“Oliy taʼlim muassasalari boshqaruv, texnik, xizmat koʻrsatuvchi va oʻquv-yordamchi xodimlarining namunaviy shtatlarini tasdiqlash toʻgʻrisida”gi qarorga oʻzgartirishlar kiritish haqida (2859-1-son)

11.10.2018

Oʻzbekiston Respublikasi Oliy va oʻrta maxsus taʼlim vazirligi Oʻzbekiston Respublikasi bandlik va mehnat munosabatlari vazirligi Oʻzbekiston Respublikasi Moliya vazirligining

Qarori

[Oʻzbekiston Respublikasi Adliya vazirligi tomonidan 2018-yil 11-oktabrda roʻyxatdan oʻtkazildi, roʻyxat raqami 2859-1]

Oʻzbekiston Respublikasi Prezidentining 2017-yil 24-maydagi PF-5052-son “Bandlik sohasida davlat siyosatini yanada takomillashtirish va mehnat organlari faoliyati samaradorligini tubdan oshirish chora-tadbirlari toʻgʻrisida”gi Farmoni, 2017-yil 27-iyuldagi PQ-3151-son “Oliy maʼlumotli mutaxassislar tayyorlash sifatini oshirishda iqtisodiyot sohalari va tarmoqlarining ishtirokini yanada kengaytirish chora-tadbirlari toʻgʻrisida”gi, 2018-yil 7-maydagi PQ-3698-son “Iqtisodiyot tarmoqlari va sohalariga innovatsiyalarni joriy etish mexanizmlarini takomillashtirish boʻyicha qoʻshimcha chora-tadbirlar toʻgʻrisida”gi, 2018-yil 5-iyundagi PQ-3775-son “Oliy taʼlim muassasalarida taʼlim sifatini oshirish va ularning mamlakatda amalga oshirilayotgan keng qamrovli islohotlarda faol ishtirokini taʼminlash boʻyicha qoʻshimcha chora-tadbirlar toʻgʻrisida”gi qarorlari, Oʻzbekiston Respublikasi Vazirlar Mahkamasining 2017-yil 1-maydagi 250-son “Oʻzbekiston Respublikasi Prezidentining “Yuridik xizmat faoliyatini tubdan takomillashtirish chora-tadbirlari toʻgʻrisida” 2017-yil 19-yanvardagi PQ-2733-son qarorini amalga oshirish chora-tadbirlari haqida”gi, 2017-yil 18-iyuldagi 515-son “Oʻzbekiston Respublikasi Vazirlar Mahkamasi huzuridagi Taʼlim sifatini nazorat qilish davlat inspeksiyasi faoliyatini tashkil etish toʻgʻrisida”gi va 2017-yil 21-noyabrdagi 930-son “Oliy taʼlim muassasasida sirtqi (maxsus sirtqi) va kechki (smenali) taʼlimni tashkil etish tartibi toʻgʻrisidagi nizomlarni tasdiqlash haqida”gi qarorlariga muvofiq Oʻzbekiston Respublikasi Oliy va oʻrta maxsus taʼlim vazirligi, Bandlik va mehnat munosabatlari vazirligi va Moliya vazirligi qaror qiladi:

1. Oʻzbekiston Respublikasi Oliy va oʻrta maxsus taʼlim vazirligi, Mehnat vazirligi va Moliya vazirligining 2017-yil 6-fevraldagi 1-2017, 4-q/q, 13-son “Oliy taʼlim muassasalari boshqaruv, texnik, xizmat koʻrsatuvchi va oʻquv-yordamchi xodimlarining namunaviy shtatlarini tasdiqlash toʻgʻrisida”gi qaroriga (roʻyxat raqami 2859, 2017-yil 21-fevral) (Oʻzbekiston Respublikasi qonun hujjatlari toʻplami, 2017-y., 8-son, 122-modda) ilovaga muvofiq oʻzgartirishlar kiritilsin.

2. Mazkur qaror rasmiy eʼlon qilingan kundan eʼtiboran kuchga kiradi.

Oliy va oʻrta maxsus taʼlim vaziri I. MADJIDOV

Toshkent sh.,

2018-yil 24-avgust,

18-2018-son

Bandlik va mehnat munosabatlari vaziri Sh. KUDBIYEV

Toshkent sh.,

2018-yil 24-avgust,

22-Q/Q-son

Moliya vaziri D. KUChKAROV

Toshkent sh.,

2018-yil 24-avgust,

122-son

Oʻzbekiston Respublikasi Oliy va oʻrta maxsus taʼlim vazirligi, Bandlik va mehnat munosabatlari vazirligi va Moliya vazirligining 2018-yil 24-avgustdagi 18-2018, 22-Q/Q, 122-son qaroriga ILOVA

“Oliy taʼlim muassasalari boshqaruv, texnik, xizmat koʻrsatuvchi va oʻquv-yordamchi xodimlarining namunaviy shtatlarini tasdiqlash toʻgʻrisida”gi qarorga kiritilayotgan oʻzgartirishlar

1. 2-bandining beshinchi xatboshisidagi “Mehnat vazirligi” degan soʻzlar “Bandlik va mehnat munosabatlari vazirligi” degan soʻzlar bilan almashtirilsin.

2. 1-ilova mazkur oʻzgartirishlarning ilovasiga muvofiq tahrirda bayon etilsin.

“Oliy taʼlim muassasalari boshqaruv, texnik, xizmat koʻrsatuvchi va oʻquv-yordamchi xodimlarining namunaviy shtatlarini tasdiqlash toʻgʻrisida”gi qarorga kiritilayotgan oʻzgartirishlarga ILOVA

“Oʻzbekiston Respublikasi Oliy va oʻrta maxsus taʼlim vazirligi, Bandlik va mehnat munosabatlari vazirligi va Moliya vazirligining 2017-yil 6-fevraldagi 1-2017, 4-q/q, 13-son qaroriga ILOVA

Oliy taʼlim muassasalari boshqaruv, texnik, xizmat koʻrsatuvchi va oʻquv-yordamchi xodimlarining

