“Fuqarolarning jamgʻarib boriladigan pensiya taʼminoti toʻgʻrisida”gi Oʻzbekiston Respublikasi Qonunini amalga oshirish chora-tadbirlari haqida (595-son)

21.12.2004

Oʻzbekiston Respublikasi Vazirlar Mahkamasining

qarori

“Fuqarolarning jamgʻarib boriladigan pensiya taʼminoti toʻgʻrisida”gi Oʻzbekiston Respublikasi Qonunini ijro etish va pensionerlarning farovonligini qoʻshimcha ravishda oshirish uchun shart-sharoitlar yaratish maqsadida Vazirlar Mahkamasi qaror qiladi:

1. 2005-yil 1-yanvardan boshlab amaldagi fuqarolarning davlat pensiya taʼminoti tizimiga qoʻshimcha ravishda jamgʻarib boriladigan pensiya tizimi joriy etilsin.

2. Belgilansinki:

2005-yilda fuqarolarning shaxsiy jamgʻarib boriladigan pensiya hisob raqamlariga majburiy har oylik badallar jismoniy shaxslarning qonunchilikka muvofiq hisoblab chiqarilgan daromad soligʻi summasidan tegishli ravishda chiqarib tashlangan holda xodimning hisoblangan ish haqi (daromadi)ning ikki foizi miqdorida amalga oshiriladi;

xodimlarning shaxsiy jamgʻarib boriladigan pensiya hisobvaraqlariga har oylik badallar toʻlash 2005-yilning yanvar oyi uchun hisoblangan ish haqi (daromad)dan boshlanadi;

jamgʻarib boriladigan pensiya tizimida ixtiyoriylik asosida qatnashadigan fuqarolar tomonidan shaxsiy pensiya hisobvaraqlariga badallar miqdori va toʻlash muddatlari mustaqil ravishda belgilanadi.

3. Quyidagilar:

Xalq banki tomonidan fuqarolarni jamgʻarib boriladigan pensiya tizimida shaxsan hisobga olishni yuritish tartibi toʻgʻrisidagi nizom 1-ilovaga muvofiq;

Fuqarolarning Xalq bankidagi shaxsiy jamgʻarib boriladigan pensiya hisobvaraqlarini ochish va yuritish hamda ularga majburiy va ixtiyoriy badallarni toʻlash tartibi toʻgʻrisidagi nizom 2-ilovaga muvofiq;

Fuqarolarning shaxsiy jamgʻarib boriladigan pensiya hisobvaraqlaridan mablagʻ toʻlash tartibi toʻgʻrisidagi nizom 3-ilovaga muvofiq;

Jamgʻarib boriladigan pensiya daftarchasi toʻgʻrisidagi nizom 4-ilovaga muvofiq tasdiqlansin.

4. Belgilansinki, shaxsiy jamgʻarib boriladigan pensiya hisobvaraqlariga shaxsiy tartib raqami berish pasport tizimiga muvofiq aniqlanadigan fuqaroning identifikatsiya raqami (shaxsiy kodi) asosida amalga oshiriladi.

Ichki ishlar organlari, tumanlar va shaharlar hokimliklari jamgʻarib boriladigan pensiya tizimida hisobga qoʻyish uchun fuqarolarning identifikatsiya raqamlarini (shaxsiy kodini) aniqlashda va Xalq bankida shaxsiy jamgʻarib boriladigan pensiya hisobvaraqlarini ochishda xoʻjalik yurituvchi subyektlarga zarur yordam koʻrsatsinlar.

5. Qoraqalpogʻiston Respublikasi Vazirlar Kengashi, viloyatlar, tumanlar va shaharlar hokimliklari korxonalar, tashkilotlar, muassasalar, fermer xoʻjaliklari va yuridik shaxs tashkil etgan boshqa xoʻjalik yurituvchi subyektlar tomonidan 2005-yil 5-yanvargacha boʻlgan muddatda ish beruvchilar joylashgan joy boʻyicha Xalq bankining tuman (shahar) filiallariga belgilangan shakllarga muvofiq xodimlarni jamgʻarib boriladigan pensiya tizimida hisobga olish uchun maʼlumotlar taqdim etilishini taʼminlasinlar.

Maʼlumotlar oʻz vaqtida taqdim etilishi, ularning toʻliqligi va ishonchliligi uchun shaxsiy javobgarlik xoʻjalik yurituvchi subyektlarning rahbarlari zimmasiga yuklansin.

6. Xalq banki 2005-yil 1-martgacha boʻlgan muddatda xoʻjalik yurituvchi subyektlar tomonidan taqdim etilgan maʼlumotlar asosida xodimlar jamgʻarib boriladigan pensiya tizimida hisobga olinishini, ular uchun shaxsiy jamgʻarib boriladigan pensiya hisobvaraqlari ochilishini va jamgʻarib boriladigan pensiya daftarchalari berilishini amalga oshirsin.

Xalq banki Oʻzbekiston Respublikasi Davlat statistika qoʻmitasi, Moliya vazirligi bilan birgalikda 2005-yil 1-aprelgacha boʻlgan muddatda Vazirlar Mahkamasiga viloyatlar, shaharlar va tumanlar boʻyicha fuqarolarning jamgʻarib boriladigan pensiya tizimida hisobga olinishining toʻliqligi toʻgʻrisida axborot bersin.

7. Xalq banki 2008-yil 1-yanvargacha budjetga soliqlarning barcha turlarini toʻlashdan ozod etilsin, boʻshab qolgan mablagʻlar shaxsiy jamgʻarib boriladigan pensiya hisobvaraqlarini ochish va yuritishga doir operatsiya xarajatlarini kompensatsiya qilishga maqsadli yoʻnaltirilsin.

8. Oʻzbekiston Respublikasi Xalq banki Markaziy bank va Davlat soliq qoʻmitasi bilan birgalikda:

bir oy muddatda fuqarolarni jamgʻarib boriladigan pensiya tizimida hisobga olish va shaxsiy jamgʻarib boriladigan pensiya hisobvaraqlari ochish imkonini beradigan maʼlumotlar elektron bazasini shakllantirish uchun dasturiy taʼminlashni ishlab chiqish chora-tadbirlarini koʻrsin;

2005-yil 1-iyulgacha boʻlgan muddatda jamgʻarib boriladigan pensiya tizimining barcha darajalarida maʼlumotlar ayirboshlanishi va ularning ishonchli himoya qilinishi imkoniyatini nazarda tutuvchi yagona maʼlumotlar elektron bazasining moddiy-texnik asosi shakllantirilishini va uning dasturiy taʼminlanishini tugallasin;

jamgʻarib boriladigan pensiya tizimi ishlashini taʼminlash uchun Xalq bankining hududiy, tuman (shahar) filiallari xodimlarini tayyorlash va oʻqitishni bir oy muddatda amalga oshirsin.

9. Xalq banki, Oʻzbekiston Respublikasi Mehnat va aholini ijtimoiy muhofaza qilish vazirligi:

kompyuter texnikasi sotib olish, yagona maʼlumotlar elektron bazasini shakllantirish axborot tizimining puxta ishlashini taʼminlovchi elektron dasturiy vositalarni ishlab chiqish;

zarur miqdorda jamgʻarib boriladigan pensiya daftarchalarini, jamgʻarib boriladigan pensiya toʻlovlarini olish huquqi toʻgʻrisidagi guvohnomalar blankalarini va jamgʻarib boriladigan pensiya tizimida shaxsan hisobga olish boʻyicha maʼlumotlarni taqdim etish shakllarini tayyorlash uchun mablagʻlarga boʻlgan ehtiyoj toʻgʻrisida bir hafta muddatda Oʻzbekiston Respublikasi Moliya vazirligi, Iqtisodiyot vazirligi va Markaziy bankka asoslangan takliflarni taqdim etsinlar.

Oʻzbekiston Respublikasi Moliya vazirligi Iqtisodiyot vazirligi va Markaziy bank bilan birgalikda ikki hafta muddatda Vazirlar Mahkamasiga koʻrsatib oʻtilgan xarajatlarni moliyalashtirish manbalari va hajmlari boʻyicha takliflar kiritsin.

10. Xalq banki oʻn kun muddatda oʻzining tashkiliy tuzilmasiga belgilangan tartibda oʻzgartirishlar kiritsin, Xalq bankining markaziy apparatida Xalq bankining hududiy, tuman (shahar) filiallarida jamgʻarib boriladigan pensiya tizimida fuqarolarni hisobga olish, shaxsiy jamgʻarib boriladigan hisobvaraqlariga xizmat koʻrsatish va jamgʻarib boriladigan pensiya toʻlovlarini amalga oshirish boʻyicha tegishli boʻlinmalarga ega boʻlgan jamgʻarib boriladigan pensiya tizimi boshqarmasini tashkil etsin.

Xalq banki Oʻzbekiston Respublikasi Moliya vazirligi bilan birgalikda 2005-yil 1-fevralgacha jamgʻarib boriladigan pensiya tizimi boshqarmasining va tegishli hududiy boʻlinmalarning tuzilmasi va xodimlari soni boʻyicha zarur takliflar kiritsin.

11. Oʻzbekiston Respublikasi Moliya vazirligi, Markaziy bank, Davlat soliq qoʻmitasi, Mehnat va aholini ijtimoiy muhofaza qilish vazirligi hamda Xalq banki korxonalar, tashkilotlar va muassasalarning xodimlari uchun metodik qoʻllanmalar, koʻrsatmalar va yoʻriqnomalar ishlab chiqilishini taʼminlasinlar, joylarda jamgʻarib boriladigan pensiya tizimining faoliyat koʻrsatishi masalalari yuzasidan xoʻjalik yurituvchi subyektlarning rahbarlari va buxgalterlari bilan seminarlar oʻtkazilishini tashkil qilsinlar.

Qoraqalpogʻiston Respublikasi Vazirlar Kengashi, viloyatlar, tumanlar va shaharlar hokimliklari joylarda jamgʻarib boriladigan pensiya tizimini joriy etish boʻyicha zarur tashkiliy ishlarni amalga oshirsinlar.

12. Oʻzbekiston Respublikasi Iqtisodiyot vazirligi (R.S. Azimov), Markaziy bank, Moliya vazirligi, Xalq banki 2005-yil 10-yanvargacha:

“Fuqarolarning jamgʻarib boriladigan pensiya taʼminoti toʻgʻrisida”gi Oʻzbekiston Respublikasi Qonunida va ushbu qarorda jamgʻarib boriladigan pensiya tizimini joriy etish boʻyicha nazarda tutilgan chora-tadbirlarni bajarish yuzasidan hududiy seminarlar oʻtkazsinlar;

har qaysi viloyatda vujudga kelgan muayyan vaziyatni hisobga olgan holda mazkur tadbirlarni amalga oshiruvchi tuzilmalar tarmoqlari xodimlari sonini belgilasinlar.

13. Oʻzbekiston Teleradio kompaniyasi, Oʻzbekiston matbuot va axborot agentligi, Qoraqalpogʻiston Respublikasi Vazirlar Kengashi, viloyatlar, tumanlar va shaharlar hokimliklari, fuqarolarning oʻzini oʻzi boshqarish organlari ommaviy axborot vositalarida mavzuli eshittirishlar va maqolalar turkumlari tashkil etish, mutaxassislarni jalb etgan holda maʼruzalar va uchrashuvlar uyushtirish yoʻli bilan jamgʻarib boriladigan qoʻshimcha pensiya tizimining mexanizmi faoliyati va afzalliklarini aholi oʻrtasida keng tushuntirish ishlari amalga oshirilishini taʼminlasinlar.

14. Oʻzbekiston Respublikasi Adliya vazirligi manfaatdor vazirliklar va idoralar bilan birgalikda bir oy muddatda amaldagi qonun hujjatlariga ushbu qarordan kelib chiquvchi oʻzgartirishlar va qoʻshimchalar toʻgʻrisida Vazirlar Mahkamasiga takliflar kiritsin hamda idoraviy normativ-huquqiy hujjatlarning mazkur qarorga muvofiqlashtirilishini taʼminlasin.

15. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari R.S. Azimov zimmasiga yuklansin.

