirligi (B. Sayfullayev), Adliya vazirligi (R. Davletov), Moliya vazirligi (A. Xaydarov), Bosh prokuratura (S. Saidkarimov), Oliy sud (K. Kamilov), manfaatdor vazirliklar va idoralar 2. Madaniyat va sanʼat tashkilotlari, ijodiy uyushmalar faoliyatini yanada rivojlantirish, shu sohada mehnat qilayotgan, oʻzining badiiy, ijtimoiy-siyosiy ruhdagi ijodiy asarlari bilan xalqimiz maʼnaviyatini yuksaltirishga munosib hissa qoʻshayotgan shoir va yozuvchilar, madaniyat va sanʼat xodimlari mehnatini ragʻbatlantirish boʻyicha qoʻshimcha sharoitlar yaratish maqsadida Oʻzbekiston Respublikasi Vazirlar Mahkamasining “Ommaviy ijro uchun dramatik, musiqali va musiqali-dramatik asarlar yaratganligi uchun mualliflik haqini toʻlash tartibi toʻgʻrisida”gi qaror loyihasini ishlab chiqish va Hukumatga kiritish. 2019-yil 1-aprel Madaniyat vazirligi (B. Sayfullayev), Moliya vazirligi (A. Xaydarov), Oʻzbekiston kompozitor va bastakorlar uyushmasi (R. Abdullayev), manfaatdor vazirliklar va idoralar 3. Madaniy-maʼrifiy sohada respublikada oʻtkazilayotgan koʻrik tanlovlarning samaradorligini oʻrganish va ularni yanada rivojlantirish yoki maqbullashtirish boʻyicha Oʻzbekiston Respublikasi Vazirlar Mahkamasiga taklif kiritish. 2019-yil 1-iyun Madaniyat vazirligi (B. Sayfullayev), manfaatdor vazirliklar va idoralar 4. “Madaniy meros obyektlarini muhofaza qilish va ulardan foydalanish toʻgʻrisida”gi va “Arxeologiya merosi obyektlarini muhofaza qilish va ulardan foydalanish toʻgʻrisida”gi qonunlarni tanqidiy qayta koʻrib chiqish hamda madaniy meros obyektlari boʻyicha yagona toʻgʻridan-toʻgʻri amal qiluvchi qonun loyihasini ishlab chiqish va Oʻzbekiston Respublikasi Vazirlar Mahkamasiga kiritish. 2019-yil 1-avgust Madaniyat vazirligi (B. Sayfullayev), Adliya vazirligi (R. Davletov), Turizmni rivojlantirish davlat qoʻmitasi (A. Akkulov), manfaatdor vazirliklar va idoralar 5. Teatr va kino asarlarini sahnalashtirishda mualliflar huquqini himoya qilish mexanizmini takomillashtirish, mualliflarni asarining har bir sahnalashtirilgan holati boʻyicha ragʻbatlantirib borish, shuningdek konsert-tomosha faoliyatini litsenziyalash davlat bojini hududlar boʻyicha tabaqalashtirish masalasini oʻrganib, Oʻzbekiston Respublikasi Vazirlar Mahkamasiga taklif kiritish. 2019-yil 1-sentabr Madaniyat vazirligi (B. Sayfullayev), Moliya vazirligi (A. Xaydarov), “Oʻzbekkino” MA (F. Zokirov), manfaatdor vazirliklar va idoralar 6. Madaniy merosga oid milliy qonunchilikni xalqaro huquqning umumeʼtirof etilgan prinsiplari va Oʻzbekiston Respublikasi tomonidan ratifikatsiya qilingan xalqaro shartnomalar normalariga muvofiqlashtirish, ularni implementatsiya qilish va qonunlarni toʻgʻridan-toʻgʻri amal qilishini taʼminlash tegishli normativ huquqiy hujjat loyihasini ishlab chiqish hamda belgilangan tartibda Oʻzbekiston Respublikasi Vazirlar Mahkamasiga kiritish. 2020-yil 1-may Madaniyat vazirligi (B. Sayfullayev), Adliya vazirligi (R. Davletov), Tashqi ishlar vazirligi (A. Komilov) 7. 2019-2020-yillarda madaniyat va sanʼat sohasida davlat-xususiy sheriklik asosida beriladigan davlat mulki obyektlarining roʻyxatini shakllantirish, ommaviy axborot vositalarida yoritish va ularni investorlarga berish yuzasidan amaliy choralarni koʻrish. 2019-yil 15-yanvar Madaniyat vazirligi (B. Sayfullayev), Moliya vazirligi (A. Xaydarov), Investitsiyalar boʻyicha davlat qoʻmitasi (S. Bekenov) II. Moddiy va nomoddiy madaniy meros hamda muzeylar sohasida 8. Milliy muzey fondi tarkibiga kiritilgan muzey ashyolari va muzey kolleksiyalarini restavratsiya, konservatsiya qilish ishlarini izchil amalga oshirish. Muzeylar fondlarini madaniy boyliklar bilan muntazam toʻldirib borish hamda muzey ashyolari va muzey kolleksiyalarini tadqiq qilishni kuchaytirish va uning natijalarini eʼlon qilib borish. 