NAMUNAVIY ShTATLARI

T/r Tarkibiy tuzilmalar va lavozimlar nomlanishi Talabalarning keltirilgan kontingenti 500 gacha 501 dan 1000 gacha 1001 dan 1500 gacha 1501 dan 2000 gacha 2001 dan 2500 gacha 2501 dan 3000 gacha 3001 dan 3500 gacha 3501 dan 4000 gacha 4001 dan 5000 gacha 5001 dan 6500 gacha 6501 dan 8000 gacha 8001 dan 10 000 gacha 10 000 dan yuqori A B 1 2 3 4 5 6 7 8 9 10 11 12 13 I. REKTORAT 1. Rektor (filial direktori) 1 1 1 1 1 1 1 1 1 1 1 1 1 2. Oʻquv va tarbiyaviy ishlar boʻyicha prorektor (filial direktori oʻrinbosari) 1 1 1 1 1 1 3. Oʻquv ishlari boʻyicha prorektor (filial direktori oʻrinbosari) 1 1 1 1 1 1 1 4. Yoshlar bilan ishlash boʻyicha prorektor (filial direktori oʻrinbosari) 1 1 1 1 1 1 1 5. Ilmiy ishlar va innovatsiyalar boʻyicha prorektor (filial direktori oʻrinbosari) 1 1 1 1 1 1 1 1 1 1 1 1 1 6. Xalqaro hamkorlik boʻyicha prorektor (filial direktori oʻrinbosari) mazkur Namunaviy shtatlarning ilovasiga muvofiq belgilanadi 7. Moliya-iqtisod ishlari boʻyicha prorektor (filial direktori oʻrinbosari) 1 1 1 1 8. Ishlar boshqarmasi boshligʻi 1 1 1 1 1 1 1 1 1 9. Rektor yordamchisi 1 1 1 1 1 1 1 10. Bosh muhandis 1 1 1 1 1 1 1 1 1 1 1 1 1 11. Bosh energetik mazkur Namunaviy shtatlarning ilovasiga muvofiq belgilanadi 12. Ilmiy kengashning ilmiy kotibi mazkur Namunaviy shtatlarning ilovasiga muvofiq belgilanadi 13. Oliy taʼlim muassasasi kengashi kotibi 1 1 1 1 1 1 1 1 1 1 1 1 1 14. Oliy taʼlim muassasasi matbuot kotibi 1 1 1 1 1 1 1 1 1 1 1 1 1 15. Psixolog 1 1 1 1 1 1 1 1 1 1 1 1 1 16. Yuriskonsult (katta yuriskonsult) mazkur Namunaviy shtatlarning ilovasiga muvofiq belgilanadi 17. Kotib-ish yurituvchi mazkur Namunaviy shtatlarning ilovasiga muvofiq belgilanadi II. YoShLAR BILAN IShLASh, MAʼNAVIYAT VA MAʼRIFAT BOʻLIMI 1 . Boʻlim boshligʻi 1 1 1 1 1 1 1 1 1 1 1 1 1 2 . Uslubchi mazkur Namunaviy shtatlarning ilovasiga muvofiq belgilanadi 3. Tarbiyachi-pedagog mazkur Namunaviy shtatlarning ilovasiga muvofiq belgilanadi III. MONITORING VA IChKI NAZORAT BOʻLIMI (1500 gacha boʻlgan kontingentda — MONITORING VA IChKI NAZORAT SEKTORI) 1 . Boʻlim boshligʻi (sektor mudiri) 1 1 1 1 1 1 1 1 1 1 1 1 2 . Uslubchi 1 1 1 1 1 1 1 1 1 1 2 2 2 3 . Inspektor 1 1 1 1 1 1 1 1 1 IV. OʻQUV-USLUBIY BOʻLIM ( 5000 dan ortiq kontingentda — OʻQUV-USLUBIY BOShQARMA) 1 . Boʻlim (boshqarma) boshligʻi 1 1 1 1 1 1 1 1 1 1 1 1 2 . Boshqarma boshligʻi oʻrinbosari 1 1 1 3 . Uslubchi mazkur Namunaviy shtatlarning ilovasiga muvofiq belgilanadi 4 . Sirtqi (Maxsus sirtqi) taʼlim uchun oʻquv-metodik ishlar boʻyicha uslubchi mazkur Namunaviy shtatlarning ilovasiga muvofiq belgilanadi 5. Kechki (smenali) taʼlim uchun oʻquv-metodik ishlar boʻyicha uslubchi mazkur Namunaviy shtatlarning ilovasiga muvofiq belgilanadi 6. Oʻquv ishlari boʻyicha inspektor 1 1 1 2 2 2 2 2 2 2 2 3 3 7. Dispetcher 1 1 2 2 2 2 2 2 2 2 2 2 8. Ish yurituvchi 1 1 1 1 1 1 1 1 1 1 1 1 1 V. BUYuRTMALAR PORTFELINI ShAKLLANTIRISh, BITIRUVChILARNI IShGA TAQSIMLASh VA MONITORING BOʻLIMI 1. Boʻlim boshligʻi 1 1 1 1 1 1 1 1 1 1 1 1 2. Yosh mutaxassislar bilan ishlash boʻyicha muhandis (toifasiz, 1-toifa, 2-toifa) 1 1 1 1 1 1 1 1 1 1 1 1 2 Toʻlov-kontrakt asosida oʻqitish boʻyicha shartnomalarni rasmiylashtirish va hisobga olish guruhi 1. Iqtisodchi (toifasiz, 1-toifa, 2-toifa) 1 1 1 1 1 1 1 1 1 1 1 1 1 2. Inspektor 1 1 1 1 1 2 2 2 2 2 VI. ILMIY-TADQIQOTLAR, INNOVATSIYALAR VA ILMIY-PEDAGOGIK KADRLAR TAYYORLASh BOʻLIMI (2000 gacha boʻlgan kontingentda — ILMIY-TADQIQOTLAR, INNOVATSIYALAR VA ILMIY-PEDAGOGIK KADRLAR TAYYORLASh SEKTORI) 1. Boʻlim boshligʻi 1 1 1 1 1 1 1 1 1 1 1 1 2. Ilmiy tadqiqot ishlari muhandisi (toifasiz, 1-toifa, 2-toifa) 1 1 1 1 1 1 1 1 1 1 2 2 2 3. Muhandis (toifasiz, 1-toifa, 2-toifa) mazkur Namunaviy shtatlarning ilovasiga muvofiq belgilanadi VII. IQTIDORLI TALABALARNING ILMIY-TADQIQOT FAOLIYATINI TAShKIL ETISh BOʻLIMI (2000 gacha boʻlgan kontingentda — IQTIDORLI TALABALARNING ILMIY-TADQIQOT FAOLIYATINI TAShKIL ETISh SEKTORI) 1. Boʻlim boshligʻi 1 1 1 1 1 1 1 1 1 1 1 1 1 2. Ilmiy tadqiqot ishlari muhandisi (toifasiz, 1-toifa, 2-toifa) 1 1 1 1 1 1 1 1 1 1 1 1 2 VIII. XALQARO HAMKORLIK BOʻLIM 1 . Boʻlim boshligʻi 1 1 1 1 1 1 1 1 1 1 1 1 1 2 . Uslubchi 1 1 1 1 1 1 1 1 1 1 2 2 2 IX.AXBOROT TEXNOLOGIYALARI MARKAZI 1. AT markazi boshligʻi 1 1 1 1 1 1 1 1 1 1 1 1 1 Axborot tizimlarini joriy etish boʻlimi 1. Boʻlim boshligʻi 1 1 1 1 1 1 1 2. Muhandis-dasturchi (toifasiz, 1-toifa, 2-toifa) 1 1 1 1 1 1 1 1 1 1 1 2 3 3. Tizim administratori 1 1 1 1 1 1 1 1 1 1 1 1 Tarmoqlarni boshqarish boʻlimi 1. Boʻlim boshligʻi 1 1 1 1 1 1 2. Muhandis-dasturchi (toifasiz, 1-toifa, 2-toifa) 1 1 1 1 1 1 1 1 1 2 3. Tarmoq administratori 1 1 1 1 1 1 1 1 1 1 1 1 1 4. Texnik (toifasiz, 1-toifa, 2-toifa) 1 1 1 1 Texnik qoʻllab-quvvatlash boʻlimi 1. Boʻlim boshligʻi 1 1 1 2. Muhandis-dasturchi (toifasiz, 1-toifa, 2-toifa) 1 1 1 1 1 1 1 1 1 1 1 1 3. Muhandis-elektronchi (toifasiz, 1-toifa, 2-toifa) 1 1 1 1 1 1 1 1 4. Kompyuter zali mudiri 1 1 1 1 1 1 1 1 1 5. Texnik-elektronchi (toifasiz, 1-toifa, 2-toifa) 