Vazirlar Mahkamasining Raisi I. KARIMOV

Toshkent sh.,

2004-yil 21-dekabr,

595-son

Vazirlar Mahkamasining 2004-yil 21-dekabrdagi 595-son qaroriga 1-ILOVA

Xalq banki tomonidan fuqarolarni jamgʻarib boriladigan pensiya tizimida shaxsan hisobga olishni yuritish tartibi toʻgʻrisida

NIZOM

I. Umumiy qoidalar

1. Mazkur Nizom “Fuqarolarning jamgʻarib boriladigan pensiya taʼminoti toʻgʻrisida”gi Oʻzbekiston Respublikasi Qonuniga muvofiq jamgʻarib boriladigan pensiya tizimida fuqarolarni shaxsiy hisobga qoʻyishni tashkil etishning normativ-huquqiy asosini, prinsiplari va mexanizmlarini belgilaydi.

2. Mazkur Nizomda quyidagi asosiy tushunchalardan foydalaniladi:

fuqarolarni shaxsiy hisobga olish (keyingi oʻrinlarda matnda “shaxsiy hisobga olish” deb yuritiladi) — jamgʻarib boriladigan pensiya tizimining har bir qatnashchisi toʻgʻrisidagi maʼlumotlarni tashkil etish va ularning hisobini yuritish;

jamgʻarib boriladigan pensiya badallarini kirituvchi (keyingi oʻrinlarda matnda “badal kirituvchi” deb yuritiladi) — jamgʻarib boriladigan pensiya toʻlovlarini oluvchining foydasiga badallar kiritayotgan ish beruvchi yuridik shaxs yoki jismoniy shaxs;

shaxsiy jamgʻarib boriladigan pensiya hisobvaragʻi — fuqaroning Xalq bankidagi egasi yozilgan shaxsiy hisobvaragʻi boʻlib, badal kirituvchilarning jamgʻarib boriladigan pensiya badallari va ulardan jamgʻarib boriladigan pensiya toʻlovlari toʻlanadigan shaxsiy jamgʻarib boriladigan hisobvaraqlaridagi mablagʻlarga hisoblab qoʻshilgan foizlar ana shu hisobvaragʻiga kelib tushadi va unda hisobga olinadi;

jamgʻarib boriladigan pensiya toʻlovlarini oluvchi — uning foydasiga jamgʻarib boriladigan pensiya tizimiga badallar kiritiladigan (uning shaxsiy jamgʻarib boriladigan pensiya hisobvaragʻiga badallar oʻtkaziladi), shaxsiy jamgʻarib boriladigan pensiya hisobvaragʻidan jamgʻarib boriladigan pensiya toʻlovlarini olish huquqiga ega boʻlgan jismoniy shaxs;

jamgʻarib boriladigan pensiya daftarchasi — fuqarolarning shaxsiy jamgʻarib boriladigan pensiya tizimida qatnashishini tasdiqlovchi hujjat, unda shaxsiy jamgʻarib boriladigan pensiya hisobvaragʻining asosiy rekvizitlari koʻrsatiladi va ushbu hisobvaragʻida pul mablagʻlarining harakati aks ettiriladi.

3. Quyidagilar shaxsiy hisobga olishning maqsadlari hisoblanadi:

fuqaroning jamgʻarib boriladigan pensiya tizimida qatnashishi toʻgʻrisidagi maʼlumotlar hisobga olinishining toʻliqligini taʼminlash, badal kirituvchilar tomonidan shaxsiy pensiya toʻlovlarini oluvchi foydasiga amalga oshiriladigan shaxsiy jamgʻarilib boriladigan pensiya hisobvaragʻiga badallar kiritish davrlari va miqdorlari, mablagʻlarni joylashtirishdan olingan foizli daromadlar toʻgʻrisidagi maʼlumotlar ham shu jumlaga kiradi;

jamgʻarib boriladigan pensiya tizimining qatnashchilari va ularning shaxsiy jamgʻarib boriladigan pensiya hisobvaragʻiga omonatlari toʻgʻrisidagi Xalq bankining jamgʻarib boriladigan pensiya tizimi yagona maʼlumotlar elektron bazasini yaratish;

mablagʻlarning shaxsiy jamgʻarib boriladigan pensiya hisobvaragʻiga toʻgʻri oʻtkazilganligini tezkor nazorat qilish uchun shart-sharoitlar yaratish;

jamgʻarib boriladigan pensiya tizimi qatnashchilariga jamgʻarib boriladigan pensiya toʻlovlari tayinlash tartibini soddalashtirish va tartib-qoidasini tezlashtirish.

4. Shaxsiy hisobga olish quyidagi prinsiplarga asoslanadi:

jamgʻarib boriladigan pensiya tizimida qatnashayotgan fuqarolar toʻgʻrisidagi maʼlumotlar hisobining majburiyligi, toʻliqligi va tezkorligi;

shaxsiy hisobga olish maʼlumotlarining maxfiyligi, ushbu maʼlumotlardan faqat jamgʻarib boriladigan pensiya tizimi maqsadlari uchun foydalanish;

jamgʻarib boriladigan pensiya tizimi qatnashchilari boʻlgan fuqarolarning jamgʻarib boriladigan pensiya tizimidagi oʻzlarining hisobvaraqlari toʻgʻrisidagi maʼlumotlardan foydalanishi.

II. Shaxsiy hisobga olishni tashkil etish

5. Oʻzbekiston Respublikasi Xalq banki shaxsiy hisobga olishni amalga oshiruvchi hisoblanadi.

6. Shaxsiy hisobga olish quyidagilarni oʻz ichiga oladi:

fuqarolarni jamgʻarib boriladigan pensiya tizimida hisobga olish;

ish davrlari (oʻzgarishlar) va hisobga olingandan keyingi ish davri uchun shaxsiy jamgʻarib boriladigan pensiya hisobvaragʻiga badallar toʻlash miqdorlari toʻgʻrisidagi maʼlumotlarni yigʻish;

jamgʻarib boriladigan pensiya toʻlovlari miqdorini belgilash va unga tuzatish kiritish jarayonini axborot bilan taʼminlash.

7. Ish beruvchilar, shuningdek, mehnat faoliyatini mehnat shartnomasi asosida amalga oshirayotgan fuqarolar uchun jamgʻarib boriladigan pensiya tizimida qatnashish majburiy hisoblanadi, agar qonunchilikda boshqacha hollar nazarda tutilmagan boʻlsa.

Fuqaroni jamgʻarib boriladigan pensiya tizimida hisobga qoʻyish Oʻzbekiston Respublikasi Vazirlar Mahkamasi tomonidan belgilanadigan tartibda amalga oshiriladi.

Xalq bankining filiali fuqaro jamgʻarib boriladigan pensiya tizimida hisobga olingandan boshlab ikki ish kuni mobaynida jamgʻarib boriladigan pensiya daftarchasini rasmiylashtiradi.

10. Ish beruvchi tegishli xabarnoma kelgan kundan boshlab besh ish kuni mobaynida Xalq banki jamgʻarib boriladigan pensiya daftarchalarini, ilova qilinadigan vedomostni oladi va ular olingan kundan boshlab uch ish kuni mobaynida xodimlarga beradi. Xodim jamgʻarib boriladigan pensiya daftarchasini olganligi toʻgʻrisida ilova qilinadigan vedomostga imzo chekadi. Ilova qilinadigan vedomost toʻldirilgandan keyin besh kun muddatda Xalq banki filialiga qaytariladi.

Agar ish beruvchi xodim uzoq vaqt boʻlmaganligi munosabati bilan jamgʻarib boriladigan pensiya daftarchasini unga berish imkoniyatiga ega boʻlmasa, ish beruvchi jamgʻarib boriladigan pensiya daftarchasidagi yozuvlarni tekshiradi, ilova qilinadigan vedomostda boʻlmagan xodim uchun imzo qoʻyadi va jamgʻarib boriladigan pensiya daftarchasini boʻlmagan xodimga topshirish yuzasidan zarur chora-tadbirlar koʻradi.

11. Jamgʻarib boriladigan pensiya tizimida shaxsiy hisobda turgan (shaxsiy jamgʻarib boriladigan pensiya hisobvaragʻiga va jamgʻarib boriladigan pensiya daftarchasiga ega boʻlgan) xodimni ishga qabul qilishda, xodim ish beruvchiga oʻzining shaxsiy jamgʻarib boriladigan pensiya hisobvaragʻi toʻgʻrisidagi maʼlumotlarni taqdim etadi.

12. Hisobga olingandan keyin ixtiyoriy tartibda jamgʻarib boriladigan pensiya tizimida qatnashuvchi shaxsga besh ish kuni mobaynida uning shaxsiy imzosi ostida jamgʻarib boriladigan pensiya daftarchasi beriladi.

13. Jamgʻarib boriladigan pensiya tizimida shaxsiy hisobga olish toʻgʻrisidagi maʼlumotlar jamgʻarib boriladigan pensiya toʻlovlarini oluvchi toʻgʻrisidagi quyidagi umumiy maʼlumotlarni oʻz ichiga oladi:

a) bir vaqtning oʻzida jamgʻarib boriladigan pensiya daftarchasining ham tartib raqami hisoblangan shaxsiy jamgʻarib boriladigan pensiya hisobvaragʻining tartib raqami;

b) jamgʻarib boriladigan pensiya toʻlovlarini oluvchining hisobga olish paytidagi familiyasi, ismi, otasining ismi;

v) jinsi;

g) tugʻilgan sanasi va joyi;

d) jamgʻarib boriladigan pensiya toʻlovlarini oluvchining hisobga olish paytida mavjud boʻlgan pasportining seriyasi va raqami;

e) jamgʻarib boriladigan pensiya tizimida hisobga olish sanasi;

j) qonunchilikda nazarda tutilgan asoslar boʻyicha hisobga olishdan chiqarish sanasi;

z) hisobga olgan Xalq banki filialining nomi.

Mazkur bandning “b” va “d” kichik bandlarida koʻrsatilgan maʼlumotlar oʻzgarganda shaxsiy hisobga olish maʼlumotlariga tegishli qoʻshimchalar kiritiladi.

14. Jamgʻarib boriladigan pensiya tizimida shaxsiy hisobga olish toʻgʻrisidagi maxsus maʼlumotlar shaxsiy jamgʻarib boriladigan pensiya hisobvaragʻiga badallar miqdori va ularni toʻlash davrlarini aks ettiradi hamda quyidagilarni oʻz ichiga oladi:

a) shaxsiy jamgʻarib boriladigan pensiya hisobvaragʻiga badallar amalga oshirilgan davrlar (oylar);

b) ish beruvchi tomonidan taqdim etilgan axborotga muvofiq shaxsiy jamgʻarib boriladigan pensiya hisobvaragʻiga badallar ulardan amalga oshirilgan ish haqi va boshqa daromadlar miqdori;

v) shaxsiy jamgʻarib boriladigan pensiya hisobvaragʻiga hisoblangan va toʻlangan badallar summasi;

g) shaxsiy jamgʻarib boriladigan pensiya hisobvaragʻiga hisoblangan foizli daromadlar summasi;

d) shaxsiy jamgʻarib boriladigan pensiya hisobvaragʻidan toʻlangan jamgʻarib boriladigan pensiya toʻlovlari summasi.

Mazkur bandning “a”—“g” kichik bandlarida koʻrsatilgan maʼlumotlar yangi maʼlumotlar paydo boʻlishiga qarab muntazam ravishda toʻldiriladi va oʻzgartiriladi.

15. Shaxsiy hisobga olishni yuritish uchun qonunchilikka va idoraviy normativ hujjatlarga muvofiq kiritiladigan boshqa maʼlumotlardan ham foydalanish mumkin.

16. Har bir ish beruvchi hisobot oyidan keyingi oyining 15-kunigacha har oyda mazkur Nizomga 3-ilovaga muvofiq shakl boʻyicha shaxsiy jamgʻarib boriladigan pensiya tizimida ishtirok etayotgan xodimlar reyestrini jamgʻarib boriladigan pensiya tizimi yagona maʼlumotlar elektron bazasi formatida elektron hujjat sifatida shakllantirishi ish beruvchi soliq roʻyxatiga olingan joydagi Xalq banki filialiga elektron manbalarda taqdim etishi yoki uni Interaktiv davlat xizmatlari yagona portalidagi shaxsiy “tadbirkorlik subyekti kabineti” yoxud Internet tarmogʻining reyestrni yuborish imkonini beruvchi boshqa saytlari orqali bevosita jamgʻarib boriladigan pensiya tizimi yagona maʼlumotlar elektron bazasiga yuborishi shart.