2019-2020-yillar Madaniyat vazirligi (B. Sayfullayev), Fanlar akademiyasi (B. Yuldashev), Badiiy akademiya (A. Nuridinov), Moliya vazirligi (A. Xaydarov), manfaatdor vazirliklar va idoralar 9. Oʻzbekistonning koʻhna va boy madaniy merosini xalqaro miqyosda eʼtirof etilishiga erishish maqsadida “Sahrodagi qasrlar” (Qoraqalpogʻiston Respublikasi), “Xonbandi” (Jizzax viloyati), “Sarmishsoy qoyatosh rasmlari” (Navoiy viloyati), “Zarautsoy qoyatosh rasmlari”, “Qadimiy Termiz” (Surxondaryo viloyati) obyektlarini YUNESKOning Umumjahon merosi roʻyxatiga kiritish choralarini koʻrish. reja asosida Madaniyat vazirligi (B. Sayfullayev), Fanlar akademiyasi (B. Yuldashev), YUNESKO ishlari boʻyicha Milliy komissiya, Qoraqalpogʻiston Respublikasi Vazirlar Kengashi, Jizzax, Navoiy va Surxondaryo viloyatlari hokimliklari 10. Moddiy madaniy meros obyektlarida asrashga doir ishlarni ularning tarixiy-madaniy qimmati va noyobligiga putur yetkazmagan holda amalga oshirish maqsadida: Madaniyat vazirligi (B. Sayfullayev), Moliya vazirligi (A. Xaydarov), Qurilish vazirligi (A. Toʻxtayev), Fanlar akademiyasi (B. Yuldashev), YUNESKO ishlari boʻyicha Milliy komissiya Madaniyat vazirligi huzurida ixtisoslashgan maxsus restavratsiya-tiklash ilmiy-tadqiqot tuzilmasini tashkil etish boʻyicha Oʻzbekiston Respublikasi Vazirlar Mahkamasiga taklif kiritish; 2019-yil 1-mart restavrator-ustalarni malakasini oshirish va ularga malaka sertifikatini berish tizimini yoʻlga qoʻyish; 2019-yil 1-dekabr moddiy madaniy obyektlarga tabiiy va texnogen taʼsirlarning salbiy taʼsirini oldini olish boʻyicha amaliy chora-tadbirlarni amalga oshirish. reja asosida 11. Muzeylarni boshqarishning samarali usullarini joriy etish, tashrif buyuruvchilarning qiziqishini oshirish va ularda koʻrsatilayotgan xizmatlarni kengaytirish maqsadida: Madaniyat vazirligi (B. Sayfullayev), Fanlar akademiyasi (B. Yuldashev), Badiiy akademiya (A. Nuridinov), Davlat soliq qoʻmitasi (B. Musayev), Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari, manfaatdor vazirliklar va idoralar muzeylarni boshqarish va muzey marketingi boʻyicha ilgʻor xorijiy tajribani oʻrganish va zarur hollarda har bir muzeyning oʻziga xos tuzilmasini ishlab chiqish va tasdiqlash; 2019-yil 1-iyun muzeylarning suvenir va boshqa tovarlar, shu jumladan noyob eksponatlari nusxasi va ularning tasviri tushirilgan esdalik sovgʻalarini sotishga ixtisoslashtirilgan savdo shoxobchalarini yoʻlga qoʻyish. 2019-yil 1-iyul 12. Tarixiy, ilmiy, badiiy yoki oʻzgacha madaniy qimmatga ega boʻlgan koʻchmas mulk obyektlarni aniqlash va ularni davlat muhofazasiga olish maqsadida: Madaniyat vazirligi (B. Sayfullayev), “Yergeodezkadastr” davlat qoʻmitasi (A. Abdullayev), Fanlar akademiyasi (B. Yuldashev), Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari davlat kadastr hujjatlarini rasmiylashtirish ishlarini hamda davlat kadastrlar yagona tizimiga tegishli axborotlarni kiritishni yakunlash va yangilab borish; 2020-yil 1-yanvar obyektlarning qoʻriqlanadigan tegralarini belgilash va ularga rioya qilinishini taʼminlash; 2020-yil 1-mart Buxoro, Samarqand, Xiva va Shahrisabz shaharlarining tarixiy markazlari va ularning qoʻriqlanadigan tegralari (bufer zona), ularga har qanday salbiy taʼsirning oldini olish nuqtai nazaridan yerdan foydalanish va shaharsozlik rejimini belgilash; 2020-yil 1-avgust barcha moddiy madaniy meros koʻchmas mulk obyektlarini qayta tarixiy-madaniy ekspertizadan oʻtkazish va uning natijasi asosida moddiy madaniy meros obyektlari davlat kadastrini shakllantirish. 