Hududlarda tadbirkorlik tashabbuslari va loyihalarini jadal amalga oshirishni tashkil etish chora-tadbirlari toʻgʻrisida (PQ-3939-son)

11.09.2018

Oʻzbekiston Respublikasi Prezidentining

Qarori

Taʼkidlash lozimki, hududlarni jadal ijtimoiy-iqtisodiy rivojlantirishni taʼminlash, tadbirkorlik faoliyatini amalga oshirish va investitsiyalar, shu jumladan, toʻgʻridan toʻgʻri xorijiy investitsiyalarni jalb etish uchun maksimal darajada qulay shart-sharoitlar yaratish borasida koʻrilayotgan chora-tadbirlar qator tizimli muammo va kamchiliklarga duch kelmoqda.

Xususan, yangidan tashkil etilgan davlat organlari va tashkilotlari rahbarlari, investitsiyalarni jalb etish, iqtisodiyot va tadbirkorlikni, erkin iqtisodiy va kichik sanoat zonalarini hamda turizmni rivojlantirish uchun masʼul boʻlgan hokim oʻrinbosarlari tomonidan tadbirkorlarning dolzarb muammolarini hal etishga, hududlarda ishbilarmonlik muhitini yaxshilash boʻyicha takliflar ishlab chiqishga, shuningdek, mavjud salohiyatdan maksimal darajada foydalanishga koʻp hollarda beparvo munosabatda boʻlinayotganligi kuzatilmoqda.

Respublika va joylardagi davlat boshqaruvi organlarida keng tarqalgan va bartaraf etilmayotgan tadbirkorlik tashabbuslari va loyihalarini koʻrib chiqish va amalga oshirish, zarur ishlab chiqarish obyektlari, yer uchastkalari va kredit mablagʻlarini ajratish, muhandislik-kommunikatsiya va boshqa infratuzilma obyektlarini yaratish masalalarini hal etishdagi sansolarlik, byurokratizm va toʻsiqlar bilan bogʻliq holatlar tadbirkorlik subyektlarini hududlarni ijtimoiy-iqtisodiy rivojlantirishga faol jalb etish, yalpi hududiy mahsulot hajmini oshirish, sanoat ishlab chiqarishini kengaytirish va xizmatlar sohasini rivojlantirishni taʼminlamayapti.

Bundan tashqari, joylardagi vakolatli davlat organlari va tashkilotlari mansabdor shaxslarining malakasi va amaliy tajribasi yetarli darajada emasligi, respublika davlat boshqaruvi organlari tomonidan ular faoliyatini tashkil etish va muvofiqlashtirish ishlarining sustligi qabul qilinayotgan qarorlarning samarali ijro etilishiga va hududlarni ijtimoiy-iqtisodiy rivojlantirishning maqsadli koʻrsatkichlariga erishishga salbiy taʼsir koʻrsatmoqda.

Hududlarni ijtimoiy-iqtisodiy rivojlantirishga tadbirkorlik subyektlarini keng jalb etish, tadbirkorlik tashabbuslari va loyihalarining oʻz vaqtida amalga oshirilishini taʼminlash, shuningdek, boʻsh turgan obyektlar, yer uchastkalari va boshqa infratuzilmadan samarali va oqilona foydalanish maqsadida:

1. Quyidagilar:

Hududlarda tadbirkorlikni qoʻllab-quvvatlash va rivojlantirish komissiyasi (keyingi oʻrinlarda Komissiya deb yuritiladi) 1-ilovaga muvofiq tarkibda;

tadbirkorlikni qoʻllab-quvvatlash va rivojlantirish boʻyicha hududiy guruhlar (keyingi oʻrinlarda — hududiy guruhlar) 2 — 14-ilovalarga muvofiq tarkibda tashkil etilsin.

2. Belgilab qoʻyilsinki:

hududiy guruhlar tarkibiga kirgan davlat organlari va tashkilotlari rahbarlari va xodimlari asosiy ish joyi boʻyicha majburiyatlarini bajarishdan ozod qilinadi hamda doimiy ravishda oʻzlariga biriktirilgan hududda boʻladi;

Komissiya va hududiy guruhlar ishiga Komissiya va hududiy guruhlar rahbarlarining qarori bilan davlat organlari va tashkilotlarining boshqa vakillari ham jalb etilishi mumkin;

Komissiya va hududiy guruhlarning soʻrovlari, koʻrsatmalari barcha davlat organlari va tashkilotlari rahbarlari va mansabdor shaxslari tomonidan soʻzsiz ijro etilishi majburiy hisoblanadi.

3. Quyidagilar:

a) Komissiyaning asosiy vazifalari etib:

10 kunda kamida bir marta joylardagi davlat organlari va tashkilotlari darajasida hal qilinmagan muammoli masalalarni koʻrib chiqish hamda tadbirkorlikni rivojlantirishga, tadbirkorlik tashabbuslari va loyihalarini amalga oshirishga toʻsqinlik qilayotgan mavjud byurokratik toʻsiq va gʻovlarni bartaraf etish;

tadbirkorlikni rivojlantirish, tadbirkorlik tashabbuslari va loyihalarini amalga oshirish boʻyicha qabul qilingan qarorlar, shu jumladan, davlat organlari va tashkilotlariga manzilli topshiriqlar nazarda tutilgan qarorlar ijrosi ustidan tizimli nazoratni amalga oshirish;

hududiy guruhlar tomonidan chuqur tahlil asosida aniqlangan tadbirkorlikni rivojlantirish, tadbirkorlik tashabbuslari va loyihalarini amalga oshirishdagi byurokratik toʻsiq va gʻovlarni bartaraf etish maqsadida qonunchilikni yanada takomillashtirish boʻyicha takliflarni ishlab chiqish belgilansin;

b) hududiy guruhlarning asosiy vazifalari etib:

hududlarning ijtimoiy-iqtisodiy rivojlanishi holatini, shu jumladan, muhandislik-kommunikatsiya, ishlab chiqarish va boshqa infratuzilmani oʻrganish, shuningdek, ularni, shu jumladan, xalqaro moliya institutlari va xorijiy tijorat banklari mablagʻlarini jalb etgan holda yanada rivojlantirish va takomillashtirish boʻyicha takliflar kiritish;

hududlarning ehtiyoji va salohiyatidan (resurs, tabiiy-iqlim, mehnat va boshqalar) kelib chiqib, investitsiya kiritishni talab etadigan istiqbolli loyihalarni, shuningdek, boʻsh turgan davlat mulki obyektlari va yer uchastkalarini oʻrganish va aniqlash;

tadbirkorlik subyektlari tomonidan qoʻllab-quvvatlangan va tegishli hududda amalga oshirish taklif qilinayotgan istiqbolli loyihalarni tezkor koʻrib chiqish choralarini koʻrish, salohiyatli investorlar bilan muzokaralar va uchrashuvlar oʻtkazish;

tadbirkorlik tashabbuslari va loyihalarini, shu jumladan, xalqaro moliya institutlari va xorijiy tijorat banklarining kredit liniyalari hisobidan amalga oshirishda tijorat banklarining ishtirokini taʼminlash;

boʻsh turgan davlat mulki obyektlari va yer uchastkalarini savdolarga qoʻyish bilan bogʻliq masalalarning tezkorlik bilan hal etilishini taʼminlash;

joylarda davlat organlari va tashkilotlari darajasida hal qilinmagan tadbirkorlik faoliyati bilan bogʻliq muammoli masalalarni, shuningdek, zarur hollarda, istiqbolli tadbirkorlik tashabbuslari va loyihalarini amalga oshirish boʻyicha takliflarni Komissiyaga kiritish;

vazirliklar va idoralar, mahalliy davlat hokimiyati organlari, shuningdek, erkin iqtisodiy va kichik sanoat zonalari direksiyalarining tadbirkorlik tashabbuslari va loyihalarini jadal amalga oshirish boʻyicha faoliyatini muvofiqlashtirish.

4. Komissiyaning ishchi organi funksiyasi Oʻzbekiston Respublikasi Bosh prokuraturasining Tadbirkorlik va investitsiyalarni huquqiy himoya qilish boshqarmasiga;

hududiy guruhlarning ishchi organi funksiyasi mahalliy ijro etuvchi hokimiyat organlarining investitsiya, innovatsiya, xususiylashtirilgan korxonalarga koʻmaklashish, erkin iqtisodiy va kichik sanoat zonalarini rivojlantirish masalalari boʻyicha kotibiyatlariga yuklatilsin.