1 1 Axborot xavfsizligini taʼminlash boʻlimi 1. Boʻlim boshligʻi 1 1 1 1 1 1 1 1 1 2. Muhandis-dasturchi (toifasiz, 1-toifa, 2-toifa) 1 1 1 1 3. Tarmoq administratori 1 1 1 1 1 1 1 1 1 1 1 1 1 4. Tizim administratori 1 1 1 1 1 1 1 1 1 1 1 1 X. AXBOROT-RESURS MARKAZI 1. Direktor (Mudir) 1 1 1 1 1 1 1 1 1 1 1 1 1 2. Direktor oʻrinbosari (Mudir oʻrinbosari) 1 1 1 Ilmiy-uslubiy va axborot-maʼlumot (davriy nashrlar) boʻlimi 1. Boʻlim mudiri 1 1 1 1 1 1 1 2. Yetakchi mutaxassis 1 1 1 1 1 1 1 3. Uslubchi 1 1 1 1 1 1 1 1 1 4. Bibliograf (toifasiz, 1-toifa, 2-toifa) 1 1 1 1 1 1 5. Kutubxonachi (toifasiz, 1-toifa, 2-toifa) 1 2 2 2 2 2 2 2 4 4 8 10 10 Axborot-kutubxona resurslarini butlash, kataloglashtirish va tizimlashtirish boʻlimi 1. Boʻlim mudiri 1 1 1 1 1 1 1 1 1 1 1 2. Axborot-kutubxona texnologiyalari boʻyicha yetakchi mutaxassis 1 1 1 1 1 1 1 1 1 1 1 3. Bibliograf (toifasiz, 1-toifa, 2-toifa) 1 1 1 1 1 1 4. Kutubxonachi (toifasiz, 1-toifa, 2-toifa) 1 1 2 2 4 4 4 5 5 6 8 10 10 Axborot-kutubxona resurslari bilan xizmat koʻrsatish boʻlimi (abonementlarga xizmat koʻrsatish, oʻquv zallari va kitob saqlashni inobatga olgan holda) 1. Boʻlim mudiri 1 1 1 1 1 1 1 1 1 1 1 2. Bosh kutubxonachi 1 1 1 1 1 1 1 1 1 3. Bibliograf (toifasiz, 1-toifa, 2-toifa) 1 1 1 1 1 1 2 3 4 4 4. Kutubxonachi (toifasiz, 1-toifa, 2-toifa) 1 2 2 2 2 2 2 2 2 3 4 5 5 Elektron axborot resurslari boʻlimi 1 . Boʻlim mudiri 1 1 1 1 1 1 1 1 2 . Axborot-kutubxona texnologiyalari boʻyicha yetakchi mutaxassis 1 1 1 1 1 1 1 1 1 1 3 . Elektron kutubxonalar kutubxonachisi (toifasiz, 1-toifa, 2-toifa) 1 1 1 1 1 1 1 1 1 1 1 1 1 Xorijiy axborot-kutubxona resurslari bilan ishlash boʻlimi 1. Boʻlim mudiri 1 1 1 1 1 1 1 1 2. Bibliograf (toifasiz, 1-toifa, 2-toifa) 1 1 1 1 1 1 1 1 1 1 1 3. Kutubxonachi (toifasiz, 1-toifa, 2-toifa) 1 1 1 1 1 1 1 1 1 1 1 1 1 XI. TAHRIRIY-NAShRIYOT BOʻLIMI 1. Boʻlim boshligʻi mazkur Namunaviy shtatlarning ilovasiga muvofiq belgilanadi 2. Muharrir mazkur Namunaviy shtatlarning ilovasiga muvofiq belgilanadi 3. Musahhih mazkur Namunaviy shtatlarning ilovasiga muvofiq belgilanadi 4. Texnik muharrir mazkur Namunaviy shtatlarning ilovasiga muvofiq belgilanadi XII. FAKULTET 1. Dekan mazkur Namunaviy shtatlarning ilovasiga muvofiq belgilanadi 2. Dekan oʻrinbosari mazkur Namunaviy shtatlarning ilovasiga muvofiq belgilanadi 3. Yoshlar bilan ishlash boʻyicha dekan oʻrinbosari mazkur Namunaviy shtatlarning ilovasiga muvofiq belgilanadi 4. Oʻquv ishlari boʻyicha dispetcher mazkur Namunaviy shtatlarning ilovasiga muvofiq belgilanadi 5. Uslubchi 1 1 1 1 1 1 1 1 1 1 1 1 1 6. Ish yurituvchi mazkur Namunaviy shtatlarning ilovasiga muvofiq belgilanadi XIII. MALAKA OShIRISh VA QAYTA TAYYORLASh FAKULTETI 1. Dekan mazkur Namunaviy shtatlarning ilovasiga muvofiq belgilanadi 2. Uslubchi mazkur Namunaviy shtatlarning ilovasiga muvofiq belgilanadi 3. Ish yurituvchi mazkur Namunaviy shtatlarning ilovasiga muvofiq belgilanadi XIV. MAGISTRATURA BOʻLIMI 1. Boʻlim boshligʻi mazkur Namunaviy shtatlarning ilovasiga muvofiq belgilanadi 2. Uslubchi mazkur Namunaviy shtatlarning ilovasiga muvofiq belgilanadi XV. REJA-MOLIYA BOʻLIMI (500 gacha kontingentda — REJA-MOLIYA SEKTORI) 1. Boʻlim (sektor) boshligʻi 1 1 1 1 1 1 1 1 1 1 1 1 2. Iqtisodchi (toifasiz, 1-toifa, 2-toifa) 2 2 2 2 2 2 2 2 2 2 2 2 2 XVI. BUXGALTERIYA 1. Bosh buxgalter 1 1 1 1 1 1 1 1 1 1 1 1 1 2. Bosh buxgalter oʻrinbosari 1 1 1 1 1 1 1 1 1 1 1 1 3. Bosh buxgalter oʻrinbosari-auditor 1 1 1 1 1 1 1 1 1 1 1 4. Toʻlov-kontrakt asosida oʻqitishdan tushgan mablagʻlarini hisobga olish boʻyicha buxgalter (toifasiz, 1-toifa, 2-toifa) 1 1 1 1 1 2 2 2 2 2 2 5. Buxgalter (toifasiz, 1-toifa, 2-toifa) 1 1 1 2 3 5 5 7 7 7 7 7 7 6. Gʻaznachi 1 1 1 1 1 1 2 2 2 2 2 2 2 XVII. XODIMLAR BOʻLIMI 1. Boʻlim boshligʻi 1 1 1 1 1 1 1 1 1 1 1 1 2. Xodimlar boʻyicha muhandis (toifasiz, 1-toifa, 2-toifa) 1 1 1 1 2 2 2 2 2 2 2 2 3. Inspektor 1 1 1 2 2 2 2 2 2 2 2 2 2 XVIII. BIRINChI BOʻLIM 1. Bosh mutaxassis 1 1 1 1 1 1 1 1 1 1 1 1 1 XIX. IKKINChI BOʻLIM 1. Boʻlim boshligʻi mazkur Namunaviy shtatlarning ilovasiga muvofiq belgilanadi 2. Muhandis (toifasiz, 1-toifa, 2-toifa) mazkur Namunaviy shtatlarning ilovasiga muvofiq belgilanadi XX. DEVONXONA VA ARXIV 1. Devonxona mudiri 1 1 1 1 1 1 1 1 1 1 1 1 1 2. Ish yurituvchi 1 1 1 1 1 1 1 1 1 2 2 3. Arxiv mudiri 1 1 1 1 1 1 1 1 1 1 4. Arxivarius 1 1 1 1 1 1 1 1 1 1 1 1 1 5. Kuryer 1 1 1 1 1 1 1 1 1 1 1 1 1 XXI. TAʼLIM SIFATINI NAZORAT QILISh BOʻLIMI 1. Boʻlim boshligʻi 1 1 1 1 1 1 1 1 1 1 1 1 1 2. Bosh mutaxassis 2 2 2 2 2 2 2 2 2 2 2 2 2 XXII. SIRTQI (MAXSUS SIRTQI) BOʻLIM 1. Boʻlim boshligʻi mazkur Namunaviy shtatlarning ilovasiga muvofiq belgilanadi 2. Uslubchi mazkur Namunaviy shtatlarning ilovasiga muvofiq belgilanadi XXIII. OʻQITIShNING TEXNIK VOSITALARI BOʻLIMI 1. Boʻlim boshligʻi 1 1 1 1 1 1 1 1 1 2. Oʻquv jihozlari boʻyicha muhandis (toifasiz, 1-toifa, 2-toifa) 1 1 1 1 1 1 1 1 1 1 1 1 1 3. Texnik (toifasiz, 1-toifa, 2-toifa) 1 1 1 1 1 1 1 1 1 1 1 1 XXIV. FUQARO VA MEHNAT MUHOFAZASI BOʻLIMI 