2020-yil 1-dekabr 13. Quyidagilarni nazarda tutuvchi Madaniy meros obyektlari elektron portalini yaratish va uning samarali faoliyat olib borishini taʼminlash: asrashga doir ishlarga va arxeologiya tadqiqotlariga ruxsatnomalarni elektron hujjat shaklida berish; arxeologiya ashyolarini davlatga topshirish va muassasalarga biriktirib qoʻyishni elektron hujjat shaklida joriy etish; moddiy madaniy merosning koʻchmas mulk obyektlariga oid barcha maʼlumot va materiallarning yagona elektron bazasini yaratish; portalni boshqa davlat organlarining elektron xizmatlari bilan integratsiya qilish. 2020-yil 1-iyun Madaniyat vazirligi (B. Sayfullayev), Axborot texnologiyalari va kommunikatsiyalarini rivojlantirish vazirligi (Sh. Sadikov), “Yergeodezkadastr” davlat qoʻmitasi (A. Abdullayev), Fanlar akademiyasi (B. Yuldashev), Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari, manfaatdor vazirlik va idoralar 14. Qoraqalpogʻiston Respublikasi, viloyatlar, Toshkent shahri hamda Oʻzbekiston tarixi va madaniyatiga oid xorijiy davlatlardagi nomoddiy madaniy meros elementlarini (folklor, urf-odatlar va b.) yozib olish, ular asosida “Oʻzbekiston nomoddiy madaniy merosi” toʻplamini tayyorlash va nashr etish. 2020-yil 1-dekabr Madaniyat vazirligi (B. Sayfullayev),Fanlar akademiyasi (B. Yuldashev),Tashqi ishlar vazirligi (A. Komilov), manfaatdor vazirlik va idoralar III. Teatr, kino va sirk sohasida 15. Teatrlarning zamonaviy pyesalar, milliy mumtoz, jahonning klassik asarlari, jumladan yoshlarga moʻljallangan uzoq muddatli repertuarini shakllantirish maqsadida sa�na asarlari tanlovini oʻtkazish. doimiy Madaniyat vazirligi (B. Sayfullayev), manfaatdor vazirliklar va idoralar 16. Kino sanoati sohasiga xorijiy investitsiyalarni jalb qilish, ishlab chiqilayotgan kino mahsulotlarining oʻzini oqlashi va daromad keltirishiga qaratilgan zamonaviy marketing tadqiqotlarini oʻtkazish. doimiy “Oʻzbekkino” MA (F. Zokirov), manfaatdor vazirliklar va idoralar 17. Milliy sirk dasturlarining badiiy saviyasini oshirish, tomoshabinlar qamrovini kengaytirish, xalqaro maydonda milliy sirk nufuzini yanada oshirish maqsadida: “Oʻzbek sirki” nomli hujjatli film yaratish; “Oʻzbek davlat sirki” davlat muassasasi qoshida bolalar sirk studiyasini tashkil qilish; xorijiy davlatlarda shartnoma asosida Oʻzbekiston sirk artistlari va mutaxassislarning dasturlari va sirk tomoshalarini tashkil etish; xorijiy davlatlarda sirk artist va mutaxassislarining tizimli stajirovka oʻtashlarini yoʻlga qoʻyish hamda malakali xorijiy mutaxassislarni taklif qilish orqali milliy sirk dasturlarining badiiy saviyasini oshirish. reja asosida Madaniyat vazirligi (B. Sayfullayev), “Oʻzbekkino” MA (F. Zokirov), Tashqi ishlar vazirligi (A. Komilov), Moliya vazirligi (A. Xaydarov), Madaniyat va sanʼatni rivojlantirish jamgʻarmasi (S. Gafurova) 18. Teatrlarda namoyish etiladigan eng sara spektakllar, premyeralar, gastrol safarlarini respublika va mahalliy ommaviy axborot vositalarida yoritish hamda teatrlarning faoliyati bilan bogʻliq ijtimoiy roliklar tayyorlash hamda ularni televideniye va internet tarmogʻi orqali jamoatchilik eʼtiboriga havola qilish. 2019-yil 1-iyul Madaniyat vazirligi (B. Sayfullayev), Milliy teleradiokompaniya (A. Xadjayev) 19. Teatrlar qoshida bolalar musiqa va sanʼat maktablari, litsey, ixtisoslashtirilgan sanʼat va madaniyat maktab oʻquvchilari hamda madaniyat, sanʼat va dizayn oliy taʼlim muassasalarining iqtidorli talabalari orasidan “yosh dramaturg”, “yosh rejissor”, “yosh rassom”, “yosh kompozitor” va “sahna nutqi va madaniyati” ijodiy klublarini tashkil qilish. 