Maktabgacha va maktab taʼlimi tizimiga boshqaruvning yangi tamoyillarini joriy etish chora-tadbirlari toʻgʻrisida (PQ-3931-son)

05.09.2018

Oʻzbekiston Respublikasi Prezidentining

Qarori

Oʻzbekiston Respublikasi Prezidentining 2018-yil 5-sentabrdagi “Xalq taʼlimi boshqaruv tizimini takomillashtirish boʻyicha qoʻshimcha chora-tadbirlar toʻgʻrisida”gi PF-5538-son Farmoniga muvofiq:

1. 2018-yil 1-noyabrdan boshlab quyidagilar Oʻzbekiston Respublikasi Maktabgacha va maktab taʼlimi vazirligining (keyingi oʻrinlarda Vazirlik deb yuritiladi) idoraviy boʻysunuviga oʻtkazilsin:

oliy taʼlim muassasalari huzuridagi pedagoglarni yangi metodikalarga oʻrgatish milliy markazlari.

3. Quyidagilar tashkil etilsin:

v) Vazirlikning markaziy apparati tarkibida Korrupsiyaga qarshi kurashish va huquqiy nazorat boshqarmasi, quyidagilar uning asosiy vazifalari etib belgilansin:

davlat organlari va boshqa tashkilotlarning maktabgacha va maktab taʼlimi muassasalari faoliyatiga asossiz aralashuviga, pedagog kadrlarning shaʼni va qadr-qimmati kamsitilishiga, ularning mehnatga majburlanishiga, taʼlim-tarbiya jarayoniga toʻsqinlik qilishning har qanday shakllariga, oʻqituvchi va oʻquvchilarning huquqlari buzilishiga yoʻl qoʻymaslik boʻyicha qonun hujjatlarida nazarda tutilgan choralarni koʻrish;

maktabgacha va maktab taʼlimi muassasalarida ichki nazoratni amalga oshirish, korrupsiyaga oid huquqbuzarliklar va boshqa qonunga xilof harakatlar sodir etilishining, shuningdek, Vazirlik tizimi xodimlari tomonidan kasbga oid odob-axloq qoidalari buzilishining oldini olish va profilaktika qilish.

4. Vazirlik huzurida quyidagilar tuzilsin:

b) yuridik shaxs maqomisiz Taʼlim sohasidagi islohotlarga koʻmaklashish jamgʻarmasi (keyingi oʻrinlarda — Koʻmaklashish jamgʻarmasi).

Quyidagilar Koʻmaklashish jamgʻarmasi mablagʻlarini shakllantirish manbalari etib belgilansin:

Oʻzbekiston Respublikasi Davlat budjetidan har yili 250 milliard soʻm miqdorida ajratiladigan mablagʻlar;

muassisi Vazirlik hisoblangan korxonalar ixtiyorida soliqlar va boshqa majburiy toʻlovlar toʻlanganidan keyin qoladigan sof foyda;

umumtaʼlim muassasalarining mol-mulkini sotishdan tushgan mablagʻlarning 100 foizi;

maktabgacha va maktab taʼlimi muassasalari faoliyatini tekshirish natijalari boʻyicha Vazirlikning ichki audit xizmatlari tomonidan aniqlangan va Oʻzbekiston Respublikasi Davlat budjeti, davlat maqsadli jamgʻarmalari va budjetdan tashqari jamgʻarmalar daromadiga undirilgan noqonuniy sarflangan budjet mablagʻlarining, talon-toroj, rastratalar, kamomadlar summalarining 50 foizi;

xalq taʼlimi xodimlarini qayta tayyorlash va ularning malakasini oshirish boʻyicha hududiy markazlar tomonidan tashkil etilgan maktabgacha va maktab taʼlimi tizimi xodimlarini qayta tayyorlash kurslarida oʻqitishdan tushadigan mablagʻlarning 5 foizi;

maktabgacha va maktab taʼlimi muassasalarining budjetdan tashqari jamgʻarmalariga tushadigan mablagʻlarning 5 foizi;

davlat umumiy oʻrta taʼlim muassasalari hududida oʻrnatilgan video kuzatuv kameralari va biometrik identifikatsiya tizimlari orqali qayd etilgan huquqbuzarliklar uchun Oʻzbekiston Respublikasining Maʼmuriy javobgarlik toʻgʻrisidagi kodeksiga muvofiq undiriladigan jarimalar summalarining 50 foizi;

Koʻmaklashish jamgʻarmasining vaqtincha boʻsh mablagʻlarini joylashtirishdan olinadigan daromadlar;

davlat-xususiy sheriklik loyihalarini amalga oshirishdan, shuningdek, Vazirlikning hududiy boʻlinmalari va idoraviy boʻysunuvidagi tashkilotlar tomonidan umumiy oʻrta va maktabdan tashqari taʼlim sohasida nodavlat xizmatlarni koʻrsatish bilan shugʻullanuvchi yuridik shaxslarga (keyingi oʻrinlarda — nodavlat umumtaʼlim tashkiloti) koʻrsatiladigan pulli xizmatlardan olinadigan daromadlarning bir qismi;

yuridik va jismoniy shaxslarning, shu jumladan Oʻzbekiston Respublikasi norezidentlarining homiylik xayriyalari;

xalqaro moliya tashkilotlari va xorijiy davlatlarning grantlari va texnik koʻmaklashish mablagʻlari;

qonun hujjatlari bilan taqiqlanmagan boshqa mablagʻlar.

Belgilab qoʻyilsinki, Koʻmaklashish jamgʻarmasining mablagʻlari quyidagi maqsadlarga sarflanadi:

Vazirlik, uning hududiy boʻlinmalari va idoraviy boʻysunuvidagi tashkilotlar xodimlariga ustamalar, mukofotlar va boshqa ragʻbatlantiruvchi toʻlovlar toʻlash;

fuqarolik-huquqiy shartnomalar asosida yuqori malakali mutaxassislarni, shu jumladan xorijiy ekspertlar va xorijda yashaydigan vatandoshlarni Vazirlikda ishlash uchun jalb etish;

Vazirlik, uning hududiy boʻlinmalari va idoraviy boʻysunuvidagi tashkilotlar balansidagi bino va inshootlarni saqlash, ulardan foydalanish, ularni qurish va taʼmirlash, zarur anjomlar, shu jumladan mebel, aloqa, kompyuterlar va boshqa vositalar bilan taʼminlash boʻyicha xarajatlarni moliyalashtirish;

Vazirlik xodimlarini, shu jumladan xorijiy davlatlarning ilmiy-tadqiqot, taʼlim va boshqa muassasalarida oʻqitish, malakasini oshirish va stajirovkadan oʻtkazish;

Vazirlik, uning hududiy boʻlinmalari va idoraviy boʻysunuvidagi tashkilotlar faoliyatiga zamonaviy axborot-kommunikatsiya texnologiyalarini joriy etish;

Vazirlik xodimlariga mamlakatda va xorijdagi xizmat safarlari xarajatlarini toʻlab berish;

