Idoraviy normativ-huquqiy hujjatni davlat reyestridan chiqarish toʻgʻrisida (3085-son)

06.11.2018

Oʻzbekiston Respublikasi Adliya vazirining

buyrugʻi

[Oʻzbekiston Respublikasi Adliya vazirligi tomonidan 2018-yil 6-noyabrda roʻyxatdan oʻtkazildi, roʻyxat raqami 3085]

Idoraviy normativ-huquqiy hujjatni davlat reyestridan chiqarish boʻyicha 2018-yil 6-noyabrdagi xulosaga muvofiq hamda Oʻzbekiston Respublikasining “Normativ-huquqiy hujjatlar toʻgʻrisida”gi Qonuni, Oʻzbekiston Respublikasi Prezidentining 2018-yil 27-iyuldagi PF-5490-son “Tadbirkorlik subyektlarining huquqlari va qonuniy manfaatlarini himoya qilish tizimini yanada takomillashtirish chora-tadbirlari toʻgʻrisida”gi Farmoni, Oʻzbekiston Respublikasi Prezidentining 2018-yil 13-apreldagi PQ-3666-son “Oʻzbekiston Respublikasi Adliya vazirligi faoliyatini yanada takomillashtirishga doir tashkiliy chora-tadbirlar toʻgʻrisida”gi, Oʻzbekiston Respublikasi Vazirlar Mahkamasining 1997-yil 9-oktabrdagi 469-son “Vazirliklar, davlat qoʻmitalari va idoralar meʼyoriy hujjatlarining qonuniyligini taʼminlash chora-tadbirlari toʻgʻrisida”gi hamda 2000-yil 19-maydagi 197-son “Vazirliklar, davlat qoʻmitalari va idoralarning meʼyoriy hujjatlarini qabul qilish tartibini takomillashtirish toʻgʻrisida”gi qarorlariga asosan buyuraman:

1. Oʻzbekiston Respublikasi Prezidentining 2018-yil 22-yanvardagi PF-5308-son “2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasini “Faol tadbirkorlik, innovatsion gʻoyalar va texnologiyalarni qoʻllab-quvvatlash yili”da amalga oshirishga doir davlat Dasturi toʻgʻrisida”gi Farmoniga asosan Nazorat qiluvchi organlar faoliyatini muvofiqlashtirish boʻyicha Respublika kengashi tugatilganligi hamda Oʻzbekiston Respublikasi Prezidentining 2018-yil 27-iyuldagi PF-5490-son “Tadbirkorlik subyektlarining huquqlari va qonuniy manfaatlarini himoya qilish tizimini yanada takomillashtirish chora-tadbirlari toʻgʻrisida”gi Farmoniga muvofiq tadbirkorlik subyektlari faoliyatini tekshirishning yangi tartibi joriy etilganligi maʼlumot uchun qabul qilinsin.

2. Mazkur buyruqning ilovasiga muvofiq ayrim idoraviy normativ-huquqiy hujjatlar Idoraviy normativ-huquqiy hujjatlarning davlat reyestridan chiqarilsin.

3. Mazkur buyruq davlat roʻyxatidan oʻtkazilsin va bu haqda Idoraviy normativ-huquqiy hujjatlarning davlat reyestriga tegishli yozuv kiritilsin.

4. Qonun hujjatlarini tahlil qilish va turkumlash boshqarmasi ushbu idoraviy normativ-huquqiy hujjatni “Oʻzbekiston Respublikasi qonun hujjatlari toʻplami” — “Sobraniye zakonodatelstva Respubliki Uzbekistan”da hamda Oʻzbekiston Respublikasi Qonun hujjatlari maʼlumotlari milliy bazasida eʼlon qilinishini taʼminlasin.

5. Mazkur buyruq rasmiy eʼlon qilingan kundan eʼtiboran kuchga kiradi.

6. Mazkur buyruqning ijrosini nazorat qilish vazirning birinchi oʻrinbosari N. Joʻrayev zimmasiga yuklansin.

Vazir R. DAVLETOV

Toshkent sh.,

2018-yil 6-noyabr,

515-mh-son

Oʻzbekiston Respublikasi adliya vazirining 2018-yil 6-noyabrdagi 515-mh-son buyrugʻiga ILOVA

Idoraviy normativ-huquqiy hujjatlarning davlat reyestridan chiqarilayotgan hujjatlar

Roʻyxati

1. Nazorat qiluvchi organlar faoliyatini muvofiqlashtiruvchi Respublika kengashining 2017-yil 14-martdagi 1-son “Nazorat qiluvchi organlar tomonidan xoʻjalik yurituvchi subyektlar — yuridik shaxslar faoliyatidagi tekshirishlarni muvofiqlashtirish va oʻtkazish tartibi toʻgʻrisidagi nizomni tasdiqlash haqida”gi qarorining 12-bandi va 3-ilovasi (roʻyxat raqami 2878, 2017-yil 6-may) (Oʻzbekiston Respublikasi qonun hujjatlari toʻplami, 2017-y., 19-son, 347-modda).

