Oʻzbekiston Respublikasi Hukumatining ayrim qarorlariga oʻzgartirishlar va qoʻshimchalar kiritish toʻgʻrisida (“Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida” Oʻzbekiston Respublikasining 2017-yil 18-apreldagi OʻRQ-429-son Qonuni va Oʻzbekiston Respublikasi Prezidentining “Tadbirkorlik faoliyati sohasidagi litsenziyalash va ruxsat berish tartib-taomillarini yanada qisqartirish va soddalashtirish, shuningdek, biznes yuritish shart-sharoitlarini yaxshilash chora-tadbirlari toʻgʻrisida” 2018-yil 11-apreldagi PF-5409-son Farmoni) (884-son)
29.10.2018
Oʻzbekiston Respublikasi Vazirlar Mahkamasining
qarori
“Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida” Oʻzbekiston Respublikasining 2017-yil 18-apreldagi OʻRQ-429-son Qonunining 2, 9, 10, 12, 13 va 17-moddalari va Oʻzbekiston Respublikasi Prezidentining “Tadbirkorlik faoliyati sohasidagi litsenziyalash va ruxsat berish tartib-taomillarini yanada qisqartirish va soddalashtirish, shuningdek, biznes yuritish shart-sharoitlarini yaxshilash chora-tadbirlari toʻgʻrisida” 2018-yil 11-apreldagi PF-5409-son Farmoniga muvofiq Vazirlar Mahkamasi qaror qiladi:
1. Oʻzbekiston Respublikasi Hukumatining ilovaga muvofiq ayrim qarorlariga oʻzgartirishlar va qoʻshimchalar kiritilsin.
2. Vazirliklar va idoralar oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsinlar.
3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — Moliya vaziri J.A. Qoʻchqorov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2018-yil 29-oktabr,
884-son
Vazirlar Mahkamasining 2018-yil 29-oktabrdagi 884-son qaroriga ILOVA
Oʻzbekiston Respublikasi Hukumatining ayrim qarorlariga kiritilayotgan oʻzgartirishlar va qoʻshimchalar
24. Vazirlar Mahkamasining 2011-yil 17-noyabrdagi 306-son qarori (Oʻzbekiston Respublikasi QT, 2011-y., 11-son, 89-modda) bilan tasdiqlangan Aholi bilan pulli hisob-kitoblarni amalga oshirishda fiskal xotiraga ega boʻlgan nazorat-kassa mashinalarini qoʻllash tartibi toʻgʻrisidagi nizomga 1-ilovaga quyidagi mazmundagi 201-band qoʻshilsin:
“201. Yangidan vujudga kelgan yuridik shaxsni davlat roʻyxatidan oʻtkazish sanasida nazorat-kassa mashinasini roʻyxatdan oʻtkazish kartochkasiga ega yuridik shaxslar — xoʻjalik yurituvchi subyektlar qoʻshib yuborilgan taqdirda, roʻyxatdan oʻtkazish kartochkasini ushbu Tartibning 20-bandida nazarda tutilgan tartibda qayta rasmiylashtirishga yoʻl qoʻyiladi.
Nazorat-kassa mashinasini roʻyxatdan oʻtkazish kartochkasidagi mavjud maʼlumotlar ushbu Tartibning 20 va 21-bandlarida nazarda tutilmagan hollarda oʻzgartirilgan taqdirda, roʻyxatdan oʻtkazish kartochkasi xoʻjalik yurituvchi subyektning tegishli hujjatlar ilova qilingan arizasi boʻyicha qayta rasmiylashtiriladi.”.
29. Oʻzbekiston Respublikasi Vazirlar Mahkamasining “Oʻzbekiston Respublikasi Temir yoʻllarda yuk va yoʻlovchilar tashish xavfsizligini nazorat qilish davlat inspeksiyasida tadbirkorlik subyektlari tomonidan temir yoʻl transporti sohasida ruxsat berish tartibotlaridan oʻtish tartibi toʻgʻrisidagi nizomlarni tasdiqlash haqida” 2013-yil 19-noyabrdagi 310-son qarorida (Oʻzbekiston Respublikasi QT., 2013-y., 11-son, 83-modda):
a) 1-ilovaning 19-bandiga:
quyidagi mazmundagi ikkinchi va uchinchi xatboshilar qoʻshilsin:
“Yangidan vujudga kelgan yuridik shaxsni davlat roʻyxatidan oʻtkazish sanasida xulosaga ega boʻlgan ariza beruvchilar qoʻshib yuborilgan taqdirda, xulosani ushbu bandning birinchi xatboshida nazarda tutilgan tartibda qayta rasmiylashtirishga yoʻl qoʻyiladi.
Xulosadagi mavjud maʼlumotlar mazkur bandning birinchi va ikkinchi xatboshilarida nazarda tutilmagan hollarda oʻzgartirilgan taqdirda, xulosa ariza beruvchining tegishli hujjatlar ilova qilingan arizasi boʻyicha qayta rasmiylashtiriladi.”.
ikkinchi va uchinchi xatboshilar tegishli ravishda toʻrtinchi va beshinchi xatboshilar deb hisoblansin.
