Oʻzbekiston SSR Ministrlar Sovetining 1986-yil 22-yanvardagi 43-son qarori bilan maʼqullangan Oʻzbekiston Respublikasi kolxozlarida mehnatga haq toʻlashga oid tavsiyalarga oʻzgartishlar kiritish toʻgʻrisida (83-son)

25.02.1992

OʻZBEKISTON RESPUBLIKASI PREZIDENTI HUZURIDAGI VAZIRLAR MAHKAMASINING

qarori

Tamakichilikni yanada rivojlantirish, kolxozchilarning moddiy manfaatdorligini oshirish va ijtimoiy masalalarni hal etish maqsadida Vazirlar Mahkamasi qaror qiladi:

1. Oʻzbekiston Respublikasi Qishloq xoʻjaligi vazirligining Mehnat vazirligi, Respublika kolxozlar kengashi bilan kelishilgan, Oʻzbekiston SSR Ministrlar Sovetining 1986-yil 22-yanvardagi 43-son qarori bilan maʼqullangan Oʻzbekiston Respublikasi kolxozlarida mehnatga haq toʻlash yuzasidan tavsiyanomalarga quyidagi oʻzgartishlarni kiritish toʻgʻrisidagi taklifi qabul qilinsin:

46-band quyidagi tahrirda bayon qilinsin:

“Tamaki yetishtirishda band boʻlgan kolxozchilar mehnatiga akkord usulida haq toʻlash, sotilgan mahsulot qiymatining 60 foizini mehnatga haq toʻlashga yoʻnaltirish tavsiya qilinadi”.

81-band bekor qilinsin.

2. Kolxozlarning boshqaruvlariga mutaxassislar va koʻpchilik kolxozchilar ishtirokida mehnatga haq toʻlash va ichki xoʻjalik hisobi haqidagi Nizomga tegishli oʻzgartishlar kiritish va uni kolxozchilarning umumiy yigʻilishlarida tasdiqlash tavsiya qilinsin.

Oʻzbekiston Respublikasining Bosh vaziri A. MUTALOV

Toshkent sh.,

1992-yil 25-fevral,

83-son