Oʻrta maxsus, kasb-hunar taʼlimi muassasalarida yakuniy davlat attestatsiyasini oʻtkazish tartibi toʻgʻrisidagi nizomga oʻzgartirishlar kiritish haqida (2011-3-son)

16.10.2018

Oʻzbekiston Respublikasi Oliy va oʻrta maxsus taʼlim vazirligining kasb-hunar taʼlimi markazi Oʻzbekiston Respublikasi Vazirlar Mahkamasi huzuridagi Taʼlim sifatini nazorat qilish davlat inspeksiyasi Oʻzbekiston Respublikasi Oliy va oʻrta maxsus taʼlim vazirligining

Qarori

[Oʻzbekiston Respublikasi Adliya vazirligi tomonidan 2018-yil 16-oktabrda roʻyxatdan oʻtkazildi, roʻyxat raqami 2011-3]

Oʻzbekiston Respublikasi Vazirlar Mahkamasining 2018-yil 25-maydagi “Oʻzbekiston Respublikasi Oliy va oʻrta maxsus taʼlim vazirligining Kasb-hunar taʼlimi markazi toʻgʻrisidagi nizomni tasdiqlash haqida”gi 391-son qaroriga muvofiq Oʻzbekiston Respublikasi Oliy va oʻrta maxsus taʼlim vazirligining Kasb-hunar taʼlimi markazi, Vazirlar Mahkamasi huzuridagi Taʼlim sifatini nazorat qilish davlat inspeksiyasi hamda Oliy va oʻrta maxsus taʼlim vazirligi qaror qiladi:

1. Oʻzbekiston Respublikasi Oliy va oʻrta maxsus taʼlim vazirligining Oʻrta maxsus, kasb-hunar taʼlimi markazi hamda Oʻzbekiston Respublikasi Vazirlar Mahkamasi huzuridagi Davlat test markazining 2009-yil 4-sentabrdagi 39/QQ va 27/QQ-sonli qarori (roʻyxat raqami 2011, 2009-yil 6-oktabr) (Oʻzbekiston Respublikasi qonun hujjatlari toʻplami, 2009-y., 41-son, 443-modda) bilan tasdiqlangan Oʻrta maxsus, kasb-hunar taʼlimi muassasalarida yakuniy davlat attestatsiyasini oʻtkazish tartibi toʻgʻrisidagi nizomga ilovaga muvofiq oʻzgartirishlar kiritilsin.

2. Mazkur qaror rasmiy eʼlon qilingan kundan eʼtiboran kuchga kiradi.

Kasb-hunar taʼlimi markazi direktori M. XOLMUXAMEDOV

Toshkent sh.,

2018-yil 17-sentabr,

10/qq-son

Taʼlim sifatini nazorat qilish davlat inspeksiyasi boshligʻi U. TAShKENBAYEV

Toshkent sh.,

2018-yil 17-sentabr,

7-mh-son

Oliy va oʻrta maxsus taʼlim vaziri I. MADJIDOV

Toshkent sh.,

2018-yil 17-sentabr,

23-2018-son

Oʻzbekiston Respublikasi Oliy va oʻrta maxsus taʼlim vazirligining Kasb-hunar taʼlimi markazi, Vazirlar Mahkamasi huzuridagi Taʼlim sifatini nazorat qilish davlat inspeksiyasi, Oliy va oʻrta maxsus taʼlim vazirligining 2018-yil 17-sentabrdagi, 10/qq, 7-mh va 23-2018-sonli qaroriga ILOVA

Oʻrta maxsus, kasb-hunar taʼlimi muassasalarida yakuniy davlat attestatsiyasini oʻtkazish tartibi toʻgʻrisidagi nizomga kiritilayotgan oʻzgartirishlar

1. 9-band ikkinchi xatboshisidagi “Oʻrta maxsus, kasb-hunar taʼlimi markazi (keyingi oʻrinlarda Markaz deb yuritiladi)” degan soʻzlar “Kasb-hunar taʼlimi markazi” degan soʻzlar bilan almashtirilsin.

2. 10-band quyidagi tahrirda bayon etilsin:

“10. Akademik litseylarda muayyan mutaxassislik (taʼlim yoʻnalishi) boʻyicha yakuniy attestatsiya sinovlarining tarkibiy qismlari va ularni oʻtkazish muddati Oʻzbekiston Respublikasi Oliy va oʻrta maxsus taʼlim vazirligi tomonidan tasdiqlangan namunaviy oʻquv rejasiga muvofiq belgilanadi.

Kasb-hunar kollejlarida muayyan mutaxassislik (taʼlim yoʻnalishi) boʻyicha yakuniy attestatsiya sinovlarining tarkibiy qismlari va ularni oʻtkazish muddati Kasb-hunar taʼlimi markazi tomonidan tasdiqlangan namunaviy oʻquv rejasiga muvofiq belgilanadi.”

3. 19-band quyidagi tahrirda bayon etilsin:

“19. DAK raisi yakuniy attestatsiya boshlanishidan kamida ikki hafta oldin bir yil (kalendar yil) muddatga hududiy kasb-hunar taʼlimi boshqarmasi boshligʻining (vazirlik, idora yoki oliy taʼlim muassasalari tasarrufidagi oʻrta maxsus, kasb-hunar taʼlim muassasalari uchun shu vazirlik, idora yoki oliy taʼlim muassasasi rahbarining), DAK aʼzolari esa, taʼlim muassasasi direktorining buyrugʻi bilan tasdiqlanadi.”.

4. 34-banddagi “Markaz” soʻzi “Oʻzbekiston Respublikasi Oliy va oʻrta maxsus taʼlim vazirligi” soʻzlari bilan almashtirilsin.

5. Mazkur oʻzgartirishlar Oʻzbekiston Respublikasi Sogʻliqni saqlash vazirligi, Bandlik va mehnat munosabatlari vazirligi, Madaniyat vazirligi, Jismoniy tarbiya va sport vazirligi, Qishloq xoʻjalik vazirligi, Suv xoʻjaligi vazirligi, Oʻzbekiston Badiiy akademiyasi, Davlat soliq qoʻmitasi, “Oʻzbekiston temir yoʻllari” AJ bilan kelishilgan.

Sogʻliqni saqlash vaziri A. ShADMANOV

2018-yil 25-avgust

Bandlik va mehnat munosabatlari vaziri Sh. KUDBIYEV

2018-yil 25-avgust

Madaniyat vaziri B. SAYFULLAYEV

2018-yil 25-avgust

Jismoniy tarbiya va sport vaziri D. NABIYEV

2018-yil 25-avgust

Qishloq xoʻjalik vaziri B. YUSUPOV

2018-yil 25-avgust

Suv xoʻjaligi vaziri Sh. XAMROYEV

2018-yil 25-avgust

Oʻzbekiston Badiiy akademiyasi raisi A. NURIDINOV

2018-yil 25-avgust

Davlat soliq qoʻmitasi raisining birinchi oʻrinbosari B. MUSAYEV

2018-yil 25-avgust

“Oʻzbekiston temir yoʻllari” AJ raisi A. RAMATOV

2018-yil 25-avgust