5. Shunday tartib oʻrnatilsinki, unga muvofiq:

hududiy guruhlar moliyalashtirish manbalarini (mahalliy budjet, vazirliklar, idoralar va boshqa tashkilotlarning tegishli faoliyat sohalari boʻyicha budjetdan tashqari jamgʻarmalari) aniqlagan holda, davlat organlari va tashkilotlari zimmasiga tegishli hududda amalga oshirish uchun tavsiya etilayotgan salohiyatli loyihalar boʻyicha loyiha hujjatlarini ishlab chiqish uchun shartnoma asosida loyiha tashkilotlarini jalb etish yuzasidan majburiyatlarni yuklash huquqiga ega;

qonun hujjatlari bilan belgilangan tartibda auksion savdolariga qoʻyiladigan boʻsh turgan davlat mulki obyektlari va yer uchastkalari tadbirkorlik subyektlarining aniq investitsiya va ijtimoiy majburiyatlarini belgilagan holda savdoga qoʻyiladi;

tegishli hududda, shu jumladan, boʻsh turgan davlat mulki obyektlari va yer uchastkalaridan foydalangan holda amalga oshirish uchun tavsiya etilayotgan salohiyatli loyihalar Oʻzbekiston Respublikasi Yagona interaktiv davlat xizmatlari portalida, mahalliy ijro etuvchi hokimiyat organlarining veb-saytlarida va Internetdagi ijtimoiy tarmoqlarda joylashtiriladi, shuningdek, televideniyeda eʼlon qilinadi;

tadbirkorlik subyektlari tegishli hududda amalga oshirish uchun tavsiya etilayotgan salohiyatli loyihalarni tanlashda tegishli hujjatlarni keyinchalik hududiy guruhning ishchi organiga yuborish uchun Davlat xizmatlari markazlariga yoki bevosita hududiy guruhning ishchi organiga murojaat qilishi mumkin;

hududiy guruhlar boʻsh turgan davlat mulki obyektlari va yer uchastkalarining ularda istiqbolli loyihalarni amalga oshirish boʻyicha majburiyatlarni, shu jumladan, investitsiya va ijtimoiy majburiyatlarni koʻrsatgan holda savdolarga qoʻyilishini taʼminlaydi;

hududiy guruhlar, zarur hollarda, tadbirkorlik tashabbuslari va loyihalarini amalga oshirish uchun salohiyatli xorijiy investorlarni, shu jumladan, Oʻzbekiston Respublikasining xorijiy davlatlardagi diplomatik vakolatxonalari vakillarini jalb etgan holda xorijga chiqish hamda xalqaro investitsiya forumlari va konferensiyalarda ishtirok etish orqali izlash va topish boʻyicha faoliyatni amalga oshirish huquqiga ega;

ushbu qaror talablariga muvofiq oʻtkaziladigan elektron auksionni oʻtkazishning umumiy muddati, istisno tariqasida, “E-IJRO AUKSION” elektron savdo maydonchasida amalga oshiriladigan barcha tartib-taomillar bilan birga 10 kundan oshmasligi lozim;

“E-IJRO AUKSION” elektron savdo maydonchasida auksion orqali yer uchastkasiga boʻlgan huquqlarni sotishda oʻrnatilgan investitsiyaviy va ijtimoiy majburiyatlar bajarilmagan yoki lozim darajada bajarilmagan taqdirda, yer uchastkasiga boʻlgan huquq investor (auksion gʻolibi)ning xarajatlari qoplanmagan holda bekor qilinadi.

Komissiya har oyda amalga oshirilgan ishlar toʻgʻrisida hududiy guruhlar hisobotini eshitadi, soʻng Oʻzbekiston Respublikasi Prezidenti Administratsiyasi rahbariga axborot kiritadi.

6. Quyidagilar hududiy guruhlar faoliyati samaradorligini baholashning asosiy mezonlari etib belgilansin:

tegishli hududda har ming kishiga ishlab chiqarilgan sanoat mahsulotlari va koʻrsatilgan xizmatlar;

tegishli hududda, ayniqsa, yoshlar va aholining ijtimoiy himoyaga muhtoj qatlamlari uchun yaratilgan doimiy ish oʻrinlari;

amalga oshirilgan tadbirkorlik tashabbuslari va loyihalari, shuningdek, oʻzlashtirilgan investitsiyalar, shu jumladan, toʻgʻridan toʻgʻri xorijiy investitsiyalar;

ishlab chiqarish faoliyatiga jalb etilgan boʻsh turgan obyektlar va yer uchastkalari;

erkin iqtisodiy va kichik sanoat zonalari hududlarida amalga oshirilgan loyihalar.

Belgilab qoʻyilsinki, har chorak yakuni boʻyicha ishlarning natijadorligiga qarab:

Komissiya qarori bilan Komissiya va hududiy guruhlar aʼzolariga bazaviy hisoblash miqdorining 30 baravarigacha miqdorda, ularning rahbarlariga esa bazaviy hisoblash miqdorining 50 baravarigacha miqdorda bir martalik mukofot toʻlanadi;

Komissiya va hududiy guruhlar aʼzolariga, shuningdek, davlat organlari va tashkilotlari mansabdor shaxslariga nisbatan 30 foizdan 50 foizgacha miqdorda lavozim maoshidan ushlab qolish yoki egallab turgan lavozimidan ozod qilish shaklida javobgarlik choralari qoʻllanadi.

7. Oʻzbekiston Respublikasi Adliya vazirligi bir oy muddatda Davlat xizmatlari markazlarida boʻsh turgan davlat mulki obyektlari va yer uchastkalari negizida, shu jumladan, davlat-xususiy sheriklik shartlarida amalga oshirish uchun kelib tushayotgan tadbirkorlik tashabbuslari va loyihalarini hisobga olishning ularni koʻrib chiqish jarayonini monitoring qilishga imkon beradigan elektron tizimini joriy etsin.

8. Oʻzbekiston Respublikasi Prezidenti Administratsiyasi rahbari (Z. Nizomiddinov) bir hafta muddatda Komissiya va hududiy guruhlar faoliyati samaradorligini baholash mezonlarini belgilashga alohida eʼtibor qaratgan holda Komissiya va hududiy guruhlarning ish reglamentini tasdiqlasin, shuningdek, ularning aʼzolari, tegishli davlat organlari va tashkilotlari mansabdor shaxslariga nisbatan ragʻbatlantirish va javobgarlik choralari qoʻllanilishini taʼminlasin.

9. Oʻzbekiston Respublikasi Qurilish vazirligi, Yer resurslari, geodeziya, kartografiya va davlat kadastri davlat qoʻmitasi, Vazirlar Mahkamasi huzuridagi “OʻzInjiniring” Respublika loyiha institutining Oʻzbekiston muhandislar-konsultantlar uyushmasini tashkil etish toʻgʻrisidagi taklifi maʼqullansin, quyidagilar uning asosiy vazifalari etib belgilansin:

loyiha, injiniring va konsultatsiya xizmatlarini rivojlantirish;

uyushma aʼzolarini istiqbolli investitsiya loyihalarini amalga oshirish boʻyicha faoliyatga jalb etish;

uyushma aʼzolarining huquqlari va qonuniy manfaatlarini ifodalash va himoya qilish;

xalqaro moliya institutlari hisobidan moliyalashtiriladigan muhandislar-konsultantlar, loyihalarni amalga oshirish guruhlari xodimlarining malakasini oshirish;

oliy taʼlim muassasalari bilan ularning oʻquv dasturlariga loyihalash va qurilish sohasidagi eng yangi yutuq va innovatsion yondashuvlarni joriy etish boʻyicha hamkorlik qilish;

xorijiy muhandislar uyushmalari bilan hamkorlik qilish, sifatli loyihalashtirish ishlarini, shu jumladan, xorijda amalga oshirish uchun konsorsiumlar shakllantirish.

10. Vazirlar Mahkamasi Oʻzbekiston Respublikasi Prezidenti Administratsiyasi bilan birgalikda bir oy muddatda, shu jumladan, xorijiy hamkorlarni jalb etgan holda ixtisoslashtirilgan investitsiya kompaniyasini tashkil etish boʻyicha takliflar kiritsin, bunda:

investitsiya kompaniyasi investorlar, shu jumladan, xorijiy investorlar resurslarini jalb etishi;

investitsiya kompaniyasi xoʻjalik yurituvchi subyektlar ustav kapitalida ularning samaradorligi va daromadliligi koʻrsatkichlarini oshirish uchun ishtirok etishi;

investitsiya kompaniyasi boʻsh mablagʻlarining respublika hududlaridagi investitsiya loyihalarini amalga oshirish uchun joylashtirilishi;

investitsiya loyihalarini ishlab chiqish uchun mahalliy va xorijiy konsultantlar jalb etilishi nazarda tutilsin.

