Davlat avtovokzallari va avtostansiyalarini boshqarish samaradorligini taʼminlashga doir tashkiliy chora-tadbirlar toʻgʻrisida (712-son)

10.09.2018

Oʻzbekiston Respublikasi Vazirlar Mahkamasining

qarori

Oʻzbekiston Respublikasi Prezidentining “Avtomobil transportini boshqarish tizimini yanada takomillashtirish chora-tadbirlari toʻgʻrisida” 2018-yil 6-martdagi PQ-3589-son qarorini bajarish yuzasidan Vazirlar Mahkamasi qaror qiladi:

1. Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish qoʻmitasi hamda Oʻzbekiston avtomobil transporti agentligining:

a) Toshkent viloyati hokimligi bilan birgalikda tayyorlangan:

“Toshkent viloyati avtovokzallari va yoʻlovchilar avtostansiyalari bosh ishlab chiqarish korxonasi” DUKni “Oʻzavtovokzal servis” DUK etib qayta nomlagan holda, unga qarorning 1-ilovasiga muvofiq roʻyxat boʻyicha avtovokzal va avtostansiyalarni tezkor boshqaruv huquqi asosida biriktirish toʻgʻrisidagi;

Qibray tumani hokimligining “Qibray” avtostansiyasini tezkor boshqaruv huquqi asosida “Oʻzavtovokzal servis” DUKga biriktirish toʻgʻrisidagi;

b) Buxoro va Qashqadaryo viloyatlari hokimliklari bilan birgalikda tayyorlangan — davlat mulki boʻlgan 2-ilovaga muvofiq roʻyxat boʻyicha avtostansiyalarni tezkor boshqaruv huquqi asosida “Oʻzavtovokzal servis” DUKga oʻtkazish toʻgʻrisidagi;

v) Jizzax va Sirdaryo viloyatlari hokimliklari bilan birgalikda tayyorlangan — davlat mulki boʻlgan va Oʻzbekiston avtomobil transporti agentligi mablagʻlari hisobidan qurilayotgan 3-ilovaga muvofiq roʻyxat boʻyicha avtostansiyalarni tezkor boshqaruv huquqi asosida “Oʻzavtovokzal servis” DUKga oʻtkazish toʻgʻrisidagi takliflariga rozilik berilsin.

2. Belgilansinki:

ushbu qarorning 1-bandida koʻrsatilgan avtovokzal va avtostansiyalarning binolari, ishlab chiqarish maydonlari va boshqa mol-mulklari belgilangan tartibda “Oʻzavtovokzal servis” DUK tasarrufiga oʻtkaziladi;

Oʻzbekiston avtomobil transporti agentligi “Oʻzavtovokzal servis” DUKning muassisi hisoblanadi;

“Oʻzavtovokzal servis” DUK Oʻzbekiston avtomobil transporti agentligi bilan kelishgan holda Qoraqalpogʻiston Respublikasi va viloyatlarda filiallar tashkil etish huquqiga ega.

3. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari — “Oʻzbekiston temir yoʻllari” AJ boshqaruvi raisi A.J. Ramatov va Oʻzbekiston avtomobil transporti agentligi boshligʻi D.T. Dexkanov zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2018-yil 10-sentabr,

712-son

Vazirlar Mahkamasining 2018-yil 10-sentabrdagi 712-son qaroriga 1-ILOVA

“Oʻzavtovokzal servis” DUKga tezkor boshqaruv huquqi asosida biriktirilayotgan avtovokzal va avtostansiyalar

ROʻYXATI

* Qibray tumani hokimligi tasarrufidan “Oʻzavtovokzal servis” DUKga tezkor boshqaruv huquqi asosida oʻtkaziladi.

Vazirlar Mahkamasining 2018-yil 10-sentabrdagi 712-son qaroriga 2-ILOVA

“Oʻzavtovokzal servis” DUKga tezkor boshqaruv huquqi asosida oʻtkazilayotgan avtostansiyalar

ROʻYXATI

Vazirlar Mahkamasining 2018-yil 10-sentabrdagi 712-son qaroriga 3-ILOVA

Oʻzbekiston avtomobil transporti agentligi hisobidan qurilayotgan va “Oʻzavtovokzal servis” DUKga tezkor boshqaruv huquqi asosida oʻtkazilayotgan avtostansiyalar

ROʻYXATI