Respublika aholisini asosiy turdagi oziq-ovqat mahsulotlari bilan uzluksiz va kafolatli taʼminlash chora-tadbirlari toʻgʻrisida (866-son)

25.10.2018

Oʻzbekiston Respublikasi Vazirlar Mahkamasining

qarori

Respublika aholisining asosiy turdagi oziq-ovqat mahsulotlariga boʻlgan ehtiyojini kafolatli taʼminlash, ichki va tashqi bozorlarga yil davomida mahsulot yetkazib berish yuzasidan tizimli monitoring olib borish va nazoratni yoʻlga qoʻyish hamda narx-navolar asossiz oʻsib ketishiga yoʻl qoʻymaslik maqsadida Vazirlar Mahkamasi qaror qiladi:

1. 2019-yil 1-yanvardan boshlab ichki isteʼmol bozorining ijtimoiy ahamiyatga ega asosiy turdagi oziq-ovqat mahsulotlari bilan taʼminlanishi darajasini ushbu mahsulotlarni ishlab chiqarish, eksportga ortish va importdan keltirish hajmlarini hisobga olgan holda oziq-ovqat resurslarini ishlab chiqarish va ishlatishning prognoz koʻrsatkichlari orqali baholash tartibi joriy etilsin.

2. Oʻzbekiston Respublikasi Qishloq xoʻjaligi vazirligi va Iqtisodiyot vazirligi Davlat statistika qoʻmitasi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda bir oy muddatda ichki isteʼmol bozorining ijtimoiy ahamiyatga ega asosiy turdagi oziq-ovqat mahsulotlari bilan taʼminlanishi darajasini baholash tartibini tasdiqlasin va amaliyotga joriy etsin.

3. Oʻzbekiston Respublikasi Qishloq xoʻjaligi vazirligi, Yer resurslari, geodeziya, kartografiya va davlat kadastri davlat qoʻmitasi, Oʻzbekiston fermer, dehqon xoʻjaliklari va tomorqa yer egalari kengashi, Qoraqalpogʻiston Respublikasi Vazirlar Kengashi, viloyatlar va tumanlar hokimliklari bilan birgalikda qishloq xoʻjaligi ekinlarini viloyatlar, tumanlar va fermer xoʻjaliklari boʻyicha joylashtirishda oziq-ovqat resurslarini ishlab chiqarish va ishlatishning prognoz koʻrsatkichlarini hisobga olsin.

4. 2018-2019-yillar qish va bahor mavsumida ichki isteʼmol bozorini kafolatli taʼminlash uchun Oʻzbekiston Respublikasi Iqtisodiyot vazirligi, Moliya vazirligi, Qishloq xoʻjaligi vazirligi, Maktabgacha taʼlim vazirligi, Sogʻliqni saqlash vazirligi, Xalq taʼlimi vazirligi, “Oʻzbekoziqovqatzaxira” uyushmasi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari tomonidan ishlab chiqilgan:

2018-2019-yillar qish va bahor mavsumiga asosiy turdagi qishloq xoʻjaligi mahsulotlarini zaxiraga jamgʻarishning umumiy prognoz hajmlari 1-ilovaga muvofiq;

2018-2019-yillar qish va bahor mavsumiga asosiy turdagi qishloq xoʻjaligi mahsulotlarini zaxiraga jamgʻarishning tayyorlov tashkilotlari boʻyicha prognoz hajmlari 2-ilovaga muvofiq;

2018-2019-yillar qish va bahor mavsumiga “Oʻzbekoziqovqatzaxira” uyushmasi hududiy tashkilotlari tomonidan asosiy turdagi qishloq xoʻjaligi mahsulotlarini zaxiraga jamgʻarish prognoz hajmlari 3-ilovaga muvofiq;

2018-2019-yillar qish va bahor mavsumiga Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari tomonidan jalb qilinadigan hududiy tayyorlov tashkilotlarining asosiy turdagi qishloq xoʻjaligi mahsulotlarini zaxiraga jamgʻarish prognoz hajmlari 4-ilovaga muvofiq;

2018-2019-yillar qish va bahor mavsumiga Oʻzbekiston Respublikasi Sogʻliqni saqlash vazirligi muassasalari tomonidan asosiy turdagi qishloq xoʻjaligi mahsulotlarini zaxiraga jamgʻarish prognoz hajmlari 5-ilovaga muvofiq;

2018-2019-yillar qish va bahor mavsumiga Oʻzbekiston Respublikasi Xalq taʼlimi vazirligi muassasalari tomonidan asosiy turdagi qishloq xoʻjaligi mahsulotlarini zaxiraga jamgʻarish prognoz hajmlari 6-ilovaga muvofiq;

2018-2019-yillar qish va bahor mavsumiga Oʻzbekiston Respublikasi Maktabgacha taʼlim vazirligi muassasalari tomonidan asosiy turdagi qishloq xoʻjaligi mahsulotlarini zaxiraga jamgʻarish prognoz hajmlari 7-ilovaga muvofiq;

2018-2019-yillar qish va bahor mavsumiga asosiy turdagi qishloq xoʻjaligi mahsulotlarini (kartoshka, piyoz, sabzi, guruch) zaxiraga jamgʻarishning reja-jadvali 8, 8a — 8g-ilovalarga muvofiq tasdiqlansin.

5. Quyidagilar:

Oʻzbekiston Respublikasi Bosh vazirining oʻrinbosari Z.T. Mirzayev, Qoraqalpogʻiston Respublikasi Vazirlar Kengashi Raisi, viloyatlar va tumanlar hokimlari zimmasiga — ushbu qarorga 1-ilovaga muvofiq 2018-2019-yillar qish-bahor mavsumiga zaxiraga gʻamlash uchun zarur hajmlarda qishloq xoʻjaligi mahsulotlarini, shu jumladan, takroriy ekin maydonlarida yetishtirish, ekilgan yerlarda shunday mahsulotlar yetishtirishni taʼminlash yuzasidan;

“Oʻzbekoziqovqatzaxira” uyushmasi raisi Z.O. Fayziyev, Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari zimmasiga — ushbu qarorga 2, 3 va 4-ilovalarga muvofiq 2018-2019-yillar qish-bahor mavsumida ichki isteʼmol bozorini taʼminlash uchun asosiy turdagi qishloq xoʻjalik mahsulotlarini xarid qilishga oʻz vaqtida shartnomalar tuzish va zaxiraga gʻamlash hamda ichki isteʼmol bozorida talab va ehtiyojni hisobga olgan holda ularning sotilishi yuzasidan;

Oʻzbekiston Respublikasi Bosh vazirining oʻrinbosari A.A. Abduhakimov, Oʻzbekiston Respublikasi Sogʻliqni saqlash vaziri A.Q. Shadmanov, Xalq taʼlimi vaziri Sh.Sh. Shermatov, Maktabgacha taʼlim vaziri A.V. Shin zimmasiga — ushbu qarorga 5, 6 va 7-ilovalarga muvofiq ijtimoiy soha muassasalarining ehtiyojlari uchun asosiy turdagi qishloq xoʻjalik mahsulotlarini xarid qilishga oʻz vaqtida shartnomalar tuzish va zaxiraga gʻamlash hamda ulardan samarali va maqsadli foydalanilishi yuzasidan;

Oʻzbekiston Respublikasi Bosh vazirining oʻrinbosari — Moliya vaziri J.A. Qoʻchqorov zimmasiga — ushbu qarorga 6, 7 va 8-ilovalarga muvofiq asosiy turdagi qishloq xoʻjalik mahsulotlarini 2018-2019-yillar qish-bahor mavsumiga zaxiraga gʻamlash uchun ijtimoiy soha muassasalarini va ular tomonidan jalb etiladigan tayyorlov tashkilotlarini oʻz vaqtida moliyalashtirish yuzasidan shaxsiy javobgarlik yuklansin.

6. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari Oʻzbekiston Respublikasi Sogʻliqni saqlash vazirligi, Xalq taʼlimi vazirligi, Maktabgacha taʼlim vazirligi, “Oʻzbekoziqovqatzaxira” uyushmasi bilan birgalikda joriy yilning 1-noyabriga qadar 2018-2019-yillar qish-bahor mavsumiga asosiy turdagi qishloq xoʻjaligi mahsulotlarini zaxiraga gʻamlash uchun mahsulot ishlab chiqaruvchilar, tayyorlov tashkilotlari va ijtimoiy soha muassasalari oʻrtasida istisno tariqasida toʻgʻridan-toʻgʻri kontraktatsiya shartnomalari tuzilishini taʼminlasinlar.

Tuzilgan shartnomalarning natijalari yuzasidan Oʻzbekiston Respublikasi Vazirlar Mahkamasiga maʼlumot taqdim etilsin.

7. Quyidagilar:

2018-2019-yillar qish va bahor mavsumi uchun ichki isteʼmol maqsadlari uchun asosiy turdagi qishloq xoʻjaligi mahsulotlarini zaxiraga jamgʻarish va maqsadli ishlatishni muvofiqlashtirish boʻyicha respublika ishchi guruhi 9-ilovaga muvofiq;

2018-2019-yillar qish va bahor mavsumi uchun ijtimoiy soha muassasalari ehtiyojlariga asosiy turdagi qishloq xoʻjaligi mahsulotlarini zaxiraga jamgʻarish va maqsadli ishlatishni muvofiqlashtirish boʻyicha respublika ishchi guruhi 10-ilovaga muvofiq;

2018-2019-yillar qish va bahor mavsumi uchun ichki isteʼmol va ijtimoiy soha muassasalari ehtiyojlariga asosiy turdagi qishloq xoʻjaligi mahsulotlarini xarid qilishga bank kreditlari ajratish va budjet, budjetdan tashqari jamgʻarmalar hisobidan moliyalashtirish masalalarini muvofiqlashtirish boʻyicha respublika ishchi guruhi 11-ilovaga muvofiq;

2018-2019-yillar qish va bahor mavsumida ichki isteʼmol va ijtimoiy sohalar ehtiyojlari uchun asosiy turdagi qishloq xoʻjaligi mahsulotlarini zaxiraga jamgʻarish va savdoga chiqarish yuzasidan monitoring olib borish boʻyicha respublika ishchi guruhi 12-ilovaga muvofiq;

2018-2019-yillar qish va bahor mavsumi uchun ichki isteʼmol maqsadlari va ijtimoiy sohalar ehtiyojlari uchun asosiy turdagi qishloq xoʻjaligi mahsulotlarini zaxiraga jamgʻarish, ichki bozorga savdoga chiqarish va ijtimoiy soha muassasalari tomonidan ishlatilishini nazorat qilish boʻyicha respublika ishchi guruhi 13-ilovaga muvofiq tasdiqlansin.

8. 2018-2019-yillar qish va bahor mavsumi uchun ichki isteʼmol maqsadlari va ijtimoiy sohalar ehtiyojlari uchun asosiy turdagi qishloq xoʻjaligi mahsulotlarini zaxiraga jamgʻarish, zaxira tadbirlarini bank kreditlari va budjet mablagʻlari hisobidan moliyalashtirish, ichki bozorga savdoga chiqarish, ijtimoiy soha muassasalarida oʻz ehtiyojlari uchun ishlatilishini muvofiqlashtirish va monitoring olib borish boʻyicha respublika ishchi guruhlarining asosiy vazifalari etib quyidagilar belgilansin:

a) 2018-2019-yillar qish va bahor mavsumi uchun ichki isteʼmol maqsadlari asosiy turdagi qishloq xoʻjaligi mahsulotlarini zaxiraga jamgʻarish va maqsadli ishlatilishini muvofiqlashtirish boʻyicha 9-ilovaga muvofiq respublika ishchi guruhiga (Mirzayev):

qish va bahor mavsumi uchun asosiy turdagi qishloq xoʻjaligi mahsulotlarini hududlar boʻyicha zaxiraga jamgʻarishning belgilangan prognoz hajmlari bajarilishi yuzasidan monitoring natijalarini tanqidiy muhokama qilib borish;

qishloq xoʻjaligi mahsulotlari aholi ehtiyojiga nisbatan kam yetishtiriladigan hududlar zaxirasi uchun yetishmaydigan mahsulotlarni ishlab chiqarish hajmi ehtiyojdan ortiqcha boʻlgan hududlar hisobiga qoplash chora-tadbirlarini koʻrish;

mahalliy hokimliklar hamda “Oʻzbekoziqovqatzaxira” uyushmasi tomonidan zaxira tadbirlariga jalb etilgan tayyorlov tashkilotlari bilan qishloq xoʻjaligi mahsulotlari ishlab chiqaruvchilar oʻrtasida mahsulot yetkazib berish yuzasidan istisno tariqasida toʻgʻridan-toʻgʻri kontraktatsiya shartnomalari tuzish ishlarini samarali tashkil etilishini nazorat qilish;

zaxira tadbirlariga jalb etilgan tayyorlov tashkilotlari tomonidan zaxira maqsadlari uchun talab etiladigan mablagʻlar boʻyicha tijorat banklariga buyurtmalarni taqdim etilishini va mablagʻlar ajratilishini nazorat qilish;

zaxira maqsadlari uchun omborxonalar va sovutgichli sigʻimlar yetishmayotgan hududlarga boshqa hududlardagi ortiqcha sigʻimlarni biriktirish hisobiga mavjud sigʻimlardan oqilona va samarali foydalanishni tashkil etish;

qish-bahor oylarida qishloq xoʻjaligi mahsulotlarining ichki isteʼmol bozorida narxlar konyunkturasini doimiy monitoringini olib borish va oʻzgarishini prognoz qilish asosida narxlar keskin oʻzgarishining oldini olish maqsadida 8, 8a va 8g-ilovalarga muvofiq tasdiqlangan tarmoq jadvallari ijrosini nazoratga olish va zarur hollarda unga tegishli tuzatishlar kiritish;

mahsulotlarni zaxiraga jamgʻarishning belgilangan prognoz hajmlari va sotishga chiqarish tarmoq jadvallari bajarilishi yuzasidan oʻtkazilgan monitoring natijalari asosida zaxira maqsadlari uchun mahsulotlarni xarid qilish, tayyorlash, saqlash va sotish bilan bogʻliq aniqlangan muammolarni tezkor bartaraf etish choralarini koʻrish;

b) 2018-2019-yillar qish va bahor mavsumi uchun ijtimoiy soha muassasalari ehtiyojlariga asosiy turdagi qishloq xoʻjaligi mahsulotlarini zaxiraga jamgʻarish va maqsadli ishlatilishini muvofiqlashtirish boʻyicha 10-ilovaga muvofiq respublika ishchi guruhiga (Abduhakimov):

qish va bahor mavsumi uchun asosiy turdagi qishloq xoʻjaligi mahsulotlarini ijtimoiy soha muassasalari boʻyicha zaxiraga jamgʻarishning belgilangan prognoz hajmlari bajarilishi yuzasidan monitoring natijalarini tanqidiy muhokama qilib borish;