Koʻrsatib oʻtilgan elektron hujjat tushgan pul mablagʻlarini fuqarolarning Xalq bankidagi shaxsiy jamgʻarib boriladigan pensiya tizimiga oʻtkazish uchun asos hisoblanadi.

Ish beruvchi tomonidan tuzilgan reyestrning qogʻoz manbasidagi asl nusxasini rahbar va bosh buxgalter imzolaydi va ish beruvchida saqlanadi.

17. Reyestrni jamgʻarib boriladigan pensiya tizimi yagona maʼlumotlar elektron bazasiga kiritish jarayonida xatolar va tafovutlar aniqlangan taqdirda ushbu reyestr qabul qilinmaydi va avtomatik rejimda xatolarni tuzatishi yoki tafovutlarni bartaraf etish uchun ish beruvchiga qaytariladi.

Ish beruvchi qaytarilgan reyestrdagi xatolarni tuzatadi yoki tafovutlarni bartaraf etadi hamda uch kun muddatda ish beruvchi soliq roʻyxatiga olingan joydagi Xalq banki filialiga elektron manbalarda takroran taqdim etadi yoki Interaktiv davlat xizmatlari yagona portalidagi shaxsiy “tadbirkorlik subyekti kabineti” yoxud Internet tarmogʻining reyestrni yuborish imkonini beruvchi boshqa saytlari orqali yuboradi.

Agar hisobot oyidan keyingi oyning 25-kunigacha ish beruvchi reyestrga tuzatish kiritish choralarini koʻrmasa, Xalq banki filiali bu haqda davlat soliq xizmatining tegishli hududiy organini chora koʻrish uchun xabardor qiladi.

18. Xodim ishdan boʻshagan taqdirda ish beruvchi bir hafta muddatda Xalq bankining xizmat koʻrsatuvchi filialiga tegishli maʼlumotlarni yuboradi.

19. Korxona tugatilgan taqdirda ish beruvchi bu haqda Xalq banki filialini xabardor qiladi va xodimlarni shaxsiy hisobga olish uchun zarur boʻlgan maʼlumotlarni yuboradi.

Tadbirkorlik subyekti — yuridik shaxs ixtiyoriy tugatilgan taqdirda tugatish toʻgʻrisida Xalq banki filiali yuridik shaxslarni davlat roʻyxatidan oʻtkazadigan organ tomonidan xabardor qilinadi.

20. Jamgʻarib boriladigan pensiya tizimida ixtiyoriy asosda qatnashadigan fuqarolar Xalq bankining filialiga toʻlov hujjatining nusxasi bilan birgalikda shaxsiy jamgʻarib boriladigan pensiya hisobvaragʻiga toʻlangan badallar toʻgʻrisidagi maʼlumotlarni taqdim etadi. Maʼlumotlar fuqaroning tanloviga koʻra istalgan vaqtda shaxsiy jamgʻarib boriladigan pensiya hisob varagʻiga badallar toʻlanishi bilan bir vaqtda taqdim etiladi.

21. Jamgʻarib boriladigan pensiya toʻlovlarini oluvchi vafot etgan taqdirda ish beruvchi yoki oluvchining merosxoʻrlari belgilangan tartibda fuqarolik holatini qayd etish yozuvlari organi tomonidan berilgan oluvchining vafot etganligi toʻgʻrisidagi guvohnoma asosida Xalq banki tomonidan belgilanadigan shakl boʻyicha maʼlumotlarni Xalq banki filialiga taqdim etadi.

22. Shaxsiy hisobga olish hujjatlari rahbarning imzosi bilan tasdiqlangan yozma shaklda taqdim etiladi yoki Interaktiv davlat xizmatlari yagona portalidagi shaxsiy “tadbirkorlik subyekti kabineti” orqali elektron shaklda yuboriladi. Elektron shaklda yuborilgan hujjatlar elektron raqamli imzo mavjud boʻlgan taqdirda yuridik kuchga ega boʻladi.

23. Ish beruvchilar, shuningdek ixtiyoriy asosdagi jamgʻarib boriladigan pensiya tizimida qatnashuvchi fuqarolar tomonidan taqdim etilgan hujjatlar Oʻzbekiston Respublikasida belgilangan moliyaviy hisobot hujjatlarini saqlash qoidalariga muvofiq saqlanadi.

Shaxsiy hisobga olish hujjatlarini saqlash muddati tamom boʻlgandan keyin ularni yoʻq qilish jamgʻarib boriladigan pensiya toʻlovlarini oluvchi jamgʻarib boriladigan pensiya tizimi yagona maʼlumotlar elektron bazasida mavjud boʻlgan maʼlumotlar bilan tanishgandan (kompyuterdan chiqarilgan shaklda taqdim etiladi) va unga tanishish sanasidagi holat boʻyicha shaxsiy jamgʻarib boriladigan pensiya hisobvaragʻidan koʻchirma topshirilgandan keyin amalga oshiriladi.

III. Shaxsiy hisobga olishni yuritish va shaxsiy maʼlumotlardan foydalanish tartibi

24. Xalq banki ish beruvchi tomonidan reyestr taqdim etilgandan keyin elektron toʻlov hujjatida koʻrsatilgan summalarni va reyestrda koʻrsatilgan badallarning yakuniy summasini solishtiradi hamda jamgʻarib boriladigan pensiya tizimi yagona maʼlumotlar elektron bazasi orqali fuqarolarning jamgʻarib boriladigan pensiya tizimiga oʻtkazadi.

Jamgʻarib boriladigan pensiya tizimida ixtiyoriy ravishda ishtirok etayotgan fuqarolardan tushgan shaxsiy hisobga olish maʼlumotlari tegishli murojaat Xalq banki filialiga tushgan kunda tekshiriladi va jamgʻarib boriladigan pensiya tizimiga oʻtkaziladi.

IV. Jamgʻarib boriladigan pensiya tizimi qatnashchilarining huquqlari, majburiyati va javobgarligi

25. Jamgʻarib boriladigan pensiya tizimi qatnashchisi boʻlgan fuqarolar quyidagi huquqlarga egadir:

oʻzining shaxsiy jamgʻarib boriladigan pensiya hisobvaragʻida mavjud boʻlgan maʼlumotlarni Xalq banki filialidan bir yilda bir marta bepul, shuningdek oʻz soʻroviga koʻra istalgan vaqtda olish;

istalgan vaqtda soʻrov boʻyicha shaxsiy hisobga olish uchun ish beruvchi tomonidan Xalq banki filialiga taqdim etilgan maʼlumotlarning nusxasini ish beruvchidan olish;

oʻzining shaxsiy jamgʻarib boriladigan pensiya hisobvaragʻida mavjud boʻlgan maʼlumotlarga, shu jumladan oʻtkazilgan jamgʻarib borilgan pensiya badallari summasiga rozi boʻlmagan taqdirda koʻrsatib oʻtilgan maʼlumotlarni tuzatish toʻgʻrisidagi ariza bilan ish beruvchiga, Xalq bankiga, yoxud sudga murojaat qilish.

26. Jamgʻarib boriladigan pensiya taʼminoti qatnashchilari boʻlgan fuqarolar quyidagilarga majburdir:

jamgʻarib boriladigan pensiya tizimida oʻz vaqtida shaxsiy hisobga olishda turish;

oʻzining shaxsiy jamgʻarib boriladigan pensiya hisobvaragʻidagi mavjud maʼlumotlar oʻzgarganligi, shuningdek jamgʻarib boriladigan pensiya daftarchasi yoʻqolganligi haqida ish beruvchiga yoki Xalq bankining filialiga maʼlum qilish;

jamgʻarib boriladigan pensiya daftarchasini zarur tartibda saqlash.

27. Ish beruvchi quyidagi huquqlarga egadir:

jamgʻarib boriladigan pensiya tizimi qatnashchilarini ishga qabul qilishda ulardan jamgʻarib boriladigan pensiya daftarchasi va shaxsiy jamgʻarib boriladigan pensiya hisobvaragʻini koʻrsatishni talab qilish;

jamgʻarib boriladigan pensiya tizimida hisobda turmagan xodimlardan mazkur Nizomning 13-bandida nazarda tutilgan maʼlumotlarni taqdim etishni talab qilish;

jamgʻarib boriladigan pensiya tizimida qatnashuvchi shaxslar toʻgʻrisidagi oʻzi tomonidan taqdim etilgan maʼlumotlarni tegishli organlar bilan kelishgan holda toʻldirish va aniqlashtirish;

fuqaroning identifikatsiya raqami (shaxsiy kodi) toʻgʻrisidagi maʼlumotlarni Oʻzbekiston Respublikasi ichki ishlar organlaridan soʻrash va olish.

28. Ish beruvchi quyidagilarga majburdir:

mazkur Nizomga muvofiq jamgʻarib boriladigan pensiya tizimida qatnashayotgan shaxslar toʻgʻrisidagi maʼlumotlarni belgilangan muddatda Xalq bankiga taqdim etish;

Xalq banki tegishli xabarnoma tushgan kundan boshlab besh ish kuni mobaynida xodimlarning rasmiylashtirilgan jamgʻarib boriladigan pensiya daftarchalarini olish va ularning qonunchilikda belgilangan tartibda berilishini taʼminlash;

hisoblangan badallarni shaxsiy jamgʻarib boriladigan pensiya tizimiga oʻz vaqtida va toʻgʻri oʻtkazish;

xodimning shaxsiy jamgʻarib boriladigan pensiya hisobvaragʻiga oʻtkazilgan badallar summasi toʻgʻrisida Xalq bankiga taqdim etilgan maʼlumotlar nusxalarini xodimning talabiga koʻra bepul berish;

xodimga berilgan jamgʻarib boriladigan pensiya daftarchasi rekvizitlarining xodimning shaxsini tasdiqlaydigan hujjat rekvizitlariga muvofiqligini nazorat qilish.

29. Xalq banki quyidagi huquqlarga egadir:

ish beruvchilar va jamgʻarib boriladigan pensiya tizimi qatnashchilaridan mazkur Nizomda belgilangan maʼlumotlar oʻz vaqtida va toʻgʻri taqdim etilishini talab etish;

fuqaroning identifikatsiya raqami (shaxsiy kodi) toʻgʻrisidagi maʼlumotlarni Oʻzbekiston Respublikasi ichki ishlar organlaridan soʻrash va olish.

30. Xalq banki quyidagilarga majburdir:

belgilangan muddatlarga rioya qilgan holda majburiy va ixtiyoriy tartibda jamgʻarib boriladigan pensiya tizimida qatnashayotgan fuqarolarni shaxsiy hisobga olishni taʼminlash;

jamgʻarib boriladigan pensiya tizimiga badallar toʻgʻrisidagi maʼlumotlarning tegishli shaxsiy jamgʻarib boriladigan pensiya hisobvaragʻiga va yagona maʼlumotlar elektron bazasiga oʻz vaqtida kiritilishini taʼminlash;

shaxsiy hisobga olish maʼlumotlari, shu jumladan birlamchi hisobga olish hujjatlari (soʻrovnomalar, reyestrlar va boshqalar) ishonchli saqlanishini taʼminlash;

mazkur Nizomda belgilangan maʼlumotlar jamgʻarib boriladigan pensiya badallarini toʻlovchilar tomonidan jamgʻarib boriladigan pensiya tizimiga taqdim etilishining toʻgʻriligini, shu jumladan ularning hisobga olish maʼlumotlarining toʻgʻriligi taqdim etilishi ustidan nazorat qilish;

fuqarolarning soʻroviga koʻra jamgʻarib boriladigan pensiya tizimida jamgʻarilgan badallar toʻgʻrisidagi maʼlumotlarni bepul berish va fuqarolarni ularning shaxsiy jamgʻarib boriladigan pensiya hisobvaragʻi holati toʻgʻrisida bir yilda bir marta majburiy tartibda xabardor qilish;

moliya va soliq organlariga ularning buyurtmanomalari boʻyicha jamgʻarib boriladigan pensiya tizimiga tegishli ularga yuklangan nazorat funksiyalari ushbu organlar tomonidan amalga oshirilishi uchun zarur boʻlgan umumlashtirilgan maʼlumotlarni taqdim etish;

jamgʻarib boriladigan pensiya tizimi qatnashchilari boʻlgan fuqarolarga va ish beruvchilarga ularning huquq va majburiyatlarini, shaxsiy hisobga olish texnologiyasini, shakllarni toʻldirish va maʼlumotlarni taqdim etish tartibini tushuntirish;

31. Xalq bankining mazkur Nizomga muvofiq shaxsiy hisobga olish maʼlumotlarini toʻplash, saqlash, berish va ulardan foydalanishda qatnashadigan rahbarlari va mansabdor shaxslari axborotning maxfiyligiga rioya qilishga majburdir.