2019-yil 1-dekabr Madaniyat vazirligi (B. Sayfullayev), Oliy va oʻrta maxsus taʼlim vazirligi (I. Madjidov),manfaatdor vazirliklar va idoralar 20. “Oʻzbek davlat sirki” davlat muassasasi va mavjud koʻchma sirklarning xavfsizlik choralarini kuchaytirish va aholiga qulaylik yaratish maqsadida ularning moddiy-texnik bazasini mustahkamlash, aholining sirk tomoshalariga boʻlgan qiziqishini oʻrganish, uning asosida koʻchma sirklarni tashkil etishning manzilli roʻyxatini shakllantirish. 2019-2020-yillar Madaniyat vazirligi (B. Sayfullayev), Moliya vazirligi (A. Xaydarov), Investitsiyalar boʻyicha davlat qoʻmitasi (S. Bekenov), Qurilish vazirligi (A. Toʻxtayev) 21. Davlat buyurtmasi asosida tarixiy shaxslar va zamonamiz qahramonlari obrazlarini yaratish. 2019-2020-yillar Madaniyat vazirligi (B. Sayfullayev), Respublika Maʼnaviyat va maʼrifat markazi (A. Kadirov), “Oʻzbekkino” MA (F. Zokirov), Oʻzbekiston teatr arboblari uyushmasi (Yo. Axmedov) Teatr va kino tanqidchiligini kuchaytirish maqsadida badiiy kengashlar faoliyatining samaradorligini oshirish boʻyicha chora-tadbirlar ishlab chiqish. 2020-yil 1-sentabr 22. Teatrlarning muntazam ravishda mahalliy va xalqaro gastrol safarlarini amalga oshirish, shuningdek oʻquvchi va talaba yoshlarni teatr sanʼatidan yanada kengroq bahramand etish va maʼnaviy dunyosini boyitish maqsadida taʼlim muassasalarida teatr-tomoshalar namoyishini tashkil etish. 2019-2020-yillar Madaniyat vazirligi (B. Sayfullayev), Oʻzbekiston teatr arboblari uyushmasi (Yo. Axmedov), Maktabgacha taʼlim vazirligi (A. Shin), Xalq taʼlimi vazirligi (Sh. Shermatov), Oliy va oʻrta maxsus taʼlim vazirligi (I. Madjidov) 23. Yoshlar uchun maʼnaviy namuna boʻlib xizmat qiladigan badiiy obrazlar yaratish, milliy gʻurur va iftixor tuygʻusini mustahkam qaror toptirish maqsadida:buyuk mutafakkir, allomalar va davlat arboblarimiz haqida badiiy va hujjatli filmlar yaratish, spektakllar sahnalashtirish;Alpomish, Shiroq, Toʻmaris va boshqa milliy qahramonlarimiz obrazlari asosida jahon andozalari darajasidagi multiplikatsion film yaratish. 2019-2020-yillar “Oʻzbekkino” MA (F. Zokirov), Madaniyat vazirligi (B. Sayfullayev),Oʻzbekiston Yozuvchilar uyushmasi (S. Saidov), Oʻzbekiston teatr arboblari uyushmasi (Yo. Axmedov), manfaatdor vazirliklar va idoralar IV. Milliy musiqa, raqs va estrada sanʼati sohasida 24. Kompozitor, bastakor va sozandalar orasidan turli darajadagi koʻrik-tanlovlarni oʻtkazish orqali isteʼdodli ijrochilarni aniqlash, ularga yetuk mutaxassislar tomonidan ijodiy uslubiy yordam koʻrsatish va tanlov gʻoliblariga imtiyozli ravishda ovoz yozish studiyalaridan foydalanishlari uchun sharoit yaratish. doimiy Madaniyat vazirligi (B. Sayfullayev), Milliy teleradiokompaniya (A. Xadjayev) 25. Nufuzli tanlovlarda yuqori oʻrinlarni egallagan yoshlar, madaniyat va sanʼat muassasalari, bolalar musiqa va sanʼat maktablarining iqtidorli mutaxassis va oʻquvchilarning ijodini targʻib qilishga moʻljallangan telekoʻrsatuv va radioeshittirishlar tayyorlash. doimiy Madaniyat vazirligi (B. Sayfullayev), Milliy teleradiokompaniya (A. Xadjayev), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari 26. “Oʻzbekkonsert” davlat muassasasi huzuridagi “Oʻzbekiston xalq artistlari klubi” aʼzolari tomonidan bolalar musiqa va sanʼat maktablarida har chorakda kamida bir marotaba “mahorat darslari”ni oʻtkazish va isteʼdodli yoshlarini kashf etish. reja asosida Madaniyat vazirligi (B. Sayfullayev), “Oʻzbekkonsert” davlat muassasasi (O. Abduqaxxorov) 27. Oʻzbekiston davlat filarmoniyasi tarkibidagi badiiy-ijodiy jamoalar ishtirokida oʻtkaziladigan konsertlarga taʼlim muassasalarining oʻquvchilari uchun koʻp martalik biletlarni joriy etish. 