ijtimoiy soha muassasalari bilan qishloq xoʻjaligi mahsulotlari ishlab chiqaruvchilar oʻrtasida mahsulot yetkazib berish yuzasidan istisno tariqasida toʻgʻridan-toʻgʻri kontraktatsiya shartnomalari tuzish ishlari samarali tashkil etilishini nazorat qilish;

zaxira tadbirlariga jalb etilgan ijtimoiy soha muassasalari tomonidan zaxira maqsadlari uchun talab etiladigan budjet mablagʻlari boʻyicha buyurtmanoma Oʻzbekiston Respublikasi Moliya vazirligiga oʻz vaqtida taqdim etilishini taʼminlash;

mahalliy hokimliklar bilan birgalikda ijtimoiy soha muassasalari tomonidan zaxiraga jamgʻariladigan mahsulotlarni sifatli saqlash uchun omborxonalar va sovutgichli sigʻimlar masalasini hal qilish;

ijtimoiy soha muassasalarida zaxiraga jamgʻarilgan mahsulotlar maqsadli ishlatilishini nazorat qilish;

v) 2018-2019-yillar qish va bahor mavsumi uchun ichki isteʼmol va ijtimoiy soha muassasalari ehtiyojlariga asosiy turdagi qishloq xoʻjaligi mahsulotlarini zaxiraga xarid qilishga bank kreditlari ajratish va budjet, budjetdan tashqari jamgʻarmalar hisobidan moliyalashtirish masalalarini muvofiqlashtirish boʻyicha 11-ilovaga muvofiq respublika ishchi guruhiga (Qoʻchqorov):

qish va bahor oylarida ichki bozorni kafolatli taʼminlash va narxlarni barqaror saqlanishini taʼminlash maqsadida asosiy turdagi qishloq xoʻjaligi mahsulotlarini zaxiraga jamgʻarish tadbirlariga jalb etilgan tayyorlovchi korxonalarning kredit mablagʻlari boʻyicha buyurtmanomalari tijorat banklarida koʻrib chiqilishini nazorat qilish;

ijtimoiy soha muassasalari ehtiyoji uchun zaxiraga jamgʻariladigan asosiy turdagi qishloq xoʻjaligi mahsulotlarini xarid qilishga talab etiladigan mablagʻlarni hisob-kitob qilish va moliyalashtirish manbalarini aniqlash;

Oʻzbekiston Respublikasi Sogʻliqni saqlash vazirligi, Xalq taʼlimi vazirligi, Maktabgacha taʼlim vazirligi tomonidan zaxira maqsadlari uchun talab etiladigan budjet mablagʻlari boʻyicha taqdim etilgan buyurtmanomaga asosan budjet mablagʻlarini oʻz vaqtida ajratilishini va ulardan maqsadli foydalanilishini nazorat qilish;

tayyorlov korxonalari tomonidan kredit mablagʻlari uchun bank muassasalariga taqdim etilgan buyurtmanomalar boʻyicha kreditlar ajratilishini nazoratga olish;

g) 2018-2019-yillar qish va bahor mavsumida ichki isteʼmol va ijtimoiy sohalar ehtiyojlari uchun asosiy turdagi qishloq xoʻjaligi mahsulotlarini zaxiraga jamgʻarish va savdoga chiqarish boʻyicha monitoring olib borish boʻyicha 12-ilovaga muvofiq respublika ishchi guruhiga (Xoʻjayev):

qish va bahor mavsumi uchun asosiy turdagi qishloq xoʻjaligi mahsulotlarini hududlar, “Oʻzbekoziqovqatzaxira” uyushmasi va ijtimoiy sohalar boʻyicha zaxiraga jamgʻarishning belgilangan prognoz hajmlari bajarilishi yuzasidan Oʻzbekiston Respublikasi Vazirlar Mahkamasiga kunlik tahlil maʼlumotlarini kiritib borish;

qish va bahor mavsumi uchun zaxiraga jamgʻarilgan asosiy turdagi qishloq xoʻjaligi mahsulotlarini hududlar va “Oʻzbekoziqovqatzaxira” uyushmasi boʻyicha ichki isteʼmolga savdoga chiqarish va ijtimoiy sohalar boʻyicha maqsadli ishlatilishi boʻyicha tarmoq jadvallari ijrosi yuzasidan kunlik monitoring olib borish va Vazirlar Mahkamasiga tahliliy maʼlumotlarni taqdim etish;

d) 2018-2019-yillar qish va bahor mavsumi uchun ichki isteʼmol maqsadlari va ijtimoiy sohalar ehtiyojlari uchun asosiy turdagi qishloq xoʻjaligi mahsulotlarini zaxiraga jamgʻarish, ichki bozorga savdoga chiqarish va ijtimoiy soha muassasalari tomonidan ishlatilishini nazorat qilish boʻyicha 13-ilovaga muvofiq respublika ishchi guruhiga (Musayev):

2018-2019-yillar qish va bahor mavsumi uchun ichki isteʼmol maqsadlari va ijtimoiy sohalar ehtiyojlari uchun asosiy turdagi qishloq xoʻjaligi mahsulotlarini zaxiraga jamgʻarishga jalb etilgan xoʻjalik subyektlari tomonidan taqdim etilgan hisobotlarning haqqoniyligini oʻrganish;

zaxiraga jamgʻarilgan mahsulotlar omborxonalar va sovutgichli sigʻimlarda daxlsiz saqlanishini nazorat qilish, mahsulotlar tarmoq jadvallari asosida savdoga chiqarilishini va ijtimoiy soha muassasalari tomonidan maqsadli ishlatilishini oʻrganish;

zaxira omborlaridan ichki isteʼmol bozoriga savdoga chiqariladigan mahsulotlarning narxlari shakllanishini nazorat qilish.

9. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Oʻzbekiston Respublikasi Sogʻliqni saqlash vazirligi, Xalq taʼlimi vazirligi, Maktabgacha taʼlim vazirligi va “Oʻzbekoziqovqatzaxira” uyushmasi:

joriy yil 1-noyabrga qadar qishloq xoʻjaligi mahsulotlarini saqlash hajmlariga mos omborxonalar va sovutish sigʻimlarini xatlovdan oʻtkazsinlar, xatlov natijalariga koʻra ijtimoiy soha muassasalari uchun belgilangan hajmlarni saqlashga, yetkazib berishga ixtisoslashgan tashkilotlar roʻyxatini alohida koʻrsatgan holda Oʻzbekiston Respublikasi Vazirlar Mahkamasiga maʼlumot taqdim etsinlar hamda ana shu mahsulotlarning nes-nobud boʻlishiga yoʻl qoʻymaslik uchun zarur shart-sharoitlar yaratsinlar;

ushbu qarorga 2, 4 va 5-ilovalardagi prognoz hajmlarga muvofiq 2018-2019-yillar qish-bahor mavsumida asosiy turdagi qishloq xoʻjaligi mahsulotlari toʻliq hajmda va belgilangan muddatlarda gʻamlab qoʻyilishini taʼminlasinlar;

2019-yil 1-yanvarga qadar, tasdiqlangan tarmoq jadvallari asosida zaxiraga qoʻyilgan mahsulotni ichki isteʼmol bozoriga yetkazib berish va savdo shoxobchalarini belgilangan tartibda joylashtirish jadvallarini ishlab chiqsinlar va tasdiqlasinlar. Bunda mahsulotlar respublikaning barcha mintaqalari, shu jumladan, togʻli va borish qiyin boʻlgan hududlari boʻyicha bir tekis taqsimlanishi hisobga olinsin;

2018-yil 1-dekabrdan 2019-yil 15-maygacha boʻlgan davrda zaxira qilingan qishloq xoʻjaligi mahsulotlarini savdo shoxobchalariga yetkazib berish va ijtimoiy soha muassasalari ehtiyojlari uchun ishlatish tarmoq jadvallari bajarilishi ustidan har hafta monitoring olib borilsin, uning natijalari boʻyicha respublika ishchi guruhlariga (Mirzayev, Abduhakimov) tegishli axborot har oʻn kunda taqdim etib borilishini taʼminlasinlar;

mavjud muammoli masalalar boʻyicha ularni hal etish yuzasidan aniq takliflar bilan respublika ishchi guruhlariga axborot taqdim etgan holda qishloq xoʻjaligi mahsulotlarining asosiy turlarini gʻamlash, savdoga chiqarish va maqsadli ishlatish boʻyicha tasdiqlangan tarmoq jadvallari qanday bajarilayotganligining xar oʻn kunda monitoringini olib borsinlar.

