Shahar yoʻlovchilar transportidan bepul foydalanishni tartibga solish toʻgʻrisida (278-I-son)

30.08.1996

Oʻzbekiston Respublikasining qonuni

Oʻzbekiston Respublikasi Oliy Majlisi qaror qiladi:

1. Shahar yoʻlovchilar transportidan (taksidan tashqari) bepul foydalanish huquqi faqat:

1941—1945-yillardagi urush qatnashchilari jumlasidan boʻlmish harbiy xizmatchilar;

1941 — 1945-yillardagi urush nogironlari va ularga tenglashtirilgan shaxslar;

1941—1945-yillardagi urush davrida front ortida fidokorona mehnati va benuqson harbiy xizmati uchun orden va medallar bilan taqdirlangan shaxslar;

Afgʻoniston Respublikasida va boshqa mamlakatlarning hududidagi jangovar harakatlarda qatnashgan sobiq baynalminalchi jangchilar jumlasidan boʻlmish fuqarolar;

haqiqiy muddatli harbiy xizmatni oʻtayotgan harbiy xizmatchilar va kontrakt boʻyicha oddiy askarlar hamda serjantlar tarkibidagi harbiy xizmatchilar;

“Oʻzbekiston Respublikasi faxriy donori” koʻkrak nishoni bilan taqdirlangan shaxslar;

Chernobil AES halokati oqibatida nurlanish kasalligiga chalingan va uni boshdan kechirgan shaxslar;

oʻzgalar parvarishiga muhtoj boʻlgan yolgʻiz keksalar, yolgʻiz yashovchi keksalar va nogironligi boʻlgan shaxslar;

nogironligi boʻlgan koʻzi ojiz shaxslar va I guruh nogironligi boʻlgan shaxslar uchun hamda ularga hamrohlik qiluvchi bir nafar shaxs uchun saqlab qolinsin.

2. Quyidagi qonun hujjatlari oʻz kuchini yoʻqotgan deb hisoblansin:

1992-yil 9-dekabrda qabul qilingan “Prokuratura toʻgʻrisida”gi Oʻzbekiston Respublikasi Qonuni (Oʻzbekiston Respublikasi Oliy Kengashining Axborotnomasi, 1993-yil, № 1, 29-modda) 52-moddasi toʻrtinchi qismining;

1993-yil 7-mayda qabul qilingan Oʻzbekiston Respublikasi Qonuni bilan tasdiqlangan “Sogʻlom avlod uchun” ordeni toʻgʻrisidagi Nizomning (Oʻzbekiston Respublikasi Oliy Kengashining Axborotnomasi, 1993-yil, № 6, 257-modda) 4-moddasi birinchi qismi uchinchi xatboshisining va 5-moddasi birinchi qismi ikkinchi xatboshisining;

1994-yil 5-mayda qabul qilingan Oʻzbekiston Respublikasi Qonuni bilan tasdiqlangan “Oʻzbekiston Qahramoni” unvoni toʻgʻrisidagi Nizom (Oʻzbekiston Respublikasi Oliy Kengashining Axborotnomasi, 1994-yil, № 5, 113-modda) 6-moddasi ikkinchi qismining;

1995-yil 24-fevralda qabul qilingan Oʻzbekiston Respublikasi Oliy Majlisining qarori bilan tasdiqlangan Oʻzbekiston Respublikasi Oliy Majlisi deputatlari faoliyatining taʼminoti toʻgʻrisidagi Nizom (Oʻzbekiston Respublikasi Oliy Majlisining Axborotnomasi, 1995-yil, № 4, 30-modda) 9-moddasi birinchi qismining;

1995-yil 6-mayda qabul qilingan “Oʻzbekiston Respublikasida deputatlarning maqomi toʻgʻrisida”gi Oʻzbekiston Respublikasi Qonuni (Oʻzbekiston Respublikasi Oliy Majlisining Axborotnomasi, 1995-yil, № 6, 114-modda) 27-moddasi birinchi va ikkinchi qismlarining shahar yoʻlovchilar transportidan bepul foydalanishga doir qismlari.

3. Ushbu Qonun matbuotda eʼlon qilingan kundan eʼtiboran amalga kiritilsin.

Oʻzbekiston Respublikasining Prezidenti I. KARIMOV

Toshkent sh.,

1996-yil 30-avgust,

278-I-son