2019-yil 1-may Madaniyat vazirligi (B. Sayfullayev), manfaatdor vazirliklar va idoralar 28. Oʻzbekistonda yigitlar raqsini yanada rivojlantirish hamda oʻzbek yigitlarining yuksak maʼnaviy fazilatlarini targʻib etish maqsadida Oʻzbekiston davlat filarmoniyasi tarkibida va unga ajratilgan shtat birliklari doirasida (ansambl negizida) “Dilxiroj” yigitlar raqs ansamblini tashkil etish. 2019-yil 1-sentabr Madaniyat vazirligi (B. Sayfullayev) 29. Yoʻqolib borayotgan milliy raqs uslub va anʼanalarini tiklash va rivojlantirish maqsadida “ustoz va shogird” milliy raqs maktablari tashkil etish. 2020-yil 1-yanvar Madaniyat vazirligi (B. Sayfullayev), “Oʻzbekkonsert” davlat muassasasi (O. Abduqaxxorov) 30. Bolalikdan estetik did va sanʼat haqidagi boshlangʻich tushunchalarni hosil qilish maqsadida maktabgacha taʼlim muassasalari uchun bolalar ijro repertuari va maxsus video ilovali adabiyotlar yaratish. 2020-yil 1-fevral Madaniyat vazirligi (B. Sayfullayev),Oʻzbekiston kompozitor va bastakorlar uyushmasi (R. Abdullayev), Maktabgacha taʼlim vazirligi (A. Shin), Oʻzbekiston Yozuvchilar uyushmasi (S. Saidov), Milliy teleradiokompaniya (A. Xadjayev) 31. Milliy raqs sanʼatining noyob merosini, shu jumladan milliy qadriyatlarni aks ettiruvchi sahna liboslarini saqlab qolish, ularni keng jamoatchilikka, jumladan xorijiy davlat vakillariga namoyish qilish maqsadida: Madaniyat vazirligi (B. Sayfullayev), Badiiy akademiya (A. Nuridinov), Tashqi ishlar vazirligi (A. Komilov), Madaniyat va sanʼatni rivojlantirish jamgʻarmasi (S. Gafurova) “Oʻzbek milliy raqs liboslari” kitob-albomini nashr etish (oʻzbek, rus, ingliz, fransuz va boshqa tillarda); 2020-yil 1-mart “Milliy raqs liboslari” respublika festivali va uning doirasida har bir hududning oʻziga xos sahna liboslarini namoyishini va kitob-albom taqdimotini oʻtkazish; 2020-yil mart — sentabr milliy raqs liboslarining noyob namunalari toʻplamini yaratish va ularni Oʻzbekiston amaliy sanʼat va hunarmandchilik tarixi davlat muzeyining fondiga topshirish. 2020-yil 1-oktabr 32. Avloddan-avlodga oʻtib kelayotgan milliy musiqa asarlarining roʻyxatini shakllantirish, ular orasidan madaniy qimmatga egalarini saralab olish va milliy musiqiy asarlar fonotekasini yaratish. 2020-yil 1-avgust Madaniyat vazirligi (B. Sayfullayev), Milliy teleradiokompaniya (A. Xadjayev) V. Tasviriy va amaliy sanʼat sohasida 33. Yosh ijodkorlarni qoʻllab-quvvatlash, ular oʻrtasida ijodiy muloqotni yoʻlga qoʻyish maqsadida yosh rassomlar va haykaltaroshlarning ijodiy simpoziumini har uch yilda bir marta tashkil etish, shuningdek iqtidorli ijodkorlarning xalqaro tadbirlardagi ishtirokini taʼminlash. doimiy Badiiy akademiya (A. Nuridinov), Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari, manfaatdor vazirliklar va idoralar 34. Sharq miniatura sanʼatiga katta hissa qoʻshgan buyuk musavvir va naqqosh Kamoliddin Behzod tavalludining 565 yilligini keng nishonlash va uning doirasida miniatura sanʼatiga bagʻishlangan xalqaro simpoziumini, muallif asarlarining koʻrgazmasini, miniatura va xalq amaliy-manzarali sanʼati asarlari tanlovini oʻtkazish. 2020-yil oktabr-noyabr Badiiy akademiya (A. Nuridinov), Fanlar akademiyasi (B. Yuldashev), Moliya vazirligi (A. Xaydarov), Tashqi ishlar vazirligi (A. Komilov), manfaatdor vazirliklar va idoralar 35. Xalq usta va rassomlari, sanʼat arboblari va isteʼdodli yosh ijodkorlarning sara asarlari asosida albomlar nashr etish, ularning hayoti va ijodiga bagʻishlangan maxsus koʻrsatuvlar tayyorlash. 