Viloyatlar va Toshkent shahar hokimliklarining xodimlari soni va taxminiy tuzilishi toʻgʻrisida (55-son)
07.02.1992
OʻZBEKISTON RESPUBLIKASI PREZIDENTI HUZURIDAGI VAZIRLAR MAHKAMASINING
qarori
Oʻzbekiston Respublikasining mahalliy hokimiyat organlarini qayta tuzish toʻgʻrisida Oʻzbekiston Respublikasi Qonuniga muvofiq hamda viloyatlarda, shaharlarda va rayonlarda vakillik va ijroiya-boshqaruv hokimiyatining yagona organlari tuzilishi munosabati bilan Vazirlar Mahkamasi qaror qiladi:
1. Viloyatlar va Toshkent shahar hokimliklarining eng koʻp xodimlari soni va taxminiy tuzilishi 1, 2, 2a-ilovalarga muvofiq tasdiqlansin.
2. Viloyat hokimlariga hokimlarining 7 ta oʻrinbosari, shu jumladan bitta birinchi oʻrinbosari boʻlishiga ruxsat berilsin.
3. Viloyatlar va Toshkent shahar hokimliklari oʻn kun muddat ichida shahar va rayon hokimliklarining xodimlari sonini va tuzilishini, mavjud xodimlar sonini 25 foizga qisqartirishni hisobga olgan holda, tasdiqlasinlar.
4. Oʻzbekiston Respublikasi Moliya vazirligi hokimliklar apparati uchun zarur mehnat haqi fondini belgilasin.
Vazirlar Mahkamasining Raisi I. KARIMOV
Toshkent sh.,
1992-yil 7-fevral,
55-son
Vazirlar Mahkamasining 1992-yil 7-fevraldagi 55-son qaroriga 1-ILOVA
VILOYaTLAR VA TOShKENT ShAHAR HOKIMLIKLARI APPARATI XODIMLARINING SONI
Vazirlar Mahkamasining 1992-yil 7-fevraldagi 55-son qaroriga 2-ILOVA
VILOYaT HOKIMLIGINING TAXMINIY TUZILIShI
Izoh:
1. Viloyat hokimligining shtatlari soni qarorning 1-ilovasiga muvofiq belgilanadi (xizmat koʻrsatuvchi xodimlar sonidan tashqari).
2. Hokimlik rahbariyati huzurida tarmoq boʻlimlari tuzilmaydi, ish mutaxassislar guruhi tomonidan amalga oshiriladi.
Vazirlar Mahkamasining 1992-yil 7-fevraldagi 55-son qaroriga 2a-ILOVA
TOShKENT ShAHAR HOKIMLIGINING TAXMINIY TUZILIShI
Izoh:
1. Toshkent shahar hokimligining shtatlari soni qarorning 1-ilovasiga muvofiq belgilanadi (xizmat koʻrsatuvchi xodimlar sonidan tashqari).
2. Komplekslar rahbarlari huzurida tarmoq boʻlimlari tuzilmaydi, ish tegishli mutaxassislar tomonidan amalga oshiriladi.