Zulfiya nomidagi Davlat mukofoti komissiyasining yangilangan tarkibini tasdiqlash toʻgʻrisida (650-son)

13.08.2018

Oʻzbekiston Respublikasi Vazirlar Mahkamasining

qarori

Oʻzbekiston Respublikasi Prezidentining “Zulfiya nomidagi Davlat mukofotini taʼsis etish boʻyicha takliflarni qoʻllab-quvvatlash toʻgʻrisida”gi 1999-yil 10-iyundagi PF-2326-son Farmoniga oʻzgartirishlar kiritish haqida” 2018-yil 29-martdagi PF-5389-son Farmoniga muvofiq Zulfiya nomidagi Davlat mukofoti komissiyasi faoliyatini takomillashtirish, isteʼdodli qizlarni tanlash va ularning iqtidorini turli yoʻnalishlarda namoyon qilish maqsadida Vazirlar Mahkamasi qaror qiladi:

1. Zulfiya nomidagi Davlat mukofoti komissiyasining yangilangan tarkibi ilovaga muvofiq tasdiqlansin.

2. Zulfiya nomidagi Davlat mukofoti komissiyasi (T. Narbayeva)ga komissiya aʼzolari tomonidan iqtidorli qizlarning imkoniyatlarini namoyon qilish, ularning bilim va salohiyatlarini hayotga keng tatbiq etish borasidagi faoliyatini samarali tashkil etish, ushbu yoʻnalishda Zulfiya nomidagi Davlat mukofoti hududiy komissiyalariga amaliy yordam koʻrsatish tavsiya etilsin.

3. Oʻzbekiston Respublikasi Vazirlar Mahkamasining “Zulfiya nomidagi Davlat mukofoti komissiyasining yangi tarkibini tasdiqlash toʻgʻrisida” 2012-yil 31-yanvardagi 23-son qarori oʻz kuchini yoʻqotgan deb hisoblansin.

4. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — Oʻzbekiston Xotin-qizlar qoʻmitasi raisi T.K. Narbayeva zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2018-yil 13-avgust,

650-son

Vazirlar Mahkamasining 2018-yil 13-avgustdagi 650-son qaroriga ILOVA

Zulfiya nomidagi Davlat mukofoti komissiyasining

TARKIBI

1. Z. Mahkamova — Oʻzbekiston Respublikasi Bosh vazirining oʻrinbosari — Oila va xotin-qizlar davlat qoʻmitasi raisi, Komissiya raisi 2. Lavozimi boʻyicha — Oʻzbekiston Respublikasi Prezidenti maslahatchisining oʻrinbosari (kelishuv asosida) 3. B. Sayfullayev — madaniyat vaziri 4. E. Basitxanova — sogʻliqni saqlash vaziri oʻrinbosari 5. S. Saidov — Oʻzbekiston Yozuvchilar uyushmasi raisi 6. Lavozimi boʻyicha — Oʻzbekiston Respublikasi Oila va xotin-qizlar davlat qoʻmitasi huzuridagi “Oila va xotin-qizlar” ilmiy-tadqiqot instituti direktori 7. R. Ubaydullayeva — “Ijtimoiy fikr” jamoatchilik fikrini oʻrganish markazi direktori 8. J. Shermuhammedova — Oʻzbekiston Respublikasi Oila va xotin-qizlar davlat qoʻmitasi ekspert kengashi aʼzosi, falsafa fanlari nomzodi 9. D. Kattaxanova — Oʻzbekiston Yoshlar ittifoqi Markaziy Kengashi raisi oʻrinbosari, Zulfiya nomidagi davlat mukofoti sovrindori 10. G. Xoliqulova — Oʻzbekiston davlat sanʼat va madaniyat instituti ilmiy ishlar boʻyicha prorektori 11. M. Pardayeva — Xalq taʼlimi vazirligi Respublika taʼlim markazi direktori oʻrinbosari 12. Sh.Turdiqulova — Innovatsion rivojlanish vazirligi huzuridagi Ilgʻor texnologiyalar markazi direktori 13. A. Nuriddinov — Oʻzbekiston Badiiy akademiyasi raisi 14. A. Kadirov — Respublika Maʼnaviyat va maʼrifat markazi rahbari 15. I. Mirzaaliyev — Oʻzbekiston xalq shoiri 16. M. Ulugʻova — Oʻzbekiston Respublikasida xizmat koʻrsatgan madaniyat xodimi, Oʻzbekiston yozuvchilar uyushmasi aʼzosi, shoira 17. X. Komilova — “Osiyo ramzi” Oʻzbekiston dizaynerlar uyushmasi raisi 18. M. Abbosova — Oʻzbekiston Yoshlar ittifoqi muassisligidagi “Yosh ijodkorlar kengashi” nodavlat notijorat tashkiloti raisi, Zulfiya nomidagi davlat mukofoti sovrindori 19. O. Abdullayeva — Oʻzbekiston davlat konservatoriyasi bastakorlik va cholgʻulashtirish kafedrasi mudiri, Zulfiya nomidagi davlat mukofoti sovrindori 20. N. Qurbonova — Respublika “Tomosha” bolalar musiqiy teatr-studiyasi direktori 21. M. Usmonova — “Saodat” jurnali bosh muharriri, Komissiya masʼul kotibi

Izoh. Komissiyaning aʼzolari boshqa lavozimga oʻtgan taqdirda uning tarkibiga ushbu lavozimga yangidan tayinlangan yoki zimmasiga tegishli funksiyalar yuklangan shaxslar kiritiladi.