Jamgʻarib boriladigan pensiya tizimida fuqarolarni shaxsiy hisobga olish maʼlumotlari Xalq banki tomonidan “Bank siri toʻgʻrisida”gi Oʻzbekiston Respublikasi Qonunida nazarda tutilgan tartibda taqdim etilishi mumkin. Koʻrsatilgan maʼlumotlardan foydalanish noqonuniy cheklanishida yoki axborot himoyasi rejimi buzilishida aybdor boʻlgan shaxslar qonunchilikka muvofiq javob beradilar.

Mazkur Nizomda nazarda tutilgan ishonchli va toʻliq hajmdagi maʼlumotlar taqdim etilishidan bosh tortgan jamgʻarib boriladigan pensiya tizimi qatnashchilari belgilangan tartibda javob beradilar.

Xalq banki tomonidan fuqarolarni jamgʻarib boriladigan pensiya tizimida shaxsan hisobga olishni yuritish tartibi toʻgʻrisidagi nizomga 3-ILOVA

Vazirlar Mahkamasining 2004-yil 21-dekabrdagi 595-son qaroriga 2-ILOVA

Xalq bankida fuqarolarning shaxsiy jamgʻarib boriladigan pensiya hisobvaraqlarini ochish va yuritish hamda ularga majburiy va ixtiyoriy badallarni kiritish tartibi toʻgʻrisida

NIZOM

I. Umumiy qoidalar

1. Mazkur Nizom “Fuqarolarning jamgʻarib boriladigan pensiya taʼminoti toʻgʻrisida”gi Oʻzbekiston Respublikasi Qonuniga muvofiq fuqarolarning shaxsiy jamgʻarib boriladigan pensiya hisobvaraqlarini ochish va yuritish hamda ularga majburiy va ixtiyoriy badallarni kiritish tartibini belgilaydi.

2. Mazkur Nizomda foydalaniladigan asosiy tushunchalar:

shaxsiy jamgʻarib boriladigan pensiya hisobvaragʻi — fuqaroning Xalq bankidagi egasi yozilgan shaxsiy hisobvaragʻi boʻlib, badal kirituvchilarning jamgʻarib boriladigan pensiya badallari va ulardan jamgʻarib boriladigan pensiya toʻlovlari toʻlanadigan shaxsiy jamgʻarib boriladigan hisobvaraqlaridagi mablagʻlarga hisoblab qoʻshilgan foizlar ana shu hisobvaragʻiga kelib tushadi va unda hisobga olinadi;

jamgʻarib boriladigan pensiya toʻlovlarini oluvchi — uning foydasiga jamgʻarib boriladigan pensiya tizimiga badallar kiritiladigan (uning shaxsiy jamgʻarib boriladigan pensiya hisobvaragʻiga badallar oʻtkaziladi), shaxsiy jamgʻarib boriladigan pensiya hisobvaragʻidan jamgʻarib boriladigan pensiya toʻlovlarini olish huquqiga ega boʻlgan jismoniy shaxs;

jamgʻarib boriladigan pensiya badallarini kirituvchi (keyingi oʻrinlarda “badal kirituvchi” deb yuritiladi) — jamgʻarib boriladigan pensiya toʻlovlarini oluvchining foydasiga badallar kiritayotgan jismoniy shaxs yoki ish beruvchi yuridik shaxs;

shaxsiy jamgʻarib boriladigan pensiya hisobvaragʻiga badallar — jamgʻarib boriladigan pensiya toʻlovlarini oluvchining foydasiga majburiy yoki ixtiyoriy tartibda badal kirituvchi tomonidan kiritiladigan pul mablagʻlari;

fuqarolarning pensiya jamgʻarmalari — shaxsiy jamgʻarib boriladigan pensiya hisobvaragʻida hisobga olingan va jamgʻarib boriladigan pensiya toʻlovlari miqdorini belgilaydigan pensiya badallari summasi va ular boʻyicha foizli daromadlar;

foizli daromadlar — qonunchilikda belgilangan tartibda jamgʻarib boriladigan pensiya tizimiga mablagʻlarni joylashtirish natijasida olingan va fuqarolarning pensiya jamgʻarmasidagi mablagʻlari qoldigʻiga qoʻshiladigan daromadlar.

3. Jamgʻarib boriladigan pensiya tizimi qatnashchilari, pensiya badallari summasining miqdori va harakati, shaxsiy jamgʻarib boriladigan pensiya hisobvaragʻiga pensiya jamgʻarmasi toʻgʻrisidagi maʼlumotlar maxfiy hisoblanadi va “Bank siri toʻgʻrisida”gi Oʻzbekiston Respublikasi Qonunining mavzusini tashkil etadi.

II. Shaxsiy jamgʻarib boriladigan pensiya hisobvaragʻining tarkibi va mazmuni

4. Shaxsiy jamgʻarib boriladigan pensiya hisobvaragʻi umumiy va maxsus qismlardan, zarurat boʻlganda, qoʻshimcha qismdan iboratdir.

5. Shaxsiy jamgʻarib boriladigan pensiya hisobvaragʻining umumiy qismida jamgʻarib boriladigan pensiya toʻlovlarini oluvchi toʻgʻrisidagi maʼlumotlar, shu jumladan quyidagi maʼlumotlar mavjud boʻladi:

a) shaxsiy jamgʻarib boriladigan pensiya hisobvaragʻining doimiy shaxsiy tartib raqami;

b) jamgʻarib boriladigan pensiya tizimida hisobga olish paytida jamgʻarib boriladigan pensiya toʻlovlarini oluvchining familiyasi, ismi, otasining ismi;

v) jinsi;

g) tugʻilgan sanasi;

d) tugʻilgan joyi — viloyat, tuman, aholi punkti;

e) doimiy yashash joyi (roʻyxatdan oʻtgan) manzili;

j) pasportdagi maʼlumotlar — pasportning seriyasi va raqami, pasport berilgan sana va joy. Ayrim hollarda — pasportning oʻrnini bosuvchi hujjatdagi maʼlumotlar;

z) ayni bir vaqtning oʻzida shaxsiy jamgʻarib boriladigan pensiya hisobvaragʻi ochilishi sanasi hisoblanadigan jamgʻarib boriladigan pensiya tizimida hisobga olingan sana.

Mazkur bandning “b” va “j” kichik bandlaridagi maʼlumotlar oʻzgargan taqdirda shaxsiy jamgʻarib boriladigan pensiya hisobvaragʻiga tegishli qoʻshimchalar kiritiladi.

6. Shaxsiy jamgʻarib boriladigan pensiya hisobvaragʻining maxsus qismida fuqarolarning pensiya jamgʻarmasi toʻgʻrisidagi, shu jumladan quyidagi maʼlumotlar mavjud boʻladi:

a) jamgʻarib boriladigan pensiya toʻlovlarini oluvchiga Xalq banki filiali tomonidan beriladigan jamgʻarib boriladigan pensiya daftarchasining tartib raqami;

b) har bir oy uchun va oʻsib boradigan yakunlar bilan xodimning ish haqi va boshqa daromadlari miqdori;

v) har bir oy uchun va oʻsib boruvchi yakun bilan majburiy badallar summasi;

g) har bir oy uchun va oʻsib boruvchi yakun bilan ixtiyoriy badallar summasi;

d) har bir kalendar yil uchun pensiya jamgʻarmalari qoldigʻiga foizli daromadlar shaklida hisoblangan summa;

e) kalendar yilning har bir oyi uchun va oʻsib boradigan yakun bilan toʻlangan pensiya jamgʻarmasi summasi;

j) har bir bank kunining boshlanishida shaxsiy jamgʻarib boriladigan pensiya hisobvaragʻidagi pensiya jamgʻarmalari qoldigʻi;

z) shaxsiy jamgʻarib boriladigan pensiya hisobvaragʻi yopilishining asosi va sanasi.

7. Shaxsiy jamgʻarib boriladigan pensiya hisobvaragʻining qoʻshimcha qismida qonunchilikda belgilangan tartibda kiritiladigan qoʻshimcha maʼlumotlar mavjud boʻladi. Qoʻshimcha maʼlumotlarni shaxsiy jamgʻarib boriladigan pensiya hisobvaragʻi tuzilmasida joylashtirish uchun alohida joy ajratiladi.

8. Shaxsiy jamgʻarib boriladigan pensiya hisobvaragʻining doimiy shaxsiy tartib raqami Xalq banki filiali tomonidan Oʻzbekiston Respublikasi Vazirlar Mahkamasining “Oʻzbekiston Respublikasi fuqarosining shaxs oʻxshashligi raqamini (shaxsiy kodini) aniqlash tartibi toʻgʻrisida” 1996-yil 31-maydagi 200-son qarorida nazarda tutilgan tartibda belgilanadigan fuqaroning identifikatsiya raqami (shaxsiy kodi) asosida beriladi.

Shaxsiy jamgʻarib boriladigan pensiya hisobvaragʻining doimiy shaxsiy tartib raqami oʻn toʻrtta oʻnlik raqamlardan (0 dan 9 gacha) iborat boʻladi. Shaxsiy jamgʻarib boriladigan pensiya hisobvaragʻining bitta doimiy shaxsiy tartib raqami faqat bitta shaxsiy jamgʻarib boriladigan pensiya hisobvaragʻiga berilishi mumkin va yagona hisoblanadi.

9. Fuqaroni jamgʻarib boriladigan pensiya tizimida hisobga olishda shaxsiy jamgʻarib boriladigan pensiya hisobvaragʻining doimiy shaxsiy tartib raqamini berish belgilangan tartibda amalga oshiriladi.

III. Shaxsiy jamgʻarib boriladigan pensiya hisobvaragʻini ochish

10. Fuqaroni jamgʻarib boriladigan pensiya tizimida hisobga qoʻyish davlat xizmati olishda shaxsiy jamgʻarib boriladigan pensiya hisobvaragʻini ochish uchun soʻrovnoma asos hisoblanadi.

13. Shaxsiy jamgʻarib boriladigan pensiya hisobvaragʻi mazkur Nizomning 8-bandida koʻrsatilgan maʼlumotlar unga toʻliq kiritilgan taqdirda ochilgan deb hisoblanadi.

14. Maʼlumotlarni shaxsiy jamgʻarib boriladigan pensiya hisobvaragʻiga kiritish qulay boʻlishi uchun Xalq bankining filiali tomonidan maʼlumotlarni kiritishning ularni kiritishda xato maʼlumotlar kiritilishidan himoya qilingan maxsus kompyuter koʻp darchali dasturdan foydalaniladi.

15. Jamgʻarib boriladigan pensiya toʻlovlarini oluvchining yashash joyi yoki ish joyi oʻzgargan taqdirda yangi shaxsiy jamgʻarib boriladigan pensiya hisobvaragʻi ochish talab etilmaydi. Har bir jamgʻarib boriladigan pensiya toʻlovlarini oluvchiga bir marta ochilgan shaxsiy jamgʻarib boriladigan pensiya hisobvaragʻi butun umr boʻyi amal qiladi.

