“Oʻzbekiston Respublikasida avtomototransport vositalari haydovchilarini tayyorlash va qayta tayyorlash bilan shugʻullanuvchi taʼlim muassasalarini bitirgan haydovchilikka nomzodlarga beriladigan yagona namunadagi guvohnomani berish tartibi toʻgʻrisidagi nizomni tasdiqlash haqida”gi qarorga oʻzgartirishlar kiritish haqida (1652-2-son)

07.09.2018

Oʻzbekiston avtomobil transporti agentligi Oʻzbekiston Respublikasi Oliy va oʻrta maxsus taʼlim vazirligining Kasb-hunar taʼlim markazi Oʻzbekiston Respublikasi Ichki ishlar vazirligining

Qarori

[Oʻzbekiston Respublikasi Adliya vazirligi tomonidan 2018-yil 7-sentabrda roʻyxatdan oʻtkazildi, roʻyxat raqami 1652-2]

Oʻzbekiston Respublikasi Vazirlar Mahkamasining 2018-yil 31-maydagi 408-son “Avtomototransport vositalari va shahar elektr transport vositalari haydovchilarini tayyorlash, qayta tayyorlash hamda ularning malakasini oshirish boʻyicha nodavlat taʼlim xizmatlari koʻrsatish faoliyatini litsenziyalash tartibini yanada takomillashtirish chora-tadbirlari toʻgʻrisida”gi qaroriga muvofiq Oʻzbekiston avtomobil transporti agentligi, Oʻzbekiston Respublikasi Oliy va oʻrta maxsus taʼlim vazirligining Kasb-hunar taʼlim markazi va Oʻzbekiston Respublikasi Ichki ishlar vazirligi qaror qiladi:

1. Oʻzbekiston avtomobil va daryo transporti agentligi, Oʻzbekiston Respublikasi Oliy va oʻrta maxsus taʼlim vazirligining Oʻrta maxsus, kasb-hunar taʼlim markazi va Ichki ishlar vazirligining 2006-yil 27-dekabrdagi 6, 48/QB, 11-son “Oʻzbekiston Respublikasida avtomototransport vositalari haydovchilarini tayyorlash va qayta tayyorlash bilan shugʻullanuvchi taʼlim muassasalarini bitirgan haydovchilikka nomzodlarga beriladigan yagona namunadagi guvohnomani berish tartibi toʻgʻrisidagi nizomni tasdiqlash haqida”gi qaroriga (roʻyxat raqami 1652, 2007-yil 9-yanvar) (Oʻzbekiston Respublikasi qonun hujjatlari toʻplami, 2007-yil, 1-2-son, 18-modda) ilovaga muvofiq oʻzgartirishlar kiritilsin.

2. Mazkur qaror rasmiy eʼlon qilingan kundan eʼtiboran kuchga kiradi.

Oʻzbekiston avtomobil transporti agentligi boshligʻi D. DEXKANOV

Toshkent sh.,

2018-yil 15-avgust,

70-son

Oʻzbekiston Respublikasi Oliy va oʻrta maxsus taʼlim vazirligining Kasb-hunar taʼlim markazi direktori M. XOLMUHAMEDOV

Toshkent sh.,

2018-yil 15-avgust,

8/QQ-son

Ichki ishlar vaziri P. BOBOJONOV

Toshkent sh.,

2018-yil 15-avgust,

56-son

Oʻzbekiston avtomobil transporti agentligi, Oʻzbekiston Respublikasi Oliy va oʻrta maxsus taʼlim vazirligining Kasb-hunar taʼlim markazi va Oʻzbekiston Respublikasi Ichki ishlar vazirligining 2018-yil 15-avgustdagi 70, 8/QQ, 56-son qaroriga ILOVA

“Oʻzbekiston Respublikasida avtomototransport vositalari haydovchilarini tayyorlash va qayta tayyorlash bilan shugʻullanuvchi taʼlim muassasalarini bitirgan haydovchilikka nomzodlarga beriladigan yagona namunadagi guvohnomani berish tartibi toʻgʻrisidagi nizomni tasdiqlash haqida”gi qarorga kiritilayotgan oʻzgartirishlar

1. Qarorning 2-bandi quyidagi tahrirda bayon etilsin:

“2. Yagona namunadagi guvohnomalar Oʻzbekiston avtomobil transporti agentligining “Avtomobil transporti xodimlarini malakasini oshirish va qayta tayyorlash instituti” DKni buyurtmasiga asosan, “Davlat belgisi” birlashmasining Toshkent shahar bosma fabrikasida, bosma usulda tayyorlansin.”.

2. Nizomda:

a) muqqadima quyidagi tahrirda bayon etilsin:

“Mazkur Nizom Oʻzbekiston Respublikasida avtomototransport vositalari haydovchilarini tayyorlash va qayta tayyorlash bilan shugʻullanuvchi taʼlim muassasalarini bitirgan haydovchilikka nomzodlarga yagona namunadagi guvohnoma berish tartibini belgilaydi.”;

b) 1-band quyidagi tahrirda bayon etilsin:

“1. Oʻzbekiston Respublikasida avtomototransport vositalari va shahar elektr transporti vositalarini haydovchilarini tayyorlash va qayta tayyorlash Oʻzbekiston Respublikasi Vazirlar Mahkamasining 2018-yil 31-maydagi 408-son qarori bilan tasdiqlangan Avtomototransport vositalari va shahar elektr transporti vositalari haydovchilarini tayyorlash, qayta tayyorlash va ularning malakasini oshirish tartibi toʻgʻrisidagi nizomga muvofiq amalga oshiriladi.”;

v) 5-band quyidagi tahrirda bayon etilsin:

“5. Guvohnoma blankalari Oʻzbekiston avtomobil transporti agentligining (keyingi oʻrinlarda matnda — agentlik) “Avtomobil transporti xodimlarini malakasini oshirish va qayta tayyorlash instituti” DKning buyurtmasi asosida tayyorlanadi.”;

g) 6-band quyidagi tahrirda bayon etilsin:

“6. Guvohnoma blankalari “Avtomobil transporti xodimlarini malakasini oshirish va qayta tayyorlash instituti” DKning taqsimotiga asosan, taʼlim muassasalarga “maxsus hududiy kod”lar asosida agentlikning hududiy boshqarmalari tomonidan yetkazib beriladi (mazkur Nizomning 2-ilovasi).”;

d) 7-band quyidagi tahrirda bayon etilsin:

“7. Guvohnomalar taʼlim muassasasi buyurtmalariga asosan agentlikning “Avtomobil transporti xodimlarini malakasini oshirish va qayta tayyorlash instituti” DK tomonidan taʼminlanadi.

“Avtomobil transporti xodimlarini malakasini oshirish va qayta tayyorlash instituti” DK buyurtmasiga asosan guvohnomalar “Davlat belgisi” birlashmasining Toshkent shahar bosma fabrikasida bosma usulda tayyorlanadi.”.