Oʻzbekiston SSR Prezidenti huzuridagi Vazirlar Mahkamasining 1991-yil 25-martdagi 65-son qaroriga oʻzgartishlar kiritish toʻgʻrisida (105-son)

06.03.1992

OʻZBEKISTON RESPUBLIKASI PREZIDENTI HUZURIDAGI VAZIRLAR MAHKAMASINING

qarori

Ish haqi va pensiyalar eng kam miqdorining 350 soʻmgacha koʻpayganligi munosabati bilan Vazirlar Mahkamasi qaror qiladi:

Oʻzbekiston SSR Prezidenti huzuridagi Vazirlar Mahkamasining 1991-yil 25-martdagi 65-son qaroriga quyidagi oʻzgartishlar kiritilsin:

11-band “g” kichik bandining 3-xatboshi quyidagi oʻzgartishda bayon qilinsin:

“bir yarim yoshdan 6 yoshgacha boʻlgan bolalarga. Bunga nafaqa olish huquqini beruvchi oila aʼzosining jami daromadi chegarasi eng kam oylik ish haqining ikki baravar miqdorida — 700 soʻm qilib belgilansin”;

14-bandning ikkinchi xatboshi quyidagicha tahrirda bayon qilinsin:

“Mazkur qarorning 12 va 13-bandlari bilan belgilangan toʻlovlar oila aʼzosiga toʻgʻri keladigan jami daromad eng kam ish haqining ikki baravar miqdori — 700 soʻmdan oshmaydigan bolali oilalarga berilsin”.

Oʻzbekiston Respublikasining Bosh vaziri A. MUTALOV

Toshkent sh.,

1992-yil 6-mart,

105-son