IV. Shaxsiy jamgʻarib boriladigan pensiya hisobvaragʻini yuritish

16. Mazkur Nizomning III boʻlimida nazarda tutilgan tartibda shaxsiy jamgʻarib boriladigan pensiya hisobvaragʻi ochilgandan keyin shaxsiy jamgʻarib boriladigan pensiya hisobvaragʻini yuritishning quyidagi tartib-qoidasi amalga oshiriladi:

jamgʻarib boriladigan pensiya tizimida majburiy tartibda qatnashayotgan fuqarolarning ish haqi (daromadi) davri va miqdori hamda ushbu fuqarolar foydasiga shaxsiy jamgʻarib boriladigan pensiya hisobvaragʻiga kiritiladigan majburiy va ixtiyoriy jamgʻarib boriladigan pensiya badallari miqdori toʻgʻrisidagi maʼlumotlarni olish va shaxsiy jamgʻarib boriladigan pensiya hisobvaragʻiga kiritish;

xoʻjalik yurituvchi subyektlar boʻlgan badal kirituvchilar tomonidan taqdim etilgan maʼlumotlarning toʻgʻriligini tekshirish;

jamgʻarib boriladigan pensiya tizimida ixtiyoriy tartibda qatnashayotgan fuqarolar tomonidan amalga oshiriladigan jamgʻarib boriladigan pensiya badallari toʻgʻrisidagi maʼlumotlarni olish va shaxsiy jamgʻarib boriladigan pensiya hisobvaragʻiga kiritish;

mablagʻlarni jamgʻarib boriladigan pensiya tizimida joylashtirishdan olingan foizli daromadlarni shaxsiy jamgʻarib boriladigan pensiya hisobvaragʻiga oʻtkazish;

shaxsiy jamgʻarib boriladigan pensiya hisobvaragʻidan jamgʻarib boriladigan pensiya toʻlash;

Xalq bankining jamgʻarib boriladigan pensiya tizimi yagona elektron maʼlumotlar bazasidagi maʼlumotlarni berish va ayirboshlash;

pensiya jamgʻarmasining holati toʻgʻrisida fuqarolarga axborot berish;

birlamchi hujjatlarni (reyestrlarni) saqlash va ular arxivini yuritish;

shaxsiy jamgʻarib boriladigan pensiya hisobvaragʻini yuritish uchun zarur boʻlgan boshqa tartib-qoidalar.

17. Xodimlarning ish haqi (daromadi) davri va miqdori hamda shaxsiy jamgʻarib boriladigan pensiya hisobvaragʻiga badallar miqdorlari toʻgʻrisidagi maʼlumotlar Xalq banki filialiga har oyda Xalq bankiga jamgʻarib boriladigan pensiya tizimida fuqarolarning shaxsiy hisobini yuritish tartibi toʻgʻrisidagi nizomga 3-ilovaga muvofiq belgilangan shakl boʻyicha reyestr shaklida tushadi.

Reyestrda jamgʻarib boriladigan pensiya badallarini kirituvchi xoʻjalik yurituvchi subyektning barcha xodimlari, shu jumladan oʻrindoshlik boʻyicha ishlovchi va fuqarolik-huquqiy shartnomalar boʻyicha ishlarni bajaruvchi xodimlar (agar ushbu xodimlardan qonunchilikka muvofiq jismoniy shaxslarning daromadlaridan olinadigan soliq ushlab qolinsa) koʻrsatiladi.

18. Xalq bankining jamgʻarib boriladigan pensiya tizimi yagona elektron bazasiga avtomatik rejimda reyestr kelib tushgandan keyin reyestrning yakuniy qatorida koʻrsatilgan badallarning yakuniy summasini elektron toʻlov hujjatida koʻrsatilgan badallar summasi bilan solishtiriladi, shuningdek reyestrning har bir qatori va har bir ustuni boʻyicha yakunlarning toʻgʻriligi tekshiriladi.

19. Reyestr va elektron toʻlov hujjatining yakuniy qatorida koʻrsatilgan badallar summasi, shuningdek reyestrning har bir qatori va har bir ustuni boʻyicha yakunlar tafovuti boʻlmaganda, reyestrning maʼlumotlari Xalq bankining jamgʻarib boriladigan pensiya tizimi yagona elektron maʼlumotlar bazasiga kiritiladi.

20. Reyestrda koʻrsatilgan qatorlar va ustunlar badallari, yakunlari mos kelmagan taqdirda ushbu reyestr qabul qilinmaydi va aniqlik kiritish uchun badal kirituvchiga avtomatik rejimda qaytariladi.

21. Quyidagilar uchun:

reyestrda koʻrsatilgan maʼlumotlarning toʻliqligi va ishonchliligi uchun majburiy jamgʻarib boriladigan badallarini kirituvchi xoʻjalik yurituvchi subyekt rahbari;

Xalq bankining jamgʻarib boriladigan pensiya tizimi yagona elektron maʼlumotlar bazasi shakllantirilishining toʻgʻriligi uchun shaxsiy jamgʻarib boriladigan pensiya hisobvaragʻi yuritilishi uchun masʼul boʻlgan Xalq banki filialining mansabdor shaxsi javob beradi.

22. Ixtiyoriy tartibda jamgʻarib boriladigan pensiya tizimida qatnashayotgan fuqarolar tomonidan amalga oshiriladigan jamgʻarib boriladigan pensiya badallari toʻgʻrisidagi maʼlumotlar Xalq bankining istalgan filialida pul mablagʻlarini toʻlashda shaxsiy jamgʻarib boriladigan pensiya hisobvaragʻiga kiritiladi.

Ixtiyoriy tartibdagi jamgʻarib boriladigan pensiya tizimida qatnashuvchi fuqaro shaxsiy jamgʻarib boriladigan pensiya hisobvaragʻiga badallar kiritishda shaxsiy jamgʻarib boriladigan pensiya hisobvaragʻining doimiy shaxsiy tartib raqamini, familiyasi, ismi, otasining ismini, tugʻilgan sanasini koʻrsatgan holda Xalq banki tomonidan belgilangan shakl boʻyicha maxsus blankani toʻldiradi va bank xodimiga jamgʻarib boriladigan pensiya daftarchasini taqdim etadi.

Xalq banki filialining xodimi maxsus blanka toʻgʻri toʻldirilganligini tekshiradi va toʻgʻri toʻldirilgan taqdirda badal miqdori va kiritilgan sanasi toʻgʻrisidagi maʼlumotlarni Xalq bankining jamgʻarib boriladigan pensiya tizimi yagona elektron maʼlumotlar bazasiga kiritadi.

Shaxsiy jamgʻarib boriladigan pensiya hisobvaragʻiga badallar kiritilgandan keyin Xalq banki filialining xodimi tomonidan badal summasi va kiritilgan sanasi toʻgʻrisida belgi qoʻyiladi va shaxsiy jamgʻarib boriladigan pensiya hisobvaragʻiga jamgʻarib boriladigan pensiya badallari kiritilganligini tasdiqlaydigan hujjat hisoblanadigan belgilangan namunadagi kvitansiya beriladi.

23. Jamgʻarib boriladigan pensiya tizimi mablagʻlarini joylashtirishdan olingan foizli daromadlarni fuqarolarning shaxsiy jamgʻarib boriladigan pensiya hisobvaragʻiga oʻtkazish belgilangan tartibda amalga oshirildi.

24. Shaxsiy jamgʻarib boriladigan pensiya hisobvaragʻidan jamgʻarib boriladigan pensiya toʻlash tartibi Fuqarolarning shaxsiy jamgʻarib boriladigan pensiya hisobvaraqlaridan mablagʻlarni toʻlash tartibi toʻgʻrisidagi nizom bilan belgilanadi.

Shaxsiy jamgʻarib boriladigan pensiya hisobvaragʻidan mablagʻlar toʻlashda toʻlashgacha shaxsiy jamgʻarib boriladigan pensiya hisobvaragʻida mavjud boʻlgan mablagʻlar summasi haqiqatdan toʻlangan summaga kamayadi.

25. Jamgʻarib boriladigan pensiya toʻlovlarini oluvchilar kalendar yilning oxirgi kunidagi holati boʻyicha ularning shaxsiy jamgʻarib boriladigan pensiya hisobvaragʻidagi pensiya jamgʻarmasi toʻgʻrisida ularning manziliga mazkur Nizomga ilovaga muvofiq shakl boʻyicha xabarnoma yuborish yoʻli bilan Xalq bankining filiali tomonidan majburiy tartibda xabardor qilinadi.

Xabarnoma jamgʻarib boriladigan pensiya toʻlovlarini oluvchiga muhrlangan konvertda pochta orqali yoki Internet tarmogʻi orqali elektron shaklda yuboriladi yoxud Xalq banki filialining xodimi tomonidan oluvchining imzosi qoʻydirilib shaxsan beriladi.

Oluvchining ixtiyoriga koʻra jamgʻarib boriladigan pensiya toʻlovlari xabarnomasi shuningdek ushbu Nizomga ilovada keltirilgan maʼlumotlar mavjud boʻlgan SMS-xabarlar joʻnatish yoʻli bilan yuboriladi.

Xabar berish hisobot davridan (kalendar yildan) keyingi yilning birinchi choragi mobaynida amalga oshiriladi.

26. Jamgʻarib boriladigan pensiya toʻlovlarini oluvchi jamgʻarib boriladigan pensiya daftarchasini va shaxsini tasdiqlaydigan hujjatni koʻrsatib yozma talab boʻyicha bevosita Xalq bankining filialida oʻzining shaxsiy jamgʻarib boriladigan pensiya hisobvaragʻidagi pensiya jamgʻarmasi toʻgʻrisida axborot olishi mumkin.

Jamgʻarib boriladigan pensiya toʻlovlarini oluvchining talabi boʻyicha:

murojaat qilingan paytda shaxsiy jamgʻarib boriladigan pensiya hisobvaragʻidagi pensiya jamgʻarmasi;

joriy yil boshidan boshlab shaxsiy jamgʻarib boriladigan pensiya hisobvaragʻiga kiritilgan badallar;

oldingi kalendar yil uchun badallar va foizli daromadlar;

joriy yil boshidan boshlab va oldingi kalendar yil uchun berilgan jamgʻarib boriladigan pensiya toʻlovlari summasi toʻgʻrisida axborot beriladi.

27. Fuqarolarga ularning shaxsiy jamgʻarib boriladigan pensiya hisobvaragʻi holati toʻgʻrisida axborot berishning ishonchliligi va toʻliqliligi uchun javobgarlik jamgʻarib boriladigan pensiya toʻlovlarini oluvchiga xizmat koʻrsatuvchi Xalq bankining tuman (shahar) filiali rahbariga (jamgʻarib boriladigan pensiya toʻlovlarini oluvchi yashaydigan joy boʻyicha) yuklanadi.

28. Shaxsiy jamgʻarib boriladigan pensiya hisobvaragʻini yuritish uchun zarur boʻlgan birlamchi hujjatlar — reyestrlar, soʻrovnomalar, ariza-soʻrovnomalar ular yuborilgan Xalq banki filialida bunday hujjatlar uchun belgilangan muddat mobaynida saqlanadi.

Birlamchi hujjatlarni saqlash shartlari ularning saqlashning butun davri mobaynida saqlanishini taʼminlashi kerak.

Birlamchi hujjatlar arxivini yuritish qonunchilikda belgilangan tartibda amalga oshiriladi.

29. Xalq bankining jamgʻarib boriladigan pensiya tizimi yagona elektron maʼlumotlar bazasidagi mavjud axborotni saqlash muddati cheklanmasdan arxiv fayllari shaklida saqlanadi.

V. Majburiy va ixtiyoriy badallarni kiritish

30. Majburiy jamgʻarib boriladigan pensiya badallarini kiritish jamgʻarib boriladigan pensiya badallarini kirituvchi xoʻjalik yurituvchi subyekt tomonidan har oyda Badal kirituvchi soliq roʻyxati olingan joydagi Xalq banki filialida maxsus tranzit hisobvaragʻiga pul mablagʻlarini oʻtkazish yoʻli bilan amalga oshiriladi.

Jamgʻarib boriladigan pensiya badallarini oʻtkazish mazkur Nizomning 17-bandiga muvofiq badal toʻlovchining rekvizitlari, oʻtkazish maqsadlari, oʻtkaziladigan jamgʻarib boriladigan pensiya badallari summasi, Xalq banki filialiga yoʻllangan reyestrning tartib raqami va sanasi koʻrsatilgan holda toʻlov topshirigʻi vositasida amalga oshiriladi (reyestrning tartib raqami va sanasi toʻlov topshirigʻining “Tushuntirishlar” ustunida koʻrsatiladi).