11. Qoraqalpogʻiston Respublikasi Vazirlar Kengashi va viloyatlar hokimliklari hududiy guruhlarga yuklatilgan vazifalarning oʻz vaqtida va toʻliq amalga oshirilishi, shu jumladan, ularning joylashtirilishi va harakatlanishi uchun zarur shart-sharoitlar yaratilishini taʼminlasin.

12. Belgilansinki, mazkur qarorni amalga oshirish bilan bogʻliq tadbirlarni, shu jumladan, transport xarajatlarini, yashash xarajatlarini, hududiy guruhlarning xorijiy davlatlarga tashriflarini tashkil etish, konsultantlarni jalb etish xarajatlarini, shuningdek, bir martalik mukofotlar toʻlashni va boshqa tashkiliy chora-tadbirlarni moliyalashtirish Qoraqalpogʻiston Respublikasi Vazirlar Kengashi va viloyatlar hokimliklari buyurtmanomalariga koʻra Oʻzbekiston Respublikasi Vazirlar Mahkamasining zaxira jamgʻarmasidan Qoraqalpogʻiston Respublikasi budjeti va viloyatlar mahalliy budjetlariga ajratiladigan mablagʻlar hisobidan amalga oshiriladi.

13. Oʻzbekiston Milliy axborot agentligi, Oʻzbekiston Milliy teleradiokompaniyasi, vazirlik, idora va tashkilotlarning multimedia markazlari ushbu qarorning mazmun-mohiyati, shuningdek, hududiy guruhlar faoliyati va mavjud loyiha takliflari keng yoritilishini tashkil etsin.

14. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidenti Administratsiyasi rahbari Z.Sh. Nizomiddinov va Oʻzbekiston Respublikasi Prezidenti maslahatchisining birinchi oʻrinbosari B.M. Mavlonov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2018-yil 11-sentabr,

PQ-3939-son

Oʻzbekiston Respublikasi Prezidentining 2018-yil 11-sentabrdagi PQ-3939-son qaroriga 1-ILOVA

Hududlarda tadbirkorlikni qoʻllab-quvvatlash va rivojlantirish komissiyasi

TARKIBI

1. M.P. Olloyorov — Oʻzbekiston Respublikasi Prezidenti maslahatchisi oʻrinbosari, komissiya raisi 2. D.S. Kasimov — Oʻzbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish boʻyicha vakil 3. A.Y. Mavlonov — Oʻzbekiston Respublikasi Bosh prokurori oʻrinbosari 4. I.I. Norkulov — Oʻzbekiston Respublikasi Markaziy banki raisi oʻrinbosari 5. Sh.Y. Ismailov — Oʻzbekiston Respublikasi Prezidenti Administratsiyasi masʼul xodimi 6. S.S. Abdullayev — Oʻzbekiston Respublikasi Prezidenti Administratsiyasi masʼul xodimi 7. A.Y. Xaydarov — Oʻzbekiston Respublikasi moliya vazirining birinchi oʻrinbosari 8. N.S. Jurayev — Oʻzbekiston Respublikasi adliya vazirining birinchi oʻrinbosari 9. B.I. Zokirov — Oʻzbekiston Respublikasi qurilish vazirining birinchi oʻrinbosari 10. D.S. Azimov — Oʻzbekiston Respublikasi uy-joy kommunal xizmat koʻrsatish vazirining birinchi oʻrinbosari 11. S.S. Saydaliyev — Oʻzbekiston Respublikasi sogʻliqni saqlash vaziri oʻrinbosari — bosh davlat sanitariya vrachi 12. D.N. Sattarov — “Oʻzstandart” agentligi bosh direktori 13. L.Sh. Kudratov — Oʻzbekiston Respublikasi Investitsiyalar boʻyicha davlat qoʻmitasi raisining birinchi oʻrinbosari 14. B.A. Musayev — Oʻzbekiston Respublikasi Davlat soliq qoʻmitasi raisining birinchi oʻrinbosari 15. B.M. Mirusmanov — Oʻzbekiston Respublikasi Davlat statistika qoʻmitasi raisining birinchi oʻrinbosari 16. M.O. Saliyev — Oʻzbekiston Respublikasi Davlat bojxona qoʻmitasi raisi oʻrinbosari 17. M.I. Ruzmetov — Oʻzbekiston Respublikasi “Yergeodezkadastr” davlat qoʻmitasi raisi oʻrinbosari 18. A.A. Obidov — Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi raisi oʻrinbosari 19. A.U. Akkulov — Oʻzbekiston Respublikasi Turizmni rivojlantirish davlat qoʻmitasi raisi oʻrinbosari 20. A.A. Mavlonov — Oʻzbekiston Respublikasi Davlat geologiya va mineral resurslar qoʻmitasi raisi oʻrinbosari 21. R.G. Mubarakshin — “Oʻzbekenergo” AJ boshqaruvi raisining birinchi oʻrinbosari 22. B.R. Anarkulov — “Oʻztransgaz” AJ boshqaruvi raisi oʻrinbosari 23. U.U. Butayev — Oʻzbekiston Respublikasi Savdo-sanoat palatasi raisi oʻrinbosari 24. I.F. Xamrayev — Oʻzbekiston Respublikasi “Yergeodezkadastr” davlat qoʻmitasi boshqarma boshligʻi 25. S.K. Berdiyev — Oʻzbekiston Respublikasi Davlat xavfsizlik xizmati xodimi

Izoh: Respublika komissiyasi aʼzolari boshqa ishga oʻtgan taqdirda, uning tarkibiga ushbu lavozimlarga yangi tayinlangan yoki tegishli funksiyalarni bajarish yuklatilgan shaxslar kiritiladi.

Oʻzbekiston Respublikasi Prezidentining 2018-yil 11-sentabrdagi PQ-3939-son qaroriga 2-ILOVA

Qoraqalpogʻiston Respublikasida tadbirkorlikni qoʻllab-quvvatlash va rivojlantirish boʻyicha guruh

TARKIBI

1. Sh.Sh. Abdullayev — Oʻzbekiston Respublikasi Prezidenti Administratsiyasi masʼul xodimi, guruh rahbari 2. B.S. Xabibullayev — Qoraqalpogʻiston Respublikasi Vazirlar Kengashi Raisi oʻrinbosari 3. Y.A. Babadjanov — Qoraqalpogʻiston Respublikasi prokurori oʻrinbosari 4. A.S. Mirzayev — Oʻzbekiston Respublikasi Markaziy banki departamenti bosh buxgalteri 5. X.S. Asadov — Oʻzbekiston Respublikasi Oliy Majlisi huzuridagi Qonunchilik muammolari va parlament tadqiqotlari instituti boʻlim boshligʻi 6. K.J. Xolmuratov — Oʻzbekiston Respublikasi Iqtisodiyot vazirligi bosh boshqarma boshligʻi oʻrinbosari 7. T.M. Umarov — Oʻzbekiston Respublikasi Qurilish vazirligi boshqarma boshligʻi oʻrinbosari 8. U.X. Niyazmetov — Oʻzbekiston Respublikasi “Yergeodezkadastr” davlat qoʻmitasi boʻlim boshligʻi 9. K.A. Xashimov — Oʻzbekiston Respublikasi Investitsiyalar boʻyicha davlat qoʻmitasi bosh mutaxassisi 10. J. Sadikov — Qoraqalpogʻiston Respublikasi adliya vaziri 11. J.S. Embergenov — Qoraqalpogʻiston Respublikasi qurilish vaziri 12. R.A. Syetimov — Qoraqalpogʻiston Respublikasi uy-joy kommunal xizmat koʻrsatish vaziri 13. D.J. Babajanov — Qoraqalpogʻiston Respublikasi davlat soliq boshqarmasi boshligʻi 14. X.N. Fayzullayev — Davlat bojxona qoʻmitasining Qoraqalpogʻiston Respublikasi boʻyicha boshqarmasi boshligʻi 15. Z.S. Kamolov — Qoraqalpogʻiston Respublikasi Xususiylashtirilgan korxonalarga koʻmaklashish va raqobatni rivojlantirish qoʻmitasi raisi 16. B.K. Kusekeyev — Oʻzbekiston Respublikasi Turizmni rivojlantirish davlat qoʻmitasi Qoraqalpogʻiston Respublikasi hududiy boshqarmasi boshligʻi 17. Sh.T. Toshpulatov — “Mintaqaviy geologik-tasvirlash ekspeditsiyasi” DK Qoraqalpoq geologik-tasvirlash dala ekspeditsiyasi bosh geologi 18. U.K. Ismailov — Qoraqalpogʻiston Respublikasi standartlashtirish va metrologiya boshqarmasi boshligʻi 19. B.B. Kutlimuratov — Qoraqalpogʻiston Respublikasi davlat sanitariya-epidemiologiya nazorati markazi bosh vrachi 20. Sh.X. Otabayev — Oʻzbekiston Respublikasi Iqtisodiyot vazirligi huzuridagi Prognozlashtirish va makroiqtisodiy tadqiqotlar institutining katta ilmiy xodimi 21. A.J. Siddikov — Oʻzbekiston Respublikasi Davlat statistika qoʻmitasi huzuridagi Kadrlar mutaxassisligini oʻzgartirish va statistik tadqiqotlar markazi kafedra mudiri 22. R.R. Abdullayev — Iqtisodiy tadqiqotlar markazi katta ilmiy xodimi 23. Z.T. Kerimzatov — “Qoraqalpoq HETK” AJ bosh direktori 24. X. Aymanov — Qoraqalpogʻiston Respublikasi hududiy gaz taʼminoti filiali boshligʻi 25. O.R. Rijichenko — Oʻzbekiston Respublikasi Savdo-sanoat palatasi boshqarma boshligʻi 26. K.K. Azerbayev — Oʻzbekiston Respublikasi Savdo-sanoat palatasining Qoraqalpogʻiston Respublikasi boshqarmasi boshligʻi 27. S.A. Axmedov — Oʻzbekiston Respublikasi Davlat xavfsizlik xizmati xodimi

Izoh: ishchi guruh aʼzolari boshqa ishga oʻtgan taqdirda, uning tarkibiga ushbu lavozimlarga yangi tayinlangan yoki tegishli funksiyalarni bajarish yuklatilgan shaxslar kiritiladi.

Oʻzbekiston Respublikasi Prezidentining 2018-yil 11-sentabrdagi PQ-3939-son qaroriga 3-ILOVA

Andijon viloyatida tadbirkorlikni qoʻllab-quvvatlash va rivojlantirish boʻyicha guruh

TARKIBI

1. A.R. Islamov — Oʻzbekiston Respublikasi Markaziy banki raisi oʻrinbosari, guruh rahbari 2. S.P. Xabibullayev — Andijon viloyati hokimi oʻrinbosari 3. F.B. Raxmanov — Andijon viloyati prokurori oʻrinbosari 4. O.I. Azimov — Oʻzbekiston Respublikasi Markaziy banki departament direktori oʻrinbosari 5. T.J. Azimov — Oʻzbekiston Respublikasi Qurilish vazirligi boʻlim boshligʻi 6. F.Z. Sobitov — Oʻzbekiston Respublikasi “Yergeodezkadastr” davlat qoʻmitasi boʻlim boshligʻi 7. D.R. Munavvarov — Oʻzbekiston Respublikasi Investitsiyalar boʻyicha davlat qoʻmitasi bosh mutaxassisi 8. A.M. Ochilov — Andijon viloyati adliya boshqarmasi boshligʻi 9. Sh.Sh. Turabekov — Andijon viloyati qurilish bosh boshqarmasi boshligʻi 10. M.X. Tadjibayev — Andijon viloyati uy-joy kommunal xizmat koʻrsatish boshqarmasi boshligʻi 11. Z.M. Yuldashev — Andijon viloyati davlat soliq boshqarmasi boshligʻi 12. E.Sh. Rayxonov — Davlat bojxona qoʻmitasining Andijon viloyati boʻyicha boshqarmasi boshligʻi 13. G.G. Madakimov — Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi Andijon viloyati boshqarmasi boshligʻi 14. A.N. Ismanov — Oʻzbekiston Respublikasi Turizmni rivojlantirish davlat qoʻmitasi Andijon viloyati boshqarmasi boshligʻi 15. Sh.R. Soliyev — “Oʻzbekgidrogeologiya” DUK Andijon gidrogeologiya stansiyasi boshligʻi 16. N.X. Teshayev — Andijon viloyati standartlashtirish va metrologiya boshqarmasi boshligʻi 17. A.N. Ikramov — Andijon viloyati davlat sanitariya-epidemiologiya nazorati markazi bosh shifokori 18. A.A. Jurayev — “Andijon HETK” AJ bosh direktori 19. D.X. Saloxitdinov — “Oʻztransgaz” AJ hududiy gaz taʼminoti filiali boshligʻi 20. Sh.T. Ganiyev — Oʻzbekiston Respublikasi Savdo-sanoat palatasi Andijon viloyati boshqarmasi boshligʻi oʻrinbosari 21. Sh.I. Yusupov — Oʻzbekiston Respublikasi Davlat xavfsizlik xizmati xodimi

Izoh: ishchi guruh aʼzolari boshqa ishga oʻtgan taqdirda, uning tarkibiga ushbu lavozimlarga yangi tayinlangan yoki tegishli funksiyalarni bajarish yuklatilgan shaxslar kiritiladi.

Oʻzbekiston Respublikasi Prezidentining 2018-yil 11-sentabrdagi PQ-3939-son qaroriga 4-ILOVA

Buxoro viloyatida tadbirkorlikni qoʻllab-quvvatlash va rivojlantirish boʻyicha guruh

tarkibi

1. A.A. Urunov — Oʻzbekiston Respublikasi Prezidenti Administratsiyasi masʼul xodimi, guruh rahbari 2. N.K. Xolmurodov — Buxoro viloyati hokimi oʻrinbosari 3. J.M. Vosiyev — Buxoro viloyati prokurori oʻrinbosari 4. T.R. Xakimov — Oʻzbekiston Respublikasi Markaziy banki departamenti boʻlim boshligʻi 5. A.R. Turapov — Oʻzbekiston Respublikasi Qurilish vazirligi boshqarma boshligʻi oʻrinbosari 6. A.D. Meretov — Oʻzbekiston Respublikasi “Yergeodezkadastr” davlat qoʻmitasi boʻlim boshligʻi 7. T.R. Ochilov — Buxoro viloyati adliya boshqarmasi boshligʻi 8. Z.N. Muxitdinov — Buxoro viloyati qurilish bosh boshqarmasi boshligʻi vazifasini bajaruvchi 9. Z.I. Jumayev — Buxoro viloyati uy-joy kommunal xizmat koʻrsatish boshqarmasi boshligʻi 10. X.X. Davlatov — Buxoro viloyati investitsiya bosh boshqarmasi boshligʻi 11. Sh.R. Ashurov — Buxoro viloyati davlat soliq boshqarmasi boshligʻi vazifasini bajaruvchi 12. D.B. Salimov — Davlat bojxona qoʻmitasining Buxoro viloyati boʻyicha boshqarmasi boshligʻi 13. U.Sh. Xamroyev — Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi Buxoro viloyati boshqarmasi boshligʻi 14. F.S. Xodjayev — Oʻzbekiston Respublikasi Turizmni rivojlantirish davlat qoʻmitasi Buxoro viloyati boshqarmasi boshligʻi 15. A.N. Nokulov — Samarqand-Buxoro mintaqaviy kon-geologiya faoliyatini nazorat qilish inspeksiyasi boshligʻi 16. T.Sh. Salomov — Buxoro viloyati standartlashtirish va metrologiya boshqarmasi boshligʻi 17. B.J. Barakayev — Buxoro viloyati davlat sanitariya-epidemiologiya nazorati markazi bosh vrachi 18. R.J. Mamatov — “Buxoro HETK” AJ bosh direktori 19. U.S. Abdiyev — “Oʻztransgaz” AJ hududiy gaz taʼminoti filiali boshligʻi 20. J.T. Mirzayev — Oʻzbekiston Respublikasi Savdo-sanoat palatasi Buxoro viloyati boshqarmasi boshligʻi oʻrinbosari 21. F.F. Istamov — Oʻzbekiston Respublikasi Davlat xavfsizlik xizmati xodimi

Izoh: ishchi guruh aʼzolari boshqa ishga oʻtgan taqdirda, uning tarkibiga ushbu lavozimlarga yangi tayinlangan yoki tegishli funksiyalarni bajarish yuklatilgan shaxslar kiritiladi.