1. Boʻlim boshligʻi 1 1 1 1 1 1 1 1 2. Mehnat muhofazasi boʻyicha muhandis (toifasiz, 1-toifa, 2-toifa) 1 1 1 1 1 1 1 1 1 1 1 1 1 3. Fuqaro muhofazasi va favqulodda vaziyatlar boʻyicha muhandis 1 1 1 1 1 1 1 1 1 1 1 1 1 4. Yongʻin xavfsizligi boʻyicha instruktor 1 1 1 1 1 1 1 1 1 1 1 1 1 XXV. TEXNIK-FOYDALANISh VA XOʻJALIK BOʻLIMI 1. Boʻlim boshligʻi 1 1 1 1 1 1 1 1 1 1 1 1 2. Muhandis (toifasiz, 1-toifa, 2-toifa) 2 2 2 2 2 2 3 3 3 3 3 3 3 3. Texnik (toifasiz, 1-toifa, 2-toifa) 1 1 1 1 1 1 1 1 4. Katta tovarshunos 1 1 1 1 1 1 1 1 1 1 1 1 1 5. Ombor mudiri mazkur Namunaviy shtatlarning ilovasiga muvofiq belgilanadi 6. Omborchi mazkur Namunaviy shtatlarning ilovasiga muvofiq belgilanadi 7. Yordamchi ishchi 1 1 1 1 1 2 2 2 2 2 2 3 3 8. Bino komendanti mazkur Namunaviy shtatlarning ilovasiga muvofiq belgilanadi 9. Xoʻjalik boʻlimi mudiri mazkur Namunaviy shtatlarning ilovasiga muvofiq belgilanadi 10. Dispetcherlik xizmati operatori mazkur Namunaviy shtatlarning ilovasiga muvofiq belgilanadi 11. Talabalar turar joyi mudiri mazkur Namunaviy shtatlarning ilovasiga muvofiq belgilanadi 12. Bino va inshootlarni joriy taʼmirlash va xizmat koʻrsatish boʻyicha ishchi: slesar-santexnik mazkur Namunaviy shtatlarning ilovasiga muvofiq belgilanadi elektromontyor mazkur Namunaviy shtatlarning ilovasiga muvofiq belgilanadi duradgor mazkur Namunaviy shtatlarning ilovasiga muvofiq belgilanadi Ventilatsiya va konditsionerlashtirish tizimlarini taʼmirlash va xizmat koʻrsatish boʻyicha chilangar mazkur Namunaviy shtatlarning ilovasiga muvofiq belgilanadi 13. Farrosh mazkur Namunaviy shtatlarning ilovasiga muvofiq belgilanadi 14. Gazpayvandlovchi 1 1 1 1 1 1 1 1 1 1 2 2 2 15. Garderobchi mazkur Namunaviy shtatlarning ilovasiga muvofiq belgilanadi 16. Liftchi mazkur Namunaviy shtatlarning ilovasiga muvofiq belgilanadi 17. Qorovul mazkur Namunaviy shtatlarning ilovasiga muvofiq belgilanadi 18. Bogʻbon mazkur Namunaviy shtatlarning ilovasiga muvofiq belgilanadi 19. Koʻcha supuruvchi mazkur Namunaviy shtatlarning ilovasiga muvofiq belgilanadi 20. Yuklovchi 1 1 1 1 1 2 2 2 2 2 2 3 3 21. Xoʻjalik bekasi mazkur Namunaviy shtatlarning ilovasiga muvofiq belgilanadi 22. Pasportist mazkur Namunaviy shtatlarning ilovasiga muvofiq belgilanadi 23. Talabalar turar joyi direktori mazkur Namunaviy shtatlarning ilovasiga muvofiq belgilanadi 24. Aloqachi (aloqa elektromontyori) mazkur Namunaviy shtatlarning ilovasiga muvofiq belgilanadi 25. Dispetcher-garaj mudiri mazkur Namunaviy shtatlarning ilovasiga muvofiq belgilanadi 26. Mexanik mazkur Namunaviy shtatlarning ilovasiga muvofiq belgilanadi 27. Haydovchi mazkur Namunaviy shtatlarning ilovasiga muvofiq belgilanadi XXVI. MUZEYLAR 1. Fond saqlovchi mazkur Namunaviy shtatlarning ilovasiga muvofiq belgilanadi 2. Muzey kuzatuvchisi mazkur Namunaviy shtatlarning ilovasiga muvofiq belgilanadi XXVII. QOZONXONA 1. Oʻt yoquvchi mazkur Namunaviy shtatlarning ilovasiga muvofiq belgilanadi 2. Chilangar (santexnik) mazkur Namunaviy shtatlarning ilovasiga muvofiq belgilanadi XXVIII. SPORT INShOOTLARI 1. Sport inshooti mudiri mazkur Namunaviy shtatlarning ilovasiga muvofiq belgilanadi 2. Shifokor (vrach) mazkur Namunaviy shtatlarning ilovasiga muvofiq belgilanadi 3. Hamshira mazkur Namunaviy shtatlarning ilovasiga muvofiq belgilanadi 4. Kimyoviy usulda tozalovchi (xloratorщik) mazkur Namunaviy shtatlarning ilovasiga muvofiq belgilanadi 5. Muhandis (toifasiz, 1-toifa, 2-toifa) mazkur Namunaviy shtatlarning ilovasiga muvofiq belgilanadi 6. Ishchi mazkur Namunaviy shtatlarning ilovasiga muvofiq belgilanadi XXIX. VIVARIYLAR 1. Vivariy mudiri mazkur Namunaviy shtatlarning ilovasiga muvofiq belgilanadi 2. Ishchi mazkur Namunaviy shtatlarning ilovasiga muvofiq belgilanadi XXX. OʻQUV POLIGONLARI 1. Poligon mudiri mazkur Namunaviy shtatlarning ilovasiga muvofiq belgilanadi XXXI. SANʼAT SAROYLARI 1. Sanʼat saroyi mudiri mazkur Namunaviy shtatlarning ilovasiga muvofiq belgilanadi XXXII. AVTOMATLAShTIRILGAN TELEFON STANSIYASI (ATS) 1. Stansiya boshligʻi mazkur Namunaviy shtatlarning ilovasiga muvofiq belgilanadi 2. Aloqa muhandisi (toifasiz, 1-toifa, 2-toifa) mazkur Namunaviy shtatlarning ilovasiga muvofiq belgilanadi 3. Aloqa boʻyicha texnik mazkur Namunaviy shtatlarning ilovasiga muvofiq belgilanadi 4. Aloqachi (aloqa elektromontyori) mazkur Namunaviy shtatlarning ilovasiga muvofiq belgilanadi XXXIII. OʻQUV-YORDAMChI XODIMLAR 1. Kabinet mudiri mazkur Namunaviy shtatlarning ilovasiga muvofiq belgilanadi 2. Laboratoriya mudiri mazkur Namunaviy shtatlarning ilovasiga muvofiq belgilanadi 3. Laborant mazkur Namunaviy shtatlarning ilovasiga muvofiq belgilanadi 4. Muhandis (toifasiz, 1-toifa, 2-toifa) mazkur Namunaviy shtatlarning ilovasiga muvofiq belgilanadi 5. Texnik (toifasiz, 1-toifa, 2-toifa) mazkur Namunaviy shtatlarning ilovasiga muvofiq belgilanadi 6. Ishlab chiqarish taʼlimi ustasi mazkur Namunaviy shtatlarning ilovasiga muvofiq belgilanadi 7. Konsertmeyster (yetakchi konsertmeyster) mazkur Namunaviy shtatlarning ilovasiga muvofiq belgilanadi