31. Badal kirituvchi tomonidan shaxsiy jamgʻarib boriladigan pensiya hisobvaragʻiga majburiy jamgʻarib boriladigan pensiya badallarini kiritish qonunchilikda belgilangan tartibda jismoniy shaxslarning soliq hisoblash bilan bir vaqtda amalga oshiriladi.

32. Shaxsiy jamgʻarib boriladigan pensiya hisobvaragʻiga kiritilgan jamgʻarib boriladigan pensiya badallari summasi badal kirituvchi tomonidan toʻlanishi kerak boʻlgan jismoniy shaxslarning daromadiga qonunchilikda belgilangan tartibda solinadigan soliq summasidan chiqarib tashlanadi.

33. Majburiy jamgʻarib boriladigan pensiya badallarining toʻgʻriligi, toʻliqligi va oʻz vaqtida toʻlanishi uchun javobgarlik majburiy jamgʻarib boriladigan pensiya badallarini toʻlovchi xoʻjalik yurituvchi subyektlar rahbarlari zimmasiga yuklanadi.

Shaxsiy jamgʻarib boriladigan pensiya tizimiga majburiy jamgʻarib boriladigan badallar oʻz vaqtida oʻtkazilmaganligi uchun Oʻzbekiston Respublikasi Davlat budjeti daromadiga Oʻzbekiston Respublikasi Soliq kodeksida belgilangan tartibda penya undiriladi.

34. Ixtiyoriy jamgʻarib boriladigan pensiya badallari badal kirituvchining tanloviga koʻra Xalq bankining istalgan filialiga kiritiladi, summa va kiritish davri cheklanmaydi.

VI. Jamgʻarib boriladigan pensiya tizimi mablagʻlarini oʻtkazish

35. Jamgʻarib boriladigan pensiya badallari shaklida tushgan pul mablagʻlari keyinchalik fuqarolarning shaxsiy jamgʻarib boriladigan pensiya hisobvaragʻiga oʻtkazish uchun Xalq banki filiali tomonidan maxsus tranzit hisobvaragʻiga oʻtkaziladi.

36. Xalq banki filiali jamgʻarib boriladigan pensiya badallari tushgan kundan keyingi ish kunidan kechikmay mablagʻlarni hosil boʻlgan majburiyatlar miqdorida Xalq bankining markaziy operatsiya filialiga oʻtkazadi.

Filiallardan olingan mablagʻlar Xalq bankining markaziy operatsiya filiali tomonidan belgilangan tartibda joylashtiriladi.

Fuqarolarning Xalq bankidagi shaxsiy jamgʻarib boriladigan pensiya hisobvaraqlarini ochish va yuritish hamda ularga majburiy va ixtiyoriy badallarni toʻlash tartibi toʻgʻrisidagi nizomga ILOVA

Vazirlar Mahkamasining 2004-yil 21-dekabrdagi 595-son qaroriga 3-ILOVA

Fuqarolarning shaxsiy jamgʻarib boriladigan pensiya hisobvaraqlaridan mablagʻlarni toʻlash tartibi toʻgʻrisida

NIZOM

I. Umumiy qoidalar

1. Ushbu Nizom “Fuqarolarning jamgʻarib boriladigan pensiya taʼminoti toʻgʻrisida”gi Oʻzbekiston Respublikasi Qonuniga muvofiq Xalq bankida ochilgan fuqarolarning shaxsiy jamgʻarib boriladigan pensiya hisobvaraqlaridan mablagʻlarni toʻlash tartibini belgilaydi.

2. Jamgʻarib boriladigan pensiya tizimida ishtirok etuvchi fuqarolar yoshi, nogironligi boʻyicha davlat pensiyasi yoki boquvchisini yoʻqotganligi tufayli pensiya (agar pensiyaning ushbu turi jamgʻarib boriladigan pensiya toʻlovlarini oluvchining oʻziga tayinlansa) olish huquqi yuzaga kelgan taqdirda “Fuqarolarning jamgʻarib boriladigan pensiya taʼminoti toʻgʻrisida”gi Oʻzbekiston Respublikasi Qonuniga muvofiq shaxsiy jamgʻarib boriladigan pensiya hisobvaraqlaridan jamgʻarib boriladigan pensiya toʻlovlarini olish huquqiga ega boʻladilar.

3. Jamgʻarib boriladigan pensiya toʻlovlari miqdori fuqarolarning Xalq bankidagi shaxsiy jamgʻarib boriladigan pensiya hisobvaragʻida jamgʻarilgan pul mablagʻlari doirasida belgilanadi.

III. Jamgʻarib boriladigan pensiya toʻlovlari miqdorini belgilash

9. Jamgʻarib boriladigan pensiya toʻlovlari miqdori jamgʻarib boriladigan pensiya toʻlovlarini oluvchining shaxsiy jamgʻarib boriladigan pensiya hisobvaragʻiga oʻtkazilgan mablagʻlar summasidan kelib chiqqan holda belgilanadi.

Jamgʻarib boriladigan pensiya toʻlovlarining eng kam yoki eng koʻp miqdorini belgilash nazarda tutilmaydi.

10. Shaxsiy jamgʻarib boriladigan pensiya hisobvaragʻida jamgʻarilgan barcha mablagʻlarni bir yoʻla olishda toʻlovlar jamgʻarilgan pensiya toʻlovlarini olish vaqtida shaxsiy jamgʻarib boriladigan pensiya hisobvaragʻiga oʻtkazilgan mablagʻlar doirasida toʻliq hajmda amalga oshiriladi.

11. Jamgʻarib boriladigan pensiya toʻlovlari boʻlib-boʻlib olingan taqdirda shaxsiy jamgʻarib boriladigan pensiya hisobvaragʻiga oʻtkazilgan jamgʻarilgan summa jamgʻarib boriladigan pensiya toʻlovlarini oluvchi ushbu toʻlovlarni olishni xohlaydigan oylar soniga boʻlinadi.

Jamgʻarib boriladigan pensiya toʻlovlarini amalga oshirish davri va davriyligi jamgʻarib boriladigan pensiya toʻlovlarini oluvchi tomonidan belgilanadi va cheklanmaydi.

Shaxsiy jamgʻarib boriladigan pensiya hisobvaragʻidan toʻlovlar toʻlov tayinlangan kalendar oydan keyingi oyda amalga oshiriladi.

12. Jamgʻarib boriladigan pensiya toʻlovlarini boʻlib-boʻlib olishda joriy toʻlovlar miqdori ikkinchi kalendar yildan boshlab quyidagi tartibda belgilanadi:

a) toʻlov boshlangan yildan keyingi kalendar yildan boshlab shaxsiy jamgʻarib boriladigan pensiya hisobvaragʻidan jamgʻarib boriladigan pensiya toʻlovlari miqdori har qaysi kalendar yil uchun alohida-alohida belgilanadi;

b) har qaysi kalendar yil uchun toʻlovlar miqdorini belgilashda xodimning shaxsiy jamgʻarib boriladigan pensiya hisobvaragʻidagi mablagʻlarning kalendar yil boshidagi holatiga koʻra qoldigʻi hamda xodimning shaxsiy jamgʻarib boriladigan pensiya hisobvaragʻida jamlangan, oldingi kalendar yil mobaynida olingan pensiya jamgʻarmalarini investitsiyalashdan foizlar hisobga olinadi.

Har qaysi kalendar yil uchun belgilanadigan har oylik toʻlov miqdori quyidagi formula boʻyicha belgilanadi:

P = (PJQ + FD)/(N-Np), bunda:

P — joriy kalendar yil uchun belgilangan har oylik toʻlov miqdori;

PJQ — pensiya jamgʻarmasini joylashtirishdan olingan, shaxsiy jamgʻarib boriladigan pensiya hisobvaragʻiga ilgari oʻtkazilgan summalarni hisobga olgan holda, shaxsiy jamgʻarib boriladigan pensiya hisobvaragʻining toʻlanadigan qismida aks ettirilgan pensiya jamgʻarmasining oldingi yil oxiridagi qoldigʻi;

FD — shaxsiy jamgʻarib boriladigan pensiya hisobvaragʻidagi mablagʻlarning oldingi kalendar yil uchun qoldigʻiga hisoblab chiqarilgan foizli daromad;

N— toʻlovlarni olish oylarining soni;

Np — toʻlovlarning birinchi oyidan boshlab joriy kalendar yil boshigacha pensiya olib boʻlingan oylar soni.

Pensiya jamgʻarmasi investitsiyalaridan foizli daromad (FD) Xalq banki tomonidan, jamgʻarib boriladigan pensiya tizimi mablagʻlarini joylashtirishdan olingan amaldagi daromadlardan kelib chiqqan holda belgilanadi, bunda Xalq bankining belgilangan marjasi chegirib tashlanadi, marjaning miqdori Iqtisodiyot va moliya vazirligi va Markaziy bank tomonidan belgilanadi.

13. Mazkur Nizomning 11-bandida belgilangan shartlarda amalga oshiriladigan jamgʻarib boriladigan pensiya toʻlovlarini oluvchi shaxsiy jamgʻarib boriladigan pensiya hisobvaragʻidagi mablagʻlar qoldigʻini istalgan vaqtda bir yoʻla olish yoki jamgʻarib boriladigan pensiya toʻlovlari davrini va davriyligini oʻzgartirish huquqiga ega.

IV. Jamgʻarib boriladigan pensiya toʻlovlarini amalga oshirish uchun shartnoma tuzish tartibi

14. Oʻzbekiston Respublikasi Iqtisodiyot va moliya vazirligi huzuridagi budjetdan tashqari Pensiya jamgʻarmasining “Pensiya” axborot tizimi orqali AT “Xalq banki”ning axborot tizimiga fuqaroga pensiya tayinlangani toʻgʻrisida elektron shaklda maʼlumotlar yuboriladi.

Fuqaroning yashash joyidagi AT “Xalq banki”ning filiali pensiya tayinlanganligi toʻgʻrisida axborot tizimi orqali kelib tushgan maʼlumotlar asosida qoʻshimcha hujjat talab etmagan holda proaktiv shaklda jamgʻarib boriladigan pensiya tizimidagi mablagʻlarini fuqaroning bank kartasiga (mavjud boʻlganda) yoki AT “Xalq banki”ning istalgan filialiga murojaat qilish orqali naqd pulda toʻlab beradi.

Bunda AT “Xalq banki” fuqaroni jamgʻarib boriladigan pensiya tizimidagi mablagʻlarini olish huquqi paydo boʻlgani toʻgʻrisida xabardor qiladi.

15. Xalq bankining filiali bilan oluvchi oʻrtasida mazkur Nizomga 3-ilovaga muvofiq shakl boʻyicha tuzilgan shartnoma shaxsiy jamgʻarib boriladigan pensiya hisobvaragʻidan mablagʻlarni toʻlash uchun asos hisoblanadi.

Shartnomani, bir tomondan —, jamgʻarib boriladigan pensiya toʻlovlarini oluvchi, ikkinchi tomondan — Xalq banki filialining rahbari imzolaydi. Shartnoma ikki nusxada toʻldiriladi, ulardan bittasi jamgʻarib boriladigan pensiya toʻlovlarini oluvchiga beriladi, ikkinchisi Xalq banki filialida qoladi.

Qonunchilikda nazarda tutilgan hollarda, jamgʻarib boriladigan pensiya toʻlovlarini oluvchi tomonidan shartnoma uning qonuniy vakili tomonidan tuzilishi mumkin.

Shartnoma jamgʻarib boriladigan pensiya toʻlovlarini oluvchining shaxsiy jamgʻarib boriladigan pensiya hisobvaragʻidagi mablagʻlar toʻliq tugagandan keyin oʻz-oʻzidan oʻz kuchini yoʻqotadi.

16. Shartnoma tuzish vaqtida Xalq banki filiali jamgʻarib boriladigan pensiya toʻlovlarini oluvchiga uning huquqlari va majburiyatlarini, shuningdek jamgʻarib boriladigan pensiya toʻlovlarini olishning qonunchilikda belgilangan tartibini mufassal tushuntirishi shart.