Vazirlik faoliyatini takomillashtirishga qaratilgan boshqa tadbirlar;

9. Oʻzbekiston Respublikasi maktabgacha va maktab taʼlimi vaziriga:

Vazirlik markaziy apparatining tasdiqlangan tuzilmasiga boshqaruv xodimlarining belgilangan umumiy soni doirasida oʻzgartirishlar kiritish;

Qoraqalpogʻiston Respublikasi Maktabgacha va maktab taʼlimi vazirligi, viloyatlar va Toshkent shahar maktabgacha va maktab taʼlimi boshqarmalari, tuman (shahar) maktabgacha va maktab taʼlimi boʻlimlari, boshqa idoraviy boʻysunuvdagi tashkilotlarning nizomlari va tuzilmalarini, shuningdek, ular boshqaruv xodimlarining cheklangan sonini tasdiqlash;

Koʻmaklashish jamgʻarmasining mablagʻlari hisobidan Vazirlik va uning hududiy boʻlinmalari va idoraviy boʻysunuvidagi tashkilotlarning boshqaruv xodimlari shtatiga qoʻshimcha mutaxassis birliklarini kiritish;

pedagog kadrlarni tanlash, tayyorlash, qayta tayyorlash va ularning malakasini oshirish tartibini belgilash;

umumtaʼlim muassasalarining oʻquv va oʻquv-metodik komplekslarini nashr etish va yetkazib berish tartibini belgilash;

Vazirlikka yuklatilgan vazifalar va funksiyalarni bajarish doirasida Koʻmaklashish jamgʻarmasi mablagʻlari hisobidan davlat organlari va tashkilotlari, loyiha institutlari, ilmiy va oliy taʼlim muassasalari, yetakchi xalqaro va xorijiy tashkilotlarning mutaxassislarini, shuningdek, ularning maktabgacha va maktab taʼlimi sohasidagi ekspertlarini konsultantlar sifatida jalb etish;

malakali mahalliy va xorijiy mutaxassislarni, xorijda faoliyat yuritayotgan vatandoshlarni ishga qabul qilish;

maktabgacha va maktab taʼlimi tizimini moliyalashtirish uchun zarur xarajatlar boʻyicha takliflarni shakllantirish hamda, zarur boʻlganda, xorijiy qarz, grantlar va boshqa mablagʻlarni jalb etish tadbirlarini amalga oshirish;

Vazirlikning, uning hududiy boʻlinmalari va idoraviy boʻysunuvidagi tashkilotlarning, shuningdek, umumtaʼlim muassasalarining koʻchmas mulki va boshqa mulkini samarali boshqarishni tashkil etish;

idoraviy boʻysunuvdagi tashkilotlar, shuningdek, umumtaʼlim va maktabdan tashqari muassasalarni tashkil etish toʻgʻrisida qarorlar qabul qilish huquqi berilsin.

10. Vazirlik, Oʻzbekiston Respublikasi Iqtisodiyot va moliya vazirligi, Davlat aktivlarini boshqarish agentligi, Savdo-sanoat palatasi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklarining xalq taʼlimi tizimida davlat-xususiy sheriklikning quyidagi shakllarini joriy etish toʻgʻrisidagi takliflari maʼqullansin:

nodavlat umumtaʼlim tashkilotlari binolarini qurish uchun davlat sherigiga doimiy foydalanishga berilgan yer uchastkalarini bepul asosda ijaraga berish;

mavjud umumtaʼlim muassasalarini rekonstruksiya qilish va jihozlash sharti bilan nodavlat umumtaʼlim muassasalari obyektlarini qurish uchun yer uchastkalarini begʻaraz berish;

yuklanganlik koeffitsiyenti past boʻlgan yoxud rekonstruksiya qilish yoki taʼmirlashni (qayta jihozlashni) talab etadigan mavjud umumtaʼlim muassasalarini ijaraga berish;

xususiy sherikning mulki negizida tashkil etilgan nodavlat umumtaʼlim tashkilotlarini moddiy-texnik va moliyaviy taʼminlash.

Belgilab qoʻyilsinki:

maktabgacha va maktab taʼlimi sohasida davlat-xususiy sheriklik Oʻzbekiston Respublikasi Vazirlar Mahkamasi tomonidan belgilanadigan boshqa shakllarda ham amalga oshirilishi mumkin;

davlat-xususiy sheriklik toʻgʻrisidagi bitim Vazirlik tomonidan oʻtkaziladigan tanlov natijalari asosida tuziladi. Mazkur bandning yettinchi xatboshisida nazarda tutilgan holda tanlov oʻtkazilmaydi;

xususiy sherik bilan davlat-xususiy sheriklik toʻgʻrisidagi bitimni davlat tomonidan sherik sifatida Vazirlik tuzadi va xususiy sherik tomonidan kelishuv shartlarining bajarilishini monitoring qiladi;

umumtaʼlim va maktabdan tashqari muassasalarning yer uchastkalari va koʻchmas mulkini Oʻzbekiston Respublikasi maktabgacha va maktab taʼlimi vaziri bilan kelishmasdan begonalashtirish taqiqlanadi, Oʻzbekiston Respublikasi Prezidenti hujjatlarida belgilangan boshqa tartiblar bundan mustasno.

11. Belgilansinki, xususiy sherik zimmasiga davlat-xususiy sheriklik shaklidan kelib chiqqan holda investitsiya majburiyatlarining quyidagi turlari yuklanishi mumkin:

ijtimoiy koʻmakka muhtoj oilalardan muayyan miqdordagi oʻquvchilarni imtiyozli ravishda oʻqitish;

oʻziga oʻtkazilayotgan umumtaʼlim muassasalarining mavjud oʻquvchilar kontingentini sifatli oʻqitishni taʼminlash;

xususiy sherikka biriktirilgan umumtaʼlim muassasalarini qurish, rekonstruksiya qilish, kapital taʼmirlash va jihozlash ishlarini amalga oshirish;

bolalarni bolalar yozgi sogʻlomlashtirish oromgohlariga yuborish;

oʻquvchilarni zamonaviy darsliklar, maktab formasi, anjomlar va boshqa maktab buyumlari bilan taʼminlash;

davlat-xususiy sheriklik toʻgʻrisidagi bitimda nazarda tutiladigan boshqa majburiyatlar.

12. Davlat-xususiy sheriklik toʻgʻrisidagi bitimlarning amal qilish muddatlari quyidagicha belgilansin:

nodavlat umumtaʼlim muassasalari binolarini qurish uchun davlat sherigiga doimiy foydalanishga berilgan yer uchastkalari bepul asosda ijaraga berilganda — kamida 30 yil;

mavjud umumtaʼlim muassasalarini rekonstruksiya qilish va jihozlash sharti bilan nodavlat umumtaʼlim muassasalari obyektlarini qurish uchun yer uchastkalari begʻaraz berilganda — kamida 20 yil;

yuklanganlik koeffitsiyenti past boʻlgan yoxud rekonstruksiya qilish yoki taʼmirlashni (qayta jihozlashni) talab etadigan mavjud umumtaʼlim muassasalari ijaraga berilganda — kamida 30 yil;

boʻsh turgan davlat mulki obyektlari, shu jumladan faoliyat koʻrsatmayotgan umumtaʼlim muassasalarining binolari “nol” xarid qiymatida sotilganda — kamida 30 yil;

umumtaʼlim muassasalarining foydalanilmayotgan binolari (yoki ularning bir qismi) xususiy sheriklarga maqsadli foydalanish uchun ijara toʻlovining “nol” stavkasi bilan ijaraga berilganda — 30 yilgacha;

xususiy sherikning mulki negizida tashkil etilgan nodavlat umumtaʼlim tashkilotlari moddiy taʼminlanganda — kamida 10 yil.