Oʻzbekiston Respublikasi Prezidentining 2018-yil 11-sentabrdagi PQ-3939-son qaroriga 5-ILOVA

Jizzax viloyatida tadbirkorlikni qoʻllab-quvvatlash va rivojlantirish boʻyicha guruh

tarkibi

1. F.K. Nabiyev — Oʻzbekiston Respublikasi Prezidenti Administratsiyasining masʼul xodimi, guruh rahbari 2. U.A. Egamov — Jizzax viloyati hokimi oʻrinbosari 3. K.A. Xolmuradov — Jizzax viloyati prokurori oʻrinbosari 4. T.R. Xakimo� — Oʻzbekiston Respublikasi Markaziy banki bosh iqtisodchisi 5. E.T. Shoniyozov — Oʻzbekiston Respublikasi qurilish vazirligi boshqarma boshligʻi oʻrinbosari 6. J.G. Normuxammedov — Oʻzbekiston Respublikasi Iqtisodiyot vazirligi boʻlim boshligʻi 7. D.Sh. Talʼatxodjayev — �zbekiston Respublikasi Geologiya va mineral resurslar davlat qoʻmitasi boshqarma boshligʻi 8. A.A. Xakimov — Oʻzbekiston Respublikai investitsiyalar boʻyicha davlat qoʻmitasi boʻlim boshligʻi 9. I.M. Ergashev — Oʻzbekiston Respublikasi Davyergeodezkadastr qoʻmitasi boʻlim boshligʻi 10. B.R. Boliyev — Jizzax viloyati adliya boshqarmasi boshligʻi 11. E.N. Kuldashev — Jizzax viloyati qurilish bosh boshqarmasi boshligʻi 12. M.A. Bobobekov — Jizzax viloyati uy-joy kommunal xizmat koʻrsatish boshqarmasi boshligʻi 13. A.S. Ishnazarov — Jizzax viloyati davlat soliq boshqarmasi boshligʻi 14. D.T. Yusupov — Davlat bojxona qoʻmitasining Jizzax viloyati boshqarmasi boshligʻi 15. I.A. Mamatqulov — Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi Jizzax viloyati boshqarmasi boshligʻi 16. L.Sh. Sanayeva — Oʻzbekiston Respublikasi Turizmni rivojlantirish davlat qoʻmitasi Jizzax viloyati boshqarmasi boshligʻi 17. M.L. Bekmirzayev — Jizzax viloyati standartlashtirish va metrologiya boshqarmasi boshligʻi 18. M.D. Umarov — Jizzax viloyati Davlat sanitariya-epidemiologiya nazorati markazi bosh vrachi 19. B.X. Ibragimov — “Jizzax HETK” AJ bosh direktori 20. B.X. Obruyev — “Oʻztransgaz” AJ huduiy gaz taʼminoti filiali boshligʻi 21. X.U. Murtozov — Oʻzbekiston Respublikasi Savdo-sanoat palatasi Jizzax viloyati boshqarmasi boshligʻi oʻrinbosari 22. J.B. Muxamadiyev — Oʻzbekiston Respublikasi Davlat xavfsizlik xizmati xodimi

Izoh: ishchi guruh aʼzolari boshqa ishga oʻtganda uning tarkibiga ushbu lavozimga yangi tayinlangan yoki zimmasiga tegishli vazifalarni bajarish yuklangan shaxslar kiritiladi.

Oʻzbekiston Respublikasi Prezidentining 2018-yil 11-sentabrdagi PQ-3939-son qaroriga 6-ILOVA

Qashqadaryo viloyatida tadbirkorlikni qoʻllab-quvvatlash va rivojlantirish boʻyicha guruh

tarkibi

1. E.Sh. Xayitov — Oʻzbekiston Respublikasi Prezidenti Administratsiyasi masʼul xodimi, guruh rahbari 2. O.B. Shagazatov — Qashqadaryo viloyati hokimi oʻrinbosari 3. Sh.T. Ashirov — Qashqadaryo viloyati prokurori oʻrinbosari 4. D.D. Karimov — Oʻzbekiston Respublikasi Markaziy banki departamenti bosh iqtisodchisi 5. R.I. Mamasoliyev — Oʻzbekiston Respublikasi Iqtisodiyot vazirligi boʻlim boshligʻi 6. D.S. Ikramov — Oʻzbekiston Respublikasi Qurilish vazirligi boʻlim boshligʻi 7. J.A. Vaxobov — Oʻzbekiston Respublikasi Investitsiyalar boʻyicha davlat qoʻmitasi bosh mutaxassisi 8. S.S. Nuriyev — Qashqadaryo viloyati adliya boshqarmasi boshligʻi 9. O.A. Xudaynazarov — Qashqadaryo viloyati qurilish bosh boshqarmasi boshligʻi 10. A.B. Temirov — Qashqadaryo viloyati uy-joy kommunal xizmat koʻrsatish boshqarmasi boshligʻi 11. S.T. Eshmatov — Qashqadaryo viloyati davlat soliq boshqarmasi boshligʻi vazifasini bajaruvchi 12. Z.T. Turdaliyev — Davlat bojxona qoʻmitasining Qashqadaryo viloyati boʻyicha boshqarmasi boshligʻi 13. J.Z. Usmonov — Qashqadaryo viloyati yer resurslari va davlat kadastri boshqarmasi boshligʻi 14. M.M. Sultonov — Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi Qashqadaryo viloyati boshqarmasi boshligʻi 15. T.M. Xasanov — Janubiy mintaqaviy kon-geologiya faoliyatini nazorat qilish inspeksiyasi boshligʻi 16. O.I. Olimjonov — Oʻzbekiston Respublikasi Turizmni rivojlantirish davlat qoʻmitasi Qashqadaryo viloyati boshqarmasi boshligʻi 17. D.M. Rizayev — Qashqadaryo viloyati standartlashtirish va metrologiya boshqarmasi boshligʻi 18. Sh.N. Sherov — Qashqadaryo viloyati davlat sanitariya-epidemiologiya nazorati markazi bosh vrachi 19. A.A. Muzapov — “Qashqadaryo HETK” AJ bosh direktori 20. R.R. Avazov — “Oʻztransgaz” AJ hududiy gaz taʼminoti filiali boshligʻi 21. G.M. Pulatov — Oʻzbekiston Respublikasi Savdo-sanoat palatasi Qashqadaryo viloyati boshqarmasi boshligʻi 22. O.N. Safarov — Oʻzbekiston Respublikasi Davlat xavfsizlik xizmati xodimi

Izoh: ishchi guruh aʼzolari boshqa ishga oʻtgan taqdirda, uning tarkibiga ushbu lavozimlarga yangi tayinlangan yoki tegishli funksiyalarni bajarish yuklatilgan shaxslar kiritiladi.

Oʻzbekiston Respublikasi Prezidentining 2018-yil 11-sentabrdagi PQ-3939-son qaroriga 7-ILOVA

Navoiy viloyatida tadbirkorlikni qoʻllab-quvvatlash va rivojlantirish boʻyicha guruh