2019-2020-yillar Badiiy akademiya (A. Nuridinov), Milliy teleradiokompaniya (A. Xadjayev), “Ilhom” jamoat fondi (J. Rizayev), manfaatdor vazirliklar va idoralar 36. Xalq amaliy sanʼati anʼanalarini saqlash va rivojlantirish uchun shart-sharoitlar yaratish, hunarmandchilikni qoʻllab-quvvatlash, xalq amaliy sanʼati ustalarining respublikamiz va chet davlatlarda turli xil koʻrgazmalarini tashkil etish, shuningdek ular ishtirokida koʻrik-tanlov va festivallarni oʻtkazish hamda faol ishtirokchilarni munosib ragʻbatlantirib borish. 2019-2020-yillar Savdo-sanoat palatasi (A. Ikramov), Madaniyat vazirligi (B. Sayfullayev), “Hunarmand” uyushmasi (U. Abdullayev), Badiiy akademiya (A. Nuridinov) 37. Qoraqalpogʻiston Respublikasi, viloyatlar va Toshkent shahrining oʻziga xos amaliy sanʼatini saqlab qolish va kelajak avlodlarga yetkazish maqsadida amaliy sanʼat namunalari katalogini tayyorlash hamda oʻzbek, rus, ingliz va boshqa tillarda toʻplam holida nashr etish. Nashr etilgan toʻplamni Oʻzbekiston Respublikasining xorijiy davlatlardagi vakolatxonalari orqali milliy amaliy sanʼatimizni keng jamoatchilikka tanitish va xorijiy davlatlarning markaziy kutubxonalariga taqdim etish. 2020-yil 1-sentabr Badiiy akademiya (A. Nuridinov), Madaniyat vazirligi (B. Sayfullayev), “Ilhom” jamoat fondi (J. Rizayev),Tashqi ishlar vazirligi (A. Komilov), Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari VI. Madaniyat va istirohat bogʻlari hamda madaniyat markazlari sohasida 38. Madaniyat va istirohat bogʻlarini inventarizatsiyadan oʻtkazish, ularning faoliyatini oʻrganish va samaradorligini oshirish uchun davlat-xususiy sheriklik asosida tadbirkorlik subyektlariga berish. 2019-2020-yillar Madaniyat vazirligi (B. Sayfullayev), Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari 39. Madaniyat va istirohat bogʻlarida maxsus reja asosida taniqli adiblar, madaniyat va sanʼat namoyandalari ishtirokida badiiy kechalar, madaniy-maʼrifiy tadbirlar va konsert dasturlarini oʻtkazish, ushbu tadbirlar haqida aholi va sayyohlarni oldindan xabardor etib borish. doimiy Madaniyat vazirligi (B. Sayfullayev), Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari 40. Madaniyat va sanʼat muassasalarida madaniy-maʼrifiy faoliyatning samarali usullarini har tomonlama qoʻllab-quvvatlash, ilgʻor tajribani umumlashtirish va ommalashtirish maqsadida respublika ilmiy-amaliy seminarlari, oʻquv kurslari va “mahorat darslari”ni tashkil etish. reja asosida Madaniyat vazirligi (B. Sayfullayev), Fanlar akademiyasi (B. Yuldashev), Badiiy akademiya (A. Nuridinov) VII. Ilm-fan, taʼlim, kadrlar tayyorlash va malakasini oshirish sohasida 41. Oʻzbekistonda madaniyat va sanʼatni yanada rivojlantirishda uning tarixiy bosqichlarini oʻrganish va bu borada keng koʻlamli ilmiy-tadqiqotlar olib borish ishlarini qoʻllab-quvvatlash. doimiy Madaniyat vazirligi (B. Sayfullayev), Fanlar akademiyasi (B. Yuldashev), Badiiy akademiya (A. Nuridinov), “Oʻzbekkino” MA (F. Zokirov) 42. Tizimdagi taʼlim muassasalarining xorijiy turdosh oliy taʼlim muassasalari bilan oʻzaro hamkorligini yoʻlga qoʻyish va ikki tomonlama yoshlar oʻrtasida tajriba almashishni rivojlantirish. doimiy Madaniyat vazirligi (B. Sayfullayev), Tashqi ishlar vazirligi (A. Komilov) 43. Oʻsib kelayotgan yosh avlodni vatanparvarlik, milliy qadriyatlarimiz ruhida tarbiyalash, madaniyat va sanʼat sohasida yoshlarning intilishlarini qoʻllab-quvvatlash maqsadida taʼlim muassasalarida soha vakillari ishtirokida muntazam ravishda konsert va festivallar, koʻrik-tanlovlar, turli madaniy tomosha tadbirlarini oʻtkazish. reja asosida Madaniyat vazirligi (B. Sayfullayev), Maktabgacha taʼlim vazirligi (A. Shin), Xalq taʼlimi vazirligi (Sh. Shermatov), Oliy va oʻrta maxsus taʼlim vazirligi (I. Madjidov) 44. Madaniyat vazirligi tasarrufidagi taʼlim muassasalari bitiruvchilarini munosib ish bilan taʼminlash maqsadida “Karyera kunlari”ni oʻtkazish. har yili mart oyida Madaniyat vazirligi (B. Sayfullayev), manfaatdor vazirliklar va idoralar 45. Joylardagi oliy taʼlim muassasalari bazasida muzeylar, madaniyat va aholi dam olish markazlari, madaniyat va istirohat bogʻlari rahbarlari va xodimlarining mintaqaviy malaka oshirish kurslarini tashkil etish va bunda oliy taʼlim muassasalarining bazasidan foydalanish. 