Tadbirkorlik subyektlariga davlat-xususiy sheriklik shartlarida berilgan obyektlarda faoliyat boshlagan nodavlat umumtaʼlim tashkilotining kelishuvning amal qilish muddati davomida oʻz faoliyatini qayta ixtisoslashtirishi taqiqlanadi.

13. Oʻzbekiston Respublikasi Prezidentining 2017-yil 15-sentabrdagi “Nodavlat taʼlim xizmatlari koʻrsatish faoliyatini yanada rivojlantirish chora-tadbirlari toʻgʻrisida”gi PQ-3276-son qarorida nazarda tutilgan imtiyozlarning amal qilish muddati 2030-yil 1-yanvarga qadar uzaytirilsin.

Quyidagilar:

Oʻzbekiston Respublikasida ishlab chiqarilmaydigan, belgilangan tartibda shakllantiriladigan roʻyxatlar boʻyicha nodavlat maktabgacha va umumiy oʻrta taʼlim tashkilotlarini jihozlash va faoliyatini taʼminlash uchun olib kiriladigan zamonaviy oʻquv va laboratoriya uskunalari, kompyuter texnikasi, dasturiy mahsulotlar, oʻquv va ilmiy-metodik adabiyotlar, anjomlar va moddiy-texnik resurslar 2030-yil 1-yanvarga qadar muddatga bojxona toʻlovlaridan (bojxona rasmiylashtiruvi uchun yigʻimlar bundan mustasno);

Vazirlik oʻqituvchilarning oʻz kasb faoliyatini amalga oshirishi chogʻida huquq va erkinliklari buzilganligi toʻgʻrisidagi daʼvolar boʻyicha davlat boji toʻlashdan ozod qilinsin.

14. Ichki ishlar vazirligi Vazirlikning buyurtmanomalari boʻyicha xorijiy oʻqituvchilar va mutaxassislarga, shuningdek, ularning oila aʼzolariga belgilangan tartibda koʻp martalik vizalar berilishi va uzaytirilishini, shuningdek, Oʻzbekiston Respublikasidagi turgan joyi boʻyicha roʻyxatdan oʻtkazilishi va uning muddati uzaytirilishini taʼminlasin.

15. Kambagʻallikni qisqartirish va bandlik vazirligi Vazirlikning buyurtmanomalariga muvofiq respublikaga xorijiy oʻqituvchilar va mutaxassislarni jalb etish uchun belgilangan tartibda ruxsatnoma berilishini (uzaytirilishini), shuningdek, ushbu xorijiy fuqarolarga Oʻzbekiston Respublikasi hududida mehnat faoliyatini amalga oshirish huquqiga tasdiqnomalar berilishini (uzaytirilishini) taʼminlasin.

16. A. Avloniy nomidagi Pedagoglarni kasbiy rivojlantirish va yangi metodikalarga oʻrgatish milliy-tadqiqot institutida umumtaʼlim muassasalari rahbarlarining maktab taʼlimi sohasida menejerlik koʻnikmalarini shakllantirish kurslari (keyingi oʻrinlarda — kurslar) tashkil etilsin.

Vazirlik:

bir oy muddatda kurslarni tashkil etish tartibini tasdiqlasin;

umumtaʼlim muassasalari rahbarlari xalq taʼlimi tizimi rahbar kadrlari malakasini oshirish uchun nazarda tutilgan mablagʻlar doirasida bosqichma-bosqich kurslarda oʻqitilishini taʼminlasin.

17. Vazirlik va Qurilish vazirligi 2019-yil 1-martga qadar muddatda xalq taʼlimi muassasalari bino va inshootlarining holatini yalpi xatlovdan va texnik koʻrikdan oʻtkazsin hamda natijalari boʻyicha ushbu muassasalarni rekonstruksiya qilish, kapital taʼmirlash, mebel, inventar va boshqa texnika vositalari bilan jihozlashning 2020 — 2022-yillarga moʻljallangan manzilli dasturini Oʻzbekiston Respublikasi Vazirlar Mahkamasiga kiritsin.

Belgilansinki, umumtaʼlim muassasalarini qurish, rekonstruksiya qilish va kapital taʼmirlashning manzilli roʻyxatlari har yili Vazirlik tomonidan Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda shakllantiriladi hamda navbatdagi yilgi Oʻzbekiston Respublikasining rivojlanish davlat dasturlariga kiritiladi.

18. 2018 — 2021-yillarda Oʻzbekiston Respublikasi xalq taʼlimi tizimini yanada takomillashtirish boʻyicha chora-tadbirlar dasturi 3-ilovaga muvofiq tasdiqlansin.

Vazirlik va idoralar rahbarlari zimmasiga chora-tadbirlar dasturida nazarda tutilgan tadbirlar oʻz vaqtida va samarali amalga oshirilishi uchun shaxsiy javobgarlik yuklansin.

19. Vazirlik:

a) Oliy va oʻrta maxsus taʼlim vazirligi, Maktabgacha taʼlim vazirligi, “Oʻzbekkino” milliy agentligi, Oʻzbekiston Milliy teleradiokompaniyasi, Oʻzbekiston matbuot va axborot agentligi bilan birgalikda 2018-yil 1-noyabrga qadar muddatda oʻqituvchi kasbining nufuzi va ijtimoiy maqomini oshirish boʻyicha maʼrifiy dasturni ishlab chiqsin va tasdiqlasin, unda quyidagilar nazarda tutilsin:

Oʻzbekiston Milliy teleradiokompaniyasining “Madaniyat va maʻrifat” telekanalini taʼlim tizimining bosh axborot sherigi etib belgilash;

jamiyatda oʻqituvchi kasbining nufuzini keng targʻib qilish, oʻquvchilar erishayotgan yutuqlarni ommalashtirish, taʼlim sohasidagi dolzarb muammolarni yoritish, maxsus televizion taʼlim dasturlarini uzatish boʻyicha tizimli ishlarni yoʻlga qoʻyish;

mahalliy ijro etuvchi hokimiyat organlari, vazirlik va idoralar, shuningdek, taʼlim muassasalari faoliyati bilan bogʻliq boshqa tashkilotlar rahbarlarining televideniye va boshqa ommaviy axborot vositalarida mamlakatda amalga oshirilayotgan keng koʻlamli islohotlarning mazmun-mohiyati va ahamiyatini tushuntirish yuzasidan chiqishlarini tashkil etish;

b) Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi, Yer resurslari, geodeziya, kartografiya va davlat kadastri davlat qoʻmitasi bilan birgalikda 2019-yil 1-yanvarga qadar muddatda umumtaʼlim muassasalari mulkini puxta xatlovdan oʻtkazsin va natijalari boʻyicha ulardan samarali foydalanish boʻyicha “yoʻl xaritalari”ni tasdiqlasin;

v) Oʻzbekiston Respublikasi Bandlik va mehnat munosabatlari vazirligi bilan birgalikda uch oy muddatda 2019-yil 1-sentabrdan boshlab direktorlar menejerlik koʻnikmalariga ega boʻlishiga doir majburiy talabni oʻz ichiga olgan direktorlarni sertifikatlashtirish tizimini bosqichma-bosqich joriy etishni, shuningdek, direktor oʻrinbosarlarining masʼuliyatini oshirishni nazarda tutgan holda umumtaʼlim muassasalari rahbarlariga qoʻyiladigan malaka talablarini qayta koʻrib chiqsin.