10. Oʻzbekiston Respublikasi Iqtisodiyot vazirligi, Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari, Oʻzbekiston Respublikasi Sogʻliqni saqlash vazirligi, Xalq taʼlimi vazirligi, Maktabgacha taʼlim vazirligi, “Oʻzbekoziqovqatzaxira” uyushmasi bilan birgalikda 2018-2019-yillar qish va bahor mavsumi uchun zaxiraga jamgʻarilgan qishloq xoʻjaligi mahsulotlari hajmidan kelib chiqib 2018-yil 25-noyabrga qadar mahsulotlar ichki isteʼmol bozoriga chiqarilib sotilishi va ijtimoiy soha muassasalarining ehtiyoji uchun 2018-yil 1-dekabrdan 2019-yil 31-maygacha boʻlgan muddatlarda ishlatilishi boʻyicha tarmoq jadvallarini ishlab chiqib, tasdiqlash uchun Oʻzbekiston Respublikasi Vazirlar Mahkamasiga kiritsinlar.

11. 2018-2019-yillar qish va bahor mavsumi uchun asosiy turdagi qishloq xoʻjaligi mahsulotlarini zaxiraga gʻamlash boʻyicha belgilangan hajmlarni moliyalashtirish manbalari etib quyidagilar belgilansin:

4 va 5-ilovalarda koʻrsatilgan “Oʻzbekozikovqatzaxira” uyushmasi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari tomonidan jalb etilgan tayyorlov tashkilotlari uchun — xoʻjalik yurituvchi subyektlarning oʻz aylanma mablagʻlari va tijorat banklarining imtiyozli kreditlari;

6, 7 va 8-ilovalarda koʻrsatilgan Oʻzbekiston Respublikasi Xalq taʼlimi vazirligi, Sogʻliqni saqlash vazirligi, Maktabgacha taʼlim vazirligi muassasalari uchun — Oʻzbekiston Respublikasi Davlat budjeti mablagʻlari va budjetdan tashqari mablagʻlar.

Zarur hollarda asosiy turdagi qishloq xoʻjaligi mahsulotlarini zaxiraga jamgʻarish uchun talab etiladigan mablagʻlar Vazirlar Mahkamasi bilan kelishgan holda Vazirlar Mahkamasi huzuridagi Ichki isteʼmol bozorida narx-navoni barqarorlashtirishga koʻmaklashish jamgʻarmasi mablagʻlari hisobiga moliyalashtirilishi mumkin.

Zaxira maqsadlari uchun jamgʻarma hisobidan ajratilgan mablagʻlar tarmoq jadvaliga asosan mahsulotlarni ichki isteʼmol bozoriga savdoga chiqarish hajmlariga mos ravishda jadval boʻyicha toʻliq qaytariladi.

Jamgʻarmadan ajratilgan mablagʻlarning maqsadli ishlatilishi, oʻz vaqtida va toʻliq qaytarilishini taʼminlash boʻyicha masʼuliyat Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari hamda “Oʻzbekoziqovqatzaxira” uyushmasi rahbariyati zimmasiga yuklatiladi.

12. Oʻzbekiston Respublikasi Moliya vazirligi (Haydarov), Iqtisodiyot vazirligi (Xoʻjayev) masalaga aloqador vazirliklar va idoralar, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda budjet tashkilotlari uchun qishloq xoʻjaligi mahsulotlari va ijtimoiy ahamiyatga ega oziq-ovqat tovarlarining asosiy turlarini xarid qilish boʻyicha cheklangan narxlarni oʻrnatsinlar.

13. Oʻzbekiston Respublikasi Moliya vazirligi budjetdan mablagʻ bilan taʼminlanuvchi ijtimoiy soha muassasalariga 2018-2019-yillar qish va bahor mavsumiga qishloq xoʻjaligi mahsulotlarini jamgʻarish uchun zarur mablagʻlar budjet va budjet muassasalarining budjetdan tashqari jamgʻarmalari hisobiga toʻliq ajratilishini taʼminlasin.

Bunda, ijtimoiy soha muassasalari tomonidan 4 ta turdagi qishloq xoʻjaligi mahsulotlarini (kartoshka, piyoz, sabzi va guruch) xarid qilishda dehqon bozorlarida shakllanadigan oʻrtacha narxlardan kelib chiqqan holda zaxira tadbirlariga jalb etilgan tayyorlov tashkilotlari bilan fermer xoʻjaliklari oʻrtasida, istisno tariqasida, toʻgʻridan-toʻgʻri shartnomalar tuzilishiga, tegishli gʻaznachilik boʻlinmalari tomonidan roʻyxatdan oʻtkazilishiga hamda kamida 40 foiz miqdorida avans toʻlovlari birinchi darajali toʻlovlarga tenglashtirilgan holda amalga oshirilishiga ruxsat etilsin.

14. Oʻzbekiston Respublikasi tijorat banklari rahbarlariga — zaxira tadbirlariga jalb etilgan xoʻjalik subyektlari buyurtmalari asosida ularga 2018-2019-yil qish va bahor mavsumi uchun asosiy turdagi qishloq xoʻjaligi mahsulotlarini zaxiraga jamgʻarish maqsadlariga imtiyozli kreditlar ajratish tavsiya etilsin.

15. 2018-2019-yillar qish va bahor mavsumi uchun asosiy turdagi qishloq xoʻjaligi mahsulotlarini zaxiraga gʻamlash va ichki bozorga savdoga chiqarilishi monitoringini olib borishda shunday tartib oʻrnatilsinki, unga muvofiq:

“Oʻzbekoziqovqatzaxira” uyushmasi — uning tarkibidagi tashkilotlar tomonidan, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari esa — tadbirlarga jalb etilgan tayyorlov tashkilotlari tomonidan joriy yilning oktabr-noyabr oylarida qishloq xoʻjaligi mahsulotlarining asosiy turlarini zaxiraga gʻamlash va 2018-2019-yillarning qish-bahor oylarida mahsulotlarni zaxira omborlaridan ichki isteʼmol bozoriga sotuvga chiqarish hajmlari toʻgʻrisida;

tijorat banklari — qishloq xoʻjaligi mahsulotlarini xarid qilish uchun tadbirlarga jalb etilgan tayyorlov tashkilotlariga ajratilgan kreditlar toʻgʻrisida;

Oʻzbekiston Respublikasi Sogʻliqni saqlash vazirligi, Xalq taʼlimi vazirligi va Maktabgacha taʼlimi vazirligi — ijtimoiy soha muassasalari tomonidan oʻz ehtiyojlari uchun qishloq xoʻjaligi mahsulotlarining asosiy turlarini xarid qilish maqsadlari uchun moʻljallangan budjet mablagʻlari ajratilishi va oʻzlashtirilishi holati, mahsulotlarni zaxira omborlariga gʻamlashning borishi va qish-bahor oylarida maqsadli ishlatilishi toʻgʻrisida Oʻzbekiston Respublikasi Iqtisodiyot vazirligiga har 10 kunda axborot taqdim etadilar.