V. Jamgʻarib boriladigan pensiya toʻlovlarini toʻlash va yetkazib berish tartibi

17. Jamgʻarib boriladigan pensiya toʻlovlari oluvchining yashash joyidagi Xalq banki filiali tomonidan amalga oshiriladi. Xolisona sabablarga koʻra oluvchining Xalq banki filialiga kelish imkoniyati boʻlmagan taqdirda jamgʻarib boriladigan pensiya toʻlovlarini oluvchining uyiga yetkazib berish Xalq banki filiali tomonidan amalga oshiriladi.

Toʻlovlarni yetkazib berish haqi Xalq banki tomonidan, shaxsiy jamgʻarib boriladigan pensiya hisobvaragʻini yuritish boʻyicha operatsiya xarajatlari uchun nazarda tutilgan mablagʻlar doirasida toʻlanadi.

18. Jamgʻarib boriladigan pensiya toʻlovlari bevosita shaxsiy jamgʻarib boriladigan pensiya hisobvaragʻi egalariga, ular jamgʻarib boriladigan pensiya toʻlovlarini oluvchining shaxsini tasdiqlovchi hujjatni koʻrsatgan taqdirda amalga oshiriladi.

19. Yashash joyi yoki pasportidagi maʼlumotlar oʻzgargan taqdirda jamgʻarib boriladigan pensiya toʻlovlarini oluvchi bu toʻgʻrida Xalq banki filialini yozma ravishda xabardor qilishi shart.

Xalq banki filiali tegishli oʻzgartirishlarni shaxsiy jamgʻarib boriladigan pensiya hisobvaragʻining umumiy qismiga belgilangan tartibda kiritadi.

20. Fuqaro vafot etgan taqdirda, uning shaxsiy jamgʻarib boriladigan hisobvaragʻida jamgʻarilgan mablagʻlar qonunchilikda belgilangan tartibda merosga oʻtadi hamda merosxoʻrga bir yoʻla va toʻliq hajmda toʻlanadi.

Fuqaro Oʻzbekiston Respublikasi hududidan tashqariga doimiy yashash joyiga chiqib ketayotgan boʻlsa, uning shaxsiy jamgʻarib boriladigan pensiya hisobvaragʻida jamgʻarilgan mablagʻlar bir yoʻla va toʻliq hajmda toʻlanadi.

Fuqaro vafot etgandan soʻng uning Xalq bankida jamgʻarib boriladigan pensiya tizimidagi mavjud mablagʻlarini olish boʻyicha vafot etgan fuqaroning yaqin qarindoshlariga xabarnoma yuboriladi.

21. Jamgʻarib boriladigan pensiya toʻlovlari quyidagi hollarda toʻxtatiladi:

shaxsiy jamgʻarib boriladigan pensiya hisobvaragʻida jamgʻarilgan mablagʻlar batamom tugaganda;

toʻlovlarni oluvchi shaxsiy jamgʻarib borilgan pensiya hisobvaragʻida jamgʻarilgan jami summani merosga oʻtkazish maqsadida toʻlovlarni olishdan yozma ravishda notarial tasdiqlangan tartibda voz kechganda;

davlat pensiyasi olish huquqini yoʻqotganda.

VI. Jamgʻarib boriladigan pensiya toʻlovlarining amalga oshirilishini nazorat qilish

22. Toʻlovlarning toʻgʻriligini nazorat qilish Oʻzbekiston Respublikasi Iqtisodiyot va moliya vazirligi huzuridagi Davlat moliyaviy nazorati inspeksiyasi tomonidan qonunchilikda belgilangan tartibda amalga oshiriladi.

23. Toʻlov jamgʻarib boriladigan pensiya toʻlovlarini oluvchiga bogʻliq boʻlmagan sabablarga koʻra toʻxtatib qoʻyilganda yoki u toʻlanmaganda yoxud toʻlov tartibi va uning miqdori boʻyicha nizoli masalalar paydo boʻlganda oluvchi tuman (shahar) Oʻzbekiston Respublikasi Iqtisodiyot va moliya vazirligi huzuridagi budjetdan tashqari Pensiya jamgʻarmasi boʻlimiga, uning yuqori tashkilotiga, Xalq bankining hududiy boshqarmasiga va boshqaruviga yoki sudga murojaat qilishga haqlidir.

Fuqarolarning shaxsiy jamgʻarib boriladigan pensiya hisobvaraqlaridan mablagʻ toʻlash tartibi toʻgʻrisidagi nizomga 3-ILOVA

Jamgʻarib boriladigan pensiya toʻlovlarini amalga oshirish toʻgʻrisida SHARTNOMA №_______

Jamgʻarib boriladigan pensiya toʻlovlarini bir yoʻla toʻlash amalga oshirilganda, shaxsiy jamgʻarib boriladigan pensiya hisobvaragʻidan toʻlov mablagʻlari mazkur shartnoma imzolangan vaqtdan boshlab besh kun muddatda toʻlanadi.

Jamgʻarib boriladigan pensiya toʻlovlari qismlarga boʻlib toʻlanganda, Oluvchining shaxsiy jamgʻarib boriladigan pensiya hisobvaragʻidagi mablagʻlari batamom foydalanib boʻlingunga qadar har oyda __ oy mobaynida toʻlab boriladi.

Xalq bankining filiali tomonidan jamgʻarib boriladigan pensiya toʻlovlarini amalga oshirish sanasi - har oyning ____ kuni.

3. Jamgʻarib boriladigan pensiya toʻlovlarining har oydagi miqdorini aniqlashda Xalq bankining filiali Fuqarolarning shaxsiy jamgʻarib boriladigan pensiya hisobvaraqlaridan mablagʻ toʻlash tartibi toʻgʻrisidagi nizomning ______ bandlarida koʻrsatilgan shartlarga amal qiladi.

4. Jamgʻarib boriladigan pensiya toʻlovlari Oluvchining shaxsiy jamgʻarib boriladigan pensiya hisobvaragʻidan jamgʻarib boriladigan pensiya toʻlovlari bir vaqtning oʻzida hisobdan chiqarilgan holda Xalq banki filialining _________ da joylashgan kassasida naqd pul shaklida amalga oshiriladi;

Xolisona vaziyatlarda jamgʻarib boriladigan pensiya toʻlovlarini bevosita kassada olishning Oluvchi uchun imkoniyati boʻlmagan taqdirda, Xalq bankining filiali jamgʻarib boriladigan pensiya toʻlovlarini jamgʻarib boriladigan pensiya toʻlovlarini yetkazib berish xarajatlarini shaxsiy jamgʻarib boriladigan pensiya hisobvaragʻini yuritish boʻyicha operatsiya xarajatlari uchun nazarda tutilgan mablagʻlardan qoplagan holda bevosita Oluvchining manzili boʻyicha amalga oshiradi.

5. Oluvchi vafot etgan taqdirda shaxsiy jamgʻarib boriladigan pensiya hisobvaragʻidagi pul mablagʻlari qoldigʻi qonunchilikda belgilangan tartibda uning merosxoʻrlariga bir yoʻla toʻlanadi.

6. Jamgʻarib boriladigan pensiya toʻlovlari Xalq bankining filiali aybi bilan oʻz vaqtida toʻlanmaganda, filial Oluvchiga har bir kechiktirilgan kun uchun toʻlanishi kerak boʻlgan jamgʻarib boriladigan pensiya toʻlovi kechiktirilgan summasining 0,2 foizi miqdorida, biroq 10 foizdan ortiq emas, penya toʻlaydi.

Penya toʻlash Xalq bankining filialini jamgʻarib boriladigan pensiya toʻlovlarini oʻz vaqtida amalga oshirish boʻyicha majburiyatlarni bajarishdan ozod qilmaydi.

7. Xalq bankining filiali qayta tashkil etilgan, qayta oʻzgartirilgan yoki tugatilgan taqdirda mazkur Shartnomaning shartlarini bajarish boʻyicha majburiyatlar uning huquqiy vorisiga yoki Xalq bankining muassislariga oʻtadi.

8. Shartnoma imzolangan paytdan boshlab kuchga kiradi va Oluvchining shaxsiy jamgʻarib boriladigan pensiya hisobvaragʻidagi mablagʻlar batamom tugagunga qadar amal qiladi.

9. Shartnoma Tomonlarning yozma kelishuvi boʻyicha bekor qilinishi yoki oʻzgartirilishi mumkin.

10. Mazkur Shartnomaning shartlari bajarilmaganligi sababli paydo boʻladigan nizolar muzokaralar olib borish yoʻli bilan, oʻzaro kelishuvga erishilmagan taqdirda esa sud tartibida hal etiladi.

Ushbu shartnoma bir xil yuridik kuchga ega boʻlgan, har bir Tomon uchun bir nusxadan ikki nusxada tuzildi.

Vazirlar Mahkamasining 2004-yil 21-dekabrdagi 595-son qaroriga 4-ILOVA

Jamgʻarib boriladigan pensiya daftarchasi toʻgʻrisida

NIZOM

I. Umumiy qoidalar

1. Ushbu Nizom “Fuqarolarning jamgʻarib boriladigan pensiya taʼminoti toʻgʻrisida”gi Oʻzbekiston Respublikasi Qonuniga muvofiq Jamgʻarib boriladigan pensiya daftarchalari shaklini va mazmunini, shuningdek ularni hisobga olish, saqlash, ochish va yuritish tartibini belgilaydi.

2. Jamgʻarib boriladigan pensiya daftarchasi Oʻzbekiston Respublikasi Xalq banki tomonidan beriladigan, fuqaroning jamgʻarib boriladigan pensiya toʻlovlarini olishga huquqini tasdiqlaydigan hujjat hisoblanadi.

Jamgʻarib boriladigan pensiya daftarchasida shaxsiy jamgʻarib boriladigan pensiya hisobvaragʻining asosiy rekvizitlari koʻrsatiladi hamda ushbu hisobvaragʻidagi mablagʻlar harakati, shu jumladan kiritilgan badallar, ular boʻyicha foizlarni hisoblash va jamgʻarib boriladigan pensiya toʻlovlari boʻyicha operatsiyalar aks ettiriladi.

II. Jamgʻarib boriladigan pensiya daftarchasi blankasining shakli va mazmuni

3. Jamgʻarib boriladigan pensiya daftarchasining formati 100 mm x 140 mm.

4. Muqovasining old tomonida Oʻzbekiston Respublikasi Davlat gerbi tasvirlangan va “JAMGʻARIB BORILADIGAN PENSIYA DAFTARCHASI” yozuvi boʻladi.

5. Muqovaning ikkinchi betida “Fuqarolarning jamgʻarib boriladigan pensiya taʼminoti toʻgʻrisida”gi Oʻzbekiston Respublikasi Qonunidan quyidagi koʻchirmalar keltirilgan:

“5-modda. Davlat jamgʻarib boriladigan pensiya tizimida ishtirok etuvchi fuqarolarga shaxsiy jamgʻarib boriladigan pensiya hisobvaraqlarida jamgʻarilgan mablagʻlari saqlanishi hamda toʻlanishini kafolatlaydi.

16-modda. “Jamgʻarib boriladigan pensiya tizimida ishtirok etuvchi fuqarolar pensiya toʻlovlari oluvchilar sifatida jamgʻarib boriladigan pensiya toʻlovlarini qonunchilikka muvofiq davlat pensiyasini olish huquqi yuzaga kelgan taqdirda olish huquqiga ega.

17-modda. Fuqaro vafot etgan taqdirda, shaxsiy jamgʻarib boriladigan pensiya hisobvaragʻida jamgʻarilgan mablagʻlar qonunchilikda belgilangan tartibda merosga oʻtadi va merosxoʻrga bir yoʻla toʻla hajmda toʻlanadi.

Fuqaro Oʻzbekiston Respublikasi hududidan tashqariga doimiy yashash joyiga chiqib ketayotgan boʻlsa, shaxsiy jamgʻarib boriladigan pensiya hisobvaragʻida jamgʻarilgan mablagʻlar bir yoʻla toʻla hajmda toʻlanadi”.

6. Muqovaning uchinchi betida quyidagi mazmundagi eslatmalar mavjud:

“Ish beruvchi va fuqaroning oʻzi shaxsiy jamgʻarib boriladigan pensiya hisobvaraqlariga qoʻshimcha badallar kiritish huquqiga ega.