Oliy taʼlim muassasalari boshqaruv, texnik, xizmat koʻrsatuvchi va oʻquv-yordamchi xodimlarining namunaviy shtatlariga ILOVA

Oliy taʼlim muassasalari boshqaruv, texnik, xizmat koʻrsatuvchi va oʻquv-yordamchi xodimlari uchun alohida lavozimlarni kiritish

MEʼYORLARI

1-bob. Umumiy qoidalar

1. Oliy taʼlim muassasalari (bundan buyon matnda OTM deb yuritiladi) xodimlarining soni moliya yilining birinchi sanasi holatidagi kunduzgi va sirtqi taʼlim shakllarida taʼlim olayotgan bakalavrlar va magistrlar (bundan buyon matnda talabalar deb yuritiladi) kontingentidan kelib chiqib, sirtqi taʼlim talabalari uchun — 0,4 koeffitsiyentni qoʻllagan holda, Oliy taʼlim muassasalari boshqaruv, texnik, xizmat koʻrsatuvchi va oʻquv-yordamchi xodimlarining namunaviy shtatlariga muvofiq aniqlanadi.

2. Talabalarning kontingenti 10 000 nafardan ziyod boʻlgan OTM xodimlarining soni tasarrufida OTM boʻlgan vazirlik yoki idora tomonidan Oʻzbekiston Respublikasi Oliy va oʻrta maxsus taʼlim vazirligi (boshqa vazirlik va idoralar tizimidagi OTMlar uchun), Bandlik va mehnat munosabatlari vazirligi va Moliya vazirligi bilan kelishilgan holda belgilanadi.

2-bob. OTMda alohida tuzilmalar va lavozimlarni kiritish meʼyorlari

1-§. Rektorat

3. Xalqaro hamkorlik boʻyicha prorektor (filial direktori oʻrinbosari) lavozimi OTM tomonidan xalqaro faoliyat (xorijlik talabalar soni 200 va undan koʻp boʻlganda yoki qoʻshma fakultet yoki qoʻshma dastur yoki xorijiy oliy taʼlim va ilmiy-tadqiqot muassasalaridan birining filiallariga muassislik qilish bitimlari mavjud boʻlganda) yuritilgan taqdirda tasarrufida OTM boʻlgan vazirlik yoki idoraning asoslantirilgan murojaatiga koʻra (boshqa vazirlik va idoralar tizimidagi OTMlar uchun) Oʻzbekiston Respublikasi oliy va oʻrta maxsus taʼlim vazirining buyrugʻi asosida kiritiladi.

4. Bosh energetik lavozimi OTMda 40 ming kv.metr va undan yuqori umumiy oʻquv-laboratoriya, turar joy va boshqa maydon mavjud boʻlganda kiritiladi.

5. Ilmiy kengashning ilmiy kotibi lavozimi ilmiy daraja beruvchi ilmiy kengash tashkil etilgan OTM uchun 1 birlik sonida kiritiladi.

6. Yuriskonsult (katta yuriskonsult) lavozimi Oʻzbekiston Respublikasi Vazirlar Mahkamasining 2017-yil 1-maydagi 250-son Oʻzbekiston Respublikasi Prezidentining “Yuridik xizmat faoliyatini tubdan takomillashtirish chora-tadbirlari toʻgʻrisida” 2017-yil 19-yanvardagi PQ-2733-son qarorini amalga oshirish chora-tadbirlari haqida”gi qaroriga muvofiq belgilanadi.

7. Kotib — ish yurituvchi lavozimi 1 birlik hisobida rektor va har bir prorektor uchun alohida kiritiladi.

2-§. Yoshlar bilan ishlash, maʼnaviyat va maʼrifat boʻlimi

8. Uslubchi lavozimi OTMda:

kunduzgi taʼlim talabalari soni 500 nafargacha boʻlganda 1 birlik;

kunduzgi taʼlim talabalari soni 501 dan 3000 nafargacha boʻlganda 2 birlik;

kunduzgi taʼlim talabalari soni 3001 va undan ziyod boʻlganda, keyingi har 500 nafar talaba uchun qoʻshimcha 0,5 birlik hisobida, lekin OTM uchun 4 shtat birligidan oshmagan holda kiritiladi.

9. Tarbiyachi-pedagog lavozimi OTMda faoliyat koʻrsatayotgan har bir talabalar turar joyi uchun 1 birlikdan kiritiladi.

3-§. Oʻquv-uslubiy boʻlim (boshqarma)

10. Uslubchi lavozimi OTMda kunduzgi taʼlim talabalari soni 2500 nafargacha boʻlganda 1 birlik hisobida, keyingi har 1000 nafar talaba uchun qoʻshimcha 1 birlikdan kiritiladi.

11. Sirtqi (Maxsus sirtqi) taʼlim uchun oʻquv-metodik ishlar boʻyicha uslubchi lavozimi sirtqi (maxsus sirtqi) taʼlim talabalari soni 2000 nafargacha boʻlganda 1 birlik hisobida, keyingi har 1000 nafar sirtqi (maxsus sirtqi) taʼlim talabalari uchun qoʻshimcha 1 birlikdan kiritiladi.

12. Kechki (smenali) taʼlim uchun oʻquv-metodik ishlar boʻyicha uslubchi lavozimi kechki (smenali) taʼlim tashkil etilgan oliy taʼlim muassasalarida 1 birlik hisobida kiritiladi.

13. Sirtqi (maxsus sirtki) hamda kechki (smenali) taʼlim uchun oʻquv-metodik ishlar boʻyicha uslubchi shtat birliklarini saqlash xarajatlari OTMning budjetdan tashqari mablagʻlari hisobidan amalga oshiriladi.

4-§. Ilmiy-tadqiqotlar, innovatsiyalar va ilmiy-pedagogik kadrlar tayyorlash boʻlimi (sektori)

14. Tibbiyot yoʻnalishlaridagi OTMlarda klinik ordinatura mavjud boʻlganda 1 birlik hisobida muhandis lavozimi kiritiladi.