16. Oʻzbekiston Respublikasi Iqtisodiyot vazirligi boshqa manfaatdor vazirliklar va idoralar bilan birgalikda joriy yilning 25-oktabridan boshlab 2018-2019-yillar qish-bahor mavsumiga asosiy turdagi qishloq xoʻjaligi mahsulotlarini zaxiraga gʻamlash koʻrsatkichlari bajarilishi va ularni moliyalashtirish masalalari hal etilishi hamda tasdiqlangan tarmoq jadvallariga muvofiq samarali ishlatilishi yuzasidan monitoring olib borish tizimini joriy etsin va natijalari boʻyicha umumlashtirilgan maʼlumotlarni har 10 kunda Vazirlar Mahkamasiga kiritsin.

17. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari Z.T. Mirzayev, Oʻzbekiston Respublikasi Bosh vazirining oʻrinbosari — moliya vaziri J.A. Qoʻchqorov, Oʻzbekiston Respublikasi Bosh vazirining oʻrinbosari A.A. Abduhakimov, Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2018-yil 25-oktabr,

866-son

Vazirlar Mahkamasining 2018-yil 25-oktabrdagi 866-son qaroriga 1-ILOVA

2018-2019-yillar qish va bahor mavsumiga asosiy turdagi qishloq xoʻjaligi mahsulotlarini zaxiraga jamgʻarishning umumiy prognoz hajmlari

(tonna) T/r Hududlar Jami zaxira hajmi shu jumladan: kartoshka piyoz sabzi guruch 1. Qoraqalpogʻiston Respublikasi 33 517 9 346 7 501 5 408 11 263 viloyatlar: 2. Andijon 32 524 17 600 5 457 6 379 3 088 3. Buxoro 23 460 10 738 6 773 3 904 2 045 4. Jizzax 14 249 6 020 3 523 2 306 2 401 5. Qashqadaryo 40 491 17 121 11 434 6 585 5 352 6. Navoiy 9 476 3 688 2 718 1 582 1 488 7. Namangan 44 087 20 441 12 317 7 434 3 895 8. Samarqand 33 556 15 330 9 985 5 433 2 808 9. Surxondaryo 26 893 10 985 7 915 4 633 3 361 10. Sirdaryo 12 721 5 207 3 639 1 949 1 926 11. Toshkent 46 766 21 665 11 822 8 152 5 127 12. Fargʻona 50 590 21 368 12 228 11 550 5 445 13. Xorazm 27 132 7 448 5 831 6 139 7 714 14. Toshkent shahri 105 713 55 453 19 534 20 164 10 562 Jami: 501 177 222 409 120 676 91 617 66 475

Vazirlar Mahkamasining 2018-yil 25-oktabrdagi 866-son qaroriga 2-ILOVA

2018-2019-yillar qish va bahor mavsumiga asosiy turdagi qishloq xoʻjaligi mahsulotlarini zaxiraga jamgʻarishning tayyorlov tashkilotlari boʻyicha prognoz hajmlari

(tonna) T/r Hududlar Jami zaxira hajmi shu jumladan: “Oʻzbekoziqovqatzaxira” uyushmasi hududiy tayyorlov tashkilotlari ijtimoiy soha muassasalari shundan: sogʻliqni saqlash muassasalari xalq taʼlimi muassasalari maktabgacha taʼlim muassasalari 1. Qoraqalpogʻiston Respublikasi 33 517 9 500 23 178 839 259 65 515 viloyatlar: 2. Andijon 32 524 10 400 19 871 2 253 250 422 1 581 3. Buxoro 23 460 1 800 19 545 2 115 166 193 1 756 4. Jizzax 14 249 5 900 7 448 901 133 90 678 5. Qashqadaryo 40 491 9 300 29 956 1 235 422 57 756 6. Navoiy 9 476 3 600 5 379 498 115 65 317 7. Namangan 44 087 10 000 31 472 2 615 428 459 1 728 8. Samarqand 33 556 10 400 21 227 1 929 432 214 1 284 9. Surxondaryo 26 893 8 800 16 974 1 119 261 222 636 10. Sirdaryo 12 721 3 000 9 072 648 81 69 498 11. Toshkent 46 766 5 000 39 811 1 956 349 145 1 462 12. Fargʻona 50 590 11 800 34 622 4 168 607 342 3 219 13. Xorazm 27 132 10 500 15 521 1 111 223 188 700 14. Toshkent shahri 105 713 40 000 61 517 4 197 504 738 2 955 Jami: 501 177 140 000 335 592 25 585 4 230 3 270 18 085

Vazirlar Mahkamasining 2018-yil 25-oktabrdagi 866-son qaroriga 3-ILOVA

2018-2019-yillar qish va bahor mavsumiga “Oʻzbekoziqovqatzaxira” uyushmasi hududiy tashkilotlari tomonidan asosiy turdagi qishloq xoʻjaligi mahsulotlarini zaxiraga jamgʻarish prognoz hajmlari

(tonna) T/r Hududlar Jami zaxira hajmi shu jumladan: kartoshka piyoz sabzi guruch 1. Qoraqalpogʻiston Respublikasi 9 500 2 000 1 450 2 000 4 050 viloyatlar: 2. Andijon 10 400 3 000 2 800 3 000 1 600 3. Buxoro 1 800 500 500 700 100 4. Jizzax 5 900 1 900 1 700 1 300 1 000 5. Qashqadaryo 9 300 2 500 2 500 3 200 1 100 6. Navoiy 3 600 1 500 1 000 600 500 7. Namangan 10 000 2 500 2 500 3 600 1 400 8. Samarqand 10 400 3 500 2 700 3 200 1 000 9. Surxondaryo 8 800 3 300 2 400 2 600 500 10. Sirdaryo 3 000 1 000 650 850 500 11. Toshkent 5 000 1 400 1 100 1 600 900 12. Fargʻona 11 800 3 200 2 600 3 400 2 600 13. Xorazm 10 500 1 900 1 000 2 600 5 000 14. Toshkent shahri 40 000 23 000 3 000 4 000 10 000 Jami: 140 000 51 200 25 900 32 650 30 250

Vazirlar Mahkamasining 2018-yil 25-oktabrdagi 866-son qaroriga 4-ILOVA

2018-2019-yillar qish va bahor mavsumiga Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari tomonidan jalb qilinadigan hududiy tayyorlov tashkilotlarining asosiy turdagi qishloq xoʻjaligi mahsulotlarini zaxiraga jamgʻarish hajmlari

(tonna) T/r Hududlar Jami zaxira hajmi shu jumladan: kartoshka piyoz sabzi guruch 1. Qoraqalpogʻiston Respublikasi 23 178 6 808 5 950 3 290 7 130 viloyatlar: 2. Andijon 19 871 13 396 2 179 2 944 1 351 3. Buxoro 19 545 9 091 5 837 2 780 1 838 4. Jizzax 7 448 3 610 1 647 831 1 361 5. Qashqadaryo 29 956 13 787 8 828 3 200 4 140 6. Navoiy 5 379 1 918 1 619 907 935 7. Namangan 31 472 16 455 9 350 3 304 2 362 8. Samarqand 21 227 10 743 6 940 1 860 1 684 9. Surxondaryo 16 974 7 007 5 352 1 833 2 781 10. Sirdaryo 9 072 3 838 2 858 989 1 388 11. Toshkent 39 811 19 056 10 366 6 253 4 137 12. Fargʻona 34 622 15 807 8 834 7 323 2 658 13. Xorazm 15 521 4 888 4 647 3 365 2 621 14. Toshkent shahri 61 517 30 060 15 740 15 398 318 Jami: 335 592 156 464 90 147 54 278 34 704