2. Nazorat qiluvchi organlar faoliyatini muvofiqlashtiruvchi Respublika kengashining 2017-yil 6-iyundagi 2-son “Nazorat qiluvchi organlar tomonidan xoʻjalik yurituvchi subyektlar — yuridik shaxslar faoliyatidagi tekshirishlarni muvofiqlashtirish va oʻtkazish tartibi toʻgʻrisidagi nizomga qoʻshimcha kiritish haqida”gi qarorining 9-bandi (roʻyxat raqami 2878-1, 2017-yil 20-iyun) (Oʻzbekiston Respublikasi qonun hujjatlari toʻplami, 2017-y., 25-son, 556-modda).

3. Nazorat qiluvchi organlar faoliyatini muvofiqlashtiruvchi Respublika kengashining 2017-yil 22-sentabrdagi 3-son “Nazorat qiluvchi organlar tomonidan xoʻjalik yurituvchi subyektlar — yuridik shaxslar faoliyatidagi tekshirishlarni muvofiqlashtirish va oʻtkazish tartibi toʻgʻrisidagi nizomga oʻzgartirishlar va qoʻshimcha kiritish haqida”gi qarorining 10-bandi va 6-ilovasi (roʻyxat raqami 2878-2, 2017-yil 13-oktabr) (Qonun hujjatlari maʼlumotlari milliy bazasi, 16.10.2017-y., 10/17/2878-2/0111-son).

4. Nazorat qiluvchi organlar faoliyatini muvofiqlashtiruvchi Respublika kengashining 2017-yil 11-dekabrdagi 235-son “Nazorat qiluvchi organlar tomonidan xoʻjalik yurituvchi subyektlar — yuridik shaxslar faoliyatidagi tekshirishlarni muvofiqlashtirish va oʻtkazish tartibi toʻgʻrisidagi nizomning 3-ilovasiga oʻzgartirish va qoʻshimcha kiritish haqida”gi qarori (roʻyxat raqami 2878-3, 2017-yil 21-dekabr) (Qonun hujjatlari maʼlumotlari milliy bazasi, 22.12.2017-y., 10/17/2878-3/0437-son).

5. Nazorat qiluvchi organlar faoliyatini muvofiqlashtiruvchi Respublika kengashining 2017-yil 14-martdagi 1-son “Nazorat qiluvchi organlar tomonidan yakka tartibdagi tadbirkorlar faoliyatidagi tekshirishlarni muvofiqlashtirish va oʻtkazish tartibi toʻgʻrisidagi nizomni tasdiqlash haqida”gi qarorining 12-bandi va 4-ilovasi (roʻyxat raqami 2879, 2017-yil 6-may) (Oʻzbekiston Respublikasi qonun hujjatlari toʻplami, 2017-y., 19-son, 348-modda).

6. Nazorat qiluvchi organlar faoliyatini muvofiqlashtiruvchi Respublika kengashining 2017-yil 6-iyundagi 2-son “Nazorat qiluvchi organlar tomonidan yakka tartibdagi tadbirkorlar faoliyatidagi tekshirishlarni muvofiqlashtirish va oʻtkazish tartibi toʻgʻrisidagi nizomga qoʻshimcha kiritish haqida”gi qarori (roʻyxat raqami 2879-1, 2017-yil 20-iyun) (Oʻzbekiston Respublikasi qonun hujjatlari toʻplami, 2017-y., 25-son, 557-modda).

7. Nazorat qiluvchi organlar faoliyatini muvofiqlashtiruvchi Respublika kengashining 2017-yil 22-sentabrdagi 3-son “Nazorat qiluvchi organlar tomonidan yakka tartibdagi tadbirkorlar faoliyatidagi tekshirishlarni muvofiqlashtirish va oʻtkazish tartibi toʻgʻrisidagi nizomga oʻzgartirishlar va qoʻshimcha kiritish haqida”gi qarorining 10-bandi va 7-ilovasi (roʻyxat raqami 2879-2, 2017-yil 13-oktabr) (Qonun hujjatlari maʼlumotlari milliy bazasi, 16.10.2017-y., 10/17/2879-2/0112-son).

8. Nazorat qiluvchi organlar faoliyatini muvofiqlashtiruvchi Respublika kengashining 2017-yil 11-dekabrdagi 236-son “Nazorat qiluvchi organlar tomonidan yakka tartibdagi tadbirkorlar faoliyatidagi tekshirishlarni muvofiqlashtirish va oʻtkazish tartibi toʻgʻrisidagi nizomning ilovasiga qoʻshimcha kiritish haqida”gi qarori (roʻyxat raqami 2879-3, 2017-yil 21-dekabr) (Qonun hujjatlari maʼlumotlari milliy bazasi, 22.12.2017-y., 10/17/2879-3/0438-son).