5-§. Tahririy-nashriyot boʻlimi

15. Tahririy-nashriyot boʻlimi boshligʻi lavozimi boʻlimdagi xodimlar soni 5 birlik va undan ortiq boʻlgan hollarda kiritiladi. Ushbu boʻlimda xodimlar soni 5 birlikdan kam boʻlganda OTM rahbari buyrugʻi bilan boʻlim boshligʻi vazifasi muharrirlardan biriga yuklatiladi.

16. Tahririy-nashriyot boʻlimi xodimlarining shtat birligi oʻtgan moliya yilida bajarilgan ish hajmiga (mualliflik varagʻi hisobidan) asosan quyidagicha kiritiladi:

1 birlik muharrir lavozimi har bir 110 mualliflik varagʻi uchun;

1 birlik musahhih lavozimi har bir 210 mualliflik varagʻi uchun;

1 birlik texnik muharrir lavozimi har bir 900 mualliflik varagʻi uchun.

6-§. Fakultet

17. Kunduzgi taʼlim fakulteti dekani lavozimi fakultetda:

kunduzgi taʼlim talabalari soni 200 nafargacha boʻlganda — 0,5 birlik;

kunduzgi taʼlim talabalari soni 200 dan ziyod boʻlganda — 1 birlik hisobida kiritiladi.

18. Kunduzgi taʼlim fakulteti dekani oʻrinbosari lavozimi fakultetda:

kunduzgi taʼlim talabalari soni 201 nafardan 400 nafargacha boʻlganda — 0,5 birlik;

kunduzgi taʼlim talabalari soni 401 nafar va undan ortiq boʻlganda, keyingi har 200 nafar talaba uchun qoʻshimcha 0,5 birlik hisobida, lekin fakultet uchun 3 shtat birligidan oshmagan holda kiritiladi.

19. Kunduzgi taʼlim fakulteti yoshlar bilan ishlash boʻyicha dekan oʻrinbosari lavozimi fakultetda:

kunduzgi taʼlim talabalari soni 400 nafargacha boʻlganda — 0,5 birlik;

kunduzgi taʼlim talabalari soni 401 nafar va undan ortiq boʻlganda — 1 birlik hisobida kiritiladi.

20. Oʻquv ishlari boʻyicha dispetcher lavozimi kunduzgi taʼlim fakultetida talabalar soni 500 nafardan ortiq boʻlganda 1 birlik, talabalar soni 1000 nafardan ortiq boʻlganda qoʻshimcha 1 birlik hisobida kiritiladi.

21. Fakultetlarda ish yurituvchi lavozimi:

fakultetda talabalarning soni 200 nafardan ortiq boʻlganda — 1 birlik;

fakultetda talabalarning soni 700 nafardan ortiq boʻlganda — 2 birlik hisobida kiritiladi.

7-§. Malaka oshirish va qayta tayyorlash fakulteti (markazi)

22. Malaka oshirish va qayta tayyorlash fakulteti (markazi) dekani lavozimi malaka oshirish va qayta tayyorlash tinglovchilarining soni oʻrtacha yillik hisobda:

100 nafargacha boʻlganda — 0,5 birlik;

100 nafardan ortiq boʻlganda — 1 birlik hisobida kiritiladi.

23. Uslubchi lavozimi malaka oshirish va qayta tayyorlash fakulteti (markazi) uchun 1 birlik hisobida kiritiladi.

24. Ish yurituvchi lavozimi malaka oshirish va qayta tayyorlash fakulteti (markazi) uchun 1 birlik hisobida kiritiladi.

8-§. Magistratura boʻlimi

25. Magistratura boʻlimi Oʻzbekiston Respublikasi Vazirlar Mahkamasining 2007-yil 10-sentabrdagi 190-son “Oʻzbekiston Respublikasi oliy taʼlim tizimida magistratura faoliyatini yanada takomillashtirish, uning samaradorligini oshirish chora-tadbirlari toʻgʻrisida”gi qarorida belgilangan shtat birliklariga muvofiq tashkil etiladi.

Bunda boʻlim boshligʻi va uslubchi lavozimlari:

OTMda magistrlar soni 200 nafargacha boʻlganida — 0,5 birlik;

OTMda magistrlar soni 201 nafar va undan ortiq boʻlganda — 1 birlik hisobida kiritiladi.

9-§. Ikkinchi boʻlim

26. Ikkinchi boʻlimda quyidagi lavozimlar kiritiladi:

boʻlim boshligʻi — hisobda 4000 nafar va undan ortiq harbiy xizmatga majburlar va chaqiriluvchilar boʻlganda 1 birlik;

muhandis — hisobda 500 dan 2000 nafargacha harbiy xizmatga majburlar va chaqiriluvchilar boʻlganda — 1 birlik, hisobda 2000 dan 4000 nafargacha harbiy xizmatga majburlar va chaqiriluvchilar boʻlganda — 2 birlik, hisobda 4000 nafar va undan yuqori harbiy xizmatga majburlar va chaqiriluvchilar boʻlganda — 3 birlik.

27. Ikkinchi boʻlim shtat birliklarini saqlash xarajatlari OTMning budjetdan tashqari mablagʻlari hisobidan amalga oshiriladi.

10-§. Sirtqi (Maxsus sirtqi) boʻlim

28. Sirtqi (maxsus sirtki) taʼlim mavjud boʻlgan oliy taʼlim muassasalarida Sirtki (maxsus sirtki) boʻlim tashkil etiladi.

Boʻlimda quyidagi lavozimlar kiritiladi:

boʻlim boshligʻi — 1 birlik;

uslubchi — 1 birlik.

29. Sirtqi (maxsus sirtki) boʻlim shtat birliklarini saqlash xarajatlari OTMning budjetdan tashqari mablagʻlari hisobidan amalga oshiriladi.

11-§. Texnik-foydalanish va xoʻjalik boʻlimi

30. OTMda omborxonalar (omborlar) soni 3 ta va undan koʻp mavjud boʻlganida 1 birlik omborxona mudiri lavozimi kiritiladi.

31. Omborchi lavozimi alohida turuvchi har bir omborxona (ombor) uchun 1 birlik hisobida kiritiladi.

32. Bino komendanti lavozimi har bir alohida turuvchi bino uchun 1 birlikdan kiritiladi, talabalar turar joylari binolari bundan mustasno.

33. Xoʻjalik mudiri lavozimi 400 nafar va undan ortiq nafar talaba istiqomat qiluvchi har bir talabalar turar joyi uchun 1 birlik hisobida kiritiladi.

34. OTMda issiqlik energiyasi, gaz taʼminoti va yongʻin xavfsizligi markazlashtirilgan boshqaruv tugmasi mavjud boʻlganida kecha-kunduz ishlovchi dispetcherlik posti tashkil etiladi va har bir postga 4 birlikdan iborat boʻlgan dispetcherlik xizmati operatorlari lavozimlari kiritiladi.

35. Talabalar turar joyi mudiri lavozimi har bir talabalar turar joyi uchun 1 birlik hisobida kiritiladi.

36. OTM balansida va foydalanishida boʻlgan bino, inshootlar va jihozlarni joriy taʼmirlovchi va xizmat koʻrsatuvchi ishchilar lavozimi quyidagilar boʻyicha kiritiladi:

slesar-santexnik — suv quvurlari, kanalizatsiya va issiqlik quvvati bilan jihozlangan har 2800 kv.metr maydon uchun 1 birlik, lekin har bir OTMga 1 birlikdan kam boʻlmagan holda;

elektromontyor — 700 ta yoritish nuqtalari (viklyuchatel, razetka va karoba) uchun 1 birlik (balansda boʻlgan koʻcha yoritish nuqtalari ham hisoblanadi), lekin har bir OTMga 1 birlikdan kam boʻlmagan holda;

duradgor — OTM balansidagi bino (inshoot)larning foydalaniladigan har 3500 kv.metr maydoni uchun 1 birlik, lekin har bir OTMga 1 birlikdan kam boʻlmagan holda;

ventilatsiya va konditsionerlashtirish tizimlarini taʼmirlash va xizmat koʻrsatish boʻyicha chilangar — 100 ta markazdan qochuvchi (tsentrobej) va derazali uskunalarga xizmat koʻrsatish uchun 1 birlik lavozimda kiritiladi.