20. Quyidagilarga:

Oʻzbekiston Respublikasi Bosh vazirining oʻrinbosari A.A. Abduhakimov zimmasiga ushbu qarorga muvofiq tashkil etilayotgan muassasalar va tashkilotlar faoliyati samarali va toʻlaqonli tashkil etilishi, ular ishida yuzaga keladigan muammolar oʻz vaqtida hal etilishi uchun;

Oʻzbekiston Respublikasi Bosh vazirining oʻrinbosari — moliya vaziri J.A. Qoʻchqorov zimmasiga ushbu qarorda nazarda tutilgan, shu jumladan Vazirlikning tegishli jamgʻarmalariga oʻtkazilishi shart boʻlgan zarur mablagʻlar Oʻzbekiston Respublikasi Davlat budjetidan oʻz vaqtida va toʻliq hajmda ajratilishi uchun;

Oʻzbekiston Respublikasi Bosh vazirining oʻrinbosari — Oʻzbekiston Respublikasi Investitsiyalar boʻyicha davlat qoʻmitasi raisi S.R. Xolmuradov zimmasiga xalq taʼlimi tizimi muassasalarining real ehtiyojlari 2019-yil va keyingi yillarda Oʻzbekiston Respublikasining rivojlantirish davlat dasturlariga toʻliq kiritilishi, xalq taʼlimini, shu jumladan muvaffaqiyatli xalqaro maktab tarmoqlarini rivojlantirish uchun xalqaro grantlar va xorijiy investitsiyalar jalb etilishi uchun shaxsiy javobgarlik yuklansin.

21. Moliya vazirligi ushbu qarorni amalga oshirish uchun zarur mablagʻlarni 2018-yilda ajratsin, 2019-yildan boshlab esa har yili Oʻzbekiston Respublikasi Davlat budjeti parametrlarida nazarda tutsin.

22. Oʻzbekiston Respublikasi Vazirlar Mahkamasi:

bir oy muddatda Vazirlik toʻgʻrisidagi nizomni, shu jumladan uning rahbarlari, xodimlari va boʻlinmalari faoliyati samaradorligini baholash tizimini tasdiqlasin;

2018-yil 1-dekabrga qadar Oʻzbekiston Respublikasi Xalq taʼlimi vazirligi, Maktabgacha taʼlim vazirligi hamda Oliy va oʻrta maxsus taʼlim vazirligi oʻrtasida uzluksiz taʼlimni taʼminlash sohasida idoralararo hamkorlikning samarali va barqaror mexanizmini ishlab chiqsin va joriy etsin.

24. Oʻzbekiston Respublikasi Prezidentining 2017-yil 30-sentabrdagi “Oʻzbekiston Respublikasi Xalq taʼlimi vazirligi faoliyatini takomillashtirish toʻgʻrisida”gi PQ-3304-son qarori oʻz kuchini yoʻqotgan deb hisoblansin.

Respublika taʼlim markazi hamda Oʻquvchilarni kasb-hunarga yoʻnaltirish va psixologik-pedagogik tashxis respublika markazi xodimlariga Vazirlikning tegishli lavozimlari uchun nazarda tutilgan mehnatga haq toʻlash va moddiy ragʻbatlantirish shartlari tatbiq etilsin.

25. Vazirlik Adliya vazirligi, boshqa manfaatdor vazirlik va idoralar bilan birgalikda ikki oy muddatda qonun hujjatlariga ushbu qarordan kelib chiqadigan oʻzgartish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin.

26. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidenti Administratsiyasi Rahbari Z.Sh. Nizomiddinov, Oʻzbekiston Respublikasi Prezidentining maslahatchisi A.A. Abduvahitov, Oʻzbekiston Respublikasi Prezidenti maslahatchisining birinchi oʻrinbosari B.M. Mavlonov va Oʻzbekiston Respublikasi Bosh vazirining oʻrinbosari A.A. Abduhakimov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2018-yil 5-sentabr,

PQ-3931-son

Oʻzbekiston Respublikasi Prezidentining 2018-yil 5-sentabrdagi PQ-3931-son qaroriga 3-ILOVA

2018 — 2020-yillarda Oʻzbekiston Respublikasi xalq taʼlimi tizimini yanada rivojlantirish