Vazirlar Mahkamasining 2018-yil 25-oktabrdagi 866-son qaroriga 5-ILOVA

2018-2019-yillar qish va bahor mavsumiga Oʻzbekiston Respublikasi Sogʻliqni saqlash vazirligi muassasalari tomonidan asosiy turdagi qishloq xoʻjaligi mahsulotlarini zaxiraga jamgʻarish hajmlari

(tonna) T/r Hududlar Jami zaxira hajmi shu jumladan: kartoshka piyoz sabzi guruch 1. Qoraqalpogʻiston Respublikasi 259 145 30 37 47 viloyatlar: 2. Andijon 250 165 26 38 21 3. Buxoro 166 82 39 35 10 4. Jizzax 133 99 13 14 7 5. Qashqadaryo 422 280 25 64 53 6. Navoiy 115 69 14 18 14 7. Namangan 428 248 57 86 37 8. Samarqand 432 271 48 76 37 9. Surxondaryo 261 173 24 37 27 10. Sirdaryo 81 44 12 14 11 11. Toshkent 349 231 39 47 32 12. Fargʻona 607 375 65 118 49 13. Xorazm 223 128 30 32 33 14. Toshkent shahri 504 290 81 72 62 Jami: 4 230 2 600 505 687 439

Vazirlar Mahkamasining 2018-yil 25-oktabrdagi 866-son qaroriga 6-ILOVA

2018-2019-yillar qish va bahor mavsumiga Oʻzbekiston Respublikasi Xalq taʼlimi muassasalari tomonidan asosiy turdagi qishloq xoʻjaligi mahsulotlarini zaxiraga jamgʻarish hajmlari

(tonna) T/r Hududlar Jami zaxira hajmi shu jumladan: kartoshka piyoz sabzi guruch 1. Qoraqalpogʻiston Respublikasi 65 37 10 12 6 viloyatlar: 2. Andijon 422 228 99 72 23 3. Buxoro 193 97 36 41 20 4. Jizzax 90 37 23 27 3 5. Qashqadaryo 57 27 10 15 6 6. Navoiy 65 37 13 12 4 7. Namangan 459 256 82 90 31 8. Samarqand 214 147 30 30 7 9. Surxondaryo 222 133 37 37 15 10. Sirdaryo 69 39 11 15 5 11. Toshkent 145 103 11 11 20 12. Fargʻona 342 163 61 101 17 13. Xorazm 188 85 23 55 25 14. Toshkent shahri 738 485 99 102 51 Jami: 3 270 1 874 545 620 231

Vazirlar Mahkamasining 2018-yil 25-oktabrdagi 866-son qaroriga 7-ILOVA

2018-2019-yillar qish va bahor mavsumiga Oʻzbekiston Respublikasi Maktabgacha taʼlim muassasalari tomonidan asosiy turdagi qishloq xoʻjaligi mahsulotlarini zaxiraga jamgʻarish hajmlari

(tonna) T/r Hududlar Jami zaxira hajmi shu jumladan: kartoshka piyoz sabzi guruch 1. Qoraqalpogʻiston Respublikasi 515 357 60 68 30 viloyatlar: 2. Andijon 1 581 811 353 324 93 3. Buxoro 1 756 968 362 349 77 4. Jizzax 678 374 140 135 30 5. Qashqadaryo 756 527 70 105 53 6. Navoiy 317 163 73 45 36 7. Namangan 1 728 982 327 354 66 8. Samarqand 1 284 669 267 267 80 9. Surxondaryo 636 373 101 125 38 10. Sirdaryo 498 286 108 81 23 11. Toshkent 1 462 875 307 242 38 12. Fargʻona 3 219 1 822 668 607 122 13. Xorazm 700 447 131 87 35 14. Toshkent shahri 2 955 1 617 614 593 132 Jami: 18 085 10 271 3 581 3 381 852

Vazirlar Mahkamasining 2018-yil 25-oktabrdagi 866-son qaroriga 8-ILOVA

2018-2019-yillar qish va bahor mavsumiga asosiy turdagi qishloq xoʻjaligi mahsulotlarini zaxiraga jamgʻarishning reja-jadvali

(tonna) T/r Mahsulotlar Jami zaxira hajmi oylar boʻyicha sentabr oyi jami shu jumladan: oktabr oyi jami shu jumladan: noyabr oyi jami shu jumladan: 10 dan 20 gacha 21 dan 30 gacha 1 dan 10 gacha 11 dan 20 gacha 21 dan 31 gacha 1 dan 10 gacha 11 dan 20 gacha 21 dan 31 gacha 1. Kartoshka 222 409 - - - 33 361 - - 33 361 189 048 73729 68057 47262 2. Piyoz 120 706 - - - 74 819 - - 74 819 45887 37410 8477 - 3. Sabzi 91 617 - - - - - - - 91617 28401 32982 30234 4. Guruch 66 475 - - - 13 295 - - 13 295 53180 21804 19145 12231 Jami: 501 207 - - - 121 475 - - 121 475 379731 161344 128661 89727

Vazirlar Mahkamasining 2018-yil 25-oktabrdagi 866-son qaroriga 8a-ILOVA

2018-2019-yillar qish va bahor mavsumiga kartoshka mahsulotlarini zaxiraga jamgʻarishning reja-jadvali

(tonna) T/r Mintaqalar Jami zaxira hajmi oylar boʻyicha sentabr oyi jami shu jumladan: oktabr oyi jami shu jumladan: noyabr oyi jami shu jumladan: 10 dan 20 gacha 21 dan 30 gacha 1 dan 10 gacha 11 dan 20 gacha 21 dan 31 gacha 1 dan 10 gacha 11 dan 20 gacha 21 dan 31 gacha 1. Qoraqalpogʻiston Respublikasi 9346 - 1402 1402 7944 3098 2860 1986 viloyatlar: 2. Andijon 17600 - 2640 2640 14960 5834 5386 3740 3. Buxoro 10738 - 1611 1611 9128 3560 3286 2282 4. Jizzax 6020 - 903 903 5117 1996 1842 1279 5. Qashqadaryo 17121 - 2568 2568 14553 5676 5239 3638 6. Navoiy 3688 - 553 553 3134 1222 1128 784 7. Namangan 20441 - 3066 3066 17375 6776 6255 4344 8. Samarqand 15330 - 2300 2300 13031 5082 4691 3258 9. Surxondaryo 10985 - 1648 1648 9337 3642 3361 2334 10. Sirdaryo 5207 - 781 781 4426 1726 1593 1106 11. Toshkent 21665 - 3250 3250 18415 7182 6629 4604 12. Fargʻona 21368 - 3205 3205 18162 7083 6538 4541 13. Xorazm 7448 - 1117 1117 6331 2469 2279 1583 14. Toshkent shahri 55453 - 8318 8318 47135 18383 16968 11784 Jami: 222 409 - - 33 361 33 361 189 048 73 729 68 057 47 262