tarkibi

1. S.U. Zakirov — Oʻzbekiston Respublikasi Prezidenti Administratsiyasi masʼul xodimi, guruh rahbari 2. U.Sh. Islamov — Navoiy viloyati hokimi oʻrinbosari 3. R.R. Maxkamov — Navoiy viloyati prokurori oʻrinbosari 4. T.R. Xakimov — Oʻzbekiston Respublikasi Markaziy banki Navoiy viloyati bosh boshqarmasi boshligʻi oʻrinbosari 5. A.Sh. Tursunov — Oʻzbekiston Respublikasi Qurilish vazirligi boʻlim boshligʻi 6. Sh.X. Sodiqov — Oʻzbekiston Respublikasi Investitsiyalar boʻyicha davlat qoʻmitasi bosh mutaxassisi 7. Sh.X. Baxronov — Navoiy viloyati adliya boshqarmasi boshligʻi 8. O.M. Minliyev — Navoiy viloyati qurilish bosh boshqarmasi boshligʻi 9. N.M. Jumaniyozov — Navoiy viloyati uy-joy kommunal xizmat koʻrsatish boshqarmasi boshligʻi 10. A.A. Bozorov — Navoiy viloyati davlat soliq boshqarmasi boshligʻi 11. B.A. Qutlimuradov — Davlat bojxona qoʻmitasining Navoiy viloyati boʻyicha boshqarmasi boshligʻi 12. J.A. Boliyev — Navoiy viloyati yer resurslari va davlat kadastri boshqarmasi boshligʻi 13. K.P. Nurmurodov — Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi Navoiy viloyati boshqarmasi boshligʻi 14. Z.M. Uroqov — Oʻzbekiston Respublikasi Turizmni rivojlantirish davlat qoʻmitasi Navoiy viloyati boshqarmasi boshligʻi 15. I.S. Sultanov — “Mintaqaviy geologik tasvirlash ekspeditsiyasi” DK direktorining birinchi oʻrinbosari — bosh geologi 16. U.A. Kamolov — Navoiy viloyati standartlashtirish va metrologiya boshqarmasi boshligʻi 17. L.X. Xodjiyeva — Navoiy viloyati davlat sanitariya-epidemiologiya nazorati markazi bosh vrachi 18. S.X. Xo�jiyev — “Navoiy HETK” AJ bosh direktori 19. A.A. Axmedov — “Oʻztransgaz” AJ hududiy gaz taʼminoti filiali boshligʻi 20. O.B. Axrorov — Oʻzbekiston Respublikasi Savdo-sanoat palatasi Navoiy viloyati boshqarmasi boshligʻi oʻrinbosari 21. J.J. Xaitov — Oʻzbekiston Respublikasi Davlat xavfsizlik xizmati xodimi

Izoh: ishchi guruh aʼzolari boshqa ishga oʻtgan taqdirda, uning tarkibiga ushbu lavozimlarga yangi tayinlangan yoki tegishli funksiyalarni bajarish yuklatilgan shaxslar kiritiladi.

Oʻzbekiston Respublikasi Prezidentining 2018-yil 11-sentabrdagi PQ-3939-son qaroriga 8-ILOVA

Namangan viloyatida tadbirkorlikni qoʻllab-quvvatlash va rivojlantirish boʻyicha guruh

tarkibi

1. B.F. Yusupov — Oʻzbekiston Respublikasi Prezidenti Administratsiyasi masʼul xodimi, guruh rahbari 2. U.M. Yunusov — Namangan viloyati hokimi oʻrinbosari 3. J.O. Azimov — Namangan viloyati prokurori oʻrinbosari 4. M.U. Xujayev — Oʻzbekiston Respublikasi Markaziy banki departamenti boshqarma boshligʻi oʻrinbosari 5. A.A. Abduraxmanov — Oʻzbekiston Respublikasi Qurilish vazirligi boʻlim boshligʻi 6. X.I. Sabirov — Namangan viloyati adliya boshqarmasi boshligʻi 7. A.D. Xolmirzayev — Namangan viloyati qurilish bosh boshqarmasi boshligʻi 8. Sh.A. Raximov — Namangan viloyati uy-joy kommunal xizmat koʻrsatish boshqarmasi boshligʻi 9. A.A. Tillavoldiyev — Namangan viloyati davlat soliq boshqarmasi boshligʻi vazifasini vaqtincha bajaruvchi 10. O.X. Xojimatov — Davlat bojxona qoʻmitasining Namangan viloyati boʻyicha boshqarmasi boshligʻi 11. O.O. Inamov — Namangan viloyati investitsiya bosh boshqarmasi boshligʻi 12. A.B. Jurayev — Namangan viloyati yer resurslari va davlat kadastri boshqarmasi boshligʻi 13. Z.Sh. Ikramov — Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi Namangan viloyati boshqarmasi boshligʻi 14. X.A. Abdumalikov — Oʻzbekiston Respublikasi Turizmni rivojlantirish davlat qoʻmitasi Namangan viloyati boshqarmasi boshligʻi 15. K.A. Isabayev — “Oʻzbekgidrogeologiya” DUK Namangan gidrogeologiya stansiyasi boshligʻi 16. A.A. Tursunov — Namangan viloyati standartlashtirish va metrologiya boshqarmasi boshligʻi 17. R.Y. Xamrokulov — Namangan viloyati davlat sanitariya-epidemiologiya nazorati markazi bosh shifokori 18. J.N. Rizayev — “Namangan HETK” AJ bosh direktori 19. A.A. Tadjimirzayev — “Oʻztransgaz” AJ hududiy gaz taʼminoti filiali boshligʻi 20. A.K. Turgunov — Oʻzbekiston Respublikasi Savdo-sanoat palatasi Namangan viloyati boshqarmasi boshligʻi oʻrinbosari 21. F.R. Yangibayev — Oʻzbekiston Respublikasi Davlat xavfsizlik xizmati xodimi

Izoh: ishchi guruh aʼzolari boshqa ishga oʻtgan taqdirda, uning tarkibiga ushbu lavozimlarga yangi tayinlangan yoki tegishli funksiyalarni bajarish yuklatilgan shaxslar kiritiladi.

Oʻzbekiston Respublikasi Prezidentining 2018-yil 11-sentabrdagi PQ-3939-son qaroriga 9-ILOVA

Samarqand viloyatida tadbirkorlikni qoʻllab-quvvatlash va rivojlantirish boʻyicha guruh

tarkibi

1. S.X. Aliyev — Oʻzbekiston Respublikasi Prezidenti Administratsiyasi masʼul xodimi, guruh rahbari 2. O.B. Babayev — Samarqand viloyati hokimi oʻrinbosari 3. U.A. Xamdamov — Samarqand viloyati prokurori oʻrinbosari 4. A.A. Xaydarov — Oʻzbekiston Respublikasi Markaziy banki Samarqand viloyati boshqarmasi boshligʻi oʻrinbosari 5. A.T. Jumayev — Oʻzbekiston Respublikasi Iqtisodiyot vazirligi bosh boshqarma boshligʻi oʻrinbosari 6. A.A. Muslimov — Oʻzbekiston Respublikasi Qurilish vazirligi boshqarma boshligʻi oʻrinbosari 7. M.M. Agzamov — Oʻzbekiston Respublikasi “Yergeodezkadastr” davlat qoʻmitasi boʻlim boshligʻi 8. M.P. Botirov — Oʻzbekiston Respublikasi Investitsiyalar boʻyicha davlat qoʻmitasi yetakchi mutaxassisi 9. A.U. Xalilov — Samarqand viloyati adliya boshqarmasi boshligʻi 10. B.A. Nazarov — Samarqand viloyati qurilish bosh boshqarmasi boshligʻi 11. I.I. Xalikov — Samarqand viloyati investitsiya bosh boshqarmasi boshligʻi 12. R.T. Sattarov — Samarqand viloyati uy-joy kommunal xizmat koʻrsatish boshqarmasi boshligʻi 13. Sh.E. Axmedov — Samarqand viloyati davlat soliq boshqarmasi boshligʻi 14. E.T. Salixov — Davlat bojxona qoʻmitasining Samarqand viloyati boʻyicha boshqarmasi boshligʻi 15. S.E. Xolmatov — Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi Samarqand viloyati boshqarmasi boshligʻi 16. D.R. Narzikulov — Oʻzbekiston Respublikasi Turizmni rivojlantirish davlat qoʻmitasi Samarqand viloyati boshqarmasi boshligʻi 17. S.Y. Nimatullayev — “Samarqand geologiya” DUK direktorining birinchi oʻrinbosari — bosh geologi 18. M.R. Saidov — Samarqand viloyati standartlashtirish va metrologiya boshqarmasi boshligʻi 19. B.N. Normetov — Samarqand viloyati davlat sanitariya-epidemiologiya nazorati markazi bosh shifokori 20. M.X. Pardayev — “Samarqand HETK” AJ bosh direktori 21. Sh.N. Maxmudov — “Oʻztransgaz” AJ hududiy gaz taʼminoti filiali boshligʻi 22. Z.A. Kabilov — Oʻzbekiston Respublikasi Savdo-sanoat palatasi Samarqand viloyati boshqarmasi boshligʻi oʻrinbosari 23. A.A. Maxkamov — Oʻzbekiston Respublikasi Davlat xavfsizlik xizmati xodimi

Izoh: ishchi guruh aʼzolari boshqa ishga oʻtgan taqdirda, uning tarkibiga ushbu lavozimlarga yangi tayinlangan yoki tegishli funksiyalarni bajarish yuklatilgan shaxslar kiritiladi.