CHORA-TADBIRLAR DASTURI

T/rChora-tadbirlar nomiAmalga oshirish mexanizmiBajarish muddatlariMasʼul ijrochilarI. Xalq taʼlimi sohasida qonunchilikni takomillashtirish1.Oʻzbekiston Respublikasining “Oʻqituvchining maqomi toʻgʻrisida”gi Qonuni loyihasini ishlab chiqish va Vazirlar Mahkamasiga kiritish, bunda quyidagilarni nazarda tutish:oʻqituvchining maqomi, pedagogik faoliyat tamoyillari;oʻqituvchilar malakasini oshirish tizimini takomillashtirish;oʻqituvchining qadr-qimmatini himoya qilish kafolatlari, shu jumladan ularning kasb faoliyati bilan bogʻliq boʻlmagan ishlarga jalb qilinishini taqiqlash, bunda aybdor shaxslarning javobgarligini kuchaytirish;ijtimoiy taʼminot va yakka tartibda pedagogik faoliyatni yuritish huquqini mustahkamlash;oʻzining kasbiy huquqlari va manfaatlarini himoya qilish maqsadida oʻqituvchilarga assotsiatsiya va boshqa tashkilotlarga birlashish huquqini belgilash;Qonun2019-yil1-fevralga qadarXTV (Sh. Shermatov), Oliy va oʻrta maxsus taʼlim vazirligi (I. Majidov),Moliya vazirligi (A. Haydarov), vazirlik va idoralar2.Umumiy oʻrta taʼlim sohasida nodavlat taʼlim xizmatlarini amalga oshirayotgan (keyingi oʻrinlarda — nodavlat taʼlim muassasasi) yuridik shaxslarning bitiruvchilariga davlat tomonidan belgilangan namunada taʼlim toʻgʻrisidagi hujjatlarni (guvohnoma, shahodatnoma) berish tartibini ishlab chiqish va tasdiqlash.Normativ-huquqiy hujjat2018-yil10-oktabrga qadarXTV (Sh. Shermatov), Taʼlim sifatininazorat qilish davlat inspeksiyasi(U. Toshkenboyev), Oʻzbekiston nodavlat taʼlim muassasalari assotsiatsiyasi(F. Vaxabova)3.Nodavlat taʼlim muassasalari faoliyatini tartibga soluvchi normativ-huquqiy hujjatlar loyihalarini ishlab chiqish, shu jumladan mazkur tashkilotlar toʻgʻrisida namunaviy ustav (nizomni) tasdiqlash.Normativ-huquqiy hujjatlar2019-yil1-yanvarga qadarTaʼlim sifatininazorat qilish davlat inspeksiyasi (U. Toshkenboyev), XTV (Sh. Shermatov).4.Oʻquvchilarning yillik kontingentidan oʻn foizidan kam boʻlmagan miqdorda ijtimoiy qoʻllab-quvvatlashga muhtoj oilalarning iqtidorli va qobiliyatli bolalarini nodavlat taʼlim muassasalariga bepul (grant) asosida oʻqishga qabul qilish uchun tanlov oʻtkazish tartibini ishlab chiqish va tasdiqlash.Qoʻshmaqaror2019-yil1-yanvarga qadarXTV (Sh. Shermatov),Oʻzbekiston nodavlat taʼlim muassasalari assotsiatsiyasi(F. Vaxabova)5.Oʻzbekiston nodavlat taʼlim muassasalari assotsiatsiyasi huzurida nodavlat taʼlim muassasalari pedagogik kadrlarini qayta tayyorlash va malakasini oshirish kurslarini ochish.Tashkiliy chora-tadbirlar2019-yil1-yanvarga qadarOʻzbekiston ??�odavlat taʼlim muassasalari assotsiatsiyasi(F. Vaxabova)6.Farzandlari nodavlat taʼlim muassasalarida bepul (grant) asosida taʼlim olayotgani uchun jismoniy shaxslarning moddiy manfaatdorligi koʻrinishidagi daromadlari soliqqa tortilmasligi tartibini joriy etish boʻyicha takliflar kiritish.Oʻzgartirishlarni qonunchilikka kiritish2019-yil1-yanvarga qadarMoliya vazirligi (A. Haydarov),DSQ (B. Musayev), Oʻzbekiston Respublikasi Prezidenti huzuridagi Loyiha boshqaruvi milliy agentligi (D. Li)7.Qayta chop etish muddatlarini uzaytirish, ikki yillik moslashuvni joriy etish hamda darsliklarni tanlov asosida tanlab olish tartibini bekor qilishni oʻz ichiga olgan holda umumiy oʻrta taʼlim (keyingi oʻrinlarda — umumtaʼlim muassasalari) muassasalari uchun oʻquv va oʻquv-metodik adabiyotlarni chop etish tartibini takomillashtirish.Buyruq2018-yil1-dekabrga qadarXTV (Sh. Shermatov)8.Umumiy taʼlim muassasalariga bolalarni qabul qilish boʻyicha davlat xizmatlarini koʻrsatish maʼmuriy reglamentini tasdiqlash toʻgʻrisida hukumat qarorini ishlab chiqish va Oʻzbekiston Respublikasi Vazirlar Mahkamasiga kiritish.Vazirlar Mahkamasiningqarori2019-yil1-yanvarga qadarAdliya vazirligi (R. Davletov),XTV (Sh. Shermatov), Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi (Sh. Sodiqov)9.Oʻzbekiston Respublikasi Moliya vazirligi huzuridagi Taʼlim va tibbiyot muassasalari moddiy-texnik bazasini rivojlantirish jamgʻarmasining aktiv va passivlarini Xalq taʼlimini rivojlantirish jamgʻarmasiga oʻtkazishni nazarda tutuvchi Oʻzbekiston Respublikasi Xalq taʼlimi vazirligi huzuridagi Xalq taʼlimini rivojlantirish jamgʻarmasi va Respublika kitob jamgʻarmasi faoliyatini tashkil etish toʻgʻrisidagi hukumat qarorini ishlab chiqish va Oʻzbekiston Respublikasi Vazirlar Mahkamasiga kiritish.Normativ-huquqiy hujjat2018-yil1-noyabrga qadarXTV (Sh. Shermatov),Moliya vazirligi(A. Haydarov)10.Umumtaʼlim muassasalari rahbarlarini lavozimga tayinlash va ozod etishning yangi tartibini nazarda tutuvchi yangi tahrirdagi umumiy taʼlim toʻgʻrisidagi nizomni ishlab chiqish va tasdiqlash.Vazirlar Mahkamasiningqarori2018-yil1-noyabrga qadarXTV(Sh. Shermatov)II. Taʼlim sifatini yaxshilash va innovatsion taʼlim texnologiyalarini joriy etish11.Oʻzbekiston Respublikasi Davlat budjeti parametrlarida ushbu maqsadlar uchun ajratilgan mablagʻlar doirasida umumiy oʻrta taʼlimning yangi davlat taʼlim standartlari va oʻquv dasturlarini takomillashtirish,shu jumladan STEAM (ilm-fan, texnologiya, muhandislik, sanʼat va matematika) usulini bosqichma-bosqich joriy etish.Tashkiliychora-tadbirlar2018-yil1-dekabrga qadarXTV (Sh. Shermatov)12.Jahonning yetakchi mamlakatlariga(SABA, Osiyo va Amerika) safarlar uyushtirgan holda taʼlim sifatini oshirish va taʼlim-tarbiya jarayonini takomillashtirish boʻyicha ilgʻor tajribani oʻrganish va umumlashtirish.Tashkiliy chora-tadbirlar