Uy-joy kommunal xizmat koʻrsatish sohasi xodimlari mehnatiga haq toʻlash va ularni moddiy ragʻbatlantirish tartibi toʻgʻrisida nizomga oʻzgartirish kiritish haqida (869-son)

26.10.2018

Oʻzbekiston Respublikasi Vazirlar Mahkamasining

qarori

Uy-joy kommunal xizmat koʻrsatish sohasi xodimlarini ijtimoiy muhofaza qilishni takomillashtirish maqsadida Vazirlar Mahkamasi qaror qiladi:

1. Vazirlar Mahkamasining 2017-yil 22-iyundagi 409-son qarori (Oʻzbekiston Respublikasi QHT, 2017-yil, 25-son, 550-modda) bilan tasdiqlangan Uy-joy kommunal xizmat koʻrsatish sohasi xodimlari mehnatiga haq toʻlash va ularni moddiy ragʻbatlantirish tartibi toʻgʻrisida nizom 7-bandining birinchi xatboshi quyidagi tahrirda bayon qilinsin:

“7. Budjet tashkilotlari xodimlariga mehnat toʻgʻrisidagi qonunchilikka muvofiq Oʻzbekiston Respublikasi Davlat budjeti mablagʻlari hisobiga lavozim maoshiga quyidagi qoʻshimchalar va ustamalar toʻlanadi”.

2. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari — “Oʻzbekiston temir yoʻllari” AJ boshqaruvi raisi A.J. Ramatov va Oʻzbekiston Respublikasi uy-joy kommunal xizmat koʻrsatish vaziri M.X. Saliyev zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2018-yil 26-oktabr,

869-son