2019-yildan boshlab har yili Madaniyat vazirligi (B. Sayfullayev), Oliy va oʻrta maxsus taʼlim vazirligi (I. Madjidov) 46. Oʻzbekiston davlat konservatoriyasi, Oʻzbekiston davlat sanʼat va madaniyat instituti va Toshkent davlat milliy raqs va xoreografiya oliy maktabida musiqa nazariyasi, musiqashunos hamda sanʼatshunos mutaxassisliklari boʻyicha sirtqi boʻlimlar ochish masalasini oʻrganib chiqish va Oʻzbekiston Respublikasi Vazirlar Mahkamasiga taklif kiritish. 2019-yil 1-may Madaniyat vazirligi (B. Sayfullayev), Moliya vazirligi (A. Xaydarov), Iqtisodiyot vazirligi (B. Xoʻjayev) 47. “Oʻzbekiston Respublikasida bolalarning boshlangʻich sanʼat taʼlimi konsepsiyasi”ni ishlab chiqish va tasdiqlash. 2019-yil 1-dekabr Madaniyat vazirligi (B. Sayfullayev), Maktabgacha taʼlim vazirligi (A. Shin), Xalq taʼlimi vazirligi (Sh. Shermatov), Oʻzbekiston kompozitor va bastakorlar uyushmasi (R. Abdullayev) 48. Oʻzbekiston davlat konservatoriyasi qoshida musiqa cholgʻulari sozlovchilarini tayyorlaydigan oʻquv kurslarini tashkil etish. 2020-yil 1-yanvar Madaniyat vazirligi (B. Sayfullayev), manfaatdor vazirliklar va idoralar VIII. Madaniyat turizmi sohasida 49. Xorijlik sayyohlarning Oʻzbekiston madaniyati va sanʼati haqidagi qiziqishlari, fikr-mulohaza va takliflarini har yili tizimli oʻrganish, oʻrganish natijalari asosida navbatdagi tadbir va loyihalari yangi mazmun va shaklda tashkil etish. Milliy madaniyat va sanʼatni tarannum etuvchi oʻtkaziladigan tadbirlar haqidagi maʼlumotlarni va unda ishtirok etish tartibini jahon tillarida tayyorlash, sayyohlar orasida mashhur boʻlgan axborot manbalarida eʼlon qilish va sayyohlik tashkilotlariga yetkazish. doimiy Madaniyat vazirligi (B. Sayfullayev), Turizmni rivojlantirish davlat qoʻmitasi (A. Akkulov) 50. Milliy madaniyatimizning nufuzini xalqaro maydonida yanada oshirish maqsadida: Madaniyat vazirligi (B. Sayfullayev), Tashqi ishlar vazirligi (A. Komilov), Madaniyat va sanʼatni rivojlantirish jamgʻarmasi (S. Gafurova), Oʻzbekiston teatr arboblari uyushmasi (Yo. Axmedov), manfaatdor vazirliklar va idoralar Alisher Navoiy nomidagi Oʻzbekiston davlat akademik katta teatrida ikki yilda bir marta “Opera va balet sanʼati” xalqaro festivalini oʻtkazish; 2019-yildan boshlab Toshkent shahrida Mustaqil Davlatlar Hamdoʻstligining ishtirokchi, Boltiqboʻyi va Gruziya davlatlarining IV “Yoshlar teatri sanʼati” forumini oʻtkazish. 2020-yil 1-may 51. Mamlakatimizning madaniy-tarixiy merosini ommalashtirish va tanitish maqsadida internet tarmogʻida respublikadagi mavjud barcha muzeylarning yagona portalini tashkil etish va uning samarali faoliyat yuritishini taʼminlash. 2019-yil 1-dekabr Madaniyat vazirligi (B. Sayfullayev), Axborot texnologiyalari va kommunikatsiyalarini rivojlantirish vazirligi (Sh. Sadikov) 52. Respublikadagi mavjud barcha professional teatr, teatr-studiya va havaskorlik jamoalari faoliyatini targʻib etuvchi yagona veb-saytni yaratish, uning samarali ishlashini taʼminlash. 2020-yil 1-mart Madaniyat vazirligi (B. Sayfullayev), Axborot texnologiyalari va kommunikatsiyalarini rivojlantirish vazirligi (Sh. Sadikov), manfaatdor vazirliklar va idoralar