kompleksi2021-yil1-yanvarga qadarXTV (Sh. Shermatov),TIV (A. Kamilov)13.Oʻquvchilarning bilimlari darajasini baholash boʻyicha xalqaro dasturlar va tadqiqotlarda:PISA (15-16 yoshli oʻquvchilarning matematika, oʻqish va tabiatshunoslik savodxonligini baholash) oʻquvchilarning taʼlimdagi yutuqlarini baholash boʻyicha xalqaro dasturda;TIMSS (4 va 8-sinf oʻquvchilarining matematika va tabiiy-ilmiy savodxonligini baholash) maktab matematik va tabiiy-ilmiy taʼlim sifati xalqaro tadqiqotida;PIRLS(boshlangʻich maktab oʻquvchilarining matnni oʻqish va tushunish sifati darajasini baholash) oʻqish va matnni tushunish sifati xalqaro tadqiqotida Oʻzbekiston Respublikasi ishtirok etishini taʼminlash.Tashkiliy chora-tadbirlar kompleksi2019-yil1-yanvarga qadarTaʼlim sifatini nazorat qilish davlat inspeksiyasi (U. Toshkenboyev),XTV (Sh. Shermatov)14.TALIS taʼlim berish va oʻqitish tizimini xalqaro oʻrganishda (maktablarda oʻqituvchilarning mehnat sharoitlari va taʼlim muhitini baholash) Oʻzbekiston Respublikasi ishtirokini taʼminlash.Tashkiliychora-tadbirlar kompleksi2019-yil1-yanvarga qadarTaʼlim sifatininazorat qilish davlat inspeksiyasi (U. Toshkenboyev), XTV (Sh. Shermatov)15.Barcha taʼlim muassasalarida mavjud yongʻin xavfsizligi qoidalari, sanitariya meʼyorlari, gigiyena normativlari va qoidalari buzilishini oldini olish va bartaraf etish boʻyicha chora-tadbirlar dasturini ishlab chiqish.Chora-tadbirlar dasturitasdiqlash —2018-yil1-noyabrga qadaramalga oshirish — 2018 — 2020-yillarXTV (Sh. Shermatov), Taʼlim sifatininazorat qilish davlat inspeksiyasi (U. Toshkenboyev), Sogʻliqni saqlash vazirligi (A. Shodmonov), IIV (P. Bobojonov), manfaatdor vazirliklar va idoralar16.Kasb-hunar kollejlari va akademik litseylarning boʻshayotgan yotoqxonalari negizida umumtaʼlim muassasalari oʻqituvchilari uchun oilaviy yotoqxonalar tashkil etish.Hukumat komissiyasiqarori2018-yil1-noyabrga qadarVazirlar Mahkamasi (A. Abduxakimov),XTV (Sh. Shermatov), Moliya vazirligi (A. Haydarov), Oliy va oʻrta maxsus taʼlim vazirligi (I. Majidov)17.Quyidagilarni oʻz ichiga qamrab olgan,Oʻzbekiston Respublikasi Xalq taʼlimi vazirligi huzurida “Xalq taʼlimi sohasida loyiha hujjatlariga texnik topshiriqlarni ishlab chiqish va qurilish obyektlari sifatini monitoring qilish boʻyicha injiniring kompaniyasi” DUK faoliyatini tashkil etish:nizom (ustav)lar, tuzilmalar va shtat jadvallarinitasdiqlash;tegishli asbob-uskunalar, mebel, kompyuter texnikasi va internet bilan taʼminlash, Internet tarmogʻiga ulash;malakali kadrlar bilan toʻldirish.Tashkiliy chora-tadbirlar kompleksi2018-yil1-noyabrga qadarXTV (Sh. Shermatov)18.Oʻzbekiston Respublikasi Xalq taʼlimi vazirligi tizimidagi gazeta va jurnallar tahririyatlari faoliyatini, shu jumladan adadi, obunasi va sotilishi hamda kelgusida moliyalashtirishning maqsadga muvofiqligi va boshqa masalalarni tanqidiy oʻrganishni tashkil qilish. Oʻrganish natijalari boʻyicha mazkur sohada ishlar ahvolini yaxshilash boʻyicha Oʻzbekiston Respublikasi Vazirlar Mahkamasiga aniq takliflar kiritish.Tahliliy maʼlumot Vazirlar Mahkamasiningqarori2018-yil1-noyabrga qadar2018-yil1-dekabrga qadarXTV (Sh. Shermatov), Moliya vazirligi (A. Haydarov), Oʻzbekiston Matbuotva axborot agentligi (L. Tangriyev)19.A. Avloniy nomidagi Xalq taʼlimi tizimi rahbar va mutaxassis xodimlarini qayta tayyorlash va malakasini oshirish instituti tuzilmasida rekruting va xalq taʼlimi muassasalari rahbarlari va xodimlarini rivojlantirish markazini tashkil etish.Buyruq2018-yil1-oktabrga qadarXTV (Sh. Shermatov)20.Umumtaʼlim muassasalarida bolalar oʻrtasida taʼqib etish va zoʻrlik qilishni (bullingning) oldini olish va profilaktika qilish boʻyicha chora-tadbirlarni amalga oshirish.Tashkiliychora-tadbirlar kompleksi2018-yil1-dekabrga qadarXTV (Sh. Shermatov), IIV (P. Bobojonov),Bosh prokuratura (S. Saidkarimov)21.Taʼlim muassasalari pedagog xodimlari va rahbarlari faoliyatining samaradorligini baholash mezonlarini ishlab chiqish va joriy etish.Buyruq2018-yil1-noyabrga qadarTaʼlim sifatini nazorat qilish davlat inspeksiyasi (U. Toshkenboyev),XTV (Sh. Shermatov)III. Xalq taʼlimi tizimiga axborot-kommunikatsiya texnologiyalarini joriy etish22.Interaktiv taʼlim xizmatlarini koʻrsatish uchun quyidagilarni oʻz ichiga olgan taʼlim portalini tashkil etish:taʼlim muassasalari elektron maʼlumotlar bazasini;oʻquvchilarning davomati va oʻzlashtirishini hisobga olish elektron tizimini (elektron jurnal, kundaligi va tabel) yaratish;boshqa elektron xizmatlar koʻrsatish.Tashkiliychora-tadbirlar kompleksi2018 — 2021-yillardaXTV (Sh. Shermatov), Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi (Sh. Sodiqov),Moliya vazirligi (A. Haydarov)23.Bank va boshqa tizimlar bilan integratsiya qilish imkoniyati boʻlgan umumtaʼlim muassasalari oʻquvchilarining identifikatsion kartalarini (ID-karta, NFS belgi va boshqalar) joriy etish.Texnik loyiha2020-yil1-yanvarga qadarXTV (Sh. Shermatov), Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi (Sh. Sodiqov), manfaatdor vazirlik va idoralar24.Umumtaʼlim muassasalariga homiylik yordami koʻrsatish va koʻmaklashish boʻyicha elektron tizim yaratish.Umumtaʼlim muassasalariga homiylik yordami koʻrsatayotgan shaxslarga soliq va boshqa preferensiyal�rni taqdim etish boʻyicha takliflar kiritish.Texnik loyiha Analitik maʼlumot2018-yil1-oktabrga qadar2018-yil1-noyabrga qadarXTV (Sh. Shermatov), Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi (Sh. Sodiqov),DSQ (B. Musayev)25.Umumtaʼlim muassasalari oʻquvchilariga jismoniy shaxslarning personal identifikatsion raqamini berish boʻyicha (PIN JSH) chora-tadbirlar koʻrish.Tashkiliy-texnikchora-tadbirlar kompleksi2020-yil1-yanvarga qadarDPM (N. Turaxodjayev), IIV (P. Bobojonov), Adliya vazirligi (R. Davletov), Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi (Sh. Sodiqov),XTV (Sh. Shermatov)26.Xalq taʼlimi muassasalarini keng polosali Internet tarmogʻiga ulanishini taʼminlash (tomonlar kelishuviga asosan,yildan-yilga tezlikni oshirishni hisobga olgan holda, tezlikni kamida 10 Mb/sdan kam boʻlmasligini taʼminlash):2018-yil iyun oyi oxiriga qadar — respublikava viloyat darajasida;2019-yil oxiriga qadar — tuman darajasida;2021-yil oxiriga qadar barcha umumtaʼlim muassasalarini qamrab olish.Tashkiliychora-tadbirlar kompleksi2018 — 2021-yillardaOʻzbekiston Respublikasi Axborot texnologiyalari va kommunikatsiyalarini rivojlantirish vazirligi(Sh. Sodiqov), Investitsiyalar boʻyicha davlat qoʻmitasi (S. Bekenov), Moliya vazirligi (A. Haydarov), XTV (Sh. Shermatov)27.Xalq taʼlimi tizimi budjet loyihasini shakllantirish boʻyicha elektron maʼlumotlar bazasini yaratish.Xalq taʼlimini moliyalashtirishkompleks tizimini ishlab chiqish va joriy etish, shu jumladan moliyaviy mablagʻlarni rejalashtirish, budjetlashtirish, taqsimlash va nazorat qilish.Jahon banki va Oʻzbekiston Respublikasi Moliya vazirligi tomonidan amalga oshirilayotgan institutsional rivojlanish loyihasini moliyalashtirish doirasida Oʻzbekiston Respublikasi Xalq taʼlimi vazirligini tajriba idorasi sifatida belgilash.Tashkiliy-texnikchora-tadbirlar kompleksi2019-yil1-iyunga qadarXTV (Sh. Shermatov), Moliya vazirligi (A. Haydarov)28.2018-yil 1-noyabrdan boshlab eksperiment tartibida Toshkent shahar Mirzo Ulugʻbek tumanida umumtaʼlim, shu jumladan nodavlat taʼlim muassasalarini jon boshiga vaucher moliyalashtirish tizimini (“pul oʻquvchidan keyin boradi” tamoyili) joriy etish.Buyruq2018-yil1-noyabrga qadarXTV (Sh. Shermatov)29.Respublikada mazkur maqsadlar uchun ajratiladigan budjet mablagʻlarini shakllantirishning amaldagi tartibini tanqidiy tahlil qilish va xalqaro ilgʻor tajribani oʻrganish asosida 2019/2020 oʻquv yilidan boshlab, shu jumladan umumiy oʻrta taʼlimning jon boshiga vaucher moliyalashtirilishining yangi tartibini bosqichma-bosqich joriy etish toʻgʻrisidagi takliflarni kiritish.Normativ-huquqiy hujjat2019-yil1-avgustga qadarXTV (Sh. Shermatov), Moliya vazirligi (A. Haydarov)30.Moliyalashtirishning aniq manbalarini belgilagan holda, 2019-2020-yillarda xalq taʼlimini boshqarishni avtomatlashtirish va umumtaʼlim muassasalari axborot tizimlarini kompyuterlashtirilishini yanada joriy etish boʻyicha chora-tadbirlar dasturini ishlab chiqish va tasdiqlash.Vazirlar Mahkamasiningqarori2019-yil1-fevralga qadarXTV (Sh. Shermatov), Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi (Sh. Sodiqov),Moliya vazirligi (A. Haydarov)31.Jismoniy va yuridik shaxslarga konsultatsiya berish va murojaatlarini qabul qilish boʻyicha Oʻzbekiston Respublikasi Xalq taʼlimi vazirligining “ishonch telefoni” negizida “jonli muloqot” ni yoʻlga quyish uchun Call-markaz tashkil qilish.Tashkiliy chora-tadbirlar2018-yil1-dekabrga qadarXTV (Sh. Shermatov), Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi (Sh. Sodiqov),Moliya vazirligi(A. Haydarov)32.Umumtaʼlim muassasalarini koʻmir bilan oʻz vaqtida taʼminlash.Tashkiliy chora-tadbirlarhar yili1-sentabrga qadar“Oʻzbekkoʻmir”(N. Dusmatov)IV. Xalq taʼlimi sohasida pedagogik kadrlarni tayyorlash tizimini takomillashtirish33.2019/2020 oʻquv yilidan boshlab oliy pedagogik taʼlim muassasalarida “Xalq taʼlimi sohasida menejment” taʼlim yoʻnalishlari boʻyicha mutaxassislar tayyorlash.Oʻzbekiston Respublikasi Prezidentiningqarori2019-yil1-martga qadarIqtisodiyot vazirligi (B. Xodjayev), Oliy va oʻrta maxsus taʼlim vazirligi (I. Majidov),XTV (Sh. Shermatov)34.Oʻzbekiston Respublikasi Xalq taʼlimi vazirligi taqdimnomasiga asosan pedagogik kadrlarga ehtiyoj yuqori boʻlgan uzoq va togʻli tumanlardan abituriyentlarni oliy pedagogik taʼlim muassasalariga imtiyozli qabul qilish kvotalari sonini koʻpaytirish.Oʻzbekiston Respublikasi Prezidentiningqarori2019-yil1-aprelga qadarIqtisodiyot vazirligi (B. Xodjayev), Oliy va oʻrta maxsus taʼlim vazirligi (I. Majidov), XTV (Sh. Shermatov), Moliya vazirligi (A. Haydarov)35.Oʻzbekiston Respublikasi Prezidenti devoni va Vazirlar Mahkamasiga rus tili va adabiyoti sohasida pedagogik kadrlarni tayyorlash va qayta tayyorlash maqsadida Oʻzbekiston Respublikasida Rossiyaning oliy taʼlim muassasalari filiallarini ochish boʻyicha takliflar kiritish.Oʻzbekiston Respublikasi Prezidentiningqarori2019-yil1-yanvarga qadarXTV (Sh. Shermatov), Oliy va oʻrta maxsus taʼlim vazirligi (I. Majidov),TIV (A. Kamilov)36.Umumtaʼlim muassasalarida chet tillarni oʻqitishni kengaytirish boʻyicha choralar koʻrish, ushbu ishlarni quyidagilar orali amalga oshirish:rus, ingliz, fransuz, nemis va boshqa tillarda taʼlim beradiganmaktablar ochish;xorijdan malakali mutaxassislarni jalb qilish, chet tillarda zamon talablariga javob beradigan oʻquv adabiyotlarni chop etish.Tashkiliy chora-tadbirlar kompleksi2018 — 2020-yillar davomidaXTV (Sh. Shermatov), MTV (A. Shin),Oliy va oʻrta maxsus taʼlim vazirligi (I. Majidov), Qoraqalpogʻiston Respublikasi Vazirlar Kengashi, viloyatlar va Toshkent shahar hokimligiV. Umumtaʼlim muassasalarining moddiy-texnik taʼminotini yaxshilash37.Quyidagilar