Vazirlar Mahkamasining 2018-yil 25-oktabrdagi 866-son qaroriga 8b-ILOVA

2018-2019-yillar qish va bahor mavsumiga piyoz mahsulotlarini zaxiraga jamgʻarishning reja-jadvali

tonna T/r Mintaqalar Jami zaxira hajmi oylar boʻyicha sentabr oyi jami shu jumladan: oktabr oyi jami shu jumladan: noyabr oyi jami shu jumladan: 10 dan 20 gacha 21 dan 30 gacha 1 dan 10 gacha 11 dan 20 gacha 21 dan 31 gacha 1 dan 10 gacha 11 dan 20 gacha 21 dan 31 gacha 1. Qoraqalpogʻiston Respublikasi 7 501 - - 4 651 - - 4 651 2 850 2 325 525 viloyatlar: 2. Andijon 5 457 - - 3 384 - - 3 384 2 074 1 692 382 3. Buxoro 6 773 - - 4 199 - - 4 199 2 574 2 100 474 4. Jizzax 3 523 - - 2 184 - - 2 184 1 339 1 092 247 5. Qashqadaryo 11 434 - - 7 089 - - 7 089 4 344 3 544 800 6. Navoiy 2 718 - - 1 685 - - 1 685 1 033 843 190 7. Namangan 12 317 - - 7 636 - - 7 636 4 680 3 818 862 8. Samarqand 9 985 - - 6 191 - - 6 191 3 794 3 095 699 9. Surxondaryo 7 915 - - 4 907 - - 4 907 3 007 2 453 554 10. Sirdaryo 3 639 - - 2 256 - - 2 256 1 383 1 128 255 11. Toshkent 11 822 - - 7 330 - - 7 330 4 493 3 665 828 12. Fargʻona 12 228 - - 7 581 - - 7 581 4 647 3 791 856 13. Xorazm 5 831 - - 3 615 - - 3 615 2 216 1 808 408 14. Toshkent shahri 19 534 - - 12 111 - - 12 111 7 423 6 056 1 367 Jami: 120 676 - - 74 819 - - 74 819 45 857 37 410 8 447 -

Vazirlar Mahkamasining 2018-yil 25-oktabrdagi 866-son qaroriga 8v-ILOVA

2018-2019-yillar qish va bahor mavsumiga sabzi mahsulotlarini zaxiraga jamgʻarishning reja-jadvali

tonna T/r Mintaqalar Jami zaxira hajmi oylar boʻyicha sentabr oyi jami shu jumladan: oktabr oyi jami shu jumladan: noyabr oyi jami shu jumladan: 10 dan 20 gacha 21 dan 30 gacha 1 dan 10 gacha 11 dan 20 gacha 21 dan 31 gacha 1 dan 10 gacha 11 dan 20 gacha 21 dan 31 gacha 1. Qoraqalpogʻiston Respublikasi 5 408 5 408 1 676 1 947 1 784 viloyatlar: 2. Andijon 6 379 6 379 1 977 2 296 2 105 3. Buxoro 3 904 3 904 1 210 1 405 1 288 4. Jizzax 2 306 2 306 715 830 761 5. Qashqadaryo 6 585 6 585 2 041 2 370 2 173 6. Navoiy 1 582 1 582 491 570 522 7. Namangan 7 434 7 434 2 305 2 676 2 453 8. Samarqand 5 433 5 433 1 684 1 956 1 793 9. Surxondaryo 4 633 4 633 1 436 1 668 1 529 10. Sirdaryo 1 949 1 949 604 702 643 11. Toshkent 8 152 8 152 2 527 2 935 2 690 12. Fargʻona 11 550 11 550 3 581 4 158 3 812 13. Xorazm 6 139 6 139 1 903 2 210 2 026 14. Toshkent shahri 20 164 20 164 6 251 7 259 6 654 Jami: 91 617 - - - - - - 91 617 28 401 32 982 30 234

Vazirlar Mahkamasining 2018-yil 25-oktabrdagi 866-son qaroriga 8g-ILOVA

2018-2019-yillar qish va bahor mavsumiga guruch mahsulotlarini zaxiraga jamgʻarishning reja-jadvali

tonna T/r Mintaqalar Jami zaxira hajmi oylar kesimida sentabr oyi jami shu jumladan: oktabr oyi jami shu jumladan: noyabr oyi jami shu jumladan: 10 dan 20 gacha 21 dan 30 gacha 1 dan 10 gacha 11 dan 20 gacha 21 dan 31 gacha 1 dan 10 gacha 11 dan 20 gacha 21 dan 31 gacha 1. Qoraqalpogʻiston Respublikasi 11 263 2 253 2 253 9 010 3 694 3 244 2 072 viloyatlar: 2. Andijon 3 088 618 618 2 470 1 013 889 568 3. Buxoro 2 045 409 409 1 636 671 589 376 4. Jizzax 2 401 480 480 1 921 788 692 442 5. Qashqadaryo 5 352 1 070 1 070 4 281 1 755 1 541 985 6. Navoiy 1 488 298 298 1 191 488 429 274 7. Namangan 3 895 779 779 3 116 1 278 1 122 717 8. Samarqand 2 808 562 562 2 247 921 809 517 9. Surxondaryo 3 361 672 672 2 688 1 102 968 618 10. Sirdaryo 1 926 385 385 1 541 632 555 354 11. Toshkent 5 127 1 025 1 025 4 102 1 682 1 477 943 12. Fargʻona 5 445 1 089 1 089 4 356 1 786 1 568 1 002 13. Xorazm 7 714 1 543 1 543 6 171 2 530 2 222 1 419 14. Toshkent shahri 10 562 2 112 2 112 8 450 3 464 3 042 1 943 Jami: 66 475 - - 13 295 - - 13 295 53 180 21 804 19 145 12 231

Vazirlar Mahkamasining 2018-yil 25-oktabrdagi 866-son qaroriga 9-ILOVA

2018-2019-yillar qish va bahor mavsumi uchun ichki isteʼmol maqsadlariga asosiy turdagi qishloq xoʻjaligi mahsulotlarini zaxiraga jamgʻarish va maqsadli ishlatilishini muvofiqlashtirish boʻyicha respublika ishchi guruhi

1. Mirzayev Z.T. — Oʻzbekiston Respublikasi Bosh vazirining oʻrinbosari, respublika ishchi guruhi rahbari 2. Yusupov B.T. — Qishloq xoʻjaligi vaziri 3. Mirzayev M.M. — Iqtisodiyot vazirining birinchi oʻrinbosari 4. Karimov A.R. — Moliya vazirining oʻrinbosari 5. Gadoyev E.F. — Davlat soliq qoʻmitasi raisining oʻrinbosari 6. Yunusov J. — Xususiylashtirilgan korxonalarga koʻmaklashish va raqobatni rivojlantirish davlat qoʻmitasi raisining oʻrinbosari 7. Islomov A. — Markaziy bank raisining oʻrinbosari 8. Fayziyev Z.O. — “Oʻzbekoziqovqatzaxira” uyushmasi raisi 9. Lavozim boʻyicha — Qoraqalpogʻiston Respublikasi Vazirlar Kengashi Raisining iqtisodiyot va tadbirkorlikni rivojlantirish masalalari boʻyicha birinchi oʻrinbosari, viloyatlar va Toshkent shahar hokimlarining iqtisodiyot va tadbirkorlikni rivojlantirish masalalari boʻyicha birinchi oʻrinbosarlari 10. Qobilov I.M. — Vazirlar Mahkamasi apparatining bosh mutaxassisi, respublika ishchi guruhi kotibi

Vazirlar Mahkamasining 2018-yil 25-oktabrdagi 866-son qaroriga 10-ILOVA

2018-2019-yillar qish va bahor mavsumi uchun ijtimoiy soha muassasalari ehtiyojlari uchun asosiy turdagi qishloq xoʻjaligi mahsulotlarini zaxiraga jamgʻarish va maqsadli ishlatilishini muvofiqlashtirish boʻyicha respublika ishchi guruhi