Oʻzbekiston Respublikasi Prezidentining 2018-yil 28-noyabrdagi PQ-4038-son qaroriga 2.1-ILOVA

2019-2020-yillarda Oʻzbekiston Respublikasida milliy madaniyatni yanada rivojlantirish konsepsiyasini Qoraqalpogʻiston Respublikasida amalga oshirish boʻyicha chora-tadbirlar dasturi

Oʻzbekiston Respublikasi Prezidentining 2018-yil 28-noyabrdagi PQ-4038-son qaroriga 2.2-ILOVA

2019-2020-yillarda Oʻzbekiston Respublikasida milliy madaniyatni yanada rivojlantirish konsepsiyasini Andijon viloyatida amalga oshirish boʻyicha chora-tadbirlar dasturi

Oʻzbekiston Respublikasi Prezidentining 2018-yil 28-noyabrdagi PQ-4038-son qaroriga 2.3-ILOVA

2019-2020-yillarda Oʻzbekiston Respublikasida milliy madaniyatni yanada rivojlantirish konsepsiyasini Buxoro viloyatida amalga oshirish boʻyicha chora-tadbirlar dasturi

Oʻzbekiston Respublikasi Prezidentining 2018-yil 28-noyabrdagi PQ-4038-son qaroriga 2.4-ILOVA

2019-2020-yillarda Oʻzbekiston Respublikasida milliy madaniyatni yanada rivojlantirish konsepsiyasini Jizzax viloyatida amalga oshirish boʻyicha chora-tadbirlar dasturi

Oʻzbekiston Respublikasi Prezidentining 2018-yil 28-noyabrdagi PQ-4038-son qaroriga 2.5-ILOVA

2019-2020-yillarda Oʻzbekiston Respublikasida milliy madaniyatni yanada rivojlantirish konsepsiyasini Qashqadaryo viloyatida amalga oshirish boʻyicha chora-tadbirlar dasturi

Oʻzbekiston Respublikasi Prezidentining 2018-yil 28-noyabrdagi PQ-4038-son qaroriga 2.6-ILOVA

2019-2020-yillarda Oʻzbekiston Respublikasida milliy madaniyatni yanada rivojlantirish konsepsiyasini Navoiy viloyatida amalga oshirish boʻyicha chora-tadbirlar dasturi

Oʻzbekiston Respublikasi Prezidentining 2018-yil 28-noyabrdagi PQ-4038-son qaroriga 2.7-ILOVA

2019-2020-yillarda Oʻzbekiston Respublikasida milliy madaniyatni yanada rivojlantirish konsepsiyasini Namangan viloyatida amalga oshirish boʻyicha chora-tadbirlar dasturi

Oʻzbekiston Respublikasi Prezidentining 2018-yil 28-noyabrdagi PQ-4038-son qaroriga 2.8-ILOVA

2019-2020-yillarda Oʻzbekiston Respublikasida milliy madaniyatni yanada rivojlantirish konsepsiyasini Samarqand viloyatida amalga oshirish boʻyicha chora-tadbirlar dasturi

Oʻzbekiston Respublikasi Prezidentining 2018-yil 28-noyabrdagi PQ-4038-son qaroriga 2.9-ILOVA

2019-2020-yillarda Oʻzbekiston Respublikasida milliy madaniyatni yanada rivojlantirish konsepsiyasini Sirdaryo viloyatida amalga oshirish boʻyicha chora-tadbirlar dasturi

Oʻzbekiston Respublikasi Prezidentining 2018-yil 28-noyabrdagi PQ-4038-son qaroriga 2.10-ILOVA

2019-2020-yillarda Oʻzbekiston Respublikasida milliy madaniyatni yanada rivojlantirish konsepsiyasini Surxondaryo viloyatida amalga oshirish boʻyicha chora-tadbirlar dasturi

Oʻzbekiston Respublikasi Prezidentining 2018-yil 28-noyabrdagi PQ-4038-son qaroriga 2.11-ILOVA

2019-2020-yillarda Oʻzbekiston Respublikasida milliy madaniyatni yanada rivojlantirish konsepsiyasini Toshkent viloyatida amalga oshirish boʻyicha chora-tadbirlar dasturi

Oʻzbekiston Respublikasi Prezidentining 2018-yil 28-noyabrdagi PQ-4038-son qaroriga 2.12-ILOVA

2019-2020-yillarda Oʻzbekiston Respublikasida milliy madaniyatni yanada rivojlantirish konsepsiyasini Fargʻona viloyatida amalga oshirish boʻyicha chora-tadbirlar dasturi

Oʻzbekiston Respublikasi Prezidentining 2018-yil 28-noyabrdagi PQ-4038-son qaroriga 2.13-ILOVA

2019-2020-yillarda Oʻzbekiston Respublikasida milliy madaniyatni yanada rivojlantirish konsepsiyasini Xorazm viloyatida amalga oshirish boʻyicha chora-tadbirlar dasturi

Oʻzbekiston Respublikasi Prezidentining 2018-yil 28-noyabrdagi PQ-4038-son qaroriga 2.14-ILOVA

2019-2020-yillarda Oʻzbekiston Respublikasida milliy madaniyatni yanada rivojlantirish konsepsiyasini Toshkent shahrida amalga oshirish boʻyicha chora-tadbirlar dasturi

Oʻzbekiston Respublikasi Prezidentining 2018-yil 28-noyabrdagi PQ-4038-son qaroriga 3-ILOVA

2019-2020-yillarda madaniyat markazlari faoliyatini yanada rivojlantirish va takomillashtirish boʻyicha chora-tadbirlar dasturi

Oʻzbekiston Respublikasi Prezidentining 2018-yil 28-noyabrdagi PQ-4038-son qaroriga 4-ILOVA

2019 — 2022-yillarda yangi quriladigan, rekonstruksiya qilinadigan, kapital taʼmirlanadigan va jihozlanadigan madaniyat markazlarining manzilli roʻyxati