orqali “Zamonaviy maktab” davlat dasturini ishlab chiqish va tasdiqlash:ishlab chiqilgan namunaviy loyihalar asosida ekologik toza materiallar va energiyaning muqobil turlaridan foydalangan holdazamonaviy maktablar qurish;maktablarni yangi ergonomik mebel, zamonaviy oʻquv va laborator asbob-uskunalar, oʻquv va oʻquv-metodik materiallar, kompyuter va multimedia texnikasi, shu jumladan oʻquv xonalarni videokuzatuv tizimlari bilan jihozlash.Oʻzbekiston Respublikasi Prezidentiningqarori2019-yil1-yanvarga qadarXTV (Sh. Shermatov), Qurilish vazirligi (A. Toʻxtayev), Moliya vazirligi (A. Haydarov), Investitsiyalar boʻyicha davlat qoʻmitasi (S. Bekenov)38.2020 — 2022-yillarda umumtaʼlim muassasalarini rekonstruksiya qilish, kapital taʼmirlash va jihozlash boʻyicha manzilli Dasturini ishlab chiqish va tasdiqlash, unda quyidagilarni nazarda tutish:xalq taʼlimi tizimini rekonstruksiya qilish, kapital vajoriy taʼmirlash, ularga tutash hududlarni obodonlashtirish, yoʻllarni munosib holatda saqlash;xalq taʼlimi muassasalari tizimini elektr energiya, tabiiy gaz, ichimlik suvi va boshqa kommunal xizmatlar bilan uzluksiz taʼminlashni tashkil etish;xalq taʼlimi tizimi muassasalarini yangi oʻquv yiliga va kuz-qish mavsumiga tayyorlash boʻyicha chora-tadbirlarni amalga oshirish.Vazirlar Mahkamasiningqarori2019-yil1-martga qadarXTV (Sh. Shermatov), Qurilish vazirligi (A. Toʻxtayev), Moliya vazirligi (A. Haydarov), Investitsiyalar boʻyicha davlat qoʻmitasi (S. Bekenov), Qoraqalpogʻiston Respublikasi Vazirlar Kengashi, viloyatlar va Toshkent shahar hokimligi39.Uzoq hududlarda joylashgan umumtaʼlim muassasalari filiallarini xatlovdan oʻtkazish, natijasi boʻyicha umumtaʼlim muassasalari filiallari oʻquvchilarini asosiy binolariga olib kelish (autsorsing asosida yoki maxsus avtobus sotib olish yoʻli bilan) yoki ularning moddiy-texnik bazasini yaxshilash boʻyicha chora-tadbirlarni amalga oshirish yuzasidan takliflar tayyorlash.Tashkiliy chora-tadbirlar2019-yil1-martga qadarXTV (Sh. Shermatov), Moliya vazirligi (A. Haydarov), “Oʻzavtosanoat” AJ (Sh. Umurzakov)40.Eksperiment tariqasida aralash moliyalashtirish mexanizmlarini qoʻllash orqali, alohida umumtaʼlim muassasalarini isitish va yoritish tizimlarini kompleks taʼmirlash.Vazirlar Mahkamasiningqarori2019-yil1-yanvarga qadarUy-joy kommunal xizmat koʻrsatish vazirligi (M. Saliyev), “NEK” AJ (D. Muratov), XTV (Sh. Shermatov), Moliya vazirligi (A. Haydarov)41.Umumtaʼlim muassasaning mikro hududiga kiritilmagan oʻquv muassasalarga oʻquvchilarni oʻqishga qabul qilish yoki oʻqishni koʻchirishda qoʻshimcha toʻlov joriy qilish orqali umumtaʼlim muassasalarining budjetdan tashqari manbalarini moliyalashtirishni kengaytirish.Tashkiliy chora-tadbirlar2019-yil1-martga qadarXTV (Sh. Shermatov)42.“Barkamol avlod” bolalar markazlarining moddiy-texnik bazasini yaxshilash boʻyicha chora-tadbirlarni amalga oshirish, bunda:2019 — 2025-yillarda markazlarni qurish, kapital taʼmirlash, rekonstruksiya qilish, zarur asboblar va anjomlar bilan jihozlash boʻyicha manzilli roʻyxatlarni tasdiqlash;tizimli asosda oʻquvchilar uchun sayyohlik turlarni tashkil etish maqsadida har bir hududda 100 — 150 oʻrinli “Bolalar sayyohlik bazalarini” tashkil qilish;“Barkamol avlod” bolalar markazlari “toʻgaraklari” metodistlari va rahbarlarini qayta tayyorlash va malakasini oshirishn itashkil etish.Tashkiliy chora-tadbirlar2019-yil1-iyulga qadarXTV (Sh. Shermatov), Moliya vazirligi (A. Haydarov), Iqtisodiyot vazirligi (B. Xodjayev), Qurilish vazirligi (A. Toʻxtayev), Investitsiyalar boʻyicha davlat qoʻmitasi (S. Bekenov)43.Davlat mulki hisoblangan boʻsh turgan obyektlarni xatlovdan oʻtkazish, ularda viloyatlar xalq taʼlimi boshqarmalari va tuman (shahar) xalq taʼlimi boʻlimlarini joylashtirish.Tashkiliy chora-tadbirlar2018-yil1-dekabrga qadarQoraqalpogʻiston Respublikasi Vazirlar Kengashi, viloyatlar va Toshkent shahar hokimligi, XTV (Sh. Shermatov),Davlat raqobat qoʻmitasi (N. Sharipov)44.Kasb-hunar kollejlarining oʻquv-ishlab chiqarish komplekslarini, ularga yuridik shaxs maqomini berish orqali Oʻzbekiston Respublikasi Xalq taʼlimi vazirligiga oʻtkazishning maqsadga muvofiqligi masalasini oʻrganish.Tahliliy maʼlumot2019-yil1-martga qadarXTV (Sh. Shermatov), Oliy va oʻrta maxsus taʼlim vazirligi (I. Majidov), Iqtisodiyot vazirligi (B. Xodjayev),Moliya vazirligi (A. Haydarov)45.Umumtaʼlim maktablari 10-11-sinf oʻquvchilarini kasb-hunarga oʻqitish jarayonini muvofiqlashtirish va metodik taʼminlashni yaxshilash uchunOʻzbekiston Respublikasi Oliy va oʻrta maxsus taʼlim vazirligining Kasb-hunar taʼlimi markazi huzuridagi Kasb-hunar taʼlimi tizimini innovatsion rivojlantirish, pedagog kadrlarning malakasini oshirish va ularni qayta tayyorlash instituti hamda Metrologik nazorat xizmatiniOʻzbekiston Respublikasi Xalq taʼlimi vazirligi tasarrufiga oʻtkazishning maqsadga muvofiqligi masalasini oʻrganish.Tahliliy maʼlumot2019-yil1-martga qadarXTV (Sh. Shermatov), Oliy va oʻrta maxsus taʼlim vazirligi (I. Majidov)46.Maktablar va bolalar kutubxonalari (ishlab turgan axborot-resurs markazlarini) faoliyatini takomillashtirish va moddiy-texnik bazasini yaxshilash.Chora-tadbirlar kompleksi2018-2019yillardaXTV (Sh. Shermatov), Moliya vazirligi (A. Haydarov), Iqtisodiyot vazirligi (B. Xodjayev)

Izoh: tegishli huquqiy munosabatlarni tartibga solish sohasi va predmetidan kelib chiqqan holda, normativ-huquqiy hujjatlar yagona hujjatga birlashtirilishi mumkin.