Oʻzbekiston Respublikasi Prezidentining 2018-yil 11-sentabrdagi PQ-3939-son qaroriga 10-ILOVA

Surxondaryo viloyatida tadbirkorlikni qoʻllab-quvvatlash va rivojlantirish boʻyicha guruh

tarkibi

1. F.Z. Djalilov — Oʻzbekiston Respublikasi Prezidenti Administratsiyasi masʼul xodimi, guruh rahbari 2. A.D. Xodjiyev — Surxondaryo viloyati hokimi oʻrinbosari 3. T.Z. Kurbonov — Surxondaryo viloyati prokurori oʻrinbosari 4. O.O. Esonov — Oʻzbekiston Respublikasi Markaziy banki Surxondaryo viloyati boʻyicha boshqarmasi boshligʻi oʻrinbosari 5. B.M. Maxmudov — Oʻzbekiston Respublikasi Iqtisodiyot vazirligi boʻlim boshligʻi 6. B.A. Shobutayev — Oʻzbekiston Respublikasi Qurilish vazirligi boʻlim boshligʻi 7. A.G. Xolmurzayev — Oʻzbekiston Respublikasi Investitsiyalar boʻyicha davlat qoʻmitasi bosh mutaxassisi 8. C. Sattarov — Surxondaryo viloyati adliya boshqarmasi boshligʻi 9. A.T. Saloxitdinov — Surxondaryo viloyati qurilish bosh boshqarmasi boshligʻi 10. P.K. Tangriyev — Surxondaryo viloyati uy-joy kommunal xizmat koʻrsatish boshqarmasi boshligʻi 11. Sh.J. Raximov — Surxondaryo viloyati davlat soliq boshqarmasi boshligʻi 12. T.B. Saidov — Davlat bojxona qoʻmitasining Surxondaryo viloyati boʻyicha boshqarmasi boshligʻi 13. A.M. Ganiyev — Surxondaryo viloyati yer resurslari va davlat kadastri boshqarmasi boshligʻi 14. O.M. Eshkeldiyev — Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi Surxondaryo viloyati boshqarmasi boshligʻi 15. A.P. Xujakulov — Oʻzbekiston Respublikasi Turizmni rivojlantirish davlat qoʻmitasi Surxondaryo viloyati boshqarmasi boshligʻi 16. M.T. Shodikulov — Togʻ-geologiya faoliyatini nazorat qilish boʻyicha janubiy hududiy inspeksiya boshligʻi oʻrinbosari 17. G.X. Karimov — Surxondaryo viloyati standartlashtirish va metrologiya boshqarmasi boshligʻi 18. J.X. Xasanov — Surxondaryo viloyati davlat sanitariya-epidemiologiya nazo�ati markazi bosh shifokori 19. A.A. Xaydarov — “Surxondaryo HETK” AJ bosh direktori 20. J.I. Xidirov — “Oʻztransgaz” AJ hududiy gaz taʼminoti filiali boshligʻi 21. E.B. Eshdavlatov — Oʻzbekiston Respublikasi Savdo-sanoat palatasi Surxondaryo viloyati boshqarmasi boshligʻi oʻrinbosari 22. Z.M. Turgunov — Oʻzbekiston Respublikasi Davlat xavfsizlik xizmati xodimi

Izoh: ishchi guruh aʼzolari boshqa ishga oʻtgan taqdirda, uning tarkibiga ushbu lavozimlarga yangi tayinlangan yoki tegishli funksiyalarni bajarish yuklatilgan shaxslar kiritiladi.

Oʻzbekiston Respublikasi Prezidentining 2018-yil 11-sentabrdagi PQ-3939-son qaroriga 11-ILOVA

Sirdaryo viloyatida tadbirkorlikni qoʻllab-quvvatlash va rivojlantirish boʻyicha guruh

tarkibi

1. J.M. Abdullayev — Oʻzbekiston Respublikasi Prezidenti Administratsiyasi masʼul xodimi, guruh rahbari 2. A.D. Xodjiyev — Sirdaryo viloyati hokimi oʻrinbosari 3. X.N. Shamsutdinov — Sirdaryo viloyati prokurori oʻrinbosari 4. S.S. Sattorov — Oʻzbekiston Respublikasi Markaziy banki departamenti boshqarma boshligʻi oʻrinbosari 5. X.X. Maxmudov — Oʻzbekiston Respublikasi Qurilish vazirligi boʻlim boshligʻi 6. B.B. Xudayberdiyev — Oʻzbekiston Respublikasi Investitsiyalar boʻyicha davlat qoʻmitasi bosh mutaxassisi 7. Sh. Saidov — �irdaryo viloyati adliya boshqarmasi boshligʻi 8. F.B. Xaligitov — Sirdaryo viloyati qurilish bosh boshqarmasi boshligʻi 9. B.N. Samatov — Sirdaryo viloyati uy-joy kommunal xizmat koʻrsatish boshqarmasi boshligʻi 10. J.R. Goyibov — Sirdaryo viloyati davlat soliq boshqarmasi boshligʻi 11. Sh.I. Xayrullayev — Davlat bojxona qoʻmitasining Sirdaryo viloyati boʻyicha boshqarmasi boshligʻi 12. V.A. Maxmirzayev — Sirdaryo viloyati yer resurslari va davlat kadastri boshqarmasi boshligʻi 13. O.A. Mamatov — Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi Sirdaryo viloyati boshqarmasi boshligʻi 14. B.A. Tagayev — Oʻzbekiston Respublikasi Turizmni rivojlantirish davlat qoʻmitasi Sirdaryo viloyati boshqarmasi boshligʻi 15. N.N. Muratov — Sirdaryo viloyati standartlashtirish va metrologiya boshqarmasi boshligʻi vazifasini bajaruvchi 16. J.X. Xasanov — Sirdaryo viloyati davlat sanitariya-epidemiologiya nazorati markazi bosh shifokori 17. A.A. Xaydarov — “Sirdaryo HETK” AJ bosh direktori 18. D.I. Xidirov — “Oʻztransgaz” AJ hududiy gaz taʼminoti filiali boshligʻi 19. V.K. Kamolov — Oʻzbekiston Respublikasi Savdo-sanoat palatasi Sirdaryo viloyati boshqarmasi boshligʻi oʻrinbosari 20. G.T. Aminov — Oʻzbekiston Respublikasi Davlat xavfsizlik xizmati xodimi

Izoh: ishchi guruh aʼzolari boshqa ishga oʻtgan taqdirda, uning tarkibiga ushbu lavozimlarga yangi tayinlangan yoki tegishli funksiyalarni bajarish yuklatilgan shaxslar kiritiladi.

Oʻzbekiston Respublikasi Prezidentining 2018-yil 11-sentabrdagi PQ-3939-son qaroriga 12-ILOVA

Toshkent viloyatida tadbirkorlikni qoʻllab-quvvatlash va rivojlantirish boʻyicha guruh