33. Vazirlar Mahkamasining “Biologik resurslardan foydalanishni tartibga solish va tabiatdan foydalanish sohasida ruxsat berish tartib-taomillaridan oʻtish tartibi toʻgʻrisida” 2014-yil 20-oktabrdagi 290-son qarorida (Oʻzbekiston Respublikasi QT, 2014-y., 10-son, 108-modda):
a) 1-ilovaga quyidagi mazmundagi 561 va 562-xatboshilar qoʻshilsin:
“561. Yangidan vujudga kelgan yuridik shaxsni davlat roʻyxatidan oʻtkazish sanasida ruxsatnomaga ega boʻlgan tabiatdan foydalanuvchi yuridik shaxslar qoʻshib yuborilgan taqdirda, ruxsatnomani ushbu Nizomning 55-bandida nazarda tutilgan tartibda qayta rasmiylashtirishga yoʻl qoʻyiladi.
562. Ruxsatnomadagi mavjud maʼlumotlar mazkur Nizomning 55, 56 va 561-bandlarida nazarda tutilmagan hollarda oʻzgartirilgan taqdirda, ruxsatnoma tabiatdan foydalanuvchining tegishli hujjatlar ilova qilingan arizasi boʻyicha qayta rasmiylashtiriladi.”;
b) 2-ilovaga quyidagi mazmundagi 541 va 542 xatboshilar qoʻshilsin:
“541. Yangidan vujudga kelgan yuridik shaxsni davlat roʻyxatidan oʻtkazish sanasida ruxsatnomaga ega tabiatdan foydalanuvchi yuridik shaxslar qoʻshib yuborilgan taqdirda, ruxsatnomani ushbu Nizomning 53-bandida nazarda tutilgan tartibda qayta rasmiylashtirishga yoʻl qoʻyiladi.
542. Ruxsatnomadagi mavjud maʼlumotlar mazkur Nizomning 53, 54 va 541-bandlarida nazarda tutilmagan hollarda oʻzgartirilgan taqdirda, ruxsatnoma tabiatdan foydalanuvchining tegishli hujjatlar ilova qilingan arizasi boʻyicha qayta rasmiylashtiriladi.”;
v) 3-ilovaga quyidagi mazmundagi 461 va 462 xatboshilar qoʻshilsin:
“461. Yangidan vujudga kelgan yuridik shaxsni davlat roʻyxatidan oʻtkazish sanasida ruxsatnomaga ega boʻlgan tabiatdan foydalanuvchi yuridik shaxslar qoʻshib yuborilgan taqdirda, ruxsatnomani ushbu Nizomning 45-bandida nazarda tutilgan tartibda qayta rasmiylashtirishga yoʻl qoʻyiladi.
462. Ruxsatnomadagi mavjud maʼlumotlar mazkur Nizomning 45, 46 va 461-bandlarida nazarda tutilmagan hollarda oʻzgargan taqdirda, ruxsatnoma tabiatdan foydalanuvchining tegishli hujjatlar ilova qilingan arizasi boʻyicha qayta rasmiylashtiriladi.”.
34. Vazirlar Mahkamasining 2014-yil 15-dekabrdagi 341-son qarori (Oʻzbekiston Respublikasi QT, 2014-y., 12-son, 122-modda) bilan tasdiqlangan Voyaga yetmaganlar uchun moʻljallangan dori vositalarini reklama qilishga ruxsatnoma berish tartibi toʻgʻrisidagi nizomning 29-bandiga:
a) quyidagi mazmundagi uchinchi va toʻrtinchi xatboshilar qoʻshilsin:
“Yangidan vujudga kelgan yuridik shaxsni davlat roʻyxatidan oʻtkazish sanasida ruxsatnomaga ega boʻlgan ariza beruvchi yuridik shaxslar qoʻshib yuborilgan taqdirda, ruxsatnomani ushbu bandning birinchi xatboshida nazarda tutilgan tartibda qayta rasmiylashtirishga yoʻl qoʻyiladi.
Ruxsatnomadagi mavjud maʼlumotlar mazkur bandning birinchi — uchinchi xatboshilarida nazarda tutilmagan hollarda oʻzgartirilgan taqdirda, ruxsatnoma ariza beruvchining tegishli hujjatlar ilova qilingan arizasi boʻyicha qayta rasmiylashtiriladi.”;
b) uchinchi va toʻrtinchi xatboshilar tegishli ravishda beshinchi va oltinchi xatboshilar deb hisoblansin.
35. Vazirlar Mahkamasining “Tadbirkorlik subyektlariga davlat xizmatlari koʻrsatish tartibini yanada takomillashtirish chora-tadbirlari toʻgʻrisida” 2014-yil 31-dekabrdagi 377-son qaroriga (Oʻzbekiston Respublikasi QT, 2014-y., 12-son, 138-modda) ilovaning 49-bandining “g” kichik bandi oʻz kuchini yoʻqotgan deb hisoblansin.
44. Vazirlar Mahkamasining 2017-yil 19-iyuldagi 530-son qarori (Oʻzbekiston Respublikasi QHT, 2017-y., 30-son, 734-modda) bilan tasdiqlangan Oʻzbekiston Respublikasi Oʻrmon xoʻjaligi davlat qoʻmitasi toʻgʻrisidagi nizomning 12-bandida:
a) sakkizinchi xatboshida “hamda asalari uyalari va qutilarini joylashtirishga” soʻzlari chiqarib tashlansin;
b) quyidagi mazmundagi toʻqqizinchi xatboshi qoʻshilsin:
“davlat oʻrmon fondidan jismoniy va yuridik shaxslarga asalari uyalari va qutilarini joylashtirishga uchastkalar ajratish;”;
toʻqqizinchi — oʻn toʻqqizinchi xatboshilar tegishli ravishda oʻninchi — yigirmanchi xatboshilar deb hisoblansin.