Oʻzbekiston Respublikasining Mustaqil Davlatlar Hamdoʻstligidagi muxtor vakolatxonasini tuzish toʻgʻrisida (154-son)

30.03.1992

Oʻzbekiston Respublikasi Prezidenti huzuridagi Vazirlar Mahkamasining

qarori

Mustaqil Davlatlar Hamdoʻstligi davlat boshliqlari va hukumat boshliqlari Kengashlarini tashkiliy-texnikaviy jihatdan tayyorlash va oʻtkazish uchun Ishchi guruhini tuzish toʻgʻrisida erishilgan ahdlashuvga muvofiq Vazirlar Mahkamasi qaror qiladi:

1. Minsk shahrida Oʻzbekiston Respublikasining Mustaqil Davlatlar Hamdoʻstligidagi muxtor vakolatxonasi (muxtor vakilligi) ochilsin.

2. Muxtor vakillik ikki kishidan iborat etib belgilansin.

3. Muxtor vakillik faoliyatini taʼminlashga ahdlashuvda belgilangan respublika badali hissasi toʻlansin.

4. Oʻzbekiston Respublikasining MDHdagi vakili oʻrtoq A. Mahmudovga respublika rahbariyati topshirigʻi boʻyicha Oʻzbekiston Respublikasi nomidan hukumatlararo bitimlar va shartnomalarni imzolash vakolati berilsin.

Oʻzbekiston Respublikasining Bosh vaziri A. MUTALOV

Toshkent sh.,

1992-yil 30-mart,

154-son