Shaxsiy jamgʻarib boriladigan pensiya hisobvaraqlariga oʻtkazilgan mablagʻlar, foizlar va boshqa daromadlar, shuningdek fuqarolar tomonidan olingan summalar soliqqa tortilmaydi.

Jamgʻarib boriladigan pensiya toʻlovlarini oluvchi Jamgʻarib boriladigan pensiya daftarchasiga oʻzining shaxsiy jamgʻarib boriladigan pensiya hisobvaragʻining holati va undagi mablagʻlar harakati toʻgʻrisida yozuvlar kiritish uchun Xalq banki filialiga istalgan vaqtda murojaat qilish huquqiga ega.

Jamgʻarib boriladigan pensiya tizimida ishtirok etishga oid barcha masalalar boʻyicha Xalq bankining yaqin joydagi filialiga murojaat qilish mumkin.

Jamgʻarib boriladigan pensiya daftarchasi yoʻqolganda (yoʻqotib qoʻyilganda, yaroqsiz boʻlib qolganda) jamgʻarib boriladigan pensiya toʻlovlarini oluvchining shaxsiy arizasi asosida, shaxsiy jamgʻarib boriladigan pensiya hisobvaragʻining aynan oʻsha doimiy shaxsiy tartib raqami bilan uning dublikati beriladi”.

7. Muqovaning toʻrtinchi betida yozuvlar boʻlmaydi.

8. Jamgʻarib boriladigan pensiya daftarchasining birinchi betida quyidagilar koʻrsatiladi:

a) jamgʻarib boriladigan pensiya toʻlovlarini oluvchining shaxsiy jamgʻarib boriladigan pensiya hisobvaragʻi doimiy shaxsiy tartib raqami;

b) oluvchining familiyasi, ismi va otasining ismi;

v) oluvchining “yil — kun — oy” shakli boʻyicha tugʻilgan sanasi;

g) jamgʻarib boriladigan pensiya tizimida “yil — kun — oy” shakli boʻyicha hisobga olish sanasi;

d) “yil — kun — oy” shakli boʻyicha Jamgʻarib boriladigan pensiya daftarchasi berilgan sana;

e) Jamgʻarib boriladigan pensiya daftarchasini bergan Xalq banki filialining nomi;

j) Jamgʻarib boriladigan pensiya daftarchasini bergan Xalq banki filiali xodimining familiyasi, ismi va otasining ismi hamda shaxsiy imzosi.

Jamgʻarib boriladigan pensiya daftarchasining birinchi betidagi yozuvlar xalq banki filialining yumaloq muhri bilan tasdiqlanadi. Birinchi betning namunasi ushbu Nizomga 1-ilovada keltirilgan.

9. Jamgʻarib boriladigan pensiya daftarchasining ikkinchi va keyingi betlarida quyidagi yozuvlar boʻladi:

har qaysi betning yuqorigi qismida jamgʻarib boriladigan pensiya toʻlovlari oluvchining shaxsiy jamgʻarib boriladigan pensiya hisobvaragʻi doimiy shaxsiy nomeri koʻrsatiladi;

har qaysi sahifa quyidagi mazmundagi jadval shaklida 6 ta ustunga boʻlingan boʻladi:

har qaysi betning pastki qismida Jamgʻarib boriladigan pensiya daftarchasining seriyasi va tartib raqami koʻrsatiladi.

Ikkinchi va keyingi betlar namunasi ushbu Nizomga 2-ilovada keltirilgan.

10. Jamgʻarib boriladigan pensiya daftarchasining blankalari qatʼiy hisobda turadigan blanka hisoblanadi, maxsus qogʻozdan bosmaxona usulida tayyorlanadi, shaxsiy tartib raqamiga va soxtalashtirishdan himoyalashning zarur darajasiga ega boʻladi.

III. Jamgʻarib boriladigan pensiya daftarchasini rasmiylashtirish va berish

11. Jamgʻarib boriladigan pensiya daftarchasi jamgʻarib boriladigan pensiya tizimida hisobga olingan har qaysi fuqaro uchun, fuqarolarni jamgʻarib boriladigan pensiya tizimida hisobga olish uchun zarur hujjatlar olingan va Xalq banki tomonidan fuqarolarni jamgʻarib boriladigan pensiya tizimida shaxsan hisobga olishni yuritish tartibi toʻgʻrisidagi nizomga muvofiq Xalq banki filiali tomonidan:

yozma ravishda rasmiylashtirilgan hujjatlar olingandan keyin uch ish kuni mobaynida;

Interaktiv davlat xizmatlari yagona portalidagi shaxsiy “tadbirkorlik subyekti kabineti” orqali elektron shaklda rasmiylashtirilgan hujjatlar olingan paytdan boshlab bir kun muddatda rasmiylashtiriladi.

12. Jamgʻarib boriladigan pensiya daftarchasini oluvchiga berishdan oldin Xalq banki filiali tomonidan uning birinchi beti toʻliq toʻldiriladi va unda ushbu Nizomning 8-bandiga muvofiq yozuvlar qayd etiladi.

13. Jamgʻarib boriladigan pensiya daftarchasi jamgʻarib boriladigan pensiyani oluvchiga quyidagi tartibda beriladi:

a) jamgʻarib boriladigan pensiya tizimida majburiy tartibda ishtirok etuvchilar sifatida hisobga olingan fuqarolarga Jamgʻarib boriladigan pensiya daftarchasi Xalq bankining tegishli filialida rasmiylashtirilgan Jamgʻarib boriladigan pensiya daftarchasini ishonchnoma boʻyicha oladigan ish beruvchi tomonidan beriladi.

Jamgʻarib boriladigan pensiya daftarchasi ish beruvchiga Berish dalolatnomasi asosida beriladi, Berish dalolatnomasiga Jamgʻarib boriladigan pensiya daftarchalarini berish vedomosti (keyingi oʻrinlarda Vedomost deb yuritiladi) ikki nusxada ilova qilinadi, unda tartib raqami, xodimlarning shaxsiy jamgʻarib boriladigan pensiya hisobvaraqlari doimiy shaxsiy tartib raqami, ularning familiyasi, ismi, otasining ismi hamda Jamgʻarib boriladigan pensiya daftarchasini olganlik toʻgʻrisidagi imzo uchun joy koʻrsatilgan boʻladi.

Ish beruvchi Jamgʻarib boriladigan pensiya daftarchasini jamgʻarib boriladigan pensiya tizimida hisobga olingan xodimlarga Vedomostga imzo qoʻydirgan holda uch ish kuni mobaynida beradi.

Toʻldirilgan Vedomostlar ish beruvchining mansabdor shaxsi tomonidan imzolanadi va ularning bir nusxasi Jamgʻarib boriladigan pensiya daftarchasini bergan Xalq banki filialiga yuboriladi. Ikkinchi nusxasi ish beruvchida qoladi.

Jamgʻarib boriladigan pensiya daftarchalarini ayrim xodimlarga ularning uzoq vaqt joyida boʻlmaganligi sababli berish mumkin boʻlmagan taqdirda ish beruvchi Jamgʻarib boriladigan pensiya daftarchalarini ularni berish vaqtigacha oʻzida saqlaydi, Vedomostda esa ish beruvchining mansabdor shaxsi imzosi bilan tasdiqlanadigan tegishli yozuv qayd etiladi;

b) jamgʻarib boriladigan pensiya tizimiga ixtiyoriy asosda ishtirok etuvchilar sifatida hisobga olingan fuqarolarga Jamgʻarib boriladigan pensiya daftarchalari Xalq banki filiali tomonidan, ip oʻtkazib tikilgan va tartib raqami qoʻyilgan, Jamgʻarib boriladigan pensiya daftarchalarini berishni hisobga olish daftariga imzo qoʻydirgan holda beriladi.

IV. Jamgʻarib boriladigan pensiya daftarchasiga yozuvlarni qayd etish

14. Jamgʻarib boriladigan pensiya daftarchasining ikkinchi va keyingi betlariga yozuvlarni qayd etish jamgʻarib boriladigan pensiya toʻlovlarini oluvchi Xalq banki filialiga bevosita kelganda va Jamgʻarib boriladigan pensiya daftarchasini hamda shaxsini tasdiqlovchi hujjatni shaxsan koʻrsatgan taqdirda, maʼlumotlarning yagona elektron bazasidagi mavjud maʼlumotlar asosida amalga oshiriladi.

15. Yozuvlarni qayd etishda quyidagilar koʻrsatiladi:

a) oluvchining shaxsiy jamgʻarib boriladigan pensiya hisobvaragʻiga Jamgʻarib boriladigan pensiya daftarchasiga oldingi yozuvlar qayd etilgan vaqtdan boshlab tushgan badallar miqdori;

b) yozuvlar qayd etilgan sanagacha berilgan jamgʻarib boriladigan pensiya toʻlovlari miqdori;

v) kalendar yil uchun hisoblab chiqilgan foizlar miqdori;

g) shaxsiy jamgʻarib boriladigan pensiya hisobvaragʻidagi qoldiq mablagʻlar miqdori.

Jamgʻarib boriladigan pensiya daftarchasidagi har bir yozuv Xalq banki filiali xodimining imzosi bilan tasdiqlanadi.

16. Jamgʻarib boriladigan pensiya daftarchasida yozuvlarni qayd etish uchun joy yetishmagan taqdirda (barcha betlar toʻldirib boʻlinganda) oluvchiga ushbu Nizomning 8 va 9-bandlarida koʻrsatilgan maʼlumotlar mavjud boʻlgan Suqma varaq beriladi. Suqma varaqni berish tartibi Xalq banki tomonidan belgilanadi.

17. Jamgʻarib boriladigan pensiya daftarchasi yoʻqolganda (yoʻqotib qoʻyilganda yoki yaroqsiz boʻlib qolganda) oluvchining arizasi asosida shaxsiy jamgʻarib boriladigan pensiya hisobvaragʻining aynan oʻsha doimiy shaxsiy tartib raqami bilan, maʼlumotlarning yagona elektron bazasidagi maʼlumotlar asosida uning dublikati beriladi.

V. Jamgʻarib boriladigan pensiya daftarchalarini saqlash va hisobga olish

18. Xalq banki filiali tomonidan olingan Jamgʻarib boriladigan pensiya daftarchalari blankalari olingan kunning oʻzida masʼul xodimlar tomonidan qayta sanab chiqiladi va kirim qilinadi.

19. Jamgʻarib boriladigan pensiya daftarchalarini olish va berishning hisobini yuritish ip oʻtkazib tikilgan va tartib raqami qoʻyilgan hisobga olish daftarida, qatʼiy hisobda turadigan blankalarni hisobga olish va saqlash uchun belgilangan tartibda amalga oshiriladi.

20. Jamgʻarib boriladigan pensiya daftarchalarini hisobga olish Oʻzbekiston Respublikasi qonunchiligida nazarda tutilgan tegishli buxgalteriya hisob varagʻi va shartli qiymatda olib boriladi.

Jamgʻarib boriladigan pensiya daftarchasi toʻgʻrisidagi nizomga 1-ILOVA

Jamgʻarib boriladigan pensiya daftarchasi toʻgʻrisidagi nizomga 2-ILOVA

__________________________________________________-son shaxsiy jamgʻarib boriladigan pensiya hisobvaragʻidagi jamgʻarmalar toʻgʻrisidagi maʼlumotlar

(Oʻzbekiston Respublikasi qonun hujjatlari toʻplami, 2004-y., 51-son, 516-modda; 2005-y., 25-26-son, 179-modda; 2010-y., 13-son, 96-modda; 2011-y., 20-21-son, 204-modda; 2015-y., 35-son, 466-modda; Qonun hujjatlari maʼlumotlari milliy bazasi, 28.03.2018-y., 09/18/238/0453-son; 11.08.2019-y., 09/19/661/3571-son; Qonunchilik maʼlumotlari milliy bazasi, 05.04.2022-y., 09/22/153/0266-son; 06.08.2022-y., 09/22/431/0716-son; 23.03.2023-y., 09/23/119/0160-son; 30.10.2024-y., 09/24/714/0865-son)