“2191-modda. Rangli metallarni, ularning parchalari va rezgi-chiqitlarini, shuningdek qora metall parchalari va rezgi-chiqitlarini tayyorlash, olish, ulardan foydalanish hamda ularni sotish qoidalarini buzish

Qimmatbaho metallar sirasiga kirmaydigan rangli metallarni, ularning parchalari va rezgi-chiqitlarini, shuningdek qora metall parchalari va rezgi-chiqitlarini tayyorlash, olish, ulardan foydalanish hamda ularni sotish qoidalarini buzish, —

rangli metallarni, ularning parchalari va rezgi-chiqitlarini, shuningdek qora metall parchalari va rezgi-chiqitlarini musodara qilib, fuqarolarga eng kam ish haqining oʻn baravaridan oʻn besh baravarigacha, mansabdor shaxslarga esa — oʻn besh baravaridan ellik baravarigacha miqdorda jarima solishga sabab boʻladi”;

10) 261-moddaning birinchi qismidagi “74-moddasining birinchi va uchinchi qismlarida” degan soʻzlar “74-moddasining birinchi, uchinchi, toʻrtinchi va beshinchi qismlarida” degan soʻzlar bilan almashtirilsin;

11) 265-modda:

birinchi qismidagi “Standartlashtirish, metrologiya va sertifikatlashtirish sohasidagi qoidalarga rioya qilinishi ustidan” degan soʻzlar “Texnik reglamentlarga, standartlashtirish, metrologiya va sertifikatlashtirish sohasidagi qoidalarga rioya qilinishi ustidan” degan soʻzlar bilan almashtirilsin:

ikkinchi qismining:

birinchi xatboshisidagi “standartlashtirish, metrologiya va sertifikatlashtirish sohasidagi qoidalarga rioya qilinishi ustidan” degan soʻzlar “texnik reglamentlarga, standartlashtirish, metrologiya va sertifikatlashtirish sohasidagi qoidalarga rioya qilinishi ustidan” degan soʻzlar bilan almashtirilsin;

ikkinchi va uchinchi xatboshilaridagi “standartlar” degan soʻz “texnik reglamentlar, standartlar” degan soʻzlar bilan almashtirilsin;

12) 3243-modda birinchi qismining oʻzbekcha matnidagi “bir oy” degan soʻzlar “ikki oy” degan soʻzlar bilan almashtirilsin.

4-modda. Oʻzbekiston Respublikasi Vazirlar Mahkamasi:

hukumat qarorlarini ushbu Qonunga muvofiqlashtirsin;

davlat boshqaruvi organlari ushbu Qonunga zid boʻlgan oʻz normativ-huquqiy hujjatlarini qayta koʻrib chiqishlari va bekor qilishlarini taʼminlasin;