37. Binolarning ichki qismi, shu jumladan oʻquv, laboratoriyalar va xizmat xonalari, yoʻlak(koridor)lar, zinapoyalar, sport zallari va boshqa maydonlarni (talabalar turar joyining talabalar yotadigan xonalaridan tashqari) tozalovchi farrosh lavozimi har 800 kv.metr tozalash maydoni uchun 1 birlik hisobida kiritiladi.

38. OTM hududida joylashgan tashqi hojatxonalarni tozalovchi farrosh lavozimi har biri alohida turuvchi 8 ta va undan yuqori ochkolik hojatxona uchun 1 birlik hisobida kiritiladi.

39. Garderob (jihozlangan kiyim saqlash joylari) mavjud boʻlganda bir smenada (lekin 2,5 smenadan ortiq boʻlmagan holda) 250 ta xizmat koʻrsatish joylari uchun 1 birlik hisobida garderobchi (kiyim saqlovchi) lavozimi (mavsumiy — 6 oyga) kiritiladi.

40. Liftchi lavozimi bir smenada (lekin 2,5 smenadan ortiq boʻlmagan holda) bir binoda joylashgan va foydalanilayotgan bir lift yoki liftlar guruhi uchun 1 birlik hisobida kiritiladi.

41. Qorovul lavozimi alohida turuvchi binoning kecha-kunduz ishlovchi bir qoʻriqlash posti uchun dam olish va bayram kunlarini inobatga olgan holda 4 birlikdan koʻp boʻlmagan holda kiritiladi.

42. Bogʻbon lavozimi OTMning mevali bogʻ, gulzor va koʻkalamzorlashtirilgan 0,5 ga dan 2 ga gacha maydoni uchun 1 birlik, keyingi har bir 2 ga maydon uchun 1 birlik hisobida kiritiladi.

43. Hovli supuruvchi (dvornik) lavozimi OTMning tozalanadigan 2500 kv.metr maydoni uchun 1,0 birlik hisobidan kelib chiqqan holda kiritiladi.

44. Xoʻjalik bekasi (kastelyansha) lavozimi OTMning barcha talabalar turar joylarida istiqomat qiluvchi 500 kishigacha 1 birlik, keyingi har bir 250 kishiga 0,5 birlik hisobida kiritiladi.

45. Pasportist lavozimi:

talabalar turar joylarida 500 nafargacha talaba istiqomat qiluvchi OTM uchun 0,5 birlik;

talabalar turar joylarida 501 nafar va undan ortiq talaba istiqomat qiluvchi OTM uchun 1 birlik.

46. OTMda 1000 nafardan ortiq talaba istiqomat qiladigan uch yoki undan ziyod bir-biriga yaqin turuvchi talabalar turar joylari binolari mavjud boʻlganda, talabalar turar joylari talabalar shaharchasiga birlashtirilishi mumkin.

Talabalar shaharchasi tashkil etilganda 1 birlik hisobida talabalar shaharchasi direktori lavozimi kiritiladi.

47. OTMda Avtomatlashtirilgan telefon stansiyasi mavjud boʻlmaganda 1 birlikdan iborat aloqachi (aloqa elektr montyori) lavozimi kiritiladi.

48. Dispetcher — garaj boshligʻi lavozimi OTMda 6 tadan kam boʻlmagan avtotransport vositalari (yengil va yuk avtomashinalari, avtobuslar va kichik avtobuslar) boʻlgan transport xoʻjaligi (garaj) mavjud boʻlganda kiritiladi. 6 tadan kam avtotransport vositasi mavjud boʻlsa, OTM rahbarining buyrugʻiga muvofiq OTMning maʼmuriy xodimlaridan biriga garaj boshligʻi vazifalarini bajarish yuklanadi.

OTMda 6 tadan ortiq avtotransport vositasi mavjud boʻlganda 1 birlik mexanik lavozimi kiritiladi.

49. Haydovchi lavozimi OTM balansida mavjud har bir foydalanilayotgan avtotransport vositasi uchun 1 birlik hisobida kiritiladi.

Avtotransport vositalari haydovchilarini saqlash OTMning budjetdan tashqari mablagʻlari hisobidan amalga oshiriladi.

50. Oʻzbekiston Respublikasi Vazirlar Mahkamasining 1999-yil 2-apreldagi 154-son “Budjetdan mablagʻ bilan taʼminlanadigan tashkilotlarda xizmat yengil avtotransportidan foydalanishni tartibga solish toʻgʻrisida”gi qaroriga muvofiq, xodimlar soniga qarab, xizmat va navbatchi avtomashinalar uchun quyidagi normativlar belgilanadi:

1 ta xizmat mashinasi — OTM uchun;

1 ta navbatchi mashina — xodimlar soni 100 nafargacha boʻlganda;

2 ta navbatchi mashina — xodimlar soni 100 dan 200 nafargacha boʻlganda;

3 ta navbatchi mashina — xodimlar soni 200 dan 300 nafargacha boʻlganda;

4 ta navbatchi mashina — xodimlar soni 300 nafar va undan ortiq boʻlganda.

OTMning taʼlim jarayoni xususiyatidan kelib chiqqan holda, talabalar kontingentini inobatga olib maxsus avtomashinalarga (yuk avtomashinasi, avtobus) quyidagi limitlar oʻrnatiladi:

talabalar soni 5000 nafargacha boʻlganda — 1 ta maxsus avtomashina;

talabalar soni 5000 nafardan koʻp boʻlganda — 2 ta maxsus avtomashina.

12-§. Muzeylar

51. OTMda alohida muzey maqomiga ega boʻlgan (tasdiqlovchi hujjat mavjud boʻlganda) muzeylar mavjud boʻlganda har biriga 1 birlik hisobida fond saqlovchi lavozimi kiritiladi.

52. OTMda alohida binoda turuvchi muzey mavjud boʻlganda 1 birlik hisobida muzey kuzatuvchisi lavozimi kiritiladi.

13-§. Qozonxonalar

53. Uy-joy kommunal xoʻjalik tizimiga oʻtkazilmagan OTM (bino)larda isitish mavsumida (5 oy) oʻt yoquvchi lavozimi:

markazlashgan isitish tizimida koʻmir, torf, mazut va hokazolar bilan isitiladigan har bir qozonxonaga bir oʻrin almashish ish vaqti (smena) uchun 2 birlik hisobida, tabiiy gaz yoqilgʻisi bilan ishlaydigan har bir qozonxonalarda (qozonxona hajmidan qatʼi nazar) bir oʻrin almashish ish vaqti (smena) uchun 1 birlik hisobida;

lokal isitish qozonxonalari orqali isitiladigan har bir alohida manzilda joylashgan binolar majmuasiga har bir oʻrin almashish ish vaqti (smena) uchun qozonlar soni 6 tagacha boʻlsa 1 birlik, 6 va undan ortiq boʻlsa 2 birlik hisobida.