tarkibi

1. M.M. Xodjayev — Oʻzbekiston Respublikasi Prezidenti Administratsiyasi masʼul xodimi, guruh rahbari 2. I.A. Kasimov — Toshkent viloyati hokimi oʻrinbosari 3. M.M. Maxmudov — Oʻzbekiston Respublikasi Prezidenti Administratsiyasi masʼul xodimi 4. J.E. Yuldashev — Oʻzbekiston Respublikasi Prezidenti Administratsiyasi masʼul xodimi 5. S.S. Saidkarimov — Oʻzbekiston Respublikasi Bosh prokurori oʻrinbosari 6. A.E. Fayzibayev — Oʻzbekiston Respublikasi Davlat soliq qoʻmitasi raisi oʻrinbosari 7. A.X. Korayev — Toshkent viloyati prokurorining birinchi oʻrinbosari 8. M.D. Shonazarov — Oʻzbekiston Respublikasi Markaziy banki departament direktori oʻrinbosari 9. F.M. Abdusamatova — Oʻzbekiston Respublikasi Iqtisodiyot vazirligi boshqarmasi boshligʻi oʻrinbosari 10. T.T. Ergashev — Oʻzbekiston Respublikasi Qurilish vazirligi boʻlimi boshligʻi 11. F.M. Xushvaktov — Oʻzbekiston Respublikasi “Yergeodezkadastr” davlat qoʻmitasi boʻlim boshligʻi 12. A.Z. Muxammadiyev — Toshkent viloyati adliya boshqarmasi boshligʻi 13. O.Y. Axmedov — Toshkent viloyati qurilish bosh boshqarmasi boshligʻi 14. G. Normatov — Toshkent viloyati uy-joy kommunal xizmat koʻrsatish boshqarmasi boshligʻi 15. O.B. Choriyev — Davlat bojxona qoʻmitasining Toshkent viloyati boʻyicha boshqarmasi boshligʻi 16. Sh.Sh. Shaziyatov — Toshkent viloyati investitsiya bosh boshqarmasi boshligʻi 17. K.K. Toirbekov — Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi Toshkent viloyati boshqarmasi boshligʻi 18. A.A. Umarov — Oʻzbekiston Respublikasi Turizmni rivojlantirish davlat qoʻmitasi Toshkent viloyati boshqarmasi boshligʻi 19. A.A. Vorisov — “Davgeolaxborotmarkazi” DQ direktori 20. J.I. Ganiyev — Toshkent viloyati standartlashtirish va metrologiya boshqarmasi boshligʻi 21. B.A. Boltaboyev — Toshkent viloyati davlat sanitariya-epidemiologiya nazorati markazi bosh shifokori 22. S.I. Yusupov — “Toshkent HETK” AJ bosh direktori 23. A.A. Raimov — “Oʻztransgaz” AJ hududiy gaz taʼminoti filiali boshligʻi 24. N.T. Dadaboyev — Oʻzbekiston Respublikasi Savdo-sanoat palatasi Toshkent viloyati boshqarmasi boshligʻi oʻrinbosari 25. G.T. Aminov — Oʻzbekiston Respublikasi Davlat xavfsizlik xizmati xodimi

Izoh: ishchi guruh aʼzolari boshqa ishga oʻtgan taqdirda, uning tarkibiga ushbu lavozimlarga yangi tayinlangan yoki tegishli funksiyalarni bajarish yuklatilgan shaxslar kiritiladi.

Oʻzbekiston Respublikasi Prezidentining 2018-yil 11-sentabrdagi PQ-3939-son qaroriga 13-ILOVA

Fargʻona viloyatida tadbirkorlikni qoʻllab-quvvatlash va rivojlantirish boʻyicha guruh

tarkibi

1. U.Sh. Xusainov — Oʻzbekiston Respublikasi Prezidenti Administratsiyasi masʼul xodimi, guruh rahbari 2. M.T. Abduraxmonov — Fargʻona viloyati hokimi oʻrinbosari 3. S.A. Xasanov — Fargʻona viloyati prokurori oʻrinbosari 4. E.T. Niyazmatov — Oʻzbekiston Respublikasi Qurilish vazirligi boʻlimi boshligʻi oʻrinbosari 5. Sh.E. Mirfayziyev — Oʻzbekiston Respublikasi Markaziy banki departamenti boshqarmasi boshligʻi oʻrinbosari 6. I.K. Turgunov — Fargʻona viloyati adliya boshqarmasi boshligʻi 7. A.M. Ganiyev — Fargʻona viloyati qurilish bosh boshqarmasi boshligʻi 8. R.R. Raximjanov — Fargʻona viloyati uy-joy kommunal xizmat koʻrsatish boshqarmasi boshligʻi 9. X.I. Xabibidinov — Fargʻona viloyati davlat soliq boshqarmasi boshligʻi 10. Ch.O. Azimov — Davlat bojxona qoʻmitasining Fargʻona viloyati boʻyicha boshqarmasi boshligʻi 11. D.A. Ganiyev — Fargʻona viloyati investitsiya bosh boshqarmasi boshligʻi 12. Y.U. Ibragimov — Fargʻona viloyati yer resurslari va davlat kadastri boshqarmasi boshligʻi 13. F.Sh. Nazarov — Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi Fargʻona viloyati boshqarmasi boshligʻi 14. M.O. Temirov — Oʻzbekiston Respublikasi Turizmni rivojlantirish davlat qoʻmitasi Fargʻona viloyati boshqarmasi boshligʻi 15. X.A. Axmedov — “Davgeolaxborotmarkazi” DQ boʻlimi boshligʻi 16. Sh.I. Tairov — Fargʻona viloyati standartlashtirish va metrologiya boshqarmasi boshligʻi vazifasini bajaruvchi 17. A.K. Yakubov — Fargʻona viloyati davlat sanitariya-epidemiologiya nazorati markazi bosh shifokori 18. D.T. Jalilov — “Fargʻona HETK” AJ bosh direktori 19. U.K. Kuchkarov — “Oʻztransgaz” AJ hududiy gaz taʼminoti filiali boshligʻi 20. N.T. Dadaboyev — Oʻzbekiston Respublikasi Savdo-sanoat palatasi Fargʻona viloyati boshqarmasi boshligʻi oʻrinbosari 21. F.I. Saydaxmedov — Oʻzbekiston Respublikasi Davlat xavfsizlik xizmati xodimi

Izoh: ishchi guruh aʼzolari boshqa ishga oʻtgan taqdirda, uning tarkibiga ushbu lavozimlarga yangi tayinlangan yoki tegishli funksiyalarni bajarish yuklatilgan shaxslar kiritiladi.

Oʻzbekiston Respublikasi Prezidentining 2018-yil 11-sentabrdagi PQ-3939-son qaroriga 14-ILOVA

Xorazm viloyatida tadbirkorlikni qoʻllab-quvvatlash va rivojlantirish boʻyicha guruh

tarkibi

1. S.X. Bekenov — Oʻzbekiston Respublikasi Investitsiyalar boʻyicha davlat qoʻmitasi raisining birinchi oʻrinbosari, guruh rahbari 2. Sh.X. Atabayev — Oʻzbekiston Respublikasi Markaziy banki raisi oʻrinbosari 3. M.Sh. Istamov — Oʻzbekiston Respublikasi adliya vaziri oʻrinbosari 4. B.A. Urakov — Oʻzbekiston Respublikasi qurilish vaziri oʻrinbosari 5. A.E. Fayzibayev — Oʻzbekiston Respublikasi Davlat soliq qoʻmitasi raisi oʻrinbosari 6. G.X. Shukurov — Oʻzbekiston Respublikasi Davlat bojxona qoʻmitasi raisi oʻrinbosari 7. J.B. Yunusov — Oʻzbekiston Respublikasi Xususiylashtirilgan k�rxonalarga koʻmaklashish va raqobatni rivojlantirish davlat qoʻmitasi raisi oʻrinbosari 8. F.U. Davrukov — Oʻzbekiston Respublikasi Turizmni rivojlantirish davlat qoʻmitasi raisi oʻrinbosari 9. J.N. Shukurov — “Oʻzstandart” agentligi bosh direktorining oʻrinbosari 10. J.O. Obidjonov — “Oʻzbekenergo” AJ boshqaruvi raisining oʻrinbosari 11. M.A. Boshmanov — “Oʻztransgaz” AJ boshqaruvi raisining oʻrinbosari 12. D.S. Mirzabayev — Oʻzbekiston Respublikasi Sogʻliqni saqlash vazirligi bosh boshqarma boshligʻi 13. U.Z. Sodikov — Oʻzbekiston Respublikasi Uy-joy kommunal xizmat koʻrsatish vazirligi boʻlim boshligʻi 14. J.Sh. Avezov — Oʻzbekiston Respublikasi Investitsiyalar boʻyicha davlat qoʻmitasi departament boshligʻi 15. A.X. Alimov — Oʻzbekiston Respublikasi “Yergeodezkadastr” davlat qoʻmitasi boshqarma boshligʻi 16. Sh.A. Tulyaganov — Xorazm viloyati hokimi oʻrinbosari 17. O.J. Payanov — Xorazm viloyati prokurori oʻrinbosari 18. N.E. Kartboyev — “Mintaqaviy geologik-tasvirlash ekspeditsiyasi” DK Qoraqalpoq geologik-tasvirlash dala ekspeditsiyasi yetakchi muhandisi 19. M.O. Yuldoshov — Oʻzbekiston Respublikasi Savdo-sanoat palatasi Xorazm viloyati boshqarmasi boshligʻi vazifasini bajaruvchi 20. N.A. Xayitov — Oʻzbekiston Respublikasi Davlat xavfsizlik xizmati xodimi

Izoh: ishchi guruh aʼzolari boshqa ishga oʻtgan taqdirda, uning tarkibiga ushbu lavozimlarga yangi tayinlangan yoki tegishli funksiyalarni bajarish yuklatilgan shaxslar kiritiladi.