1. Abduhakimov A.A. — Oʻzbekiston Respublikasi Bosh vazirining oʻrinbosari, respublika ishchi guruhi rahbari 2. Haydarov A.Ya. — Moliya vazirining birinchi oʻrinbosari 3. Ergashev A.E. — Qishloq xoʻjaligi vazirining oʻrinbosari 4. Shodmonov A.Q. — Sogʻliqni saqlash vaziri 5. Shermatov Sh.Sh. — Xalq taʼlimi vaziri 6. Shin A.V. — Maktabgacha taʼlim vaziri 7. Fayziboyev O.E. — Davlat soliq qoʻmitasi raisining oʻrinbosari 8. Lavozim boʻyicha — Qoraqalpogʻiston Respublikasi Vazirlar Kengashi Raisining iqtisodiyot va tadbirkorlikni rivojlantirish masalalari boʻyicha birinchi oʻrinbosari, viloyatlar va Toshkent shahar hokimlarining iqtisodiyot va tadbirkorlikni rivojlantirish masalalari boʻyicha birinchi oʻrinbosarlari 9. Azimov R.R. — Vazirlar Mahkamasi apparatining bosh mutaxassisi, respublika ishchi guruhi kotibi

Vazirlar Mahkamasining 2018-yil 25-oktabrdagi 866-son qaroriga 11-ILOVA

2018-2019-yillar qish va bahor mavsumi uchun ichki isteʼmol va ijtimoiy soha muassasalari ehtiyojlari uchun asosiy turdagi qishloq xoʻjaligi mahsulotlarini zaxiraga xarid qilishga bank kreditlari ajratish va budjet, budjetdan tashqari jamgʻarmalar hisobidan moliyalashtirish masalalarini muvofiqlashtirish boʻyicha respublika ishchi guruhi

1. Qoʻchqorov J.A. — Oʻzbekiston Respublikasi Bosh vazirining oʻrinbosari — Moliya vaziri, respublika ishchi guruhi rahbari 2. Haydarov A.Ya. — Moliya vazirining birinchi oʻrinbosari 3. Shadmanov A.Q. — Sogʻliqni saqlash vaziri 4. Shermatov Sh.Sh. — Xalq taʼlimi vaziri 5. Shin A.V. — Maktabgacha taʼlim vaziri 6. Rahbarov N.A. — “Oʻzbekoziqovqatzaxira” uyushmasi raisining oʻrinbosari 7. Nurmuratov M.B. — Markaziy bank boshqaruvi raisi 8. Mirsoatov A.Q. — Tashqi iqtisodiy faoliyat milliy bank boshqaruvi raisi 9. Voitov A. — “Oʻzsanoatqurilish” bank boshqaruvi raisi 10. Abdullayev A.N. — Xalq banki boshqaruvi raisi 11. Mullajonov Q. — “Asaka” bank boshqaruvi raisi 12. Musayev O.M. — “Ipoteka” bank boshqaruvi raisi 13. Mullaxonov B.M. — “Qishloqqurilishbank” boshqaruvi raisi 14. Mamatqulov R. — “Agrobank” boshqaruvi raisi vazifasini bajaruvchi 15. Rasulov Sh. — “Mikrokreditbank” boshqaruvi raisi 16. Lavozim boʻyicha — Qoraqalpogʻiston Respublikasi Vazirlar Kengashi Raisining iqtisodiyot va tadbirkorlikni rivojlantirish masalalari boʻyicha birinchi oʻrinbosari, viloyatlar va Toshkent shahar hokimlarining iqtisodiyot va tadbirkorlikni rivojlantirish masalalari boʻyicha birinchi oʻrinbosarlari 17. Boboyorov S.R. — Vazirlar Mahkamasi apparatining bosh mutaxassisi, respublika ishchi guruhi kotibi

Vazirlar Mahkamasining 2018-yil 25-oktabrdagi 866-son qaroriga 12-ILOVA

2018-2019-yillar qish va bahor mavsumida ichki isteʼmol va ijtimoiy sohalar ehtiyojlari uchun asosiy turdagi qishloq xoʻjaligi mahsulotlarini zaxiraga jamgʻarish va savdoga chiqarish yuzasidan monitoring olib borish boʻyicha respublika ishchi guruhi

1. Xoʻjayev B.A. — Iqtisodiyot vaziri, respublika ishchi guruhi rahbari 2. Karimov A.R. — Moliya vazirining oʻrinbosari 3. Yusupaliyev B.Q. — Sogʻliqni saqlash vazirining birinchi oʻrinbosari 4. Babaxodjayev S.N. — Xalq taʼlimi vazirining oʻrinbosari 5. Mamatqulov Sh.A. — Maktabgacha taʼlim vazirining oʻrinbosari 6. Axmadjonov N.T. — “Oʻzbekoziqovqatzaxira” uyushmasi raisining oʻrinbosari 7. Fayziboyev O.E. — Davlat soliq qoʻmitasi raisining oʻrinbosari 8. Yunusov J. — Xususiylashtirilgan korxonalarga koʻmaklashish va raqobatni rivojlantirish davlat qoʻmitasi raisining oʻrinbosari 9. Islomov A. — Markaziy bank raisining oʻrinbosari 10. Lavozim boʻyicha — Qoraqalpogʻiston Respublikasi Vazirlar Kengashi Raisining iqtisodiyot va tadbirkorlikni rivojlantirish masalalari boʻyicha birinchi oʻrinbosari, viloyatlar va Toshkent shahar hokimlarining iqtisodiyot va tadbirkorlikni rivojlantirish masalalari boʻyicha birinchi oʻrinbosarlari 11. Abdusamatova F.S. — Iqtisodiyot vazirligi boshqarmasi boshligʻining oʻrinbosari, respublika ishchi guruhi kotibi

Vazirlar Mahkamasining 2018-yil 25-oktabrdagi 866-son qaroriga 13-ILOVA

2018-2019-yillar qish va bahor mavsumi uchun ichki isteʼmol maqsadlari va ijtimoiy sohalar ehtiyojlari uchun asosiy turdagi qishloq xoʻjaligi mahsulotlarini zaxiraga jamgʻarish, ichki bozorga savdoga chiqarish va ijtimoiy soha muassasalari tomonidan ishlatilishini nazorat qilish boʻyicha respublika ishchi guruhi

1. Musayev B.A. — Davlat soliq qoʻmitasi raisining birinchi oʻrinbosari, respublika ishchi guruhi rahbari 2. Pak V.A. — Moliya vazirining oʻrinbosari 3. Yusupaliyev B.Q. — Sogʻliqni saqlash vazirining birinchi oʻrinbosari 4. Babaxodjayev S.N. — Xalq taʼlimi vazirining oʻrinbosari 5. Mamatqulov Sh.A. — Maktabgacha taʼlim vazirining oʻrinbosari 6. Axmadjonov N.T. — “Oʻzbekoziqovqatzaxira” uyushmasi raisining oʻrinbosari 7. Yunusov J. — Xususiylashtirilgan korxonalarga koʻmaklashish va raqobatni rivojlantirish davlat qoʻmitasi raisining oʻrinbosari 8. Sobirov N. — Moliya vazirligi Davlat moliyaviy nazorati bosh boshqarmasi boshligʻi 9. Lavozim boʻyicha — Qoraqalpogʻiston Respublikasi Vazirlar Kengashi Raisining iqtisodiyot va tadbirkorlikni rivojlantirish masalalari boʻyicha birinchi oʻrinbosari, viloyatlar va Toshkent shahar hokimlarining iqtisodiyot va tadbirkorlikni rivojlantirish masalalari boʻyicha birinchi oʻrinbosarlari 10. Maxmadoʻstov J.M. — Davlat soliq qoʻmitasi boshqarmasi boshligʻining oʻrinbosari, respublika ishchi guruhi kotibi