Yil davomida yuvinish xonasi yoki basseyn ichki qozonxona hisobidan issiq suv bilan taʼminlanadigan OTMlarda yuqorida qayd etilgan oʻt yoquvchi (ishchi) lavozimlarining bittasi doimiy kiritiladi.

54. OTM markazlashgan isitish tizimi orqali isitilganda kompleks xizmat koʻrsatuvchi chilangar (santexnik) lavozimi 1 birlik, agar boyler va nasoslar (er tagidan nasos orqali suv tortib oladigan suv yigʻuvchi minora (inshoot) mavjud boʻlsa, bir oʻrin almashish ish vaqti (smena) uchun 1 birlik hisobida kiritiladi.

14-§. Sport inshootlari

55. OTM balansida boʻlgan, alohida manzilda (turuvchi) joylashgan yopiq yoki ochiq sport inshootlari uchun 1 birlik hisobida sport inshooti mudiri lavozimi kiritildi.

56. OTM balansida boʻlgan, alohida manzilda (turuvchi) joylashgan har bir yopiq yoki ochiq suv havzasi (basseyn) uchun quyidagi lavozimlar kiritildi:

shifokor (vrach) va hamshira lavozimlari — 1 birlik hisobida;

suvni kimyoviy usulda tozalovchi (xloratorщik) lavozimi — 1 birlik hisobida.

57. OTM balansida boʻlgan, alohida manzilda (turuvchi) joylashgan yopiq yoki ochiq sport inshootlarining umumiy maydoni 3000 kv.metr va undan ortiq boʻlganda 1 birlik bino va inshootlardan foydalanish boʻyicha muhandis va 1 birlik ishchi lavozimlari kiritiladi.

15-§. Vivariylar

58. Vivariy mudiri lavozimi OTMda vivariy mavjud boʻlganda, jonivor (hayvon) va shartli mollarga qarovchi xodimlar soni 5 nafar va undan ortiq boʻlganda 1 birlik hisobida kiritiladi.

59. Ozuqa (em-xashak) kuxnyasi ishchisi lavozimi OTMda vivariy mavjud boʻlganda 1,0 birlik hisobida kiritiladi.

60. Vivariydagi har 14 qafasdagi jonivor (hayvon)lar yoki 10 bosh shartli mol uchun 1 birlik hisobida jonivorlarni parvarish qiluvchi ishchi lavozimi kiritiladi.

16-§. Oʻquv poligonlari

61. OTMda alohida manzilda joylashgan har bir oʻquv poligonlari uchun 1 birlik hisobida zimmasiga poligonning moddiy-texnika bazasi saqlanishi hamda oʻquv-mashq jarayonining olib borilishi yuzasidan nazoratni amalga oshirish vazifalari yuklatiladigan poligon mudiri lavozimi kiritiladi.

17-§. Sanʼat saroylari

62. OTMda alohida turuvchi sanʼat saroylari mavjud boʻlganda, har biri uchun 1 birlik hisobida zimmasiga sanʼat saroyining moddiy-texnika bazasi saqlanishi hamda foydalanish jarayoni ustidan nazoratni amalga oshirish vazifalari yuklatiladigan sanʼat saroyi mudiri lavozimi kiritiladi.

18-§. Avtomatlashtirilgan telefon stansiyasi (ATS)

63. OTMda Avtomatlashtirilgan telefon stansiyasi (ATS) mavjud boʻlganda quyidagi lavozimlar kiritiladi:

350 dan ortiq telefon bogʻlamalari mavjud boʻlsa 1 birlik stansiya boshligʻi lavozimi;

1 birlik aloqa muhandisi lavozimi;

1 birlik aloqa boʻyicha texnik lavozimi;

har 350 telefon bogʻlamalari (parallel bogʻlamalari bilan birgalikda) uchun 1 birlik aloqachi (aloqa elektr montyori) lavozimi.

19-§. Oʻquv-yordamchi xodimlar

64. OTMning oʻquv-yordamchi xodimlari soni quyidagi meʼyorlar asosida kiritiladi:

kafedraga 1 birlik kabinet mudiri lavozimi yoki kafedra qoshida oʻquv laboratoriyalari mavjud boʻlganda 1 birlik hisobida laboratoriya mudiri lavozimi;

OTMda laboratoriya jihozlari bilan taʼminlangan mavjud laboratoriya joylashgan har bir xona (auditoriya) uchun 1 birlik hisobida laborant lavozimi;

laborantlarning soniga 1:10 nisbatda muhandis yoki texnik lavozimlaridan biri;

OTMda tegishli jihozlar bilan taʼminlangan oʻquv ishlab chiqarish ustaxonasi mavjud boʻlganda, har bir oʻquv ishlab chiqarish ustaxonasi uchun 1 birlikda ishlab chiqarish taʼlimi ustasi lavozimi;

sanʼat va madaniyat yoʻnalishlarida kadrlar (pedagoglar) tayyorlovchi OTM va fakultetlarda tasdiqlangan oʻquv rejasida konsertmeyster qatnashishi lozim boʻlgan 800 oʻquv soatidan kelib chiqqan holda, 1 birlik hisobida konsertmeyster va yetakchi konsertmeyster lavozimlari. Bunda belgilangan umumiy konsertmeystrlar shtat birligining 20 % idan koʻp boʻlmagan holda yetakchi konsertmeystr lavozimi joriy etilishi mumkin.

65. OTMning murojaati va Oʻzbekiston Respublikasi Oliy va oʻrta maxsus taʼlim vazirligining xulosasi asosida oʻquv-yordamchi xodimlar soni mazkur meʼyorlar asosida belgilangan oʻquv-yordamchi xodimlarning umumiy shtat birligi sonidan 20% dan koʻp boʻlmagan miqdorga koʻpaytirilishi mumkin.

20-§. Texnik-taʼmirlash va tezkor qayta tiklash xizmati

66. Texnik-taʼmirlash va tezkor qayta tiklash xizmatining shtat birliklari soni va lavozimlari joriy va kapital taʼmirlash hajmlaridan, shuningdek loyiha-smeta hujjatlarida nazarda tutilgan ish turlaridan kelib chiqqan holda belgilanadi.

67. Texnik-taʼmirlash va tezkor qayta tiklash xizmati shtat birliklarini saqlash xarajatlari OTMning budjetdan tashqari mablagʻlari hisobidan qoplanadi.

3-bob. Yakuniy qoidalar

68. Mazkur meʼyorlar OTMlarning rahbar va pedagog xodimlarini qayta tayyorlash va ularning malakasini oshirish muassasalariga hamda OTMlar huzuridagi xalq taʼlimi xodimlarini qayta tayyorlash va ularning malakasini oshirish hududiy markazlariga ham tatbiq etiladi.

69. OTM mazkur meʼyorlar asosida tuziladigan shtat jadvalini yuqori turuvchi vazirlik yoki idoraga roʻyxatdan oʻtkazish uchun taqdim qilishda, unga asosiy ishlab chiqarish koʻrsatkichlari toʻgʻrisidagi maʼlumotlarni (talabalar kontingenti, binolar soni, maydonlar hajmi va boshqalar) rahbar, bosh buxgalter va reja-moliya boʻlimining boshligʻi tomonidan imzolangan holda ilova qilishi shart.

70. OTM shtat jadvalining mazkur Namunaviy shtatlar va meʼyorlar asosida hamda OTMning asosiy ishlab chiqarish koʻrsatkichlariga muvofiq tuzilishi yuzasidan javobgarlik shaxsan OTM rahbari, bosh buxgalteri va reja-moliya boʻlimi boshligʻi zimmasiga yuklatiladi.”.